23217	MAT 1:4	Aram unga paꞌ Aminadab, nu Aminadab unga paꞌ Naasón, nu Naasón unga paꞌ Salmón.
23218	MAT 1:5	Salmón unga paꞌ Booz, nu naꞌlla lee Rahab. Booz cuna unaꞌlla Rut uluꞌcu beella enduꞌ beella enu lee Obed. Nu Obed unga paꞌ Isaí.
23219	MAT 1:6	Isaí unga paꞌ arre David, nu arre David cuna bene enu unga unaꞌa Urías, uluꞌcu beella tucu enduꞌ enu lee Salomón.
23220	MAT 1:7	Nu Salomón unga paꞌ Roboam, Roboam unga paꞌ Abías, nu Abías unga paꞌ Asá.
23223	MAT 1:10	Ezequías unga paꞌ Manasés, Manasés unga paꞌ Amón, nu Amón unga paꞌ Josías.
23230	MAT 1:17	Scua unga desde tiembu nú uhuañi Abraham hasta tiembu nú uhuañi arre David, uhuañi rtaa generación bene, nu leꞌca rtaa generación bene uhuañi desde tiembuꞌ arre David hasta chenu uriꞌi bee bene Babilonia preso bee bene Israel. Nu leꞌca rtaa generación bene uhuañi desde nú uriꞌi bee bene Babilonia preso bee bene Israel hasta chenu uriña bichia nú ungula Jesucristo lu iliulabe.
23291	MAT 4:13	Pero né yaꞌnanu Nazaret, sino que uyanu uzucunu eyeche Capernaum, tucu eyeche nú nchiucuꞌ ruꞌu inzatuꞌ Galilea enza lu iliu nú lee Zabulón nu Neftalí.
23293	MAT 4:15	Bee bene lu iliu Zabulón nu bee bene lu iliu Neftalí, nu bee bene enu nucuaꞌa lu iliu nú nchiucuꞌ axu reꞌcu Jordán, cuna ye beelá bee bene enu nucuaꞌa axu ru'u inzatu' lu iliu Galilea elu nucuaꞌa bee bene enu laca bee bene Israel.
23296	MAT 4:18	Chenu nzedete Jesuse ruꞌu inzatuꞌ Galilea, che ulañiꞌnu Simón, enu leꞌca lee Pedro, cuna bichilla Andrés, nú rduꞌbeella ixiu nú rucu beella bee bela lu inza.
23375	MAT 6:24	’Niꞌ tucu mosoꞌ leca modo riꞌi riñaꞌ lu chiucu patrón, xne leei lu tuculla, nu stuculla zecai, urre riꞌi nzeꞌcai lu tuculla, nu lu stuculla la riꞌi nzeꞌcai. Enzeꞌe leca modo nú zibiꞌhua lu Diose nu tsu arquiꞌhua lu dimi.
23380	MAT 6:29	pero niꞌ arre Salomón luye nú ñia utsucheꞌlla, né tsucheꞌlla tucu nú ñia nzucheꞌ bee quie.
23488	MAT 10:2	Bee benequieꞌ neca lu chiꞌchiucu apóstolꞌ Jesuse: Rluti, Simón enu leꞌca lee Pedro, nu bichilla Andrés; nu Jacobo cuna Juan, rucu benequieꞌ neca llianaꞌ Zebedeo.
23490	MAT 10:4	Nu cuna Simón enu ullutse leta tucu partido nú lee cananista; nu Judas Iscariote enu udeteꞌ cuenda Jesuse lubee bene nú ungutinu.
23491	MAT 10:5	Ante nú xeꞌla Jesuse chiꞌchiucu bee apóstolꞌnu lubee bene uninu lubeella: ―La chuehua elu nucuaꞌa bee bene enu la neca bee bene Israel niꞌ lubee eyeche lu iliu Samaria;
23545	MAT 11:17	“Ungularu chí para nú yeꞌehua nu né yeꞌehua, nu leꞌca ungularu canción nú nehuana se, nu né unaꞌhua.”
23549	MAT 11:21	―¡Cueꞌhua bee bene Corazín! ¡Cueꞌhua bee bene Betsaida! Xne tunu eyeche Tiro cuna eyeche Sidón a aca bee milagro nú unga lachihua, xi tiembula a tsanaꞌ arquiꞌ bee bene zeꞌe stula beei, nu leꞌca a utu beei laquie natsa nu a tiqui beei tii equie beei, xi neca tucu seña nú lubeꞌ nú nehuana nzu arquiꞌbeei.
23550	MAT 11:22	Pero liꞌá nia luhua nú bichia chenu laxu iliulabe, maselá juerte castiya zecahua luquela nú zeca bee bene eyeche Tiro cuna eyeche Sidón.
23583	MAT 12:25	Pero nediyaꞌ Jesuse lunú rriꞌi beei elliebacuꞌ, che uninu lubeei: ―Ye bee nación nu bee eyeche llene nú la neca tucunecatse rleꞌesaꞌe, leꞌca scua tunu tucu famili liñi tucu niꞌi laneca tucu necatse beella rleꞌe saꞌlla.
23600	MAT 12:42	Nu bichia chenu laxu iliulabe, chenu hualu Diose lucuendaꞌ bee bene, chequie reina eyeche nú lee Sabá huañi zecalla nu nilla nú riala bee bene enu nucuaꞌa nee castiya nú deteꞌ Diose. Xne liꞌilla nzeꞌtalla enza mase istu, nu ubeꞌtalla para nú ubeneꞌlla lunú reca arre Salomón, nu liꞌá Jesuse enu nzu cuna liꞌihua, másela neca equiea luquela arre Salomón.
23663	MAT 13:55	¿Xieꞌ lanu llianaꞌ bene enu rriꞌi riñaꞌ ruꞌu bangu nucuaꞌ, nu lanu María neca naꞌ nucuaꞌ la? ¿Nu lanu bee bichi nucuaꞌ neca Jacobo, José, Simón nu Judas la?
23723	MAT 15:21	Chenu uchiuꞌu Jesuse lu iliu Genesaret nzanu enza lu eyeche Tiro cuna lu eyeche Sidón.
23757	MAT 16:16	Nu ucuaqui Simón Pedro lunu: ―Liꞌilu necalu Cristo, Lliꞌñi Diose enu nehuañi.
23758	MAT 16:17	Che uni Jesuse lulla: ―Ñia neca lu cuendaꞌlu Simón llianaꞌ Jonás, xne niꞌ tucu bee bene ne ixiuleꞌe nucuaꞌ lulu, sino que Paa enu nzucu liñibe ulubeꞌ nucuaꞌ lulu.
23794	MAT 17:25	Che ucuaqui Pedro lubeei: ―Aahuaꞌ rixiunue. Nu chenu uyuꞌu Pedro liñi niꞌi elu nzu Jesuse, rlutilánu uninu lu Pedro: ―¿Xa nilu, Simón? ¿Ti riala ixiu impuesto lubee arre iliulabequieꞌ: bee bene lachilla la, o bee bene rene la?
23869	MAT 20:8	’Chenu uyuꞌu rulaꞌ, uni patrón lu mosoꞌ enu rnibiyaꞌ lubee mosoꞌ: “Ubixia bee mosoꞌ nu uquixie udixiuxu bee enu uriña último, nuche chu ixiulu beelá bee enu rluti uriña.”
23872	MAT 20:11	Chequie chenu riaxu beei ulebeei lu patrón zeꞌe,
23874	MAT 20:13	Chequie ucuaqui patrón zeꞌe, nú unilla lu tucu beei: “Amigo, lecaxi nú necha neca uriꞌá lulu. Xne liꞌá unixua lulu nú calu ixiualu tebichia.
23890	MAT 20:29	Chenu uchiuꞌu Jesuse cuna bee beneꞌnu eyeche Jericó, nzequie huaxi bee bene liꞌinu.
23900	MAT 21:5	Uniꞌhua lubee bene eyeche llene Sión: “Ubiꞌyacuruhua, nzeꞌtala arréꞌhua luhua nee, nu nzeꞌtanu xi nzeꞌta tucu bene enu la neca equie, nchiucuꞌnu equie tucu burru, tucu burro llaꞌna, lliꞌñi nañi enu ruyaꞌ yuhuaꞌ.”
24033	MAT 24:7	Xne liunu tucu nación cuna stucu nación, nu liunu tucu ubiernu cuna stucu ubiernu, nu aca biña, nu aca xú huaxi bee luhuare lu iliulabe.
24096	MAT 25:19	’Chequie xee tiembu uya patrónꞌ bee mosoꞌ cuaꞌ, che ubenchilaꞌ zecalla nu uquixiella unacuꞌlla cuentaꞌ dimiꞌlla.
24129	MAT 26:6	Chenu nzu Jesuse eyeche Betania, niꞌ Simón enu riꞌchia bene leproso,
24230	MAT 27:32	Chenu nzenu beei Jesuse nú quienu lu cruse ullaꞌca beei tucu bene eyeche Cirene, enu lee Simón, che unibiyaꞌ bee sundado zeꞌe lulla nú uyaꞌlla cruseꞌ Jesuse.
24231	MAT 27:33	Nu chenu uriña beei tucu luhuare nú lee Gólgota, nu rni nucuaꞌ Lluca equie bene nguti.
24300	MRK 1:16	Chenu udete Jesuse ruꞌu inzatuꞌ Galilea ulañiꞌnu Simón cuna bichii Andrés nú siꞌqui beei ixiu nú rucu bela lu inzatuꞌ zeꞌe xne neca beei enu rucu bela.
24313	MRK 1:29	Chequie chenu uchiuꞌu beella liñi indu zeꞌe. Nzenu Jesuse, Jacobo cuna Juan niꞌ Simón cuna Andrés.
24314	MRK 1:30	Zeꞌe nuxu suegraꞌ Simón nu secalla xlee. Chequie chenu uriña Jesuse zeꞌe, udixiuleꞌe beei lunu nú ritilla.
24320	MRK 1:36	Chequie uya Simón cuna beelá bee bene enu neyeteꞌi nu uyacuaꞌna beei Jesuse.
24365	MRK 3:8	cuna bee bene Jerusalén, cuna bee bene Idumea, cuna bee bene enu nucuaꞌa stucu chú reꞌcu Jordán, cuna bee bene enu nucuaꞌa lu iliu Tiro, cuna bee bene enu nucuaꞌa lu iliu Sidón, uya huaxi bee benequieꞌ lunu, xne unga biyaꞌbeei nú rriꞌinu bee milagro nú chiquiꞌ neca equie.
24373	MRK 3:16	Bee ningiueꞌ neca chiꞌchiucu bee bene enu ucañi Jesuse tuculla lee Simón enu leꞌca uhualenu, Pedro.
24375	MRK 3:18	Leꞌca ucañi Jesuse Andrés, Felipe, Bartolomé, Mateo, Tomás, Tadeo, Simón, enu ulletse leta tucu partido nú lee cananista,
24442	MRK 5:9	Chequie unidichiaꞌ Jesuse lu niyu zeꞌe nú uninu: ―¿Ti leelu? Che ucuaqui niyu zeꞌe: ―Liꞌá lea Legión xne huaxi necaru.
24479	MRK 6:3	¿La nu nucuaꞌ neca enu rriꞌi riñaꞌ ruꞌu bangu nu neca nucuaꞌ llianaꞌ María, nu neca bichi nucuaꞌ Jacobo, cuna José, cuna Judas cuna Simón la? ¿Leꞌca esquie nucuaꞌa bee zana nucuaꞌ eyeche quieꞌ? Enzeꞌe lá chili arquiꞌbeei liꞌinu.
24556	MRK 7:24	Chenu uchiuꞌu Jesuse zeꞌe nú nzanu lu iliu Tiro cuna lu iliu Sidón, che uyuꞌunu liñi tucu niꞌi xne la niarquiꞌnu nú acabiyaꞌ bee bene nú nzucunu zeꞌe, pero ne aca nú acachiꞌlunu zeꞌe.
24563	MRK 7:31	Che uchiuꞌu zeca Jesuse lu iliu Tiro nu udetenu eyeche Sidón cuna bee eyeche lu iliu Decápolis nu uriñanu ruꞌu inzatuꞌ Galilea.
24703	MRK 10:46	Chequie uriña Jesuse cuna bee beneꞌnu eyeche Jericó. Chenu nzechiuꞌu beella eyeche cuaꞌ, cuna huaxilá bee bene, che nzucu tucu niyu enu niquieꞌlu ruꞌu inziu zeꞌe rnacuꞌi carida nu Bartimeo leei, necai llianaꞌ tucu bene enu lee Timeo.
24794	MRK 13:8	Xne liunu tucu nación cuna stucu nación, nu liunu tucu país cuna stucu país, cuna liunu texcuaꞌa bee bene enu rnibiyaꞌ, cuna texcuaꞌa bee bene enu rnibiyaꞌ, nu aca xú cuna nú aca biña huaxi bee luhuare lu iliulabe. Nucuaꞌ neca nú apenatsia uquixie lunú enta nehuana zeca bee bene.
24826	MRK 14:3	Chequie chenu nzu Jesuse eyeche Betania niꞌi Simón enu ulleꞌca elichia nú lee lepra, chenu nzucu Jesuse lumexa racunu, uriña tucu unaꞌa nuyaꞌ tucu frasco nú achee nuꞌ perfume nú huaxi secaa, xne necacheꞌe puro nardo, nu chu uxaꞌlanchu frasco zeꞌe nu udunchu perfume zeꞌe equie Jesuse.
24860	MRK 14:37	Che chu nza Jesuse elu uyaꞌna chuna beneꞌnu nu ullunaꞌnu liꞌibeella nú raꞌtse beella nu uninu lu Pedro: ―Simón, ¿xieꞌ raꞌtselu la? ¿Xieꞌ né riquiꞌlu azucu naalu masia tucu hora la?
24916	MRK 15:21	Chequie chenu nzeyu beei Jesuse, ullaꞌca beei tucu bene eyeche Cirene enu lee Simón necalla paꞌ Alejandro cuna Rufo nzeꞌtalla enza dañi. Che uriꞌi bee sundado juerza liꞌilla para nú uyaꞌlla cruseꞌ Jesuse.
24917	MRK 15:22	Nu chu unguyaꞌ beei Jesuse tucu luhuare elu lee Gólgota, nu rni nucuaꞌ: lluca equie bene nguti.
24965	LUK 1:3	Leꞌca ucuaꞌnaa para nú uriꞌá beyaꞌ lunú neli neca nú xa unga hasta chenu uriña Jesuse lu iliulabe. Teófilo enu chiquiꞌ neca equie neca nzeꞌca para liꞌá nú quieꞌe xcuaꞌa bee ninguieꞌ lulu,
24967	LUK 1:5	Chenu unga Herodes arre lu iliu Judea, uhuañi tucu uleꞌya enu lee Zacarías, liꞌilla ullutsella leta texcuaꞌa bee uleꞌya enu unibiyaꞌ Abías lu, nu unaꞌa Zacarías lee Elisabet, necalla enu nzeꞌta lubee beneꞌ tuxie Aarón enu unga uleꞌya.
25049	LUK 2:7	Zeꞌe ungula enduꞌ rluꞌlla liñi niꞌ bee nañi nu utelalla tucu laquie liꞌinu nu chu udixiulla liꞌinu liñi tucu cajón elu riuꞌu nú racu bee nañi, xne lecaꞌ luhuare elu yaꞌna beella liñi niꞌi elu riaꞌna bee bene.
25054	LUK 2:12	Nu para nú chuluhua enduꞌ quieꞌ, llelaꞌhua liꞌinu liñi niꞌi bee nañi nebelanu tucu laquie nu nchiucuꞌnu liñi tucu cajón elu riuꞌu nú racu bee nañi.
25058	LUK 2:16	Nu yexetsia nzuebeella nu ullelaꞌ beella María cuna José liñi niꞌ bee nañi cuna enduꞌ meꞌ zeꞌe, nu nchiucuꞌnu liñi tucu cajón elu riuꞌu nú racu bee nañi.
25067	LUK 2:25	Tiembu zeꞌe uhuañi tucu bene eyeche Jerusalén enu lee Simeón. Ungalla tucu bene nzeꞌca, nu chiquiꞌ rluꞌculla ulaꞌna lu Diose nzuquieella lañiꞌlla bene enu tsilaꞌa bee bene Israel. Nu nzu Espíritu Santo cuna liꞌilla,
25068	LUK 2:26	equie cuendaꞌ Espíritu Santo ungabiyaꞌ Simeón nú la atiscaꞌlla hasta nú lañiꞌlla Cristo, enu xeꞌla Diose enu rluꞌcu nú rnibiyaꞌ.
25069	LUK 2:27	Leꞌca uduꞌ Espíritu Santo arquiꞌ Simeón nú uyalla liñi indu llene Jerusalén. Nu chenu uyanu paꞌ Jesuse liꞌinu cuna naꞌnu liꞌinu liñi indu zeꞌe para nú uya riꞌi beella tucu nú rnibiyaꞌ leyꞌ Moisés nú riꞌi bee bene,
25070	LUK 2:28	che unaꞌtse Simeón Jesuse nu uchiꞌchilla liꞌinu nu unilla bedichiaꞌ nzeꞌca lu Diose, nú unilla:
25075	LUK 2:33	Chiquiꞌ uyanu arquiꞌ José cuna María naꞌ Jesuse chenu ubeneꞌ beella lunú uni Simeón scua equie cuendaꞌ Jesuse.
25076	LUK 2:34	Chequie uriꞌi leꞌya Simeón beella, nu unilla lu María, naꞌ Jesuse: ―Ixiuleꞌa lulu María nú utsula Diose enduꞌ quieꞌ, nú huaxi bee bene Israel la chili arquiꞌ liꞌinu, nu leꞌca huaxi bee bene chili arquiꞌ liꞌinu, nu uriñanu para nú zeteꞌnu bee bene xa niarquiꞌ Diose nú huañi beei, pero huaxi bee bene la yucu arquiꞌ liꞌinu.
25080	LUK 2:38	Chenu rdichiaꞌnu María Simeón, hora zeꞌe uriña Ana, chenu ulaxu nú udeteꞌlla cheꞌtsa lu Diose uquixiella nú unilla equie cuendaꞌ Jesuse lu ye bee bene enu nzuquie nú riña bene enu tsilaꞌa Jerusalén.
25119	LUK 3:25	José unga lliꞌñi Matatías, Matatías unga lliꞌñi Amós, Amós unga lliꞌñi Nahum, Nahum unga lliꞌñi Esli, Esli unga lliꞌñi Nagai.
25124	LUK 3:30	Matat unga lliꞌñi Leví, Leví unga lliꞌñi Simeón, Simeón unga lliꞌñi Judá, Judá unga lliꞌñi José, José unga lliꞌñi Jonán, Jonán unga lliꞌñi Eliaquim,
25126	LUK 3:32	Natán unga lliꞌñi David, David unga lliꞌñi Isaí, Isaí unga lliꞌñi Obed, Obed unga lliꞌñi Booz, Booz unga lliꞌñi Salmón, Salmón unga lliñi Naasón,
25127	LUK 3:33	Naasón unga lliꞌñi Aminadab, Aminadab unga lliꞌñi Aram, Aram unga lliꞌñi Esrom, Esrom unga lliꞌñi Fares, Fares unga lliꞌñi Judá,
25132	LUK 3:38	Cainán unga lliꞌñi Enós, Enós unga lliꞌñi Set, Set unga lliꞌñi Adán, Adán unga lliꞌñi Diose.
25137	LUK 4:5	Che uyanu bezeꞌlu liꞌinu equie tucu dañi elu ayaa, nu hora zeꞌe ulubeꞌ bezeꞌlu lunu nzieꞌ bee nación iliulabe,
25138	LUK 4:6	nu uni bezeꞌlu lunu: ―Liquia lulu ye elurnibiyaꞌ nú nuꞌ lubee nación quieꞌ cuna ye bee eluxene nú nuꞌ lue. Xne ye bee nucuaꞌ neca stenea, nu detea bee nucuaꞌ lu enu niarquia.
25158	LUK 4:26	Pero né xeꞌla Diose Elías, para nú riꞌilla elietsa lu tucu unaꞌa zaqui Israel, uxeꞌla tsianu Elías para nú riꞌilla elietsa lu tucu unaꞌa zaqui eyeche Sarepta, axu eyeche Sidón.
25170	LUK 4:38	Chequie chenu uchiuꞌu Jesuse liñi indu chu nzanu niꞌi Simón. Nu riti suegraꞌ Simón, nu chiquiꞌ nuꞌlla xlee, che uzequiee beella lu Jesuse para nú riꞌyecanu liꞌilla.
25179	LUK 5:3	Che uyuꞌu Jesuse liñi tucu bee barco zeꞌe, neca tucu barco zeꞌe barcoꞌ Simón, nu unacuꞌnu lu Simón nú laca quieella barco zeꞌe lleꞌna enza lu inzatuꞌ zeꞌe. Nu uzucunu liñi barco zeꞌe nu uquiexienu seteꞌnu bee bene.
25180	LUK 5:4	Chenu ulaxu nú uninu lubee bene zeꞌe, uninu lu Simón: ―Uyaꞌ barco quieꞌ elu mase aquié lu inzatuꞌ quieꞌ, nu duꞌhua ixiu lu inza para nú ucuhua bee bela.
25181	LUK 5:5	Nu ucuaqui Simón lu Jesuse: ―Maestro, diquillu rulaꞌ quieꞌ rucuꞌru bela nu niꞌ tucuí lá riꞌiru ana alluna, pero tunu rnilu nú duꞌuru ixiu nú rucuꞌru bela lu inza scua riꞌá che.
25184	LUK 5:8	Chenu ulañiꞌ Simón Pedro nú unga scua utsu lliquilla lu Jesuse nu unilla lunu: ―¡La yala nú tsua lulu Jesuse, xne necaa bene enu rluꞌcu dula!
25186	LUK 5:10	Leꞌca uyanu arquiꞌ Jacobo cuna Juan, enu neca bee llianaꞌ Zebedeo, nu neca beella mbañeruꞌ Simón. Pero uni Jesuse lu Simón: ―La lliquilu xne hasta nee quixiélu nú nilu lubee bene para nú aca beei bee benea luhuare nú ruculu bela.
25228	LUK 6:13	Chenu uyeꞌe lu yuu ubixianu ye bee beneꞌnu nu ucañinu chiꞌchiucu beella, nu uhua leenu liꞌibeella apóstoles.
25229	LUK 6:14	Bee benequieꞌ neca enu ucañinu: Simón enu leꞌca uhualeenu Pedro, Andrés bichi Simón, Jacobo, Juan, Felipe, Bartolomé,
25230	LUK 6:15	Mateo, Tomás, Jacobo llianaꞌ bene enu lee Alfeo; Simón enu ullutse leta tucu partido nu lee cananista;
25232	LUK 6:17	Chequie ulaca Jesuse dañi zeꞌe cuna bee apóstolꞌnu nu ucuaꞌaxe beella lu tucu lichi cuna huaxi bee bene enu nzequie liꞌinu; cuna huaxilá bee bene enu nzeꞌta diqui bee luhuare lu iliu Judea, cuna bee bene Jerusalén cuna bee bene enu nzeꞌta ruꞌu inzatuꞌ eyeche Tiro cuna Sidón. Ubeꞌta bee benequieꞌ para nú ubeneꞌ beei lunú rni Jesuse cuna nú uriꞌiyecanu liꞌibeei lubee elichia nú seca beei.
25296	LUK 7:32	Nia luhua: Nú liꞌibeei neca beei xi neca bee enduꞌ enu rita ruꞌu iꞌya nu rixiali beei lu saꞌbeei nú rnibeei: “Chenu ungularu chii para nú yeꞌehua né yeꞌehua. Nu chenu ungularu canción nú nehuana se né unaꞌhua.”
25304	LUK 7:40	Che uni Jesuse lu fariseo zeꞌe: ―Simón, nia tucu nú nia lulu. Nu ucuaqui fariseo zeꞌe: ―Uniꞌi Maestro.
25307	LUK 7:43	Nu ucuaqui Simón: ―Pianu bene enu huaxilá neziꞌqui lulla. Nu uni Jesuse lulla: ―Scua necane.
25308	LUK 7:44	Che ubiꞌya Jesuse lu unaꞌa zeꞌe, nu uninu lu Simón: ―Biꞌyacuru unaꞌa quieꞌ chenu uriña niꞌilu né liquiꞌlu inza para nú quia cuchiuꞌa, pero unaꞌa quieꞌ uquie cuchiuꞌa cuna inza nú ungunaꞌnchu nu ucuiꞌchinchue cuna ichia equienchu.
25344	LUK 8:30	Che unidichiaꞌ Jesuse lu niyu zeꞌe: ―¿Ti leelu? Nu ucuaquii: ―Legión lea. Uni scua xne huaxi bee benechiquiꞌ neca enu nchiñi arquiꞌi.
25380	LUK 9:10	Chenu ubenchilaꞌ bee apóstolꞌ Jesuse, udixiuleꞌe beella lunu beenú uriꞌi beella. Che unguyaꞌnu beella tucu luhuare elu la nucuaꞌa bee bene axu eyeche Betsaida.
25445	LUK 10:13	’¡Cueꞌhua bee bene eyeche Corazín! ¡Nu cueꞌhua bee bene eyeche Betsaida! Xne tunu eyeche Tiro cuna eyeche Sidón aca bee milagro nú unga lachihua, xi tiembu achili arquiꞌ bee bene zeꞌe Stichiaꞌ Diose, nu leꞌca autu beei laquie natsa para nú lubeꞌ nú nehuana nzu arquiꞌbeei nu aricuꞌ beei tí equie beei xi neca seña nú ucheꞌe arquiꞌbeei lu stula beei.
25446	LUK 10:14	Pero bichia chenu laxu iliulabe, másela juerte castiya nú zecahua lunú zeca bee bene eyeche Tiro cuna eyeche Sidón.
25462	LUK 10:30	Chequie uni Jesuse tucu ejemplu lulla: ―Tucu bene Israel uchiuꞌulla eyeche Jerusalén nu nzalla eyeche Jericó, che unaꞌtse bee huanaꞌ liꞌilla inziu nu udiñi beei liꞌilla, nu ucachiꞌ beei ye bee steneꞌlla hasta xuculla. Nu utsaꞌna beei liꞌilla xi neca tucu bene enu unguti.
25505	LUK 11:31	Bichia chenu laxu iliulabe, chenu hualu Diose lu cuendaꞌ bee bene, chequie unaꞌa enu unibiyaꞌ lu iliu nú lee sabá huañi zecalla nu nilla nú riala bee bene enu nucuaꞌa nee castiya nú deteꞌ Diose. Xne liꞌilla uchiuꞌulla enza istu, nu ubeꞌtalla para nú ubeneꞌlla lunú reca arre Salomón. Nu liꞌá Jesuse enu nzu cuna liꞌihua, másela neca equia luquela arre Salomón.
25523	LUK 11:49	’Enzeꞌe equie nú reca Diose uninu: “Liꞌá xeꞌla bee profeta cuna bee apóstoles, nu úti bee bene texcuaꞌa beella, nu riꞌi condra bee bene téxcuaꞌa beella.”
25555	LUK 12:27	’Ubiꞌyacuruhua xa rruꞌcu bee quie dañi, la riꞌi bee riñaꞌ, nu la recheꞌ bee laquie. Pero niꞌ arre Salomón lá tsucheꞌlla tucu nú nzucheꞌ bee quie añinzuca nú chiquiꞌ utsucheꞌella.
25572	LUK 12:44	Xne nia luhua nú tsaꞌna patrón zeꞌe ye bee steneꞌlla para nú yaꞌna cuendaꞌ mosoꞌ zeꞌe bee nucuaꞌ.
25573	LUK 12:45	Pero tunu riꞌi mosoꞌ zeꞌe elliebacuꞌ nú rleꞌlá nú riña patrónꞌlla, che quixiella nú xitserinulla beelá bee mosoꞌ cuna bee criada. Nu quixiella nú acutsialla cuna nú hueꞌtsialla hasta nú lluchiꞌlla,
25574	LUK 12:46	chequie riña patrónꞌlla tucu bichia nú la zucuꞌlla, nú riña patron zeꞌe tucu hora nú la riꞌlla beyaꞌ. Che chiquiꞌ juerte deteꞌ patrón zeꞌe castiya liꞌilla, nu xeꞌla patron zeꞌe liꞌilla elu riala bee bene enu la zucuꞌ nú rni bee bene.