23275	MAT 3:14	Nédxute̱ Juan quebe guca lazre̱', na' dxe̱'e̱ Jesús: ―Lue' dxal-la' guchú'u neda' nisa. Quebe zaca' neda' guchúa' Lue' nisa.
23276	MAT 3:15	Jesús guzre̱' le̱': ―Be̱' lataj gaca caní na'a. Dxun na ba xen gundxu xúgute̱ da xrlátaje lau Dios. Nadxa Juan be̱ne̱' ca'.
23278	MAT 3:17	Nadxa ben tu chi'i lu be', gunné̱': ―Benne' nigá naque̱' Zrí'inequeza' nazrí'ite̱ lazra'. Dxezaca ba lázrele̱na' Le̱'.
23409	MAT 7:24	Na' gunná Jesús: ―Bénnea' dxenne̱' chia', ne dxune̱' ca da dxennía', naque̱' ca tu benne' naxéajni'iqueze', benne' be̱ne̱' tu lizre̱' lu xiaj xre.
23418	MAT 8:4	Na' Jesús guzre̱' le̱': ―Gunná' xque. Quebe nu xu'u ca'. Bexíajze na'a xeajxelé'e cuinu' lau bxruze, ne xeajnezruj guna' ca da dxenná bea lu da bdxixruj be'e Moisés, chee̱ xelelé'e benne' ca' ba bexacu' na'a.
23433	MAT 8:19	Na' bzrin lau Jesús tu benne' dxuxuzájle̱'e̱ da bdxixruj be'e Dios, na' dxe̱'e̱ Le̱': ―Benne' Wesede, dxaca lazra' sále̱na' Lue' gátete̱ze chéaju'.
23434	MAT 8:20	Na' Jesús guzre̱' le̱': ―Beza' zaj zua bluaj chee̱ba', na' bxinne zaj zria xrú'uneba', san neda', Benne' Gulje̱' Bénneache, ne naga xrua xíchaja' quebe ga zua.
23481	MAT 9:33	Cáte̱ze bebéaj Jesús be' xriwe̱' nigá, na' benne' quebe dxaca nnie̱' bezú lawe̱' dxuchálaje̱'. Na' benne' ca' belexebánele̱'e̱, dxelenné̱': ―Cabata' ne lé'edxu gaca caní ládujla benne' Israel ca'.
23482	MAT 9:34	Benne' xudau' fariseo ca' gulenné̱': ―Benne' nigá dxebéaje̱' be' xriwe̱', dxuchínene̱' xel-la' waca chee̱ da xriwe̱', da na' dxenná be'e na be' xriwe̱' ca'.
23549	MAT 11:21	―Baxache' nácale le'e zrale xe̱zre Corazín. Baxache' nácale le'e zrale xe̱zre Betsaida. Caní nácale lawe' da checa' la ba guca lu xe̱zre Tiro, ne lu xe̱zre Sidón ca naca xel-la' waca ca' chee̱ xabáa ca da gulaca ládujla le'e, da zrente̱ ba zeaj gulácue̱' zra lane̱' tuzruj, ne gulegú'e̱ de xíchaje̱' da zaj naca bea na belexebí'i lazre̱'.
23560	MAT 12:2	Gate belelé'e benne' xudau' fariseo ca' da caní, na' gulé̱'e̱ Jesús: ―Guná' xque ca dxelún benne' ca' dxusé̱denu', dxelune̱' zrin da quebe naca chee̱' xelune̱' lu zra dxupá'anadxu.
23582	MAT 12:24	Gate belén benne' xudau' fariseo da nigá, na' gulenné̱': ―Benne' nigá dxebéaje̱' be' xriwe̱', dxuchínene̱' xel-la' dxenná bea chee̱ Beelzebú, xrane be' xriwe̱' ca'.
23596	MAT 12:38	Nadxa bal-la benne' xudau' fariseo, ne benne' dxuluxuzájle̱'e̱ da nadxixruj bea Dios gulé̱'e̱ Jesús: ―Benne' Wese̱de, dxaca lázrentu' le'entu' chiu' gunu' tu xel-la' waca da za xabáa.
23607	MAT 12:49	Nadxa ble'e Jesús benne' ca' dxusé̱dene̱', dxenné̱': ―Benne' caní zaj naque̱' xrna'a, ne bi bícha'dau' ca'.
23645	MAT 13:37	Nadxa Jesús guzre̱' benne' ca': ―Bénnea' dxaze̱' binne cháwe'dau' nigá naque̱' Benne' Gulje̱' Bénneache.
23668	MAT 14:2	Na' guzre̱' bi we̱n zrin chee̱' ca': ―Benne' nigá naque̱' Juan, bénnea' bchue̱' bénneache nisa. Ba bebane̱' ládujla benne' gate. Chee̱ le̱ na' nape̱' xel-la' waca zren nigá.
23743	MAT 16:2	Jesús beche̱be̱' benne' ca': ―Xelate' zua gubizra dxennale le'e: “Gun chawe' wxre lawe' da da' beuj xrna zran xabáa.”
23757	MAT 16:16	Gunná Simón Pedro: ―Lue' nacu' Cristo, Zri'ine Dios ban.
23774	MAT 17:5	Dxácate̱ dxenné̱ Pedro, bla' tu beuj da dxaca tite na, da gucu na benne' ca', na' lu beuj na' belenne̱' chi'i Dios, dxenné̱': ―Benne' nigá naque̱' Zri'ina' nazrí'ite̱ lazra', ne chee̱ Le̱' dxezaca ba lazra'. Chee̱ Le̱' le xene.
23789	MAT 17:20	Jesús guzre̱' benne' ca': ―Lawe' da naca láteze ca dxéajle̱le chia'. Da li dxapa' le'e, che la nápale xel-la' dxeajlí lazre', lácala naca na láteze ca naca tu bínnedau' chee̱ mostaza, waca xe̱le xi'a nigá: “Gucuasa nigá chéaju' xetú lataj”, na' xi'a na' wacuasa na. Quebe bi de̱ da quebe gaca gunle che nápale xel-la' dxeajlí lazre'.
23795	MAT 17:26	Beche̱be Pedro: ―Benne' zitu' dxuluchízruje̱'. Jesús guzre̱' le̱': ―Na' benne' walázr chee̱' quebe xelízruje̱'.
23818	MAT 18:22	Beche̱be Jesús: ―Dxapa' lue', quegá gazre lasa, san ga xun chi da gazre lasa.
23847	MAT 19:16	Tu benne' cuide' guxíaje̱' naga zua Jesús, na' bche̱be̱' Le̱': ―Benne' Wese̱de chawe'. ¿Bi da xrlátaje dxal-la' guna' chee̱ gapa' xel-la' nabán zeajlí canna?
23906	MAT 21:11	Bal-la benne' ca' gulenné̱': ―Benne' nigá naque̱' Jesús, benne' dxuchálaje̱' waláz chee̱ Dios, ze̱'e̱ xe̱zre Nazaret da nababa Galilea.
23911	MAT 21:16	Gulé̱'e̱ Jesús: ―¿Dxennu' ca dxelenná benne' caní? Beche̱be Jesús: ―Dxenda' na. ¿Quebe ne gulábale le'e lu xiche lá'azxa naga naxúaj na chee̱ da dxaca nigá? Dxenná na caní: Ba be̱nu' xelúl-la bidu ca', ne bidu dxe'ene ca'. Da dxelúe lá'anabe' Dios naca na da li.
23914	MAT 21:19	Zítu'la blé'ene̱' tu xaga higo dxu'a neza, na' gate bzrine̱' naga zua na, quebe bi da zixre chee̱ na blé'ene̱'. Lágaze zria na. Nadxa Jesús guzre̱' xaga higo na': ―Cabata' cuíaquezu' da zixre. Gubízrete̱ xaga higo na'.
23936	MAT 21:41	Gulé̱'e̱ Le̱': ―Gutie̱' benne' ca' dxelune̱' da cale̱la ne quebe xexache lazre̱' le̱'. Nadxa gucá'anale̱ne̱' xe̱zr la xu na' benne' we̱n zrin xula, benne' xuluxunézruje̱' da dxal-la' xezí' le̱' gate zrin zra chee̱ na.
23957	MAT 22:16	Nadxa gulesel-le̱' bal-la benne' ca' zaj naque̱' fariseo ca' tuze, ne bal-la benne' ca' zaj de̱'e̱ Herodes, chee̱ zeajlegue̱zre̱' Jesús: ―Benne' wese̱de, nézentu' dxenníu' da li, ne dxusé̱denu' da li da zaj naca chee̱ Dios, ne quebe dxezrebu' bi xelenná bénneache, ne quebe dxenná'u ca da zaj napa bénneache.
23965	MAT 22:24	―Benne' wese̱de, Moisés gunné̱' che tu benne' nuchaga ne̱'e̱ gatie̱', ne quebe nu bidu chee̱' chilá', na' bi biche̱' dxal-la' guchaga na'abe' nen nu'ula gute benne' biu chee̱' na' chee̱ sua tu bi chee̱ benne' ba gutie̱'.
23977	MAT 22:36	―Benne' wese̱de, ¿bizrla da gunná be'e Dios naca blau?
23989	MAT 23:2	dxenné̱': ―Benne' ca' dxuluxuzájle̱'e̱ da nadxixruj bea Moisés, ne benne' xudau' fariseo ca' zaj nape̱' xel-la' dxenná bea xuluxuzájle̱'e̱ da nadxixruj bea Moisés.
24146	MAT 26:23	Na' beche̱be Jesús: ―Bénnea' dxudé ne̱'e̱ lu xé'ena tu zren nen neda', benne' na' gudée̱' neda'.
24148	MAT 26:25	Nadxa gunná Judas, bénnea' gudée̱' Jesús, dxenné̱': ―Benne' dxuse̱de, ¿quebe naca neda'? Na' beche̱be Jesús, gunné̱': ―Awe', lue' na'.
24171	MAT 26:48	Judas, bénnea' dxudée̱' Jesús, ba blé'ene̱' benne' ca' ca tu da gune̱' da gulé'e na nu na' naca Jesús. Gunné̱': ―Bénnea' gunupa' neda', Le̱' na'. Le che̱'e̱ ca tu benne' we̱n da zrinnaj.
24184	MAT 26:61	Dxelenné̱': ―Benne' nigá gunné̱': “Wazéqueda' neda' guchínnaja' xudau' chee̱ Dios, na' xexuna' na lawe' chunna zraze.”
24187	MAT 26:64	Jesús guzre̱' le̱': ―Nácaqueza' ca dxennáu' lue'. Cá'anqueze dxapa' le'e, walé'ele neda', Benne' Gulje̱' Bénneache, cue'a chalá'a xabe̱la chee̱ Dios nen xel-la' szren chee̱', na' xelá'a lu beuj bza chee̱ xabáa.
24188	MAT 26:65	Nadxa bxruze blau gucheze̱' zra lane̱' chee̱ blé'ene̱' quebe nabague̱' zria, na' gunné̱': ―Benne' nigá dxenné̱' schanni' chee̱ Dios. ¿Nachínnedxadxu benne' xeche̱be̱'? Ba bénquezle le'e ca dizra' schanni' dxenné̱'.
24189	MAT 26:66	¿Bi dxennale le'e? Benne' ca' gulenné̱': ―Nabague̱' zria, ne dxal-la' gatie̱'.
24202	MAT 27:4	Dxe̱'e̱ le̱': ―Neda' be̱na' dul-la lawe' da bdea' tu benne' naque̱' du lazre' chee̱ gatie̱'. Belexeche̱be benne' xíchaje̱ ca': ―¿Bizra naca chee̱ntu' da nigá? Chiu' lue' naca da na'.
24209	MAT 27:11	Guleché̱'e̱ Jesús lau bénnea' dxenná be'e̱ waláz chee̱ xe̱zr la xu Roma, na' le̱' bche̱be̱' Jesús: ―¿Nacu' Lue' Wenná Bea chee̱ judío ca'? Jesús gunné̱': ―Ca' naca na, ca dxennáu' lue'.
24240	MAT 27:42	―Bselé̱' benne' xula, san quebe dxezéquene̱' guselá cuine̱'. Che naque̱' Wenná Bea Chee̱ Xe̱zre Israel, dxal-la' xexétaje̱' le̱'e̱ xaga béguaj, na' chéajle̱dxu chee̱'.
24245	MAT 27:47	Bal-la benne' zaj zre̱'e̱ na' belenne̱' ca da gunná Jesús, na' gulenné̱': ―Benne' nigá dxenné̱' Elías, benne' bchálaje̱' waláz chee̱ Dios.
24263	MAT 27:65	Pilato guzre̱' benne' ca': ―Na' zaj zra' benne' dxjaque̱' wedil-la xuluzuzre̱' na. Le chjaca le'e, ne le guxúe xanne' ba na' ca se̱ lau séquele.
24282	MAT 28:18	Nadxa Jesús gubigue̱' naga zaj zra' benne' ca', na' guzre̱' le̱': ―Neda' ba nazí' lu na'a ca naca xel-la' dxenná bea xabáa, ne lu xe̱zr la xu nigá.
24295	MRK 1:11	Ben tu chi'i da za xabáa, da dxenná na: ―Lue' nacu' Zri'ina'. Nazrí'ida' Lue', ne dxezaca ba lázrele̱da' Lue'.
24340	MRK 2:11	―Lue' dxapa', bexasa, becá'a da'a chiu', ne bexíaj lizru'.
24341	MRK 2:12	Ca'an guca, la bexásate̱', na' bequé̱'e̱ da'a chee̱', ne bedxúaje̱' lau xúgute̱ bénneache. Ca'an guca, xúgute̱ benne' ca' belexebánene̱', na' belúe lá'ane̱' Xránadxu Dios. Dxelenné̱': ―Cabata' ne lé'edxu gaca na ca guca da nigá.
24346	MRK 2:17	Ca ben Jesús da nigá, gunné̱': ―Benne' chawe' ca' quebe dxelechínene̱' benne' dxexún bénneache. Benne' we̱' ca' dxelechínene̱' bénnea'. Quegá bla'a dxennéa' benne' xrlátaje ca'. Benne' dul-la ca' dxennéa'.
24368	MRK 3:11	Gate be' xriwe̱' ca' zaj xu'u bénneache belelé'e na Jesús, na' buluzú zribe na lau Le̱', ne gulebezre xa'a na. Dxelenná na: ―Lue' nacu' Zri'ine Dios.
24379	MRK 3:22	Cá'anqueze benne' ca' dxuluxuzájle̱'e̱ da nadxixruj bea Dios, benne' gusá'aque̱' Jerusalén, dxelenné': ―Benne' nigá zrague̱' Beelzebú, xrane be' xriwe̱' ca', na' ne̱ chee̱ xrane be' xriwe̱' ca' dxebéaje̱' be' xriwe̱' ca'.
24391	MRK 3:34	Nadxa gunná' Jesús benne' ca' zaj zre̱'e̱ cuita Le̱', na' gunné̱': ―Benne' caní zaj zrále̱ne̱' neda' nigá zaj naque̱' ca xrnáqueza', ne bi bicha' ca'.
24430	MRK 4:38	Jesús de̱' dxasie̱' lu xcúgüe̱' naga nácadxa sibe lu da dxedá lawe' nísadau'. Na' bulusebane̱' Jesús, dxelé̱'e̱ Le̱': ―Benne' wese̱de, ¿quebe dxe'u gunne xue wátedxu nate ca na'a?
24491	MRK 6:15	Benne' xula dxelenné̱': ―Elías, bénnea' bchálaje̱' waláz chee̱ Dios benne' nigá. Benne' xula dxelenné̱': ―Nácalje̱' bénnea' dxal-la' xelá' guchálaje̱' waláz chee̱ Dios, che nácalje̱' benne' gulasa, benne' bchálaje̱' waláz chee̱ Dios.
24492	MRK 6:16	Ca ben Herodes da caní, na' gunné̱': ―Benne' nigá naque̱' Juan, bénnea' gunná be'eda' neda' gulechugue̱' xíchaje̱'. Benne' nigá ba bebane̱' ládujla benne' gate.
24514	MRK 6:38	Na' gunná Jesús, dxe̱'e̱ le̱': ―¿Bal-la xeta xtila nápale? Le cheajnná'. Ca gulenézene̱', na' gulenné̱', dxelé̱'e̱ Jesús: ―Gazxu' xeta xtila, ne chupa béladau'.
24559	MRK 7:27	Gunná Jesús, dxe̱'e̱ nu'ula': ―Be̱' lataj xelagu nedxu zri'ine benne' lu xu'u, lawe' da quebe naca chawe' cúadxu xeta xtila chee̱ bidu ca', ne gunézrujdxu na chee̱ bécudu ca'.
24571	MRK 8:2	―Neda' dxexache lazra' benne' caní lawe' da bache guca chunna zra zaj zre̱'e̱ nigá nen neda', ne quebe bi de̱ da xelawe̱'.
24585	MRK 8:16	Nadxa benne' ca' dxuse̱de Jesús gulé̱ ljwezre̱': ―Le̱' dxenné̱' caní lawe' da quebe de̱ xeta xtila gágudxu.
24589	MRK 8:20	Na' gunná Jesús: ―Na' gate na' bgawa' chua gaxúa benne' biu nen gazre xeta xtila, ¿bal-la xcuite xca'a da zaj zrate̱ becá'ale? Le̱' gulenné̱': ―Gazre na.
24598	MRK 8:29	Nadxa Jesús bche̱be̱' le̱': ―¿Gazra le'e? ¿Nuzra dxennale le'e naca' neda'? Pedro gunné̱': ―Lue' nacu' Cristo, benne' nasel-la Dios.
24612	MRK 9:5	Pedro guzre̱' Jesús: ―Benne' wese̱de, cháwele̱'e̱ naca zradxu nigá. Guntu' chunna xu'u lágadau', tu chiu', ne tu chee̱ Moisés, ne tu chee̱ Elías.
24614	MRK 9:7	Nadxa betaj tu beuj naga zaj zre̱'e̱, da bcache na le̱', na' lu beuj na' belenne̱' tu chi'i benne', gunné̱': ―Benne' nigá naque̱' Zri'ina' nazrí'ite̱ lazra'. Le xen da dxenné̱'.
24624	MRK 9:17	Nadxa tu benne' ze̱' ga na' beche̱be̱': ―Benne' wese̱de, nache̱'a zri'ina' nigá chee̱ xexunu'-be' lawe' da xu'ube' be' xriwe̱' da ba nun na le̱be' bi quebe dxaca nne̱be'.
24644	MRK 9:37	―Benne' na' gape̱' ba lá'ana tu bidau' ca bidu nigá lawe' da nazrí'ine̱' neda', bénnea' gape̱' ba lá'ana neda', na' bénnea' gape̱' ba lá'ana neda', quegá tuza' neda' gape̱' ba lá'ana, cá'anqueze gape̱' ba lá'ana Xra' nasel-le̱' neda'.
24645	MRK 9:38	Nadxa Juan guzre̱' Jesús: ―Benne' Wese̱de, blé'entu' tu benne' dxebéaje̱' be' xriwe̱' da xu'u bénneache, dxuchínene̱' Lau' Lue', san bénnea' quebe dxune̱' dxi'u tu zren. Chee̱ le̱ na' gúzrentu' le̱' québedxa gune̱' ca'.
24674	MRK 10:17	Gate bexú'u Jesús neza, na' guzá chegu tu benne' biu, na' bzu zribe̱' lau Jesús, ne bche̱be̱' Le̱': ―Benne' xrlátaje, bi dxal-la' guna' chee̱ gapa' xel-la nabán zeajlí canna?
24677	MRK 10:20	Nadxa bénnea' beche̱be̱': ―Benne' wese̱de, xúgute̱ da caní dxuna' nácatea' bidau'.
24692	MRK 10:35	Nadxa Jacobo ne Juan, zri'ine Zebedeo, belezrine̱' lau Jesús, na' gulé̱'e̱ Le̱': ―Benne' Wese̱de, dxaca lázrentu' gunu' chee̱ntu' da nábantu' Lue'.
24708	MRK 10:51	Nadxa Jesús gunábene̱' le̱': ―¿Bizra dxaca lazru' guna' chiu'? Na' gunná benne' la chul-la: ―Benne' Wese̱de, dxaca lazra' xexunu' xiaj lawa'.
24730	MRK 11:21	Nadxa xeajsá lazre Pedro, na' guzre̱' Jesús: ―Benne' wese̱de, gunná'xque xaga higo nigá da gulú'u na de'. Bache gubizre na.
24756	MRK 12:14	Benne' caní belelé̱'e̱ lau Jesús, na' gulé̱'e̱ Le̱': ―Benne' wese̱de, ba nézentu' ca dxennáu' da li, ne quebe dxezí'u ca da dxelennaze bénneache, lawe' da quebe dxenná'u Lue' ca zaj naca cúzreze bénneache. Da li naca ca dxusé̱denu' bénneache da naca chee̱ Dios. ¿Dxunna da nadxixruj bea Dios lataj quízrujdxu da dxuchizruj benne' dxenná bea Roma dxi'u, che cabí? ¿Dxal-la' quízrujdxu, che quebe quízrujdxu?
24761	MRK 12:19	―Benne' wese̱de, Moisés bzuaje̱' chee̱dxu da nadxixruj bea nigá: “Che tu benne' biu gatie̱', ne xegá'ana zru'ule̱', na' quebe nu zua bi chee̱ bénnea', na' benne' biche̱' dxal-la' xequé̱'e̱ nu'ula na' gute benne' chee̱' chee̱ sua zri'ine bénnea' gutie̱'.”
24787	MRK 13:1	Gate bedxúaj Jesús lu xudau', na' tu benne' dxusé̱dene̱' guzre̱' Le̱': ―Benne' Wese̱de, gunná'xque ca zren naca xudau', ne xiaj xrtante̱ caní.
24867	MRK 14:44	Judas, benne' dxudée̱' Jesús lu na' benne' ca' dxeledábague̱' Le̱', ba blé'ene̱' benne' ca' tu da gune̱' da gaca bea na nule̱' naca Jesús, gunné̱': ―Bénnea' gunupa', benne' na' qué̱l-lale. Le xeché̱'e̱, ne le guxúe xanne' chee̱ quebe xelé̱'.
24868	MRK 14:45	Na' ca bzrine̱' na', gubigue̱' lau Jesús, ne dxe̱'e̱ Le̱': ―Benne' Wese̱de. Na' bnupe̱' Le̱'.
24881	MRK 14:58	―Netu' ba bénnentu' chee̱', gunné̱': “Neda' guchínnaja' xudau' nigá da belún bénneache, na' ca gaca chunna zra xechisa' xetú xudau' da quebe xelún bénneache.”
24890	MRK 14:67	na' ca ble'ebe' Pedro dxe'e̱ dxu'a xi' dxuxuché'e̱, na' gunná'abe' le̱', ne gúzrebe' le̱': ―Lue' dxedále̱quezu' Jesús, benne' Nazaret na'.
24892	MRK 14:69	Nadxa nu'ula we̱n zrin chee̱ bxruze blau na' gunná'abe' Pedro xecha lasa, na' gunabe', dxe̱'e̱be' benne' ca' zaj zre̱'e̱ na': ―Benne' nigá naque̱' tuze benne' ca'an.
24897	MRK 15:2	Pilato gunábene̱' Jesús: ―¿Nacu' Lue' wenná bea chee̱ judío ca'? Na' beche̱be Jesús: ―Ca' naca na, ca ba gunnáu' lue'.
24926	MRK 15:31	Cá'anqueze belún benne' xíchaje̱ ca' chee̱ bxruze ca', ne benne' dxuluxuzájle̱'e̱ da nadxixruj bea Dios. Belún le̱' chee̱ Jesús, dxelé̱' ljwezre̱': ―Benne' xula bselá benne, san Le̱' québequeze dxezéquene̱' guselá cuine̱'.
24981	LUK 1:19	Na' beche̱be gubáz chee̱ xabáa na': ―Neda' naca' Gabriel, ne naca' we̱n zrin chee̱ Dios. Le̱' gusel-le̱' neda' chee̱ guchálajle̱na' lue', ne guzenda' lue' dizra' chawe' nigá.
24997	LUK 1:35	Gubáz chee̱ xabáa na' gunné̱': ―Be' Lá'azxa chee̱ Dios sue̱' xichaj lázrda'u, na' xel-la waca chee̱ Dios szrente̱ sua na nen lue'. Chee̱ le̱ na' bidu na' gálajbe' gácaquezebe' chee̱ Dios, na' sí'queze labe' Zri'ine Dios.
25000	LUK 1:38	Nadxa gunná María: ―Neda' nácaqueza' we̱n zrin chee̱ Xránadxu. Gun Dios chia' ca da ba gunnáu'. Na' gubáz chee̱ xabáa na' bezé̱'e̱ naga zua María na'.
25105	LUK 3:11	Juan beche̱be̱': ―Benne' de̱ chupa zre̱' dxal-la' gunézruje̱' tu na benne' quebe de̱ chee̱', na' benne' de̱ da dxawe̱' dxal-la' gunézruje̱' da gagu bénnea' quebe bi de̱ chee̱'.
25106	LUK 3:12	Cá'anqueze belelá' benne' wechizruj ca' chee̱ xeledxúe̱' nisa, na' buluche̱be̱' Juan: ―Benne' wese̱de, ¿bi da dxal-la' guntu' netu'?
25116	LUK 3:22	na' betaj Be' Lá'azxa lawe' Jesús. Ble'e lawe̱' ca tu bgugu chiche, na' ben tu chi'e̱ xabáa, dxenné̱': ―Lue' nacu' zri'ina' nazrí'ite̱ lazra'. Dxezaca ba lázrele̱na' Lue'.
25138	LUK 4:6	na' guzre na Le̱': ―Neda' gunna' Lue' ca naca xel-la dxenná bea nigá, ne xel-la szren chee̱ xúgute̱ xe̱zr la xu caní, lawe' da zaj xu'u da caní lu na'a neda', na' gunézruja' na nu dxaca lazra' gunézruja' na.
25173	LUK 4:41	Cá'anqueze zánete̱ be' xriwe̱' belexedxúaj na lu xichaj lázrdau benne' ca'. Dxelenná na: ―Lue' nacu' Zri'ine Dios. Jesús gudil-le̱' be' xriwe̱' ca'. Quebe be̱'e̱ na lataj xelenné̱ na, lawe' da zaj neze na naca Le̱' Cristo.
25181	LUK 5:5	Simón beche̱be̱': ―Benne' Wese̱de, bedú xe̱la be̱ntu' zrin, ne quebe bi bela ne sentu'. Lu dizra' chiu', na'a guzal-la' xixruj nigá.
25200	LUK 5:24	Gulé'eda' le'e neda', Benne' Gulje̱' Bénneache, napa' xel-la dxenná bea lu xe̱zr la xu nigá chee̱ gunite lawa' dul-la chee̱ bénneache. Nadxa guzre̱' benne' na' naxrú'une ni'a ne̱'e̱: ―Lue' dxapa', bexasa, bexúa blaga' chiu', ne bexíaj.
25242	LUK 6:27	Na' gunná Jesús: ―Dxapa' le'e dxénele chia', le zri'i benne' ca' dxelecuídene̱' le'e, ne le gun chawe' chee̱ benne' ca' dxelezré̱'e̱ le'e.
25268	LUK 7:4	Benne' gula ca' belezrine̱' lau Jesús, na' gulezú lawe̱' dxelata' xuene̱' Le̱', dxelenné̱': ―Benne' Roma nigá naca chee̱' gácale̱nu' le̱',
25307	LUK 7:43	Simón beche̱be̱': ―Dxéqueda' bénnea' bnite lawe̱' chee̱' da zrendxa. Na' Jesús guzre̱' le̱': ―Da li dxennáu'.
25335	LUK 8:21	Jesús guzre̱' le̱': ―Benne' ca' dxelenne̱' xrtizra' Dios, ne dxelune̱' ca dxenná na, benne' caní zaj naque̱' ca xrna'a, ne benne' bícha'dau' ca'.
25344	LUK 8:30	Jesús bche̱be̱' be' xriwe̱' ca': ―¿Bi le̱le? Na' beche̱be le̱ na: ―Neda' lea': Da Zan. Ca' gunná na lawe' da xu'u be' xriwe̱' zante̱ benne' na'.
25359	LUK 8:45	Nadxa Jesús bche̱be̱': ―¿Nuzra bta neda'? Xúgute̱' gulenné̱': “Quebe nu ne gutá Lue'”, na' Pedro, ne benne' ljwezre̱' ca' gulenné̱': ―Benne' Wese̱de, benne' caní dxuluchídee̱' Lue', ne dxuluzrigue̱' Lue', na' dxuché̱bequezu', dxennáu': “¿Nuzra bta neda'?”
25390	LUK 9:20	Nadxa Jesús bche̱be̱': ―Na' le'e, ¿nuzra dxennale naca'? Na' gunná Pedro: ―Nacu' Cristo chee̱ Dios.
25403	LUK 9:33	Gate benne' ca' belexesiá'que̱' naga ze̱ Jesús, na' Pedro gunné̱': ―Benne' Wese̱de, néquega zúadxu nigá. Be̱nna netu' lataj guntu' chunna xu'u lága'dau', tu chiu', ne tu chee̱ Moisés, ne tu chee̱ Elías. Pedro quebe dxéquebe'ene̱' ca da dxenné̱'.
25408	LUK 9:38	Nadxa tu benne' ca' gunné̱' zizraj, guzre̱' Jesús: ―Benne' Wese̱de, dxata' xueda' Lue' dajxú' bi biu chia' lawe' da tu lícha'te̱ bi chia' naca,
25418	LUK 9:48	na' guzre̱' benne' ca': ―Benne' gape̱' ba lá'ana tu bidu caní lawe' da nazrí'ine̱' neda', néda'queza' dxape̱' ba lá'ana, na' benne' dxape̱' ba lá'ana neda', dxápaqueze̱' ba lá'ana Dios, Bénnea' nasel-le̱' neda'. Cá'anqueze bénnea' nácadxe̱' benne' dxexruj lazre' ládujla le'e, benne' nigá naque̱' benne' blau.