23251	MAT 2:13	Che sii remagos lajdxreni, biääd te xangl Dios baluilojni lo José lo bacaḻ, räjpni: ―Huistie, cua' biuxe're näjza xnanni, huinäreni Egipto. Ro'c guläjz che guiniäli lojlu. Siguiil Herodes biuxe're sa'csi rlajzni ju'tnini.
23258	MAT 2:20	Räjpni: ―Huistie, cua' biuxe're näjza xnanni, gubisac nez Israel sa'csi agujt renani rlajz ju't biuxe're.
23295	MAT 4:17	Dxejcli gusloj cagulijdx Jesús, räjpni: ―Coḻgusiejchlajztu, coḻguxhobdojḻ te guibaṉsa'ctu sa'csi abidzuṉgajxh xcäḻrnibee Dios.
23416	MAT 8:2	Dxejcti biääd te beṉracxhuu ni raḻ tiejxhni nez loj Jesús. Bazuxhijbni, räjpni: ―Dad, palga rlajzlu, sajc gusiajclu narä.
23418	MAT 8:4	Dxejcti räjp Jesús lojni: ―Arniä, rut lojdi gäblu xhi guzajclu. Huijtis lo rebixhojz te badeed gojn ni gunii toMoisés gudeed bejṉ ni riajc, te fii rebixhojzga abiajclu.
23420	MAT 8:6	räjpni: ―Dad, xmosä naga' rolizä. Di gacdi guiniibni luxh cayanduxhni.
23422	MAT 8:8	Dxejcti räjp capitán lojni: ―Dad, xhet sacädi; di nungäjḻ jiu' guejblu rolizä. Guiniitis te diidx, siacgajc xmosä.
23433	MAT 8:19	Dxejcti biääd te beṉnajn loj Jesús, räjpni: ―Mastr, sisiaäza cadrotis chäälu.
23435	MAT 8:21	Stee rexpejṉpacni räjp lojni: ―Dad, basaan chaxgaä ladxä te chacuatzä xtadä.
23439	MAT 8:25	Dxejcti huij rexpejṉpacni huicuäänni, räjpreni: ―Dad, gucnäj nuure te di guetnu.
23454	MAT 9:6	Dec gunä te gacbeetu Xi'n Dios ni gujc Niguii rajp yäḻrnibee lo guedxliujre te gudzucajni dojḻ. Dxejcti räjpni loj beṉracxhuuga: ―Huistie, cua' xta'lu, huij rolijzlu.
23478	MAT 9:30	Lagajc dxejc bixal balojreni. Sas räjppac Jesús lojreni: ―Arniä, na'c chayeitu diidxre, te rut gacbeedi xhi guzajctu.
23532	MAT 11:4	Dxejcti badzu' Jesús diidxre räjpni: ―Coḻchäj, coḻye'tz loj Juan recos nani riejn diajgtu, näjza recos nani ruhuiitu.
23596	MAT 12:38	Dxejcti rebejṉ ni ruluii xleii toMoisés näjza rebeṉ guidoo ni laa farisee, räjpreni loj Jesús: ―Mastr, nuurnu rlajznu guihuiinu te seen; bejn te milagwr te fiinuni.
23694	MAT 14:28	Dxejcti gunii Pedr lojni, räjpni: ―Dad, palga lujni, gunibee jiälä lojlu nez lo nisre.
23696	MAT 14:30	Che bahuii Pedr beduxh ni cabi', bidxejbni, dxejc gusloj cayääzni neṉ nisdoo. Guredxa'ni, räjpni: ―Dad, ¡gulää narä!
23712	MAT 15:10	Dxejcti gurejdxni rebejṉ, räjpni lojreni: ―Coḻcuadiajg, coḻyacbee.
23724	MAT 15:22	Nejzga rbäjz te gunaa cananee, cabedxa'ni biäädni lo Jesús, räjpni: ―Dad, xi'n toDavid, balaslajz narä. Xindxa'pä yu' xpej beṉdxab lastooni, niluxh cagusacsíduxhnini.
23727	MAT 15:25	Dxejcti gubig gunaaga, bazuxhijbni nez loj Jesús, räjpni: ―Dad, gucnäj narä.
23736	MAT 15:34	Räjp Jesús lojreni: ―¿Bal yätxtiil ca'tu? Räjpreni: ―Gajdztisni, näjza gaii bälbäze'.
23747	MAT 16:6	Dxejcti räjp Jesús lojreni: ―Bacuadiajg, coḻnati levaduur xten refarisee näjza resaducee.
23758	MAT 16:17	Badzu' Jesús diidxre, räjpni: ―Chicbaalu, Simón Pedr, xi'n Jonás, sa'csi xhet bejṉdi baluii dee lojlu, Xtadätis ni yu' xhaguibaa baluiinini lojlu.
23773	MAT 17:4	Dxejcti räjp Pedr loj Jesús: ―Dad, ¡huenduxh suga'nu ree! Palga rlajzlu, sajc jiennu choṉ yuguijxh, tejni gac xten guejblu, steeni gac xten Moisés, steeni gac xten Elías.
23776	MAT 17:7	Dxejcti gubig Jesús lojreni, batzuubni ṉaani yejcreni, räjpni: ―Coḻchasulii, na'c rdxejbtu.
23784	MAT 17:15	―Dad, balaslajz xinä sa'csi laani cayacxhuuni, rajcni yäḻguidxbej, rusacsíduxh yäḻguijdxgani, yu' huält rtejbni lo guiboo yu' huält rtejbni lo nis.
23786	MAT 17:17	Jesús badzu' diidxre lojreni räjpni: ―Beṉguijdx, bejṉ ni di chalilajz, ¿gucli yu'ä lojtu? ¿Cati gac gunä huant la'tu? ¡Coḻtanä biuuxga ree!
23806	MAT 18:10	Räjpza Jesús lojreni: ―Coḻnatiro, andi cuälaztu rebejṉ ni najc si'c biuxbäzre ni sasaj lo xnez Dios, sa'csi rexangl Dios ni cahuiireni, guiraatis dxej yu'reni loj Dios.
23817	MAT 18:21	Dxejcti gubig Pedr loj Jesús, gunabdiidxni: ―Dad, ¿palga gunijt betzä loä, bal huält nanab gusiäjḻ lazä? ¿La sajl gajdzli huält, ä?
23891	MAT 20:30	Dxejcti sobga' tio'p bejṉ ni di fii cuä' nez yuj. Che biejn diajgreni sadejd Jesús ro'c, gusloj cabedxa'reni: ―Dad, Xi'n toDavid, balazlajz nuurnu.
23894	MAT 20:33	Räjpreni lojni: ―Dad, rlaaznu guixal balojnu te gac fiinu.
23957	MAT 22:16	Ni'c baxhaḻreni gaii xpejṉreni näjza gaii bejṉ ni nadxaag Herodes te räjpreni loj Jesús: ―Mastr, anajnnu rniilu ganax didxlii, ruluiizalu xtiidxpac Dios, luxh dilu jiu xhi rnii rebejṉ, sa'csi dilu cue bejṉ ni sajcru lo stee bejṉ.
23965	MAT 22:24	räjpreni: ―Mastr, si'c naj toMoisés, palga yu' te bejṉ ni abachṉaa, luxh ruti xi'nni che guetni, riäjḻ guchṉaa bejtzni biuudga te chu xi'nreni xcuent bejtzni.
23977	MAT 22:36	―Mastr, ¿xhi diidx ni gunibee Dios sajcru lojreni caj lo leii?
24090	MAT 25:13	Dxejc Jesús räjp lojreni: ―Coḻsusiṉza, sa'csi ditu gan nicla xhi dxej nicla xhi oṟ siääd Xi'n Dios ni gujc Niguii.
24145	MAT 26:22	Dxejc guc-huinduxh lajzreni, räjpreni lojni: ―Dad, ¿andi naräni?
24148	MAT 26:25	Dxejcti gunii Judas, ni caguto' Jesús, räjpni: ―Mastr, ¿andi naräni? Jesús räjp lojni: ―O'n, lujni.
24162	MAT 26:39	Dxejc guzaj Jesús stla', guzuxhijbni dxejc basajb lojni lo yujli, gusloj cabedx-canabni lo Dios: ―Xtadä, palga sajcni, basanlaa tedcaj trabajwduxhre ni tedä, te na'c tedäni. Xhet si'cdi ni rlazä gacni; si'cpacni rlajzlu gac, si'c gacni.
24165	MAT 26:42	Gubi' Jesús stehuält, gurejdx-gunabni loj Dios, räjpni: ―Xtadä, palga digacdi tedcaj tedä trabajwre, sugacni si'ctis ni rlajzlu gacni.
24172	MAT 26:49	Dxejc gubigni loj Jesús, räjpni: ―Xchan, Dad Mastr. Dxejc bachagro'ni lojni.
24173	MAT 26:50	Jesús räjp lojni: ―Xamigwä, ¿xhi siäädlu? Dxejcti gubig rebejṉ lojni, gunaazrenini.
24244	MAT 27:46	Si'cti rcachoṉ gudxej guredxa' Jesús dipduxh, räjpni: ―Elí, Elí, ¿lama sabacatani? ―dee säloj: Xtiozä, Xtiozä, ¿xhicuent gulälazlu narä?
24261	MAT 27:63	räjpreni lojni: ―Dad, banaj laaznu xhi räjp bejṉ ni rusgueere. Räjpni: “Che ted choṉ dxej sibaṉsacni loj rebeṉgut.”
24308	MRK 1:24	―Jesús, ni siääd Nazare't, ¿xhicuent riu'lu loonu? ¿La siädgunitlojlu nuunu? Narä numbeälu, luxh nanä luj najclu beṉdxan ni siääd lo Dios.
24328	MRK 1:44	―Ahuiire, rutlojdi guiniilu dee. Huiluii tiejxhlu lo bixhojz. Badedgajc lo Dios nani räjp toMoisés gudeed bejṉ lo Dios si'c te seen, te gacbee rebejṉ abiajclu.
24353	MRK 2:24	Dxejc räjp refarisee, renani najc beṉguidoo loj guedx Israel, loj Jesús: ―Arniä, ¿xhicuent rujn rexpejṉpaclu dzuun ni di guchaag gunni neṉ dxej ni rusilajznu, ä?
24360	MRK 3:3	Dxejc räjp Jesús lo niguii nani nabijdz ṉaani: ―Huistie, guzuj galäiire.
24379	MRK 3:22	Rebejṉ ni ruluii leii ni birii guedx Jerusalén bidzujṉza lo Jesús, dxejc räjpreni: ―Beelzebú, nani rnibee rebeṉdxab, yu' neṉ lastoo niguiire. Niluxh nani rnibee rebeṉdxab rudeed yäḻrnibee lo Jesús te cuääni beṉdxab.
24441	MRK 5:8	Sa'csi agac cayäjb Jesús lojni: ―Luj, beṉdxab, birii neṉ lastoo niguiiga.
24507	MRK 6:31	Dxejc räjp Jesús lojreni: ―Coḻtaa, xtebnu choṉnu cadro rut rbäjzdi, guisilaaznu tudxe'n. Räjp Jesús si'c sa'csi yu' xhidajl bejṉ ni sää, ni siääd, nicla gaḻ gauureni.
24546	MRK 7:14	Gurejdx Jesús guiraa rebejṉ, dxejc räjpni loj guiraareni: ―Colcuadiajg, coḻyacbee xtidxä.
24560	MRK 7:28	Dxejc gunii gunaaga, räjpni loj Jesús: ―Yo, Dad. Näjza rebäcue' ni suga' neṉ mex rajw nani rtejb ro' rebiuux.
24584	MRK 8:15	Cagulijdx Jesús rexpejṉpacni, räjpni lojreni: ―Coḻsusiṉ, coḻnati levaduur xten refarisee, coḻnatiza levaduur xten Herodes. (Nalajznu, xtiidxreni najc si'c levaduur.)
24595	MRK 8:26	Dxejcti baxhaḻ Jesúsni rolijzni, räjpni: ―Basquejn, huijga rolijzlu, na'c jiu'lu neṉ guejdx, na'c gäblu xhi gujclu lo rebejṉ ni yu' neṉ guejdx.
24612	MRK 9:5	Sas räjp Pedr loj Jesús: ―Dad, laaca dxunnu ree. N̲aj jiennu choṉ yuguixa', tejni xtenlu, steeni xten Moisés, steeni xten Elías.
24624	MRK 9:17	Sas gunii tej reni yu' lo beṉxhidaalga, räjpni: ―Dad, ree siädnää́ xi'nä lojlu, yu' beṉdxab neṉ lastooni, nani rujn najcni gop.
24674	MRK 10:17	Che birii Jesús loj xnejzni, ruxuṉ te niguii biääd lojni, bazuxhijbni. Dxejcti gunabdiidx niguiiga lojni räjpni: ―Dad, beṉsa'c, ¿xhini'c gunä te xca'ä yäḻnabajṉ par tejpas?
24677	MRK 10:20	Dxejc räjp niguiiga lojni: ―Dad, guiraa redee cayunä cheni gucäli bi'n.
24692	MRK 10:35	Dxejcti gubig Jacoob näjza Juan, rexi'n Zebedeo, räjpreni lojni: ―Dad, rlaaznu gunlaalu nani guiniabnu lojlu.
24704	MRK 10:47	Che biejn diajgni laa Jesús ni siääd Nasare't ni sadejd ro'c, guslojni rbedxa'ni, räjpni: ―Jesús, xi'n David, balazlajz narä.
24708	MRK 10:51	Dxejc räjp Jesús lojni: ―N̲aja', ¿xhini'c rlajzlu gunä? Dxejc räjp lotiä'pga loj Jesús: ―Dad, rlazä gunlu fiä.
24709	MRK 10:52	Dxejcti räjp Jesús lojni: ―Huij, abiajclu sa'csi rililajzlu. Lagajc dxejc gujc bahuiini. Sanajltini Jesús lo nejz.
24730	MRK 11:21	Dxejc banaj lajz Pedr, räjpni loj Jesús: ―Dad, bahuii yagiigw nani batzubdelu yejcni, agubijdzni.
24756	MRK 12:14	Dxejcti biäädreni, räjpreni lojni: ―Dad, nadonnu luj najclu te bejṉ ni rnilii. Par luj guiraasi bejṉ sajc tebloj, sa'csi dilu fii la sajc bejṉ o la xhet sajcdi bejṉ. Luj ruluiipaclu xhini'c rlajz Dios gun bejṉ. ¿La laaca quiix bejṉ reimpuest lo xcubieer César o la xhet laadi? ¿La guidiixnu o la dinu guidiix?
24761	MRK 12:19	―Dad, xleii Moisés ruluii loonu, palga guet te niguii luxh gusa'nni chäälni ruti xi'nni, nanabpac xca' bejtzni chäälni, te chu xi'nni con laani lacua niu' xi'n tobejtzni.
24780	MRK 12:38	Laḻni caguseedni rebejṉ, räjpni lojreni: ―Coḻsusiṉ, na'c gu'chtu loj rebejṉ ni ruluii leii. Laareni rlajz sanäj reladsiool xtenreni. Rdxaglajzreni rnii bejṉ lojreni nez lo reguii.
24787	MRK 13:1	Cheni sariireni neṉ guidoro, räjp tej rexpejṉpacni lojni: ―Dad, bahuii lacti reguij, lacti reyu'.
24791	MRK 13:5	Dxejcti gusloj gunii Jesús lojreni, räjpni: ―Coḻhuii, te rut gusgueedi la'tu,
24829	MRK 14:6	Dxejc räjp Jesús lojreni: ―Coḻsaanni, ¿xhicuent rudxojntu nani cayujn gunaare? Cos sacduxh dee bennäjni narä.
24859	MRK 14:36	Räjpni: ―Abba, xtadä, luj rajc rujnlu guira'ti: badzucaj retrabajwre loä. Xhet si'cni rlazädi narä, bejn si'cni rlajzlu luj.
24860	MRK 14:37	Dxejc biäädni gunaaznireni nagayejsreni. Dxejc räjpni lo Pedr: ―Simón, ¿la nagayejslu? ¿La nicla te rate' diniajcdi nutie'chlu bacaḻ?
24868	MRK 14:45	Che bidzujṉ Judas, gubigni loj Jesús, räjpni lojni: ―Dad, Dad. Sas bachagro'nini.
24888	MRK 14:65	Dxejc yu' reni gusloj cagutiobxhejn lojni, luxh basäuureni lojni, dxejc huääzrenini, räjpreni lojni: ―Gunii, ¿chuni'c huääzlu? Luxh renani canäjni gudajp lojni.
24929	MRK 15:34	Che gudejd choṉ oṟga, guredxa' Jesús dipro, räjpni con xtiidxni: ―Eloi, Eloi, ¿lama sabactani? ―dee säloj: Xtiozä, Xtiozä, ¿xhicuent gulälazlu narä?
24930	MRK 15:35	Biejn diajg gaii bejṉ ni suga' ro'c räjpni si'c, dxejc räjpreni: ―Coḻcuadiajg, Elías cabejdxni.
24990	LUK 1:28	Biu' anglre cadro sobga' dxape'ga, räjpni lojni: ―Xchan, dxa'p ni sanälajz Dios, ni agule Dios loj guiraa regunaa. Dios gacnäjlu. Abenle' Dioslu loj guiraa regunaa.
25106	LUK 3:12	Näjza gaii bejṉ nani rusquijx xcuent reimpuest bidzujṉ lojni te guirobnisreni, dxejc gunabdiidxreni lo Juan räjpreni: ―Dad, mastr, ¿xhini'c nanab jiennu?
25116	LUK 3:22	dxejc biäjt Sprit Dxan xten Dios si'c te palom̲, bidzujṉni cadro suga' Jesús. Dxejc xhaguibaali biejn xse' te ni räjp: ―Luj, najclu xi'nä ni sanälazä. Rbanälazduxhä luj.
25181	LUK 5:5	Räjp Simón lojni: ―Mastr, guideb yääl biennu dzuun, luxh dinu niniaaz nicla tej bäjl, niluxh ṉaj agunibeelu gusäḻsacnu guijxh lo nis.
25188	LUK 5:12	Cheni guyu' Jesús tej reguejdx, bidzujṉ te bejṉ lojni ni rajc lepra te yäḻguidxduxh ni raḻ tiejxhni. Che bahuiini loj Jesús, bazuxhijbni, basajbni lojni lo yuj, räjpni lojni: ―Dad, palga rlajzlu, sajc gusiajclu narä.
25235	LUK 6:20	Dxejc bahuii Jesús loj rexpejṉpacni räjpni lojreni: ―Chicbaatu, bejṉ nani xheti xhixtentu, sa'csi xtentu najc cadro rnibee Dios xhaguibaa.
25304	LUK 7:40	Dxejc gunii Jesús loj fariseega, räjpni: ―Simón, yu' xhi rlazä guiniä lojlu. Dxejc räjp fariseega lojni: ―Guniini, Dad mastr.
25359	LUK 8:45	Dxejcti gunabdiidx Jesús räjpni: ―¿Chuni'c najc ni gudajn narä, ä? Guiraa rebejṉ räjp: ―Dinu gan. Räjpza Pedr: ―Mastr, ni yu'lu galäii rebeṉ xhidajl, luxh cagutäälireni luj. ¿Xhicuent rniabdiidxlu: “¿Chu gudajn narä?”
25403	LUK 9:33	Cheni agojl jiunejz redade'ga loj Jesús, räjp Pedr loj Jesús: ―Dad, Mastr, huenduxh suga'nu ree. Basaan jiencheenu choṉ yue', tejni par luj, tejni par Moisés, steeni par Elías. Luxh di Pedr gaan xhini'c caniini.
25408	LUK 9:38	Dxejcti te dade' ni nadxaag rebejṉga guredxa'ni, räjpni loj Jesús: ―Mastr, balaslajz narä, gudahuii xi'nä, sa'csi xtebtisni najcni xinganä.
25419	LUK 9:49	Dxejc räjp Juan loj Jesús: ―Mastr, bihuiinu loj te bejṉ ni rbää rexpeṉdxab neṉ lastoo bejṉ con xcäḻrnibee lajlu. Dxejc rie'tznu lojni na'cru gunni si'c, sa'csi dini sanäj nuurnu.
25424	LUK 9:54	Che biejn diajg Jacoob näj Juan, tio'p xpejṉpacni, si'c, sas räjpreni loj Jesús: ―Dad, ¿La rlajzlu guinibeenu jiäjt guiboo xhaguibaali te guze'cni guiraa rebeṉguejdxga si'cni bejn Elías?
25427	LUK 9:57	Laḻni sääreni lo nezyuj, biääd te bejṉ gunii loj Jesús, räjpni: ―Dad, narä rlazä jiädnalä guejblu cadrotis chää guejblu.
25429	LUK 9:59	Dxejcti räjp Jesús lo stee bejṉ: ―Gudanajl narä. Luxh laani räjpni: ―Dad, basaan suchacua'tzxgaä́ xtadä, dxejcru jiädnalä guejblu.
25431	LUK 9:61	Dxejc räjp steeni lojni: ―Dad, rlazä jiädnaḻä́lu, niluxh basanxgaa chasadidxä resa'ä ni tre' rolizä.
25434	LUK 10:2	Räjpni lojreni: ―Guliipacni, cayacduxh cose'ch, niluxh guxii najc rebejṉ ni gun dzuun gutie'nini. Ni'cni coḻguiniab lo baxhuaan xten cose'ch te guxhaḻni xhidajlru bejṉ ni gun dzuun gutie' xcose'chni.
25449	LUK 10:17	Che gubi' regayoṉbitzuu bejṉ nani baxhaḻ Jesús, rbaduxh lajzreni, räjpreni: ―Dad, näjza rebeṉdxab rusobdiajg xtiidxnu che rusä'tnu lajlu.
25457	LUK 10:25	Dxejc huisulii te mastr xten leii, huininäjni Jesús, rlajzni nuxhiidni Jesús lo xtiidxni, gunabdiidxni lojni: ―Dad, Mastr, ¿xhini'c nanab gunä te guibaṉnää́ Dios par tejpas?
25473	LUK 10:41	Dxejc räjp Jesús lojni: ―Mart, Mart, cayuduxhlu yärsia', riulu xhidajl cos,
25475	LUK 11:1	Te huält cabedx-canab Jesús loj Xtadni Dios, suga'ni te lajt. Che gulujx cabedx-canabni, gunii te xpejṉpacni lojni, räjpni: ―Dad, baluii nurnu xho cuedx-guiniabnu lo Dios, si'c baluii Juan ni batiobnis rexpejṉpacni.
25541	LUK 12:13	Te niguii ni nadxaag rebejṉ xhidaalga räjpni loj Jesús: ―Dad, Mastr, gojs lo betzä guniidxni gala' xhixtenä ni basa'n toxtadnu loonu.
25543	LUK 12:15	Dxejc räjpsac Jesús lojreni: ―Coḻnatiro, coḻgantzu' te di rlajztistu ga'ptu yäḻnasa'ctis sa'csi xcäḻnabajṉ bejṉ dini gac yäḻrajptis xhidajl xhi cos.
25569	LUK 12:41	Dxejc gunabdiidx Pedr lojni, räjpni: ―Dad, ¿la lootisnu rujylu cuentre o la najcni par guiraa rebejṉ?
25599	LUK 13:12	Che bahuii Jesús lojni, gurejdxnini, dxejc räjp Jesús lojni: ―Gunaa, abasaan yäḻguijdxga luj.
25610	LUK 13:23	Dxejc gunabdiidx te bejṉ lojni, räjpni: ―Dad, ¿la guxii najc rebejṉ ni caḻaa loj rextojḻreni, ä? Dxejc räjpni lojreni:
25618	LUK 13:31	Lagajc dxejga, bidzujṉ gaii refarisee, räjpreni lojni: ―Huij, biunejz ree, sa'csi Herodes rlajz ju'tlu.