23214	MAT 1:1	Caꞌa nzeꞌta nú lee bee beneꞌ Jesucristo enu udetela, liꞌinu enu nzeꞌta lu familiaꞌ arre David nu Abraham.
23229	MAT 1:16	Jacob unga paꞌ José enu unga niyuꞌ María. Nu María neca naꞌ Jesuse nu leꞌca leenu Cristo.
23237	MAT 1:24	Chenu uhuañi José, che uriꞌilla tucu nú unibiyaꞌ ángeleꞌ Diose lulla nú riꞌilla, nu uyuculla María.
23240	MAT 2:2	che unidichiaꞌ beella: ―¿Cá nchiucuꞌ arreꞌ bee bene Israel enu ungula? Xne desde lachiru ulañiꞌlaꞌru nú uliñi belaꞌnu, enzeꞌe nzelaru para nú luꞌcuru ulaꞌna lunu.
23241	MAT 2:3	Chenu ubeneꞌ arre Herodes nú unibeella scua, chiquiꞌ nzenu arquiꞌlla, cuna ye bee bene Jerusalén.
23242	MAT 2:4	Che ubixia arre Herodes ye bee uleꞌya enu rnibiyaꞌ, cuna bee ulaxcuela enu reca ley nú udeteꞌ Diose lu Moisés para nú nedichiaꞌlla lubeella cá riala nú ala Cristo.
23243	MAT 2:5	Che uni beella lulla: ―Eyeche Belén nú nchiucuꞌ lu iliu Judea alanu, xne scua uni profeta chenu unilla:
23245	MAT 2:7	Che chu ubixia aꞌchi arre Herodes bee mago cuaꞌ para nú unedichiaꞌlla lubeella nú xunga itáa ulubeꞌlu belaa zeꞌe lubeella.
23247	MAT 2:9	Chenu ulaxu nú uni arre Herodes scua lubeella, chu nzuebeella. Nu belaa enu ulañiꞌ beella nú uliñi desde nú nucuaꞌascaꞌ beella lachi beella nzuculu lubeella, nu utsuxe belaa cuaꞌ hasta elu nchiucuꞌ enduꞌ zeꞌe.
23248	MAT 2:10	Chenu ulañiꞌ bee mago belaa cuaꞌ zeꞌe, chiquiꞌ ñia utsu arquiꞌbeella,
23249	MAT 2:11	nu chenu uyuꞌu beella liñi niꞌi zeꞌe, ulañiꞌ beella enduꞌ cuna naꞌnu María, che utsulliqui beella lunu nu uluꞌcu beella ulaꞌna lu enduꞌ zeꞌe. Chu uxaꞌla beella ruꞌu bee caja nú nuyaꞌ beella nu lia udeteꞌ beella oro, cuna quiendixi, cuna mirra lu enduꞌ meꞌ zeꞌe.
23250	MAT 2:12	Che udixiuleꞌe Diose lu xcalaꞌ beella nula benchilaꞌ beella lu Herodes, nu né benchilaꞌ beella enza enta beella.
23251	MAT 2:13	Chenu nziala bee mago zeꞌe lachi beella, che ulubeꞌlu tucu ángeleꞌ Diose lu xcalaꞌ José, nu uni ángele zeꞌe lulla: ―Uzetee, uyaꞌ enduꞌ cuaꞌ cuna naꞌnu nu uquiahua Egipto, zeꞌe cuaꞌahua hasta nú ixiuleꞌa luhua. Xne cuaꞌna Herodes enduꞌcuaꞌ para nú utilla liꞌinu.
23252	MAT 2:14	Che chu uzete José, nu unguyaꞌlla enduꞌ cuna naꞌnu, nu rulaꞌ zeꞌe uchiuꞌu beella nziue beella enza Egipto.
23254	MAT 2:16	Chenu uriꞌi Herodes beyaꞌ nú uzequienu bee mago zeꞌe liꞌilla, chiquiꞌ uleella, nu unibiyaꞌlla nú unguti ye bee enduꞌ enu nza chiucu lana hasta enu meꞌe enu nucuaꞌa Belén cuna bee eyeche abenchilaꞌ zeꞌe, xne nuyaꞌ cuendalla lunú uni bee mago zeꞌe lulla nu udetela chiucu lana nú ulubeꞌlu belaa zeꞌe.
23259	MAT 2:21	Che chu uzetee José nu unguyaꞌlla enduꞌ cuaꞌ cuna naꞌnu nu ubenchilaꞌ beella eyeche Israel.
23261	MAT 2:23	Chenu uriña beella lu iliu Galilea, ucuaꞌa beella tucu eyeche nú lee Nazaret. Scua unga para nú uyalu tucu nú uni bee profeta nú Jesuse chiulee bene Nazaret.
23267	MAT 3:6	Chequie chenu uxucuꞌ dula beella stula beella, urinza Juan liꞌibeella reꞌcu Jordán.
23274	MAT 3:13	Che uchiuꞌu Jesuse Galilea para nú nzanu lu Juán reꞌcu Jordán, para nú rinzalla liꞌinu.
23276	MAT 3:15	Chequie uni Jesuse lulla: ―Uzela nú acane scua, xne mase neca nzeꞌca nú riaꞌa ye tucu nú rnibiyaꞌ Diose. Chee uzela Juan urinza liꞌinu.
23277	MAT 3:16	Chenu ulaxu nú urinzalla Jesuse, nu uchiuꞌunu lu inza, tuꞌnatsia uyaꞌla liñibe, nu ulañiꞌnu nú nzeꞌta laca Espíritu Santoꞌ Diose xi naa tucu paloma equienu.
23281	MAT 4:3	Chequie uya bezeꞌlu lunu para nú riꞌi preu liꞌinu nu uni lunu: ―Tunu neli nú necalu lliꞌñi Diose, unibiyaꞌ nú aca bee quiee quieꞌ pá aculu.
23283	MAT 4:5	Che chu uyanu bezeꞌlu liꞌinu eyeche Jerusalén nu uquienui liꞌinu equie indu llene Jerusalén elu mase aya,
23285	MAT 4:7	Che ucuaqui Jesuse lu bezeꞌlu: ―Leꞌca rni lu ichiꞌ Stichiaꞌ Diose: “La riꞌilu preu Diose Pa liñibe.”
23289	MAT 4:11	Chequie utsaꞌna bezeꞌlu liꞌinu, nu uriña bee ángeleꞌ Diose uriꞌi elietsa lunu.
23290	MAT 4:12	Chenu ungabiyaꞌ Jesuse nú nchiñi Juan Bautista niꞌcuꞌ, che chu nzazecanu lu iliu Galilea.
23291	MAT 4:13	Pero né yaꞌnanu Nazaret, sino que uyanu uzucunu eyeche Capernaum, tucu eyeche nú nchiucuꞌ ruꞌu inzatuꞌ Galilea enza lu iliu nú lee Zabulón nu Neftalí.
23296	MAT 4:18	Chenu nzedete Jesuse ruꞌu inzatuꞌ Galilea, che ulañiꞌnu Simón, enu leꞌca lee Pedro, cuna bichilla Andrés, nú rduꞌbeella ixiu nú rucu beella bee bela lu inza.
23304	MAT 5:1	Chenu ulañiꞌ Jesuse ye bee bene cuaꞌ, uquienu equie tucu dañi nu uzucunu zeꞌe. Che uyetesaꞌ bee beneꞌnu lunu zeꞌe,
23358	MAT 6:7	’Chenu rnacuꞌlu lu Diose, la nilu bee bedichiaꞌ nú la zibiꞌ huaxi bese, xi rriꞌi bee bene enu la chulu Stichiaꞌ Diose. Xne seca beella nú tunu huaxi bese rni beella tucu bedichiaꞌ che máse riꞌi caso Diose nú rni beella.
23360	MAT 6:9	Enzeꞌe chenu nacuꞌhua lu Diose uniꞌhua: Pa Diose liꞌilu enu nzucu liñibe, Chiquiꞌ riala nú luꞌcuru ulaꞌna lunú leelu.
23367	MAT 6:16	’Chenu la acuhua equie nú rluꞌcuhua ulaꞌna lu Diose, la ricuꞌ nehuanahua luhua tucu nú nehuana reca lubee bene enu nequichiaꞌ, rriꞌi beei scua para nú lañiꞌ bee bene nú la acu beei equie nú rluꞌcu beei ulaꞌna lu Diose. Pero liꞌá nia luhua nú nucuaꞌtsia necala premioꞌ beei.
23412	MAT 7:27	Chenu rlaca quiubi, nu rlaca huaxi inza riuꞌu tetsuꞌ niꞌi zeꞌe, che uluquie niꞌi zeꞌe. ¡Nu urilalii!
23413	MAT 7:28	Chenu ulaxu nú uni Jesuse scua lubee bene zeꞌe, chiquiꞌ uyanu arquiꞌ ye beei xneca uzeteꞌnu liꞌibeei,
23415	MAT 8:1	Chenu ulaca Jesuse equie tucu dañi, huaxi bee bene uyanala liꞌinu.
23417	MAT 8:3	Chequie uricuꞌ Jesuse yanu equie niyu zeꞌe nu uninu: ―Chiuꞌu arquia uyecaꞌ nee. Chenu uni Jesuse scua, hora zeꞌe uyecaꞌ bene zeꞌe nu lecaꞌ xi nalla.
23418	MAT 8:4	Chequie uni Jesuse lulla: ―Uzuꞌcuꞌ diaca nú nia lulu, la ixiuleꞌelu lu niꞌtucu bee bene nú uyecaꞌlaꞌlu. Uquia lubeꞌtsia liꞌilu lu uleꞌya, nu uyaꞌ uꞌna lu Diose tucu nú unibiyaꞌ leyꞌ Moisés, para nú lañiꞌ bee uleꞌya nú uyecaꞌlu.
23419	MAT 8:5	Hora nú nzechuꞌu Jesuse eyeche Capernaum, uriña tucu capitán Roma lunu nu uzequiella lunu,
23422	MAT 8:8	Chequie uni capitán zeꞌe lunu: ―Detá, la yala nú chuꞌulu nia. Pero uniꞌtsia tucu bedichiaꞌ desde caꞌa para nú yecaꞌ mosoa,
23423	MAT 8:9	xne leꞌca sucua nú rni bee bene enu rnibiyaꞌ lua, nu leꞌca rluꞌcua nú rnibiyaꞌa lubee sundado. Chenu nia lu tucu beei nú cha nzeꞌe elu cha nzeꞌe chu nza nzeꞌe che, nu chenu nia lu stucui nú yeꞌta nzeꞌe lua chu nzeꞌta nzeꞌe che, nu chenu rnibiyaꞌa lu mosoa nú xi riꞌi nzeꞌe, rriꞌi nzeꞌene.
23424	MAT 8:10	Chenu ubeneꞌ Jesuse nú uni capitán zeꞌe scua, chiquiꞌ uyanu arquiꞌnu nu uninu lubee bene enu nzenala liꞌinu: ―Liꞌá nia luhua nú niꞌ luye bee eyeche Israel lascaꞌ chechuꞌa niꞌ tucu bene Israel enu chiquiꞌ nzeli arquiꞌ Diose tucu nú nzeli arquiꞌ benequieꞌ Diose.
23427	MAT 8:13	Chequie uni Jesuse lu capitán zeꞌe: ―Uquia niꞌlu, nu aca tucu nú uchili arquiꞌlu. Nu hora zeꞌe uyecaꞌ mosoꞌ capitán zeꞌe.
23428	MAT 8:14	Chenu uya Jesuse niꞌ Pedro, ulañiꞌnu nú nchiucuꞌ suegraꞌ Pedro lu luna seca xle.
23429	MAT 8:15	Che unaꞌtsenu yalla, nu chu uchiuꞌu xle nú secalla, che uzetella nu udeteꞌlla nú udacu beella.
23430	MAT 8:16	Chenu uyuꞌu rulaꞌ, uriñayu bee bene huaxi bee bene enu nuꞌ benechiquiꞌ arquiꞌ lu Jesuse, nu cuna tucu bedichiaꞌ uluanu benechiquiꞌ arquiꞌbeella, nu leꞌca uriyecanu ye bee bene enu riti.
23432	MAT 8:18	Chenu ulañiꞌ Jesuse nú huaxi bee bene rriña lunu, che unibiyaꞌnu lubee beneꞌnu nú detenunu beella stucu chu ruꞌu inzatuꞌ zeꞌe.
23434	MAT 8:20	Che uni Jesuse lulla: ―Bee betsa rluꞌcu beeí iliuꞌu nú neca niꞌi beeí, nu bee iñi rluꞌcu beeí exliaꞌtseꞌ beeí. Pero liꞌá Bene enu uxeꞌla Diose niꞌ elu quienchiñaꞌa equiea la lucua.
23437	MAT 8:23	Chequie uyuꞌu Jesuse liñi barco cuna bee beneꞌnu,
23439	MAT 8:25	Che uya cuaꞌñi bee beneꞌnu liꞌinu nu uni beella lunu: ―¡Detá, utsilaꞌa liaꞌahua! ¡Xne nze chatseꞌlaꞌahua lu inza!
23440	MAT 8:26	Che ucuaquinu lubeella: ―¿Xiquie nú chiquiꞌ xiquihua? ¡Xinu lleꞌnatsia nzeli arquiꞌhua liꞌá! Chequie uzetenu nu unibiyaꞌnu nú acaxe bii cuna inzatuꞌ nu hora zeꞌe ungaxeli ye bee nucuaꞌ
23442	MAT 8:28	Chenu uriña Jesuse stucu chu inzatuꞌ lu iliuꞌ bee bene Gadara, che chiucu bee niyu enu seca ichiaꞌ benechiquiꞌ uchiuꞌu beei liñi pandiuñi nu uriña beei lunu. Nu rucu beei chiquiꞌ nelachi beei, nu hasta nú lecati dete inziu elu nucuaꞌa beei.
23446	MAT 8:32	Che uni Jesuse lubeei: ―Uyuꞌuhua che. Chequie uchiuꞌu bee benechiquiꞌ arquiꞌ bee bene zeꞌe nu uyuꞌu beei arquiꞌ bee cuchi zeꞌe. Che ye bee cuchi zeꞌe uyecaxuꞌu beeí nu utsundiqui beeí ruꞌu beꞌe hasta lu inzatuꞌ, nu zeꞌe unguti beeí.
23448	MAT 8:34	Chequie uchiuꞌu ye bee bene eyeche zeꞌe uya elu nzu Jesuse, nu chenu ulañiꞌ beei liꞌinu, uziquie beei lunu nú chiuꞌunu lu iliu zeꞌe.
23449	MAT 9:1	Chequie uyuꞌu Jesuse liñi barco nu udetenu stucu chu inzatuꞌ nu uriñanu elu neca lachinu.
23450	MAT 9:2	Zeꞌe uriñayu bee bene tucu bene enu neati cuerpoꞌ nchiucuꞌ lu camiya lunu. Chenu ulañiꞌ Jesuse nú nzeli arquiꞌbeei liꞌinu, che uninu lu bene enu riti zeꞌe: ―Duꞌ ana arquiꞌlu endua. Uriꞌila perdona stulalu.
23451	MAT 9:3	Che chiucu chuna bee ulaxcuela enu reca leyꞌ Moisés uriꞌi elliebacuꞌ: “Benequieꞌ necha rni lu cuendaꞌ Diose.”
23454	MAT 9:6	Pero nee lubea luhua nú liꞌá Bene enu uxeꞌla Diose rluꞌcua nú rnibiyaꞌa lu iliulabe para nú riꞌá perdona stula bee bene. Chequie uninu lu bene enu riti zeꞌe: ―Uzetee unaꞌtse camiyaꞌlu nu uquiaꞌa niꞌlu nee.
23455	MAT 9:7	Che chu uzete bene zeꞌe nu nzialla enza niꞌlla.
23456	MAT 9:8	Chenu ulañiꞌ bee bene zeꞌe nucuaꞌ chiquiꞌ ulliqui beei, nu uquixie unibeei bedichiaꞌ nzeꞌca lu Diose, equie nú udeteꞌnu poder nú rluꞌcunu lubee bene.
23457	MAT 9:9	Chenu uchiuꞌu Jesuse zeꞌe nu nzanu, che ulañiꞌnu tucu bene enu lee Mateo, nzuculla elu rriꞌilla cubre impuesto, nu uni Jesuse lulla: ―Utequie liꞌá. Che chu utsuli Mateo nu chu nzequiella liꞌinu.
23458	MAT 9:10	Chenu nzucu Jesuse lu mexa racu eta niꞌ Mateo, cuna beelá bee bene enu rriꞌi cubre impuesto nu cuna beelá bee bene enu la nehuañi tucu nú rnibiyaꞌ ley nú sucuꞌ bee bene Israel, ye beella nucuaꞌanu beella Jesuse lu mexa cuna bee beneꞌnu.
23460	MAT 9:12	Chenu ubeneꞌ Jesuse nú unibeei scua, uninu lubeei: ―Bee bene enu la aca riti, la quiꞌña bee nzeꞌe doctor. Sino que bee bene enu riti bee nzeꞌe rquiꞌña doctor.
23462	MAT 9:14	Chequie uriña bee beneꞌ Juan Bautista lu Jesuse nu unidichiaꞌ beella lunu: ―¿Xiquie nú liꞌiru cuna bee fariseo, la daꞌcuru huaxi bese equie nú rluꞌcuru ulaꞌna lu Diose, nu bee beneꞌlu la riꞌi scua?
23463	MAT 9:15	Che ucuaqui Jesuse lubeei: ―Elu xia tucu bene, ¿xieꞌ nuꞌ modo nú nehuana tsu arquiꞌ bee bene enu nezeneꞌ zeꞌe chenu nzu bene enu xia zeꞌe cuna liꞌibeella la? Pero riña bichia chenu lecaꞌ bene enu xia zeꞌe. Chee si deteꞌ bee beneꞌ bene enu xia bichia nu la acu beella.
23466	MAT 9:18	Chenu rniscaꞌ Jesuse scua, uriña tucu bene enu rnibiyaꞌ liñi induꞌ bee bene Israel lunu, nu utsulliquilla lunu nu unilla lunu: ―Penatsia unguti endua, pero tunu yeꞌtalu nu ricuꞌlu yalu equienchu huañi zecanchu che.
23467	MAT 9:19	Chequie nzenu Jesuse liꞌilla, cuna bee beneꞌnu.
23468	MAT 9:20	Chequie tucu unaꞌa enu riti, nu ungala chiꞌchiucu lana nú rlaca rene, uyabica diꞌchi Jesuse nu utiꞌnchu yanchu ruꞌu xucunu,
23471	MAT 9:23	Chenu uriña Jesuse niꞌ bene enu rnibiyaꞌ liñi induꞌ bee bene Israel ulañiꞌnu nú nucuaꞌala bee musica zeꞌe para nú nzeachiꞌ enduꞌlla, nu chiquiꞌ runaꞌnuu bee bene liꞌinchu,
23472	MAT 9:24	chequie uni Jesuse lubee bene zeꞌe: ―Uchiuꞌuhua caꞌa xne lá ati enduꞌ unaꞌa quieꞌ, raꞌtse tsianchu. Chequie ulliꞌchinuu bee bene zeꞌe liꞌinu,
23475	MAT 9:27	Chenu uchiuꞌu Jesuse zeꞌe, chiucu bene enu labiꞌya nzenala liꞌinu, nu urixialibeei nú rnibeei: ―¡Jesuse, llianaꞌ David uhuaꞌa arquiꞌ liꞌiru!
23476	MAT 9:28	Chenu uyuꞌu Jesuse liñi niꞌi, nu uyabica rucu bee bene zeꞌe lunu, nu unidichiaꞌnu lubeei nú uninu: ―¿Nzelí arquiꞌhua nú acaa riyecaa iꞌculuhua la? Che ucuaqui beei lunu: ―Aahuaꞌ, nzeli arquiꞌru detá.
23478	MAT 9:30	Che uyeꞌe iꞌculu beei. Nu uninu lubeei: ―La ixiuleꞌetsiahua nucuaꞌ lu niꞌ tucu bene.
23480	MAT 9:32	Chenu nziatsia bee bene enu uriyeca Jesuse iꞌculu, che uriñayu bee bene tucu bene enu la ni nchiñi benechiquiꞌ arquiꞌ lunu.
23481	MAT 9:33	Nu chenu uhua Jesuse benechiquiꞌ arquiꞌ bene enu la ni zeꞌe, che uquixiei uni. Che chiquiꞌ nzenu arquiꞌ bee bene zeꞌe nú unibeei: ―¡Leca xunga ulañiꞌahua saꞌ milagro quieꞌ leta bee bene Israel!
23484	MAT 9:36	Chenu ulañiꞌ Jesuse bee bene añi cuaꞌ uhuaꞌa arquiꞌnu liꞌibeella, xne nehuana nzu arquiꞌbeella, nu lixiu nzu arquiꞌbeella, nu nucuaꞌa beella xi nucuaꞌa bee sanchi enu lecaꞌ ti riꞌi ucu.
23485	MAT 9:37	Chequie uninu lubee beneꞌnu: ―Liꞌá nia nú nuꞌ huaxi bee bene enu niarquiꞌ yeneꞌ bedichiaꞌ nzeꞌcaꞌ Diose, pero leca huaxi bee bene enu ixiuleꞌe lubee bene.
23487	MAT 10:1	Chequie ubixia Jesuse chiꞌchiucu bee beneꞌnu, nu udeteꞌnu poder lubeella para nú hua beella bee benechiquiꞌ arquiꞌ bee bene nu riyeca beella bee bene enu rcuu catse cuerpoꞌ, cuna ye clasiaꞌ elichia nú seca beei.
23497	MAT 10:11	’Chenu riñahua tucu eyeche llene urre tucu eyeche llaꞌna, zeꞌe cuaꞌnahua niꞌi tucu bene nzeꞌca yaꞌnahua nu uyaꞌnahua zeꞌe hasta nú chiuꞌuhua eyeche zeꞌe.
23509	MAT 10:23	Chenu riꞌi bee bene nú nehuana zecahua lu tucu eyeche equie nú necahua bee benea, uquiahua stucu eyeche, xne liꞌá nia luhua nu lascaꞌ laxu chuehua lu yebee eyeche Israel chenu riña liꞌá Bene enu uxeꞌla Diose.
23529	MAT 11:1	Chenu ulaxu nú unibiyaꞌ Jesuse lu chiꞌchiucu bee beneꞌnu nú xi che riꞌi beella, che uchiuꞌunu nze zeteꞌnu nu nze tixiuleꞌenu Stichiaꞌ Diose lubee bene lubee eyeche nú nchiucuꞌ lu iliu zeꞌe.
23530	MAT 11:2	Nu chenu nchiñi Juan Bautista niꞌcuꞌ ubeneꞌlla luye nú rriꞌi Jesuse. Che uxeꞌlalla chiucu chuna bee beneꞌlla,
23531	MAT 11:3	para nú che nedichiaꞌ beella lu Jesuse: ―¿Liꞌilu necalu Cristo enu nzu nú nzeꞌta la, urre lluaquieeru stucu enu enta la?
23532	MAT 11:4	Che ucuaqui Jesuse lubeella: ―Uquia tixiuleꞌehua lu Juan Bautista lunú rlañiꞌhua nu lunú rieneꞌhua.
23535	MAT 11:7	Chenu nziue bee beneꞌ Juan enu uya lu Jesuse, che uquixie Jesuse nú uninu lubee bene zeꞌe equie cuendaꞌ Juan, nu uninu lubeella: ―¿Ti uya biꞌyahua lu yuu achi elu la nucuaꞌa bee bene? ¿Ti secahua nú neca bene enu uya biꞌyahua, tucu etaa nú rcuñi bii la?
23548	MAT 11:20	Chequie uquixie Jesuse nú uquiꞌyaꞌnu bee bene bee eyeche elu mase uriꞌinu bee milagro, xne né tsanaꞌ arquiꞌbeei stula beei. Nu uninu lubeei:
23549	MAT 11:21	―¡Cueꞌhua bee bene Corazín! ¡Cueꞌhua bee bene Betsaida! Xne tunu eyeche Tiro cuna eyeche Sidón a aca bee milagro nú unga lachihua, xi tiembula a tsanaꞌ arquiꞌ bee bene zeꞌe stula beei, nu leꞌca a utu beei laquie natsa nu a tiqui beei tii equie beei, xi neca tucu seña nú lubeꞌ nú nehuana nzu arquiꞌbeei.
23551	MAT 11:23	Nu liꞌihua bee bene eyeche Capernaum, ¿la zaꞌ arquiꞌhua nú riala chuꞌuhua liñibe? ¡Xne liꞌihua riala chuꞌuhua hasta elu mase aquié rquiꞌ ebila! Xne tunu eyeche Sodoma a aca bee milagro nú unga lachihua, che pianu hasta bee bichia quieꞌ nchiucuꞌscaꞌ bee eyeche cuaꞌ che.
23557	MAT 11:29	Uzuꞌcuꞌhua stichiaꞌa, nu zeꞌtehua nú acahua bene nzeꞌca enu lleꞌna nzu arquiꞌ tucu nú necaa. Che riꞌá nú huañi nzeꞌcahua.
23560	MAT 12:2	Chenu ulañiꞌ bee fariseo nú uchaꞌñi bee beneꞌnu trigo, uni beella lu Jesuse: ―Biꞌyacuru, bee beneꞌlu rriꞌi lunú la yala riꞌi beei bichia nú sulachi bee bene.