23306	MAT 5:3	―Ñia neca lu cuendaꞌ bee bene enu rriꞌi beyaꞌ nú chiquiꞌ rquiꞌñialla elietsaꞌ Diose, xne cuaꞌa beella liñibe elu rnibiyaꞌnu.
23307	MAT 5:4	’Ñia neca lu cuendaꞌ bee bene enu nehuana nzu arquiꞌ, xne riꞌi Diose nú ñia tsu arquiꞌbeella.
23308	MAT 5:5	’Ñia neca lu cuendaꞌ bee bene enu lleꞌna arquiꞌ, xne yucu beella yuu nú uni Diose nú deteꞌnu lubeella.
23309	MAT 5:6	’Ñia neca lu cuendaꞌ bee bene enu neca xi neca nú rliaꞌnaꞌ nu rebichiꞌ, scua nuꞌ ana arquiꞌbeella riꞌibeella tucu nú rnibiyaꞌ Diose, xne liꞌinu riꞌinu elietsa lubeella para nú riꞌibeella tucu nú niarquiꞌnu.
23310	MAT 5:7	’Ñia neca lu cuendaꞌ bee bene enu ruaꞌa arquiꞌ bee bene, xne leꞌca huaꞌa arquiꞌ Diose liꞌibeella.
23311	MAT 5:8	’Ñia neca lu cuendaꞌ bee bene enu lecaxi naa lu Diose, xne liꞌibeella neca beella enu lañiꞌ liꞌinu.
23312	MAT 5:9	’Ñia neca lu cuendaꞌ bee bene enu rcuaꞌna nú nzuxe arquiꞌ lusaꞌ, xne liꞌibeella chiuꞌuleebeella lliꞌñi Diose.
23313	MAT 5:10	’Ñia neca lu cuendaꞌ bee bene enu nehuana seca luye nú rriꞌinu bee bene liꞌibeella equie nú rriꞌi beella tucu nú rnibiyaꞌ Diose, xne liꞌibeella chuꞌu beella liñibe elu rnibiyaꞌnu.
23314	MAT 5:11	’Ñia neca lu cuendaꞌhua chenu riquichiꞌquiꞌ bee bene liꞌihua, nu chenu xitserriꞌinu bee bene liꞌihua nu chenu rtaꞌ bee bene yelu clasiaꞌ bee eluquichiaꞌ liꞌihua, equie nú necahua bee benea.
23315	MAT 5:12	Ñia utsu arquiꞌhua nu ullilaꞌhua, xne chiquiꞌ ñia neca nú lia liquiꞌ Diose luhua liñibe, nu liꞌihua nediyaꞌhua nú leꞌca scua uriꞌi condra beella bee profeta enu udetela enu uhuañi rlutila luquela liꞌihua.
23534	MAT 11:6	Ñia neca lu cuendaꞌ bee bene enu la chiecuꞌ arquiꞌ nú nzeli arquiꞌ liꞌá.
23624	MAT 13:16	’Pero liꞌihua: Ñia neca lu cuendaꞌhua nú rlañiꞌhua lunú rlañiꞌhua nu rieneꞌhua lunú rieneꞌhua.
23758	MAT 16:17	Che uni Jesuse lulla: ―Ñia neca lu cuendaꞌlu Simón llianaꞌ Jonás, xne niꞌ tucu bee bene ne ixiuleꞌe nucuaꞌ lulu, sino que Paa enu nzucu liñibe ulubeꞌ nucuaꞌ lulu.
23904	MAT 21:9	Che bee bene enu nzuculu, cuna bee bene enu nzequie, rixiali beei nú rnibeei: ―¡Ñia neca lu cuendaꞌ liꞌinu enu neca Lliꞌñi arre David! ¡Chiquiꞌ ñia neca lu cuendaꞌ liꞌinu enu nzeꞌta lu cuendaꞌ Paꞌahua Diose! ¡Cheꞌtsalá Diose Paa enu nzucu liñibe!
23910	MAT 21:15	Pero chenu ulañiꞌ bee uleꞌya enu rnibiyaꞌ lubee uleꞌya cuna bee ulaxcuela enu reca ley bee milagro nú rriꞌi Jesuse, nu chenu ubeneꞌ beei nú rixiali bee enduꞌ nucuaꞌ zeꞌe: “¡Ñia neca lu cuendaꞌ liꞌinu enu neca Lliꞌñi arre David!”, ule beei
24072	MAT 24:46	Ñia neca lu cuendaꞌ mosoꞌ enu rriꞌi tucu nú rialane chenu riña patronꞌlla.
24569	MRK 7:37	Chiquiꞌ uyanu arquiꞌ bee bene zeꞌe, nu unibeei: ―Ñia neca lu ye nú rriꞌinu hasta nú rriꞌinu nú uyeꞌe diaca bene enu nenguataꞌ nu rriꞌinu nú rni bene enu la aca nii.
24706	MRK 10:49	Chequie utsuxe Jesuse, nu uninu lubeella: ―Ubixiahua benecuaꞌ nú yeꞌtalla. Che ubixia beella niyu enu niquieꞌe lu zeꞌe, nu unibeella lui: ―Ñia utsu arquiꞌ, nu utsuli, xne rixianu liꞌilu nee.
25009	LUK 1:47	Ñia nzu arquia lu Diose enu tsilaꞌa liꞌá.
25235	LUK 6:20	Che ubiꞌya Jesuse lubee beneꞌnu nu uninu lubeella: ―Ñia nza lu cuendaꞌhua liꞌihua enu neca bene elitsi, xne rialahua elurnibiyaꞌ Diose.
25236	LUK 6:21	’Ñia nza lu cuendaꞌhua liꞌihua enu rliaꞌnaꞌ nee, xne riña bichia nú aca neelaꞌhua, nu ñia nza lu cuendaꞌhua liꞌihua enu runaꞌ nee, xne riña bichia nú llilaꞌ arquiꞌhua.
25237	LUK 6:22	’Ñia nza lu cuendaꞌhua chenu rana arquiꞌ bee bene liꞌihua, cuna chenu rtiliacaꞌ bee bene liꞌihua cuna chenu rquiexuu bee bene liꞌihua, cuna chenu rluachú bee bene liꞌihua xi neca beenú lecaxi zibiꞌ equie nú nzeli arquiꞌhua liꞌá Bene enu uxeꞌla Diose.
25455	LUK 10:23	Chequie ubiꞌyanu lubee beneꞌnu, nu uninu lu liꞌitsia beella: ―Ñia nza lu cuendaꞌ bee bene enu rlañiꞌ lunú rlañiꞌhua,
25501	LUK 11:27	Diqui nú rni Jesuse bedichiaꞌ cuaꞌ, leta bee bene zeꞌe ubixialí tucu unaꞌa nu unilla: ―¡Ñia nza lu cuendaꞌ unaꞌa enu ullaana liꞌilu nu uriꞌi ruꞌcu liꞌilu!
25565	LUK 12:37	Ñia neca lu cuendaꞌ bee mosoꞌ enu nucuaꞌa naa nu nucuaꞌa quiee nú benchilaꞌ patronꞌ beei. Xne nia luhua nú leꞌca liꞌi patronꞌ beei cuaꞌa liꞌibeei lu mexa nu chu cheꞌella xuculla para nú deteꞌlla nú acu beei.
25566	LUK 12:38	Ñia neca lu cuendaꞌ beei tunu llunaꞌ patronꞌ beei liꞌibeei nú nucuaꞌa naa beei, mase nú riñalla ulelaꞌ rulaꞌ urre riñalla elliecabe.
25571	LUK 12:43	Ñia neca lu cuendaꞌ mosoꞌ enu rriꞌi tucu nú rialane chenu riña zeca patronꞌlla.
25622	LUK 13:35	Enzeꞌe nia luhua nú enta bichia nú tsanaꞌ arquiꞌ Diose lachihua. Leꞌca nia luhua nú lecaꞌ bichia nú lañiꞌhua liꞌá, hasta nú riña bichia nú nihua. Ñia nzeꞌta liꞌinu enu nzeꞌta equie cuendaꞌ Paꞌahua Diose.
25637	LUK 14:15	Chenu ubeneꞌ tucu bene enu nzucu lu mexa cuna Jesuse nucuaꞌ, unilla lunu: ―Ñia nza lu cuendaꞌ bene enu riala acu pá elurnibiyaꞌ Diose.
25663	LUK 15:6	Chequie chenu riñalla niꞌlla quieteꞌsaꞌlla bee bene enu rquieteꞌlla cuna bee besiñuꞌlla, nu nilla lubee bene zeꞌe: “Ñia utsu arquiꞌhua cuna liꞌá, xne ullelalá sanchia enu uniti.”
25666	LUK 15:9	Nu chenu llelaꞌlla dimiꞌlla, quieteꞌsaꞌlla bee unaꞌa enu rquieteꞌlla cuna bee besiñuꞌlla, nu nilla lubee nzeꞌe: “Ñia utsu arquiꞌhua cuna liꞌá xne ullelalá dimia nú unitia.”
25838	LUK 19:38	Nu unibeei: ―¡Ñia nzeꞌta arre, liꞌinu enu nzeꞌta lu cuendaꞌ Paꞌahua Diose! ¡Nuꞌ nú nzuxe liñibe cheꞌtsa Diose enu nzucu liñibe!
26033	LUK 23:29	Xne nzeꞌta bichia nú ni bee bene: “Ñia nza lu cuendaꞌ bee unaꞌa enu lá luꞌcu bee enduꞌ, cuna bee unaꞌa enu la chuꞌu enduꞌ xlaꞌcu, cuna bee unaꞌa enu lá riꞌi ruꞌcu bee enduꞌ.”
26409	JHN 7:12	Leta huaxi bee bene enu uya lu eliñi zeꞌe, yelu nú rnibeei lu cuendaꞌnu. Nuꞌ beei enu rni: “Ñia nzeꞌcanu”; nu nuꞌ beei enu rni: “La riꞌi nzeꞌcanu, sino que sequienunu bee bene.”
26662	JHN 12:13	Che uchiecuꞌ beei iña nu uya chaꞌcalu beei liꞌinu, nu urixialibeei nú unibeei: ―¡Diose nzu cuna liaꞌahua! ¡Ñia neca lu cuendaꞌ liꞌinu enu nzeꞌta lu cuendaꞌ Diose, enu neca Arre Israel!
26716	JHN 13:17	Ñia nza lu cuendaꞌhua tunu rriꞌihua beyaꞌ bee nucuaꞌ nu zucuꞌhuane.
26965	JHN 20:29	Nu uni Jesuse: ―¿Nzelí arquiꞌlu liꞌá xne ulañiꞌlaꞌlu liꞌá? ¡Ñia neca lu cuendaꞌ bee bene enu nzeli arquiꞌ liꞌá añinzuca nú lá lañiꞌ beei liꞌá!
27075	ACT 3:10	chiquiꞌ nzenu arquiꞌbeei nu ulliqui beei lunú ulleꞌca niyu zeꞌe, xne nuꞌlubeei liꞌilla nú necalla enu sucu rnacuꞌ caridá ruꞌu indu zeꞌe, ruꞌu puerta nú lee Ñia rnaa.
28097	ROM 4:7	nu unilla: Ñia neca lu cuendaꞌ bee bene enu uriꞌila Diose perdona stula, nu uchilalanu stula.
28098	ROM 4:8	Ñia neca lu cuendaꞌ bee bene enu nebacuꞌla Diose, nú la luꞌcuaꞌ dula.
28325	ROM 12:12	Ñia utsu arquiꞌhua uhuañihua lunú nzuquie arquiꞌhua, nu uriquiꞌhua lunú nehuana secahua nu la lliquihua, nu la tsanaꞌ arquiꞌhua nú rnacuꞌhua lu Diose.
28328	ROM 12:15	Ñia utsu arquiꞌhua cuna bee bene enu ñia nzu arquiꞌ, nu bee bene enu nehuana nzu arquiꞌ ulubeꞌhua lubeella nú leꞌca nehuana nzu arquiꞌhua cuna liꞌibeella.
29100	2CO 12:10	Ñia nzu arquia equie xitse lunú nehuana seꞌca, chenu rquiexu bee bene liꞌá, urre chenu nuꞌ xi secalaꞌchaꞌa, urre chenu nuꞌ xi rriꞌinu bee bene liꞌá, nu cuna ye beelá beenú seꞌca equie nú seꞌca Jesucristo. Xne chenu nehuana seꞌca che máse siꞌa nú rriꞌi Jesucristo elietsa lua.
29225	GAL 4:27	Nu lu ichiꞌ Stichiaꞌ Diose rni: Ñia utsu arquiꞌ liꞌilu unaꞌa enu leca modo nú luꞌcu enduꞌ; nu chiquiꞌ ullilaꞌ liꞌilu enu la chulu xa nehuana seca tucu unaꞌa enu rala enduꞌ. Xne huaxilá enduꞌ luꞌcu unaꞌa enu leca modo luꞌcu enduꞌ luquela unaꞌa enu rluꞌcu niyuꞌ.
29457	PHP 1:29	Ñia neca lu cuendaꞌhua nu la nzelitsia arquiꞌhua Jesucristo sino que leꞌca nehuana secahua equie cuendaꞌ liꞌinu.
29704	1TH 5:16	Ñia tsu arquiꞌhua diqui nú nehuañihua.
30112	HEB 6:1	Enzeꞌe rquiꞌña nú laꞌnaꞌlaꞌahua nú chululaꞌahua stichiaꞌ Jesucristo nu la yala nú benchilaꞌahua lubeenú uzeteꞌahua huaꞌtu. Ñialá nú riaꞌahua scua, luhuare nú zeteꞌtsiahua xneca modo tsanaꞌ arquiaꞌahua lunú necha neca uriaꞌahua huaꞌtu, urre nú xneca chili arquiaꞌahua Diose,
30302	HEB 12:23	Ñia nzu arquiꞌbeenu rni beenu bedichiaꞌ nzeꞌca lu Diose elu yetesaꞌ bee beneꞌ Diose bee enu nequiela nombreꞌ lu libro nú nchiucuꞌ liñibe. Zeꞌe nzucu Diose nu liꞌinu enu hualue lu cuendaꞌ ye bee bene, leꞌca zeꞌe nzu espírituꞌ bee bene enu uhuañi tucu nú necane, liꞌibeella enu leca xina lu Diose.
30345	JAS 1:12	Ñia nza lu cuendaꞌ bene enu nzutaꞌ arquiꞌ nu rriquiꞌlla lunú nehuana secalla equie nú nzeli arquiꞌlla Jesucristo. Xne equie nú uriquiꞌlla scua yuculla premio nú rialalla, nu premio cuaꞌ neca elunehuañi nú leca xunga laxu tucu nú ucuaqui uꞌna Diose nú deteꞌnu lubee bene enu seca liꞌinu.
30527	1PE 4:14	Ñia nza lu cuendaꞌhua chenu rquiexu bee bene liꞌihua equie nú nzequiehua Jesucristo, xne ye bichia nzu Espíritu Santoꞌ Diose cuna liꞌihua. Liꞌinu enu rluꞌcu nú rnibiyaꞌ.
31093	REV 19:7	Ñiatsu arquiaꞌahua, nu llilaꞌahua nu riala niaꞌahua bedichiaꞌ nzeꞌca lunu, xne uriñala bichia nú chia enu neca Corderoꞌ Diose. Nu enu aca unaꞌnu ñia nzucheꞌla.
31156	REV 22:7	Nu Jesucristo uni: ―Yamero nzela ¡Ñia neca lu cuendaꞌ bee bene enu rriꞌi caso Stichiaꞌ Diose nú nequie lu libro quieꞌ nu rixiuleꞌe nú xi nzu aca!
31163	REV 22:14	Ñia neca lu cuendaꞌ bee bene enu neca xi neca nú uquieela xucu equie nú rriꞌi caso beella Stichiaꞌ Diose, para nú nuꞌ modo chuꞌu beella enza ruꞌu puerta eyeche zeꞌe nu para nú nuꞌ modo nú acu beella indixi nú rayu lu aca nú rliquiꞌ elunehuañiꞌ bee bene.