23240	MAT 2:2	Rniabdiidxreni: ―¿Con ṟeii xten rebeṉ Israel nani golgaj, ä? Nurnu abihuiinu xpajlni laadxlinu, ni'cni siopdoṉnuni.
23242	MAT 2:4	Dxejcti batie'ni guiraa rebixhojzro ni rnibee loj rebixhojz, näjza guiraa renani ruluii xleii Moisés lo rebejṉ te gunabdiidxni lojreni: ―¿Caro gaal Crist?
23440	MAT 8:26	Dxejc räjp Jesús: ―¿Xhicuent rdxejbtu, bejṉ ni guxii rililajz? Dxejcti huistieni, gudidxa'ni lo bej näjza lo nisdoo, te biacdxireni.
23443	MAT 8:29	Guredxa'reni räjpreni: ―¿Xhicuent siädchu'lu loonu luj ni najc Jesús Xi'n Dios? ¿La siäädlu ree te gusacsílu nuure luxh gad gaḻdi xoṟnu, ä?
23452	MAT 9:4	Dxejc gucbegajc Jesús xhi xhigab cayujnreni, dxejc räjpni lojreni: ―¿Xhicuent cayujntu xhigabguijdx neṉ lastootu?
23459	MAT 9:11	Che bahuii rebeṉ guidoo, ni laa refarisee, xhi cayujn Jesús, räjpreni loj rexpejṉpac Jesús: ―¿Xhicuent raunäj xmastrtu rebejṉ nani ruquijx xcuent reyuj näjza rebejṉ ni di gac xpeṉ Israel?
23476	MAT 9:28	Che bidzujṉ Jesús cadro caya'nni, gubigreni lojni. Dxejcti gunabdiidx Jesús lojreni, räjpni: ―¿La rililajztu sajc gunä ni rniabtu? Redade'ga basejc diidx, räjpreni: ―Sajc gunluni, Dad.
23531	MAT 11:3	te huinabdiidxreni: ―¿La luj ni najc Crist ni jiääd, ä?, o ¿la silääznu chu stee bejṉ?
23561	MAT 12:3	Luxh laani räjpni lojreni: ―¿La gajdtu goḻ xhi caj loj reguijtz xcuent ni bejn toDavid che gulannäjni rexpejṉni, ä?
23568	MAT 12:10	Ro'c suga' te bejṉ ni gubijdz te ṉaani. Luxh sa'csi caguiilreni xho gucuaquijreni Jesús, gusloj canabdiidxreni lojni, räjpreni: ―¿La rusaan leii gusiajcni beṉracxhuu dxej ni rusilajz bejṉ, ä?
23581	MAT 12:23	Guiraa rebejṉ bidxelojreni, räjpreni: ―¿Xhaa laa Xi'n toDavidni, ä?
23618	MAT 13:10	Dxejcti gubig rexpejṉpacni, gunabdiidx lojni, räjpreni: ―¿Xhicuent rusule'lu diidx loj rebejṉ con recuent?
23659	MAT 13:51	Dxejcti gunabdiidx Jesús lojreni, räjpni: ―¿La racbeetu guiraa ni caniä lojtu, ä? Dxejcti räjpreni: ―O', racbeenuni Dad.
23662	MAT 13:54	Huijni lagajc lajdxni. Ro'c gusloj caguluiini neṉ xquidobäzreni ro'c. Dxejcti rdxeloduxh rebeṉ ro'c, räjpreni: ―¿Caro bisieedni reyäḻnajnre? ¿Xho rajc rujnni remilagwr?
23704	MAT 15:2	―¿Xhicuent di rexpejṉpaclu jiu xcostrumbr rebeṉgool? ¿Xhicuent direni gusoob yäḻrdiib ṉaareni che rajwreni?
23705	MAT 15:3	Badzu'ni diidx, räjpni: ―¿Xhicuent di la'tu gusoobzatu xtidx Dios? Dee alga riurutu rexcostumbrtu.
23714	MAT 15:12	Dxejcti rexpejṉpacni gubig lojni, räjpreni: ―¿La najnlu bidxe'ch rebejṉ farisee che biejn diajgreni diidx ni guniilu?
23718	MAT 15:16	Räjp Jesús: ―¿La näjza la'tu ditu gacbee, ä?
23735	MAT 15:33	Dxejcti räjp rexpejṉpacni lojni: ―¿Xho guidxälnu xhi gau rebeṉ xhidajlre nez lo reyubijzre cadro rut rbäjzdi, ä?
23736	MAT 15:34	Räjp Jesús lojreni: ―¿Bal yätxtiil ca'tu? Räjpreni: ―Gajdztisni, näjza gaii bälbäze'.
23749	MAT 16:8	Luxh gucbee Jesús xhigabga, dxejc räjpni lojreni: ―¿Xhicuent rujntu xhigab xhet yätxtiildi ca'tu, ä? ¡Huinduxh najc xcäḻrililajztu!
23754	MAT 16:13	Che bidzujṉ Jesús región xten Cesarea xten guedx Filipo, gunabdiidx Jesús loj rexpejṉpacni, räjpni: ―¿Chu naj rebejṉ nacä narä Xi'n Dios ni gujc Niguii?
23779	MAT 17:10	Dxejcti gunabdiidx rexpejṉpacni lojni: ―¿Xhicuent rnii rebejṉ ni najn xleii Moisés ganid Elías nanab jiääd, ä?
23788	MAT 17:19	Dxejc guninäj rexpejṉpacni Jesús te laad, gunabdiidxreni räjpreni: ―¿Xhicuent di niajcdi nibäänu beṉdxab neṉ lastoo biuuxga?
23793	MAT 17:24	Che bidzujṉ Jesús näjza rexpejṉpacni guedx Capernaum, biääd rebejṉ ni rusquijx xcuent guidoo lo Pedr, gunabdiidxreni lojni, räjpreni: ―¿La di xmastrtu quiix impuest xten guidoo?
23794	MAT 17:25	Räjp Pedr: ―Rguijxnini. Che biu' Pedr neṉ yu', ganid Jesús gunii lojni, räjpni: ―¿Xhi rchalolu, Simón? ¿Chuni'c rusquijx rebejṉ ni rnibee lo guedxliujre? ¿Chuni'c rguijx reimpuest, recuyo't? ¿Rebeṉ lajdxreni o rebeṉzijt?
23808	MAT 18:12	Räjpzani: ―¿Xho rhuiitu? Palga rajp te bejṉ te gayuu xiil, dxejc nit tejni, ¿laa dini gusaan stabitzubigaaga ni yu' neṉ gurajl te chatiilni xile' ni gunijt, ä?
23834	MAT 19:3	dxejc gubig refarisee lojni, rlajzreni gusgueesireni Jesús ni'c räjpreni lojni: ―¿La sajc guṟo'n te niguii chäälni che rlajztisni, ä?
23835	MAT 19:4	Badzu' Jesús diidxre lojreni, räjpni: ―¿La gajdtu goḻ lo reguijtz nani bacuaa toMoisés cadro caj xho benchee Dios bejṉ galooli: “Niguii näjza gunaa bencheenireni”?
23838	MAT 19:7	Dxejcti gunabdiidxreni lojni, räjpreni: ―¿Xhicuent gunibee Moisés gudeed niguii te guijtz lo chäälni te si'c gac guṟo'nni gunaaga, ä?
23848	MAT 19:17	Dxejc räjp Jesús lojni: ―¿Xhicuent rniilu mastr sa'c narä? Diostis najc sa'c. Per par rlajzlu xca'lu yäḻnabajṉ lo Dios, bazoob rextidx Dios ni caj lo xleii Moisés.
23849	MAT 19:18	Dxejcti räjp bi'nga lojni: ―¿Xhi rediidxga? Dxejc räjp Jesús lojni: ―Na'c ju'tlu, na'c guesnäjlu bejṉ nani di gac chäällu, na'c cuanlu, na'c guiliäslu didxxhii xcuent bejṉ.
23905	MAT 21:10	Cheni biu' Jesús neṉ guedx Jerusalén, guiraa rebeṉ guejdxga gusloj camojm̲, yu'reni canabdiidxreni loj sa'reni: ―¿Chucha najc bejṉre?
23911	MAT 21:16	Dxejc räjpreni loj Jesús: ―¿La riejn diajglu xhi caniireni, ä? Badzu' Jesús diidxre lojreni räjpni: ―O'n, riejn diagäni. ¿La gadtu goḻ lo reguijtz ni bacuaa te dade' ni gunii xtidx Dios? Ro'c caj xcuent redee, cadro caj rediidxre: Abejnlu goḻ rebiuux näjza rebäznite' dij ni rliäpsa'cpac xpala'n Dios.
23915	MAT 21:20	Cheni bahuii rexpejṉpacni, bidxeloduxhreni, gunabdiidxreni loj Jesús: ―¿Xhi cuent gubidzgajc yajgga?
23918	MAT 21:23	Dxejcti biu' Jesús neṉ guidoro, dxejc laḻ ni caguluiini rebejṉ gubig reni rnibee loj rebixhojz näjza rebeṉgool, gunabdiidxreni lojni: ―¿Xhi yäḻrnibee rajplu ni'cni rajc rujnlu recosre? ¿Chuni'c baniidx yäḻrnibeere lojlu?
23937	MAT 21:42	Dxejcti räjp Jesús lojreni: ―¿La gajdtu goḻ lo reguijtz nani bacuaa dade' nani gunii xtidx Dios galoo? Rediidxre caj ro'c: Guij nani gulälaz reni runchee yu', cua' Dios lagajc guijga gudixhnini squiin yu', sajcruni loj guiraa reguij. Dee bejn Gueb Dios, luxh rdxeloduxhnu dzunrore ni bejnni.
23983	MAT 22:42	―¿Xhi rujntu xhigab xcuent Crist? ¿Chu xi'n najcni? Räjpreni lojni: ―Laani najc xajg toDavid.
23984	MAT 22:43	Räjp Jesús lojreni: ―¿Xhicuent räjp David “Xtadä” lojni che basanij Sprit Dxan xten Dios lastooni? Ni'c bacuaa toDavid rediidxre:
24028	MAT 24:2	Dxejc räjp Jesús lojreni: ―¿La ruhuiitu guiraa reyu're? Rniliä́pac nicla tej guij di jia'n yejc sa'ni ree; guiragajc reyu're sibijḻ.
24131	MAT 26:8	Che bahuii rexpejṉpacni xhi cayujnni, bidxe'chreni, gusloj cayäjpreni: ―¿Xhicuent casäḻxlia'ni perfumga?
24133	MAT 26:10	Biejn diajg Jesús xhi caniireni, dxejc räjpni lojreni: ―¿Xhicuent cadxe'chnäjtu gunaare? Ni te coshueen najc dee nani bejnni loä.
24138	MAT 26:15	räjpni: ―¿Lac guniidxtu loä te gutedä Jesús ladzṉaatu? Dxejc badeedreni gaḻbitzuu melpla't lojni.
24140	MAT 26:17	Primer dxej lanij, dxej ni rajwreni yätxtiil ni di saguij, gubig rexpejṉpacni loj Jesús, räjpreni lojni: ―¿Caro rlajzlu chozucheenu te gaulu xchej xten lanipascw?
24163	MAT 26:40	Dxejcti gubi'ni cadro suga' guichoṉ rexpejṉpacni, che bidzujṉni ro'c, nagayejsreni. Räjpni lo Pedr: ―¿La di niajcdi nutie'chtu bacaḻ lojtu nicla teboṟ, ä?
24178	MAT 26:55	Dxejc räjp Jesús loj rebejṉ xhidajlga: ―¿La siädnätu spaad näjza gaṟo't te guiniaaztu narä astoocanu nacä si'c te gubaan? Ni guirasi dxej gureä galäiitu, baluiätu neṉ guidoro, luxh ditu niniaaz narä.
24185	MAT 26:62	Dxejc gusulii dade' ni rnibee lo rebixhojz, räjpni loj Jesús: ―¿Xhicuent xhet rniidilu, ä? ¿Xhini'c canii reniguiire cagucuaquijreni luj?
24209	MAT 27:11	Bidzuṉnäjreni Jesús loj Pila't ni najc gubernadoor. Dxejc gunabdiidxni, räjpni lo Jesús: ―¿La luj najc ṟeii xten rexpejṉ Israel, ä? Räjp Jesús lojni: ―Najcni si'cni najlu.
24211	MAT 27:13	Dxejc räjp Pila't lojni: ―¿La di diajglu jiejn guiraa rediidx ni caniireni cagucuaquijreni luj, ä?
24219	MAT 27:21	Dxejcti gunii gubernadoor stehuält, räjpni lojreni: ―¿Chu tej loj guiro'preni rlajztu gusḻaä́? Dxejc guredxa'reni, räjpreni: ―¡Barrabás!
24220	MAT 27:22	Gunabdiidx Pila't, räjpni: ―¿Xhi gunnää́ Jesús ni laaza Crist? Guiraareni guredxa': ―Bacuaani lo crujz.
24221	MAT 27:23	Dxejc räjp Pila't lojreni: ―¿Xhi latsiaj bejnni? Niluxh laareni guredxa'rureni, räjpreni: ―¡Bacuaani lo crujz!
24311	MRK 1:27	Bidxejbti guiraareni, canabdiidx loj sa'reni: ―¿Xhi dee? ¿Xhi dzuun nacoobre ruluiini? Niguiire rnibeeni näj rebeṉdxab, luxh ruzoobreni xtiidxni.
24337	MRK 2:8	Dxejcti gucbegajc Jesús xhi xhigab cayujnreni. Dxejc räjpni lojreni: ―¿Xhicuent rujntu xhigab si'c neṉ lastootu?
24345	MRK 2:16	Dxejcru rebejṉ ni ruluii leii näj refarisee, che bahuiireni cayaunäjni renani rusquijx näjza rebeṉdojḻ, räjpreni loj rexpejṉpac Jesús: ―¿Xhicuent rbenäj xmastrtu reni rusquijx näj rebeṉdojḻ, luxh raunäjnireni, ränäjnireni?
24347	MRK 2:18	Cagucua'n rexpejṉ Juan näj rexpejṉ refarisee, renani najc rebeṉguidoo loj guedx Israel. Dxejc biääd gaii bejṉ loj Jesús, gunabdiidxreni lojni räjpreni: ―¿Xhicuent cagucua'n rexpejṉ Juan näj rexpejṉ refarisee luxh rexpejṉpaclu di gucua'n?
24348	MRK 2:19	Dxejcti räjp Jesús lojreni: ―¿La rucua'n rebejṉ ni rdoṉ chää cadro ru' yäḻruchṉaa che meer suga' bi'n? Che meer suga' bi'n lojreni, direni gucua'n.
24354	MRK 2:25	Dxejcti räjp Jesús lojreni: ―¿La gajdtu goḻ nani bejn toDavid te huält, laani näj resa'ni, ä? Che biäädx xhi gauureni, gulaanreni.
24361	MRK 3:4	Dxejcti gunabdidxgajcni loj gaii rebejṉga, räjpni: ―¿La laaca gunni dzunza'c, o la dzunguijdx, sabd, ä? ¿La susḻaani yäḻnabajṉ, o la sugu'tni? Luxh laareni biacdxireni.
24380	MRK 3:23	Dxejc gurejdx Jesús rebejṉga, bijyni te cuent ni ruluii lojreni, räjpni: ―¿Xho gurilaagw beṉdxab lagajc sabeṉdxabni?
24390	MRK 3:33	Dxejcti räjp Jesús lojreni: ―¿Chu reni'c najc xnanä näj rebetzä?
24405	MRK 4:13	Räjpzani lojreni: ―¿La ditu gacbee cuentre? ¿Xhocha gacbeetu xhidajlru cuent?
24413	MRK 4:21	Räjpza Jesús lojreni: ―¿La riädnätu te bajl te suuni dejtz te alm, o neṉ te loon, ä? ¿La xhet nanabdi suuni jiaa te guzanijni, ä?
24432	MRK 4:40	Räjp Jesús loj rexpejṉpacni: ―¿Xhicuent cadxebduxhtu? ¿La ditu chalilajz xtidxä, ä?
24433	MRK 4:41	Luxh laareni bidxelojreni, räjpreni loj sa'reni: ―¿Chucha dee ni rnibee bej con nis, luxh ruzoobreni xtiidxni?
24440	MRK 5:7	Dxejcti rbedxaduxhni, räjpni: ―¿Xhicuent siäädlu loä, Jesús, Xi'n Dios ni yu' jiaro? Rniabä lojlu nez loj Dios na'c gusacsílu narä.
24442	MRK 5:9	Dxejcti gunabdiidx Jesús räjpni: ―¿Chu laalu? Dxejc räjpni: ―Narä laä Legión, nani säloj xhidalro, sa'csi xhidajl najcnu.
24472	MRK 5:39	Biu'tini räjpni: ―¿Xhicuent rujntu si'c? Gajd dxape're guet. Nagayejssini.
24478	MRK 6:2	Che bidzujṉ sabd, dxej nani rusilajz rexpejṉ Israel, gusloj caguluiini neṉ xquidobäz rexpejṉ Israel. Bidxeloj xhidajl bejṉ nani biejn diajg rextiidxni, räjpreni: ―¿Caro bisieed niguiire guiraa recosre? ¿Xhi yäḻnajnre cua'ni ni'c rajc rujnni rextzunduxh Dios con ṉaani?
24513	MRK 6:37	Dxejc räjp Jesús lojreni: ―La'tu coḻdeed xhi gauureni. Dxejc räjpreni loj Jesús: ―¿Xhixh sajl tiop gayuu meel yätxtiil chosiinu gauu guiraa rebeṉxhidajlre?
24514	MRK 6:38	Dxejcti räjp Jesús lojreni: ―¿Bal yätxtiil rajptu? Coḻchahuii. Che gojnreni balni dxejc räjpreni: ―Gaii yätxtiil, näjza tiop bäjl.
24537	MRK 7:5	Dxejc gunabdiidx refarisee näjza rebejṉ ni ruluii leii loj Jesús, räjpreni: ―¿Xhicuent di rexpejṉpaclu gun si'cni baluii rebeṉgool, niluxh rajwreni guideb nacdxuudx ṉaareni?
24550	MRK 7:18	Basejc Jesús diidx lojreni, räjpni: ―¿La näjza la'tu xheti xcäriejntu? ¿La di'tu gacbee xhitis yäḻrajw nani riu' neṉ bejṉ digacdi gunijtni lastoo bejṉ, ä?
24573	MRK 8:4	Dxejcru räjp rexpejṉpacni lojni: ―¿Caro chaca'nu yätxtiil te cha xque' rebejṉre ree, cadro rut rbäjzdi?
24574	MRK 8:5	Sas gunabdiidx Jesús lojreni: ―¿Bal yätxtiil rajptu? Dxejcru räjpreni: ―Gajdztisni.
24581	MRK 8:12	Dxejcti bazaa lajz Jesús neṉ lastooni, räjpni: ―¿Xhicuent rlajz rebejṉ ni nabajṉ ṉaj fii gac resenro xten Dios? Rniliä́pac lojtu, di rebejṉ ni nabajṉ ṉaj fii nicla tej sen xhaguibaali.
24586	MRK 8:17	Che gucbee Jesús xhini'c caniireni, räjpni: ―¿Xhicuent rniitu: “Sa'csi dinu jia'p yätxtiil”? ¿La gajdtu fii, la gajdtu gacbee? ¿La laḻtis nacnajd lastootu?
24590	MRK 8:21	Dxejc räjpni lojreni: ―¿La gajdtu gacbesa'c xhi benä?
24592	MRK 8:23	Dxejc gunaazni ṉaa lotiä'pga, guläänini neṉ guejdx. Che batiobxhejnni neṉ rebalojni, basugajcni ṉaani yejc baloj lotiä'pga, gunabdidxgajc Jesús: ―¿La yu' xhi rhuiilu, ä?
24618	MRK 9:11	Sas gunabdiidxreni lojni, räjpreni: ―¿Xhicuent rnii remastr xten leii naquiinpac jiädxgaa Elías?
24628	MRK 9:21	Gunabdiidx Jesús loj xtadni: ―¿Gucli rajcni si'c? Dxejc räjp dade'ga: ―Che gujclini biuxbäz.
24630	MRK 9:23	Sas räjp Jesús lojni: ―¿Xhicuent rniabdiidxlu la sajc gacnää́lu? Xhitis sajc gac par nani rililajz.
24635	MRK 9:28	Dxejcti che abiu' Jesús neṉ yu', gunabdiidx rexpejṉpacni lojni: ―¿Xhicuent di niajcdi nibäänu beṉdxabga?
24659	MRK 10:2	Sas refarisee, renani najc rebeṉguidoo loj guedx Israel, gubigreni loj Jesús, cagula'tzreni Jesús. Ni'c gunabdiidxreni, räjpreni: ―¿La laaca gun niguii gusaan chäälni, ä?
24675	MRK 10:18	Sas räjp Jesús lojni: ―¿Xhicuent rniilu loä beṉsa'c? Tejtisni najc beṉsa'c; Diostis najc beṉsa'c.
24714	MRK 11:5	Gaii bejṉ ni tre' ro'c räjp lojreni: ―¿Xhicuent caguxhectuni?
24726	MRK 11:17	Dxejc caguluiinireni, räpgajcni lojreni: ―¿La et screedi caj loj guijtz? “Xyu'ä siriḻaj yu' cadro rninab guiraa rebeṉguedxliuj lo Dios.” La'tu abejntuni si'c xpiliää gubaan.
24737	MRK 11:28	Räjpreni lojni: ―¿Xhi yäḻrnibee rajplu, ni'c rujnlu redzuunre? ¿Chu baniidx yäḻrnibee rujnlu redzuunre?
24757	MRK 12:15	Dxejcti laani gucbegajcni rujnsireni si'cni rniabdiidxreni. Räjpni lojreni: ―¿Xhicuent runnäjtu narä scree? Coḻtanä te meelga loä, te fiä lojni.
24758	MRK 12:16	Badeedtireni te meel lojni, dxejc räjpni lojreni: ―¿Chu yejc caj lojni, chu laj caj lojni? Dxejc räjpreni: ―Xten César.
24770	MRK 12:28	Dxejcru bidzujṉ tej rebejṉ ni najn leii, biejn diajgni xhi caniireni, biejnza diajgni laaca gunii Jesús lojreni. Dxejcti gunabdiidxni loj Jesús: ―¿Xhi mandamient sajcru lo guiraareni?
24777	MRK 12:35	Che caguseed Jesús neṉ guidoro, räjpni: ―¿Xho mood rnii rebejṉ ni najn leii Crist najc xi'n David?
24788	MRK 13:2	Dxejcti räjp Jesús lojni: ―¿La rhuiilu loj reyu're? Nicla tej guij dijia'n dzuub yejc sa'ni, guiraliireni sire'ch.
24827	MRK 14:4	Yu'za gaiireni ro'c ni bidxe'ch, räjp loj sa'reni: ―¿Xhicuent banijtni setnejxhga?
24835	MRK 14:12	Biu'ti xmaan che rajwreni yätxtiil ni di saguij. Dxej lanijga, rugu'treni xiil, te ruzaa lajzreni dxej ni guḻaareni ladzṉaa reEgipto. Räjp rexpejṉpacni loj Jesús: ―¿Caro rlajzlu chosucheenu te gauulu nadxej, dxelanij?
24842	MRK 14:19	Dxejcti gusloj cayac-huin lajzreni, räjp tebgajreni lo Jesús: ―¿La naräni? Räpgajc steeni: ―¿La naräni?
24871	MRK 14:48	Dxejc räjp Jesús loj rebejṉ: ―¿La siädxhiitu narä con spaad näjza garo't si'c rixiitu te gubaan?
24883	MRK 14:60	Dxejcti huisulii bixhojz ni sajcru galäii guiraa rebejṉ, gunabdiidxni loj Jesús räjpni: ―¿La digacdi guiniilu xhi guiniilu xcuent requej ni cabe'c reniguiire, ä?
24884	MRK 14:61	Laani niäuutis ro'ni, xhet guniidini. Dxejcti gunabdidxsac bixhojz ni sajcru lojni, räjpni: ―¿La luj ni najc Crist, xi'n Dios nani rliä'p bejṉ xpala'nni, ä?
24886	MRK 14:63	Dxejcru bixhojz ni sajcruga, batiäjsni tla' xhajbni, räjpni: ―¿Xhi jienrunu guidiilnu diidx xcuentni?