23240	MAT 2:2	Abiꞌ gunabdiidx reeman, rëb reeman: ―¿Con xrey ree bén Israel, bén ma gojl? Din dunujn diizd duladxan baguiaan xbajlaman xanyabaa, zeel zioꞌpan din yazuxiban lojman.
23268	MAT 3:7	Per chi baguiaa Waj zien ree bénfarisew në ree bénsaducew bidxin din tiobnijs reeman, rëbaman loj reeman: ―¡Xiꞌn xindxab! ¿Chu bagojn lëjt din laadi loj castiroꞌ ni zëëd?
23316	MAT 5:13	’Lëjt na̱j ziꞌc zëd loj guidxliuj guie. Per bal id naxijran, ¿xhieza naag yayajcan naxij zatijb? Achetri dxiin güünan, gaz guireꞌchan abiꞌ chëꞌp ree bejn guijcan.
23349	MAT 5:46	Din bal rëndi ganaxzi bén rën lëjt, ¿xhieza tiaꞌdi loj Dios zian? Din xt béndol ree rüjn zian.
23350	MAT 5:47	Abiꞌ bal ganaxzi bén rëndi rugajpdiozidi, ¿xhieza ni zagdxe cayüjndi? Din xt bén ad nünbeet ree Dios rüjn zian.
23378	MAT 6:27	Abiꞌ tëë, ¿wen guial ru daꞌtidi xgab ma güün lëjt mazri ziool ya?
23379	MAT 6:28	’¿Chexquiza zeel dád rudi xgab por xabidi? Gol baguiaa xhienaag rniꞌs ree guiaa dajn. Achet dxiin rüjn reen ad rguib tëët reen,
23395	MAT 7:10	¿o zudëëdi tijb bëël ya chi guiniabix bëjl?
23440	MAT 8:26	Badxiꞌman laan rëbaman: ―¿Chexc zeel dád rdxebidi? ¿Chexc zeel ad rliladxzaꞌctidi naj? Dxel bixcheman abiꞌ gunabeeman bacwëëz bi guin në nijs guin. Loj hor ziigajc babedxe reen.
23441	MAT 8:27	Abiꞌ ree xbejnman badxa daꞌt loj reeman, zianz gunabdiidx loj lasaꞌ reeman, rëb reeman: ―¿Chu bén guin, zeel xt bi në nijs ruzoob xtiidxaman?
23443	MAT 8:29	Chi baguiaa reex Jesús, gurixdiaj reex rëb reex: ―¿Xhie rënl con dunujn, Jesús, Xiꞌn Dios? ¿Zëëdil guie ya din gusagzil dunujn chi gadli dxej guidxin?
23452	MAT 9:4	Per guial gogbee gajc Jesús xhie xgaban cayüjn reeman, dxel rëbaman loj reeman: ―¿Chexc zeel rüjndi xgabmal?
23453	MAT 9:5	¿Conin mazri nawëëg gac? ¿Guial guiën ya: “Ma benan perdon xtolil” o guiën: “Bixche, guza”?
23459	MAT 9:11	Chi baguiaa ree bénfarisew zian, gunabdiidx reeman loj ree xbejn Jesús rëb reeman: ―¿Chexc zeel cayawnë xmextridi bén ruquijx ree impuest në ree béndol?
23462	MAT 9:14	Dxel ree xbejn Waj, bén baroobnijs bejn ree, bibig reeman loj Jesús, zianz gunabdiidx reeman lojman, rëb reeman: ―¿Chexc zeel dunujn con ree bénfarisew dád zienvolt rabaꞌnan, guiáad ree xbejnl ad rbaꞌnt reeman?
23463	MAT 9:15	Badxiꞌ Jesúsan rëbaman: ―Lod yuꞌ guialruxhliaa, ¿wen runaya ree biooz ya chi zaꞌnë xin cuxhliaa guin laa reeman? Per guidxin dxej chiquiedix, dxel guibaꞌn reeman.
23476	MAT 9:28	Chi badxin Jesús lod zojbaman, dxel bibig ree bén guin lojman, abiꞌ gunabdiidxaman loj reeman, rëbaman: ―¿Rliladxidi ya guial zileꞌ yayünan lëjt? Badxiꞌ reeman laan rëb reeman: ―Raliduladxan, Dad.
23531	MAT 11:3	bignabdiidx reeman lojman, rëb reeman: ―¿Lüj na̱j Cristo ya bén na̱j guiꞌt, o yalëjzan ben ren ya?
23535	MAT 11:7	Chi baza ree bén guxhaal Waj, dxel guzuloj Jesús caneeman loj ree bejn xcwent Waj, rëbaman: ―¿Chu naladxidi na̱j bén biquiaadi loj yujbidx? ¿Naladxidi ya najman ziꞌc tijb biqui ni runiib bi?
23536	MAT 11:8	¿O xhienaag na̱j bén biquiaadi? ¿Najman tijb bén najcw lajd zagdxe ya? Lëjt ragbee guial bén rajcw ree lajd zagdxe lën palas zojb reeman.
23537	MAT 11:9	¿Chuza biquiaadi? ¿Tijb bén rudëë xtiidx Dios loj ree bejn ya? Per naj rni lojdi guial biquiaadi tijb bén mazri zojbloj guial loj bén rudëëd xtiidx Dios loj ree bejn.
23544	MAT 11:16	’¿Xhienaag ganin lëjt na̱j ree bén rigaꞌ loj guidxliuj guie yan? Laa reeman na̱j ziꞌc ree xindoo rguijt niz galay luguiedx, abiꞌ rbixdiaj reex rëb loj lasaꞌ reex:
23561	MAT 12:3	Dxel rëb Jesús loj reeman: ―¿Gadidi gool loj xtiidx Dios ya ni been Davi chi gulaanman con ree xcompniaraman?
23563	MAT 12:5	¿O gadidi gool loj xley Moisejs ya guial achet dol rüjn ree bixhioz chi rüjn reeman dxiin lën yadoo majsi ad raziiladxt reeman dxej raziiladx ree bejn?
23568	MAT 12:10	Lën yadoo guin zaꞌ tijb bén nëjt tiblad yaa. Abiꞌ guial ree bénfarisew raguiil reeman mod xhie gudxiib reeman guijc Jesús, dxel gunabdiidx reeman lojman, rëb reeman: ―¿Zileꞌ yayüjn bejn tijb bénragxuu dxej raziiladx bejn ya?
23569	MAT 12:11	Badxiꞌ Jesúsan rëbaman: ―Bal tijb lëjt rajp tijb xiil, abiꞌ yabib lën balaꞌ dxej raziiladx bejn. ¿Nid zabëëdi laab dxej guin ya?
23570	MAT 12:12	¿Wen id mazri lasajc tijb bejn guial loj tijb xiil ya? Zeel achet güünan zajc güün bejn ni na̱j zagdxe dxej raziiladx bejn.
23581	MAT 12:23	Graczi ree bejn dád badxaloj reeman, abiꞌ rëb reeman: ―¿Id bén guinan zëëd loj xdiaa Davi ya?
23585	MAT 12:27	Lëjt na guial naj rabë xindxab luxdoo ree bejn por xguialrniabee Beelzebú, per bal zianan, ¿chuza rudëë guialrniabee loj xbejndi din yabëë reeman xindxab? Zeel laagajc reeman rulüü guial ad laat rnieedi.
23587	MAT 12:29	’Din ¿xhieza naag chuꞌ tijb bejn lidx tijb bén gojl par cwanman ni rajpaman, bal id zaxhiixgajman laaman? Zian güünman din chileꞌ cwanman ni rajpaman.
23592	MAT 12:34	¡Xiꞌn xindxab! ¿Xoza guinieedi diidx zagdxe ree awa benmal lëjt? Din ni yuꞌ luxdoo bejn laan rnieeman.
23606	MAT 12:48	Per Jesús badxiꞌman xtiidx bén guin rëbaman: ―¿Chu na̱j da nan chu tëë ree nin na̱j da bichan?
23618	MAT 13:10	Dxel gubig ree xbejn Jesús lojman rëb reeman: ―¿Chexquiza zeel rulüül bejn ree con ganax ziꞌc cwent ree?
23635	MAT 13:27	Dxel bicojn ree xmojs bén naj xguiniaa laan laaman, rëb reeman: “Dad ¿nid ganax bin zagdxe badxeꞌ loj xguiniaal ya? yan, ¿banza guza guiꞌxh yuꞌ lojn?”
23659	MAT 13:51	Dxel gunabdiidx Jesús loj ree xbejnman, rëbaman: ―¿Rigniaꞌdi gra ni canin lëjt ya? Badxiꞌ reeman laan rëb reeman: ―Rayigniaꞌnan, Dad.
23662	MAT 13:54	Dxel badxin ladxaman, ni guzuloj culüüman bejn ree lën xyadoo reeman. Abiꞌ dád badxaloj ree bén guin, rëb reeman: ―¿Ban guin basiidaman gra ree ni rajcaman? ¿Chexquiza zeel rajc rüjnman milagr ree?
23663	MAT 13:55	¿Nid laaman na̱j xiꞌn carpinter ya, abiꞌ xniaaman na̱j Li, guiáad ree bijchaman na̱j Jacob, Xiëb, Simón, në Judas?
23664	MAT 13:56	¿Nid luguiedx guie zojb ree bizanman ya? ¿Banza guin basiidaman gra ree ni rajcaman?
23697	MAT 14:31	Loj hor ziigajc basli yaa Jesús gunaazaman yaa Bëd, rëbaman lojman: ―¿Chexc zeel ad rliladxzaꞌctil, chexc zeel yuꞌ nawëëguil?
23704	MAT 15:2	―¿Chexc zeel ad zinalt ree xbejnl costumbr ni basaꞌn dux béngulal ree? ¿Chexc zeel ad zinalt reeman costumbr ziꞌc rayal gunaa reeman chi gad reeman gaw?
23705	MAT 15:3	Dxel rëb Jesús loj reeman: ―Laadx lëjt, ¿chexc zeel rüjndi xtiidx Dios tiblad persi zinal xcostumbridi?
23714	MAT 15:12	Dxel gubig ree xbejn Jesús lojman, rëb reeman: ―¿Gogbeel ya bidxeꞌch ree bénfarisew chi biguiejn reeman ni guneel?
23717	MAT 15:15	Dxel rëb Bëd loj Jesús: ―¿Basigniaꞌ dunujn xhie rën guiëb ni guneel?
23718	MAT 15:16	Badxiꞌ Jesúsan rëbaman: ―¿Wen, niꞌqui lëjt ad rigniaꞌtan ya?
23719	MAT 15:17	¿Id rigniaꞌdi ya guial gra ni raw bejn rej lënman abiꞌ rariin?
23735	MAT 15:33	Dxel rëb ree xbejnman lojman: ―Per ¿ban guin yucaꞌn ni gaw ree benzien guin, ziꞌc na̱j guie lod achutczi bejn zojb?
23736	MAT 15:34	Gunabdiidx Jesús loj reeman, rëbaman: ―¿Bël guiadxtil caꞌdi? Badxiꞌ reeman laan rëb reeman: ―Gajdx guiadxtil con zatioꞌp choon bëjl.
23744	MAT 16:3	Guiáad rsil chi naxnia xanyabaa yuꞌ tëë za̱j, rëbidi: “Ad laat gac yandxej.” ¡Bén rusquiee!, bal ragbeedi xhie rën guiëb sen yuꞌ xanyabaa, ¿chexc ad rigniaꞌtidi xhie rën guiëb gra ni cuguiaadi yan?
23749	MAT 16:8	Gogbee Jesús ni canee reeman abiꞌ rëbaman loj reeman: ―¿Chexc zeel rëbidi guial ad caꞌtidi guiadxtil? Taꞌnnijt rliladxidi naj.
23750	MAT 16:9	¿Staczi ad rigniaꞌtidi ya? ¿Nid rusaaladxidi ya chi gudiꞌsan gaay guiadxtil loj gaay mil bejn, abiꞌ zabël dxüm ni bayaꞌn batoꞌpidi?
23751	MAT 16:10	¿Nid zaladx tëëdi ya chi gudiꞌsan gajdx guiadxtil loj tajp mil bejn, abiꞌ zabël dxüman batoꞌpidi?
23752	MAT 16:11	¿Chexc zeel ad rigniaꞌtidi guial ad guiadxtiltan cuzatan lojdi, chi rnin lojdi gapidi cudad con xlevadur ree bénfarisew në ree bénsadusew?
23754	MAT 16:13	Chi bidxin Jesús niz Cesarea de Filipo, gunabdiidxaman loj ree xbejnman, rëbaman: ―¿Chu rëb ree bejn, na̱j Bén guxhaal Dios?
23756	MAT 16:15	Dxel rëbaman loj reeman: ―Laadx lëjt, ¿xhie nadi, chu naj?
23779	MAT 17:10	Dxel gunabdiidx ree xbejnman lojman, rëb reeman: ―¿Chexquiza zeel rëb ree mextr rajc ley guial yaloj Elías guiꞌt?
23786	MAT 17:17	Badxiꞌ Jesúsan, rëbaman: ―¡Benguijdx, bén ad rliladxt! ¿Xt goc gazunëꞌn lëjt? ¿Xt goc gadaanan lëjt? Gol tanë xinzii guie.
23788	MAT 17:19	Abiꞌ gunabdiidx ree xbejn Jesús lojman lood ren, rëb reeman: ―¿Chexc zeel ad gojct nalëën xindxab guin luxdoo xin guin?
23793	MAT 17:24	Chi badxin Jesús con ree xbejnman guiedx Capernaum, bén ruquijx ree impuest par yadoo wej reeman loj Bëd bignabdiidx reeman, rëb reeman: ―¿Rguijx xmextril impuest par yadoo ya?
23794	MAT 17:25	Badxiꞌ Bëdan, rëbaman: ―Riguijxcaman laan. Dxel chi bayu Bëd lënü lod zaꞌ Jesús, yalojli Jesús gunabdiidx lojman, rëbaman: ―¿Xhie naladxil, Simón? ¿Chu rguijx impuest loj ree rey yuꞌ loj guidxliuj guie? ¿Xiꞌn reeman ya o benzit ree?
23797	MAT 18:1	Lën ree dxejzii bidxin ree xbejn Jesús lod zaꞌman, abiꞌ gunabdiidx reeman lojman, rëb reeman: ―¿Chu mazri zojbloj lod rniabee Dios?
23808	MAT 18:12	’¿Xhie naladxidi? Bal tijb bejn rajp tibgayuu xiil, abiꞌ rizëëb tijbib, ¿nid zusaꞌnman zatajpgajlchiinbitapib dajn ya din chigdiilaman be bizëëb guin?
23817	MAT 18:21	Dxel gubig Bëd gunabdiidxaman loj Jesús, rëbaman: ―Dad, ¿bël volt rayal günan perdon lasaꞌn, bal güünman naj xhienin? ¿Xt gajdx volt ya?
23834	MAT 19:3	Abiꞌ tioꞌp choon ree bénfarisew bibig loj Jesús, dxel par güün reeman laaman prueb, gunabdiidx reeman lojman rëb reeman: ―¿Zileꞌ yalaꞌ bejn lacheelaman por xhiedxitzinin ya?
23838	MAT 19:7	Dxel rëb ree bénfarisew guin loj Jesús: ―¿Chexquiza zeel rëb Moisejs guial zileꞌ yalaꞌ lacheel bejn, con gudëëdaman guiꞌch guial ma balaꞌ lasaꞌ reeman?
23847	MAT 19:16	Bidxin tijb xin guin loj Jesús, abiꞌ gunabdiidxix lojman, rëbix: ―Mextr, ¿xhie ni zagdxe günan din gaꞌpan guialnaban tiblayaa con Dios?
23848	MAT 19:17	Dxel rëb Jesús lojx: ―¿Chexc zeel rniabdiidxil lon conin na̱j ni zagdxe? Achut na̱j benzaꞌc, tijbzi Dios. Per bal rënl gapil guialnaban tiblayaa con Dios, been ziꞌc rëb ree mandamient.
23849	MAT 19:18	Dxel gunabdiidxix loj Jesús rëbix: ―¿Con ree mandamientan? Badxiꞌ Jesúsan, rëbaman: ―Ad gugüjtil bejn, ad sunël lacheel ben ren, ad cwanl, ad cwëël xtiidx bejn,
23851	MAT 19:20	Dxel rëbix: ―Gra ree ni guin cayünan diizd najn xindoo, ¿xhieri ryaadx günan yan?
23856	MAT 19:25	Chi biguiejn ree xbejn Jesús zian, dád badxaloj reeman, abiꞌ rëb reeman: ―¿Chuza zajc gac perdon loj Dios?
23858	MAT 19:27	Abiꞌ rëb Bëd lojman: ―Ma basaꞌnan graczi ni rayaꞌpan, persi zudnaalan lüj. Abiꞌ ¿xhieza yayalan?
23874	MAT 20:13	Per rëb bén guin loj tijb reeman: “Achet ni mal cayünan lüj. ¿Nid bayaꞌn diidx ya plac gunen tiaꞌl tibdxej?
23882	MAT 20:21	Gunabdiidx Jesús lojman, rëbaman: ―¿Xhie rënl? Badxiꞌ bén guinan, rëbaman: ―Rënan nabeel cwe tijb da xiꞌnan xladbeel, stijbim xladruvejsil, chi ma canabeel.
23883	MAT 20:22	Dxel rëb Jesús: ―Ad ragbeetidi ni rniabidi. ¿Wen zajc tëdidi guialzi ziꞌc na̱j ni gadëëdan ya? Badxiꞌ reeman laan, rëb reeman: ―Zayajcan.
23893	MAT 20:32	Dxel guzudxe Jesús, gurejdxaman laa reeman, gunabdiidxaman loj reeman, rëbaman: ―¿Xhie rëndi günan por lëjt?
23905	MAT 21:10	Chi guyu Jesús luguiedx Jerusalén, gra ree bén luguiedx guin badxaloj, abiꞌ riniabdiidx loj lasaꞌ reeman, rëb reeman: ―¿Chu bén guin?
23911	MAT 21:16	Abiꞌ rëb reeman loj Jesús: ―¿Rguiejnl ni canee ree xindo guin ya? Badxiꞌ Jesúsan, rëbaman: ―Rguiejncan. Per ¿gadidi gool loj xtiidx Dios ya? Lod rëb: Lüj badëëd ni gool ree xindoo në ree xindobëz sta rëꞌ dud, din guilies reex xvaloril.
23915	MAT 21:20	Chi baguiaa ree xbejnman zian, dád badxaloj reeman abiꞌ gunabdiidx reeman loj Jesús, rëb reeman: ―¿Xhienaag gojc zeel laa gubidx gajc yag higo guin?
23918	MAT 21:23	Chi guyu Jesús lën yadooroꞌ Jerusalén, laꞌtgaj culüüman bejn ree. Bixhioz rniabee ree bixhioz con ree guxtis Israel, gubig reeman loj Jesús, abiꞌ gunabdiidx reeman, rëb reeman: ―¿Chu na güünl ni guin ree? ¿Chu banee guialrniabee lojl?
23920	MAT 21:25	¿Chu guxhaal Waj chigroobnijsaman bejn ree, Dios ya o bénguidxliuj? Dxel guzuloj cayü reeman diidx, rëb reeman: ―Bal yaguieꞌch ree, “Dios guxhaal laaman”, zanaman: “¿Chexza zeel ad bililadxtidi laaman?”
23923	MAT 21:28	Basnuu Jesús rëbaman loj ree bixhioz rniabee ree bixhioz në loj ree guxtis Israel. ―¿Xhie nadi ni ganin lëjt? Tijb bejn guyu tioꞌp xiꞌnman, dxel rëbaman loj tijbix: “Xiꞌn, wej yandxej biguieen dxiin loj guiniaa yuꞌ uv.”
23926	MAT 21:31	Yan, ¿chu loj grop reex been ni rën xdad reex? Badxiꞌ reeman laan, rëb reeman: ―Xin rëbaman loj yaloj guin. Dxel rëb Jesús loj reeman: ―Diidxliczi rnin, bén ruquijx ree impuest con ree béngunaa naban nadxuudx, yalojl laa reeman chuꞌ lod rniabee Dios guial lojdi.
23935	MAT 21:40	Dxel gunabdiidx Jesús loj ree bén caneenëman, rëbaman: ―Chi yadxin bén na̱j xguidxliuj laan, ¿xhie naladxidi güünnëman bén guin ree?
23937	MAT 21:42	Dxel rëb Jesús loj reeman: ―¿Id wayolczidi loj xtiidx Dios ya? Lod rëb: Guiaj ni gulëëgoꞌn ree bén rüjn yu. Laan goc ni mazri been sirv gojcnë yu guin. Laan na̱j ni been Dios, abiꞌ dád radxa du loj ree.
23958	MAT 22:17	Guna du lojn: ¿Zagdxen ya yadijxan impuest loj César o ad zagdxetan ya?
23959	MAT 22:18	Per gogbee gajc Jesús xgabmal ni cayüjn reeman, abiꞌ rëbaman loj reeman: ―Bén rusquiee, ¿chexc zeel raguiilidi mod xhienaag gutidiaꞌdi naj?
23961	MAT 22:20	abiꞌ gunabdiidx Jesús loj reeman, rëbaman: ―¿Chu loj ca lojn chu tëë laj ca lojn?
23969	MAT 22:28	Yan, chi yaban ree bengüt, loj guigajdx reex, ¿chu gac xbéngunaa laaman guial gra reex baxhliaanë laaman?
23977	MAT 22:36	―Mextr, ¿con mandamientan mazri zojbloj loj gra ree mandamient ni zëëd loj ley?
23983	MAT 22:42	―¿Xhie xgab rüjndi por Cristo? ¿Chu loj xdiaa zaman? Badxiꞌ reeman laan rëb reeman: ―Loj xdiaa Davi.
23984	MAT 22:43	Dxel rëb Jesús loj reeman: ―Per, ¿chexquiza zeel por xSprijt Dios rëb Davi lojman, Dad? Din Davi rëb:
23986	MAT 22:45	Yan, bal xiꞌn Davi na̱j Cristo, ¿chexquiza zeel rëb Davi lojman Dad?
24004	MAT 23:17	¡Natontidi, wed natiaꞌp lojdi! ¿Conin mazri lasajc: Or guin ya o yadoo beenleꞌ or guin?
24006	MAT 23:19	¡Bénlutiaꞌp! ¿Conin mazri lasajc par lëjt: Gon guin ya o altar beenleꞌ gon guin?
24020	MAT 23:33	’¡Béndol, xiꞌn xindxab! ¿Xhienaag laadi loj castiroꞌ ni yuꞌ gabijl?
24029	MAT 24:3	Laꞌtgaj zojb Jesús guijc guiaꞌ la Olivos, gubig ree xbejnman lojman, rëb reeman: ―Rayënan nal goc gac zian. ¿Xhie ree sen gac chi ma zidyob guiꞌtil stijb, në chi ma zidyob nit guidxliuj?
24071	MAT 24:45	’¿Chu lëjt na̱j ziꞌc tijb mojs rusaꞌn xpatronx lidxaman din gulenx gra ree mojs, gudëë tëëx ni gaw reeman chi gal hor?
24114	MAT 25:37	Dxel guiëb ree bén zaꞌ ladbee guin: “Dad, ¿goc baguiaan lüj rliaanl, abiꞌ baneen ni gudawil?, ¿o goc baguiaan lüj weꞌquil nijs, abiꞌ baneen nijs guꞌl?
24115	MAT 25:38	¿Goc baguiaan lüj zizal ziꞌc tijb benzit, abiꞌ baneen lod bayaꞌnl, o goc biyaadx xabil, abiꞌ baneen ni gotil?
24131	MAT 26:8	Chi baguiaa ree xbejn Jesús ni been béngunaa guin, dád bidxeꞌch reeman, abiꞌ rëb reeman: ―¿Chexc zeel bixieꞌ perfum guin?
24133	MAT 26:10	Chi biguiejn Jesús ni canee reeman, rëbaman loj reeman: ―¿Chexc zeel rdxeꞌchidi béngunaa guin? Zagdxe na̱j ni beenman naj.