13952	PSA 2:3	Dxelenné̱': “Guselá cuínadxu lu xel-la' dxenná bea chee̱', ne guzúadxu chalá'ala da zaj nadxixruj bé'ene̱' dxi'u.”
13956	PSA 2:7	Dxenná Wenná Bea na': “Guzenda' le'e da guzre Xránadxu neda'.” Guzre̱' neda': “Lue' nacu' Zri'ina'. Ná'aqueze naca' Xrau'.
13957	PSA 2:8	Gunabe neda', na' gunna' Lue' xúgute̱ cue' xe̱zr la xu ca', na' gaca chiu' dute̱ ca naca xe̱zr la xu.
13958	PSA 2:9	Guzízxenu' bénneache xe̱zr la xu ca' nen vara xia, ne ca tu dxe'e xu guzuzru' le̱'.”
13966	PSA 3:5	Gudxezre xa'a, bláwizra' Xrana' Dios, na' Le̱' beche̱be̱' chia' naga zue̱' lu xi'a lá'azxa chee̱'.
13967	PSA 3:6	Guta', ne gusia', na' bebana' lawe' da nuxru Xrana' neda'.
13969	PSA 3:8	Guzé̱, Xrana' Dios. Bselá neda', Dios chia'. Be̱n we̱' xraga benne' ca' dxeledíl-lale̱ne̱' neda', ne guzuzruj lazxa benne' xriwe̱' ca'.
13972	PSA 4:2	Beche̱be chia' gate dxuláwizra' Lue', Dios. Nacu' Benne' dxuchi'e̱ ca da dxuna'. Gate guzúa' lu da ste̱be, Lue' btipu' lazra'. Bexache lazre' neda', ne bene ca da dxuchálajle̱na' Lue'.
13986	PSA 5:7	Guzría xí'quezu' benne' ca' dxelezí xe̱'e̱. Guzú' chalá'ala benne' we̱te benne', ne benne' guzrí xe̱'.
13987	PSA 5:8	Neda' waca chu'a lizru' lawe' da nazrí'ile̱'e̱nu' neda'. Güe lá'ana' Lue' lu xudau' lá'azxa chiu' dute̱ xel-la' dxezrebe.
13988	PSA 5:9	Bsi neda' chee̱ guna' da xrlátaje chiu', Xran, lawe' da zrále̱'e̱ benne' dxeledábague̱' neda'. Gulú'u neda' neza chawe' chiu'.
13992	PSA 5:13	Gúnquezu' da chawe' chee̱ benne' xrlátaje, Xran. Gucu'uju' bénnea' lawe' da dxezaca ba lázrele̱nu' le̱'.
13997	PSA 6:5	Gudá, Xran, bselá bénne'du xu'a. Bselá neda' dute̱ xel-la' zri'i lazre' chiu'.
14005	PSA 7:2	Xrana' Dios, dxuxrén lazra' Lue'. Gúcale̱ neda' ne bselá neda' lu na' benne' ca' dxulusaca zi'e̱ neda',
14010	PSA 7:7	Xran, dute̱ xel-la' dxezrá'a chiu', guzé̱. Bexechaj benne' ca' dxulusaca zi'e̱ neda' lu xel-la' dxelezrá'a chee̱'. Gusel-la da gácale̱ na neda' gate guchi'u da dxaca chia' ca da gunná be'u.
14011	PSA 7:8	Xúgute̱ benne' zaj zre̱'e̱ xe̱zr la xu xelezrague̱' lau'. Gunná be'e benne' ca' dute̱ xel-la' szren chiu'.
14021	PSA 7:18	Güe lá'anaqueza' Xrana' Dios ca da xrlátaje da dxune̱', ne gúl-laqueza' chee̱ La Xrana' Dios, Bénnea' naque̱' szrente̱.
14025	PSA 8:4	Gate dxenná'a xabáa da nunu' Lue', ne beu', ne belaj ca', da ca' nuzú' cha chee̱ na,
14033	PSA 9:2	Xran, dute̱ lázrdawa' güe lá'ana' Lue'. Guzenda' bénneache ca zaj naca da zrente̱ da be̱nu'.
14034	PSA 9:3	Wabéquezda', ne gúl-laqueza' ca naca chiu'. Gul-la' chee̱ lau' Lue', nacu' Dios zrente̱.
14037	PSA 9:6	Gudil-lu' benne' xe̱zr la xu ca', ne bzria xi'u benne' we̱n da cale̱la ca'. Bsulu' la benne' ca' chadía chacanna.
14045	PSA 9:14	Bexache lazre' neda', Xran. Gunná' da dxezaca' lu ni'a na' benne' ca' dxelecuídene̱' neda'. Dxeca'u neda' lu na' xel-la' gute,
14051	PSA 9:20	Guxasa, Xrana' Dios. Quebe gu'u lataj xelexegá'ana szrénqueze bénneache. Xelelá' lau' benne' xe̱zr la xu ca' chee̱ guchi'u chee̱'.
14064	PSA 10:12	Guxasa, Xrana' Dios, ne bze̱ na'u. Quebe gal-la lazru'u benne' xache' ca'.
14067	PSA 10:15	Dxugú' xel-la' wal-la chee̱ benne' we̱n da cale̱la. Guleaj láwela da cale̱la da nune̱', da na' be̱ne̱' lu da bagache'.
14076	PSA 11:6	Gudée̱' benne' ca' dxelune̱' da cale̱la lu da zi' da xa', da zaj naca na xi', ne da dxuzézrele̱'e da dxala na ca xedxe, ne tu be' lále̱'e̱, da ca' sel-le̱' lawe' benne' ca'.
14083	PSA 12:6	Dxenná Xránadxu Dios: “Na'a xídaqueza' lawe' da dxulusaca zi'e̱ benne' xache' ca', na' dxelebezre lazre' benne' baxache' ca'. Guselá' benne' ca' dxelánene̱' da guna'.”
14086	PSA 12:9	Gátete̱ze na' dxaca da cale̱la gate dxulucá'ana szren bénneache da naca sban.
14088	PSA 13:2	¿Ájate̱queze gal-la lazru' neda', Xran? ¿Gal-la lázrtequezu' neda'? ¿Ájatequeze quebe le'enu' da dxaca chia'?
14090	PSA 13:4	Gunná' da dxaca chia', Xran, ne beche̱be chia'. Btipa lazra' chee̱ quebe gatia',
14092	PSA 13:6	Neda' dxuxrén lazra' Lue' xexache lazru' neda'. Dute̱ lázrdawa' dxebeda' lawe' da dxuseláu' neda'. Gúl-laqueza' chee̱ Xrana' Dios lawe' da ba nune̱' chia' da xrlátaje.
14099	PSA 14:7	Xídatega Bénnea' guselé̱' benne' Israel ca'. Gate gun Xránadxu xelexezrín benne' chee̱' ca', benne' ca' zaj nada'u zítu'la, na' welebé zri'ine zre sua Jacob, ne welebéle̱'e̱quezne̱' benne' Israel ca'.
14115	PSA 16:11	Gulé'enu' neda' da guna' chee̱ gata' chia' xel-la' nabán. Naga zu' Lue' wabéle̱'e̱quezda', na' cuitu' Lue' súatequeze da ba neza chia'.
14116	PSA 17:1	Bze̱ naga chi'a, Xran. Ben xanne' da dxuláwizra' Lue'. Guzí' da dxenaba' Lue', naca' du lazra'.
14118	PSA 17:3	Lue' dxenná' xánniu' xichaj lázrdawa' ne dxelé'enu' neda' chizrela. Gunná' xánniu' da dxuna', na' quebe bi da cale̱la blé'enu'. Ba nuna' quebe bi dizra' cale̱la nnia'.
14123	PSA 17:8	Bxue neda' ca dxun benne' dxuxúe̱' xiaj lawe̱'. Gude̱zre neda' ca dxun bedxuj dxé̱zreba' zrí'ineba' zran xrílaba'
14126	PSA 17:11	Gátete̱ze dxedá' dxeléchaje̱' neda'. Dxelaca lazre̱' xeline̱' neda' xu.
14128	PSA 17:13	Gudá, Xran, gudábaga' benne' ca' dxelune̱' da cale̱la, na' bchiche̱' lu xu. Bselá neda' lu na' benne' ca' dxelune̱' da cale̱la, guchínenu' xia chiu'.
14135	PSA 18:5	Guzúa' lu da ste̱be chee̱ xel-la' gute, na' guca da cale̱la ca tu xe̱gu nisa da bchebe na neda'.
14136	PSA 18:6	Guzúa' lu da ste̱be chu'a lataj ba xa' lawe' da zua' lu da ste̱be chee̱ xel-la' gute.
14138	PSA 18:8	Nadxa guzrú' lu xe̱zr la xu nigá. Gulezrize lane xi'a ca'. Gulezrízele̱'e̱ na lawe' da bzra'a Le'.
14141	PSA 18:11	Gudée̱' lu be' zrie̱' tu da nazí le na querubín. Chadí gudée̱' lu be' bdunu'.
14142	PSA 18:12	Gúcue̱' da chul-la, da bcache na Le̱', da na' naca na beuj bza da xuzru na nisa.
14154	PSA 18:24	Guca' li lazre' lau Le̱', ne bxue cuina' chee̱ quebe guna' da cale̱la.
14158	PSA 18:28	Guseláu' benne' zaj zue̱' lu da zi' da xa', san guzéxruju' benne' dxulucá'ana szren cuine̱'.
14172	PSA 18:42	Gulenné̱' nu benne' gácale̱ne̱' le̱' san quebe nu chilá'. Gulenné̱' Xránadxu Dios, san quebe benne̱' chee̱'.
14175	PSA 18:45	Gate belenne̱' chia', na' buluzúe̱' xrtizra'. Benne' zaj zra' xe̱zr la xu ca' belune̱' ca gunná be'eda'.
14177	PSA 18:47	Gaca ba lá'azxa Xránadxu Dios. Gaca ba Bénnea' dxucu'uje̱' neda'. Xegá'ana szrénqueze Dios, Bénnea' dxuselé̱' neda'.
14196	PSA 19:15	Gaca da dxuchálaja', ne da dxulaba lazra' da dxezaca ba lazru' Lue', Xran Nacu' Benne' dxuxúe̱' neda', ne Benne' dxexá'ue̱' neda'.
14210	PSA 21:4	Guzí' lu na'u le̱', ne be̱nu' dxaca chawe' chee̱'. Nuzriu' xíchaje̱' tu da naca na oro.
14211	PSA 21:5	Gunabe̱' Lue' gunnu' le̱' xel-la' nabán, na' bnézruju' na le̱' chee̱ súaqueze̱' zane' iza.
14218	PSA 21:12	lawe' da gulaca lazre̱' xelune̱' da cale̱la chiu' Lue'. Gulilaj lazre̱' ca da xelune̱', san quebe bi xelezéquene̱',
14225	PSA 22:5	Xra xrtáuntu' gulebeza lazre̱' Lue'. Gulebeza lazre̱', na' bseláu' le̱'.
14229	PSA 22:9	“Bzua cuine̱' lu na' Xránadxu chee̱ guselé̱' le̱'. Guselé̱' le̱' che dxezaca ba lázrele̱ne̱' le̱'.”
14231	PSA 22:11	Guxu'a lu na'u gate quebe ne gálajtea'. Gate ne xu'a lu le̱'e̱ xrna'a, báchequeze nacu' Dios chia'.
14234	PSA 22:14	Gulaca lazre̱' xuluzría xi'e̱ neda' ca tu be̱zre xixre' dxedunba', ne dxebezre xa'aba'.
14237	PSA 22:17	Zaj naxéchaje̱' neda' ca becu' ca'. Zaj naxechaj benne' we̱n da zrinnaj ca' neda'. Gulídue̱' ni'a na'a.
14240	PSA 22:20	Quebe xebigu' naga zua', Xran. Nacu' xel-la' wal-la chia'. Gudázega gácale̱nu' neda', Xran.
14243	PSA 22:23	Guzenda' bi bícha'dau' ca' lau' Lue'. Güe lá'anaqueza' Lue' ladaj benne' zaj nazrague̱' lau'.
14246	PSA 22:26	Güe lá'anaqueza' Lue' laduj benne' zan zaj nazrague̱' lau'. Ca da guche̱be lazra' gúnqueza' lau benne' ca' dxelezrebe̱' Lue'.
14254	PSA 23:2	Ca dxelezrúa zríla'du ca' ba guláguba' xixre' xá'adau', caní dxune̱' chia' chee̱ xezí' lazra'. Gune̱' chia' ca dxaca chee̱ zrila' ca' dxeché̱'e̱-ba' dxu'a xe̱gu nisa da de̱ zrize.
14277	PSA 25:9	Gulé'ene̱' benne' dxexruj lazre' ca' da xrlátaje da xelune̱', ne gusé̱dene̱' benne' zren lazre' ca' da xelune̱'.
14281	PSA 25:13	Gaca chee̱' tu da ba neza zrente̱, na' zri'ine zre sue̱' gaca chee̱be' xe̱zr la xu.
14284	PSA 25:16	Gunná' neda', ne bexache lazre' neda' lawe' da zua' tuza', ne dxezaca zi'a.
14286	PSA 25:18	Gunná' ca dxezaca zi'a, ne ca dxunle̱'a zrin, na' bnite lau xúgute̱ dul-la da nabaga'.
14287	PSA 25:19	Gunná' benne' ca' dxeledábague̱' neda' ca naxánle̱'e̱ne̱', ne ca dxelecuídele̱'e̱ne̱' neda'.
14292	PSA 26:2	Gunná' xanne' lázrdawa', Xran, ne bxue ca da nuna'. Gunná' xanne' da xu'u lu xichaj lázrdawa'
14304	PSA 27:2	Gate guléchaj benne' ca' dxelune̱' da cale̱la chia', nen benne' ca' dxulusaca zi'e̱ neda', ne benne' ca' dxeledábague̱' neda' chee̱ xuluzría xi'e̱ neda', na' gulechégüe̱', ne xeajlecházie̱'.
14307	PSA 27:5	Le̱' gucache chawe̱' neda' lu lataj lá'azxa chee̱' lu zra dxaca da cale̱la. Gucache chawe̱' neda' lu lataj cheé̱queze̱' naga zúaqueze̱'. Guzúe̱' neda' tu naga se̱ cháweda'.
14308	PSA 27:6	Nadxa gune̱' guzétaja' benne' dxeledábague̱' neda', ne zaj naxéchaje̱' neda', na' nen dute̱ xel-la' dxebé gutia' béadu ca' guzúa'-ba' lu cugu chee̱'. Gúl-laqueza', ne tu güe lá'anazqueza' Xránadxu.
14322	PSA 28:6	¡Gaca ba Xránadxu Dios, Bénnea' benne̱' chi'a gate bláwizra' Le̱'!
14334	PSA 29:9	Chi'i Xránadxu dxuxrize na xaga wal-la ca'. Dxuchibe na xrlegue xaga ca', na' lu xudau' chee̱' dxelenná xúgute̱ bénneache: “¡Gaca ba Dios!”
14338	PSA 30:2	Gucá'ana szrena' Lue', Xran, lawe' da bechisu' neda', ne quebe bnézruju' lataj benne' ca' dxeledábague̱' neda' xelún le̱' chia'.
14343	PSA 30:7	Gate guzúa chawa' gunnía': Quebe nu seque' gutá neda',
14344	PSA 30:8	lawe' da bze̱ chuchu' neda', Xran, ca tu xi'a zren, ne blé'enu' neda' cháwedau'. Gate bcache lau', na' guzúa' ste̱be.
14346	PSA 30:10	¿Bizra da ba neza gaca na chiu' che gatia', ne chu'a xe̱dxu ba? ¿Güe lá'ana' Lue' gate ba naca' xu xrte? ¿Waca nu guzenda' da li chiu'?
14371	PSA 31:22	¡Gaca ba Xránadxu Dios! Lu xel-la' dxexache lazre' chee̱' be̱ne̱' da zrente̱ chee̱ gúcale̱ne̱' neda' tu lu xe̱zre naga guca wedil-la.
14372	PSA 31:23	Gate na' guzúa da dxuchebe neda' gunnía': Zua' naga québedxa le'e Xrana' neda'. Lue' bennu' chi'a da guta' xueda' Lue' gate na' bláwizra' Lue'.
14377	PSA 32:3	Gate quebe guxrúale̱pa' dul-la gubaga', bedú lazra' lawe' da gudxezra' bedú zra.
14382	PSA 32:8	Dxenná Xránadxu: “Gulé'eda' lue' neza naga dxal-la' tau'. Gusé̱deda' lue', ne guzéajni'ida' lue' ca dxal-la' gunu'.
14394	PSA 33:9	lawe' da gunne̱ze̱', na' guca xe̱zr la xu. Gunná be'ene̱' na, na' zúaqueze na.
14415	PSA 34:8	Gubáz chee̱ Xránadxu zue̱' cuita benne' ca' dxelezrebe̱' Le̱', na' dxucu'uje̱' benne' ca'.
14419	PSA 34:12	Le da, bidau', ne le xen chia'. Gusé̱deda' le'e chee̱ zrébele Xránadxu Dios.
14426	PSA 34:19	Gágute̱ zua Xránadxu Dios naga zaj zra' benne' ca' dxelexewi'ine lazre̱', ne dxuselé̱' benne' ca' dxelexewi'ine lazre̱'.
14431	PSA 35:1	Xran, bsizre benne' ca' dxelenné̱' chia'. Gudíl-lale̱ benne' ca' dxeledíl-lale̱ne̱' neda'.
14432	PSA 35:2	Gudá gucu'uju' neda' lu wedil-la, ne gúcale̱ neda'.
14433	PSA 35:3	Gude̱l-la xia chee̱ wedil-la chee̱ guzagu' benne' ca' dxululague̱' neda'. Guzre neda' nacu' Benne' dxuselé̱' neda'.
14437	PSA 35:7	Bulucache̱' tu xralaj chee̱ que̱la na neda', ne quegá bi nuna' chee̱'. Gule̱ne̱' tu xe̱dxu naga cheajcházia' neda', ne quegá bi de̱ da dxagu na zria chia'.
14438	PSA 35:8	Gusel-la da guzría xi na benne' ca', ne quebe xeleque be'ene̱'. Be̱n que̱la xralaj chee̱' na' lé̱queze̱', ne cheajlecházie̱' naga xelebía xi'e̱.
14441	PSA 35:11	Belasa benne' dxelexeche̱be̱' da we̱n lazre'. Gulawe̱' zria neda' chee̱ tu da quebe dxaca be'eda'.
14444	PSA 35:14	Bewi'ine lazra' chee̱ benne' ca' ca dxuna' chee̱ le sa' ljwezra', u chee̱ bi bíchequeza'. Guzúa' lu da baxache' ca dxun benne' chee̱ xrne̱'e̱ gate dxatie̱'.