13945	PSA 1:2	Zue̱' xel-la' dxebé lawe' da dxuzúe̱' dizra' da nadxixruj bea Xránadxu, ne ca naca da nadxixruj bea na, te zra ne chizrela dxelaba lazre̱' na.
13947	PSA 1:4	Quegá caní zaj naca benne' we̱n da cale̱la ca'. Zaj naque̱' ca tu xizre laga' da dxua be' bdunu'.
13956	PSA 2:7	Dxenná Wenná Bea na': “Guzenda' le'e da guzre Xránadxu neda'.” Guzre̱' neda': “Lue' nacu' Zri'ina'. Ná'aqueze naca' Xrau'.
13961	PSA 2:12	Le gapa ba lá'ana Zrí'ine̱' chee̱ quebe zre̱'e̱, checa' cuía xile la neza chee̱le, lawe' da la zra'ate̱ Le̱'. Da ba neza zrente̱ naca na chee̱ xúgute̱ benne' dxuluxrén lazre̱' Le̱'.
13989	PSA 5:10	Benne' caní quebe dxelenné̱' da li. Lu xichaj lázrdawe̱' xu'u da cale̱la. Xe̱dxu lbe̱'e̱ zaj naca na ca tu ba chee̱ benne' gate da naxalaj na. Zaj nupé̱'e̱ dizra' chawe' chee̱' da zaj naca na da we̱n lazre'.
14023	PSA 8:2	Lue' Dios, Xránantu', zrente̱ naca Lau' du gabí'i xe̱zr la xu. Zrendxa naca xel-la' szren chiu' ca xabáa.
14024	PSA 8:3	Bidu ca', ne bidu dxe'ene ca' dxelúl-labe' ca naca na. Zúaquezu' lataj chawe' naga quebe xelezrín benne' ca' dxeledábague̱' lue'. Dxuzúa zriu' benne' dxeledábague̱' lue', ne benne' dxelecuídene̱' Lue'.
14084	PSA 12:7	Xrtizra' Xránadxu Dios zaj naca na du lazre'. Zaj naca na ca xiaj plata da ba gudé na lu xi', da ba gudé na lu xi' gazre lasa.
14127	PSA 17:12	Zaj naque̱' ca tu be̱zre xíxre'dau' dxaca lázreba' bi gáguba'. Zaj naque̱' ca tu be̱zre xixre', ba nucache cuínaba' chee̱ qué̱l-laba' béadu ca'.
14144	PSA 18:14	Zran xabáa gunné̱ guziu' chee̱ chi'i Xránadxu, na' ben chi'i Dios szrente̱ ládujla bau dxelala ca', ne xiaj bezxe' na'.
14192	PSA 19:11	Zaj naca na da dxezá lázredxadxu ca oro, ne ca oro zrente̱ da zácale̱'e̱ na. Zaj naca na zíxredxa ca bzrína'dau', da nácale̱'e̱ na zixre.
14212	PSA 21:6	Zrente̱ naca xabáa chee̱' lawe' da bseláu' le̱'. Be̱nnu' le̱' xel-la' ba lá'ana, ne xel-la' szren.
14233	PSA 22:13	Zaj naxechaj benne' dxeledábague̱' neda' ca be̱zre ca'. Zaj naxechaj benne' neda' zaj naque̱' ca be̱zre wal-la ca' chee̱ Basán.
14237	PSA 22:17	Zaj naxéchaje̱' neda' ca becu' ca'. Zaj naxechaj benne' we̱n da zrinnaj ca' neda'. Gulídue̱' ni'a na'a.
14251	PSA 22:31	Zri'ine zre sua benne' ca' xelunbe' zrin chee̱ Xránadxu. Xuluzenne̱' zrí'ine̱' ca' ca naca chee̱ Xránadxu cadxa cheajse̱te̱ chee̱ bénneache.
14289	PSA 25:21	Zaj nuxru da xrlátaje, ne xel-la' li lazre' neda' lawe' da dxebeza lazra' Lue'.
14372	PSA 31:23	Gate na' guzúa da dxuchebe neda' gunnía': Zua' naga québedxa le'e Xrana' neda'. Lue' bennu' chi'a da guta' xueda' Lue' gate na' bláwizra' Lue'.
14390	PSA 33:5	Le̱' nazrí'ine̱' da naca xrlátaje, ne da naca du lazre'. Zaj núnbea bénneache xel-la' dxexache lazre' chee̱ Xránadxu du gabí'i xe̱zr la xu.
14516	PSA 38:5	Ca naca da zrinnaj da nuna' ba zria cháqueze na xíchaja'. Zaj naca na chia' ca tu xua' zí'ile̱'e̱.
14531	PSA 38:20	Benne' ca' dxeledábague̱' neda' zaj zúaqueze̱' chawe', ne zaj naque̱' benne' wal-la. Zaj naxánle̱'e̱ benne' ca' dxelecuídene̱' neda', ne quebe bi de̱ da dxagu na zria chia' lau le̱'.
14561	PSA 40:13	Lawe' da ba guléchajle̱'e̱ da cale̱la ca' neda', da cale̱la ca' da ba nuna' zaj zria na neda', na' quebe gaca nna'a naga zu'. Zaj naxándxa na ca zaj naca xicha xíchaja', na' dxedú lazra'.
14620	PSA 44:23	Lawe' da nácantu' chiu', tu zra tu zra ba zaj zúatequeze̱' xelútie̱' netu'. Zaj nune̱' netu' ca zrila' ca' ba zua xelútie̱'-ba'.
14630	PSA 45:6	Zaj nalále̱'e̱ xaga nalá xéche'ze chiu' ca', da xelute na benne' xe̱zr la xu ca' lau Lue', ne cheajlechaze na lu lázrdau benne' ca' dxeledábague̱' Lue'.
14638	PSA 45:14	Xrtanle̱'e̱ naca bi nu'ula chee̱ wenná bea lu xu'u naga zue̱'. Zra lánabe' nazí' lechítaje̱ na oro.
14644	PSA 46:2	Dios naque̱' Benne' dxuxúe̱' dxi'u, ne dxune̱' dxi'u benne' wal-la. Zúate̱queze̱' gácale̱ne̱' dxi'u gate dxededxu xel-la' zi'.
14666	PSA 48:2	¡Zrente̱ naca Xránadxu! ¡Naca chee̱' güe lá'anale̱'e̱dxu Le̱' ga naca lu xe̱zre chee̱ Dios chee̱dxu, da dxe' na lu xi'a lá'azxa chee̱'!
14692	PSA 49:13	Quebe xelexegá'anatequeze bénneache lu da ba lá'ana. Zaj naque̱' ca be̱ xixre' ca', be̱ dxeláteba'.
14694	PSA 49:15	Zaj naque̱' ca tu cue' zrila' zjácaba' lataj ba xa', naga guxúe xel-la' gute le̱ba'. Benne' xrlátaje ca' xelenná bé'ene̱' benne' gunní'a ca' gate za' chaní', na' xelebía xi' da ca' guta' chee̱', na' lataj ba xa' gaca na naga tu xelezúazqueze̱'.
14761	PSA 53:6	Za zrin zra xelexruse̱' ca da quebe ne xelezaque̱', lawe' da gusedinnaj Dios zrita ca' chee̱ benne' guledábague̱' bénneache chee̱'. Dios na' nuzúe̱' chalá'ala benne' ca', na' bénneache chee̱' xuluzría xi'e̱ benne' ca'.
14767	PSA 54:5	Za'aca benne' snia ca' xeledíl-lale̱ne̱' neda'. Benne' xichaj zra'a ca' dxelaca lazre̱' xelútie̱' neda', benne' ca' quebe dxelape̱' ba lá'ana Lue', Dios.
14777	PSA 55:6	Zua' lu xel-la' dxezrebe, ne dxezríztequeza', na' zúale̱ neda' da dxuchebe na neda'.
14814	PSA 57:5	Zua' lu da ste̱be ca tu benne' zue̱' ládujla be̱zre xixre' ca'. Xu'a ládujla bénneache zaj naque̱' ca be̱zre xixre' ca' dxeláguba' bénneache. Dizra' da dxelenné̱' chia' zaj naca na ca tu xia natuche', ne xaga nalá xéche'ze ca', na' xrtizre̱' zaj naca na ca tu xia da nalále̱'e̱.
14825	PSA 58:4	Zaj nazrinnaj lázxdau benne' ca' zaj nabéaj xíchaje̱' neda' gate gulálajte̱'. Belexase dínnaje̱' dxelún lazre̱' gate gulezante̱ xrne̱'e̱ le̱'.
14826	PSA 58:5	Dizra' da dxelenné̱' zaj naca na da dxelute bénneache ca da zria zran lazxa be̱la'. Zaj naca na ca be̱la' snia, be̱ nácaba' be̱ cuezru.
14837	PSA 59:4	lawe' da dxelilaj lazre̱' xelútie̱' neda'. Zaj nazraga benne' wal-la ca' chee̱ xeledíl-lale̱ne̱' neda', quegá lawe' da bi zria nabaga', ne quegá ne̱ chee̱ dul-la nuna' neda', Xran.
14843	PSA 59:10	Zaj naca wal-la benne' ca' dxeledábague̱' neda'. Cueza lazra' Lue' lawe' da dxucu'uju' neda', Dios.
14868	PSA 61:3	Zitu' naga zua lazria' dxuláwizra' Lue', lawe' da dxedú lazra'. Guché̱' neda' naga zua Bénnea' naque̱' ca tu xi'a xiaj, Bénnea' nácadxe̱' szren ca neda',
14884	PSA 62:10	Da líqueze, da dácheze zaj naca bénneache, ne ca tu da we̱n lazre' benne' zren ca'. Quebe bi dxelé̱'e̱ tu lu zrgú'unsa. Zaj nácadxe̱' zraze ca tu be' da dxecá'a lázredxu.
14980	PSA 68:28	Zaj zra' zri'ine zre sua Benjamín na', guque̱' benne' cuídedxa, na' dxelenná be'e̱. Zaj nazraga benne' xíchaje̱ chee̱ zri'ine zre sua Judá na', ne benne' xíchaje̱ chee̱ zri'ine zre sua Zabulón, ne benne' xíchaje̱ chee̱ zri'ine zre sua Neftalí.
14993	PSA 69:5	Ba naxándxa benne' dxelecuídene̱' neda' ca naxán xicha xíchaja', ne quebe bi de̱ bi nuna'. Zaj naca benne' wál-lale̱'e̱ benne' dxeledábague̱' neda', benne' ca' dxuluzría xi'e̱ neda', ne quebe bi de̱ bizr chee̱ na'. ¿Dxal-la' quízruja' da quebe gulana'?
15025	PSA 69:37	Zri'ine zre sua benne' we̱n zrin chiu' ca', gaca chee̱' xe̱zr la xu na', na' benne' ca' zaj nazrí'ine̱' Lau' Lue' xelezúe̱' na'.
15030	PSA 70:5	Benne' ca' zá'aque̱' lau Lue' xelebene̱', ne xelezúe̱' lu da ba neza. Benne' ca' dxelé̱'e̱ Lue': “Xcalenu'” lawe' da bseláu' le̱', tu dxelennázqueze̱': “¡Zrente̱ naca Dios!”
15031	PSA 70:6	Zua' lu da ste̱be, ne nate ni'a na'a. Gudázega gácale̱nu' neda', Dios. Nacu' Weselá chia', ne Xrana'. Quebe chenu', Xran.
15032	PSA 71:1	Za'a lau' Lue', Xran, chee̱ guxru' neda'. Be̱n québedxa xedué'eda'.
15095	PSA 73:20	Zaj naque̱' ca tu da ble'edxu lu xe̱la da dxexenite na gate dxexebandxu. Ca'an gaca, Xran, gate chasu', guzú' chalá'ala ca da gulaca benne' ca'.
15107	PSA 74:4	Dxelebezre xa'a benne' ca' dxeledábague̱' Lue' laduj naga zaj nazraga bénneache chiu'. Zaj nuzúe̱' nigá da dxululé'e na xu'untu' lu na' benne' ca'.
15139	PSA 76:2	Zaj núnbea benne' Judá ca' Dios, na' ládujla benne' Israel zrente̱ nácaqueze La Le̱'.
15164	PSA 77:14	Dios, lá'azxa naca da dxusé̱denu' netu' ca guntu'. ¿Zua xetú Dios naque̱' benne' zren ca naca Dios chee̱ntu'?
15183	PSA 78:12	Lau xra xrtawe̱' ca' be̱ne̱' xel-la' waca ca' lu xe̱zr la xu Egipto, ne lu xe̱zr la xu Zoán.
15209	PSA 78:38	Dios bexache lazre̱' chee̱ benne' ca', ne bnite lawe̱' dul-la belune̱', ne quebe bzria xi'e̱ le̱'. Zane' lásate̱ bzue̱' chalá'ala xel-la' dxezrá'a chee̱', ne quebe bzre̱'e̱ le̱' dute̱ ca da dxéquene̱'.
15210	PSA 78:39	Xeajsá lazre' Dios zaj naque̱' be̱la' dxen. Zaj naque̱' ca tu be' da dxedé na, ne quebe xezrín na.
15211	PSA 78:40	Zane' lasa guledábague̱' Le̱' le̱'e̱ xixre' lawe' lataj na', ne zane' lasa buluzúe̱' Le̱' baxache'.
15212	PSA 78:41	Zane' lasa buluzúe̱' Dios chalá'ala, ne buluché̱'e̱ Dios lá'azxa chee̱ benne' Israel ca'.
15214	PSA 78:43	gate be̱ne̱' xel-la' waca ca' lu xe̱zr la xu Egipto, ne blé'ene̱' da ca' da dxebánedxu lu xe̱zr la xu Zoán.
15294	PSA 82:1	Zua Dios naga zaj nazraga benne' dxuluchi'e̱ chee̱ bénneache chee̱'. Dios dxuchi'e̱ chee̱ benne' ca' dxuluchi'e̱ chee̱ bénneache.
15307	PSA 83:6	Ba belune̱' tuze dizra'. Zaj nune̱' tuze dizra' xeledábague̱' Lue'
15313	PSA 83:12	Be̱n gaca chee̱ benne' blau ca' chee̱ benne' caní ca guca chee̱ Oreb, ne chee̱ Zeeb, ne be̱n gaca chee̱ benne' dxelenná bé'ene̱' benne' caní ca guca chee̱ Zeba, ne chee̱ Zalmuna,
15344	PSA 85:11	Zaj nazraga xel-la dxexache lazre', ne da li chee̱ Dios. Zaj naca tuze da xrlátaje, ne xel-la' dxebeza zri lazre'.
15352	PSA 86:5	na' Lue', Xran, nacu' xrlátaje, ne dxunite lau' chee̱ntu'. Zúate̱quezu' xexache lazru' benne' ca' dxululáwizre̱' Lue'.
15389	PSA 88:18	Zaj naxechaj da caní neda' du zra. Dxulusaca zi na neda' gátete̱ze na'.
15448	PSA 90:5	Dxegú' bénneache ca dxun guba'u, da dxua na xúgute̱ xizre laga ca'. Zaj naque̱' ca tu bchigala da dxexenite na gate dxexebandxu.
15449	PSA 90:6	Zaj naque̱' ca tu xixre' da dxegula na che zílala. Dxegula na, ne dxelá'te̱ na xiaj, na' xelate' zua gubizra dxelechugue̱' na, na' dxebizre na.
15490	PSA 92:14	Zaj naque̱' ca tu xaga ze̱ na lu xudau' chee̱ Xránadxu Dios, da dxegúlale̱'e̱ na lu chale'aj chee̱ xu'u lizre Dios chee̱dxu.
15491	PSA 92:15	Zaj naque̱' ca xaga ca' dxelebía da zixre chee̱ na gate ba zaj nagula na, ne zaj naca na xaga xa'a wal-la.
15530	PSA 95:10	Lawe' chua iza beditaj lazra' chee̱ benne' ca', na' gunnía': Zaj naque̱' benne' dxelebéaj xíchaje̱' neda', ne quebe dxelune̱' ca da dxulé'eda' le̱'.
15537	PSA 96:6	Zúale̱ Le̱' da xabáa, ne xel-la' szren. Nazrate̱ xudau' chee̱' xel-la' waca, ne da xrtante̱.
15546	PSA 97:2	Zaj naxechaj beuj, ne da chul-la Le̱'. Ca naca da li, ne da xrlátaje dxenná be'e̱.
15555	PSA 97:11	Zuale̱ da dxusení na benne' xrlátaje ca', na' xel-la' dxebé zúale̱ na benne' li lazre' ca'.
15616	PSA 102:29	Zrí'inentu' netu', we̱n zrin chiu', xelezrabe' chawe', na' guzé̱ chúchuquezu' zri'ine zre súantu' lau Lue'.
15651	PSA 104:13	Zran xabáa dxesel-lu' xiuj da dxaca na lu xi'a ca', na' dxezrate̱ xe̱zr la xu na' ca naca da xrlátaje da dxunu'.
15654	PSA 104:16	Xaga cedro ca' da zaj zua na xi'a Líbano dxelezíle̱'e̱ na nisa xiuj. Zaj naca na xaga chee̱ Xránadxu Dios, da ca' guza Le̱'.
15656	PSA 104:18	Zaj zua chivo xi'a ca' lu xi'a zri'a ca', na' lu bluaj ca' chee̱ xi'a ca' zaj zua bzrizru' ca'.
15664	PSA 104:26	Lu nísadau' na' zaj zra' da dxeledá lawe' nísadau' ca'. Zua be̱ zri'a na' be̱nu' Lue', nazí' laba' leviatán.
15761	PSA 106:43	Zánete̱ lasa Dios bselé̱' bénneache chee̱' ca', san guledábague̱' ca da bsízrene̱' le̱', na' gulape̱' xel-la' stu' lawe' da belune̱' da cale̱la.
15859	PSA 110:5	Zua Xránadxu chalá'a xabe̱la chiu'. Gate zre̱'e̱, na' guzría xi'e̱ benne' wenná bea ca'.
15873	PSA 112:2	Zri'ine zre sua bénnea' xelape̱' xel-la' dxenná bea lu xe̱zr la xu, na' gaca chawe' chee̱ benne' xrlátaje ca'.
15878	PSA 112:7	Quebe zrebe̱' gate xenne̱' dxaca da cale̱la chee̱ da xu'u lu ne̱'e̱. Ze̱ chacha lázrdawe̱' lawe' da dxuxrén lazre̱' Xránadxu Dios.
15879	PSA 112:8	Zua chawe' lázrdawe̱', ne quebe bi dxezrebe̱', ca zrindxa zra lé'ene̱' gaca chee̱ benne' ca' guledábague̱' le̱' ca da dxezá lazre̱'.
15903	PSA 115:5	Zaj zua dxu'a na, san quebe dxelenné̱ na. Zaj zua xiaj lau na, san quebe dxelelé'e na.
15904	PSA 115:6	Zaj zua naga na, san quebe dxelén na. Zaj zua zrina na, san quebe dxelelé'e na.
15905	PSA 115:7	Zaj zua na' na, san quebe bi dxelecá'a na. Zaj zua ni'a na, san quebe dxeledá na. Quebe dxedxuaj chi'i na lba na.
15927	PSA 116:11	Lu xel-la' dxezrebe chia', gunnía': Zaj naca xúgute̱ bénneache benne' we̱n lazre' ca'.
15943	PSA 118:6	Zuale̱ Xránadxu neda', na' québequeze zreba' bi xelún bénneache chia' neda'.
15944	PSA 118:7	Zúale̱ Xránadxu neda' ládujla benne' ca' dxelácale̱ne̱' neda'. Chee̱ le̱ na' le'eda' cheajlechaze benne' ca' dxelecuídene̱' neda'.
15961	PSA 118:24	Zra nigá naca na zra da be̱n Xránadxu. Béle̱'e̱dxu, ne súadxu lu da ba neza lu zra nigá.
15991	PSA 119:25	Zua bénne'du xu'a lu da ste̱be chee̱ xel-la' gute. Be̱n dipa xichaj lázrdawa' nen xrtizru'.
16047	PSA 119:81	Zua bénne'du xu'a lu da ste̱be lawe' da dxebeza' xidu' guseláu' neda', na' dxebeza lazra' gaca ca dxenná xrtizru'.
16078	PSA 119:112	Zúate̱queze lázrdawa' guna' ca zaj naca xrba chiu' tu chí'izqueze, ca zrindxa zra cheajsé̱ chia'.
16116	PSA 119:150	Benne' dxeláu zi' xuzre̱' neda' ba zaj zre̱'e̱ xelune̱' chia' da cale̱la. Zaj nusane̱' da dxenná da bdxixruj be'u.
16123	PSA 119:157	Zánete̱ zaj naca benne' ca' zaj nau zi' xuzre̱' neda', ne benne' ca' dxeledábague̱' neda', san quebe ne gusana' dxuna' ca dxuse̱de dizra' chiu' netu'.
16192	PSA 127:3	Le nna' xque, zaj naca zrí'inedxu bi ca' be̱nna Xránadxu dxi'u. Zaj naca be̱' tu da gunní'a zrente̱.
16193	PSA 127:4	Zrí'inedxu dxelálajbe' chee̱dxu gate ne nácadxu cuide' zaj nácabe' ca xaga nalá xéche'ze ca' da nuxru benne' zeje̱' wedil-la.
16201	PSA 129:1	Zúadxu lu da sté̱bele̱'e̱ gate nácate̱dxu cuide', waca xelenná benne' Israel ca'.
16202	PSA 129:2	Zúadxu lu da sté̱bele̱'e̱ gate nácate̱dxu cuide' san quebe buluzria xi'e̱ dxi'u.
16258	PSA 135:15	Bedau' xia xaga ca' chee̱ benne' xe̱zr la xu ca' zaj naca na oro, ne plata. Zaj naca na da belún bénneache.
16259	PSA 135:16	Zaj zua dxu'a na san quebe dxelenné̱ na. Zaj zua lau na san quebe dxelelé'e na.
16260	PSA 135:17	Zaj zua naga na san quebe dxelén na, ne quebe dxelecá'a na be'.