13946	PSA 1:3	Benne' nigá naque̱' ca tu xaga zua na dxu'a xe̱gu nisa, da dxunna na da zixre chee̱ na lu beu' cheé̱queze na, ne xrlegue na quebe dxase na. Ca naca da dxun benne' nigá, dxe̱pe ban na.
13961	PSA 2:12	Le gapa ba lá'ana Zrí'ine̱' chee̱ quebe zre̱'e̱, checa' cuía xile la neza chee̱le, lawe' da la zra'ate̱ Le̱'. Da ba neza zrente̱ naca na chee̱ xúgute̱ benne' dxuluxrén lazre̱' Le̱'.
13972	PSA 4:2	Beche̱be chia' gate dxuláwizra' Lue', Dios. Nacu' Benne' dxuchi'e̱ ca da dxuna'. Gate guzúa' lu da ste̱be, Lue' btipu' lazra'. Bexache lazre' neda', ne bene ca da dxuchálajle̱na' Lue'.
13974	PSA 4:4	Le xexúnbea ba gucá'a Xránadxu nu benne' dxape̱' Le̱' ba lá'ana. Xrana' Dios xenne̱' gate dxuláwizra' Le̱'.
13978	PSA 4:8	Lue' bzu' xel-la' dxebé lu xichaj lázrdawa', da naca na zrendxa ca da zaj napa benne' zaj nápale̱'e̱ zrua', ne xrise uva wal-la.
13989	PSA 5:10	Benne' caní quebe dxelenné̱' da li. Lu xichaj lázrdawe̱' xu'u da cale̱la. Xe̱dxu lbe̱'e̱ zaj naca na ca tu ba chee̱ benne' gate da naxalaj na. Zaj nupé̱'e̱ dizra' chawe' chee̱' da zaj naca na da we̱n lazre'.
14055	PSA 10:3	Dxucá'ana szren cuine̱' ca naca da dxezá lazre̱'. Nupé̱'e̱ dizra' da dxenné̱' chee̱ benne' dxucude', na' dxucá'ana dítaje̱' Xránadxu Dios.
14056	PSA 10:4	Benne' we̱n da cale̱la na' lu xel-la' dxucá'ana szren cuine̱' quebe dxape' Dios ba lá'ana, ne quebe dxéquene̱' che zua Dios.
14069	PSA 10:17	Bnézruju' ca da bululáwizra benne' dxexruj lázre'du ca' Lue', Xran. Lue' dxupa'u lázxdau bénne'du ca' chee̱ xuluzé̱ nague̱' xrtizru',
14079	PSA 12:2	Xrana' Dios, bselá bénneache chiu' lawe' da québedxa dxape̱' benne' xezica Lue' ba lá'ana. Quebe nu chilá' benne' li lazre' ládujla bénneache ca'.
14080	PSA 12:3	Xúgute̱ bénneache ca' dxelezí xe̱'e̱ le sa' ljwezre̱'. Lu da we̱n lazre' ba zaj nupé̱'e̱ dizra' chee̱ xelezí xe̱'e̱ le̱'.
14084	PSA 12:7	Xrtizra' Xránadxu Dios zaj naca na du lazre'. Zaj naca na ca xiaj plata da ba gudé na lu xi', da ba gudé na lu xi' gazre lasa.
14090	PSA 13:4	Gunná' da dxaca chia', Xran, ne beche̱be chia'. Btipa lazra' chee̱ quebe gatia',
14094	PSA 14:2	Xránadxu Dios zue̱' xabáa dxenné̱'e̱ bénneache chee̱ lé'ene̱' che zua nu benne' dxéajni'ine̱', bénnea' dxape̱' ba lá'ana Dios.
14103	PSA 15:4	Waca bénnea' quebe dxape̱' ba lá'ana nu benne' dxune̱' da sban. Dxape̱' ba lá'ana benne' ca' dxelape̱' ba lá'ana Xránadxu Dios, bénnea' quebe dxuché̱'e̱ dizra' da ba gunné̱' lácala bi da' gunítie̱'.
14108	PSA 16:4	Waxánqueze da dxelezaca benne' ca' dxelape̱' ba lá'ana tu dios quebe bi zaca. Quebe guna' le̱' tu zren gate dxuluzríe̱' zren lau dios na', ne quebe guchíneda' la dios na'.
14170	PSA 18:40	Btipu' lazra' chee̱ cha'a lu wedil-la. Bzéxruju' benne' dxeledábague̱' neda' zran ni'a.
14186	PSA 19:5	san dxezriluj da dxelenná na du gabí'i xe̱zr la xu, ne dxelezrín xrtizra' na dapa saca chee̱ xe̱zr la xu. Dios be̱ne̱' xabáa ca tu xu'u naga zua gubizra.
14189	PSA 19:8	Du lazre' naca da nadxixruj bea Xránadxu, ne dxuzé̱ chacha na bénne'du xú'udxu. Li lazre' naca da dxexeche̱be Xránadxu, ne dxunezruj na xel-la' sina chee̱ benne' ca' quebe zaj nape̱' na.
14257	PSA 23:5	Dxucuezu' da xi'aj gawa' lácala benne' dxeledábague̱' neda' zaj naxechaj neda'. Dxugú'u da za xichja' da dxapa na neda' ba lá'ana, ne dxusezráteu' zriga' chia'.
14266	PSA 24:8	¿Nuzra na' Wenná Bea szrente̱ nigá? Naque̱' Xránadxu, Benne' wal-la, Bénnea' nape̱' dute̱ xel-la' waca. Naque̱' Xránadxu, Bénnea' dxedxúaje̱' chawe' lu wedil-la.
14291	PSA 26:1	Bchi'a chia', Xran, lawe' da nuna' da xrlátaje. Bxren lazra' Lue', Xrana' Dios, ne quebe be̱n chupa lazra'.
14297	PSA 26:7	chee̱ cuezre xa'a, xapa' Lue': “Xcalenu'”, ne chee̱ guzenda' bénneache ca naca da zren ca' da nunu'.
14316	PSA 27:14	Le cueza xelá' Xránadxu. Le gutipa lázrele, na' Le̱' guzé̱ chúchue̱' le'e. Awe', le cueza xelá' Xránadxu.
14321	PSA 28:5	Lawe' da quebe gulape̱' ba lá'ana da be̱n Xránadxu, ne quegá da be̱ne̱' lu ni'a ná'queze̱', guxrínnaje̱' benne' ca', ne gudée̱' le̱' lu da ba xa'.
14369	PSA 31:20	Da zrente̱ naca xel-la' zri'i lazre' chiu' da napu' chee̱ bi gunu' chee̱ benne' ca' dxelape̱' Lue' ba lá'ana, da na' dxunu' lau xúgute̱ bénneache ne̱ chee̱ benne' ca' dxelebeza lazre̱' Lue'.
14374	PSA 31:25	Le gutipa lázrele, xúgute̱le le'e dxebeza lázrele Xránadxu Dios, na' Le̱' guzé̱ chúchue̱' le'e.
14377	PSA 32:3	Gate quebe guxrúale̱pa' dul-la gubaga', bedú lazra' lawe' da gudxezra' bedú zra.
14379	PSA 32:5	Nadxa guxrúale̱pa' dul-la gubaga', ne quebe bcacha' zria da guzúa chia'. Bechugu lazra' guxrúale̱pa' na lau Lue', Xran, na' Lue' bnite lau' chee̱ dul-la gubaga'.
14401	PSA 33:16	Quebe la benne' wenná bea ne̱ chee̱ benne' dxjaque̱' wedil-la zante̱ chee̱', ne quebe la benne' wal-la ne̱ chee̱ xel-la' wal-la da nape̱'.
14422	PSA 34:15	Bsan da cale̱la da dxunu', na' be̱n da xrlátaje. Be̱n ba xuzre gapu' xel-la' dxebeza zri lazre', ne be̱n ca naca chee̱ na.
14448	PSA 35:18	Xapa' Lue': Xcalenu', láwela benne' zan ca' zaj nadupe̱' chiu' Lue'. Tu güe lá'anazqueza' Lue' ládujla benne' zan ca'.
14460	PSA 36:2	Da zrinnaj da dxun benne' dxuzúa chalá'ala Dios dxuchálajle̱ na le̱' lu xichaj lázrdawe̱'. Quebe dxezá lázrequeze̱' gape̱' Dios ba lá'ana.
14472	PSA 37:1	Quebe su' ste̱be ne̱ chee̱ da dxelún benne' ca' dxelune̱' da cale̱la, ne quebe se̱ lazru' da zaj nápale̱'e̱ benne' dxelune̱' da zrinnaj,
14487	PSA 37:16	Cháwedxa naca da du da de̱ chee̱ benne' xrlátaje ca da gunní'a da zaj napa zánete̱ benne' dul-la ca',
14489	PSA 37:18	Nunbea Xránadxu ca zaj naca zra xelezúa benne' du lazre' ca', na' da zaj napa benne' ca' xelezúa na chadía chacanna.
14510	PSA 37:39	Xránadxu Dios guseláquezé̱' benne' xrlátaje ca', na' Le̱' gutipe̱' lazre' benne' ca' lu zra chee̱ da ste̱be.
14530	PSA 38:19	Chee̱ le̱ na' xrúale̱pequeza' da cale̱la da be̱na', ne xewine lazra' ca naca dul-la da nabaga'.
14548	PSA 39:14	Bsan neda' chee̱ gata' lataj xezí' le dipa' nédxula ca xexá'a xenitia'.
14590	PSA 42:10	Xapa' Dios: Lué'queze dxucu'uju' neda'. ¿Bizr chee̱ na' nal-la lazru' neda'? ¿Bizr chee̱ na' dxewí'ine lazra' lawe' da dxusaca zi' benne' dxedábague̱' neda'?
14601	PSA 44:4	Xra xrtáuntu' ca' quebe gulezi'e̱ xe̱zr la xu nigá nen xia nalá cheé̱queze̱', Ne quebe buluselá cuine̱' nen xel-la' wal-la da zaj nape̱'. Lue' bseláuquezu' le̱' nen xel-la' waca chiu', ne nen xel-la' wal-la chiu', ne nen xel-la' naxaní' chiu', lawe' da bezaca ba lazru' nen le̱'.
14608	PSA 44:11	Be̱nu' buzrúnnujntu' lau benne' ca' dxeledábague̱' netu', na' benne' ca' dxelecuídene̱' netu' gulegüe̱' ca naca da nápantu'.
14629	PSA 45:5	Lu xel-la' szren chiu' chepe bánquezu'. Bchine dizra' li, ne xel-la' dxexruj lazre', ne da xrlátaje, na' guzéajni'i Cuinu' da zri'a ca'.
14647	PSA 46:5	De̱ tu xe̱gu da dxunna na xel-la' dxebé lu xe̱zre chee̱ Dios, ne lu xu'u lá'azxa chee̱ Dios, Benne' nape̱' dute̱ xel-la' szren.
14650	PSA 46:8	Dios, Bénnea' nape̱' dute̱ xel-la' waca, zúale̱ne̱' dxi'u. Dios na' chee̱ Jacob dxucache chawe̱' dxi'u.
14654	PSA 46:12	Dios, Bénnea' nape̱' dute̱ xel-la' waca, zúale̱ne̱' dxi'u. Dios na' chee̱ Jacob dxucache chawe̱' dxi'u.
14656	PSA 47:2	¡Le capa na'le, le'e, xúgute̱ bénneache! ¡Le güe lá'ana Dios nen dute̱ xel-la' dxebé!
14657	PSA 47:3	Dxal-la' zrébedxu Xránadxu, nape̱' dute̱ xel-la' szren. Naque̱' Wenná Bea zren dxenná bé'ene̱' dute̱ xe̱zr la xu.
14673	PSA 48:9	Bendxu ca da be̱n Dios, na' na'a ba ble'edxu na, ga naca lu xe̱zre chee̱ Xránadxu, nape̱' dute̱ xel-la' waca, da naca na xe̱zre chee̱ Xránadxu Dios. Le̱' guzúa chawe̱' xe̱zre nigá chadía chacanna.
14686	PSA 49:7	Benne' ca' dxuluxrén lazre̱' da zaj de̱ chee̱', ne dxulucá'ana szren cuine̱' lawe' da zaj nápale̱'e̱.
14698	PSA 49:19	Lácala dxácate̱ naca bane̱' dxe̱ cuine̱' zue̱' lu da ba neza zrente̱, na' dxelúe lá'ana bénneache le̱' gate dxe̱pe bane̱',
14700	PSA 49:21	Bénnea' dxelapa bénneache le̱' ba lá'ana san quebe bi dxéajni'ine̱' naque̱' ca be̱ xixre' ca', be̱ dxeláteba'.
14709	PSA 50:9	Quebe ca'a lu na'ale me̱du ca', ne chivo biu ca', be̱ nápaquezle
14712	PSA 50:12	Chela neda' dxeduna', quebe xapa' le'e ca' lawe' da naca chia' xe̱zr la xu, ne xúgute̱ da de̱ lawe na.
14715	PSA 50:15	Bláwizra neda' lu zra zu' lu da zi' da xa', na' guselá' lue', na' lue' gapu' neda' ba lá'ana.”
14723	PSA 50:23	Bénnea' guzúe̱' lawa' da güe lá'ane̱' neda' gape̱' neda' ba lá'ana, na' bénnea' dxuxuchá cuine̱' chee̱ gune̱' da xrlátaje, gulé'eda' le̱' ca guselá' le̱', naca' Dios chee̱'.
14733	PSA 51:10	Be̱n xenda' xel-la' dxebé, ne da ba neza, na' xelexezí' le dipa zrita xu'a, da ba gudíchaju'.
14758	PSA 53:3	Dios zue̱' xabáa dxenné̱'e̱ bénneache chee̱ lé'ene̱' che zua tu benne' sina, bénnea' dxape̱' Dios ba lá'ana.
14767	PSA 54:5	Za'aca benne' snia ca' xeledíl-lale̱ne̱' neda'. Benne' xichaj zra'a ca' dxelaca lazre̱' xelútie̱' neda', benne' ca' quebe dxelape̱' ba lá'ana Lue', Dios.
14794	PSA 55:23	Bda xua chiu' cuzru Xránadxu, na' Le̱' gutipe̱' lazru'. Québequeze gu'e̱ lataj cheajchaze benne' chawe' tu chi'ize.
14851	PSA 59:18	Lue' dxutipu' lazra', na' gúl-laqueza' chiu', lawe' da nacu' Lue', Dios, Bénnea' dxucu'uje̱' neda', ne Dios, dxexache lazru' neda'.
14860	PSA 60:9	Chia' naca xe̱zr la xu Galaad, ne chia' naca xe̱zr la xu chee̱ zri'ine zre sua Manasés. Xe̱zr la xu chee̱ zri'ine zre sua Efraín naca na ca tu da napa chi'i na xíchaja'. Xe̱zr la xu chee̱ zri'ine zre sua Judá naca na naga dxenná be'a.
14871	PSA 61:6	Lawe' da bennu' Lue', Dios, ca da guche̱be lazra' chiu', be̱nu' napa' ca da dxelapa benne' ca' dxelezrebe̱' Lue'.
14872	PSA 61:7	Gunu' gaca bana' neda', wenná bea, zánete̱ zra. Iza chia' xelaca na ca da zaj naca chee̱ chupa cuen bénneache.
14886	PSA 62:12	Tu lásaze gunná Dios: na' chupa lasa benda' da nigá: Chee̱ Dios naca xel-la' waca.
14934	PSA 66:10	Lué'queze bxu' netu' ca da be̱ntu', Dios. Bdeu' netu' xel-la' zi' ca dxelún bénneache dxuludée̱' xia plata lu xi' chee̱ xegá'ana chawe na.
14952	PSA 67:8	Dios ba be̱ne̱' chawe' chee̱dxu, na' gátete̱ze dxal-la' xelapa bénneache Le̱' ba lá'ana.
14962	PSA 68:10	Gusel-lu' tu nisa xiuj zílale̱'e̱, Dios. Gate belexedú lazre' bénneache chiu', Lue' btipu' lazre̱'.
14966	PSA 68:14	Lácala bcache cuínale naga dxuxúele zrila' ca', gacu zra lánale da naca na ca xrila bgúgudu ca' da zaj nazí lechítaje̱ na plata, na' dube' chee̱ xrílaba' ca' zaj nazí lechítaje̱ na oro.
14970	PSA 68:18	Da zaj naché̱' benne' ca' lu wedil-la da napa Dios zánete̱ cue' gaxúa zaj naca na. Xránadxu Dios zezé̱'e̱ xi'a Sinaí chee̱ sue̱' lataj lá'azxa chee̱'.
14983	PSA 68:31	Gudil-la benne' dxjaque̱' wedil-la chee̱ dute̱ xe̱zr la xu zaj nazrague̱' chee̱ xeledíl-lale̱ne̱' Lue', benne' ca' zaj naque̱' ca be̱zre zan ca' nen biadu chee̱ba' ca', cadxa xuluzúa xúgute̱' dizra' chiu', na' xelunne̱' ca naca xia plata da zaj nape̱'. Be̱se dinnaj benne' dute̱ xe̱zr la xu dxelexezaca ba lazre̱' xelezúe̱' lu wedil-la.
14984	PSA 68:32	Xelelá' benne' xíchaje̱ chee̱ xe̱zr la xu Egipto. Benne' xe̱zr la xu Etiopía xelune̱' ba xen xulucá'ana szrene̱' Dios.
14987	PSA 68:35	¡Le nne̱ nápale̱'e̱ Dios xel-la' waca! ¡Lu xel-la' szren chee̱' dxuxúequeze̱' benne' Israel ca', na' zran xabáa nalá' xel-la' waca chee̱'!
14988	PSA 68:36	Benne' zrébentu' nacu' Lue', Dios, naga zu' lataj lá'azxa chiu'. Dios chee̱ benne' Israel ca', Lé̱queze̱' dxutipe̱' lazre' bénneache chee̱'. ¡Gaca ba Dios!
14990	PSA 69:2	Bselá neda', Dios. Naca' ca tu benne' dxepe̱' lu nisa.
15017	PSA 69:29	Busula la benne' ca' lu xiche chee̱ benne' ca' zaj nape̱' xel-la' nabán, ne quebe guzúaju' le̱' naga zaj naxúaj la benne' xrlátaje ca'.
15034	PSA 71:3	Nacu' ca tu xiaj xre naga sua' chawe', na' waca xida' naga zu' te zra chizrela. Gunná be'enu' nu guselá neda', lawe' da nacu' Lue' ca tu xiaj xre naga dxaca dipa lazra'.
15078	PSA 73:3	lawe' da guca' zre'e lazre' ne̱ chee̱ benne' gunní'a ca', gate ble'eda' ca dxelepe ban benne' ca' zaj nabéaj xíchaje̱' Dios.
15084	PSA 73:9	Dxelenné̱' chee̱ da ca' zaj zua xabáa, ne dxuluchálaje̱' ca benne' zaj nape̱' dute̱ xe̱zr la xu.
15087	PSA 73:12	Benne' caní zaj naque̱' benne' zaj nabéaj xíchaje̱' Dios, na' dxelepe bane̱' lu xe̱zr la xu, ne dxelaque̱' gunní'a.
15101	PSA 73:26	Dxelexedú lazre' be̱la' dxen chia', ne lázrdawa'. Dios naque̱' Benne' dxutipe̱' lazra', ne naque̱' da ba neza chia' chadía chacanna.
15116	PSA 74:13	Xel-la' waca chiu' be̱nu' nísadau' chupa la'a. Gula'u xichaj be̱ schanni' ca' lu nísadau'.
15131	PSA 75:5	Dxapa' benne' xala ca': Quebe gáwele. Dxapa' benne' ca' dxelune̱' da cale̱la: Quebe gucá'ana szren cuínale.
15168	PSA 77:18	Nisa xiuj zila bdxuaj na lu beuj bza ca', ne gulenné̱le̱'e̱ guziu', ne gulé̱pele̱'e̱ xesa.
15183	PSA 78:12	Lau xra xrtawe̱' ca' be̱ne̱' xel-la' waca ca' lu xe̱zr la xu Egipto, ne lu xe̱zr la xu Zoán.
15188	PSA 78:17	Lácala be̱ne̱' caní belúndxaqueze̱' dul-la lau Dios le̱'e̱ xixre' lawe' lataj, ne guledábague̱' Dios nape̱' dute̱ xel-la' szren.
15206	PSA 78:35	Xeajlesá lazre̱' naca Dios Benne' dxuxúe̱' le̱', ne Dios na' nape̱' dute̱ xel-la' szren naque̱' Bénnea' bxá'awene̱' le̱',
15214	PSA 78:43	gate be̱ne̱' xel-la' waca ca' lu xe̱zr la xu Egipto, ne blé'ene̱' da ca' da dxebánedxu lu xe̱zr la xu Zoán.
15215	PSA 78:44	Bexune̱' xe̱gu chee̱' ca' dxen, na' québedxa guca da xele'aj benne' Egipto ca'.
15220	PSA 78:49	Bdee̱' benne̱' Egipto ca' lu xel-la' zi' zren, lawe' da bzrá'ale̱'e̱ benne' ca', na' guca da ca' ca zánete̱ gubáz ca' chee̱ xel-la' gute.
15222	PSA 78:51	Be̱tie̱' bi biu nedxu chee̱ benne' ca', bi biu nedxu ca' chee̱ benne' Egipto ca'.
15227	PSA 78:56	Da xula buluzúe̱' Dios chalá'ala, ne buluché̱'e̱ Dios, nape̱' dute̱ xel-la' szren. Quebe buluzúe̱' dizra' da ca' gunná be'ene̱' le̱'.