23225	MAT 1:12	Luzeꞌelá chenu uriꞌi bee bene Babilonia preso liꞌibeella, che uluꞌcu Jeconías tucu enduꞌ enu lee Salatiel, nu che Salatiel unga paꞌ Zorobabel.
23244	MAT 2:6	Liꞌilu eyeche Belén nú nchiucuꞌ lu iliu Judea, nu liꞌilu la necalu tucu bee eyeche nú mase lleꞌna nú nchiucuꞌ lu ye bee eyeche llene lu iliu Judea. Xne lulu chiuꞌu tucu bene enu nibiyaꞌ, nu liꞌilla biꞌyalla bee bene Israel enu neca bee benea.
23268	MAT 3:7	Pero chenu ulañiꞌ Juan nú huaxi bee fariseo cuna saduceo uriña lulla para nú rinzalla beei, che unilla lubeei: ―¡Liꞌisihua netsiñahua xi netsiña bee beꞌla! ¿Ti udixiuleꞌe luhua nú tsilaꞌahua lu castiya juerte nú axula nzu zeca bee bene?
23270	MAT 3:9	nula aca nelliñahua nú rnihua: “Liꞌiru nzelaru lu familiaꞌ tuxie Abraham”, xne liꞌá nia luhua nú hasta bee quiee quieꞌ nuꞌ modo nú riꞌi Diose nú aca bee familiaꞌ tuxie Abraham.
23272	MAT 3:11	Liꞌá, rniaa luhua nú liꞌá rrinzahua cuna inza xineca tucu seña nú utsanaꞌ arquiꞌlahua stulahua, pero enu nzeꞌta lulá liꞌinu rinzanu liꞌihua cuna Espíritu Santo nu cuna quii. Liꞌinu maselá rluꞌcunu poder luquela liꞌá, enzeꞌe niꞌ nú hua lucunu la yala xne masela neca equienu luquela liꞌá.
23275	MAT 3:14	Pero chenu uriñanu lu Juan lá zela Juan arinza liꞌinu, nu unilla lunu: ―Liꞌilu riala rinzalu liꞌá, ¿nu liꞌá la yala rinza liꞌilu?
23278	MAT 3:17	Nu ubene tucu chii enu uni hasta liñibe: ―Liꞌinu necanu lliꞌñia enu chiquiꞌ seꞌcaa, nu ñia nzu arquia lu.
23279	MAT 4:1	Luzeꞌelá unguyaꞌ Espíritu Santo Jesuse lu dañi achi elu la nucuaꞌa bee bene para nú riꞌi bezeꞌlu preu liꞌinu.
23282	MAT 4:4	Pero ucuaqui Jesuse lu bezeꞌlu: ―Lu ichiꞌ Stichiaꞌ Diose rni: “La neca equie cuendaꞌtsia pá nehuañi bee bene, sino que leꞌca nehuañi bee bene lu cuendaꞌ ye bedichiaꞌ nú rni Diose.”
23285	MAT 4:7	Che ucuaqui Jesuse lu bezeꞌlu: ―Leꞌca rni lu ichiꞌ Stichiaꞌ Diose: “La riꞌilu preu Diose Pa liñibe.”
23287	MAT 4:9	nu uni lunu: ―Liꞌá liquia ye bee nucuaꞌ lulu, tunu tsulliquilu lua nu luꞌculu ulaꞌna lua.
23316	MAT 5:13	’Liꞌihua necahua xi neca zete lu iliulabequieꞌ. Pero tunu niti nú neriꞌi, ¿xa modo zibiꞌ zecae che? Lecaꞌ xi zibiꞌi, tsiꞌquitsia benene nu taꞌ bene equiee.
23318	MAT 5:15	Lecati quieꞌe quii tucu quinqué nu tsacuꞌlla tucu caja equiee, rquiꞌña nú zucune aya para nú duꞌllieꞌe luye bee bene enu nucuaꞌa liñi niꞌi.
23319	MAT 5:16	Leꞌca scua liꞌihua, ucuaꞌnahua nú huañi nzeꞌcahua lubee bene para nú chenu lañiꞌ beella beenú neca nzeꞌca rriꞌihua, che nibeella bee bedichiaꞌ nzeꞌca equie cuendaꞌ Paꞌahua Diose enu nzucu liñibe.
23320	MAT 5:17	’La riꞌihua elliebacuꞌ nú uriña para nú huachua ley, ley nú udeteꞌ Diose lu Moisés urre beenú uzeteꞌ bee profeta bee bene, xne liꞌá uriña para nú tsalua tucu nú rni ley.
23321	MAT 5:18	Liꞌá rnia luhua nú mase fácil nú nitilu liñibe cuna iliulabe, luquelá nú rila tucu letra urre tucu punto nú nzeꞌta lu leyꞌ Diose, hasta nu yalu lunú nzu nú aca.
23324	MAT 5:21	’Liꞌihua nediyaꞌlaꞌhua lunú uni Moisés lubee beneꞌahua enu udetela: “La uti bene saꞌ bene, xne bene enu ruuti saꞌ yalalla castiya.”
23329	MAT 5:26	Liꞌá nia lulu nú la chiuaꞌlu niꞌcuꞌ hasta nú ixiuxulu nzieꞌ dimi nú nacuꞌ juese lulu.
23330	MAT 5:27	’Liꞌihua nediyaꞌlaꞌhua nú rni lu ley: “La luꞌcu niyu stucu unaꞌa enu la neca unaꞌi, nu la luꞌcu unaꞌa stucu niyu enu la neca niyuꞌnchu.”
23334	MAT 5:31	’Leꞌca rni lu ley: “Titse bene enu leꞌe unaꞌa, rquiꞌña nú hualla tucu ichiꞌ elu rni nú uleꞌella unaꞌalla.”
23336	MAT 5:33	’Leꞌca nediyalaꞌhua nú uni Moisés lubee beneꞌhua enu udetela: “Rquiꞌña nú tsaꞌalu bene lunú unilla nú riꞌilla chenu rquieꞌella Diose nú riꞌilla.”
23341	MAT 5:38	’Leꞌca ubeneꞌlaꞌhua bedichiaꞌ nú rni: “Enu lua iꞌcululu, leꞌca ulua iꞌculu nzeꞌe. Nu enu lua layalu, leꞌca ulua laya nzeꞌe.”
23346	MAT 5:43	’Leꞌca ubeneꞌhua bedichiaꞌ nú rni: “Uzeca bene enu seca liꞌilu nu uhuana arquiꞌ bene enu rana arquiꞌ liꞌilu.”
23359	MAT 6:8	La riꞌihua tucu nú rriꞌi beella, xne paꞌhua Diose nediyaꞌlaꞌ xi rquiꞌñahua ante nú nacuꞌhuane lunu.
23364	MAT 6:13	La zelalu nú riꞌiru dula, sino que uriꞌi elietsa luru para nú la riꞌi ye beenú necha neca ana luru. Xne liꞌilu rnibiyaꞌlu, nu liꞌilu rluꞌculu poder, poder nú leca xunga laxu. Amén.
23370	MAT 6:19	’La laꞌnahua nú luꞌcuhua huaxi eluxeneꞌhua lu iliulabe quieꞌ, elu acu bee belalaꞌe nu nitilue, nu chuꞌu bee huanaꞌ cachiꞌ bee.
23374	MAT 6:23	pero tunu rriꞌilu lunú necha neca, diqui cuerpoꞌlu neca xi neca nú nzu leta xcabe, ¡Leta xcabe nú naatsacabelí!
23376	MAT 6:25	’Liꞌá nia luhua: La chenu arquiꞌhua lunú xi acuhua cuna nú xi hueꞌhua para nú huañihua. Leꞌca la chenu arquiꞌhua lu cuendaꞌ xucuhua nú utuhua. Máse seca lunú nehuañi bene luquela nú racu bene, nu cuerpoꞌ bene máse seca luquela xucu bene.
23377	MAT 6:26	Biꞌyacuruhua bee iñi enu rcuecuꞌ liñibe. La duꞌ beeí nii nula riꞌi beeí ulaꞌcu, nu la luꞌcu beeí elu chucheꞌe, pero Paꞌahua Diose enu nzucu liñibe lia rdeteꞌnu nú racu beeí. ¿Enzaláquieꞌ liꞌihua nú másescaꞌlá secahua luquela bee iñi?
23385	MAT 6:34	La chenu arquiꞌhua lu cuendaꞌ bichia yeꞌe, xne ye yeꞌe nuꞌ xi nzenu arquiꞌ bee bene. Xne cada bichia nuꞌ xi chenu arquiꞌ bene.
23388	MAT 7:3	¿La zeꞌtahua beelá bee bene lunú lleꞌnatsia rriꞌi beella, nzalá nú uyanu arquiꞌhua lunú llenelá falta nú rluꞌcuhua?
23389	MAT 7:4	Nu tunu llenelá falta nú rluꞌcuhua, ¿xa modo nihua lu stucu bene: “La neca nzeꞌca lunú rriꞌilu scua”?
23391	MAT 7:6	’La riꞌihua juersa bee bene enu la niarquiꞌ riꞌi caso lunú neca cuendaꞌ Diose, para nú lecaxi riꞌinu beei liꞌihua. Xne tunu riꞌihua juersa beei, neca nucuaꞌ xi neca chenu siꞌqui bene tucu nú necachi neca lu nicu. Leꞌca la riꞌihua juersa bee enu la yuꞌ arquiꞌ lunú neca cuendaꞌ Diose. Xne tunu riꞌihua juersa beei, neca nucuaꞌ xi neca chenu rduꞌ bene tucu nú huaxi seca lu cuchi nu tse tsiaí equiee.
23396	MAT 7:11	Liꞌihua enu la neca bene nzeꞌca, nuꞌluhua rdeteꞌhua nú neca nzeꞌca lubee enduꞌhua, ¡enzaláquieꞌ Paꞌahua Diose liñibe nú la liquiꞌnu nú neca nzeꞌca lubee bene enu rnacuꞌ nucuaꞌ lunu!
23400	MAT 7:15	’Leꞌca ubiꞌyahua liꞌihua lubee bene enu liꞌá rnibee nú neca beei profetaꞌ Diose, nu rriꞌi beei nú lleꞌna arquiꞌbeei, pero scuatsia rriꞌibeei para nú sequienu beei bee bene, nu chiquiꞌ necha rriꞌi beei.
23403	MAT 7:18	Leca modo nú ayu ndixi núla neca nzeꞌca lu aca nú neca nzeꞌca, leꞌca esquie la ayu ndixi nú neca nzeꞌca lu aca núla neca nzeꞌca.
23406	MAT 7:21	’Laca ye bee bene enu rni lua: “Detá, Detá”, chuꞌu liñibe elurnibiyaꞌ Diose, sino que chuꞌutsia bee bene enu sucuꞌ lunú rni Diose Pa liñibe.
23408	MAT 7:23	Pero chequie cuaquia lubeei: “Leca xunga uyulua liꞌihua, ullunaꞌhua lua, liꞌihua bee bene enu necha uriꞌi.”
23421	MAT 8:7	Nu uninu lu capitán: ―Liꞌá nzeriyecalla.
23424	MAT 8:10	Chenu ubeneꞌ Jesuse nú uni capitán zeꞌe scua, chiquiꞌ uyanu arquiꞌnu nu uninu lubee bene enu nzenala liꞌinu: ―Liꞌá nia luhua nú niꞌ luye bee eyeche Israel lascaꞌ chechuꞌa niꞌ tucu bene Israel enu chiquiꞌ nzeli arquiꞌ Diose tucu nú nzeli arquiꞌ benequieꞌ Diose.
23425	MAT 8:11	Liꞌá nia luhua nú huaxi bee bene diqui lu iliulabe, yala cuaꞌanu Abraham, cuna Isaac cuna Jacob liñibe elurnibiyaꞌ Diose.
23431	MAT 8:17	Scua unga para nú uyalu tucu nú uni profeta Isaías chenu unilla: “Liꞌinu uyucunu elichia nú seꞌcaꞌahua nu unguyaꞌnu nú nehuana seꞌcaꞌahua.”
23443	MAT 8:29	Nu juerte urixialibeei nú unibeei: ―¿Xinu riꞌchialu liꞌiru Jesuse Lliꞌñi Diose? ¿Xieꞌ uriñalu caꞌa para nú riꞌilu nú zecaru castiyaꞌru chenu lascaꞌ riña tiembu nú acane scua la?
23464	MAT 9:16	’Lecati quielaꞌ tepedaso laquie cuqui lu tucu laquie uxu, xne riuꞌbe laquie cuqui, nu riꞌi nucuaꞌ nú tsa laquie uxu.
23465	MAT 9:17	Leꞌca la chuꞌu biñu cuqui liñi iti uxu, xne tsaa iti uxu, nu che nitilu biñu cuna iti. Enzeꞌe rquiꞌña nú chuꞌu biñu cuqui liñi iti cuqui para nú la nitilu niꞌtucue.
23478	MAT 9:30	Che uyeꞌe iꞌculu beei. Nu uninu lubeei: ―La ixiuleꞌetsiahua nucuaꞌ lu niꞌ tucu bene.
23481	MAT 9:33	Nu chenu uhua Jesuse benechiquiꞌ arquiꞌ bene enu la ni zeꞌe, che uquixiei uni. Che chiquiꞌ nzenu arquiꞌ bee bene zeꞌe nú unibeei: ―¡Leca xunga ulañiꞌahua saꞌ milagro quieꞌ leta bee bene Israel!
23485	MAT 9:37	Chequie uninu lubee beneꞌnu: ―Liꞌá nia nú nuꞌ huaxi bee bene enu niarquiꞌ yeneꞌ bedichiaꞌ nzeꞌcaꞌ Diose, pero leca huaxi bee bene enu ixiuleꞌe lubee bene.
23489	MAT 10:3	Nu leꞌca ucañinu Felipe, Bartolomé, Tomás cuna Mateo enu uriꞌi cubre bee impuesto; Jacobo llianaꞌ bene enu lee Alfeo; nu Lebeo enu leꞌca lee Tadeo.
23491	MAT 10:5	Ante nú xeꞌla Jesuse chiꞌchiucu bee apóstolꞌnu lubee bene uninu lubeella: ―La chuehua elu nucuaꞌa bee bene enu la neca bee bene Israel niꞌ lubee eyeche lu iliu Samaria;
23495	MAT 10:9	’La uyaꞌhua cobre niꞌ oro niꞌ plata.
23502	MAT 10:16	Leꞌca uni Jesuse lubee beneꞌnu: ―¡Biꞌyacuruhua! Liꞌá xeꞌla liꞌihua lubee bene xi neca chenu nza bee sanchi leta bee bichiuu. Enzeꞌe aca netsiñahua xi netsiña bee beꞌla nu aca lleꞌna arquiꞌhua xi neca bee paloma.
23513	MAT 10:27	Lunú aꞌchiꞌtsia rnia luhua, uniꞌhuane lu yebee bene nu lunú rnia aꞌchi diacahua. Juerte uniꞌhuane.
23514	MAT 10:28	La lliquihua bee bene enu niarquiꞌ uti liꞌihua. Pero leca modo utilla espírituꞌhua. Mejora ulliquihua Diose, xne liꞌinu rluꞌcunu poder nú nitilunu espírituꞌhua cuna cuerpoꞌhua ebila.
23515	MAT 10:29	’¿La huaxi seca bee iñi? Pero niꞌ tucu beeí la zanaꞌ beeí lu yuu tunu la zela Paꞌahua enu nzucu liñibe nú acane scua.
23520	MAT 10:34	’La riꞌihua elliebacuꞌ nú tia uriña lu iliulabe para nú riꞌá nú aca tucunecatse bee bene lu saꞌbeei, sino equie nú chili arquiꞌ bee bene liꞌá liunu saꞌbeei.
23527	MAT 10:41	Leꞌca bee bene enu rriꞌi caso tucu profeta equie nú neca profeta quieꞌ enu uxeꞌla Diose, leꞌca atiꞌlla premio nú atiꞌ profeta lu Diose. Nu bene enu riꞌi caso tucu bene enu rriꞌi nzeꞌca, leꞌca iguale atiꞌlla premio nú atiꞌ bene enu rriꞌi nzeꞌca lu Diose.
23531	MAT 11:3	para nú che nedichiaꞌ beella lu Jesuse: ―¿Liꞌilu necalu Cristo enu nzu nú nzeꞌta la, urre lluaquieeru stucu enu enta la?
23536	MAT 11:8	Urre ¿xa naa bene enu uya biꞌyahua? ¿Xieꞌ uya biꞌyahua tucu bene enu nutu laquie fiñu la? Liꞌihua nediyaꞌhua nú bee bene enu rutu laquie fiñu liñi palacio nucuaꞌa beella.
23539	MAT 11:11	Liꞌá nia luhua nu luye bee bene enu nucuaꞌa lu iliulabe lá chuꞌu niꞌ tucu bee bene enu masescaꞌlá neca equie tucu nú neca equie Juan Bautista. Pero bene enu menola neca equie liñibe elurnibiyaꞌ Diose nzeꞌe mase neca equie luquela Juan.
23541	MAT 11:13	Ley nú udeteꞌ Diose lu Moisés cuna yebee profeta udixiuleꞌe beella nú xi nzeꞌta aca, hasta bichia nu uriña Juan,
23544	MAT 11:16	’¿Xa nia luhua nú xa neca bee bene enu nehuañi lu iliulabe quieꞌ nee? Liꞌá nia luhua nú neca beei xi neca bee enduꞌ enu rcuaꞌa ruꞌu iꞌya rita nu rixiali beei lusaꞌ beei, nú rnibeei:
23555	MAT 11:27	’Uliquiꞌ Pa Diose nú nibiyaꞌa luye beenú nuꞌ. Lecati nediyaꞌ ti neca Jesucristo lliꞌñi Diose, Diose tsia nediyaꞌ nucuaꞌ, leꞌca tucutsia Jesucristo cuna bee bene enu nzeli arquiꞌ liꞌinu nuꞌlu Diose.
23576	MAT 12:18	―Biꞌyacuruhua liꞌinu necanu enu ucañia para nú zibiꞌ lua, Liꞌinu enu chiquiꞌ seꞌcaa, nu chiquiꞌ ñia nzu arquia lunu. Nu xeꞌla Espíritu Santoa equienu, para nú ixiuleꞌenu lubee bene iliulabe xa rnibiyaꞌa.
23578	MAT 12:20	Lecaxi riꞌinunu bee bene enu la nehuañi nzeꞌca, nu la nitilunu bee bene enu lleꞌnatsia nzeli arquiꞌ xi neca qui sera nú llenetsia rululá. Hasta nú riꞌinu ana nú aca elu usticia tucu nú necane.
23584	MAT 12:26	Leꞌca scua tunu rliunu bezeꞌlu leꞌcatsia liꞌi. ¿Xneca modo nú diꞌya elurnibiyaꞌ nú rluꞌcui che?
23585	MAT 12:27	Liꞌihua rnihua nú rluaa bee benechiquiꞌ arquiꞌ bee bene cuna poder bezeꞌlu. Pero tunu scua necane, ¿ti rdeteꞌ poder lubee beneꞌhua para nú rlua beei bee benechiquiꞌ arquiꞌ bee bene che?, leꞌca nia luhua nú liꞌibeei rlubeꞌ beei nú la neli nú rnihua.
23591	MAT 12:33	’Liꞌihua nediyaꞌhua nú aca nzeꞌca rayu ndixi nzeꞌca lue, nu aca nú la neca nzeꞌca la ayu ndixí nzeꞌca lue, xne lu cuendaꞌ ndixí nú rayu lu aca nuꞌlu bene nú xi acae.
23592	MAT 12:34	¡Liꞌisiꞌhua netsiñahua xi netsiña bee beꞌla! ¿Xa modo nú nihua bee bedichiaꞌ nzeꞌca chenu liꞌihua necha necahua? Bee bedichiaꞌ nú nuꞌ arquiꞌ bee bene enzeꞌe rni bene.
23597	MAT 12:39	Che ucuaqui Jesuse lubeei: ―Liꞌihua bee bene enu necha rriꞌi nu sequienu bee bene rnacuꞌhua nú riaꞌa tucu milagro, pero la riꞌá niꞌtucu milagro luhua, lañiꞌtsiahua tucu nú ulleꞌca Jonás.
23603	MAT 12:45	Chequie nzetucui se achi benechiquiꞌ enu maselá necha rriꞌi luquela liꞌi, nu chuꞌu ye beei arquiꞌ bene zeꞌe, nu che masescaꞌlá necha aca bene zeꞌe lunú necalla huaꞌtu. Leꞌca scua zeca bee bene enu necha rriꞌi nucuaꞌa tiembu quieꞌ.
23609	MAT 13:1	Leꞌca bichia zeꞌe uchiuꞌu Jesuse niꞌi elu uyaꞌnanu nu uya zucunu ruꞌu inzatuꞌ.
23613	MAT 13:5	Lleꞌnae uzanaꞌ leta quiee, elu leca huaxi yuu, nu yexetsia uliñi ebichi zeꞌe xne la aca aquié lu yuu.
23619	MAT 13:11	Nu ucuaquinu nú uninu lubeella: ―Liꞌihua uliquiꞌ Diose nú riꞌihua beyaꞌ xneca neca lunú aꞌchi neca nú rnibiyaꞌnu. Pero lubee benequieꞌ lá deteꞌnu nú riꞌi beella beyaꞌ nucuaꞌ.
23625	MAT 13:17	Xne liꞌá nia luhua nú huaxi bee profeta nu huaxi bee bene enu uhuañi nzeꞌca uniarquiꞌ beella lañiꞌ beella lunú rlañiꞌhua. Nu né lañiꞌ beella nucuaꞌ. Leꞌca uniarquiꞌ beella yeneꞌ beellla lunú rieneꞌhua, pero né yeneꞌ beellae.
23632	MAT 13:24	Uni Jesuse stucu ejemplu lubee bene zeꞌe: ―Lunú xneca rnibiyaꞌ Diose neca xi neca tucu bene enu uquienii ebichi nzeꞌca lu yuuꞌ;
23639	MAT 13:31	Leꞌca uni Jesuse stucu ejemplu lubee bene: ―Lunú xneca rnibiyaꞌ Diose neca xi neca tucu ebichiꞌ mestasa nú rquienii tucu bene lu yuuꞌlla.
23641	MAT 13:33	Leꞌca uni Jesuse stucu ejemplu lubee bene: ―Lunú xneca rnibiyaꞌ Diose neca xi neca levadura nú rcucha tucu unaꞌa cuna chuna medida harina para nú tsebichi ecucu.
23649	MAT 13:41	Liꞌá Bene enu uxeꞌla Diose lu iliulabe, xeꞌlaa bee ángelea para nú huachu beenu bee bene enu necha rriꞌi leta bee benea, nu cuna ye bee bene enu rriꞌi dula.
23652	MAT 13:44	’Lunu xneca rnibiyaꞌ Diose neca xi neca tucu nú huaxi seca nú nuꞌcheꞌ aꞌchiꞌ lu tucu yuu. Nu tucu bene ullelaꞌe nu uduꞌcheꞌ aꞌchiꞌ zecallae elu ullelaꞌllae, che chiquiꞌ ñia nzu arquiꞌlla nze tutilla yebee steneꞌlla para nú tsilla yuu zeꞌe.
23653	MAT 13:45	’Leꞌca nia luhua nú lunú xneca rnibiyaꞌ Diose neca xi neca tucu bene enu rriꞌi berexe nu rcuaꞌnalla perla nú huaxi seca,
23655	MAT 13:47	’Leꞌca scua lunú rnibiyaꞌ Diose neca xi neca tucu ixiu nú rduꞌ bee bene lu inzatuꞌ nú rucu yelu clasia bee bela.
23657	MAT 13:49	Leꞌca scua aca chenu laxu iliulabe; nzeꞌta bee ángeleꞌnu para nú huachu beenu bee bene enu necha rriꞌi leta bee bene enu rriꞌi nzeꞌca,
23670	MAT 14:4	xne uni Juan lu Herodes: ―La yala nú zucunuulu leꞌcatsia unaꞌa bichilu.
23682	MAT 14:16	Nu uni Jesuse lubeella: ―La quiꞌña nú yue beei, liꞌihua udeꞌtehua nú acu beei.
23693	MAT 14:27	Pero uni Jesuse lubeella: ―¡Utsu naaqui arquiꞌhua! ¡Liꞌá nucuaꞌ la lliquihua!
23705	MAT 15:3	Che uni Jesuse lubeella: ―¿Leꞌca xiquie nú sanaꞌ arquiꞌhua Stichiaꞌ Diose, para nú nzenalahua lunú neca costumbreꞌtsiahua?
23706	MAT 15:4	Xne uni Diose: “Luꞌcu ulaꞌna lu paꞌlu cuna lu naꞌlu”, nu “Enu riquichiꞌquiꞌ paꞌ cuna naꞌ rquiꞌña nú ati nzeꞌe.”