23378	MAT 6:27	No ter dox nile' go xigab, ¿xmod le' go par ban go xtu or más lo rë li'n, kwa'n mine' Dios ban go yizhyuo re'?
23463	MAT 9:15	Orze' nzhab Jesús: ―¿Chi zak zo men xlats men, na'b men lo Dios, dub nzo xa' gak jwandang che'n ze'? Per or zhin zhë yubchi miyi' ze', orze'se lë' bixa' zo xlats, na'b bixa' lo Dios.
23535	MAT 11:7	No or ña rë xa' mixë'l Juan, orze' nguzublo kidi'zh Jesús kwent che'n Juan lo rë men, nzhab Me: ―Or ngwa go le'n yuo bizh, ¿cho une go ba'? ¿Chi une go tu men xa' nile' chop xigab or nile' xa' tu kwa'n, nela tu yaxtil kwa'n nikwin mbi rë lad?
23561	MAT 12:3	Orze' nzhab Jesús: ―¿Chi nagat go'l go plo nzobni' kwa'n mile' Dabi, tu or mila'n xa' kun rë men che'n xa'?
23569	MAT 12:11	Orze' nzhab Jesús: ―Cho tu men xid go kinu tu mbëkxi'l, no chi lë' ma la le'n tu zo, zhë kwa'n nayi' kë go zhi'n, ¿gat lë'o ko' ma orze', chi tlë' ma zake zhë ze'?
23587	MAT 12:29	’¿Xmod le' tu men, yo xa' lizh tu miyi' xa' dox nzhak nidil, par liwa'n xa' rë kwa'n kinu miyi' re'? Naki'n galo laka li'bdo' xa' miyi', par gak lat xa' rë che'n miyi' re'.
23659	MAT 13:51	Orze' nzhab Jesús lo rë men che'n Me: —¿Chi mizobyek go rë kwa'n midizha lo go re'? Nkab bixa': ―Lë'i mizobyek ka no.
23662	MAT 13:54	Or mizhin Me yezh Nazaret plo nak lazh Me, tuli ka nguzublo Me milu' Me widi'zh che'n Dios lo rë men nzhin le'n yo' plo nitse'd bixa' widi'zh che'n Dios. Xe mia'n bixa' tuli por kwa'n milu' Jesús, orze' nzhab bixa': ―¿Plo mitse'd xa' re' kwa'n nzhak xa', no rë kwa'n nazhon kwa'n nile' xa'?
23664	MAT 13:56	¿No chi gat lë't rë bizan xa' nzo kun be re'? ¿Plo ska mitse'd xa' re' rë kwa'n nzhak xa'?
23718	MAT 15:16	Orze' nzhab Jesús: ―¿Taxa nu go, gat nizobyekt kure'?
23735	MAT 15:33	Orze' nzhab rë men che'n Jesús: ―¿Per plo yaka' be kwa'n gao rë nak men re'? No plo nzhin be re', yent lizh mene.
23744	MAT 16:3	no or garzi'l nzhab go: “Biwi', nadedt lë' yiu la, dox nazhon nilu' xkao lo yibë'.” No chi nilibe' go rë señ kwa'n ño lo yibë', ¿chon nalibe'o rë kwa'n nazhon kile' Dios rë zhë re'?
23788	MAT 17:19	Or nzo Me tu lad, nguzubi rë men che'n Me lo Me par nzhab bixa': ―¿Chon nangakt ngago' no mbi mal laxto' miyi' ze'?
23793	MAT 17:24	Or mizhin Jesús kun rë men che'n Me yezh Capernaúm, ze' nguzubi pla miyi' lo Per, rë xa' nikan dimi par yado', nzhab bixa': ―¿Taxa chi gat niza't Maestr che'nal dimi par yado'?
23794	MAT 17:25	Nkab Per: ―Lë'i niza' ka Xa'. Or nguio Per le'n yo', tuli ka nzhab Jesús: ―Di xigab che'nal Simón, ¿xmod nile' rë rey yizhyuo re'? ¿Cho lo nikan bixa' dimi? ¿Chi mis lo rë xin xa'i, o lo xa' rë mene?
23808	MAT 18:12	No nzhab Jesús: ―¿Cho xigab che'n go? Chi tu men kinu tu gayo' mbëkxi'l, no chi nguziwan tu ma, ¿chi zila' xa' nzhin dub tap gal nzho chi'n bitap ma, par yakwa'n xa' ma nguziwan ze'?
23817	MAT 18:21	Orze' nguzubi Per lo Jesús, nzhab Per: ―Lë'o, ¿mási pla wëlt le' wecha kwa'n gat lë' lon, no naki'n ya'l laxto'n kwa'n mile' xa'? ¿Chi haxta gazh wëlte?
23858	MAT 19:27	Orze' nzhab Per: ―Biwi'u, no mila' rë kwa'n, par nzadkë no tich go; nal, ¿kwan gal no por kure'?
23905	MAT 21:10	No or nguio Jesús yezh Jerusalén, net men kwan le' men di tanta nizak laxto' men, nzhab bixa' lo wech bixa': ―¿Cho xa' ba'?
23911	MAT 21:16	orze' nzhab rë xa' ze' lo Jesús: ―Biwi', ¿chi gat kiyontal kwan kidi'zh rë më'd ba'? ―Lë'i kiyon ka —mikab Jesús— ¿Chi nagat go'l go kwa'n nzobni' lo Yech che'n Dios?, widi'zh kwa'n nzhab: Widi'zh che'n rë mbwin, No kun widi'zh che'n mëdo' kwa'n nzho chich, Mile'l, nu bixa' midi'zh, nazhon Dios.
23923	MAT 21:28	Orze' nzhab Jesús: ―¿Xmod nile' go xigab por kure'? Tu miyi' kinu chop xga'n, nzhab xa' lo xga'n galo xa': “Xga'n, wa zhi'n lo yuo plo nzhi'b ya gub che'n be.”
23935	MAT 21:40	No nal, or yë'd xa' nak che'n ya gub ze', ¿kwan li'nu xa' rë xa' ngo'n yuo che'n xa'?
24131	MAT 26:8	Or une rë men che'n Jesús kure', niyi' bixa', no nzhab bixa': —¿Chon mitsinu una' aseit ba'?
24133	MAT 26:10	Per or mbin Jesús kure', nzhab Me: ―¿Chon niyi' go lo una' re'? Dox tu kwa'n nazhon mile' una' por da;
24162	MAT 26:39	Orze' nguzë Jesús xche'p dilant; ze' ngo't kuslo Me lo yuo, no mina'b Me lo Dios, nzhab Me: ―Xuza, par Lu rëi gak le'l. ¿Chi zak kubchil da lo rë kwa'n nzadkë ticha re'? Per gat lë't kwa'n nin kuze' gak, nab tsa kwa'n nzhaklale.
24176	MAT 26:53	¿Chi nanetal, lë'da gak na'b lo Xuza, no tuli xë'l Me más di tu dusen mil ganj, par dil kun rë men re'?
24188	MAT 26:65	Orze' michëz ngulëi' ro xab, nela tu señ, lë' Jesús midi'zh tu kwa'n nakap par lo Dios. Orze'se nzhab xa': ―Rë go mbin, lë' xa' midi'zh tu kwa'n nakap lo Dios. ¿Kwan ra' gakla be, ne men, xtu kwa'n nak xa' re'? Rë go mbin kwa'n midi'zh xa'.
24189	MAT 26:66	Nal, ¿kwan ne go ñal xa'? Orze' nkab rë men ze': ―Nzhap xa' dol, no ñal gat xa' por kuba'.
24220	MAT 27:22	Per nzhab Pilat: ―Bai kun Jesús, xa' nzhab go lë Krist, ¿xmod gak xa'? Orze' rë men nkab: ―¡Kë xa' lo krus!
24221	MAT 27:23	Orze' nzhab Pilat: ―¿Per chon? ¿Kwan tu kwa'n gat lë' mile' xa' re'? Per xtu wëlt nguruzhië rë men: ―¡Kë xa' lo krus!
24241	MAT 27:43	Nidi'zh xa', ñila xa' Dios, nal nabei chi zaknu Dios xa' chi lë' Dios wali nazhi' xa'. ¿Gat lë' xa' nidi'zh, Xga'n Dios xa'?
24311	MRK 1:27	Rë men xe mia'n por kwa'n ngok re', mbaino kidi'zh bixa': ―¿Kwan kure'? Kwa'n mile' xa' ba' nilu', lë' xa' nak tu xa' walika nile' mandad, porke, ¡haxta nu rë mbi mal nzhon ro' xa'!
24336	MRK 2:7	“¿Chon midi'zh xa' ba' sa'? ¡Midi'zh xa' kwa'n nayi' par lo Dios, porke yent cho men gak che' kwa'n nzë'b xki xtu men! ¡Nabtsa Dios gak le'i!”
24348	MRK 2:19	Orze' nzhab Jesús: ―¿Taxa plo gon go, zo men xlats men lo jwandang, dub nzo xa' disposad ze'?
24354	MRK 2:25	Per nzhab Jesús: ―¿Taxa, chi nagat go'l go kwa'n mile' Dabi tu wëlt, lë' xa' no rë men che'n xa', or niyent kwa'n gao bixa' no dox nila'n bixa'?
24361	MRK 3:4	Mbaino nzhab Jesús lo rë más xa' nzhin ze': ―¿Kwan nzhab ley che'n Muisés gak le' met, zhë kwa'n nayi' kë men Israel zhi'n? ¿Chi tu kwa'n wene o tu kwa'n nakape? ¿Chi gaknu be tu men par nagat xa', o la' be gat xa'? Per yent cho ngakab, xe mia'n bixa'.
24402	MRK 4:10	Or mia'n nab Jesús, rë xa' nzhin naka'n lo Me, kun za tu dusen men che'n Me xa' más nile' mandad, mina'bdi'zh bixa' lo Me, nzhab bixa': —¿Kwan gab kwent kwa'n midi'zh go ba'?
24405	MRK 4:13	Orze' nzhab Jesús: ―¿Chi lë' go nangazob yekt kwent re'? Orze', ¿xmod zob yek go más kwa'n?
24433	MRK 4:41	Orze' dox mizheb bixa', no nzhab bixa' lo wech bixa': ―¿Cho xa' re'? ¡Haxta mbi no nits nzhon ro' xa'!
24478	MRK 6:2	Or ngol zhë kwa'n nayi' kë men Israel zhi'n, orze' ngwalu' Jesús widi'zh che'n Dios le'n yo' plo nitse'd bixa' widi'zh che'n Dios. No rë xa' mbin kwa'n midi'zh Me, xe mia'n bixa' tuli por xmod nilu' Jesús widi'zh che'n Dios, orze' nzhab bixa' lo wech bixa': ―¿Plo ngwatse'd xa' re', dox kwa'n nzhak xa'? ¿Plo ngwatse'd xa' rë kwa'n nzhak xa' re', no rë kwa'n nazhon nile' xa'?
24549	MRK 7:17	No or mila' Jesús rë nak men ze', nguio Me le'n yo', orze' nzhab rë men che'n Me lo Me: ―¿Kwan gab widi'zh kwa'n milu' go ba'?
24550	MRK 7:18	Orze' nzhab Me: ―¿Taxa nu go, nagakt zobyek go kure'? ¿Chi gat nanet go, yent cho tu kwa'n nzhao men, nile' ña'n gat nambet men lo Dios?,
24573	MRK 8:4	Orze' nzhab rë men che'n Me: ―Per, ¿xmod za' met kwa'n nayax gao rë men re', plo niyent kwan nak re'?
24586	MRK 8:17	Per ngwanu laxto' Jesús kwan kidi'zh bixa', kuze' nzhab Me: ―¿Chon dox xigab kile' go, por gat nzadnu go pan? ¿Chi nagat zobyek go kwa'n nin re'? ¿Chon stubi nayao' yek go, par ne goi?
24590	MRK 8:21	Orze' nzhab Jesús: ―¿Taxa nagat zobyek goi orze'?
24605	MRK 8:36	porke, ¿kwan zu' par tu men, le' xa' gan ter dub yizhyuo, per lo Dios lox xa'?
24619	MRK 9:12	Orze' nzhab Jesús: ―Walika, lë' Li galo yi'd, no lë' xa' le' yëk rë men lo Dios, mbaino, ¿chon nzobni' lo Yech che'n Dios, lë' Xga'n Dios Me nu nak tu men yizhyuo, kwa'n dox zakzi xa', no nayilat men xa'?
24623	MRK 9:16	orze' nzhab Jesús: ―¿Kwan kichë'lro' go kun rë xa' ba'?
24628	MRK 9:21	Orze' mina'bdi'zh Jesús lo xuz mbwin: ―¿Plak nzha di nizak mbwin kure'? Orze' nkab xuz mbwin: ―Dizde win mbwine.
24635	MRK 9:28	Or nguio Jesús le'n tu yo', orze' minabdi'zh rë men che'n Me lo nab Me, nzhab bixa': ―¿Chon nangakt ngago' no mbi mal ba', laxto' mbwin ba'?
24660	MRK 10:3	Orze' nzhab Jesús: ―¿Kwan mizobni' Muisés lo ley por kuba'?
24714	MRK 11:5	Ze' nzo pla men, xa' nzhab: ―¿Chon kixëk go burrit ba'?
24751	MRK 12:9	No nu nzhab Jesús: ―Nal, ¿kwa'n le' xa' nak che'n yuo ze'? Lë' xa' yë'd par lo'x xa' rë men nakap kwa'n ngo'n yuo che'n xa', no lë' xa' za'i ga'n xtu ben men.
24769	MRK 12:27	Kuze' nane be, Dios re', gat lë't Dios che'n men ngute, sino lë' Me Dios che'n men naban. ¿Chi nagat zobyekt go kure'?
24790	MRK 13:4	―Bine go lo no, ¿pok gak rë kure', no xmod lu' or nzhazhin la rë kure'?
24827	MRK 14:4	Per pla xa' nzhin ze', nangayot laxto' bixa'i, nzhab bixa' lo wech bixa': —¿Chon mitsinu una' re' aseit ba'?
24835	MRK 14:12	Mer ngubizh galo che'n lani pask, or nzhao men Israel pan kwa'n niyent levadur, zhë ze' niza' men Israel tu gon lo Dios, or nzhut bixa' tu mbëkxi'l. Orze' mina'bdi'zh rë men che'n Jesús, nzhab bixa': ―¿Plo nzhakla go yachao' no kwa'n gao be nal yë'l re', lani Pask re'?
24886	MRK 14:63	Orze' michëz ngulëi' ro lar kwa'n nzho'b tich xa', nela tu señ ga' ke lë' Jesús midi'zh tu kwa'n gat lë' lo Dios. Orze' nzhab xa': ―¿Kwan ra' gakla be, ne men, xtu kwa'n nak xa' re'?
24887	MRK 14:64	Rë go mbin, midi'zh xa' di'zh gat lë' lo Dios. ¿Kwan nile'u xigab ñal xa'? No rë bixa', tutsa midi'zh bixa', ke ñal gat Jesús.
24909	MRK 15:14	Orze' nzhab Pilat: ―¿Per kwan tu kwa'n nazhe'b mile' xa' re'? Per rë men, xtu wëlt nguruzhië bixa': ―¡Bikë' xa' lo krus!
24996	LUK 1:34	Orze' nzhab Mari lo ganj: ―¿Xmod gak kure', porke gat kinuta' miyi'?
25168	LUK 4:36	Orze' rë nak xa' nzhin ze', xe mia'n bixa' tuli pur kure', no kidi'zh bixa', tu xa' kun xtu xa': ―¿Xmod nak rë widi'zh re'? ¡Porke kinu xa' poder par nile' xa' mandad lo rë mbi mal, mbaino niliya'i men!
25197	LUK 5:21	Orze' rë men, rë xa' nilu' ley kun rë men fariseo nguzublo kile' bixa' xigab: “¿Cho xa' re'? Tatu nakap kidi'zh xa' Dios, porke yent cho gak che' rë kwa'n nzë'b xki men lo Dios. ¡Nabtsa Dios gak le'i!”
25198	LUK 5:22	Per lë' Jesús nane la kwan kile' bixa' xigab, kuze' nzhab Me: ―¿Chon tatu xigab dox kile' go por kwa'n nzhapa ba'?
25209	LUK 5:33	Minabdi'zh pla bixa' lo Jesús, nzhab bixa': ―¿Chon nayax wëlt gat nzhaot rë xpen Juan, or nina'b bixa' lo Dios, no se'ga' rë men che'n rë men fariseo, per rë xpenal, zilita' nzhao bixa' no nzho bixa'?
25210	LUK 5:34	Orze' nzhab Jesús: ―¿Chi zak gab go jwers, nagaot rë men, rë xa' kwa'n nzë jwandang, dub nzhak jwandang che'n miyi' kwa'n nzo xti'zh re'?
25224	LUK 6:9	Orze' nzhab Jesús lo rë men kila'ch ze': ―Nzhaklan nabdi'zha tu kwa'n lo go: ¿Kwan más ñal le' met zhë kwa'n nayi' kë men Israel zhi'n? ¿Chi tu kwa'n wene o tu kwa'n male? ¿Chi ko' be tu men lo tu kwa'n nazhe'b nizak xa', o la' be gat xa'?
25284	LUK 7:20	No or mizhin rop xpen Juan re' plo nzo Jesús, orze' nguzubi bixa', nzhab bixa': ―Lë' Juan xa' nililëi' men le'n nits, mixë'l no par nabdi'zh no lol, ¿chi lu ka nak Krist kwa'n nak di'zh yi'd, o kwëz no yi'd xtu xa'?
25288	LUK 7:24	No or ña rë xa' mixë'l Juan, orze' nguzublo kidi'zh Jesús kwent che'n Juan lo rë men, nzhab Me: ―¿Cho xa' kwa'n ngwatsi' go lo, plo nak yuo bizh ze'? ¿Chi lo tu xa' ña-ñë'd xigab che'ne, nela yix kwa'n nzhuwei' mbi rë plo?
25289	LUK 7:25	No chi gat lë't kuba' une go, ¿kwan ska une go orze'? ¿Chi une go tu miyi' nak lar wen? Per nane ka go, cho rë xa' kwa'n nzhak lar wen, rë xa' ze' nzho lizh rë rey, plo nzho bixa' mod nzhakla bixa'.
25295	LUK 7:31	Orze' nzhab Jesús lo rë xa' ze': ―¿Xmod gapa nak rë men nal; nela kun cho chëla bixa'?
25306	LUK 7:42	No nangale't rop xa' gan ngayix bixa'i lo xa' nak che'ne, orze' milats laxto' xa' nak che'n dimi ze' rop xa' ze'. Orze' nzhab Jesús: ―¿Di lo rop xa' ze', cho xa' más nazhi' xa' kwa'n nak che'n dimi ze'?
25308	LUK 7:44	Orze' miwi' Jesús lo una' ze', mbaino nzhab Me lo Simón: ―¿Chi niwi'l lo una' re'? Or nguio'n lizhal, nangane'tal nits par yët ni'n, per lë' una' re' migazh ni'n kun nits nzho'n xa', no mitsibizh xa'i kun mis yichyek xa'.
25313	LUK 7:49	Orze' rë xa' kwa'n nzhin lo mes ze', nguzublo kiyab bixa' lo wech bixa': ―¿Cho xa' re'? ¡Haxta nu rë kwa'n nzë'b xki men lo Dios, niche' xa'!
25323	LUK 8:9	Orze' minabdi'zh rë men che'n Me lo Me, nzhab bixa': —¿Kwan gab kwent kwa'n miza' go ba'?
25339	LUK 8:25	Orze' nzhab Jesús lo rë men che'n Me: ―Ñal más yila go da. Per rë bixa' mizheb, no xe mia'n bixa' tuli, orze' nzhab bixa' lo wech bixa': ―¿Cho xa' re'? ¡Haxta lo mbi, no lo nits nidi'zh xa', mbaino nzhone kwa'n nzhab xa'!
25342	LUK 8:28	No or une xa' Jesús, nguzuxib xa' lo Jesús, no naye nguruzhië xa', nzhab xa': ―¿Kwan nizakal kuda, Jesús Xga'n Dios, Me nzho lo yibë'? ¡Kina'ba lol, zakzital da!
25379	LUK 9:9	per nzhab Herodes: ―Na mile' mandad, miro'g yek Juan, ¿per cho ska xa' kwa'n nidi'zh men, xa' nzhona nile' rë kuba'? Kuze' dox nzhakla Herodes ne xa' Jesús.
25383	LUK 9:13	Per nzhab Jesús: ―¡Biza' go kwa'n gao rë men re'! Orze' nzhab bixa': ―Gai'tsa yët kinu no, no choptsa mbël, o ¿chi yazi' no kwa'n gao rë men re'?
25424	LUK 9:54	Orze' nzhab Jakob kun Juan lo Jesús: ―Señor, ¿chi ziyël go na'b no lo Dios, gab bël lo yibë', par lo'xe rë men re'?
25468	LUK 10:36	Orze' nzhab Jesús lo xa' nilu' ley re': ―No nal, di lo yon xa' re', ¿cho xa' kwa'n michizhi' xa' kwa'n undin wa'n ze', nela lë'ka xa'?
25579	LUK 12:51	¿Chi nile' go xigab nzhala par len, kwin men wen yizhyuo re'? Per gat lë't sa'i; na nzhal par len lë' men,
25584	LUK 12:56	¡Tatu nazhe'b nak go, chigab walika men wen go! No chi lë' go nilibe' señ lo yibë' no lo yizhyuo; orze', ¿chon gat nizobyek go rë kwa'n nile' Dios nal re'?
25591	LUK 13:4	¿Kwan gab go?, or ngut dub chi'n bichon men, or nguiuxche torr Siloé yek bixa', ¿gab go por más nzë'b xki bixa'i, lo más rë men yezh Jerusalén, por nguzak bixa' kuba'?
25610	LUK 13:23	no nguro' tu men minabdi'zh lo Jesús, nzhab xa': ―Señor, ¿chi che'p tsa men ro' lo rë kwa'n nazhe'b kwa'n nzadkë tich bixa'? Orze' nzhab Jesús:
25627	LUK 14:5	Mbaino lo rë men fariseo ze' nzhab Jesús: ―No chi tu go kinu tu xin, o tu ngo'n, no chi ngula ma le'n zo, ter zhë kwa'n nayi' kë men Israel zhi'n, orze', ¿chi nako't go ma lwega'?
25653	LUK 14:31	O chi tu rey nzhakla dil kun xtu rey, ¿gat galo laka naki'n le' xa' xigab, chi zixek chi' mil sondad che'n xa' lo gal mil sondad che'n xtu rey xa' nidil xa'?
25737	LUK 17:17	Orze' nzhab Jesús: ―Per, ¿chi gat lë't za chi' go mimbe lo yalyizh che'n go? ¿Ma ska zi yë' bixa'?
25757	LUK 17:37	Orze' minabdi'zh bixa' lo Jesús, nzhab bixa': ―Señor, ¿plo gak rë kure'? Orze' nzhab Jesús: ―Rë go nane, plo nidal ngulbech, ze' naxbi ma ngut. Sa' gak or yala: Rë men ne or zhin rë kure'.
25765	LUK 18:8	Per na ni lo go, lë' Dios le'i lwega'. Per or yala, ¿chi yazhëlra' da rë men da, xa' ñila len yalgustis, kun rë xa' nidil bixa'?
25833	LUK 19:33	no or kixëk bixa' burrit re', orze' nzhab rë xa' nak che'n ma: ―Lë'go, ¿chon kixëk go burr ye'n ba' ga'?
25863	LUK 20:15	Orze' ngulutin bixa', xga'n xa' nak che'ne al tich, par mbit bixa' miyi' re'. Orze' nzhab Jesús lo rë men nzhin ze': ―Nal, ¿kwan le' xa' nak che'n ya gub re'?
25902	LUK 21:7	Orze' minabdi'zh bixa', nzhab bixa': ―Maestr, ¿pok gak rë kure'? No, ¿xmod lu' rë zhë mizhin la gak rë kure'?
26010	LUK 23:6	No or mbin Pilat rë kure', minabdi'zh xa': ―¿Chi lazh men Galilea nzë miyi' ba'?
26026	LUK 23:22	No wëlt yon nzhab Pilat lo bixa': ―Per, ¿kwan tu kwa'n mal mile' xa' re'? Na miwi', yent kwan nak xa', par ñal gat xa'. Nal re', lox rële tich xa', orze' liyan xa'.
26078	LUK 24:18	orze' nzhab tu xa' lë Cleofas: ―¿Chi nab tsa lu nzë zit, nanetal kwa'n laore ngok laka yezh Jerusalén ba'?
26101	LUK 24:41	per rë men che'n Me stubi gat ñilat bixa'i, por tanta nizak laxto' bixa'; net bixa' kwan le' bixa', orze' nzhab Jesús: ―¿Kwan tu kwa'n kinu go gao be re'?
26134	JHN 1:21	Orze' nzhab bixa' lo Juan: ―¿Cho ska lux, mbaino kwan nakal? ¿Chi lu profet Li, xa' midi'zh por Dios nzhala? Orze' nzhab Juan: ―Gat lë't dai. Orze' nzhab bixa' xtu wëlt: ―¿Chi lu profet xa' nzobni' lo Yech che'n Dios, xa' nak di'zh yi'd ze'? Orze' unkab Juan: ―Gat lë't dai.
26138	JHN 1:25	Orze' nzhab bixa' lo Juan: ―No chi gat nakal ni Krist, no ni Li, no ni profet xa' nak di'zh yi'd ze', ¿chon ska nililëi'yal men le'n nits orze'?
26182	JHN 2:18	Orze' pla men Israel xa' nak zhi'n, mina'bdi'zh lo Jesús, nzhab bixa': ―¿Kwan tu kwa'n nazhon le'l lo no par ne no, walika kinul kwa'n par le'l mandad, par le'l rë kure'?