13944	PSA 1:1	Ba neza zrente̱ naca na chee̱ bénnea' quebe dxezi'e̱ da dxuluzéajni'i benne' we̱n da cale̱la ca' le̱', ne quebe dxune̱' tuze benne' dul-la ca', ne quebe dxune̱' tu zren benne' ca' dxelún le̱' chee̱ Dios.
13946	PSA 1:3	Benne' nigá naque̱' ca tu xaga zua na dxu'a xe̱gu nisa, da dxunna na da zixre chee̱ na lu beu' cheé̱queze na, ne xrlegue na quebe dxase na. Ca naca da dxun benne' nigá, dxe̱pe ban na.
13950	PSA 2:1	¿Bizr chee̱ na' dxeledábaga benne' xe̱zr la xu ca' neda'? ¿Bizr chee̱ na' dxululaba lázrequeze bénneache da guzúa na neda' chalá'ala?
13951	PSA 2:2	Dxeledábagaqueze benne' wenná bea ca', ne dxelún tuze dizra' benne' ca' dxelenná bea ca xelune̱' chee̱ Xránadxu Dios, ne chee̱ Bénnea' gucá'a Le̱'.
13955	PSA 2:6	Dxenné̱': “Lu xi'a lá'azxa chia', xi'a Sión ba nuzúa' benne' gaque̱' Wenná Bea waláz chia' neda'.”
13956	PSA 2:7	Dxenná Wenná Bea na': “Guzenda' le'e da guzre Xránadxu neda'.” Guzre̱' neda': “Lue' nacu' Zri'ina'. Ná'aqueze naca' Xrau'.
13963	PSA 3:2	Xrana' Dios, ba naxánle̱'e̱ benne' dxeledábague̱' neda'. Benne' zante̱ dxeledíl-lale̱ne̱' neda'.
13964	PSA 3:3	Benne' zante̱ dxelenné̱' chia': “Quebe guselá Dios le̱'.”
13965	PSA 3:4	Lue', Xrana' Dios, dxucú'uju' neda'. Nacu' Benne' dxebéle̱na', ne Benne' dxuzé̱ chawe̱' neda'.
13969	PSA 3:8	Guzé̱, Xrana' Dios. Bselá neda', Dios chia'. Be̱n we̱' xraga benne' ca' dxeledíl-lale̱ne̱' neda', ne guzuzruj lazxa benne' xriwe̱' ca'.
13970	PSA 3:9	Xel-la' weselá za' lu na'u, Xrana' Dios. Be̱n da chawe' chee̱ bénneache chiu'.
13972	PSA 4:2	Beche̱be chia' gate dxuláwizra' Lue', Dios. Nacu' Benne' dxuchi'e̱ ca da dxuna'. Gate guzúa' lu da ste̱be, Lue' btipu' lazra'. Bexache lazre' neda', ne bene ca da dxuchálajle̱na' Lue'.
13977	PSA 4:7	Benne' zante̱ dxelenné̱': “¿Nuzra gun gá'anatu' chawe'?” Dute̱ xel-la' zri'i lazre' chiu' bxue netu', Xran.
13981	PSA 5:2	Bze̱ naga dizra' chia', Xran. Bde lazre' ca dxebezre lazra'.
13982	PSA 5:3	Bene ca guchálajlena' Lue', Wenná Bea chia', ne Dios chia', q lawe' da guláwizraja' Lue', Dios.
13984	PSA 5:5	Nacu' Dios quebe dxezaca ba lazru' da cale̱la. Benne' we̱n da cale̱la quebe súaqueze̱' naga zu' Lue'.
13988	PSA 5:9	Bsi neda' chee̱ guna' da xrlátaje chiu', Xran, lawe' da zrále̱'e̱ benne' dxeledábague̱' neda'. Gulú'u neda' neza chawe' chiu'.
13989	PSA 5:10	Benne' caní quebe dxelenné̱' da li. Lu xichaj lázrdawe̱' xu'u da cale̱la. Xe̱dxu lbe̱'e̱ zaj naca na ca tu ba chee̱ benne' gate da naxalaj na. Zaj nupé̱'e̱ dizra' chawe' chee̱' da zaj naca na da we̱n lazre'.
13990	PSA 5:11	Bde benne' ca' lu da ba xa', Xrana' Dios. Be̱n cheajlecházie̱' cáte̱ze zaj naca xrtízraqueze̱'. Lawe' da naxánle̱'e̱ da cale̱la da dxelune̱' ne lawe' da guledábague̱' Lue', bebéaje̱' chalá'ala.
13995	PSA 6:3	Bexache lazre' neda', Xran, lawe' da quebe chawe' zua'. Bexún neda', Xran, lawe' da dxedéa' xel-la' zi'.
13997	PSA 6:5	Gudá, Xran, bselá bénne'du xu'a. Bselá neda' dute̱ xel-la' zri'i lazre' chiu'.
13999	PSA 6:7	Ba dxexedú lazra' lawe' da dxebezre lazra'. Tu zre' tu zre' dxebísane ga dxásia' nisa da dxebezra'. Dxusebisa' xrcugua' nisa da dxebezra'.
14000	PSA 6:8	Ba dxane xiaj lawa' xel-la' dxebezre. Ba bebízrqueze nisa xuzru xiaj lawa' lawe' da zrále̱'e̱ benne' dxulusaca zi'e̱ neda'.
14002	PSA 6:10	Xrana' Dios ba benne̱' da dxata' xueda' Le̱'. Ba guzí' Xrana' Dios da dxuchálajle̱na' Le̱'.
14008	PSA 7:5	Che bi da cale̱la be̱na' chee̱ benne' zue̱' chawe' nen neda'. (Bselá' bénnea' dxedábague̱' neda' lácala quebe bi nuna' chee̱'.)
14009	PSA 7:6	Che caní be̱na', be̱ lataj benne' dxedábague̱' neda' gau zi' ne xezrúnene̱' neda'. Be̱ lataj bénnea' guchuchu guléaje̱' neda' lu xu, ne xusunitie̱' xel-la' ba lá'ana chia'.
14010	PSA 7:7	Xran, dute̱ xel-la' dxezrá'a chiu', guzé̱. Bexechaj benne' ca' dxulusaca zi'e̱ neda' lu xel-la' dxelezrá'a chee̱'. Gusel-la da gácale̱ na neda' gate guchi'u da dxaca chia' ca da gunná be'u.
14012	PSA 7:9	Lue', Xran, guchi'u chee̱ benne' xúgute̱ xe̱zre. Bchi'a ca da nuna' lu da naca xrlátaje, ne lu da naca du lazre' chia'.
14013	PSA 7:10	Be̱n cheajsé̱ naze da zrinnaj da dxelún benne' we̱n da cale̱la ca', san bzua chawe' benne' xrlátaje, lawe' da nacu' xrlátaje, Dios, ne dxenná'u da xu'u xichaj lázrdau bénneache.
14016	PSA 7:13	Che quebe xelexíaje lazre̱' Dios gulé̱' xia chee̱'. Ba nuzúa cuásate̱' xaga nalá xéche'ze chee̱'.
14017	PSA 7:14	Ba naxrúa cuásate̱' xia chee̱' ca' chee̱ wedil-la. Ba nuzúa cuásate̱' xaga nalá xéche'ze da dxelala.
14018	PSA 7:15	Benne' we̱n da zrinnaj dxugú'u lazre̱' ca da cale̱la gune̱'. Xu'u lázrdawe̱' da zrinnaj da gune̱', na' dxebéajé̱' da we̱n lazre'.
14019	PSA 7:16	Ba gude̱ne̱' tu xe̱dxu situj naga cheajlechaze bénneache, na' lé̱zqueze̱' xeajcházie̱' lu xe̱dxu na'.
14021	PSA 7:18	Güe lá'anaqueza' Xrana' Dios ca da xrlátaje da dxune̱', ne gúl-laqueza' chee̱ La Xrana' Dios, Bénnea' naque̱' szrente̱.
14024	PSA 8:3	Bidu ca', ne bidu dxe'ene ca' dxelúl-labe' ca naca na. Zúaquezu' lataj chawe' naga quebe xelezrín benne' ca' dxeledábague̱' lue'. Dxuzúa zriu' benne' dxeledábague̱' lue', ne benne' dxelecuídene̱' Lue'.
14027	PSA 8:6	Be̱nu' le̱' látezdxa szren ca nacu' Lué'queze, ne bzu' chee̱' xel-la' szren, ne xel-la' ba lá'ana.
14028	PSA 8:7	Be̱nu' dxenná bé'ene̱' xúgute̱ da ca' nunu'. Xúgute̱ na bdeu' lu ne̱'e̱,
14035	PSA 9:4	Buluzrunnuj benne' dxeledábague̱' neda'. Xeajlechazie̱', ne belexenitie̱' lau Lue'
14037	PSA 9:6	Gudil-lu' benne' xe̱zr la xu ca', ne bzria xi'u benne' we̱n da cale̱la ca'. Bsulu' la benne' ca' chadía chacanna.
14038	PSA 9:7	Ba gulebía xi' benne' dxeledábague̱' neda'. Chadía chacanna zaj nazrinnaj lataj chee̱ benne' ca', ne xe̱zre chee̱' ca', da ca' bchínnuju' Lue'. Netú benne' cheajsá lazre̱' benne' ca'.
14039	PSA 9:8	Xránadxu Dios súatequeze̱' chadía chacanna. Ba nucueze̱' lataj blau chee̱' naga guchi'e̱ chee̱ bénneache.
14042	PSA 9:11	Benne' ca' zaj núnbe'e̱ Lue', Xran, xuluxrén lazre̱' Lue', lawe' da quebe bsan lazru' benne' ca' belexílaje̱' Lue'.
14043	PSA 9:12	Le gul-la chee̱ Xránadxu, Bénnea' zue̱' xe̱zre Sión. Le guzén benne' xe̱zre ca' ca zaj naca da ca' nune̱',
14045	PSA 9:14	Bexache lazre' neda', Xran. Gunná' da dxezaca' lu ni'a na' benne' ca' dxelecuídene̱' neda'. Dxeca'u neda' lu na' xel-la' gute,
14049	PSA 9:18	Benne' we̱n da cale̱la ca' xeledéqueze̱' lu lataj ba xa'. Xúgute̱ benne' ca' dxelal-la lazre̱' Xránadxu Dios.
14052	PSA 9:21	Xran, be̱n xelezrebe benne' ca' Lue'. Be̱n xelexúnbea benne' xe̱zr la xu ca' zaj naque̱' bénneacheze.
14053	PSA 10:1	¿Bizr chee̱ na' zu' zitu', Xran? ¿Bizr chee̱ na' dxucache cuinu' gate dxeledé xel-la' zi' bénneache chiu'?
14054	PSA 10:2	Benne' we̱n da cale̱la dxenáu zi' xuzre̱' benne' xache' lu xel-la' dxucá'ana szren cuine̱', na' xeajchaze benne' xache' na' lu da ba nucuéza bénnea'.
14056	PSA 10:4	Benne' we̱n da cale̱la na' lu xel-la' dxucá'ana szren cuine̱' quebe dxape' Dios ba lá'ana, ne quebe dxéquene̱' che zua Dios.
14060	PSA 10:8	Dxu'a xe̱zre ca' dxucache cuine̱' chee̱ que̱le̱' bénneache. Bagácheze dxutie̱' benne' dxeledeze̱' na'. Bagácheze dxenné̱'e̱ chee̱ bi gune̱' chee̱ benne' xache' ca'.
14061	PSA 10:9	Bagácheze dxebeze̱' ca dxun be̱zre xixre'. Dxebeze̱' ga séquene̱' que̱l-le̱' benne' xache' ca'. Dxe̱l-le̱' benne' xache' lu xralaj chee̱', ne dxexu'e̱ le̱'.
14068	PSA 10:16	Chadía chacanna naca Xránadxu Wenná Bea chee̱dxu. Lu xe̱zr la xu chee̱' ba gulebía xi' benne' dxelecuídene̱' Le̱'.
14069	PSA 10:17	Bnézruju' ca da bululáwizra benne' dxexruj lázre'du ca' Lue', Xran. Lue' dxupa'u lázxdau bénne'du ca' chee̱ xuluzé̱ nague̱' xrtizru',
14071	PSA 11:1	Dxuxrén lazra' Xrana' Dios. Ájazra che̱n' dxi'u bénne'du xu'a: “Bzrunnuj, guxíaj lu xí'ala ca tu bxinne?”
14072	PSA 11:2	Le na' xque, dxulucuéza benne' ca' dxelune̱' da cale̱la xaga nalá xéche'ze. Ba zaj naxrúe̱' xaga nalá xéche'ze chee̱' lu du chee̱ na, chee̱ xelútie̱' bagácheze benne' xrlátaje ca'.
14077	PSA 11:7	Caní gune̱' lawe' da naca xrlátaje Xránadxu Dios, ne nazrí'ine̱' da naca na xrlátaje. Benne' li lazre' ca' xelelé'ene̱' lawe̱'.
14082	PSA 12:5	Benne' ca' gulenné̱': “Ne̱ chee̱ dizra' chee̱ntu' zrué'entu' da chawe'. Ca dxezá lázrentu' guchálajntu', ¿nuzra nna be'e netu', xca'?”
14090	PSA 13:4	Gunná' da dxaca chia', Xran, ne beche̱be chia'. Btipa lazra' chee̱ quebe gatia',
14091	PSA 13:5	ne chee̱ quebe nna benne' dxedábague̱' neda': “Ba be̱tia' ni'a ne̱'e̱.” Benne' ca' dxeledábague̱' neda' xelebene̱' che cheajcházia' lu da cale̱la.
14093	PSA 14:1	Benne' lázxdau zide' dxezá' lazre̱', dxenné̱': “Quebe zua Dios.” Benne' caní zaj nazrinnaj xichaj lázrdawe̱'. Dxelune̱' da sban ca'. Quebe nu chilá' benne' dxune̱' da xrlátaje.
14098	PSA 14:6	Belún le̱' chee̱ da gulenná benne' xache' ca', san benne' caní xelebeza lazre̱' Xránadxu Dios.
14099	PSA 14:7	Xídatega Bénnea' guselé̱' benne' Israel ca'. Gate gun Xránadxu xelexezrín benne' chee̱' ca', benne' ca' zaj nada'u zítu'la, na' welebé zri'ine zre sua Jacob, ne welebéle̱'e̱quezne̱' benne' Israel ca'.
14105	PSA 16:1	Bxue neda', Dios, lawe' da dxuxrén lazra' Lue'.
14111	PSA 16:7	Tu gucá'ana szrénzqueza' Xránadxu Dios, Bénnea' dxusé̱dene̱' neda'. Chizrela gate ne dxasia' dxuzéajni'ine̱' neda' lu xichaj lázrdawa'.
14116	PSA 17:1	Bze̱ naga chi'a, Xran. Ben xanne' da dxuláwizra' Lue'. Guzí' da dxenaba' Lue', naca' du lazra'.
14117	PSA 17:2	Be̱nna lataj xelá'a lau' chee̱ guchi'u chia', lawe' da dxelé'enu' xúgute̱ cáte̱ze zaj naca na.
14118	PSA 17:3	Lue' dxenná' xánniu' xichaj lázrdawa' ne dxelé'enu' neda' chizrela. Gunná' xánniu' da dxuna', na' quebe bi da cale̱la blé'enu'. Ba nuna' quebe bi dizra' cale̱la nnia'.
14120	PSA 17:5	Bxue neda' lu neza chawe' chiu', chee̱ quebe cheajcházia' lu da cale̱la.
14121	PSA 17:6	Dxuláwizra' Lue', Dios, lawe' da dxennu' chi'a. Bze̱ naga chi'a, na' bene da dxennía'.
14122	PSA 17:7	Ble'e ca dxexache lázrele̱'u bénneache. Bselá benne' ca' dxuluxrén lazre̱' Lue' lu na' benne' dxeledábague̱' le̱'.
14123	PSA 17:8	Bxue neda' ca dxun benne' dxuxúe̱' xiaj lawe̱'. Gude̱zre neda' ca dxun bedxuj dxé̱zreba' zrí'ineba' zran xrílaba'
14128	PSA 17:13	Gudá, Xran, gudábaga' benne' ca' dxelune̱' da cale̱la, na' bchiche̱' lu xu. Bselá neda' lu na' benne' ca' dxelune̱' da cale̱la, guchínenu' xia chiu'.
14129	PSA 17:14	Bselá neda' lu na' benne' ca' nen ni'a ná'quezu', Xran. Bselá neda' lu na' bénneache, benne' ca' zaj dxe'e̱ gunne xue chee̱ xe̱zr la xu nigaze, benne' ca' dxeláguqueze̱' da zácale̱'e̱ chiu'. Da nigáqueze dxulugawe̱' zrí'ine̱' ca', ne dxexegá'anaqueze da dxelágu zri'ine zre sue̱'.
14134	PSA 18:4	Wanné̱queza' Xránadxu Dios, Bénnea' naca chee̱' güe lá'anadxu Le̱'. Le̱' guselé̱' neda' lu na' benne' ca' dxeledábague̱' neda'.
14139	PSA 18:9	Bdxuaj zren chee̱ xi' lu zrine̱', ne bdxuaj xi' lu dxu'e̱ da bzezxe na da de̱ lawe̱', na' xi' na' gudel-la na bau ca'.
14140	PSA 18:10	Bzéxruje̱' da zria zran xabáa, na' bétaje̱', na' guzúa da chul-la zran ni'e̱.
14145	PSA 18:15	Bsane̱' xaga nalá xéche'ze chee̱' ca', na' be̱se dínnaje̱' benne' ca' dxeledábague̱' neda'. Bsane̱' xesa guziu' ca', ne bzria xi'e̱ benne' ca'.
14147	PSA 18:17	Bétaje̱' lu da sibe, ne bequé̱'e̱ neda'. Bebéaje̱' neda' lu da naca ca tu nisa zila.
14148	PSA 18:18	Bselé̱' neda' lu na' benne' wal-la dxeledábague̱' neda', ne lu na' benne' ca' dxelecuídene̱' neda', benne' zaj nácadxe̱' wál-la ca neda'.
14149	PSA 18:19	Buluzague̱' neda' gate na' zua' lu da sté̱bele̱'e̱, san Xrana' Dios gúcale̱ne̱' neda'.
14150	PSA 18:20	Bebéaje̱' neda' naga xu'a, ne bzue̱' neda' tu lataj zren. Bselé̱' neda' lawe' da bezaca ba lazre̱' chia'.
14162	PSA 18:32	Tuze Xránadxu naque̱' Dios. Tuze Dios chee̱dxu naque̱' Benne' dxucu'uje̱' dxi'u.
14163	PSA 18:33	Dios naque̱' Bénnea' dxune̱' neda' benne' wal-la, ne Benne' dxune̱' li lazre' da dxuna' neda'.
14167	PSA 18:37	Be̱n chawu' neza naga tea', chee̱ quebe cuila' lu neza na'.
14168	PSA 18:38	Blaga' benne' dxeledábague̱' neda', na' xeajzrena' le̱', na' quebe bebi'a cadxa bé̱tetea' benne' ca'.
14169	PSA 18:39	Be̱na' benne' ca' we̱', na' quebe guca xelexase̱'. Xeajlecházie̱' zran ni'a.
14170	PSA 18:40	Btipu' lazra' chee̱ cha'a lu wedil-la. Bzéxruju' benne' dxeledábague̱' neda' zran ni'a.