13952	PSA 2:3	Dxelenné̱': “Guselá cuínadxu lu xel-la' dxenná bea chee̱', ne guzúadxu chalá'ala da zaj nadxixruj bé'ene̱' dxi'u.”
13959	PSA 2:10	Na'a, le'e, wenná bea, le xene da nigá dxuzéajni'ida' le'e. Le guse̱de da nigá dxusízreda' le'e, benne' dxelenná bea lu xe̱zr la xu.
13961	PSA 2:12	Le gapa ba lá'ana Zrí'ine̱' chee̱ quebe zre̱'e̱, checa' cuía xile la neza chee̱le, lawe' da la zra'ate̱ Le̱'. Da ba neza zrente̱ naca na chee̱ xúgute̱ benne' dxuluxrén lazre̱' Le̱'.
13965	PSA 3:4	Lue', Xrana' Dios, dxucú'uju' neda'. Nacu' Benne' dxebéle̱na', ne Benne' dxuzé̱ chawe̱' neda'.
13977	PSA 4:7	Benne' zante̱ dxelenné̱': “¿Nuzra gun gá'anatu' chawe'?” Dute̱ xel-la' zri'i lazre' chiu' bxue netu', Xran.
13986	PSA 5:7	Guzría xí'quezu' benne' ca' dxelezí xe̱'e̱. Guzú' chalá'ala benne' we̱te benne', ne benne' guzrí xe̱'.
13987	PSA 5:8	Neda' waca chu'a lizru' lawe' da nazrí'ile̱'e̱nu' neda'. Güe lá'ana' Lue' lu xudau' lá'azxa chiu' dute̱ xel-la' dxezrebe.
13991	PSA 5:12	Welebéle̱'e̱ benne' ca' dxuluxrén lazre̱' Lue'. Welebézre xá'aqueze̱' dute̱ xel-la' dxelebé lawe' da dxucú'uju' le̱'. Lau Lue' welebéle̱'e̱ benne' ca' zaj nazrí'ine̱' Lue'.
13992	PSA 5:13	Gúnquezu' da chawe' chee̱ benne' xrlátaje, Xran. Gucu'uju' bénnea' lawe' da dxezaca ba lázrele̱nu' le̱'.
14014	PSA 7:11	Diósqueze dxucu'uje̱' neda'. Dxuselé̱' benne' zaj naque̱' du lazre'.
14021	PSA 7:18	Güe lá'anaqueza' Xrana' Dios ca da xrlátaje da dxune̱', ne gúl-laqueza' chee̱ La Xrana' Dios, Bénnea' naque̱' szrente̱.
14028	PSA 8:7	Be̱nu' dxenná bé'ene̱' xúgute̱ da ca' nunu'. Xúgute̱ na bdeu' lu ne̱'e̱,
14033	PSA 9:2	Xran, dute̱ lázrdawa' güe lá'ana' Lue'. Guzenda' bénneache ca zaj naca da zrente̱ da be̱nu'.
14046	PSA 9:15	chee̱ guzenda' bénneache da dxue lá'ana' Lue', naga dxu'untu' xe̱zre Sión, ne chee̱ beda' lawe' da bseláu' neda'.
14048	PSA 9:17	Xránadxu Dios blé'ene̱' ca da zaj naque̱' ne̱ chee̱ da zi' da xa' da gudichaj be'e̱ chee̱ benne' ca' dxelune̱' da cale̱la. Xeajchaze benne' we̱n da cale̱la na' lu da nun ni'a ná'queze̱'.
14063	PSA 10:11	Lu xichaj lázrdawe̱' dxenné̱': “Nal-la lazre' Dios benne' caní. Nucache lawe̱', ne quebe lé'ene̱' da dxuna'.”
14066	PSA 10:14	Dios, Lue' blé'equeznu' da nigá, lawe' da dxenná'u benne' we̱n da cale̱la, ne da ca' dxune̱' quebe naca na xrlátaje, na' xebéaj lázrequezu' bénnea'. Dxuluzúa cuina benne' xache' ca' lu na'u. Lue' dxácale̱quezu' bi we̱zé̱bedu ca'.
14074	PSA 11:4	Xránadxu Dios zúaqueze̱' lataj lá'azxa chee̱'. Xabáaqueze zua lataj blau naga dxe' Dios. Dxelenná' xanne xiaj lawe̱'. Dxelé'ene̱' ca da dxelún bénneache.
14077	PSA 11:7	Caní gune̱' lawe' da naca xrlátaje Xránadxu Dios, ne nazrí'ine̱' da naca na xrlátaje. Benne' li lazre' ca' xelelé'ene̱' lawe̱'.
14082	PSA 12:5	Benne' ca' gulenné̱': “Ne̱ chee̱ dizra' chee̱ntu' zrué'entu' da chawe'. Ca dxezá lázrentu' guchálajntu', ¿nuzra nna be'e netu', xca'?”
14085	PSA 12:8	Xran, guxúequezu' Lue' bénneache chiu' ca'. Chadía chacanna gucu'uju' le̱' lu na' benne' zaj zre̱'e̱ lu zra na'a zra.
14088	PSA 13:2	¿Ájate̱queze gal-la lazru' neda', Xran? ¿Gal-la lázrtequezu' neda'? ¿Ájatequeze quebe le'enu' da dxaca chia'?
14094	PSA 14:2	Xránadxu Dios zue̱' xabáa dxenné̱'e̱ bénneache chee̱ lé'ene̱' che zua nu benne' dxéajni'ine̱', bénnea' dxape̱' ba lá'ana Dios.
14096	PSA 14:4	¿Quebe dxeléajni'i benne' ca' dxelune̱' da sban? Dxulusunítie̱' bénneache chia' ca dxuzuzruj tu benne' xeta da dxawe̱', ne quebe dxeléquebe'ene̱' zua Xrane̱' Dios.
14099	PSA 14:7	Xídatega Bénnea' guselé̱' benne' Israel ca'. Gate gun Xránadxu xelexezrín benne' chee̱' ca', benne' ca' zaj nada'u zítu'la, na' welebé zri'ine zre sua Jacob, ne welebéle̱'e̱quezne̱' benne' Israel ca'.
14111	PSA 16:7	Tu gucá'ana szrénzqueza' Xránadxu Dios, Bénnea' dxusé̱dene̱' neda'. Chizrela gate ne dxasia' dxuzéajni'ine̱' neda' lu xichaj lázrdawa'.
14114	PSA 16:10	lawe' da quebe gucá'anu' bénne'du xu'a lu lataj ba xa', ne quebe gu'u lataj guzru nu benne' nácaqueze̱' chiu'.
14115	PSA 16:11	Gulé'enu' neda' da guna' chee̱ gata' chia' xel-la' nabán. Naga zu' Lue' wabéle̱'e̱quezda', na' cuitu' Lue' súatequeze da ba neza chia'.
14117	PSA 17:2	Be̱nna lataj xelá'a lau' chee̱ guchi'u chia', lawe' da dxelé'enu' xúgute̱ cáte̱ze zaj naca na.
14118	PSA 17:3	Lue' dxenná' xánniu' xichaj lázrdawa' ne dxelé'enu' neda' chizrela. Gunná' xánniu' da dxuna', na' quebe bi da cale̱la blé'enu'. Ba nuna' quebe bi dizra' cale̱la nnia'.
14123	PSA 17:8	Bxue neda' ca dxun benne' dxuxúe̱' xiaj lawe̱'. Gude̱zre neda' ca dxun bedxuj dxé̱zreba' zrí'ineba' zran xrílaba'
14127	PSA 17:12	Zaj naque̱' ca tu be̱zre xíxre'dau' dxaca lázreba' bi gáguba'. Zaj naque̱' ca tu be̱zre xixre', ba nucache cuínaba' chee̱ qué̱l-laba' béadu ca'.
14129	PSA 17:14	Bselá neda' lu na' benne' ca' nen ni'a ná'quezu', Xran. Bselá neda' lu na' bénneache, benne' ca' zaj dxe'e̱ gunne xue chee̱ xe̱zr la xu nigaze, benne' ca' dxeláguqueze̱' da zácale̱'e̱ chiu'. Da nigáqueze dxulugawe̱' zrí'ine̱' ca', ne dxexegá'anaqueze da dxelágu zri'ine zre sue̱'.
14130	PSA 17:15	Le'eda' neda' lau Lue' lawe' da naca' xrlátaje. Xezaca ba lazra' gaca' ca nácaquezu' Lue' gate xebana'.
14132	PSA 18:2	Nazrí'ida' Lue', Xran. Lue' dxuzé̱ chuchu' neda'.
14133	PSA 18:3	Lue', Xran, nacu' ca tu xiaj naga ze̱ chúchua', ne ca tu xu'u zren naga xu'u chawa', na' nacu' weselá chia'. Dios chia', Lue' dxuzé̱ chuchu' neda', na' guxrén lazra' Lue'. Dxucu'uju' neda', ne dxuseláu' neda', ne dxucache chawu' neda'.
14153	PSA 18:23	Dxuna' ca naca da dxenná bé'ene̱' neda', ne quebe bsana' da ca' nadxíxruj be'e̱.
14161	PSA 18:31	Li lazre' zaj naca da dxun Dios, na' du lazre' naca xrtizre̱'. Dxucu'uje̱' xúgute̱ benne' ca' dxelebeza lazre̱' Le̱'.
14162	PSA 18:32	Tuze Xránadxu naque̱' Dios. Tuze Dios chee̱dxu naque̱' Benne' dxucu'uje̱' dxi'u.
14166	PSA 18:36	Lu xel-la' weselá chiu' bcu'uju' neda', ne nen na'u xabe̱la gúcale̱nu' neda'. Xel-la' zri'i lazre' chiu' ba nucá'ana szren na neda'.
14177	PSA 18:47	Gaca ba lá'azxa Xránadxu Dios. Gaca ba Bénnea' dxucu'uje̱' neda'. Xegá'ana szrénqueze Dios, Bénnea' dxuselé̱' neda'.
14179	PSA 18:49	Naque̱' Bénnea' dxuselé̱' neda' lu na' benne' ca' dxeledábague̱' neda'. Dxune̱' dxenná be'eda' benne' ca' guledábague̱' neda'. Bselé̱' neda' lu na' benne' xichaj zra'a ca'.
14194	PSA 19:13	Netú benne' quebe gaca lé'ene̱' da cale̱la da dxune̱'. Bselá neda', Xran, lu da cale̱la da quebe dxéquebe'eda' dxuna'.
14196	PSA 19:15	Gaca da dxuchálaja', ne da dxulaba lazra' da dxezaca ba lazru' Lue', Xran Nacu' Benne' dxuxúe̱' neda', ne Benne' dxexá'ue̱' neda'.
14202	PSA 20:6	Béle̱'e̱ntu' gate guselé̱' lue', na' chísantu' tu da gulé'e lawe na La Dios chee̱dxu. Dxenaba' Xránadxu gunne̱' lue' xúgute̱ da dxenabu' lau Le̱'.
14206	PSA 20:10	Bselá netu', Xran, nacu' Wenná Bea chee̱ntu'. Ben chi'intu' gate dxuláwizrantu' Lue'.
14208	PSA 21:2	Benne' dxenná bea dxebéle̱'e̱ne̱' nen xel-la' waca chiu', Xran, na' ca naca xel-la' weselá chiu' dxebéle̱'e̱ne̱'.
14213	PSA 21:7	Lawe' da nunu' gaca chawe' chee̱' chadía chacanna dxunu' dxebéle̱'e̱ne̱' lau Lue'.
14243	PSA 22:23	Guzenda' bi bícha'dau' ca' lau' Lue'. Güe lá'anaqueza' Lue' ladaj benne' zaj nazrague̱' lau'.
14246	PSA 22:26	Güe lá'anaqueza' Lue' laduj benne' zan zaj nazrague̱' lau'. Ca da guche̱be lazra' gúnqueza' lau benne' ca' dxelezrebe̱' Lue'.
14247	PSA 22:27	Xelagu benne' dxexruj lazre', ne welélajquezne̱'. Benne' ca' dxelebigue̱' lau Xránadxu xelúe lá'anaqueze̱' Le̱'. Tu gácazqueze da ba neza chee̱ benne' ca'.
14248	PSA 22:28	Cheajlesá lazre' benne' dute̱ xe̱zr la xu Xránadxu, na' xelexebí'e̱ lau Le̱'. Xúgute̱ cue' benne' chee̱ xúgute̱ cue' xe̱zr la xu xelúe lá'anaqueze̱' Le̱',
14249	PSA 22:29	lawe' da xu'u lu na' Xránadxu xel-la' dxenná bea, na' nna bé'ene̱' xúgute̱ benne' xe̱zr la xu ca'.
14250	PSA 22:30	Xeláguqueze xúgute̱ benne' zren ca' chee̱ xe̱zr la xu nigá, ne xelúe lá'anaqueze̱' Dios. Xuluzú zribe lau Le̱' xúgute̱ benne' ca' xelate, benne' ca' quebe xelezéquene̱' xelegú'u chawe̱' bénne'du zaj xu'e̱ chee̱ quebe xelatie̱'.
14251	PSA 22:31	Zri'ine zre sua benne' ca' xelunbe' zrin chee̱ Xránadxu. Xuluzenne̱' zrí'ine̱' ca' ca naca chee̱ Xránadxu cadxa cheajse̱te̱ chee̱ bénneache.
14268	PSA 24:10	¿Nuzra na' Wenná Bea szrente̱ nigá? Naque̱' Xránadxu, Benne' dxenná bé'ene̱' xúgute̱ da zaj zua. Le̱' naque̱' Wenná Bea szrente̱ na'.
14277	PSA 25:9	Gulé'ene̱' benne' dxexruj lazre' ca' da xrlátaje da xelune̱', ne gusé̱dene̱' benne' zren lazre' ca' da xelune̱'.
14287	PSA 25:19	Gunná' benne' ca' dxeledábague̱' neda' ca naxánle̱'e̱ne̱', ne ca dxelecuídele̱'e̱ne̱' neda'.
14288	PSA 25:20	Bxue bénne'du xu'a, ne bselá neda'. Quebe gu'u lataj xedué'eda' lawe' da dxuxrén lazra' Lue'.
14293	PSA 26:3	lawe' da dxeque be'eda' dxexache lazru' neda', ne dxuna' ca naca da li chiu'.
14296	PSA 26:6	Dxelé'enu' quebe bi zria nabaga', na' waca biga' lu cugu chiu', Xran,
14298	PSA 26:8	Xran, nazrí'ida' lizru' naga zu', ne lataj lá'azxa naga zua da xabáa chiu'.
14302	PSA 26:12	Tu núnzqueza' da xrlátaje, na' güe lá'anaqueza' Xránadxu Dios lau benne' ca' zaj nazrague̱' chee̱'.
14303	PSA 27:1	Xránadxu Dios naque̱' xel-la' naxaní' chia', ne Benne' dxuselé̱' neda'. ¿Nu benne' gaca guchebe̱' neda'? Xránadxu Dios naque̱' Benne' dxucu'uje̱' neda'. ¿Nu benne' gaca guzúe̱' neda' lu da sté̱bele̱'e̱?
14308	PSA 27:6	Nadxa gune̱' guzétaja' benne' dxeledábague̱' neda', ne zaj naxéchaje̱' neda', na' nen dute̱ xel-la' dxebé gutia' béadu ca' guzúa'-ba' lu cugu chee̱'. Gúl-laqueza', ne tu güe lá'anazqueza' Xránadxu.
14315	PSA 27:13	Xránadxu Dios guche̱be lazre̱' le'eda' da xrlátaje chee̱' naga gaca bana'. La quebe guxéajle̱'a da nigá, na' gute ni'a na'a.
14317	PSA 28:1	Xran, dxuláwizra' Lue'. Nacu' Benne' dxucú'uju' neda'. Bze̱ naga chi'a lawe' da che quebe xennu' neda' gaca' ca tu benne' dxu'e̱ lataj ba xa'.
14323	PSA 28:7	Xránadxu naque̱' Bénnea' dxuzé̱ chúchue̱' neda', ne dxucu'uje̱' neda'. Bxren lazra' Le̱', na' gúcale̱ne̱' neda', na' chee̱ le̱ na' gubéle̱'e̱da', na' gul-laqueza', ne güe lá'anaqueza' Le̱'.
14344	PSA 30:8	lawe' da bze̱ chuchu' neda', Xran, ca tu xi'a zren, ne blé'enu' neda' cháwedau'. Gate bcache lau', na' guzúa' ste̱be.
14346	PSA 30:10	¿Bizra da ba neza gaca na chiu' che gatia', ne chu'a xe̱dxu ba? ¿Güe lá'ana' Lue' gate ba naca' xu xrte? ¿Waca nu guzenda' da li chiu'?
14349	PSA 30:13	Chee̱ le̱ na' tu gúl-lazqueza' chiu', lawe' da nacu' da ba neza chia', ne quebe sua zríqueza'. Xrana' Dios, tu güe lá'anazqueza' Lue' chadía chacanna.
14353	PSA 31:4	Nacu' Benne' dxuzé̱ chuchu' neda', ne dxucú'uju' neda'. lawe' da nacu' li lazre' gulé'enu' neda' neza, ne gusi'u neda' neza na'.
14355	PSA 31:6	Lu na'u dxuzúa' bénne'du xu'a, Xran. Lue' bexá'awenu' neda', Dios li lazre'.
14357	PSA 31:8	Béle̱'e̱da', ne sua' lu da ba neza lawe' da dxexache lazru' neda'. Caní dxunu' lawe' da dxelé'equeznu' ca da dxezaca zi'a. Nézenu' ca dxedéa' lu da ba xa'.
14361	PSA 31:12	Xúgute̱ benne' ca' dxeledábague̱' neda' dxelecuídene̱' neda', na' benne' walízr chia' dxuluzúe̱' neda' chelá'ala, na' benne' zaj núnbe'e̱ neda' dxelecuase̱' neda'. Benne' ca' dxelelé'ene̱' neda' la neza dxuluzrúnnuje̱' naga zua'.
14382	PSA 32:8	Dxenná Xránadxu: “Gulé'eda' lue' neza naga dxal-la' tau'. Gusé̱deda' lue', ne guzéajni'ida' lue' ca dxal-la' gunu'.
14390	PSA 33:5	Le̱' nazrí'ine̱' da naca xrlátaje, ne da naca du lazre'. Zaj núnbea bénneache xel-la' dxexache lazre' chee̱ Xránadxu du gabí'i xe̱zr la xu.
14394	PSA 33:9	lawe' da gunne̱ze̱', na' guca xe̱zr la xu. Gunná be'ene̱' na, na' zúaqueze na.
14398	PSA 33:13	Naga zue̱' xabáa chee̱' dxenná' Xránadxu Dios, na' dxelé'ene̱' xúgute̱ cuen bénneache.
14399	PSA 33:14	Naga zue̱' lataj lá'azxa chee̱' dxenné̱'e̱, na' dxelé'ene̱' ca zaj zra' bénneache lu xe̱zr la xu.
14405	PSA 33:20	Dxebeza lázredxu Xránadxu Dios. Le̱' naque̱' Bénnea' dxácale̱ne̱' dxi'u, ne dxucu'uje̱' dxi'u.
14409	PSA 34:2	Tu güe lá'anazqueza' Xránadxu Dios te zra chizrela. Tu gúl-lazqueza' da güe lá'ana na Le̱'.
14413	PSA 34:6	Benne' ca' gulebeza lazre̱' Le̱' belelé'ene̱' da xabáa chee̱', ne quebe belexedué'ene̱'.
14415	PSA 34:8	Gubáz chee̱ Xránadxu zue̱' cuita benne' ca' dxelezrebe̱' Le̱', na' dxucu'uje̱' benne' ca'.
14420	PSA 34:13	¿Nu benne' ládujla le'e dxaca lazre̱' xegá'ane̱' lu xel-la' nabán, bénnea' dxaca lazre̱' sue̱' zane' iza chee̱ lé'ene̱' da chawe'?
14430	PSA 34:23	Xránadxu Dios dxexá'awe̱' bénne'du xu'u benne' we̱n zrin chee̱' ca', na' xúgute̱ benne' ca' dxuluxrén lazre̱' Le̱' québequeze xelebía xi'e̱.
14432	PSA 35:2	Gudá gucu'uju' neda' lu wedil-la, ne gúcale̱ neda'.
14439	PSA 35:9	Nadxa béle̱'e̱quezda' ca naca da nun Xránadxu Dios. Sua' lu da ba neza lawe' da bselé̱' neda'.
14448	PSA 35:18	Xapa' Lue': Xcalenu', láwela benne' zan ca' zaj nadupe̱' chiu' Lue'. Tu güe lá'anazqueza' Lue' ládujla benne' zan ca'.
14451	PSA 35:21	Belún le̱' chia'. Gulenné̱': “¡E! ¡E! ¡Ba blé'entu' da nune̱'!”
14452	PSA 35:22	¡Xran, ba blé'equeznu' da dxelune̱'! ¡Quebe sua zriu'! ¡Xran, quebe gusanu' neda'!
14467	PSA 36:9	Welélajquezne̱' chee̱ da de̱le̱'e̱ lizru', na' Lue' gunézruju' xelé'aje̱' da naca ca tu xe̱gu da naca na da dxezaca ba lazru' Lue'.
14468	PSA 36:10	Naga zu' Lue' zua beaj naga dxalaj nisa da dxunna na xel-la' nabán. Lu xel-la' naxaní' chiu' walé'entu' da naca lení'.
14474	PSA 37:3	Bxren lazre' Xránadxu Dios, ne be̱n da xrlátaje, na' súaquezu' lu xe̱zr la xu, ne sí'quezu' ba neza da li.
14477	PSA 37:6	Gulé'ene̱' da xrlátaje chiu' ca tu xel-la' naxaní', ne da li lazre' chiu' ca lawe' zra.
14481	PSA 37:10	Chadite te chee̱ benne' ca' dxelune̱' da cale̱la. Le'enu' lizre lataj benne' ca', san québedxa zaj zre̱'e̱ na'.
14490	PSA 37:19	Quebe xelexedué'ene̱' gate quebe dxaca chawe' chee̱ bénneache, na' lu zra chee̱ gubina' gata' da xelawe̱'.
14493	PSA 37:22	Benne' ca' dxelé'e Xránadxu le̱' chawe', gaca chee̱ benne' ca' xe̱zr la xu, na' benne' ca' quebe dxelé'ene̱' chawe', xelebía xí'queze̱'.
14494	PSA 37:23	Da dxelún benne' xrlátaje ca' zaj naca na da ble'e Xránadxu le̱', na' dxelé'ene̱' cháwedau' ca da dxelune̱'.
14496	PSA 37:25	Benne' cuide' guca', ne na'a ba gúxrua', ne cabata' ble'eda' tu benne' xrlátaje gusán Dios le̱', na' quebe xeledá zri'ine zre sue̱' xelebéaje̱' guna'.