23214	MAT 1:1	Guie zëëd laj ree bén na̱j xdiaagulal Jesucrist, bén zëëd ree loj xdiaa rey Davi në loj xdiaa Abraham.
23219	MAT 1:6	Isaí gojc xdad rey Davi. Dxel rey Davi con bén goc lacheel Urías guyu xiꞌn reeman brii lajman Salomón.
23230	MAT 1:17	Zian gojc, diizd xtiamp Abraham xt xtiamp rey Davi, guyu chidaj generacion, dxel chidaj generacion guyu diizd xtiamp rey Davi xt tiamp ni guzu ree bén Israel Babilonia ziꞌc bén yuꞌ ladxguiib, abiꞌ zachidaj generacion guyu diizd tiamp ni barii ree bén Israel Babilonia xt chi bidxin dxej gojl Jesucrist loj guidxliuj.
23233	MAT 1:20	Per laꞌtgaj cayüjnman xgab zian, balüüloj tijb xianjl Dios lojman loj bacaal, rëb anjl guin lojman: ―Xiëb, xdiaa Davi, ad bal rdxebil tiaꞌl Li, din xindo nüüm por xSprijt Dios zëëdix.
23270	MAT 3:9	abiꞌ ad bal rlies xvalorgajquidi, rëbidi: “Dunujn zioꞌp loj xdiaa Abraham”, din naj rni lëjt xt guiaj guie ree zileꞌ yayüjn Dios xdiaa Abraham.
23288	MAT 4:10	Badxiꞌ Jesúsan, rëbaman: ―Biquied, xindxab, din loj gajc xtiidx Dios rëb: “Gunajchiꞌ xDadil Dios, tijbzi lojman been sirv.”
23289	MAT 4:11	Dxel biquied xindxab guin lojman, abiꞌ biꞌt tioꞌp choon ree xianjl Dios persi been reeman laaman sirv.
23325	MAT 5:22	Per naj rni lojdi, chutëëz bén rdxeꞌchnë lasaꞌ, yayalaman casti, në bén rniee diidxguijdx lasaꞌ xt loj guxtis zajc cheman, guiáad bén rëb loj lasaꞌ achet sirv lüj, laaman yayal loj bajl yuꞌ gabijl.
23353	MAT 6:2	Zeel chi güünl yudar bén ryaadx xhienin, ad guitieꞌchil diidx par gagbee bejn xhie cayüjnl ziꞌc rüjn ree bén rusquiee, lën ree yadoo në ree lunejz, din guilies bejn xvalor reeman na̱j reeman benzaꞌc. Per diidxliczi rnin lojdi, laazan na̱j ni rayal reeman.
23375	MAT 6:24	’Ad zileꞌt chu güün sirv loj tioꞌp patron, din zadxeꞌchaman tijbaman abiꞌ guiënman stijbaman, o gacaman benzaꞌc con tijbaman abiꞌ ad zëntaman stijbaman. Zeel ad zileꞌt güündi sirv loj Dios në loj milia.
23401	MAT 7:16	Per zayünbeedi laa reeman por ni rüjn reeman, din ad rtiat uv loj yaquiëjch ad rtia tëët higo loj guiꞌxh guiëjch.
23462	MAT 9:14	Dxel ree xbejn Waj, bén baroobnijs bejn ree, bibig reeman loj Jesús, zianz gunabdiidx reeman lojman, rëb reeman: ―¿Chexc zeel dunujn con ree bénfarisew dád zienvolt rabaꞌnan, guiáad ree xbejnl ad rbaꞌnt reeman?
23465	MAT 9:17	Ad rguꞌ tëët reeman vin cüb lën anfr yojx din zaxyaꞌ anfr yojx guin, abiꞌ ziꞌc anfr guin ziꞌc vin guin zaxin reen. Zeel na̱j guial chuꞌ vin cüb lën anfr cüb, din niꞌqui tijb reen ad zaxint.
23475	MAT 9:27	Chi baza Jesús yagaj, binal tioꞌp bénlutiaꞌp laaman, rbixdiaj reeman, rëb reeman: ―¡Jesús, xdiaa Davi, baya dunujn!
23546	MAT 11:18	Din biꞌt Waj bén baroobnijs bejn ree, ad rawtaman ad rëꞌ tëëtaman vin, abiꞌ rëbidi xindxab yuꞌ luxdooman.
23547	MAT 11:19	Yan, biꞌt Bén guxhaal Dios, rawaman rëꞌ tëëman vin abiꞌ rëbidi nalaman ruladx tëëman guiëꞌman, ruchajg tëëman béndol ree con ree bén ruquijx impuest. Per ree bén ma caꞌ xguialrniabee Dios, por laa reeman rguien guial gra ni rüjn Dios na̱j zagdxe.
23561	MAT 12:3	Dxel rëb Jesús loj reeman: ―¿Gadidi gool loj xtiidx Dios ya ni been Davi chi gulaanman con ree xcompniaraman?
23562	MAT 12:4	Guyu Davi lën xyadoo Dios abiꞌ cwaꞌman guiadxtil ma nagleꞌ ree gudawaman con ree xcompniaraman, ni ad rayalt niajw reeman, bixhiosi ree rayal gaw laa reen.
23576	MAT 12:18	Gol baguiaa, bén guie na̱j bén gulen din güünman naj sirv, laaman na̱j bén rën daꞌtan, rabaanëꞌ tëën laaman. Gudë da Sprijtan lojman abiꞌ guiëbaman loj ree bénguidxliuj xhienaag na̱j da guialrniabeen.
23581	MAT 12:23	Graczi ree bejn dád badxaloj reeman, abiꞌ rëb reeman: ―¿Id bén guinan zëëd loj xdiaa Davi ya?
23599	MAT 12:41	Abiꞌ chi yadëëd ree bejn cwent loj Dios, bén guban ree Nínive zaban reeman abiꞌ guiëb reeman guial ree bén rigaꞌ yan, yayal reeman xcasti Dios. Din bén Nínive ree bayejc reeman loj Dios chi bacaagdiajg reeman xtiidx Dios ni gunee Jonás. Abiꞌ yan, bén zaꞌnë lëjt mazri lasajcaman guial loj Jonás.
23630	MAT 13:22	Abiꞌ bin biajb loj ree yaquiëjch na̱j ziꞌc bén riguiejn xtiidx Dios, per guial mazri ruman xgab por ni yuꞌ loj guidxliuj guie, rusquiee guialnazaꞌc rigaꞌ loj guidxliuj guie laaman, abiꞌ zianzi rucwëëz rucaagdiajgaman xtiidx Dios achet sirv been ni bacaagdiajgaman.
23641	MAT 13:33	Be tëë Jesús stijb ni na̱j ziꞌc cwent loj reeman, rëbaman: ―Xguialrniabee Dios na̱j ziꞌc levadur ni rugoꞌch tijb béngunaa choon midid harin, abiꞌ laan rusaaguij gra cob guin.
23724	MAT 15:22	Abiꞌ yagaj zojb tijb béngunaa za niz Canaán, briiman, rbixdiajman rëbaman loj Jesús: ―¡Dad, xdiaa Davi, baya naj! Da xiꞌndxaꞌpan yuꞌ bendxab luxdoom, dád rusagziman laam.
23747	MAT 16:6	Abiꞌ rëb Jesús loj reeman: ―Gol gojp cudad con xlevadur ree bénfarisew në ree bénsaducew.
23752	MAT 16:11	¿Chexc zeel ad rigniaꞌtidi guial ad guiadxtiltan cuzatan lojdi, chi rnin lojdi gapidi cudad con xlevadur ree bénfarisew në ree bénsadusew?
23753	MAT 16:12	Dxel bigniaꞌ ree xbejnman guial ad xlevadurt guiadxtilan cuzaꞌtaman loj reeman, rëbaman zian din gap reeman cudad con ni rulüü ree bénfarisew në ree bénsaducew.
23784	MAT 17:15	―Dad, baya da xiꞌnan, din dád rzagdiajx rëjtyaꞌx. Bëlczi volt riyajbix lojguij o lojnijs ya.
23817	MAT 18:21	Dxel gubig Bëd gunabdiidxaman loj Jesús, rëbaman: ―Dad, ¿bël volt rayal günan perdon lasaꞌn, bal güünman naj xhienin? ¿Xt gajdx volt ya?
23818	MAT 18:22	Badxiꞌ Jesúsan rëbaman: ―Ad gajdx voltizi rayal güün lasaꞌl perdon, rayal güünl perdon gajdx volt gayojnchii.
23860	MAT 19:29	Abiꞌ gra ree bén basaꞌn lidx, bijch, bizan, xdad, xniaa, xiꞌn, o guidxliuj ree por naj, zacaꞌ reeman tibgayuu volt mazri guial loj ni basaꞌn reeman, zajp tëë reeman guialnaban tiblayaa con Dios.
23882	MAT 20:21	Gunabdiidx Jesús lojman, rëbaman: ―¿Xhie rënl? Badxiꞌ bén guinan, rëbaman: ―Rënan nabeel cwe tijb da xiꞌnan xladbeel, stijbim xladruvejsil, chi ma canabeel.
23884	MAT 20:23	Abiꞌ rëbaman: ―Diidxliczi rnin zajc tëdidi guialzi ziꞌc na̱j ni gadëëdan, per guial cwedi da ladbeen o da ladruvejsan ya ad najt rayal ganabee, din ma najn par ree bén bacaabee da Dadan.
23887	MAT 20:26	Per con lëjt ad rayalt gac zian. Bal chu rën gac bén rniabee lojdi, rayal güünman sirv lojdi.
23888	MAT 20:27	Ziangajc bén rën gac bén zojbloj lojdi, rayal güünman sirv lojdi ziꞌc bén nadoꞌ.
23889	MAT 20:28	Ziꞌc Bén guxhaal Dios ad biꞌttaman par güün reeman sirv lojman, biꞌtaman par güünman sirv gudëë tëë xguialnabanman din laa zien bejn loj dol.
23891	MAT 20:30	Dxel tioꞌp ree bénlutiaꞌp zojb cwëꞌ nejz chi biguiejn reeman cadëd Jesús niz yagaj, gurixdiaj reeman rëb reeman: ―¡Dad, xdiaa Davi, baya dunujn!
23892	MAT 20:31	Abiꞌ rdilë ree ben guin laa reeman din yacwëëz roꞌ reeman, per mazri ribixdiaj reeman rëb reeman: ―¡Dad, xdiaa Davi, baya dunujn!
23896	MAT 21:1	Chi ma cadxin Jesús con ree xbejnman Jerusalén, niz guiedx la Betfagé, gajxh ruguiaꞌ Olivos, guxhaal Jesús tioꞌp ree xbejnman,
23904	MAT 21:9	Abiꞌ ziꞌc ree bén ned ziꞌc ree bén zidnal laaman, rbixdiaj reeman, rëb reeman: ―¡Benzaꞌc bendxoon na̱j xdiaa rey Davi! ¡Nüjnleꞌ Dios bén guxhaalaman! ¡Benzaꞌc bendxoon na̱j Dios bén yuꞌ xanyabaa!
23910	MAT 21:15	Per chi baguiaa ree bixhioz rniabee ree bixhioz con ree mextr rajc ley milagr cayüjn Jesús, biguiejn tëë reeman rëb ree xindoo lën yadoo guin: “Benzaꞌc bendxoon na̱j xdiaa rey Davi”, dxel dád bidxeꞌch reeman.
23911	MAT 21:16	Abiꞌ rëb reeman loj Jesús: ―¿Rguiejnl ni canee ree xindo guin ya? Badxiꞌ Jesúsan, rëbaman: ―Rguiejncan. Per ¿gadidi gool loj xtiidx Dios ya? Lod rëb: Lüj badëëd ni gool ree xindoo në ree xindobëz sta rëꞌ dud, din guilies reex xvaloril.
23923	MAT 21:28	Basnuu Jesús rëbaman loj ree bixhioz rniabee ree bixhioz në loj ree guxtis Israel. ―¿Xhie nadi ni ganin lëjt? Tijb bejn guyu tioꞌp xiꞌnman, dxel rëbaman loj tijbix: “Xiꞌn, wej yandxej biguieen dxiin loj guiniaa yuꞌ uv.”
23928	MAT 21:33	Rëb tëë Jesús loj reeman: ―Yan, gol bacaagdiajg ganin lëjt stijb ni na̱j ziꞌc cwent. Guyu tijb bejn guxübinman uv ree loj xguiniaaman, dxel beenman gurajl gadëd roꞌn, beenchaaw tëëman tijb luar lod grii xnijs uv guin, abiꞌ bazoobaman tijb yu ya daꞌt din guiyaꞌp guidib guiniaa guin. ’Zianz badëëdaman laan garol loj ree bén güün dxiin lojn, zëtaman zijt.
23929	MAT 21:34	Chi bidxin dxej yaruꞌ ree uv guin, guxhaalaman tioꞌp choon ree xmojsaman chigxii reeman ni rayalaman.
23936	MAT 21:41	Abiꞌ rëb reeman loj Jesús: ―Ad zayataman gugüjtaman bén guin ree, dxel gudëëman guidxliuj guin garol loj ree ben ren, bén yayü ni rayalaman chi guidxin dxej yaruꞌ ree uv guin.
23937	MAT 21:42	Dxel rëb Jesús loj reeman: ―¿Id wayolczidi loj xtiidx Dios ya? Lod rëb: Guiaj ni gulëëgoꞌn ree bén rüjn yu. Laan goc ni mazri been sirv gojcnë yu guin. Laan na̱j ni been Dios, abiꞌ dád radxa du loj ree.
23983	MAT 22:42	―¿Xhie xgab rüjndi por Cristo? ¿Chu loj xdiaa zaman? Badxiꞌ reeman laan rëb reeman: ―Loj xdiaa Davi.
23984	MAT 22:43	Dxel rëb Jesús loj reeman: ―Per, ¿chexquiza zeel por xSprijt Dios rëb Davi lojman, Dad? Din Davi rëb:
23986	MAT 22:45	Yan, bal xiꞌn Davi na̱j Cristo, ¿chexquiza zeel rëb Davi lojman Dad?
23998	MAT 23:11	Bén mazri zojbloj lojdi, laaman rayal güün sirv lojdi.
23999	MAT 23:12	Din bén rlies xvalor gajc achet lasajcaman. Guiáad bén rüjn naya, zajs xvaloraman.
24012	MAT 23:25	’¡Probza lëjt mextr rajc ley në lëjt bénfarisew, bén rusquiee!, rusiadi xijch ree vajs në xijch ree pliajt na̱j nadxuudx, guiáad luxdoodi guidxa ni dxuudx, në guialgubaan nëtëë guialrdxeꞌch lasaꞌ.
24024	MAT 23:37	Rëb tëë Jesús: ―¡Bén Jerusalén, bén Jerusalén, rugüjtidi bén rudëë ree xtiidx Dios loj ree bejn abiꞌ rucaaguiajdi bén rxhiaal Dios lojdi! ¡Bëlczi volt guyënan nuchagan lasaꞌdi, ziꞌc rüjn tijb gui̱d ruchajg lasaꞌ ree xiꞌnb lën xhiilib, per ad gutiëjbtidi!
24029	MAT 24:3	Laꞌtgaj zojb Jesús guijc guiaꞌ la Olivos, gubig ree xbejnman lojman, rëb reeman: ―Rayënan nal goc gac zian. ¿Xhie ree sen gac chi ma zidyob guiꞌtil stijb, në chi ma zidyob nit guidxliuj?
24041	MAT 24:15	’Zianan zeel chi guguiaadi zojb tijb ni dxuudx, ni ad rüjnt sirv lën yadooroꞌ Jerusalén, ziꞌc gunee Daniel bén badëë xtiidx Dios loj ree bejn (bén gool guiꞌch guie ree, gol bigniaꞌ),
24107	MAT 25:30	Abiꞌ mojs ad rünjt sirv guin gol bazaalix xchuni lod nacay, lod goonx, lod gaw tëë layix.”
24110	MAT 25:33	Abiꞌ guzujman bén na̱j ree xbejnman xladbeeman, guiáad ree bén ad najt xbejnman guzujman xladruvejsaman.
24118	MAT 25:41	’Dxel guiëbaman loj ree bén zaꞌ xladruvejsaman: “Gol biquied lon, benmal gol chej loj bajl ni ad yuꞌt dxej yayüꞌ ni ma na̱j par xindxab në ree xbejnx.
24140	MAT 26:17	Dxej ni guzuloj lanij ni raw ree bejn guiadxtil ni ad yuꞌt levadur, gubig ree xbejn Jesús lojman, rëb reeman: ―¿Ban guin rënl yaguieenchaawan ni yadaaw ree guxhin lanij pascw?
24150	MAT 26:27	Dxel cwaꞌman tib cojp vin, chi gulox badëëdaman quixtëë loj Dios, badëëdaman cojp guin loj reeman, rëbgajman: ―Gol guꞌ gradi loj cojp guie.
24152	MAT 26:29	Abiꞌ diidxliczi rnin lëjt ad yuꞌtri dxej guiëꞌn vin rajcchaawnë uv, xt chi guidxin dxej guiëꞌnëꞌn lëjt vin cüb lod rniabee da Dadan.
24153	MAT 26:30	Chi gulox biil reeman tijb cant par Dios, dxel zë reeman guijc guiaꞌ Olivos.
24157	MAT 26:34	Per rëb Jesús lojman: ―Diidxliczi rnin lojl, yan guxhin gajc chi gad gui̱d cwidxaꞌ, mal rëbil choon volt guial ad nünbeetil naj.
24165	MAT 26:42	Ni barojp volt wejman gurejdx gunabaman Dios, rëbaman: ―Dad, bal id zileꞌ tëd guialzi ni na̱j gadëëdan, bal rüjn naguiejn gadëëdanan gacri ziꞌc rënl.
24167	MAT 26:44	Dxel basaꞌnman laa reeman stijb, zëman, bayon volt cabejdx canabaman Dios con diidx guin gajc ree.
24198	MAT 26:75	Abiꞌ basaaladxaman guial rëb Jesús lojman: “Chi gad gui̱d cwidxaꞌ, mal rëbil choon volt ad nünbeetil naj.” Dxel barii Bëd yagaj abiꞌ dád naya biinman.
24231	MAT 27:33	Chi bidxin reeman tijb luar la Gólgota (rën guiëban Xluar Calaver),
24232	MAT 27:34	ni badëëd reeman vin, noꞌchan nijs nala daꞌt guiëꞌ Jesús. Per chi beenman laan prueb, ad cwëjbtaman niëꞌman laan.
24236	MAT 27:38	Në tioꞌp xin gubaan bacaa reeman loj crüjz, tijbix xladbee Jesús stijbix xladruvejsaman.
24246	MAT 27:48	Laa baxüün gajc tijbaman bicajdxaman tijb xiil loj vinagr, abiꞌ bacaaman laan loj tijb yag zianz badxigaman laan roꞌ Jesús din guiëꞌman laan.
24343	MRK 2:14	Chi cadëdaman, baguiaaman Leví xiꞌngaan Alfeo, zojbaman lod ruquijxaman impuest. Dxel rëb Jesús lojman: ―Tanal naj. Laa bisu gajc Leví binalaman laaman.
24344	MRK 2:15	Dxel chi cayaw Jesús lidx Leví con zien ree bén ruquijx impuest në ree bén ad nabant ziꞌc rën Dios, gra reeman zojbnë Jesús xan mex con ree xbejnman, guial zinal zien ree bejn laaman.
24351	MRK 2:22	Ad rguꞌ tëët bejn vin cüb lën anfr yojx, din zaguixyaꞌ vin cüb guin anfr guin, abiꞌ ziꞌc anfr guin ziꞌc vin guin zaxin reen. Zeel vin cüb rayal chuꞌn lën anfr cüb.
24354	MRK 2:25	Per rëb Jesús loj reeman: ―¿Gadidi gool loj xtiidx Dios ya ni been Davi chi gulaanman con ree xcompniaraman?
24355	MRK 2:26	Tiamp ni goc Abiatar bixhioz rniabee gra ree bixhioz, guyu Davi lën xyadooroꞌ Dios, gudawnë ree xcompniaraman guiadxtil ma nagleꞌ abiꞌ bixhiosi ree rayal gaw laa reen.
24411	MRK 4:19	per ru reeman xgab por ree ni rigaꞌ loj guidxliuj guie. Rusquiee guialnazaꞌc laa reeman rën reeman gap reeman graloj. Abiꞌ guial yuꞌ xgab guin guijc reeman, zianz rucwëëz rucaagdiajg reeman xtiidx Dios, abiꞌ achet sirv rüjn ni rucaagdiajg reeman.
24437	MRK 5:4	Zien volt ma guxhii reeman yaax në guiaꞌx con caden, per rüjngajquix gan rurooxix laan. Achut rüjn laax gan.
24536	MRK 7:4	Në chi raza reeman luguiaꞌ, ad rawt reeman bal id zunaa reeman ziꞌc na̱j costumbr guin. Dád zien ni zinal reeman güün reeman ziꞌc xhienaag quiib reeman re, con vajs, con ree trast guiib, në xloon reeman riguiib reeman.)
24554	MRK 7:22	guial rzunë béngunaa ren o xinguiaaw ren, guialrzëëbladx xieen ben ren, guial rüjn ni mal, guialrusquiee, guialrajp vijs, guialnadëdloj, guialrbëë xtiidx bejn, guialrüjn benroꞌ, në guial rüjn ni ad rayalt.
24584	MRK 8:15	Abiꞌ chi rëbaman loj reeman: ―Gol gojp cudad con xlevadur ree bénfarisew në xlevadur Herodes.
24629	MRK 9:22	Dád zien volt ruzaalix laax loj guij në loj nijs din guiëtix. Zeel bal zajc güünl xhienin por dunujn, gognë dunujn, baya dunujn.
24642	MRK 9:35	Dxel gurej Jesús, gurejdxaman guidxiptioꞌp reeman, rëbaman: ―Bal chu bén rën gac mazri bén zojbloj lojdi, rayal güün laagajcaman ziꞌc tijb bén ad zojblojt güün tëëman sirv loj gradi.
24657	MRK 9:50	’Ni zagdxe na̱j zëd, per bal id zajcran naxij, ¿xhieza naag yayajcan naxij zatijb? Gol been ziꞌc rayal chitëë saquidi ziꞌc zëd ni ad rüjnt sirv, gol gubajnnë tëë lasaꞌdi zagdxe.
24687	MRK 10:30	loj guidxliuj guie tiaꞌman tibgayuu volt mazri guial loj ni basaꞌnman, bal najn lidxaman, bijchaman, bizanman, xniaaman, xiꞌnman, në xguidxliujman, majsi guidib wazagdiaj, abiꞌ guidxin dxej gapaman guialnaban tiblayaa con Dios.
24692	MRK 10:35	Dxel Jacob con Waj xiꞌn Zebedeo, gubig reeman loj Jesús rëb reeman: ―Mextr, rayënan güünl tijb favor ni yanaaban lojl.
24694	MRK 10:37	Badxiꞌ reeman laan rëb reeman: ―Rayënan guial chi ma canabeel, yadxuꞌn cwëꞌl, tijb dunujn yadxuꞌ xladbeel, zatijb dunujn yadxuꞌ xladruvejsil.
24697	MRK 10:40	per guial cwedi da ladbeen o da ladruvejsan, ad najt rayal gune laan, din ma najn par ree bén rayal laan.
24700	MRK 10:43	Per con lëjt ad rayalt gac zian. Din bal chu rën gac bén rniabee lojdi, rayal güünman sirv lojdi,
24701	MRK 10:44	guiáad bén rën gac bén zojbloj, rayal güünman sirv loj gradi ziꞌc bén nadoꞌ.
24702	MRK 10:45	Din niꞌqui naj najn Bén guxhaal Dios, ad zialtan loj guidxliuj par güün ree bejn sirv lon, zialan din günan laa reeman sirv, abiꞌ con da guialnabanan gaguixan por xtol zien ree bénguidxliuj.
24704	MRK 10:47	Chi biguiejnx cadëd Jesús bén Nazaret niz yagaj, guzuloj cabidxaꞌx rëbix: ―¡Jesús, xdiaa Davi, baya naj!
24705	MRK 10:48	Dád zien ree bejn ridilë laax din yacwëëz roꞌx. Per mazri rejs rbidxaꞌx rëbix: ―¡Xdiaa Davi, baya naj!
24710	MRK 11:1	Chi ma zë reeman gajxh Jerusalén, niz lod rigaꞌ guiedx Betfagé con Betania, gajxh guiaꞌ la Olivos, dxel guxhaal Jesús tioꞌp ree xbejnman,
24719	MRK 11:10	¡Nagleꞌ bén zëëd nabee ziꞌc dux béngulal ree rey Davi! ¡Quixtëë dux Dad ree Dios Bén yuꞌ xanyabaa!
24743	MRK 12:1	Dxel guzuloj caneenë Jesús laa reeman con ganax ree cwent, rëbaman: ―Tijb bejn guxübinman uv loj xguiniaaman, dxel beenman gurajl gadëd roꞌn, beenchaaw tëëman tijb luar lod grii xnijs uv guin, abiꞌ beenman tijb yu ya daꞌt lod guiyaꞌp guiniaa guin. ’Zianz badëëman laan garol loj ree bén güün laan dxiin, briitaman zëman zijt.
24744	MRK 12:2	Chi bidxin dxej yalaꞌ reeman uv guin, guxhaal tijb xmojsaman din chigxiiman ni rayalaman.