13946	PSA 1:3	Benne' nigá naque̱' ca tu xaga zua na dxu'a xe̱gu nisa, da dxunna na da zixre chee̱ na lu beu' cheé̱queze na, ne xrlegue na quebe dxase na. Ca naca da dxun benne' nigá, dxe̱pe ban na.
13983	PSA 5:4	Xran, che zílala xennu' chi'a. Che zílala xídaqueza' lau Lue', ne wabeza lazra' Lue'.
14003	PSA 6:11	Dxelexedué'e, ne zaj zua lu da sté̱bele̱'e̱ xúgute̱ benne' dxeledábague̱' neda'. Chadite̱ xelexebigue̱' naga zua', ne xelexedué'ene̱'.
14007	PSA 7:4	Xrana' Dios, che be̱na' neda' caní: Che bi da zrinnaj be̱n ni'a na'a.
14008	PSA 7:5	Che bi da cale̱la be̱na' chee̱ benne' zue̱' chawe' nen neda'. (Bselá' bénnea' dxedábague̱' neda' lácala quebe bi nuna' chee̱'.)
14009	PSA 7:6	Che caní be̱na', be̱ lataj benne' dxedábague̱' neda' gau zi' ne xezrúnene̱' neda'. Be̱ lataj bénnea' guchuchu guléaje̱' neda' lu xu, ne xusunitie̱' xel-la' ba lá'ana chia'.
14016	PSA 7:13	Che quebe xelexíaje lazre̱' Dios gulé̱' xia chee̱'. Ba nuzúa cuásate̱' xaga nalá xéche'ze chee̱'.
14038	PSA 9:7	Ba gulebía xi' benne' dxeledábague̱' neda'. Chadía chacanna zaj nazrinnaj lataj chee̱ benne' ca', ne xe̱zre chee̱' ca', da ca' bchínnuju' Lue'. Netú benne' cheajsá lazre̱' benne' ca'.
14058	PSA 10:6	Lu xichaj lázrdawe̱' dxenné̱': “Quebe bi seque' guzaga na neda'. Cabata' bi gaca chia' da cale̱la.”
14068	PSA 10:16	Chadía chacanna naca Xránadxu Wenná Bea chee̱dxu. Lu xe̱zr la xu chee̱' ba gulebía xi' benne' dxelecuídene̱' Le̱'.
14073	PSA 11:3	Chete ca' xelexinnaj da dxulusé̱ chuchu da xrlátaje, ¿ájazra xelún benne' xrlátaje ca'?
14077	PSA 11:7	Caní gune̱' lawe' da naca xrlátaje Xránadxu Dios, ne nazrí'ine̱' da naca na xrlátaje. Benne' li lazre' ca' xelelé'ene̱' lawe̱'.
14082	PSA 12:5	Benne' ca' gulenné̱': “Ne̱ chee̱ dizra' chee̱ntu' zrué'entu' da chawe'. Ca dxezá lázrentu' guchálajntu', ¿nuzra nna be'e netu', xca'?”
14085	PSA 12:8	Xran, guxúequezu' Lue' bénneache chiu' ca'. Chadía chacanna gucu'uju' le̱' lu na' benne' zaj zre̱'e̱ lu zra na'a zra.
14110	PSA 16:6	Ca da nuzú' chia' zaj naca na da dxezi'a ba neza, ne xrtante̱ zaj naca da nunnu' chia'.
14111	PSA 16:7	Tu gucá'ana szrénzqueza' Xránadxu Dios, Bénnea' dxusé̱dene̱' neda'. Chizrela gate ne dxasia' dxuzéajni'ine̱' neda' lu xichaj lázrdawa'.
14113	PSA 16:9	Chee̱ le̱ na' gubé lázrdawa', ne gubéle̱'e̱quezda', na' zra gacha' lu xe̱dxu ba cueza lazra'
14141	PSA 18:11	Gudée̱' lu be' zrie̱' tu da nazí le na querubín. Chadí gudée̱' lu be' bdunu'.
14151	PSA 18:21	Xránadxu Dios bexunne̱' chia' cáte̱ze naca da xrlátaje da nuna'. Cáte̱ze naca da xrlátaje da nuna' bexunne̱' chia'
14155	PSA 18:25	Chee̱ le̱ na' bexunna Xránadxu Dios chia' cáte̱ze naca da xrlátaje da be̱na', cáte̱ze naca da xrlátaje da nuna' lau Le̱'.
14160	PSA 18:30	Nen xel-la' waca chiu' guzría xi'a benne' zante̱ dxeledíl-lale̱ne̱' neda'. Che Lue', Dios, súale̱nu' neda' waca guchínnaja' ze'e da zaj naxechaj xe̱zre ca'.
14180	PSA 18:50	Chee̱ le̱ na' xeche̱ba' chiu', Xran, lau benne' xe̱zr la xu ca', na' gúl-laqueza' chee̱ Lau' Lue'.
14187	PSA 19:6	Che zílala dxalaj na ca tu benne' wechaga na'. Dxebé na ca tu benne' dxezá chégüe̱' lu witja.
14191	PSA 19:10	Cháwedau' naca zrébedxu Xránadxu, da gun na súadxu chadía chacanna. Da líqueze zaj naca da dxuchi'a Xránadxu chee̱dxu, ne zaj naca na chawe'.
14246	PSA 22:26	Güe lá'anaqueza' Lue' laduj benne' zan zaj nazrague̱' lau'. Ca da guche̱be lazra' gúnqueza' lau benne' ca' dxelezrebe̱' Lue'.
14248	PSA 22:28	Cheajlesá lazre' benne' dute̱ xe̱zr la xu Xránadxu, na' xelexebí'e̱ lau Le̱'. Xúgute̱ cue' benne' chee̱ xúgute̱ cue' xe̱zr la xu xelúe lá'anaqueze̱' Le̱',
14254	PSA 23:2	Ca dxelezrúa zríla'du ca' ba guláguba' xixre' xá'adau', caní dxune̱' chia' chee̱ xezí' lazra'. Gune̱' chia' ca dxaca chee̱ zrila' ca' dxeché̱'e̱-ba' dxu'a xe̱gu nisa da de̱ zrize.
14259	PSA 24:1	Chee̱ Dios naca xe̱zr la xu nigá ne xúgute̱ da zaj de̱ lawe na. Naca chee̱' xe̱zr la xu, ne xúgute̱ bénneache zaj zre̱'e̱ ga na'.
14264	PSA 24:6	Caní zaj naca bénneache dxelebigue̱' lau Le̱', benne' ca' dxelexu'e̱ naga zua Dios chee̱ Jacob.
14276	PSA 25:8	Xrlátaje, ne li lazre' naca Xránadxu Dios. Chee̱ le̱ na' gusé̱dene̱' benne' dul-la ca' da dxal-la' xelune̱'.
14328	PSA 29:3	Chi'i Xránadxu dxen na lawe' nísadau'. Dxen chi'i Dios xabáa ca guziu' da dxenné̱ na. Dxedá chi'e̱ lawe' nísadau'.
14330	PSA 29:5	Chi'i Xránadxu dxichaj na xaga cedro ca'. Dxichaj na xaga cedro ca' zaj ze̱ na xi'a Líbano.
14332	PSA 29:7	Chi'i Xránadxu dxun na chaze xesa.
14333	PSA 29:8	Chi'i Xránadxu dxuxrize na le̱'e̱ xixre' lawe' lataj. Dxuxrize na le̱'e̱ xixre' chee̱ xe̱zr la xu Cades.
14334	PSA 29:9	Chi'i Xránadxu dxuxrize na xaga wal-la ca'. Dxuchibe na xrlegue xaga ca', na' lu xudau' chee̱' dxelenná xúgute̱ bénneache: “¡Gaca ba Dios!”
14335	PSA 29:10	Dxenná be'e Xránadxu nísadau' ca'. Chadía chacanna dxenná be'e̱ ca Wenná Bea.
14349	PSA 30:13	Chee̱ le̱ na' tu gúl-lazqueza' chiu', lawe' da nacu' da ba neza chia', ne quebe sua zríqueza'. Xrana' Dios, tu güe lá'anazqueza' Lue' chadía chacanna.
14357	PSA 31:8	Béle̱'e̱da', ne sua' lu da ba neza lawe' da dxexache lazru' neda'. Caní dxunu' lawe' da dxelé'equeznu' ca da dxezaca zi'a. Nézenu' ca dxedéa' lu da ba xa'.
14406	PSA 33:21	Chee̱ le̱ na' du lázredxu béle̱'e̱quezdxu lau Le̱', lawe' da tu dxuxrén lázrezquezdxu La lá'azxa chee̱'.
14461	PSA 36:3	Chee̱ le̱ na' dxulé'e cuine̱' ca tu benne' zrente̱. Dxéquene̱' quebe dxelé'e Dios da zrinnaj da dxune̱', ne quebe dxecuide Dios le̱'.
14466	PSA 36:8	Xrdante̱ naca xel-la' dxexache lazre' chiu', Dios. Chee̱ le̱ na' dxuluxrén lazre' bénneache Lue' ca dxelún bedxuj dxé'enedu ca' dxelexezraba' zran xrila bedxuj.
14481	PSA 37:10	Chadite te chee̱ benne' ca' dxelune̱' da cale̱la. Le'enu' lizre lataj benne' ca', san québedxa zaj zre̱'e̱ na'.
14487	PSA 37:16	Cháwedxa naca da du da de̱ chee̱ benne' xrlátaje ca da gunní'a da zaj napa zánete̱ benne' dul-la ca',
14499	PSA 37:28	lawe' da nazrí'i Xránadxu da naca li lazre', ne quebe dxusane̱' benne' zaj de̱'e̱ Le̱'. Chadía chacanna tu guxúezqueze̱' benne' ca', san guzría xi'e̱ xrtia ljwezre benne' ca' dxelune̱' da cale̱la.
14502	PSA 37:31	Da nadxixruj bea Dios tu xú'uzqueze na xichaj lázrdawe̱'. Chee̱ le̱ na' quebe cheajchaze bénnea'.
14516	PSA 38:5	Ca naca da zrinnaj da nuna' ba zria cháqueze na xíchaja'. Zaj naca na chia' ca tu xua' zí'ile̱'e̱.
14530	PSA 38:19	Chee̱ le̱ na' xrúale̱pequeza' da cale̱la da be̱na', ne xewine lazra' ca naca dul-la da nabaga'.
14554	PSA 40:6	Da zante̱ be̱nu', Xrana' Dios, da dxebánentu', ne ca zaj naca da dxezá lazru' gunu' chee̱ntu' quebe gaca gulábantu' lau Lue'. Chela nu guzenda' ca zaj naca na, ne che guchálaja' chee̱ na, quebe baben tu na.
14558	PSA 40:10	Ca naca da xrlátaje chiu' ba bzenda' bénneache naga zaj nazraga chiu' bénneache zante̱. Gunná' xque, quebe guzúa zria', ca nézqueznu' Lue', Xrana' Dios.
14573	PSA 41:7	Che xedajlenné̱'e̱ neda', dxelún lazre̱'. Dxelebéaje̱' neda' dizra' chee̱ bi da cale̱la gaca xelenné̱' chia', na' gate dxelexedxúaje̱', na' dxelexrúe̱' dizra' na'.
14576	PSA 41:10	Cá'anqueze bénnea' guleza zri lazre' nen neda', bénnea' bxren lazra', na' gudágule̱queze̱' neda', benne' nigá dxedábagazegue̱' neda'.
14578	PSA 41:12	Caníqueze nezda' ba be̱na' da dxezaca ba lazru' Lue', chee̱ quebe bi xelebéle̱ benne' ca' dxeledábague̱' neda'.
14579	PSA 41:13	Ca naca chia' neda', ba bé̱xruquezu' neda' lawe' da naca' du lazre', ne ba bzu' neda' lau Lue' chadía chacanna.
14580	PSA 41:14	¡Gaca ba Xránadxu, Dios chee̱ benne' Israel ca' gaxuane iza, ne chadía chacanna! ¡Ca'an naca na, ne ca'an gaca na!
14582	PSA 42:2	Ca dxun bzrina' xixre' dxebezre xa'aba' lawe' da dxebíleba' nisa, ca' dxuláwizra bénne'du xu'a da naca chiu', Dios.
14587	PSA 42:7	Dios chia', ba nate ni'a na' bénne'du xu'a lu xichaj lázrdawa'. Chee̱ le̱ na' dxajsá lazra' chiu' nigá zua' lu xe̱zr la xu xechalá'a xe̱gu Jordán, ne lu xe̱zr la xu chee̱ benne' Hermón naga zua xi'a Mizar.
14588	PSA 42:8	Ca schaga da dxun nísadau', ne da dxun tu bdua nisa zren chiu', Dios, ca' dxeque bénne'du xu'a lawe' da dxusaca zi' na'u neda'.
14591	PSA 42:11	Ca tu benne' dxelé̱'e̱ zrita xu'a, ca' dxelún benne' ca' chia', dxelún le̱' chia'. Tu zra tu zra dxelenné̱' chia': “¿Ga na' Dios chiu'?”
14596	PSA 43:4	Chu'a naga zua lucugu chee̱ Dios. Chu'a lau Dios, Bénnea' dxune̱' dxebeda', na' zua' lu da ba neza. Güe lá'ana' Lue' nen da zríadi'i na du, Dios chia'.
14629	PSA 45:5	Lu xel-la' szren chiu' chepe bánquezu'. Bchine dizra' li, ne xel-la' dxexruj lazre', ne da xrlátaje, na' guzéajni'i Cuinu' da zri'a ca'.
14632	PSA 45:8	Nazri'inu' da naca xrlátaje, ne dxecuídenu' da cale̱la. Chee̱ le̱ na' ba nuzúa Dios chiu' Lue' xlátaju', naga dxebéle̱'e̱dxenu' ca le sa' ljwezru' ca'.
14634	PSA 45:10	Bi nu'ula chee̱ wenná bea ca' zaj zúabe' ládujla nu'ula chiu' ca' zaj naque̱' blaudxa. Chalá'a xabe̱la chiu' dxe' nu'ula gácabe' zru'ulu' nácube' oro da za na xe̱zre Ofir.
14642	PSA 45:18	Guna' cheajlesá lazre' xúgute̱ bénneache lau' lue'. Chee̱ le̱ na' xelúe lá'ana bénneache lue' chadía chacanna, ne gaxuane iza.
14645	PSA 46:3	Chee̱ le̱ na', quebe zrébedxu lácala xru' xe̱zr la xu nigá na' cheajlechaze xi'a ca' lu nísadau',
14675	PSA 48:11	Gátete̱ze na' dxelúe lá'ana bénneache Lue', na' ca naca xel-la' szren chiu' dxezrín na du gabí'i xe̱zr la xu. Ca naca da xrlátaje dxenná be'u.
14693	PSA 49:14	Ca da dxelune̱' naca na da xálaze, na' dxelexezaca ba lazre' xrtia ljwezre̱' ca' nen da dxelennaze̱'.
14712	PSA 50:12	Chela neda' dxeduna', quebe xapa' le'e ca' lawe' da naca chia' xe̱zr la xu, ne xúgute̱ da de̱ lawe na.
14729	PSA 51:6	Lau' Lue' be̱na' dul-la. Awe', lau' Lué'queze, ne ba be̱na' da cale̱la lau' Lue'. Caní dxaca na chia' chee̱ gaca bea nacu' xrlátaje lu da dxenníu', ne nacu' du lazre' ca da dxuchi'u chee̱ bénneache.
14751	PSA 52:7	Chee̱ le̱ na' guzría xi' Dios lue' tu chí'izqueze. Waxe̱le̱' lue', ne xequé̱'e̱ lue' naga zúaquezu', ne gucuase̱' lue' naga zaj zra' benne' ban ca'.
14769	PSA 54:7	Ca naca da cale̱la dxelún benne' dxeledábague̱' neda', xuzrí'i Dios na chee̱ benne' ca'. Guzría xi'e̱ benne' ca' lawe' da naque̱' li lazre'.
14788	PSA 55:17	Ca naca chia' neda', bláwizra' Dios, na' Xrana' Dios bselé̱' neda'.
14789	PSA 55:18	Che zílala, ne wagubizra, ne ca dxebía gubizra guchálajle̱queza' Dios, ne guláwizra' Le̱', na' Le̱' xenne̱' chia'.
14791	PSA 55:20	Wene Dios, na' guzría xí'queze̱' benne' ca'. Naque̱' Bénnea' zúatequeze̱' dxenná be'e̱ nédxute̱. Caní gune̱' chee̱ benne' ca' lawe' da quebe dxuluché̱'e̱ ca dxelune̱', ne quebe dxelezrebe̱' Dios.
14801	PSA 56:6	Xúgute̱ zra dxuluchuque̱' xrtizra'. Ca naca da dxelegú'u be'e̱ zaj naca na chee̱ xelune̱' chia' da cale̱la.
14818	PSA 57:9	Bebán lazre', bénne'du xu'a, ne le xebán lázrele, le'e dxínnele da dxúl-lale̱nle, ne da zríadi'i na du. Che zílala chásaqueza'.
14824	PSA 58:3	¡Cabíze̱'! ¡Lu lázrdaule dxugú'u beale da zrinnaj! ¡Sté̱bele̱'e̱ dxuzúale bénneache lu xe̱zr la xu chia'!
14843	PSA 59:10	Zaj naca wal-la benne' ca' dxeledábague̱' neda'. Cueza lazra' Lue' lawe' da dxucu'uju' neda', Dios.
14858	PSA 60:7	Chee̱ xelelá benne' ca' nazrí'iqueznu' Lue', bsel-la le̱' dute̱ xel-la' waca chiu', ne bene chia'.
14860	PSA 60:9	Chia' naca xe̱zr la xu Galaad, ne chia' naca xe̱zr la xu chee̱ zri'ine zre sua Manasés. Xe̱zr la xu chee̱ zri'ine zre sua Efraín naca na ca tu da napa chi'i na xíchaja'. Xe̱zr la xu chee̱ zri'ine zre sua Judá naca na naga dxenná be'a.
14874	PSA 61:9	Caníqueze gúl-laqueza' chee̱ lau' tu chí'izqueze, ne gúnqueza' tu zra tu zra ca da guche̱be lazra'.
14885	PSA 62:11	Quebe guxrén lázrele da sile gate dxexúbele, ne quebe gucá'ana szren cuínale chee̱ da ca' dxebanle. Che dxegula xel-la' gunní'a chee̱le, quebe xezaca ba lázrele chee̱ da na'.
14886	PSA 62:12	Tu lásaze gunná Dios: na' chupa lasa benda' da nigá: Chee̱ Dios naca xel-la' waca.
14887	PSA 62:13	Chiu' Lue', Xran, naca xel-la' dxexache lazre' lawe' da dxunézruju' lazruj chee̱ tu tu bénneache cáte̱ze da zaj nune̱'.
14891	PSA 63:4	Cháwedxa naca xel-la' dxexache lazre' chiu' ca xel-la' nabánqueze. Chee̱ le̱ na' güe lá'anaqueza' Lue'.
14892	PSA 63:5	Caníqueze nnia' chiu' da xrlátaje dxácate̱ naca bana'. Chee̱ gucá'ana szrena' Lau' chísaqueza' na'a.
14904	PSA 64:5	Caní dxelenné̱' bagácheze chee̱ xelune̱' cheajlechaze benne' zaj naque̱' li lazre'. Chadite̱ dxelune̱' na, ne quebe bi dxelezrebe̱'.
14906	PSA 64:7	Dxelílaje̱' ca zaj naca da zrinnaj xelune̱', ne dxelenná' xánnie̱' ca zaj naca na. Ca da zaj xu'u xichaj lázrdawe̱' zaj naca na sté̱bele̱'e̱ ca zaj naca lázrdauqueze̱'.
14907	PSA 64:8	Dios gune̱' benne' ca' we̱' nen tu xaga nalá xéche'ze chee̱'. Chadite̱ xelu'e̱ xízrawe̱' zren ca'.
14919	PSA 65:9	Chee̱ le̱ na' benne' zaj zre̱'e̱ dute̱ xe̱zr la xu xelezrebe̱' ca naca da zrente̱ da dxunu'. Dxuzú' lu da ba neza bénneache zaj zra' du gabí'i xe̱zr la xu.
14937	PSA 66:13	Chú'uqueza' lu xu'u lizru' chee̱ guzézxea' béadu ca', ne gunna' chiu' ca da guche̱be lazra' guna',
14955	PSA 68:3	Ca dxun tu be', dxulaga na zren chee̱ xi', ca' gulagu' benne' ca'. Ca dxuna xina' lu xi', ca' xelexenite benne' ca' lau Dios, benne' ca' dxelune̱' da zrinnaj.
14958	PSA 68:6	Ca xra bi dxé'enedu ca', ne ca benne' dxuxúe nu'ula ca' zaj zue̱' tuze, naca Dios lu lataj lá'azxa naga zúaqueze̱'.
14961	PSA 68:9	na' guzrú' xe̱zr la xu na'. Cá'anqueze gúcale̱'e̱ xiuj lau Dios. Xi'a Sinaí guzrize na lau Dios, Dios chee̱ benne' Israel ca'.
14997	PSA 69:9	Ca tu benne' zitu' naca' lau bi bícha'dau' ca', ne quebe zaj núnbea bi chee̱ xrna'a neda'.
15000	PSA 69:12	Cá'anqueze bgacu cuina' zra lana' tuzruj. Buluzúe̱' neda' ca tu da dxulé'e na da baxache' zrente̱.
15011	PSA 69:23	Ca naca laní chee̱ benne' ca' be̱n gaca na ca tu xralaj naga cheajlecházie̱', ne be̱n xexaca da ba neza chee̱' tu da gun na cheajlecházie̱'.