23233	MAT 1:20	Pero diquila nú rriꞌilla elliebacuꞌ nucuaꞌ, che ulubeꞌlu tucu ángeleꞌ Diose lulla leta xcalaꞌlla, nu uni ángele zeꞌe lulla: ―José, liꞌilu enu nzeꞌta lu familiaꞌ arre David, la lliquilu nú yuculu María xne enduꞌ enu acanuulla equie cuendaꞌ Espíritu Santo acanuullanu.
23251	MAT 2:13	Chenu nziala bee mago zeꞌe lachi beella, che ulubeꞌlu tucu ángeleꞌ Diose lu xcalaꞌ José, nu uni ángele zeꞌe lulla: ―Uzetee, uyaꞌ enduꞌ cuaꞌ cuna naꞌnu nu uquiahua Egipto, zeꞌe cuaꞌahua hasta nú ixiuleꞌa luhua. Xne cuaꞌna Herodes enduꞌcuaꞌ para nú utilla liꞌinu.
23258	MAT 2:20	―Uzetee, uyaꞌ enduꞌ cuna naꞌnu, nu ubenchilaꞌ zecahua Israel xne ungutila bee enu niarquiꞌ nú uti enduꞌ quieꞌ.
23416	MAT 8:2	Nu che uyabica tucu bene enu seca elichia nú lee lepra lunu, che utsu lliquii lunu nu uni lunu: ―Detá, tunu chiuꞌu arquiꞌlu, nuꞌ beyaꞌ riyecalu liꞌá.
23420	MAT 8:6	nu unilla lunu: ―Detá, mosoa nuxu nia riti nu lecaꞌ modo tsulii, chiquiꞌ nehuana secai nú ritii.
23422	MAT 8:8	Chequie uni capitán zeꞌe lunu: ―Detá, la yala nú chuꞌulu nia. Pero uniꞌtsia tucu bedichiaꞌ desde caꞌa para nú yecaꞌ mosoa,
23433	MAT 8:19	Nu che uyabica tucu ulaxcuela enu reca leyꞌ Moises lunu, nu unilla lunu: ―Maestro, niarquia nú nzelanala liꞌilu catse elu nzalu.
23435	MAT 8:21	Nu stucu beneꞌnu enu nzenala liꞌinu uni lunu: ―Detá, uzela nú biꞌya paa hasta nú atinu.
23476	MAT 9:28	Chenu uyuꞌu Jesuse liñi niꞌi, nu uyabica rucu bee bene zeꞌe lunu, nu unidichiaꞌnu lubeei nú uninu: ―¿Nzelí arquiꞌhua nú acaa riyecaa iꞌculuhua la? Che ucuaqui beei lunu: ―Aahuaꞌ, nzeli arquiꞌru detá.
23560	MAT 12:2	Chenu ulañiꞌ bee fariseo nú uchaꞌñi bee beneꞌnu trigo, uni beella lu Jesuse: ―Biꞌyacuru, bee beneꞌlu rriꞌi lunú la yala riꞌi beei bichia nú sulachi bee bene.
23596	MAT 12:38	Chequie chiucu chuna bee fariseo cuna bee ulaxcuela enu reca ley uni lu Jesuse: ―Maestro, niarquiꞌru nú lañiꞌru riꞌilu tucu milagro.
23659	MAT 13:51	Nu uni Jesuse lubee beneꞌnu: ―¿Uriꞌihua beyaꞌ yebee nú unia la? Che uni beella: ―Aahuaꞌ, uriꞌiru beyaꞌ.
23694	MAT 14:28	Chequie uni Pedro lu Jesuse: ―Detá, tunu liꞌilu nucuaꞌ, unibiyaꞌ nú tsea lu inzatuꞌ nzela hasta lulu.
23756	MAT 16:15	Che uninu lubeella: ―Liꞌiquiehua, ¿ti rnihua nú necaa?
23773	MAT 17:4	Che uni Pedro lu Jesuse: ―Detá, ¡neca nzeꞌca nú nelluaꞌanuru liꞌilu caꞌa! Tunu niarquiꞌlu recheꞌru chuna ranchu: tucue para liꞌilu, stucue para Moisés nu stucue para Elías.
23776	MAT 17:7	Che uyabica Jesuse lubeella, nu utiꞌyanu liꞌibeella nu uninu lubeella: ―Utsulíhua, nu la lliquihua.
23784	MAT 17:15	―Detá, uhuaꞌa arquiꞌ endua xne secai ichia ziña nu chiquiꞌ nehuana secai, nu huaxi bese sanaꞌi lu quii, cuna lu inza.
23817	MAT 18:21	Che uyabica Pedro lu Jesuse nu unedichiaꞌlla lunu, nú unilla: ―Detá, ¿xala bese rquiꞌña nú riꞌá perdona bee saꞌa, tunu nuꞌ xi uriꞌi nzeꞌe lua? ¿Hasta achi bese la?
23883	MAT 20:22	Pero uni Jesuse lubeella: ―La riꞌihua beyaꞌ lunú rnacuꞌhua. ¿Xieꞌ nuꞌ modo nú nehuana zecahua tucu nú nehuana zecaa la? ¿Xieꞌ nuꞌ modo riquiꞌhua zecahua lunú riala zecaa la? Che uni beella lunu: ―Aahuaꞌ, riquiꞌru.
23894	MAT 20:33	Che unibeei lunu: ―Detá, niarquiꞌru nú yeꞌe iꞌculuru para nú lañiꞌru.
23911	MAT 21:16	nu unibeei lu Jesuse: ―¿Rieneꞌlu nú rni bee enduꞌ cuaꞌ la? Che ucuaqui Jesuse lubeei: ―Aahuaꞌ, rienea. Pero ¿xieꞌ lascaꞌ ulahua lu ichiꞌ Stichiaꞌ Diose elu rni lu cuendaꞌ nucuaꞌ la? Lu ichiꞌ Stichiaꞌ Diose rni: Uriꞌilu nú bee enduꞌ llaꞌna cuna bee enduꞌ meꞌe enu rachi, neca bee enu ula bee canto nu zucuꞌ aya liꞌilu.
23957	MAT 22:16	Che uxeꞌla bee fariseo cuaꞌ chiucu chuna bee beneꞌ beei lu Jesuse, cuna chiucu chuna bee beneꞌ Herodes, nú nibeei lunu: ―Maestro, nediyaꞌru nú neli beenú rnilu nu neli seteꞌlu nú xa niarquiꞌ Diose nú huañi bee bene, sin nú riꞌi casolo nú rni bee bene, xne la biꞌyalu nú xa rnaa bee bene.
23959	MAT 22:18	Pero uriꞌi Jesuse beyaꞌ nú necha neca elliebacuꞌ beei, enzeꞌe uninu lubeei: ―Nequichiaꞌhua, ¿xinu rriꞌihua preu liꞌá scua?
23965	MAT 22:24	―Maestro, Moisés uni nú tunu ati tucu niyu nu uyaꞌna unaꞌlla nu né luꞌcu beella enduꞌ, che rquiꞌña nú chia bichi tuxie zeꞌe unaꞌa zeꞌe para nú luꞌcu beei enduꞌ enu aca xi neca enduꞌ tuxie zeꞌe.
23977	MAT 22:36	―Maestro, ¿ta mandamiento nú mase neca equie enta lu ley?
23984	MAT 22:43	Chequie uni Jesuse lubeei: ―Pero, ¿xiquie nú equie cuendaꞌ Espíritu Santo uni David lunu, liꞌilu rnibiyaꞌlu lua? Xne uni David:
24145	MAT 26:22	Che chiquiꞌ nehuana utsu arquiꞌbeella nu uquixie unedichiaꞌ tucua tucua beella lunu, nu unibeella lunu: ―Detá, ¿liꞌá nzeꞌe la?
24148	MAT 26:25	Chequie Judas enu deteꞌ cuenda liꞌinu, uni lunu: ―Maestro, ¿liꞌá nzeꞌe la? Che uni Jesuse lui: ―Ahuaꞌ, liꞌilu nzeꞌe.
24162	MAT 26:39	Che chu nza Jesuse lleꞌna enza lu zeꞌelá, nu utsu lliquinu hasta nú utiꞌnu tequienu lu yuu, nu unacuꞌnu lu Diose nú uninu: ―Paa, tunu nuꞌ modo utsilaꞌa liꞌá lunú nehuana enta zecaa, pero la acatsia tucu nú niarquia, acatsia tucu nú niarquiꞌlu.
24165	MAT 26:42	Bese rrucu nú uya naꞌcunu lu Diose uninu: ―Paa, tunu leca modo nu la zeca lunú nehuana nzu nú zecaa, acatsia tucu nú niarquiꞌlu che.
24173	MAT 26:50	Che uni Jesuse lu Judas: ―Amigo, uriꞌi lunú nzeꞌtalu riꞌilu. Che chu unaꞌtse bee bene zeꞌe Jesuse para nú uyaꞌ beei liꞌinu.
24209	MAT 27:11	Chenu uyayu bee bene Jesuse lu gobernador Poncio Pilato, che unedichiaꞌlla lu Jesuse, nú unilla: ―¿Liꞌilu necalu arreꞌ bee bene Israel la? Che uni Jesuse lulla: ―Ahuaꞌ, tucu nú unilu scua necane.
24244	MAT 27:46	Nu rquie chuna uche zeꞌe, urixiali Jesuse nu uninu: ―Elí, Elí, ¿lama sabactani?, rni bedichiaꞌ cuaꞌ: Diosea, Diosea, ¿xinu utsanaꞌ arquiꞌlu liꞌá?
24261	MAT 27:63	nu uni beella lu Pilato: ―Detá, nchiucuꞌ arquiꞌru nú chenu nehuañiscaꞌ bene enu nequichiaꞌ cuaꞌ, uni nucuaꞌ nú detetsia chuna bichia huañizeca nucuaꞌ lu eluti.
24353	MRK 2:24	Chequie unibee fariseo lu Jesuse: ―Biꞌyacuru, ¿xiquie nú rriꞌi bee beneꞌlu lunú la yala riꞌi beella bichia nú sulachi bee bene?
24474	MRK 5:41	Che unaꞌtse Jesuse ya enduꞌ zeꞌe, nu uninu lunchu: ―Talita, cumi ―rni bedichiaꞌ quieꞌ: Enduꞌ, nia lulu nú, uzetee nee.
24507	MRK 6:31	Nu uni Jesuse lubee beneꞌnu: ―Uteehua, ne chaꞌahua tucu luhuare elu lecati nuꞌ para nú tsulachiaꞌahua zeꞌe lleꞌna. Uninu scua xne huaxi bee bene rriña lunu nu xiuꞌu beei nziue beei hasta nú né lluꞌcha acununu bee beneꞌnu.
24612	MRK 9:5	Nu uni Pedro lu Jesuse: ―Maestro, ¡neca nzeꞌca nú nelluaꞌhua caꞌa! Para nú recheꞌeru chuna ranchu: tucue para liꞌilu, nu stucue para Moisés, nu stucue para Elías.
24624	MRK 9:17	Nu ucuaqui tucu bene leta bee bene enu nucuaꞌa zeꞌe nú unilla: ―Maestro, caꞌa nzelayua endua lulu, xne secai ichiaꞌ benechiquiꞌ nu rriꞌi benechiquiꞌ nu la nii.
24645	MRK 9:38	Che uni Juan lu Jesuse: ―Maestro, ulañiꞌru tucu bene rlua benechiquiꞌ arquiꞌ tucu bene equie nú recalu, pero ucaru nú riꞌilla scua xne la acalla bene letaꞌahua.
24677	MRK 10:20	Che ucuaqui niyu zeꞌe nú uni: ―Maestro, ye bee nucuaꞌ sucua hasta chenu neca enduꞌ.
24692	MRK 10:35	Chequie uyabica Jacobo cuna Juan lu Jesuse, neca beella llianaꞌ Zebedeo, nu unibeella lu Jesuse: ―Maestro, niarquiꞌru nú riꞌilu tucu faura nú nacuꞌru lulu.
24708	MRK 10:51	Chequie unidichiaꞌ Jesuse nú uninu lui: ―¿Xi niarquiꞌlu nú riꞌá lulu? Nu ucuaqui niyu enu niquieꞌlu zeꞌe nú uni: ―Maestro, niarquia nú riꞌilu nú yaꞌla nú biꞌya zecaa.
24730	MRK 11:21	Chequie ulluꞌcu arquiꞌ Pedro, nu unilla lu Jesuse: ―Maestro, ubiꞌyacuru, ubichila aca higuera nú unilu nú bichi.
24756	MRK 12:14	Chenu uriña bee benequieꞌ lu Jesuse unibeei lunu: ―Maestro, nediyaꞌru nú rnilu nú neli neca, nu la riꞌilu caso nú xa neca bee bene, xne lulu neca tucu necatse bee bene. Nu neli seteꞌlu bee bene lunú rnibiyaꞌ Diose nú xa huañi bee bene. Enzeꞌe rnidichiaꞌru lulu. ¿Neca nzeꞌca nú dixiuru impuesto lu arre César la?, urre ¿la neca nzeꞌcae la? ¿Dixiuru la urre la dixiuru la?
24761	MRK 12:19	―Maestro, rni leyꞌ Moisés nú tunu ati tucu niyu nu utsaꞌnalla unaꞌalla nu né luꞌcu beella enduꞌ, che yucu bichi tuxie zeꞌe unaꞌa zaqui zeꞌe, para nú luꞌcu beei enduꞌ enu neca xi neca enduꞌ tuxie zeꞌe.
24774	MRK 12:32	Chequie ucuaqui ulaxcuela enu reca leyꞌ Moisés zeꞌe nú uni: ―Maestro, uni nzeꞌcalu. Nú unilu scua. Neli nú unilu nú nuꞌ tucutsia Diose, lecaꞌ stucu Diose.
24859	MRK 14:36	Chenu rnacuꞌnu lu Diose uninu: ―Paa, yeene recalu rriꞌilu; utsilaꞌa liꞌá lunú chiquiꞌ juerte enta nú zecaa, pero la acane tucu nú niarquia, uriꞌitsia tucu nú niarquiꞌlu.
24860	MRK 14:37	Che chu nza Jesuse elu uyaꞌna chuna beneꞌnu nu ullunaꞌnu liꞌibeella nú raꞌtse beella nu uninu lu Pedro: ―Simón, ¿xieꞌ raꞌtselu la? ¿Xieꞌ né riquiꞌlu azucu naalu masia tucu hora la?
24868	MRK 14:45	Nu chenu uriña Judas lu Jesuse uyabicai lunu nú uni: ―Maestro, Maestro. Nu chu udacui tucu bichiuꞌ xecanu.
24929	MRK 15:34	Hora zeꞌe chenu unga rquie chuna uche juerte urixiali Jesuse nú uninu: ―Eloi, Eloi, ¿lama sabactani? ―rni bedichiaꞌcuaꞌ: Diosea, Diosea, ¿xinu utsanaꞌ arquiꞌlu liꞌá?
24975	LUK 1:13	Che uni ángele zeꞌe lulla: ―Zacarías, la lliquilu, ubeneꞌlaꞌ Diose lunú rnacuꞌlu lunu, liꞌilu cuna unaꞌalu Elisabet luꞌcuhua tucu enduꞌ, enu hualeehua Juan.
24992	LUK 1:30	Chequie uni zeca ángele zeꞌe lulla: ―María, la lliquilu, xne ucañila Diose liꞌilu nu uriꞌinu nú cha nzeꞌca lu cuendaꞌlu.
25090	LUK 2:48	Chenu ulañiꞌ José cuna María liꞌinu, uyanu arquiꞌbeella, nu uni María naꞌnu lunu: ―Endua, ¿xinu uriꞌilu scua? Paꞌlu cuna liꞌá chiquiꞌ nzenu arquiꞌru rlaꞌnaru liꞌilu.
25106	LUK 3:12	Leꞌca uriña chiucu chuna bee bene enu rriꞌi cubre impuestos lu Juan para nú rinza Juan liꞌibeei, nu unidichiaꞌ beei lu Juan: ―Maestro, liꞌiquieru ¿xi riala riꞌiru?
25181	LUK 5:5	Nu ucuaqui Simón lu Jesuse: ―Maestro, diquillu rulaꞌ quieꞌ rucuꞌru bela nu niꞌ tucuí lá riꞌiru ana alluna, pero tunu rnilu nú duꞌuru ixiu nú rucuꞌru bela lu inza scua riꞌá che.
25188	LUK 5:12	Tucu bichia nzu Jesuse tucu eyeche, nu uriña tucu bene enu seca elichia nú lee lepra lunu, chenu ulañiꞌlla liꞌinu, utsu lliquilla lunu hasta nú utiꞌlla tequieella lu yuu, nu uziquieella lunu nú unilla: ―Detá, Jesuse tunu laca arquiꞌlu nuꞌ beyaꞌ nú riꞌiyecalu liꞌá.
25270	LUK 7:6	Chequie nza Jesuse cuna liꞌibeella, pero chenu nze riña beella axu niꞌi capitán zeꞌe, uxeꞌlalla chiucu chuna bene enu rquieteꞌlla para nú ni beella lu Jesuse: ―Detá, Jesuse mase la riñalu hasta ruꞌu nia xne la neca equiea para nú chuꞌulu nia.
25304	LUK 7:40	Che uni Jesuse lu fariseo zeꞌe: ―Simón, nia tucu nú nia lulu. Nu ucuaqui fariseo zeꞌe: ―Uniꞌi Maestro.
25359	LUK 8:45	Nu unidichiaꞌ Jesuse lubee bene: ―¿Ti utiꞌya liꞌá? Nu uni yebeei lunu nú né tiꞌya beei liꞌinu, che uni Pedro cuna beelá bee saꞌlla lunu: ―Maestro, huaxi bee bene rtaꞌcu liaꞌahua nu chuquieꞌ churquie siꞌña beei liaꞌahua, nu rnidichiaꞌscaꞌlu: “¿Nú ti utiꞌya liꞌilu?”
25403	LUK 9:33	Chenu lecaꞌ rucu benecuaꞌ elu nzu Jesuse, uni Pedro lunu: ―Maestro, ¡neca nzeꞌca nú nelluaꞌahua caꞌa para nú recheꞌru chuna ranchu, tucue para liꞌilu nu stucue para Moisés, nu stucue para Elías! Pero la riꞌi Pedro beyaꞌ xinu rnilla scua.
25408	LUK 9:38	Chequie tucu bene enu nzeꞌta leta bee bene zeꞌe urixialii nú uni: ―Maestro, ubiꞌyacuru endua, tucutsia liꞌi necai endua.
25419	LUK 9:49	Chequie uni Juan lunu: ―Maestro, ulañiꞌru tucu bene enu rlua benechiquiꞌ arquiꞌ bee bene equie nú leelu, pero uniru lulla nu la riaꞌlla scua xne la acalla bene letaꞌahua.
25457	LUK 10:25	Che utsuli tucu ulaxcuela enu reca leyꞌ Moisés nu unilla lu Jesuse para nú riꞌilla preo liꞌinu: ―Maestro, xi riala riꞌá para nú lucua elunehuañi nú leca xunga laxu liñibe.
25472	LUK 10:40	Pero Marta chiquiꞌ rlialaꞌnchu rriꞌinchu beenú rriꞌinchu, nu uyabicanchu lu Jesuse nu uninchu lunu: ―Detá, ¿Xieꞌ la chenu arquiꞌlu nú tucutsia liꞌá utsaꞌna belaa ye bee riñaꞌ nú riꞌá la? Alaꞌ uniꞌi lunchu nú riꞌinchu elietsaa.
25473	LUK 10:41	Nu ucuaqui Jesuse lunchu nú uninu: ―Marta, Marta, chiquiꞌ nzenu arquiꞌlu lu huaxi bee riñaꞌlu,
25519	LUK 11:45	Nu ucuaqui tucu ulaxcuela enu reca leyꞌ Moisés nú uni: ―Maestro, chenu rnilu bee bedichiaꞌ cuaꞌ leꞌca nuu luru rnilu scua la.
25541	LUK 12:13	Tucu bene enu nza leta bee bene zeꞌe uni lu Jesuse: ―Maestro, uniꞌ lu bichiaa nú liquiꞌi rencia nú rialaa.
25542	LUK 12:14	Nu ucuaqui Jesuse lui: ―Niyu, ¿ti uni lulu nú neca juece urre tucu enu ritsiꞌ bee steneꞌhua?
25599	LUK 13:12	Chenu ulañiꞌ Jesuse liꞌilla ubixianu liꞌilla nu uninu lulla: ―Unaꞌa, uyecaꞌlaꞌlu lu elichia nú secalu nee.
25739	LUK 17:19	Che uni Jesuse lui: ―Utsuli, nu uquiaꞌa nee. Uyecaꞌlaꞌlu xne uchili arquiꞌlu liꞌá.
25775	LUK 18:18	Tucu bene enu rnibiyaꞌ unidichiaꞌ lu Jesuse nú unilla: ―Maestro, enu neca bene nzeꞌca, ¿xi rquiꞌña riꞌá para nú lucua elunehuañi nú leca xunga laxu liñibe?
25808	LUK 19:8	Nu utsuli Zaqueo nu necachi unilla lu Jesuse: ―Ubiꞌyacuru, ritsia arliꞌtiꞌ lunú rlucua lubee bene enu seca elitsi. Nu tunu nuꞌ bene enu uriꞌá cubre de mase lu, nee detea lulla tacu bese mase lunú ucachia lulla.
25839	LUK 19:39	Chequie bee fariseo enu nzeꞌta leta bee bene enu nzequie liꞌinu unibeei lunu: ―Maestro, uquiꞌyaꞌ bee bene enu nzeꞌtaquie liꞌilu nú la bixialí beei scua.
25869	LUK 20:21	Nu unidichiaꞌ beei lunu, nú unibeei: ―Maestro, liꞌiru nediyaꞌru nú rnilu nu rriꞌilu tucu nú rialane, nu rriꞌilu tucunecatse lu ye bee bene, nu neli seteꞌlu bee bene nú xa niarquiꞌ Diose nú huañi bee bene.
25876	LUK 20:28	―Maestro, leyꞌ Moisés rni tunu ati tucu niyu nu tsaꞌnalla unaꞌalla nu lá luꞌcu beei enduꞌ, che yucu bichi tuxie zeꞌe unaꞌalla para nú luꞌcu beella enduꞌ enu neca xi neca enduꞌ tuxie zeꞌe.
25902	LUK 21:7	Nu unidichiaꞌ bee bene lunu: ―Maestro, ¿xunga aca bee nucuaꞌ? Nu ¿xi seña lubeꞌ nú nzula nú aca bee nucuaꞌ?
25964	LUK 22:31	Leꞌca uni Jesuse: ―Simón, Simón, ubiꞌyacuru, xne unacuꞌla bezeꞌlu liꞌihua lua para nú riꞌinui liꞌihua tucu nú rriꞌinu bene trigo chenu rcuillae.
25966	LUK 22:33	Chequie uni Pedro lunu: ―Detá, nzua para nú chaꞌa niꞌcuꞌ cuna liꞌilu, nu hasta nú atia cuna liꞌilu.
25975	LUK 22:42	Nu uninu: ―Paa, tunu laca arquiꞌlu, utsilaꞌa liꞌá lunú nehuana enta zecaa. Pero la riꞌilu tucu nú niarquia, uriꞌitsia tucu nú niarquiꞌlu.
25981	LUK 22:48	Nu uni Jesuse lui: ―Judas, ¿xieꞌ cuna tucu bichiuꞌtsia deteꞌ cuendalu liꞌá Bene enu uxeꞌla Diose la?
26038	LUK 23:34	Nu chenu rquieꞌe beei Jesuse lu cruse uninu: ―Paa, uriꞌi perdona bee benequieꞌ xne la riꞌi beei beyaꞌ lunú rriꞌi beei. Che urita bee sundado tucu rifa para nú uritsiꞌ beei xucunu lu saꞌ beei.
26046	LUK 23:42	Nu uni lu Jesuse: ―Jesuse, ulluꞌcuꞌ arquiꞌ liꞌá chenu quixie nú nibiyaꞌlu.
26151	JHN 1:38	Nu chenu ubelleta Jesuse, ulañiꞌnu nú nzeꞌtaquie beella liꞌinu, nu uninu lubeella: ―¿Xi rlaꞌnahua? Nu ucuaqui beella: ―Maestro, ¿cá nzuculu?
26162	JHN 1:49	Nu uni Natanael lunu: ―Maestro, ¡liꞌilu necalu Lliꞌñi Diose, liꞌilu necalu arre Israel!
26191	JHN 3:2	Nu uyabiꞌyalla Jesuse tucu rulaꞌ, nu unilla lunu: ―Maestro, liꞌiru nediyaꞌru nú Diose uxeꞌla liꞌilu para nú zeteꞌlu liꞌiru, xne lecati aca riꞌi saꞌ bee milagro nú rriꞌilu tunu la nzu Diose cuna liꞌilla.
26215	JHN 3:26	Nu uya niꞌ bee beneꞌ Juan lulla: ―Maestro, bene enu nzunuulu stucu chú reꞌcu Jordán, liꞌilla enu unilu luru, rrinzalla bee bene nu ye beei nzequie beei liꞌilla.
26236	JHN 4:11	Chequie uni unaꞌa zeꞌe lu Jesuse: ―Detá, lecaxi uyaꞌlu para nú hualu inza, nu chiquiꞌ aquié tsuquieꞌ, ¿cá chiyaꞌlu inza nú rliquiꞌ elunehuañi?
26240	JHN 4:15	Nu uni unaꞌa zeꞌe lunu: ―Detá, uliꞌquiꞌ inza cuaꞌ lua para nú la bichiaꞌa stucu bese, nu la yelaꞌa ruꞌu tsuquieꞌ huaa inza.
26244	JHN 4:19	Chenu ubeneꞌ unaꞌa zeꞌe nucuaꞌ, che unilla lunu: ―Detá, rriꞌá beyaꞌ nú liꞌilu necalu tucu profetaꞌ Diose.
26246	JHN 4:21	Nu ucuaqui Jesuse: ―Unaꞌa, uchili arquiꞌ nú rnia, nú riña bichia nú luꞌcu bee bene ulaꞌna lu Diose Pa liñibe sin nú yeꞌta beella equie dañi quieꞌ, nu niꞌ la quiꞌñaꞌ nú chue beella eyeche Jerusalén.
26256	JHN 4:31	Diquila nú nza unaꞌa zeꞌe eyeche zeꞌe, uni bee beneꞌ Jesuse lunu: ―Maestro, udacu lleꞌna nú aculu.
26274	JHN 4:49	Pero ucuaqui beneꞌ arre zeꞌe nú unilla: ―Detá, yexetsia uchaa ante nú ati llianaꞌa.
26286	JHN 5:7	Nu ucuaqui bene enu riti zeꞌe lunu: ―Detá, lecati lucua para nú duꞌ liꞌá lu inzaquieꞌ chenu rcuñine, cada chenu niarquia nú chuꞌa lu inzaquieꞌ, stucu bene rluti chu riuꞌu lue.
26287	JHN 5:8	Chequie uni Jesuse lui: ―Uzetee, unaꞌtse camiyaꞌlu nu utseꞌ.
26351	JHN 6:25	Chenu uriña beei stucu chú inzatuꞌ zeꞌe, ullunaꞌ beei Jesuse nu unidichiaꞌ beei lunu: ―Maestro, ¿xunga uriñalu caꞌa?
26360	JHN 6:34	Nu unibeei lunu: ―Detá, ye bichia uliꞌquiꞌ pá cuaꞌ luru.
26394	JHN 6:68	Pero ucuaqui Simón Pedro lunu nú unilla: ―Detá, ¿tilu nzaꞌaru che? Xne stichiaꞌlu neca nú nzeꞌta yuu elunehuañi nú leca xunga laxu lu Diose.
26454	JHN 8:4	Nu unibeei lu Jesuse: ―Maestro, unaꞌaquieꞌ ullunanunchu tucu niyu mero chenu nucuaꞌanu saꞌbeei.
26460	JHN 8:10	Chequie uzucu neli Jesuse nu uninu lu unaꞌa zeꞌe: ―Unaꞌa, ¿ma bee bene enu ubeꞌtayu liꞌilu caꞌa? ¿Xieꞌ niꞌtucu beei lecaxi uriꞌinu liꞌilu la?