23268	MAT 3:7	Pero chenu ulañiꞌ Juan nú huaxi bee fariseo cuna saduceo uriña lulla para nú rinzalla beei, che unilla lubeei: ―¡Liꞌisihua netsiñahua xi netsiña bee beꞌla! ¿Ti udixiuleꞌe luhua nú tsilaꞌahua lu castiya juerte nú axula nzu zeca bee bene?
23374	MAT 6:23	pero tunu rriꞌilu lunú necha neca, diqui cuerpoꞌlu neca xi neca nú nzu leta xcabe, ¡Leta xcabe nú naatsacabelí!
23381	MAT 6:30	Nu tunu sucheꞌe Diose bee huañi scua, nú nee nuꞌe dañi nu yeꞌe chiquine. ¡Enzaláquieꞌ liꞌihua bee bene enu lleꞌnatsia nzeli arquiꞌ liꞌinu, nú la tsucheꞌnu liꞌihua scua!
23390	MAT 7:5	¡Bene enu nequichiaꞌ! Rluti uriꞌi tucu nú necane, che nuꞌ modo nilu lu stucu bene la yala nú riꞌilu scua.
23396	MAT 7:11	Liꞌihua enu la neca bene nzeꞌca, nuꞌluhua rdeteꞌhua nú neca nzeꞌca lubee enduꞌhua, ¡enzaláquieꞌ Paꞌahua Diose liñibe nú la liquiꞌnu nú neca nzeꞌca lubee bene enu rnacuꞌ nucuaꞌ lunu!
23412	MAT 7:27	Chenu rlaca quiubi, nu rlaca huaxi inza riuꞌu tetsuꞌ niꞌi zeꞌe, che uluquie niꞌi zeꞌe. ¡Nu urilalii!
23439	MAT 8:25	Che uya cuaꞌñi bee beneꞌnu liꞌinu nu uni beella lunu: ―¡Detá, utsilaꞌa liaꞌahua! ¡Xne nze chatseꞌlaꞌahua lu inza!
23440	MAT 8:26	Che ucuaquinu lubeella: ―¿Xiquie nú chiquiꞌ xiquihua? ¡Xinu lleꞌnatsia nzeli arquiꞌhua liꞌá! Chequie uzetenu nu unibiyaꞌnu nú acaxe bii cuna inzatuꞌ nu hora zeꞌe ungaxeli ye bee nucuaꞌ
23475	MAT 9:27	Chenu uchiuꞌu Jesuse zeꞌe, chiucu bene enu labiꞌya nzenala liꞌinu, nu urixialibeei nú rnibeei: ―¡Jesuse, llianaꞌ David uhuaꞌa arquiꞌ liꞌiru!
23481	MAT 9:33	Nu chenu uhua Jesuse benechiquiꞌ arquiꞌ bene enu la ni zeꞌe, che uquixiei uni. Che chiquiꞌ nzenu arquiꞌ bee bene zeꞌe nú unibeei: ―¡Leca xunga ulañiꞌahua saꞌ milagro quieꞌ leta bee bene Israel!
23502	MAT 10:16	Leꞌca uni Jesuse lubee beneꞌnu: ―¡Biꞌyacuruhua! Liꞌá xeꞌla liꞌihua lubee bene xi neca chenu nza bee sanchi leta bee bichiuu. Enzeꞌe aca netsiñahua xi netsiña bee beꞌla nu aca lleꞌna arquiꞌhua xi neca bee paloma.
23549	MAT 11:21	―¡Cueꞌhua bee bene Corazín! ¡Cueꞌhua bee bene Betsaida! Xne tunu eyeche Tiro cuna eyeche Sidón a aca bee milagro nú unga lachihua, xi tiembula a tsanaꞌ arquiꞌ bee bene zeꞌe stula beei, nu leꞌca a utu beei laquie natsa nu a tiqui beei tii equie beei, xi neca tucu seña nú lubeꞌ nú nehuana nzu arquiꞌbeei.
23551	MAT 11:23	Nu liꞌihua bee bene eyeche Capernaum, ¿la zaꞌ arquiꞌhua nú riala chuꞌuhua liñibe? ¡Xne liꞌihua riala chuꞌuhua hasta elu mase aquié rquiꞌ ebila! Xne tunu eyeche Sodoma a aca bee milagro nú unga lachihua, che pianu hasta bee bichia quieꞌ nchiucuꞌscaꞌ bee eyeche cuaꞌ che.
23570	MAT 12:12	Nu ¡masela huaxi seca tucu bene luquela tucu sanchi! Enzeꞌe nuꞌ modo nú riꞌi bee bene nú neca nzeꞌca bee bichia nú sulachi bee bene.
23592	MAT 12:34	¡Liꞌisiꞌhua netsiñahua xi netsiña bee beꞌla! ¿Xa modo nú nihua bee bedichiaꞌ nzeꞌca chenu liꞌihua necha necahua? Bee bedichiaꞌ nú nuꞌ arquiꞌ bee bene enzeꞌe rni bene.
23617	MAT 13:9	Titse bee bene enu niarquiꞌ yeneꞌ nú rnia, ¡quieꞌe diaca nzeꞌe!
23692	MAT 14:26	Chenu ulañiꞌ bee beneꞌnu nú senu lu inzatuꞌ, ulliqui beella nu ubixialí beella nú uni beella: ―¡Tucu benechiquiꞌ!
23693	MAT 14:27	Pero uni Jesuse lubeella: ―¡Utsu naaqui arquiꞌhua! ¡Liꞌá nucuaꞌ la lliquihua!
23696	MAT 14:30	Pero chenu utsiꞌlla nú chiquiꞌ reca bii, ulliquilla nu uquixie ratseꞌlla lu inzatuꞌ, nu urixialilla unilla: ―¡Detá, utsilaꞌa liꞌá!
23697	MAT 14:31	Hora zeꞌe unaꞌtse Jesuse yalla, nu uninu lulla: ―¡Xinu lleꞌnatsia nzeli arquiꞌlu liꞌá! ¿Xiquie nú uzaꞌ arquiꞌlu?
23699	MAT 14:33	Chequie beelá bee enu nchiucuꞌ equie barco, utsulliqui beella lu Jesuse nú uni beella lunu: ―¡Nelíca nú liꞌilu necalu lliꞌñi eꞌcu Diose!
23709	MAT 15:7	¡Lia rriꞌihua nú nehuañi nzeꞌcahua! Neli nú uni profeta Isaías lu cuendaꞌhua chenu unilla:
23724	MAT 15:22	Enza zeꞌe uchiuꞌu tucu unaꞌa enu neca bene lu iliu Canaán lu Jesuse nu urixialinchu nú uninchu lunu: ―¡Detá, llianaꞌ David, uhuaꞌa arquiꞌ liꞌá! Biꞌyacuru xinchiuꞌcua nchiñi benechiquiꞌ arquiꞌ nu chiquiꞌ nehuana secanchu.
23727	MAT 15:25	Pero che uyabica unaꞌa zeꞌe lunu nu utsulliquinchu lunu, nú uninchu lunu: ―¡Detá, uriꞌi elietsa lua!
23730	MAT 15:28	Che uni Jesuse lunchu: ―¡Unaꞌa liꞌisiꞌlu chiquiꞌ nzeli arquiꞌlu liꞌá! Aca tucu nú niarquiꞌlu. Nu hora zeꞌe, uyecaꞌ enduꞌnchu.
23749	MAT 16:8	Pero uriꞌi Jesuse beyaꞌ nú unibeella lu saꞌbeella, nu uninu lubeella: ―¿Xinu rnihua nú la luꞌcuhua pá? ¡Xinu lleꞌnatsia nzeli arquiꞌhua liꞌá!
23763	MAT 16:22	Chequie unguyaꞌ Pedro liꞌinu tucu chu nu unilla lunu: ―¡La zela Diose nú acane scua! ¡Nu la zecalu scua!
23764	MAT 16:23	Che ubelleta Jesuse nu uninu lu Pedro: ―¡Ullunaꞌ lua bezeꞌlu, nu la riꞌixiꞌilu lua! Xne elliebacuꞌ nú rriꞌilu la yeꞌta nucuaꞌ lu Diose, rriꞌitsialu elliebacuꞌ tucu nú rriꞌi bee bene iliulabe elliebacuꞌ.
23773	MAT 17:4	Che uni Pedro lu Jesuse: ―Detá, ¡neca nzeꞌca nú nelluaꞌanuru liꞌilu caꞌa! Tunu niarquiꞌlu recheꞌru chuna ranchu: tucue para liꞌilu, stucue para Moisés nu stucue para Elías.
23786	MAT 17:17	Chequie ucuaqui Jesuse nú uninu: ―¡Cueꞌhua bee bene enu rluꞌcu dula núla chili arquiꞌhua liꞌá! ¿Se xala tiembu rquiꞌña nú tsunua liꞌihua?, nu ¿se xalalá tiembu riquilá liꞌihua? Uteyuhua enduꞌcuaꞌ caꞌa.
23803	MAT 18:7	¡Cueꞌ bee bene iliulabe nú nuꞌ huaxi beenú necha neca bee nú rriꞌi nú rriꞌi bee bene dula! Siempre nuꞌbeenú necha neca lu iliulabe, pero ¡cueꞌ bene enu riꞌi nú riꞌi stucu bene dula!
23824	MAT 18:28	Pero chenu uchiuꞌu mosoꞌ zeꞌe lu arre, uchuꞌui stucu mosoꞌ enu leꞌca sibiꞌ lu arre nu neziꞌqui mosoꞌ quieꞌ lui lleꞌna dimi. Che chu unaꞌtsei añi mosoꞌ zeꞌe utsiꞌii, nu uni: “¡Udixiu nú neziꞌquilu lua!”
23828	MAT 18:32	Chequie chu unibiyaꞌ arre nú yeꞌta bene enu unga neziꞌqui lulla, nu unilla lu bene zeꞌe: “¡Chiquiꞌ necha rriꞌilu! Liꞌá uriꞌá perdona ye nú neziꞌquilu lua, xne uziquielu lua.
23891	MAT 20:30	Nu chiucu bee bene enu la yeꞌelu nucuaꞌa ruꞌu inziu, chenu ubeneꞌ beei nú udete Jesuse zeꞌe, urixialibeei nú unibeei lunu: ―¡Detá, lliꞌñi David, uhuaꞌa arquiꞌ liꞌiru!
23892	MAT 20:31	Nu uquiꞌyaꞌ beei uriꞌi bee bene para nú zaca beei, pero masescaꞌlá urixialibeei nú unibeei: ―¡Detá, lliꞌñi David, uhuaꞌa arquiꞌ liꞌiru!
23904	MAT 21:9	Che bee bene enu nzuculu, cuna bee bene enu nzequie, rixiali beei nú rnibeei: ―¡Ñia neca lu cuendaꞌ liꞌinu enu neca Lliꞌñi arre David! ¡Chiquiꞌ ñia neca lu cuendaꞌ liꞌinu enu nzeꞌta lu cuendaꞌ Paꞌahua Diose! ¡Cheꞌtsalá Diose Paa enu nzucu liñibe!
23910	MAT 21:15	Pero chenu ulañiꞌ bee uleꞌya enu rnibiyaꞌ lubee uleꞌya cuna bee ulaxcuela enu reca ley bee milagro nú rriꞌi Jesuse, nu chenu ubeneꞌ beei nú rixiali bee enduꞌ nucuaꞌ zeꞌe: “¡Ñia neca lu cuendaꞌ liꞌinu enu neca Lliꞌñi arre David!”, ule beei
23914	MAT 21:19	Che ulañiꞌnu tucu aca higo ruꞌu inziu nu uyabicanu lue. Pero lá llelaꞌnu higo lue, bee lecatsia nuꞌlue. Chequie uni Jesuse lu aca higo zeꞌe: ―¡Lecaꞌ xunga ayu ndixi lulu! Hora zeꞌe ubichi aca higo zeꞌe.
23924	MAT 21:29	Che ucuaqui llianaꞌlla lulla: “¡La niarquia chaꞌa!” Pero luzeꞌelá ucheꞌe elliebacuꞌi nu uyai.
24000	MAT 23:13	’¡Cueꞌhua bee ulaxcuela enu reca ley nu bee fariseo, xne la riꞌihua tucu nú rnihua!, nu la zelahua nú riꞌi bee bene beyaꞌ xa riala riꞌi beei para nú aca beei bee beneꞌ Diose. Nu niꞌ liꞌihua la laꞌnahua nú acahua beneꞌ Diose, nu rcahua nú aca bee bene enu niarquiꞌ nú aca bee beneꞌ Diose.
24001	MAT 23:14	’¡Cueꞌhua, bee ulaxcuela enu reca ley nu bee fariseo, xne la riꞌihua tucu nú rnihua!, xne raxihua niꞌi bee unaꞌa zaqui, nu para nú ni bee bene nú necahua bee bene nzeꞌca, che xee rnacuꞌhua lu Diose. Enzeꞌe yalahua castiya nú mase fuerte.
24002	MAT 23:15	’¡Cueꞌhua bee ulaxcuela enu reca ley nu bee fariseo, xne la riꞌihua tucu nú rnihua! Xne diqui lu iliulabe rlaꞌnahua bee bene enu chuꞌu chuꞌhua, nu chenu uriꞌilahua ana tucu bene, chiucu bese masela rriꞌihualla lliꞌñi bezeꞌlu luquela liꞌihua.
24003	MAT 23:16	’¡Cueꞌhua, xne la riꞌihua beyaꞌ nu niarquiꞌhua nú zeteꞌhua bee bene!, nu rnihua: “Tunu nuꞌ ti rni istá indu Jerusalén riꞌya, lecaxi neca nú ni bene scua, pero bene enu rni equie cuendaꞌ oro nú necacheꞌ liñi indu llene Jerusalén, rquiꞌña nú riꞌilla tucu nú unilla.”
24004	MAT 23:17	¡Xala netunduhua nu niquieꞌluhua! ¿Ta nú mase neca equie oro nú necacheꞌ liñi indu la, urre indu la? Xne indu rriꞌi nú necaleꞌya oro zeꞌe.
24006	MAT 23:19	¡Xala netunduhua nu niquieꞌ luhua! ¿Ta nú máse neca equie uꞌna la?, urre ¿Ecuꞌcu nú rriꞌi nú necaleꞌya uꞌna la?
24010	MAT 23:23	’¡Cueꞌhua bee ulaxcuela enu reca ley, nu bee fariseo, xne la riꞌihua tucu nú rnihua! Liꞌihua rdeteꞌhua diezmo bee huañi nu lee menta, anís nu cumiñu lu Diose tucu nú rnibiyaꞌ ley, pero la zucuꞌhua lunú mase neca equie rnibiyaꞌ ley nú riꞌihua. La riꞌihua tucu nú necane lubee bene, la huaꞌa arquiꞌhua bee bene nu la tsu tenilí arquiꞌhua lunú nzeli arquiꞌhua Diose. Nucuaꞌ riala nú riꞌihua, sin nú tsanaꞌ arquiꞌhua nú rdeteꞌhua diezmo lu Diose.
24011	MAT 23:24	¡Liꞌihua necahua xi neca enu nequieꞌlu xne niarquiꞌhua nú zeteꞌhua bee bene nu niꞌ liꞌihua la acahua, nu riꞌyahua liꞌihua nú la riꞌihua dula nú lleꞌnatsia neca! ¡Nu la biꞌyahua liꞌihua nú rriꞌihua dula nú mase necha neca! ¡Tucu nú rni bee bene: Riꞌyahua liꞌihua nú la aquihua seruchiꞌ pero riaquihua cameyu!
24012	MAT 23:25	’¡Cueꞌhua bee ulaxcuela enu reca ley nu bee fariseo, xne la riꞌihua tucu nú rnihua! Liꞌihua necahua xi neca bee vaso cuna bee pliato nú leca xinaa diꞌchi, xne rlubeꞌ nú necahua bene nzeꞌca pero liñi arquiꞌhua nuꞌ nú neyiꞌ rcuaꞌahua nu rcachiꞌhua.
24014	MAT 23:27	’¡Cueꞌhua bee ulaxcuela enu reca ley nu bee fariseo, xne la riꞌihua tucu nú rnihua! xne necahua xi neca eluhua nú nequichi netsuu nú ñia naa tetsuꞌe. Pero liñii ache nuꞌ bee artaꞌ bene nguti cuna ye beenú necha rnaa.
24016	MAT 23:29	’¡Cueꞌhua bee ulaxcuela enu reca ley cuna bee fariseo! ¡Xne la riꞌihua tucu nú rnihua! Liꞌihua rrecheꞌhua equie eluhuaꞌ bee profeta nu sucheꞌhua equie eluhuaꞌ bee bene enu uhuañi tucu nú niarquiꞌ Diose,
24019	MAT 23:32	¡Neequie ulaꞌxuhua, uriꞌihua lunú uquixie uriꞌi bee beneꞌhua enu udetela!
24020	MAT 23:33	’¡Necha rriꞌihua! ¡Liꞌi sihua netsiñahua xi netsiña bee beꞌla! ¿Xa modo tsilaꞌahua lu castiya nú nzu zecahua ebila?
24024	MAT 23:37	Nu uni Jesuse: ―¡Bee bene Jerusalén, bee bene Jerusalén, liꞌihua ruutihua bee profeta, nu rduꞌhua quiee bee Bene enu uxeꞌla Diose luhua! ¡Huaxi bese uniarquia nú quietesaꞌahua xi rriꞌi lliꞌti chenu rquieteꞌsaí bee tiꞌñiꞌí riuꞌu liñi cuacaí, pero né zelahua!
24045	MAT 24:19	¡Cueꞌ bee unaꞌa enu nuꞌ enduꞌ xlaꞌcu cuna bee unaꞌa enu nuu enduꞌ enu rachi bee bichia zeꞌe!
24083	MAT 25:6	Nu che tucu ulelaꞌ rulaꞌ, ubene tucu chi nú juerte uni: “¡Nzeꞌtala novio; uquia chaꞌcaluhualla!”
24088	MAT 25:11	Luzeꞌelá uriña sayuꞌ bee unaꞌa zeꞌe, nu uni beenchu: “¡Detá, detá, alaꞌ uxaꞌla ruꞌu puerta chuꞌuru!”
24147	MAT 26:24	Neli nú liꞌá Bene enu uxeꞌla Diose, rquiꞌña nú zecaa tucu nú rni lu ichiꞌ Stichiaꞌ Diose; pero ¡cueꞌ bene enu deteꞌ cuenda liꞌá! Máse neca nzeꞌca lu cuendaꞌ bene zeꞌe nú né alaxulla.
24172	MAT 26:49	Chequie chenu uriña Judas zeꞌe uya bicai lunu nu uni: ―¡Malune, Maestro! Nu chu udacui bichiuꞌ xecanu.
24191	MAT 26:68	Nu unibeei lunu: ―Tunu liꞌilu necalu Cristo, ¡uniꞌ ti udiñi liꞌilu!
24202	MAT 27:4	nu uni lubeella: ―Uriꞌá dula xne udete cuendaa tucu bene enu lecaxi uriꞌi para nú ati. Nu ucuaqui beella lu Judas: ―¿La biyaꞌru enzeꞌe? ¡Necatsiahuaꞌ cuendaꞌlu!
24220	MAT 27:22	Nu uni Pilato lubeella: ―¿Nu xi riꞌinua Jesuse enu rni bee bene nú neca Cristo? Che uni ye beella: ―¡Uquieꞌe nucuaꞌ lu cruse!
24221	MAT 27:23	Nu uni Pilato lubeella: ―Pero ¿xi nú necha neca uriꞌilla? Che stucuaꞌla urixialibeella nú uni beella: ―¡Uquieꞌe nucuaꞌ lu cruse!
24223	MAT 27:25	Che uni ye bee bene zeꞌe lu Pilato: ―¡Neca nucuaꞌ culpaꞌru cuna bee lliꞌñiru, nú ati benecuaꞌ!
24227	MAT 27:29	nu urecheꞌe beei tucu elluꞌñi nú necacheꞌ eche uzucuꞌ beei equienu, leꞌca uzucuꞌ beei tucu bara yanu chube. Che chu utsulliqui beei lunu nu xitse uriꞌchia beei liꞌinu nú unibeei lunu: ―¡Huañi arreꞌ bee bene Israel!
24252	MAT 27:54	Che capitán cuna beelá bee sundaduꞌlla enu rriucu Jesuse, chenu ulañiꞌ beella nú reca xú nu cuna ye beenú reca, chiquiꞌ ulliqui beella nu unibeella lusaꞌ beella: ―¡Neli nú neca benequieꞌ Lliꞌñi Diose!
24309	MRK 1:25	Chequie uriꞌinu nú uquiꞌyaꞌ benechiquiꞌ nu uninu: ―¡Uzaca nu uchiuꞌu arquiꞌ niyu quieꞌ!
24311	MRK 1:27	Che ye bee bene enu nucuaꞌa zeꞌe uyanu arquiꞌbeei nú unibeei lu saꞌbeei: ―¿Xi nucuaꞌ? Nú, ¡necheꞌe seteꞌ nucuaꞌ liaꞌahua chiquiꞌ rnibiyaꞌ nucuaꞌ hasta bee benechiquiꞌ sucuꞌ nú rni nucuaꞌ!
24368	MRK 3:11	Chequie bee bene enu nchiñi benechiquiꞌ arquiꞌ chenu ulañiꞌ beei Jesuse, utsulliqui beei lunu nu urixialibeei nú unibeei: ―¡Necalu Lliꞌñi Diose!
24430	MRK 4:38	Pero raꞌtse Jesuse nuxunu enza rquiꞌ barco zeꞌe nu necuꞌcunu tucu almohada. Che ucuaꞌñi beella liꞌinu nu uni beella lunu: ―¡Maestro! ¿Xinu la riꞌi casolo lunú seꞌcaꞌahua nzee chatseꞌahua lu inza?
24431	MRK 4:39	Chequie uzetee Jesuse nu utsuxenu bii, nu uninu lu inzatuꞌ zeꞌe: ―¡Aca xee! Nu chu unga xee bii cuna inzatuꞌ zeꞌe.
24441	MRK 5:8	Uni niyucuaꞌ scua, xne rnila Jesuse nú rninu: ―¡Benechiquiꞌ uchiuꞌu arquiꞌ niyu cuaꞌ!
24526	MRK 6:50	Xne ulañiꞌ ye beella liꞌinu nu ulliqui beella, pero chu uninu lubeella: ―¡Utsu naaqui arquiꞌhua liꞌá nucuaꞌ la lliquihua!
24566	MRK 7:34	Che ubiꞌyanu enza liñibe nu utsii arquiꞌnu nú uninu: ―¡Efata! ―rni bedichiaꞌ quieꞌ: ¡Uyaꞌla!
24602	MRK 8:33	Che ubelleta Jesuse nu ubiꞌyanu lubee beneꞌnu, nu uquiꞌyaꞌ Pedro uriꞌinu, nú uninu lulla: ―¡Ullunaꞌ lua bezeꞌlu! Xne elliebacuꞌ nú rriꞌilu scua la yeꞌta nucuaꞌ lu Diose, rriꞌi tsialu elliebacuꞌ tucu nú neca elliebacuꞌ bee bene iliulabe.
24612	MRK 9:5	Nu uni Pedro lu Jesuse: ―Maestro, ¡neca nzeꞌca nú nelluaꞌhua caꞌa! Para nú recheꞌeru chuna ranchu: tucue para liꞌilu, nu stucue para Moisés, nu stucue para Elías.
24626	MRK 9:19	Chequie ucuaqui Jesuse nú uninu: ―¡Chiquiꞌ nziti arquiꞌhua nu la chili arquiꞌhua liꞌá! ¿Se xala tiembu rquiꞌña nú tsunua liꞌihua? ¿Nu xa riquilá cuna liꞌihua? Uteyuhua enduꞌ cuaꞌ caꞌa.
24630	MRK 9:23	Che uni Jesuse: ―¿Xinú rnilu tunu acaa? ¡Yeene acane para bee bene enu chili arquiꞌ liꞌá!
24631	MRK 9:24	Chequie urixiali paꞌ enduꞌ zeꞌe nú unilla: ―Chili arquia liꞌilu. ¡Uriꞌi elietsa lua para nú chililá arquia liꞌilu!
24680	MRK 10:23	Che ubiꞌya Jesuse luye bee bene zeꞌe, nu uninu lubee beneꞌnu: ―¡Chiquiꞌ neriñá nú chuꞌu bee bene xene lunú rnibiyaꞌ Diose!
24681	MRK 10:24	Chiquiꞌ uyanu arquiꞌ bee beneꞌnu nu uninu scua, pero uni zecanu lubeella stucu bese nú uninu: ―Bee llianaꞌa, ¡tucu bene enu mase nchiñi arquiꞌ lubee eluxeneꞌ, chiquiꞌ neriñaꞌ nú chuꞌulla lunú rnibiyaꞌ Diose!
24704	MRK 10:47	Chenu ubeneꞌi nú axula enta Jesuse bene eyeche Nazaret, uquixiei urixialii nú uni: ―¡Jesuse enu neca llianaꞌ David, uhuaꞌa arquiꞌ liꞌá!
24705	MRK 10:48	Huaxi bee bene rriꞌi nú rquiꞌyaꞌi para nú zacai, pero aꞌla mase rixialii nú uni: ―¡Llianaꞌ David, uhuaꞌa arquiꞌ liꞌá!
24718	MRK 11:9	Chequie bee bene enu nzuculu lunu cuna bee bene enu nzeꞌtaquie liꞌinu, rixiali beei nú unibeei: ―¡Chiquiꞌ neca equie nú rriꞌi Diose! ¡Cheꞌtsalá Diose equie cuendaꞌ liꞌinu enu nzeꞌta lu cuendaꞌ Diose!
24719	MRK 11:10	¡Cheꞌtsalá Diose equie cuendaꞌ liꞌinu enu nzeꞌta nú nibiyaꞌ, tucu nú unibiyaꞌ arre David beneꞌahua enu udetela! ¡Chiquiꞌ neca equie nú rriꞌi Diose liꞌinu enu nzucu liñibe!
24723	MRK 11:14	Chequie uni Jesuse lu aca higuera zeꞌe: ―¡Lecaꞌ xunga acu bene ndixi nú rayu lulu! Ubeneꞌ bee beneꞌnu nú uninu scua.
24732	MRK 11:23	Xne neli nia luhua, nú tatse bene enu ni lu dañi quieꞌ: “¡Ullunaꞌ caꞌa nu uzanaꞌ lu inzatuꞌ!”, tunu la zaꞌ arquiꞌlla chenu nilla scua, aca nú unilla scua che.
24769	MRK 12:27	¡Enzeꞌe nia luhua núla necanu Diose lubee bene enu unguti! Necanu Dioseꞌ bee bene enu nehuañi. Xne para liꞌinu ye bee bene nehuañi. Chiquiꞌ lixiu nchiñi elliebacuꞌhua.
24787	MRK 13:1	Chenu uchiuꞌu Jesuse liñi indu llene Jerusalén, che uni tucu beneꞌnu lunu: ―¡Maestro, ubiꞌyacuru chiquiꞌ ñia rnaa bee quiee quieꞌ cuna niꞌi llene quieꞌ!
24803	MRK 13:17	¡Cueꞌe bee unaꞌa enu nuꞌ enduꞌ xlaꞌcu, cuna bee unaꞌa enu nuu bee enduꞌ enu rachi bichia zeꞌe!
24823	MRK 13:37	Nu lunú rnia luhua nee, rnia lu ye bee bene: Uhuañihua tucu nú riala nú huañihua, ¡ucuaꞌa tsiñahua para bichia zeꞌe!
24888	MRK 14:65	Xiucu xuna beei utsu xene lunu nu utsacuꞌ beei lunu nu udiñi beei liꞌinu nu unibeei lunu: ―¡Uniꞌti udiñi liꞌilu! Che bee sundado enu rriucu indu llene Jerusalén leꞌca uxutse beei ndaꞌgu lunu.
24894	MRK 14:71	Che uquixie Pedro nú utsutaꞌlla lu stichiaꞌlla nú unilla: Deteꞌ Diose castiya liꞌá tunu la nia nú neli neca. ―¡La chulua bene enu rnihua!
24908	MRK 15:13	Nu ucuaqui beei nú urixialibeei: ―¡Uquieꞌe nucuaꞌa lu cruse!
24909	MRK 15:14	Nu uni Pilato lubeei: ―Pero ¿ta nú necha neca uriꞌi nucuaꞌ? Nu masescaꞌlá juerte ubixialí beei: ―¡Uquieꞌe nucuaꞌ lu cruse!
24913	MRK 15:18	Nu uquixie beei nú rixiali beei lunu: ―¡La laxuaꞌ nú nehuañi Arreꞌ bee bene Israel!
24924	MRK 15:29	Chequie bee bene enu udete zeꞌe unibeei huaxi bedichiaꞌ nú necha neca lunu, cuna nú rcuñi beei equie beei xiꞌchinu beei liꞌinu nú rnibeei: ―¡Manú! Rnilu nú chilalu indu llene Jerusalén nu lu chunatsia bichia recheꞌ zecalue,
24927	MRK 15:32	¡Tunu neca nucuaꞌ Cristo puese láca Cristo enu neca arreꞌ bee bene Israel lu cruse para nú lañiaꞌahua, che chili arquiaꞌahua nucuaꞌ! Hasta bee huanaꞌ enu nequie lu cruse cuna liꞌinu rnibeei bedichiaꞌ nú necha neca lunu.
24990	LUK 1:28	Chequie uyuꞌu ángele zeꞌe liñi niꞌi elu nzucu María nu uni ángele quieꞌ lulla: ―¡Malune María, liꞌilu enu ucañila Diose! Nzu Diose Paa liñibe cuna liꞌilu, nu uriꞌi leꞌyalanu liꞌilu lu ye bee unaꞌa.
25004	LUK 1:42	Chequie, juerte uni Elisabet lu María: ―¡Uriꞌi leꞌyala Diose liꞌilu lu ye bee unaꞌa, leꞌca uriꞌi leꞌyala Diose enduꞌlu enu nzu nú ala!
25007	LUK 1:45	¡Neca nzeꞌca nú uchili arquiꞌlu María, xne yalu tucu nú uni Diose lulu!