23232	MAT 1:19	Lë' Che xa' ngok tsa' Mari, ter nak xa' tu miyi' xa' dox nile' kwa'n nzobni' lo ley kwa'n mila' Dios lo Muisés, per gat nzhaklat xa' xo'bdi'zh xa' kwan nak Mari, orze' mile' xa' xigab, xla'n la' xa' Mari.
23353	MAT 6:2	Kuze' or gaknu go tu men prob nali, naxo'bdi'zht goi lo men, nela xmod nile' rë xa' chigab walika men wen, or nizo bixa' le'n rë yo' plo nitse'd men widi'zh che'n Dios, no le'n rë nez, par di'zh men wen tich bixa' namás. No walika kwa'n nin, yalnak bixa' sa', nab tsa lo rë men yizhyuo ña'n bixa' wen, per par lo Dios, yent kwan gal bixa'.
23383	MAT 6:32	porke kure' nile' rë men, xa' gat nili'be't Dios; per go, lë' Xuz go Me nzho lo yibë', nane la, lë' go naki'n rë kure'.
23428	MAT 8:14	No or mizhin Jesús lizh Per, une Me, lë' xna'zha'p Per nax lo lo'n, nizak xlë',
23435	MAT 8:21	Orze' nzhab xtu men che'n Jesús: ―Gulëz go, galo laka nzhakacha xuza, orze' yi'dkë'n tich go.
23474	MAT 9:26	no nguxo'bdi'zh kure' rë nak yezh kwa'n nzhin naka'n ze'.
23531	MAT 11:3	par ngwana'bdi'zh bixa' lo Jesús, chi lë'ka Jesús nak Krist, o kwëz bixa' zhin xtu men.
23553	MAT 11:25	Orze' nzhab Jesús lo Xuz Me Dios: ―Dios, xkix Go, Payë', Me nile' mandad yibë' no yizhyuo, porke ngulu'ka'ch Go kure' lo rë xa' nzhak, no lo men natsin; mbaino ngulu'xo'b Goi lo rë men nado', xa' nak nela tu më'd ga'.
23574	MAT 12:16	no nu mile' Me mandad lo rë men, naxo'bdi'zht bixa' kwa'n nile' Me,
23577	MAT 12:19	Nachë'lro't xa' kun men, no ni nakuzhië xa' lo men, mbaino ni nagon men chi xa' le'n nez.
23581	MAT 12:23	No rë nak xa' nzhin ze', xe miwi' bixa' tuli, orze' kina'bdi'zh bixa' lo wech bixa': ―¿Chi gat lë't xa' re' Xga'n Dabi?
23644	MAT 13:36	Or ngulunez Jesús rë men ze', nguio Me le'n yo', orze' nguzubi rë men che'n Me lo Me, par mina'bdi'zh bixa', kwan gab kwent che'n yix kwa'n nazu't ze'.
23701	MAT 14:35	Or mili'be' rë men yezh ze' Jesús, mixo'bdi'zh bixa', lë' Jesús mizhin ze', lo rë yezh kwa'n nzhin naka'n ze'. Orze' ngwanu men rë xa' nzhakne lo Jesús,
23736	MAT 15:34	Orze' mina'bdi'zh Jesús lo bixa': ―¿Pla pan kinu go? ―Gazhtsai, no pla mbël win ―nkab bixa'.
23754	MAT 16:13	Or mizhin Jesús kun rë men che'n Me yezh Cesarea plo nile' Lip wech Herodes mandad, orze' mina'bdi'zh Jesús lo rë men che'n Jesús, nzhab Me: ―¿Cho da nzhab men?
23772	MAT 17:3	Lë'chi ¡di!, nguro'xo'b Li, rop xa' kun Muisés, kidi'zh bixa' kun Jesús.
23797	MAT 18:1	Mis orze', nguzubi rë men che'n Jesús, par mina'bdi'zh bixa' lo Me: ―¿Cho xa' más tsak xid rë men che'n Dios?
23847	MAT 19:16	Lë'chi nguio lo Jesús, mizhin tu miyi' xi, nzhana'bdi'zh miyi' lo Me, nzhab miyi': ―Maestr, ¿cho kwa'n naki'n len par nen, lë' da ban dubta' lo Dios?
23848	MAT 19:17	Orze' nzhab Jesús: ―¿Chon mina'bdi'zhal lon, kwan wen? Nabtsa Dios wen. Chi nzhaklal banal dubta' lo Dios, bile' rë nak kwa'n nzobni' lo ley che'n Muisés.
23898	MAT 21:3	no chi na'bdi'zh tu men: “¿Plo wei' go burr ba'?”, orze' guzh go: “Lë' Señor naki'n ma, no lë' xa' zhire ska ma lwega'”, orze' lë' xa' la' yi'dnu go ma,
23919	MAT 21:24	Orze' mikab Jesús: ―Nu da, na'bdi'zh ska tu kwa'n lo go. Bineo, ¿cho mixë'l Juan xa' mili'lëi' men le'n nits? ¿Chi Dios mixë'l xa', o mene? No chi lë' go ne choi, orze' ganin, cho mile' mandad da, kilen rë kure'. Orze' kidi'zh bixa' lo wech bixa': ―¿Chi gab be?: “Diose”, orze' lë' xa' ne lo be: “¿Chon ska nangayila go Juan?”;
23976	MAT 22:35	no xid rë xa' re', tu xa' nilu' ley mina'bdi'zh kure' lo Jesús par zenbe' xa' Me:
23982	MAT 22:41	Dub nzhin rë men fariseo ze', mina'bdi'zh Jesús lo bixa',
23987	MAT 22:46	No ni tu bixa' nangakt ngakab ni tu widi'zh lo Jesús, no dizde orze', yent ra' cho ngaye laxto' ngana'bdi'zh más kwa'n lo Jesús.
24120	MAT 25:43	no nkizë'n nela tu men zit ga', no nangane't go tu plo ngayana; ngok jwalt xaba, no nangane't go lar ngaka; mbaino ngokne da no nguio'n lizhyi'b, nangayi'dtsi't go ma da.”
24145	MAT 26:22	Orze' dox miwin laxto' bixa', nguzublo mina'bdi'zh tu ga' bixa' lo Jesús, nzhab bixa': ―Lë' go, ¿chi nai?
24157	MAT 26:34	Orze' nzhab Jesús: ―Walika kwa'n nin lol, mis nal yë'l re', wëlt yon or lox gabal gat nili'be'tal da, orze' kë' tu nguid gai kant.
24198	MAT 26:75	No mitsila Per kwa'n nzhab Jesús: “Walika kwa'n nin lol, mis nal yë'l re', wëlt yon or lox gabal gat nili'be'tal da, orze' kë' tu nguid gai kant.” Orze' nguro' Per ze', dox nzho'n Per.
24211	MAT 27:13	Lult mina'bdi'zh Pilat lo Jesús, nzhab Pilat: ―Taxa, ¿chi gat kiyontal, dox kwa'n kine rë xa' re', nakal?
24314	MRK 1:30	No lë' xa'zha'p Simón nax kun xlë', orze' lwega' nzhab bixa'i lo Jesús.
24329	MRK 1:45	Per miyi' re', laore nguro' xa' nez, tuli ka mixo'bdi'zh xa'i, orze' rë plo mire'che, kuze' nangaktra' ngayo Jesús rë yezh dub niwi' men. Por kuba' mia'n Me plo yent cho nak, per ni kun ter, rë plo nguro' men, nzha bixa' lo Jesús.
24347	MRK 2:18	No ngol tu ngubizh nzo xlats pla rë men che'n Juan xa' nili'lëi' men le'n nits, no pla rë men fariseo, par kina'b bixa' lo Dios, kuze' ngwa pla rë xa' plo nzo Jesús, mina'bdi'zh bixa' lo Me, nzhab bixa': ―Rë men che'n Juan mbaino rë men che'n rë xa' fariseo nizo bixa' xlats bixa' or nina'b bixa' lo Dios, per rë men che'nalse, gat nizot bixa' xlats bixa'.
24384	MRK 3:27	No lizh tu miyi' xa' dox nzhak nidil, nagakt yo men par li'wa'n men rë kwa'n kinu xa'. Par gak liwa'n men che'n xa', naki'n galo laka li'b xa'.
24402	MRK 4:10	Or mia'n nab Jesús, rë xa' nzhin naka'n lo Me, kun za tu dusen men che'n Me xa' más nile' mandad, mina'bdi'zh bixa' lo Me, nzhab bixa': —¿Kwan gab kwent kwa'n midi'zh go ba'?
24414	MRK 4:22	porke rë kwa'n naga'ch nilun lo go, lë'i xo'bdi'zh go lo men.
24420	MRK 4:28	Lë' yuo nile' nilene, orze' niru'xo'b lai, no niru'xo'b doi, orze' niza'i lazhe.
24442	MRK 5:9	Mbaino nu mina'bdi'zh Jesús lo mbi mal ze': ―¿Xmod lël? ―nzhab Jesús. Orze' mikab mbi mal ze': ―Na lë legión, porke dox nayax no.
24467	MRK 5:34	Orze' nzhab Jesús: ―Xcha'p, por ngwayilal da, miakal. Bizë, nale'tra'l xigab.
24468	MRK 5:35	Stubi kidi'zh Jesús kun lë' una' re', lë'chi mizhin pla xa' nguro' lizh Jairo, nzhab xa' lo Jairo: ―Lë' xcha'pal ngut la; bila' nalicha'btra'l Maestr.
24537	MRK 7:5	Kuze' rë men fariseo kun rë xa' nilu' ley, mina'bdi'zh bixa' lo Jesús: ―¿Chon nzhao rë men che'nal dub be'd ya' bixa', gat nile't bixa' rë kostumbr che'n rë men nzhala?
24561	MRK 7:29	Orze' nzhab Jesús: ―Por kwa'n nel re', bizë; nale'tra'l xigab, lë' mbi mal nguro' la laxto' xmë'dal.
24628	MRK 9:21	Orze' mina'bdi'zh Jesús lo xuz mbwin: ―¿Plak nzha di nizak mbwin kure'? Orze' nkab xuz mbwin: ―Dizde win mbwine.
24667	MRK 10:10	No or ña la rë bixa' le'n yo', orze' mina'bdi'zh rë men che'n Jesús por kwa'n midi'zh Me re',
24726	MRK 11:17	Orze' nguzublo kilu' Me lo rë men nzhin ze', nzhab Me: ―¿Chi nanet go, se' nzobni' lo Yech che'n Dios: “Lizha yi'd rë nak men yizhyuo, par yi'di'zh bixa' lon”? ¡Per go kile'i nela plo nibin rë wa'n ga'!
24757	MRK 12:15	Per lë' Jesús nane la, ka kina'bdi'zh bixa'i, kuze' nzhab Me: ―¿Chon kizenbe' go da? Ka ta go tu pes le.
24776	MRK 12:34	Or une Jesús, lë' xa' re' mikab nela xmod ñale, orze' nzhab Jesús: ―Gat zitra' nzol par yol plo nile' Dios mandad. No dizde orze', ya ni yentra' cho ngaye laxto', ngana'bdi'zh más kwa'n lo Me.
24789	MRK 13:3	Orze' nzha Me yek lom kwa'n lë Olivos, ze' nilu' laka yado', orze' nguzob Me, no za dap rë xa' re' mina'bdi'zh lo Me: Per kun Jakob no Juan mbaino Ndres; nzhab bixa':
24835	MRK 14:12	Mer ngubizh galo che'n lani pask, or nzhao men Israel pan kwa'n niyent levadur, zhë ze' niza' men Israel tu gon lo Dios, or nzhut bixa' tu mbëkxi'l. Orze' mina'bdi'zh rë men che'n Jesús, nzhab bixa': ―¿Plo nzhakla go yachao' no kwa'n gao be nal yë'l re', lani Pask re'?
24853	MRK 14:30	Per nzhab Jesús: ―Walika kwa'n nin, nal yë'l re', ni naga kë' nguid gai kant chop wëlt, lë'l gab chon wëlt gat nili'be'tal da.
25170	LUK 4:38	No or nguro' Jesús le'n yo' plo nitse'd men widi'zh che'n Dios, no ña Jesús lizh Simón, lë' xna'zha'p Simón nzhakne, dox nzho xlë' xa'; no mina'b bixa' lo Jesús par liwen Me xa' re',
25183	LUK 5:7	Orze' milu' bixa' señ lo más rë xpen bixa', rë xa' nzho le'n xtu bark, par gaknu bixa'. Orze' ngoknu bixa', no michizhë bixa' rop bark haxta mer ngaya'zyo'i le'n nits, por tanta zhëi.
25356	LUK 8:42	porke mer gat, tutsa xcha'pye'n xa' kwa'n nzhap xa', nzhap la më'd tu dusen li'n. No dub nzha Jesús lizh më'd re', nayax men nzhakë tich Me, haxta kigotip men Jesús.
25363	LUK 8:49	Stubi ra' kidi'zh Jesús, orze' mizhin tu xa' kwa'n nzho lizh Jairo, nzhab xa' lo Jairo: ―Lë' mizhwin che'nal ngut la; bila' nayi'dnutra'l Maestr.
25427	LUK 9:57	Or nzha bixa' nez, nzhab tu miyi' lo Jesús: ―Señor, nzhaklan yi'dkë'n tichal, rë plo yal.
25431	LUK 9:61	Xtu men nzhab lo Jesús: ―Señor, nzhaklan yi'dkë'n tichal, per bila' galo, yayapne lo rë xa' lizha.
25657	LUK 14:35	Nazu'tra'i ni par yuo, no ni par bon. Orze' mejor re'che. Chi lë' go mbin kure', bizobyek goi.
25921	LUK 21:26	Lë' rë men te'dyë'l por tanta zhe'b, por rë kwa'n gak yizhyuo re'; porke haxta rë kwa'n nzen rë kwa'n nzho lo yibë', lë'i ro' xlugare.
25994	LUK 22:61	orze' miëk Jesús, miwi' lo Per, orze' mitsila Per kwa'n nzhab Señor: “Chon wëlt gabal: Gat nilibe'ta'l da, antis di kë' nguidgai kant.”
26132	JHN 1:19	Xa' nzo lo rë men Israel xa' nzho yezh Jerusalén, mixë'l bixa' pla ngulëi' kun pla levita par mina'bdi'zh bixa' cho nak Juan.
26137	JHN 1:24	No rë xa' mina'bdi'zh ze', men fariseo bixa'.
26182	JHN 2:18	Orze' pla men Israel xa' nak zhi'n, mina'bdi'zh lo Jesús, nzhab bixa': ―¿Kwan tu kwa'n nazhon le'l lo no par ne no, walika kinul kwa'n par le'l mandad, par le'l rë kure'?
26252	JHN 4:27	Lë'chi orze' nguiubre rë men che'n Jesús, no xe miwi' bixa', lë' Jesús kidi'zh kun tu una', per ni yent cho ngaye laxto' ngana'bdi'zh kwan nzhakla una' ba' o kwan kidi'zh Jesús kun lë' una',
26258	JHN 4:33	Orze' kina'bdi'zh rë men che'n Me lo tu xa' kun xtu xa': ―Taxa, ¿chi nzho cho mbi'dla' la kwa'n gao Me?
26277	JHN 4:52	Orze' mina'bdi'zh xa', cho or nguzublo miak xga'n xa', orze' nzhab mos: ―Na'g, como la una zhë, nguro' xlë'.
26291	JHN 5:12	Orze' mina'bdi'zh bixa': ―¿Cho xa' ne lol: “Gulits kwa'n ngo'tal lo ba', no bizë”?
26293	JHN 5:14	Guzhëla ze', mizhë'l Jesús miyi' re' le'n yado', orze' nzhab Jesús lo xa': ―Biwi', lë'l miak la nal, nale'tra'l kwa'n gat lë' lo Dios, par nazakal xtu kwa'n más nazhe'b.
26312	JHN 5:33	Lë' go mixë'l men par ngwana'bdi'zh bixa' lo Juan, no walika kwa'n midi'zh Juan por da.
26354	JHN 6:28	Orze' mina'bdi'zh rë men ze': ―¿Xmod le' no par le' no kwa'n nzhakla Dios?
26356	JHN 6:30	Orze' mina'bdi'zh bixa' lo Jesús, nzhab bixa': ―¿Kwan tu kwa'n nazhon le'l lo no, nes yila no lu?, mbaino, ¿cho pa' zhi'n wen lë'l par no?
26393	JHN 6:67	Orze' mina'bdi'zh Jesús lo za tu dusen men che'n Me, nzhab Me: ―Mbaino go ga', orze', ¿chi nu go la' da?
26422	JHN 7:25	Orze' nguzublo mina'bdi'zh pla men yezh Jerusalén, nzhab bixa': ―¿Chi gat lë't xa' ba', xa' kikwa'n rë xa' nak zhi'n, par gut bixa' miyi' ba'?
26432	JHN 7:35	Orze' nguzublo kina'bdi'zh bixa' lo wech bixa', nzhab bixa': ―¿Plo bi xa' re', mbaino nayazhëlt be xa'? ¿Pas plo nzhin rë men Israel, xa' nzho lazh men grieg bi xa', par lu' xa'i lo rë xa' ze'?
26442	JHN 7:45	Orze' miëkska rë xa' nikina yado' ze', plo nzhin rë men fariseo, no kun rë xa' nile' mandad lo rë ngulëi', orze' mina'bdi'zh rë xa' re', nzhab bixa': ―¿Chon nangayi'dnu go miyi' ze'?
26457	JHN 8:7	no como stubi kina'bdi'zh bixa' lo Jesús, orze' nguzuliska Me par nzhab Me: ―Xa' nzo xid go, xa' yent kwan nzë'b xki lo Dios, xa' ze' galo laka kë' tu ke.
26469	JHN 8:19	Orze' mina'bdi'zh bixa': ―¿Ma xuzal nal? Orze' mikab Jesús: ―Go gat nilibe't go da, no ni Xuza gat nilibe't go. No chi ngalibe' go cho da, nu ska Xuza ngalibe' go orze'.
26475	JHN 8:25	Orze' mina'bdi'zh bixa': ―¿Cho lux? ―nzhab bixa'. Orze' nzhab Jesús: ―Lë'da nilai lo go, dizde or galo laka.
26511	JHN 9:2	orze' mina'bdi'zh rë men che'n Me lo Me, nzhab bixa': ―Maestr, ¿chon dizde ngol miyi' ba' nikal-lo xa'? ¿Chi por dol che'n xuz xa'i o por che'n xna' xa'i; o por mis xtol xa'i?
26526	JHN 9:17	Kuze' xtu wëlt mina'bdi'zh bixa' lo miyi' ngwani lo re': ―Nal lu, por ngwani lol, ¿kwan nel por xa' re'? Nkab miyi' re': ―Xa' re' nak tu xa' nidi'zh por Dios.
26528	JHN 9:19	no mina'bdi'zh rë men fariseo ze', nzhab bixa': ―¿Chi xga'n go miyi' re', xa' nidi'zh men, ngolnu nikal-lo? ¿Mbaino xmod ngok niwi' xa' nal?
26530	JHN 9:21	per nanet no xmod ngok miwi' xa', no ni nane no cho mile' miwi' xa'. Una'bdi'zh go lo miyi', lë' xa' plo la, yub xa' gak ne lo go, cho mile' ngwani lo miyi'.
26544	JHN 9:35	No or mbin Jesús, ngulo'tin bixa' miyi' xa' ngwani lo ze', le'n yo' plo nitse'd bixa' widi'zh che'n Dios, no or ngwazhë'l Jesús miyi' xa' ngwani lo re', orze' mina'bdi'zh Jesús lo xa': ―¿Chi ñilal Xga'n Dios, xa' nu nak tu men yizhyuo?
26670	JHN 12:21	Nguzubi rë men grieg re' lo Lip, xa' nzë yezh Betsaida kwa'n ña'n lazh men Galilea, par mina'bdi'zh bixa' lo Lip, nzhab bixa': ―Lë' go, ¿xmod le' no ne no Jesús?
26723	JHN 13:24	orze' milu' Simón Per tu señ lo xa' re', par na'bdi'zh xa' re' lo Jesús, cho ka xa' ze',
26735	JHN 13:36	Orze' mina'bdi'zh Simón Per lo Jesús, nzhab xa': ―Lë' go, ¿plo biu? ―Plo bi'n, ―nzhab Jesús― nagakt yi'dkël ticha nalre', per zhin zhë, lë'l yi'dkë ticha.
26736	JHN 13:37	Orze' nzhab Per: ―Lë' go, ¿chon nagakt yi'dkë'n ticha go nalre'? ¡Wanei kwane lë'da re', ter gat da por go!
26737	JHN 13:38	Orze' nzhab Jesús: ―¿Chi walikal, ter gatal por da? No kwa'n nanen, ni naga kë' gai kant, chon wëlt ka'chal, gabal, nalibe'ta'l da.
26740	JHN 14:3	Or lox zu'xkwa'n plo yo go, lë'da yëk ska par yi'dkan go, nes tutsa plo yo be.
26746	JHN 14:9	Orze' nzhab Jesús: ―¿Taxa Lip, dox nzhala nzon kun go?, no, ¿chi stubi nagat li'be'l da? Men xa' une da, yub Xuza une xa'. ¿Chon nzhaklal, lun Xuza Dios lol?
26814	JHN 16:19	No nane Jesús, lë' bixa' nzhakla na'bdi'zh lo Me por kwa'n midi'zh Me ze', orze' nzhab Me: ―¿Chi nzhakla go gon go kwan gab kwa'n nin lo go ze'? ¿Chi kuba' kina'bdi'zh go lo wech go?
26825	JHN 16:30	nalse nane no, gat naki'ntra' na'bdi'zh no tu kwa'n lo go, porke rëi nane la go; kuze' ñila no, lë' Dios mixë'l go yizhyuo re'.
26858	JHN 18:4	Per lë' Jesús nane la rë kwa'n gak, orze' mina'bdi'zh Me lo rë men ze', nzhab Me: ―¿Cho kikwa'n go?
26867	JHN 18:13	orze' mbi'y bixa' Jesús galo laka lo Anás, xa' nak xa'zha'p Caifás, xa' nak ngulëi' ro le'n li'n ze'.
26871	JHN 18:17	Orze' mina'bdi'zh una' kwa'n nikina ro' puert ze' lo Per, nzhab una': ―¿Chi gat nutal nak tu rë men che'n miyi' ba'? Mikab Per: ―A'a, gat nut da.
26873	JHN 18:19	Orze' nguzublo kina'bdi'zh Anás lo Jesús, kwan nak rë men che'n Me, mbaino xkwan nilu' Me.
26875	JHN 18:21	¿Chon kinabdi'zh go lon? Bina'bdi'zh go lo rë xa' mbin rë kwa'n midizha, no lë' bixa' ne lo go kwan milun lo bixa', porke lë' bixa' mbine.
26879	JHN 18:25	Stubi nzo Simón Per ze', kichë' xa', lë'chi mina'bdi'zh rë xa' ze' lo Per, nzhab bixa': ―¿Chi gat nutal nak tu rë men che'n miyi' ba'? Unkab Per: ―A'a, gat nut da.
26880	JHN 18:26	Lwega' mina'bdi'zh tu mis rë mos che'n ngulëi' ro, tu mos kwa'n nak melizh Malco, xa' micho' Per nzha ze', nzhab xa': ―¡Lë'i lu ka unen nikizë kun mbe ba', plo nzhi'b ya olib!
26883	JHN 18:29	Kuze' nguro' Pilat al tich par mina'bdi'zh xa' lo rë men ze', nzhab xa': ―¿Kwan nzhab go nak xa' re'?
26888	JHN 18:34	Unkab Jesús: ―¿Chi mis lu kina'bdi'zh kuba', o nzho cho xtu men nei lol?
26903	JHN 19:9	nguio xa' xtu wëlt le'n yalao par xtu wëlt mina'bdi'zh xa' lo Jesús, nzhab xa': ―¿Plo ka nzël? Per nangakabt Jesús,