13953	PSA 2:4	Naga dxe' Xránadxu xabáa dxuzrizre̱'. Quebe dxezí' le̱ne̱' chee̱ da dxelegú'u lazré̱' xelune̱'.
13956	PSA 2:7	Dxenná Wenná Bea na': “Guzenda' le'e da guzre Xránadxu neda'.” Guzre̱' neda': “Lue' nacu' Zri'ina'. Ná'aqueze naca' Xrau'.
13959	PSA 2:10	Na'a, le'e, wenná bea, le xene da nigá dxuzéajni'ida' le'e. Le guse̱de da nigá dxusízreda' le'e, benne' dxelenná bea lu xe̱zr la xu.
13960	PSA 2:11	Le gun zrin chee̱ Xránadxu Dios, dute̱ xel-la' dxezrebe chee̱le. Nen xel-la' dxezrize chee̱le, le be lau Le̱'.
13965	PSA 3:4	Lue', Xrana' Dios, dxucú'uju' neda'. Nacu' Benne' dxebéle̱na', ne Benne' dxuzé̱ chawe̱' neda'.
13972	PSA 4:2	Beche̱be chia' gate dxuláwizra' Lue', Dios. Nacu' Benne' dxuchi'e̱ ca da dxuna'. Gate guzúa' lu da ste̱be, Lue' btipu' lazra'. Bexache lazre' neda', ne bene ca da dxuchálajle̱na' Lue'.
13977	PSA 4:7	Benne' zante̱ dxelenné̱': “¿Nuzra gun gá'anatu' chawe'?” Dute̱ xel-la' zri'i lazre' chiu' bxue netu', Xran.
13984	PSA 5:5	Nacu' Dios quebe dxezaca ba lazru' da cale̱la. Benne' we̱n da cale̱la quebe súaqueze̱' naga zu' Lue'.
13987	PSA 5:8	Neda' waca chu'a lizru' lawe' da nazrí'ile̱'e̱nu' neda'. Güe lá'ana' Lue' lu xudau' lá'azxa chiu' dute̱ xel-la' dxezrebe.
13998	PSA 6:6	Naga zaj zra' benne' gate ca', quebe nu dxeajsá lazre' Lue'. Lu lataj ba xa' ¿núzraqueze güe lá'ana Lue'?
14038	PSA 9:7	Ba gulebía xi' benne' dxeledábague̱' neda'. Chadía chacanna zaj nazrinnaj lataj chee̱ benne' ca', ne xe̱zre chee̱' ca', da ca' bchínnuju' Lue'. Netú benne' cheajsá lazre̱' benne' ca'.
14055	PSA 10:3	Dxucá'ana szren cuine̱' ca naca da dxezá lazre̱'. Nupé̱'e̱ dizra' da dxenné̱' chee̱ benne' dxucude', na' dxucá'ana dítaje̱' Xránadxu Dios.
14063	PSA 10:11	Lu xichaj lázrdawe̱' dxenné̱': “Nal-la lazre' Dios benne' caní. Nucache lawe̱', ne quebe lé'ene̱' da dxuna'.”
14082	PSA 12:5	Benne' ca' gulenné̱': “Ne̱ chee̱ dizra' chee̱ntu' zrué'entu' da chawe'. Ca dxezá lázrentu' guchálajntu', ¿nuzra nna be'e netu', xca'?”
14083	PSA 12:6	Dxenná Xránadxu Dios: “Na'a xídaqueza' lawe' da dxulusaca zi'e̱ benne' xache' ca', na' dxelebezre lazre' benne' baxache' ca'. Guselá' benne' ca' dxelánene̱' da guna'.”
14092	PSA 13:6	Neda' dxuxrén lazra' Lue' xexache lazru' neda'. Dute̱ lázrdawa' dxebeda' lawe' da dxuseláu' neda'. Gúl-laqueza' chee̱ Xrana' Dios lawe' da ba nune̱' chia' da xrlátaje.
14100	PSA 15:1	Xran, ¿núzraqueze benne' sue̱' naga zu' Lue'? ¿Núzraqueze benne' sue̱' naga naca lá'azxa chiu'?
14104	PSA 15:5	Waca bénnea' dxusane̱' dumí chee̱' ne quebe dxenabe̱' xíchaje̱n, ne quebe dxezí' lu ne̱'e̱ dumí chee̱ nnie̱' chee̱ nu benne' quebe bi zria nabague̱'. Nu benne' dxune̱' caní cabata' cheajchazie̱' lu da cale̱la.
14115	PSA 16:11	Gulé'enu' neda' da guna' chee̱ gata' chia' xel-la' nabán. Naga zu' Lue' wabéle̱'e̱quezda', na' cuitu' Lue' súatequeze da ba neza chia'.
14132	PSA 18:2	Nazrí'ida' Lue', Xran. Lue' dxuzé̱ chuchu' neda'.
14138	PSA 18:8	Nadxa guzrú' lu xe̱zr la xu nigá. Gulezrize lane xi'a ca'. Gulezrízele̱'e̱ na lawe' da bzra'a Le'.
14146	PSA 18:16	Nadxa belelá' da zaj de̱ lu situj chee̱ nísadau', ne ble'e lau lane xe̱zr la xu da zua na zran nísadau', gate na' gudil-lu' benne' ca' dxeledábague̱' neda', Xran, ne lu xel-la' dxezrá'a chiu' bzagu' benne' ca'.
14160	PSA 18:30	Nen xel-la' waca chiu' guzría xi'a benne' zante̱ dxeledíl-lale̱ne̱' neda'. Che Lue', Dios, súale̱nu' neda' waca guchínnaja' ze'e da zaj naxechaj xe̱zre ca'.
14178	PSA 18:48	Naca Dios Bénnea' dxebéaj lazre̱' benne' dxeledábague̱' neda', ne dxuzúe̱' benne' ca' zran ni'a.
14179	PSA 18:49	Naque̱' Bénnea' dxuselé̱' neda' lu na' benne' ca' dxeledábague̱' neda'. Dxune̱' dxenná be'eda' benne' ca' guledábague̱' neda'. Bselé̱' neda' lu na' benne' xichaj zra'a ca'.
14194	PSA 19:13	Netú benne' quebe gaca lé'ene̱' da cale̱la da dxune̱'. Bselá neda', Xran, lu da cale̱la da quebe dxéquebe'eda' dxuna'.
14195	PSA 19:14	Bucache chawe' neda', we̱n zrin chiu', chee̱ quebe bi dul-la guna' du lazra'. Quebe gu'u lataj nna be'e dul-la neda'. Nadxa gaca' du lazra', ne quebe baga' zria chee̱ dul-la na'.
14196	PSA 19:15	Gaca da dxuchálaja', ne da dxulaba lazra' da dxezaca ba lazru' Lue', Xran Nacu' Benne' dxuxúe̱' neda', ne Benne' dxexá'ue̱' neda'.
14203	PSA 20:7	Na'a nezda' dxuselá Xránadxu bénnea' ba gucá'aqueze̱'. Naga zue̱' xabáa lá'azxa chee̱' xenne̱' chi'i bénnea'. Xel-la' waca zrente̱ chee̱' guselé̱' bénnea'.
14210	PSA 21:4	Guzí' lu na'u le̱', ne be̱nu' dxaca chawe' chee̱'. Nuzriu' xíchaje̱' tu da naca na oro.
14219	PSA 21:13	lawe' da gulagu' benne' ca'. Nucuezu' xaga nalá xéche'ze chiu' chee̱ le̱'.
14224	PSA 22:4	Lá'azxa nacu' Lue'. Nacu' Benne' dxebeze̱' naga dxelúe lá'ana benne' Israel Lue'.
14227	PSA 22:7	Neda' naca' ca tu be̱la' gúna'dau', ne quegá bénneache. Dxelecuide bénneache neda', ne dxuluzúe̱' neda' chalá'ala.
14236	PSA 22:16	Bexaca xel-la' wal-la chia' ca tu xé'ena xu la'a, na' luzra' bedá' na chichja'. Nuzú' neda' lu xu xrte chee̱ xel-la' gute.
14240	PSA 22:20	Quebe xebigu' naga zua', Xran. Nacu' xel-la' wal-la chia'. Gudázega gácale̱nu' neda', Xran.
14259	PSA 24:1	Chee̱ Dios naca xe̱zr la xu nigá ne xúgute̱ da zaj de̱ lawe na. Naca chee̱' xe̱zr la xu, ne xúgute̱ bénneache zaj zre̱'e̱ ga na'.
14261	PSA 24:3	¿Nu seque' cuen xi'a chee̱ Xránadxu? ¿Nu seque' chu'u xudau' lá'azxa chee̱'?
14266	PSA 24:8	¿Nuzra na' Wenná Bea szrente̱ nigá? Naque̱' Xránadxu, Benne' wal-la, Bénnea' nape̱' dute̱ xel-la' waca. Naque̱' Xránadxu, Bénnea' dxedxúaje̱' chawe' lu wedil-la.
14268	PSA 24:10	¿Nuzra na' Wenná Bea szrente̱ nigá? Naque̱' Xránadxu, Benne' dxenná bé'ene̱' xúgute̱ da zaj zua. Le̱' naque̱' Wenná Bea szrente̱ na'.
14275	PSA 25:7	Quebe chajsá lazru' dul-la da be̱na' gate ne naca' benne' cuide', ne ca gudábaga' xrtizru'. Nen dute̱ xel-la' dxexache lazre' chiu', bsa lazre' neda', ne nen dute̱ xel-la' zri'i lazre' chiu', Xran.
14280	PSA 25:12	¿Nu benne' dxezrebe̱' Xránadxu Dios? Le̱' gusé̱dene̱' benne' nigá da dxal-la' gune̱'.
14285	PSA 25:17	Naxánle̱'e̱ da ste̱be da zaj zua lázrdawa'. Bselá neda' lu da ste̱be zua'.
14301	PSA 26:11	Neda' tu gúnzqueza' da naca li lazre'. Bselá neda', ne bexache lazre' neda'.
14303	PSA 27:1	Xránadxu Dios naque̱' xel-la' naxaní' chia', ne Benne' dxuselé̱' neda'. ¿Nu benne' gaca guchebe̱' neda'? Xránadxu Dios naque̱' Benne' dxucu'uje̱' neda'. ¿Nu benne' gaca guzúe̱' neda' lu da sté̱bele̱'e̱?
14308	PSA 27:6	Nadxa gune̱' guzétaja' benne' dxeledábague̱' neda', ne zaj naxéchaje̱' neda', na' nen dute̱ xel-la' dxebé gutia' béadu ca' guzúa'-ba' lu cugu chee̱'. Gúl-laqueza', ne tu güe lá'anazqueza' Xránadxu.
14311	PSA 27:9	Quebe gucache lau' chia' neda'. Lu xel-la' dxezrá'a chiu' quebe xebigu' naga zua' neda', we̱n zrin chiu'. Nacu' Benne' dxácale̱ne̱' neda'. Quebe gusanu' neda', ne quebe cueaj xichju' neda', Dios, weselá chia'.
14317	PSA 28:1	Xran, dxuláwizra' Lue'. Nacu' Benne' dxucú'uju' neda'. Bze̱ naga chi'a lawe' da che quebe xennu' neda' gaca' ca tu benne' dxu'e̱ lataj ba xa'.
14353	PSA 31:4	Nacu' Benne' dxuzé̱ chuchu' neda', ne dxucú'uju' neda'. lawe' da nacu' li lazre' gulé'enu' neda' neza, ne gusi'u neda' neza na'.
14356	PSA 31:7	Dxecuídeda' benne' ca' dxelebeza lazre̱' dios ca' quebe bi zaj zaca. Neda' dxebeza lazra' Xrana' Dios.
14357	PSA 31:8	Béle̱'e̱da', ne sua' lu da ba neza lawe' da dxexache lazru' neda'. Caní dxunu' lawe' da dxelé'equeznu' ca da dxezaca zi'a. Nézenu' ca dxedéa' lu da ba xa'.
14362	PSA 31:13	Benne' caní ba gulal-la lazre̱' neda' ca dxelal-la lazre̱' tu benne' gate. Naca' neda' ca tu xé'ena xu da nalá'a.
14364	PSA 31:15	Neda' dxuxrén lazra' Lue', Xran. Dxennía' nacu' Lue' Dios chia'.
14379	PSA 32:5	Nadxa guxrúale̱pa' dul-la gubaga', ne quebe bcacha' zria da guzúa chia'. Bechugu lazra' guxrúale̱pa' na lau Lue', Xran, na' Lue' bnite lau' chee̱ dul-la gubaga'.
14385	PSA 32:11	Le'e, benne' xrlátaje, le be, ne le sua lu da ba neza, ne̱ chee̱ da be̱n Xránadxu, gúcale̱ne̱' le'e. Nen dute̱ xel-la' dxebé le gul-la, le'e, nácale li lazre' lau Le̱'.
14391	PSA 33:6	Ne̱ chee̱ xrtizra' Xránadxu Dios, be̱ne̱' xabáa, na' xúgute̱ belaj da zaj nalá' zran xabáa be̱ne̱' nen be' dxedxuaj dxu'e̱.
14398	PSA 33:13	Naga zue̱' xabáa chee̱' dxenná' Xránadxu Dios, na' dxelé'ene̱' xúgute̱ cuen bénneache.
14399	PSA 33:14	Naga zue̱' lataj lá'azxa chee̱' dxenné̱'e̱, na' dxelé'ene̱' ca zaj zra' bénneache lu xe̱zr la xu.
14414	PSA 34:7	Neda', benne' xache', bláwizra', na' ben Xránadxu Dios chia', ne bselé̱' neda' lu xúgute̱ da dxezaca zi'a.
14420	PSA 34:13	¿Nu benne' ládujla le'e dxaca lazre̱' xegá'ane̱' lu xel-la' nabán, bénnea' dxaca lazre̱' sue̱' zane' iza chee̱ lé'ene̱' da chawe'?
14439	PSA 35:9	Nadxa béle̱'e̱quezda' ca naca da nun Xránadxu Dios. Sua' lu da ba neza lawe' da bselé̱' neda'.
14443	PSA 35:13	Neda', gate quebe chawe' gulezúe̱', bewi'ine lazra'. Be̱na' gubasa da bsaca zi na neda', ne du lazra' bláwizra' Dios chee̱ xexune̱' benne' ca'.
14468	PSA 36:10	Naga zu' Lue' zua beaj naga dxalaj nisa da dxunna na xel-la' nabán. Lu xel-la' naxaní' chiu' walé'entu' da naca lení'.
14489	PSA 37:18	Nunbea Xránadxu ca zaj naca zra xelezúa benne' du lazre' ca', na' da zaj napa benne' ca' xelezúa na chadía chacanna.
14507	PSA 37:36	Na' gudé chee̱', na' québedxa zue̱' na'a. Bexílaja' le̱', san quebe nu bezrelda'.
14518	PSA 38:7	Nucache lawa', ne dxexedué'ele̱'e̱da', ne dxebezre xacha' te zra chizrela,
14520	PSA 38:9	Nate ni'a na'a, ne dxéqueda' ba naxúzrujne zrita xu'a. Dxebezre lazra' lawe' da zua ste̱be lázrdawa'.
14525	PSA 38:14	Neda' quebe dxenda' ca dxaca chee̱ tu benne' cuezru, ne naca' ca tu benne' quebe dxaca nne̱', benne' quebe dxexrá dxu'e̱.
14526	PSA 38:15	Naca' ca tu benne' quebe dxenne̱', bénnea' quebe dxexeche̱be̱',
14534	PSA 38:23	Be̱n ba xuzre gácale̱nu' neda', Xran. Nacu' Benne' dxuselé̱' neda'.
14536	PSA 39:2	Neda' gunnía': Guxúe xanne' cuina' chee̱ quebe guna' dul-la lu da guchálaja'. Tu guxúe xánnezqueza' ca da guchálaja' dxácate̱ na' zua benne' we̱n da cale̱la naga zua'.
14538	PSA 39:4	Guca lázrdawa' ca tu da dxala, na' lu da dxulaba lazra' guca na ca tu xi'. Na' gunaba' lau Xránadxu, gunnía':
14540	PSA 39:6	Nunu' chia' sua' bábaze zra, na' iza chia' québequeze bi naca na lau Lue'. ¡Da líqueze quebe bi zaj naca zra chee̱ xúgute̱ bénneache!
14542	PSA 39:8	Na'a, Xran, ¿bízraqueze cueza lazra'? Tuzu' Lue' dxal-la' cueza lazra'.
14550	PSA 40:2	Nen dute̱ xel-la' zren lazre' chia' guleza lazra' Xrana' Dios, na' bze̱ nague̱' chia', ne benne̱' da gunábeda' Le̱'.
14556	PSA 40:8	Nadxa gunnía': Guná' xque, za'a neda'. Lu xiche lá'azxa naxúaj na ca naca chia'.
14566	PSA 40:18	Láqueze sua' neda' lu da ba xa', ne lu da baxache', guxúequeze Xrana' Dios ájala gune̱' chia'. Nacu' Benne' dxácale̱ne̱' neda', ne Benne' weselá chia'. Dios chia', quebe chenu' gácale̱nu' neda'.
14584	PSA 42:4	Nisa xuzru xiaj lawa' guca na ca xeta dxawa' te zra chizrela, dxácate̱ na' gulé̱'e̱ neda' xúgute̱ zra: “¿Ga na' Dios chiu'?”
14586	PSA 42:6	¿Bizr chee̱ na' dxate ni'a na'u, bénne'du xu'a? ¿Bizr chee̱ na' zu' ste̱be lu xichaj lázrdawa'? Guleza lazre' Dios lawe' da güe lá'anaqueza' Le̱' da xula. Naque̱' Benne' dxuselé̱' neda', ne Dios chia'.
14592	PSA 42:12	¿Bizr chee̱ na' dxate ni'a na'u, bénne'du xu'a? ¿Bizr chee̱ na' zu' ste̱be lu xichaj lázrdawa'? Guleza lazre' Dios lawe' da güe lá'anaqueza' Le̱' da xula. Naque̱' Benne' dxuselé̱' neda', ne Dios chia'.
14594	PSA 43:2	Nacu' Lue' Dios chia', ne dxuzé̱ chuchu' neda'. ¿Bizr chee̱ na' nusán lazru' neda'? ¿Bizr chee̱ na' dxewí'ine lazra' lawe' da dxusaca zi' neda' benne' ca' dxeledábague̱' neda'?
14597	PSA 43:5	¿Bizr chee̱ na' dxate ni'a na'u, bénne'du xu'a? ¿Bizr chee̱ na' zu' ste̱be lu xichaj lázrdawa'? Guleza lazre' Dios lawe' da güe lá'anaqueza' Le̱' da xula. Naque̱' Benne' dxuselé̱' neda', ne Dios chia'.
14601	PSA 44:4	Xra xrtáuntu' ca' quebe gulezi'e̱ xe̱zr la xu nigá nen xia nalá cheé̱queze̱', Ne quebe buluselá cuine̱' nen xel-la' wal-la da zaj nape̱'. Lue' bseláuquezu' le̱' nen xel-la' waca chiu', ne nen xel-la' wal-la chiu', ne nen xel-la' naxaní' chiu', lawe' da bezaca ba lazru' nen le̱'.
14603	PSA 44:6	Nen xel-la' waca chiu' xebéajntu' benne' ca' dxeledábague̱' netu'. Lu Lau' Lue' guchuchuj guléajntu' benne' ca' dxeledábague̱' netu'.
14606	PSA 44:9	Ne̱ chee̱ Dios tu súazquezentu' lu da ba neza, na' chadía chacanna güe lá'anantu' Lau' Lue'.
14607	PSA 44:10	Nusán lazru' netu', ne nunu' dxexedué'entu', ne quebe dxéajle̱nu' benne' chee̱ntu' ca' dxjaque̱' wedil-la.
14612	PSA 44:15	Nuzú' netu' ca tu da dxelenná benne' xe̱zr la xu ca' naca na da baxáchele̱'e̱. Xúgute̱ benne' dxelelé'ene̱' netu' dxulutá xíchaje̱', ne dxelexebánene̱' ca da baxache' nácantu'.
14627	PSA 45:3	Nacu' xrtánle̱'e̱dxa ca xúgute̱ bénneache. Dxezíle̱'e̱ntu' ba neza chee̱ dizra' dxuchálaju', lawe' da nucá'anaqueze Dios Lue' cháwedau' tu chí'izqueze.
14632	PSA 45:8	Nazri'inu' da naca xrlátaje, ne dxecuídenu' da cale̱la. Chee̱ le̱ na' ba nuzúa Dios chiu' Lue' xlátaju', naga dxebéle̱'e̱dxenu' ca le sa' ljwezru' ca'.
14639	PSA 45:15	Xeleché̱'e̱-be' lau wenná bea, nácube' zra lánabe' da núale̱'e̱ lechítaje̱ na. Nu'ula wégu'du ca' chjácabe' cuzru le̱be'. Nu'ula caní, nu'ula ljwézrebe' xuluzúabe' lawe' lue'.
14653	PSA 46:11	Dxenná Dios: “Le sua zrize, ne le xúnbea naca' Dios. Naca' szrendxa ca zaj naca xúgute̱ cue' xe̱zr la xu. Naca' szrendxa ca dute̱ xe̱zr la xu.”
14657	PSA 47:3	Dxal-la' zrébedxu Xránadxu, nape̱' dute̱ xel-la' szren. Naque̱' Wenná Bea zren dxenná bé'ene̱' dute̱ xe̱zr la xu.
14666	PSA 48:2	¡Zrente̱ naca Xránadxu! ¡Naca chee̱' güe lá'anale̱'e̱dxu Le̱' ga naca lu xe̱zre chee̱ Dios chee̱dxu, da dxe' na lu xi'a lá'azxa chee̱'!
14667	PSA 48:3	Sión, da naca na xi'a chee̱ Dios, naca na sibe, ne xrtante̱. Naca na xe̱zre chee̱ Wenná Bea zrente̱, da dxunna na xel-la' dxebé dute̱ xe̱zr la xu nigá.
14707	PSA 50:7	Dxenné̱': “Le xen, bénneache chia', na' guchálaja'. Le guzé̱ nágale, benne' Israel, na' nnia' da gagu na zria chee̱le. Neda', Dios, naca' Dios chee̱le.
14720	PSA 50:20	Tu dxenné̱zquezu' da cale̱la chee̱ bi bíchequezu', Ne dxagu' zria chee̱ bi chee̱ xrná'aquezu'.
14721	PSA 50:21	Da caní be̱nu', na' neda' guzúa' zrize. Gúquenu' naca' tu benne' ca nacu' lue'. Na'a wadíl-laqueza' lue', ne gulé'eda' lue' ca ba be̱nu'.”