23218	MAT 1:5	Salmón con Rahab gujc xcuzajn Booz. Booz con Rut gujc xcuzajn Obed. Obed gujc xtad Isaí.
23224	MAT 1:11	Josías gujc xtad Jeconías con rebetzni cheni huij rebeṉ Israel pres lo guedx Babilonia.
23225	MAT 1:12	Che gudejd huij rebejṉga pres Babilonia, dxejc guyu' xi'n Jeconías, Salatiel. Salatiel gujc xtad Zorobabel.
23230	MAT 1:17	Ni'cni gujc tzudaj xfamiḻ reni agudejd gubi'reni lo guedxliujre che gubajṉli toAbram cheni gubajṉliza toṟeii David. Tzudajza rexagdoo najc reni gudejd cheni gubajṉli toDavid cheni huijli rebeṉ Israel pres Babilonia. Stzudaj rexagdoo najc reni gudejd cheni biriilireni pres Babilonia che gojlli Crist.
23239	MAT 2:1	Cheni gojl Jesús neṉ guedx Belén xten guedx Judea, najc Herodes ṟeii xten guedx Judea. Dxejc bidzujṉ rebeṉnajn ni najc remagos, siäädreni nejz cadro rliejn gubijdx, bidzujṉreni guedx Jerusalén.
23243	MAT 2:5	Laareni räjpreni: ―Neṉ guedx Belén xten guedx Judea sa'csi si'c gunii niguii ni bacuaa xtidx Dios che räjpni:
23244	MAT 2:6	Luj guedx Belén xten guedx Judea, dilu gajc maazru huin loj reguedxro xten guedx Judea sa'csi neṉ guejdxre guirii tej nani guinibee, te ni ga'p rexpeṉä Israel.
23246	MAT 2:8	Dxejcti baxhaḻnireni guedx Belén, räjpni lojreni: ―Coḻchäj ro'c, coḻnabdiidxsa'c xcuent biuuxga te che abidxältuni jiädniitu loä te näjza narä chagaṉäni.
23247	MAT 2:9	Che biejn diajgreni xtidx ṟeii, sä'tireni. Bajl nani bahuiireni lagajc lajdxreni laḻtis nijdni lojreni. Che bidzujṉlireni cadro yu' bäzga, dxejcru guzobdxi bajlga.
23254	MAT 2:16	Che gucbee Herodes abasguee remagosni, bidxechduxhni. Gunibeeni guet guiraa rebiuxniguii ni yu' tio'p ijz näjza rebiuxe' ni yu' guxiiru dxej, guideb neṉ guedx Belén näjza reguejdx ni re' gabiga, si'cti redxej ni räjp remagos lojni.
23256	MAT 2:18	Biejn xse' bejṉ neṉ guedx Ramá, te yäḻhuinduxh, te yäḻrbedxdij, yäḻrbedxneṉ: laa Raquel ni roon yejc rexi'nni. Naaddini jiäjḻ lajzni sa'csi agujt rexi'nni.
23262	MAT 3:1	Neṉ redxejga biääd Juan Bautist lo reyubijdz xten guedx Judea, ro'c cagulijdxni,
23272	MAT 3:11	Narä guliicani rustiobnisä con nis si'c te seen cheni abasiechlajztu, abaxhobdojḻtu. Niluxh nani siääd detzä sutiobnisni la'tu con Sprit Dxan xten Dios näjza con guiboo. Rnibeeruni loä. Beṉsacduxhni. Nicla xcura'chni digacdi chanää́.
23276	MAT 3:15	Dxejc räjp Jesús lojni: ―Basaan gacni si'c ṉaj, sa'csi nanab gusoobnu guiraa ni rlajz Dios gac. Dxejctiru batiobnis Juan Jesús.
23282	MAT 4:4	Badzu' Jesús diidxre lojni, räjpni: ―Loj reguijtz xten Dios caj scree: “Xhet ganaxdi yäḻtxtiil guibajṉ rebejṉ; sibajṉzani con guiraa diidx nani rnii Dios.”
23285	MAT 4:7	Badzu' Jesús diidxre lojni, räjpni: ―Caj loj rexquijtz Dios: “Na'c faḻlu Dad ni najc Xtioslu.”
23302	MAT 4:24	Biejn diajg rebeṉ Siria diidx xcuent ni cayujn Jesús. Sas biädnäreni guiraa rebeṉracxhuu ni cayajc guiraloj yäḻguijdx, yäḻnayan; guiraa reni rajc yejcreni, guiraa reni rajc malyäḻguijdx, reni rajc yäḻguidxbej, guiraareni abixu'ṉ tiejxhreni. Dxejcti basiajc Jesús rebejṉga.
23347	MAT 5:44	Narä rniä lojtu, coḻchanälajz rebejṉ ni rdxe'ch lojtu. Benle' yejc reni rgue lojlu. Coḻyejn dxunsa'c loj renani rdxe'ch lojtu. Coḻcuejdx, coḻnab loj Dios xcuent rebejṉ nani rdxagdijḻtu, rusacsíreni la'tu,
23357	MAT 6:6	N̲aj luj cheni cueedx, guiniablu lo Dios, biu' neṉ xyu'lu. Basäuu ro' yu'ga, dxejcti xhiga'tz gunii loj xtadlu ni yu' xhaguibaa. Dxejcti xtadlu ni cahuii xhi rujnlu xhiga'tz, sacnäjni luj nez loj rebejṉ.
23363	MAT 6:12	Basiäjḻ lajzlu redojḻ xtennu si'c riäjḻ lajznu redojḻ xten rebejṉ ni rujn dojḻ loonu.
23373	MAT 6:22	Räjpzani: ―Bianij xten tiejxhni najc balojni, ni'cni palga rhuisa'c balojtu, guideb tiejxhtu yu' lo bianij.
23390	MAT 7:5	Beṉguijdx ni rusguee, guläxgaa yagro ni yu' balojlu te gac fisa'clu te cuäälu guijxh nani yu' baloj sa'lu.
23416	MAT 8:2	Dxejcti biääd te beṉracxhuu ni raḻ tiejxhni nez loj Jesús. Bazuxhijbni, räjpni: ―Dad, palga rlajzlu, sajc gusiajclu narä.
23423	MAT 8:9	Narä nacäza xmos rebejṉ ni rnibee, niluxh rnibeäza te gayuu soldaad. Che rniä lo tejni: “Huij”, rijni. Che gäpä loj steeni: “Gudaa”, riädgajcni. Che gäpä loj xmosä: “Bejn dee”, rungajcnini.
23430	MAT 8:16	Che biu' guxhijṉ, biädnäreni loj Jesús xhidajl bejṉ ni yu' rebeṉdxab lostooreni; con xtiidxni gunibeeni birii guiraa rebeṉdxabga. Basiajczani guiraa rebeṉ racxhuu.
23436	MAT 8:22	Räjp Jesús lojni: ―Gudanajl narä. Basaan sugucua'tz resabeṉgutreni rebejṉ nani najc si'c beṉgut sa'csi najcreni beṉdojḻ.
23450	MAT 9:2	Ro'c biädnäreni lojni te bejṉ nani abixu'ṉ ṉaani, ni'ni. Naga'ni lo te da'. Che bahuii Jesús lacti rililajzreni, räjpni loj beṉracxhuuga: ―¡Baspaa lajzlu xi'nä! Agubicaj rextojḻlu.
23466	MAT 9:18	Laḻ ni caniini rediidxga, biääd te dade' ni rnibee neṉ guidoo xten rexpejṉ Israel. Bazuxhijbni nez loj Jesús räjpni: ―Entis gujt xindxa'pä. Gudaa, badzuub ṉaalu yejcni te guibaṉsacni.
23468	MAT 9:20	Luxh guyu' te gunaracxhuu nani agujc tzubitio'p ijz cayajcni yäḻguidxbäii. Bidzujṉni nez dejtz Jesús, gudajnni ro' xhajbni,
23475	MAT 9:27	Che birii Jesús ro'c, huinajl tio'p bejṉni nani di fii. Rbedxa'reni roonreni räjpreni: ―Balaslajz nuure, Xi'n toDavid.
23483	MAT 9:35	Gudejd Jesús guiraa reguedxro näjza reguedxbäz, basule'ni xtidx Dios neṉ reguidoo xten rexpejṉ Israel. Basääbni diidx xten xcäḻrnibee Dios. Basiajczani guiraloj yäḻracxhuu, guiraloj yäḻguijdx ni rajc bejṉ neṉ reguejdxga.
23489	MAT 10:3	Felipe; Bartolomé; Tomás; Mateo, ni najc colectoor; Jacoob, xi'n Alfeo; Lebeo ni rniireni Tadeo;
23491	MAT 10:5	Guitzubitio'p rebejṉre baxhaḻ Jesús. Balijdxnireni räjpni: ―Na'c chäätu nez cad yu' rebejṉ ni di gumbee Dios. Na'c jiu'tu lajdx rebeṉ samaritaṉ.
23511	MAT 10:25	Te bejṉ ni casieed, rsieedruni te gacni si'c najc xmastrni, sigajcza rujn mos, riuni xtidx xlam̲ni te gacni si'c najc xlam̲ni. Palga rbälajreni Beelzebú nani rnibee beṉdxab, ¿xho direni cuälajza Beelzebú rexi'nni, ä?
23539	MAT 11:11	Guliipac rniä, loj guiraa rexingaan xten gunaa, nicla tejni gajd guiricaj ni najc te beṉsacduxh loj Dios si'c ni najc Juan Bautist. Niluxh bejṉ nani najc beṉ huinru lo xcäḻrnibee Dios xhaguibaa, bejṉga maazru sajcni loj Juan.
23540	MAT 11:12	’Cheni gucli dxej ni gusloj rusule' Juan Bautist diidx ṉajli, yu'duxh reni rlajzpac jiu'reni lo xcäḻrnibee Dios ni yu' xhaguibaa con yäḻrdxe'ch, sas reni nadxecha' rlajzreni cuäxuuni xcäḻnibee Dios.
23541	MAT 11:13	Guiraa reniguii ni gunni xtidx Dios näjza xleii Moisés, gunixgaareni recos ni churu gac, galooli hasta che biäädli Juan Bautist.
23545	MAT 11:17	rniireni: “Bieḻnu bizej te guya'tu luxh ditu nuya'. Dxejcti bieḻnu redij ni nabaduxh luxh dizatu nioon.”
23549	MAT 11:21	―¡Gunatiru guedx Corazín! ¡Gunatiro guedx Betsaida! Paru neṉ guedx Tiro näjza guedx Sidón niajc remilaagwr nani gujc guedx lajdxtu, cadxejli nusiejch lajzreni xtojḻreni, cadxejli niajcwreni neṉ godx, nidääb cobdäj yejcreni.
23562	MAT 12:4	Biu'reni xquidoo Dios, gudajwreni yätxtiil nani di nungäjḻ gauni, nicla laani, niclaza rebejṉ nani sanäni, sa'csi yätxtiilga rebixhojztis rajwni.
23569	MAT 12:11	Badzu' Jesús diidxre lojreni, räjpni: ―Chutejtu ni rajp te xiil niluxh palga guitejbni neṉ bisie che gaḻ dxej ni rusilajz bejṉ, ¿xhixh dini cuää xiilga neṉ bisie, ä?
23571	MAT 12:13	Dxejcti räjpni loj dade'ga: ―Baslii ṉaalu. Che basliinini, dxejc biajc ṉaani, gujcni tebloj si'c najc stelaad ṉaani.
23582	MAT 12:24	Che biejn diajg rebeṉ guidoo ni laa farisee rediidxga, räjpreni: ―Bejṉre rbää rebeṉdxab con yäḻrnibee xten Beelzebú ni rnibee loj rebeṉdxab.
23585	MAT 12:27	Palga narä rbää́ rebeṉdxab con yäḻrnibee xten Beelzebú, ¿chu xcäḻrnibee rajc rbää rexpejṉtu beṉdxab, ä? Ni'cni lagajc laareni suluiireni xhet laadi rujntu xhigab.
23587	MAT 12:29	’Bahuilaare. ¿Xho gac jiu' te bejṉ cuan rolijz te beṉdaan, xho gac cuanni xhixten bejṉga, palga dini gulibxgaani beṉdaanga? Che abiliib bejṉga, sajc cuanni rexhixten bejṉga.
23597	MAT 12:39	Badzu' Jesús diidxre, räjpni: ―Rebeṉguijdx ni rusguee rniab te seen, niluxh xhetru seendi fiireni xseentis Jonás, dade' ni gunii xtidx Dios.
23611	MAT 13:3	Dxejc gusloj caguluii Jesús con recuent, räjpni: ―Coḻcuadiajg. Birii te dade' ni rbe'c binij te cue'cni binij.
23639	MAT 13:31	Bijza Jesús stee cuent räjpni: ―Xcäḻrnibee Dios xhaguibaa najcni si'c te bedz muxhtas nani cue'c te bejṉ lo xyujni.
23641	MAT 13:33	Bijzani stee cuentre, räjpni: ―Xcäḻrnibee Dios xhaguibaa najc si'c levaduur nani rugu'ch te gunaa lo choṉ mediid ariṉ, dxejc ni'c rusaguijni guideb cojbga.
23642	MAT 13:34	Baluii Jesús guiraa rebejṉ ganaxtis con recuent, xhetiru stee mood nuluiini, ganaxtis con cuent guniini lojreni.
23644	MAT 13:36	Dxejcti basadiidx Jesús rebejṉ, biu'tini neṉ yu' cadro bire' rexpejṉpacni lojni, räjpreni lojni: ―Basule' loonu xcuent cuanguejch ni guyu' loniaa.
23645	MAT 13:37	Räjp Jesús lojreni: ―Bejṉ nani rbe'c retriusa'c, najc Xi'n Dios ni gujc Niguii;
23647	MAT 13:39	Bejṉ nani rdxe'ch lajz najc lagajc beṉdxab. Cose'ch säloj che nitloj guedxliuj; reni gutie' cose'ch najc rexangl Dios.
23652	MAT 13:44	Räjpzani: ―Si'cza xcäḻrnibee Dios xhaguibaa najc si'c te cossacduxh ni naga'tz lo te yuj loniaa. Bidxäl te dade'ni, luxh bacuatzsacnini. Dxejcti rbalajzni, huijni, huito'ni guiraa xhixtenni te rajpni meel siini yujga.
23668	MAT 14:2	Dxejc räjpni lo rexmosni: ―Dee najc Juan Bautist. Pet agubaṉsacni lo rebeṉgut, ni'cni rajpni yäḻrnibee te rujnni remilagwr.
23670	MAT 14:4	Bidxe'chni sa'csi räjp Juan lo Herodes: ―Et laadi rujnlu rbäznäjlu chääl bejtzlu.
23674	MAT 14:8	Dxejcti gunaaga, abalijdx xnannini, räjpni lo Herodes: ―Loj te platóṉ baniidx bitiuyejc Juan Bautist.
23676	MAT 14:10	Dxejcti gunibeeni biru' yejc Juan Bautist neṉ latzguiib.
23681	MAT 14:15	Cheni acayu' guxhijṉ, gubig rexpejṉpacni lojni räjpreni: ―Rut rbäjzdi nez lo reyubijdzre, niluxh agudxej ṉaj. Basadiidx rebejṉ te jiireni nez rerench te chasiireni xhi gaureni.
23685	MAT 14:19	Dxejcti gunibeeni gurej rebejṉ lo guixa'. Dxejcti cua'ni guigaii yätxtiil näjza guiro'p bäjl, guläsni lojni xhaguibaa, badeedni xquixhtios lo Dios, dxejcti gula'ni reyätxtiil. Badeednini loj rexpejṉpacni. Dxejcti rexpejṉpacni gudisrenini loj rebeṉ xhidajl.
23705	MAT 15:3	Badzu'ni diidx, räjpni: ―¿Xhicuent di la'tu gusoobzatu xtidx Dios? Dee alga riurutu rexcostumbrtu.
23709	MAT 15:7	¡Bejṉ ni rusguee najctu! Laaca gunii Isaías, bejṉ nani gunii xtidx Dios xcuenttu cheni räjpni:
23717	MAT 15:15	Räjp Pedr loj Jesús: ―Basule' cuentre loonu.
23723	MAT 15:21	Biriiti Jesús ro'c, sääni nez región xten Tiro näjza Sidón.
23725	MAT 15:23	Xhet räjpdi Jesús lojni. Dxejcti biädnabduxh rexpejṉpacni lojni, räjpreni: ―Barilaagw gunaare, didi rbedxa'ni siädnajlni luj.
23731	MAT 15:29	Birii Jesús ro'c gudejdni nez ro' nisdoo ni laa Galilee. Huäpgajcni yejc te dajn, ro'c gurejni.
23736	MAT 15:34	Räjp Jesús lojreni: ―¿Bal yätxtiil ca'tu? Räjpreni: ―Gajdztisni, näjza gaii bälbäze'.
23747	MAT 16:6	Dxejcti räjp Jesús lojreni: ―Bacuadiajg, coḻnati levaduur xten refarisee näjza resaducee.
23750	MAT 16:9	¿La gajdtu gacbee? ¿La diza lajztu guinaj che gudisä gaii yätxtiil gudajw gaii miḻ bejṉ, ä? ¿Bal dxijm̲ni batie'tu, ä?
23751	MAT 16:10	¿La diza lajztu guizaj che gudisä gajdz yätxtiil gudajw tap miḻ bejṉ, ä? ¿Bal dxijm̲ni batie'tu?
23755	MAT 16:14	Laareni räjpreni: ―Yu'reni naj luj najclu Juan Bautist; yu'zareni rnii luj najclu Elías, peta sgaiireni rnii luj najclu Jeremías o stee niguii ni rnii xtidx Dios.
23758	MAT 16:17	Badzu' Jesús diidxre, räjpni: ―Chicbaalu, Simón Pedr, xi'n Jonás, sa'csi xhet bejṉdi baluii dee lojlu, Xtadätis ni yu' xhaguibaa baluiinini lojlu.
23780	MAT 17:11	Badzu' Jesús diidxre, räjpni: ―Guliini siädxgaa Elías, laani gunsa'cni guira'ti,
23782	MAT 17:13	Dxejcti gucbee rexpejṉpacni caniini xcuent Juan Bautist.
23785	MAT 17:16	Biädnää́ni loj rexpejṉpaclu, luxh di niajcdi nusiajcrenini.
23786	MAT 17:17	Jesús badzu' diidxre lojreni räjpni: ―Beṉguijdx, bejṉ ni di chalilajz, ¿gucli yu'ä lojtu? ¿Cati gac gunä huant la'tu? ¡Coḻtanä biuuxga ree!
23795	MAT 17:26	Badzu' Pedr diidxre räjpni: ―Rebeṉzijt. Räjp Jesús: ―Ni'cni di rexi'nreni quiixni.
23818	MAT 18:22	Badzu' Jesús diidxre lojni räjpni: ―Dina guiniä gajdztis huält, rniä gayoṉbidzuu huält, nalajznu si'ctiza huält basiäjḻ lajzlu.
23831	MAT 18:35	Baluux Jesús cuentga, räjpni: ―Sigajcza gunnäj Xtadä ni yu' xhaguibaa guiraa rebejṉ ni di gusiäḻlajzpac guiraa redojḻ ni rujn resa'ni lojni.
23835	MAT 19:4	Badzu' Jesús diidxre lojreni, räjpni: ―¿La gajdtu goḻ lo reguijtz nani bacuaa toMoisés cadro caj xho benchee Dios bejṉ galooli: “Niguii näjza gunaa bencheenireni”?
23850	MAT 19:19	Bazoob xtidx xtadlu con xnanlu, huinälajz sa'lu si'cni sanälajzlu lagajc luj.
23863	MAT 20:2	Che bidxälni gaii mos, bachaagni diidx. Bia'nreni diidx quiixnireni te denaar tebdxej cade tej remosga. Dxejc baxhaḻnireni loj xyujni sayujnreni dzuun.
23864	MAT 20:3	Birisacni, satiilni sgaii mos si'cti rcagaa, rsil. Bidxaagni sgaii bejṉ ni xhet cayujndi, suga'sireni nez lo guii.
23866	MAT 20:5	Birisac dade' si'cti läiidxej, birisaczani si'cti rcachoṉ gudxej. Bidxaagni sgaii bejṉ, sigajcza räjpni loj rebejṉga.
23881	MAT 20:20	Dxejcti gubig xnan Jacoob näjza Juan, xi'n Zebedeo loj Jesús. Bazuxhijbni nez loj Jesús, te gunabni lo Jesús.
23896	MAT 21:1	Cheni Siäddzuṉgajxhreni guedx Jerusalén, bidzujṉreni te guedxbäz ni laa Betfagé, cuä' dajn ni laa Oliib. Baxhaḻ Jesús tio'p xpejṉpacni,
23902	MAT 21:7	Biädnäreni buṟga näjza buṟbäz xi'nni. Gudixhreni xhajbreni detz buṟbäzga, dxejc gubijb Jesús buṟbäzga.
23907	MAT 21:12	Dxejc biu' Jesús neṉ guidoro xten Dios, gulääni guiraa rebejṉ ni caguto' näjza rebejṉ ni casii. Barexhätni remex xten reni ruchaa meel xten rebejṉ, näjza reyagxhil xten reni ruto' repalom.
23911	MAT 21:16	Dxejc räjpreni loj Jesús: ―¿La riejn diajglu xhi caniireni, ä? Badzu' Jesús diidxre lojreni räjpni: ―O'n, riejn diagäni. ¿La gadtu goḻ lo reguijtz ni bacuaa te dade' ni gunii xtidx Dios? Ro'c caj xcuent redee, cadro caj rediidxre: Abejnlu goḻ rebiuux näjza rebäznite' dij ni rliäpsa'cpac xpala'n Dios.
23912	MAT 21:17	Dxejcti basaan Jesúsreni, biunejzni ro'c sääni guedxe' ni laa Betania, ro'c gudejdni yääl.
23914	MAT 21:19	Bahuiini loj te yag iigw cuä' nezyuj. Gubigni gajxh ni' yajgga, per xhet ninejxhdi bidxälni, ganaxhtis balajg caj lo yajgga. Dxejc räjp Jesús lo yajg iigwga: ―¡Nuncru xcaj nicla tej ninejxh lojlu! Dxejcti gubidzgajc yajgga.
23919	MAT 21:24	Badzu' Jesús diidxre lojreni räjpni: ―Sigajcza narä gunä te yäḻgunabdiidx lojtu; palga sajc gudzu'tu diidxga loä, dxejc guiniä lojtu chuni'c baniidx yäḻrnibee te runä recosre.
23927	MAT 21:32	sa'csi Juan ni rutiobnis biädluiini la'tu xho guibajṉtu, luxh ditu nililajz xtiidxni. Biädla reni ruquijx guiraloj, näjza regunadxab huililazduxhreni xtiidxni. Niluxh la'tu bahuiitu guiraa recosga, ditu nusiechlajz te nililajztu xtiidxni.
23928	MAT 21:33	’¡Coḻcuadiajg stee cuentre! Guyu' te dade' ni najc baxhuaan xten te renchro, gule'cni yaguub loj xyujni, bateedni bazaa guideb gabi yujga. Gudäänni te gueed te gujcni te tanc te chuchee nisuubga che rxii reuub. Bencheezani te yu' ni najc jiaaro te ro'c cue te ni fii guideb loj xyujni. Badedlaani yujga loj gaii bejṉ ni rujn dzuun, sä'tini te biaj zijtro.