23214 | MAT 1:1 | Jesús meṉ ne pxeeḻ Dios ga, lo xtii Abraham, lo xtii David, ga brieequia me. Lëë grë xmeṉgoldoo me nu: |
23224 | MAT 1:11 | Josí goc pxoz Jeconí (bio zla xpëëd Josí). Leṉ dze ne nac Jeconí mëëd, leṉ dze co güeybee zhoo zha Babiloin grë zha Israel, beynie zho zho Babiloin. |
23226 | MAT 1:13 | Zorobabel goc pxoz Abiud, Abiud goc pxoz Liaquim, Liaquim goc pxoz Azor. |
23227 | MAT 1:14 | Azor goc pxoz Sadoc, Sadoc goc pxoz Aquim, Aquim goc pxoz Liud. |
23228 | MAT 1:15 | Liud goc pxoz Leazar, Leazar goc pxoz Matán, Matán goc pxoz Jacob. |
23238 | MAT 1:25 | Laa me wban tipse grop me per ib bgaaḻd me Marí, haxta bded dze ne laa mëdyeeṉ co gol. Bdziṉ dzew, laa win gol, dzigo bleelë José win JESUS. |
23239 | MAT 2:1 | Tib guiedz win ne ndxie xtan Judé lë Belén, ga gol Jesús. Lëëtse leṉ dze co zob meṉ ne lë Herod nac me rey ne rnabey dan co. Goc palal dzew, laa bla zha ne ruṉbey lo mel ziaad nëz ne rlan ngbidz bdziṉ Jerusalén, |
23241 | MAT 2:3 | Grë meṉguiedz Jerusalén, zeeṉe bin zhow bzee zdoo zho. Laa Herod, rieṉdraa me zha guṉ me, bnabey me pcaalsa grë zha ne nac pxoz non, grë zha ne rseed miech ley, bnabdiidz me lo zho dieṉ pa lo nac diidz gal Meṉ ne nole diidz cxeeḻ Dios guiaad lo guidzliu ga. |
23247 | MAT 2:9 | Blozhse sca pso me diidz lo zho, laa zho bio nëz stib laa zho zie. Laa mel ne goṉ zho brieequia nëz ne ziaad zho ga, laa ma neraque lo zho; haxta bdziṉ ma ngali guic yu ne no mëdyeeṉ co, gataa laa ma blëz. |
23251 | MAT 2:13 | Laa gza zha rac co zey, zeeṉe güeylulo tib xanjl Dios lo José lëëtse nixguies me, rëb anjl co lo me: ―José, na zeeṉa guche i pcaanie mëdyeeṉ qui nëz grop xniaa win, goḻsë nëz Egipt, sac laa Herod yquiaguib win gut me win. Egipt, ga cuëznie to win, na naaque guiaḻnie diidz lo to zeeṉe laa to gbi ga. |
23254 | MAT 2:16 | Laa zeeṉe goṉ Herod wbiredraa gza meṉ rac co nienie zho diidz lo me, per nli blëë me. Ntseeb rac me, pxeeḻ me zha ne güey Belén ni grëraa guiedz ne ndxie gax ga, güeygut zho grëse mëëdbgui yeeṉ ne no grë guiedz co, desde win ne golnëz, haxta win ne rap chop iz. Tibaque naṉ me sca ngaa mëdyeeṉ ne nac Jesús ga niet win, sac blee me cuent zhile gac chop iz psilo goṉ gza zha rac co blan mel co. |
23262 | MAT 3:1 | Leṉ dze ne psilo Juan Bautist noseed Juan miech xtan zha Judé, dan zit ne no me ga; |
23264 | MAT 3:3 | Lëë Juan Bautist ga bzeet profet Isá, zeeṉe znu pquiaa me: Bii zon miech gaṉle zeeṉe laa tib tsi meṉ zëëb tib dan zit, rnee me: “Goḻzhixcuaa nëz ne ted meṉ ne rnabey, goḻsaan grë guieḻntseeb ne ruṉ to.” |
23268 | MAT 3:7 | Laa zeeṉe raṉ me grë zha farisé, zha saducé ne rdziṉ lo me ga racladz zho ye zho chobnis, dzigo rnee me lo zho: ―¡Miech ngoopdoḻ, masaque nac to zig nac meeḻ! Naṉ to na lëë, loxaque chobnis to laa to laale lo grë guieḻnëdox ne ziaadyob. |
23269 | MAT 3:8 | Led scada goṉ, none zaacse gban to zeeṉa glu nli dib zdoo to psaan to grë xquieḻntseeb to. |
23273 | MAT 3:12 | Laa me guiaad zig tib zha ne rbeeguizh zhobxtil, sac zha co rlozhse ruṉmbe zho zhob, rgotsow zhow, laa paj rielaaḻ zho lo gui, ga reca. Per gui ne gzëëg grë paj ne guiadbee me ga, gdziṉd dze guiuuw. |
23274 | MAT 3:13 | Leṉ dze co briee Jesús nëz Galilé zie me nëz ro guiubee Jordán, laa me zie par cchoobnis Juan me. Bdziṉ me |
23275 | MAT 3:14 | nëd Juan cchoobnis Juan me, rëb Juan lo me: ―Lëda i goṉ, naa none guiaḻ lo luu cchoobnis luu naa. |
23277 | MAT 3:16 | Laa me zieriee lo nis zeeṉe laa zhan gbaa bzhial, goṉpaa me zig rlu tib palom rlu Espíritu Sant laa me ziad-zëëb bdziṉ me guic me, |
23294 | MAT 4:16 | miech ne no lo ncow nac zho, per niina tib biini nroob biab lo zho. Ladzniale guieḻgut no zho, per laa biini co biab lo zho par griee zho ga. |
23296 | MAT 4:18 | Leṉ dze co, tib dze zieded Jesús gax ro Nisdoo Galilé goṉ me chop ngoozmeḻ, tib zho lë Simón Pedr, stib zho lë Ndrés; grop bets zho lëëtse laa zho noroṉ guiex ne rgaa meḻ lo nis. |
23297 | MAT 4:19 | Dzigo bredz me zho, rëb me lo zho: ―¡Goḻtë goḻtënaḻ zhits naa! ¡Laa naa cxeḻ to tsie to stib gooz, tsietop to grë miech ne sëëb xnëz Dios! |
23316 | MAT 5:13 | ’Masaque nac to lo guidzliu rii zig nac zed. Naṉle to gaṉle pa lotaa rquiin zed, per teḻne nzhida, ¿pa dieṉ rquiina? ¡Lëë gdib rliaaḻa lo guizh, zaatne rded rzë miech rzëëni zhow! |
23321 | MAT 5:18 | Gneli naa lo to gaṉle: Laga niaa guidzliu rii, laga niaa gbaa, ib none gac miṉe zhobnee lo ley, miṉe bneegaa zha ne biadteed xtiidz Dios, ni tib lë paat gdzëëda. |
23324 | MAT 5:21 | ’Led naṉle to gaṉle, no tib ley ne biaaṉ lo xmeṉgol to padzeela, rneew: “Gute luu samiech luu”; rnabeya zha ne gut samiech, ib none guetaque zho, quizhgazh zho doḻ co. |
23333 | MAT 5:30 | Laa teḻ niagaa tow, miṉe rquiaqui ruṉctal to xtoḻ to, niicle teḻ nia derech tow, goḻchuggazha. Peet nacd nitlo tib nia to, lëdle nitlo to leṉ gabiḻ dib nacse xcuerp to. |
23361 | MAT 6:10 | Luu nac meṉ ne gnabey no, miṉe gnabeytaa luu zigne raca gbaa, scaque none gaca lo guidzliu nu. |
23364 | MAT 6:13 | Gdeete luu diidz yquiil meṉdox no, beeṉ guieḻnzaac bla no lo ma. Luu nac meṉ ne rnabey, meṉ ne rap poder, meṉ ne mazdraa nroob. Miṉe rnab no nu, ndioṉpaa no zuṉ luuw. |
23374 | MAT 6:23 | Laa teḻne loxaque lo grë ncuaaṉe nonguieḻd rwi to, dzigo gdipse xcuerp to no lo guieḻcow ga. ¡Zha rnazhe lo guieḻcow co, teḻ lëëque biini noyac guieḻcow! |
23388 | MAT 7:3 | ’¡Lëda ga goṉ tso to lozhd gzee zdoo to dieṉ cho pe ruṉ, ni nenda mazdraa miṉe ruṉ to! |
23396 | MAT 7:11 | Led rioxco to lëë niapse ncuaaṉe wen rdeed to lo xpëëd to, niicle ne miech ntseeb nac to. Teḻne sca rioxco to xpëëd to, peleḻ Pxoz to dzigo, meṉ ne zob gbaa, tsoxcod me to. Ib tedsod grëse zha ne gnab lo me gdeed me ncuaaṉe rquiin zho, zdeed mew. |
23411 | MAT 7:26 | ’Laa grë zha ne rquiaadiag xtidz naa, ni rioxcod zho gban zhow zigne naca, ziaad gac zho ga zig tib zha nxen ne güeyzoob lidz zaatne nac tib lo yuzh. |
23415 | MAT 8:1 | Laa Jesús ziad-zëëb cho gui win co, miech guizhiu ne naḻ zhits me, |
23419 | MAT 8:5 | Loxaque bdziṉ Jesús guiedz Capernaum, laa tib meṉ ne rnabey lo xmeṉguiib zha Roma bdziṉle lo me, rnab meṉ co guṉguiac Jesús tib zha ne quia xtsiiṉ me, rëb me: |
23424 | MAT 8:10 | Zeeṉe goṉ Jesús sca rnee meṉ co, rley me, rëb me lo grë zha ne zienaḻ zhits me ga: ―Lo grë zha Israel, gard goṉ gaṉ naa tib zha ne squitaa dib zdoo rnalo Dios. |
23426 | MAT 8:12 | Laa grë zha Israel, niicle nac zho zha ne nac diidz gdziṉ ga, leḻ lo ncow nëz ley guiaaṉ zho, ga tso zho goonnë zho, haxta gow lay zho lo guieḻnëdox co. |
23428 | MAT 8:14 | Laa zeeṉe bdziṉ Jesús lidz Pedr, goṉ me laa xniadzoop Pedr nix rlan xlëë. |
23438 | MAT 8:24 | Laa zho zie lo nis co, tibaque zeeṉe psilo briee tib medox, masaque rlis me lo nis co, laaw psilo rzëëb leṉ barcw. Dzigo lëëlëd güey zho güeycuaan zho me, sac lëëtaque nixguies me. ―Ligier gaṉle ―rëb zho―, blee mcaaḻ lo luu. ¡Bui gaṉle laa ne nitlo lo nis rii, csaand luu guet ne nu! |
23442 | MAT 8:28 | Laa zho bdziṉdze stib nëz ro nisdoo co, zaatne nac xtan zha Gadar, zeeṉe brieequia chop mgui ne nosacsi meṉdox, bdziṉ lo Jesús ga. Zha ntseeba, rdzieb miech zho, choot rdete nëz co. Leṉ baa briee grop mgui co bdziṉ zho ga, |
23450 | MAT 9:2 | Zhisaque goc bdziṉ me, laa zho bdziṉniele tib meṉ rzacnë lo me, dipse meṉ co gutoo, ib gacd së me. Lo yag zhoob me bdziṉnie zho me ga. Zeeṉe goṉ Jesús dib zdoo grë zha co rnalo zho ne me guṉguiac meṉ rzacnë co, rëbchaa me lo meṉ rzacnë co: ―¡Nley bloo zdoo luu xin! ¡Laa naa beṉle perdon grëse xtoḻ luu! |
23452 | MAT 9:4 | Bieṉga Jesús sca rza zdoo zho, dzigo rëbchaa me: ―Lëda i goṉ squi rza zdoo to. |
23453 | MAT 9:5 | Nli ngaṉda guiab ne lo miech: “Laa naa beṉle perdon grëse xtoḻ luu”; per grieelod lega guiab ne laa ne guṉguiac zho. |
23461 | MAT 9:13 | Goḻsoladz gaṉle znu rnee Dios: “Laa naa racladz gacndooladz miech, yquia zdoo zho samiech zho, racladzdaxe naa waa guiaad zho dieeṉ peraa guiaadlogon zho lo naa.” Mazd gaṉle goḻtsie, tsow goḻsob goḻguieṉ dieṉ zha nacne sca rnee me. Teḻ naa, ziaḻguibd naa miech wen, sinque laa naa ziaḻguib grë zha ngoopdoḻ. |
23466 | MAT 9:18 | Lëëtaaque sca quianee Jesús lo xpëëdscuel Juan Bautist, zeeṉe bdziṉ tib mgui ne nac zha non yadoo. Zigne bdziṉ me pquiitsgzhib me lo Jesús, rëb me: ―Beeṉ tib guieḻnzaac së luu guio ne lidz naa. Laa tib xpëdwnaa naa blozh niina, per naṉpaa naa teḻne cxobnia luu guic win, zbeeban luu win. |
23468 | MAT 9:20 | Lad grë miech ne zienaḻ ga, lad co no tib meṉ wnaa, gocle tsiipchop iz rlan me tib guieḻguidz, rzac me zigne rzac grë meṉ wnaa gzob mëë, tibaque rlan mew ib rbëzda. Ga zie me, zeeṉe wbig me nëz zhits Jesús, bzheṉ me ro lar ne mbix Jesús, |
23470 | MAT 9:22 | Dzigo wbire lo Jesús, dze bui Jesús lo me. ―Xin ―rëb Jesús―, peet tsienied guic luu. Laa luu biac sacne bliladz luu naa. Gataa laa wnaa co biac lo guieḻguidz co. |
23471 | MAT 9:23 | Laa zeeṉe bdziṉ Jesús lidz meṉ rnabey co, laa zha ne rooḻ ndxiele, noquiaa zho grë di ne rac lo ngutoo, grëraa zha ne ndxie ga, nguiedz zëëb tsi zho roon zho, tib ruid ne rac. |
23480 | MAT 9:32 | Loxaque wbi grop zha ne biac lo ga, laa bla zho bdziṉlaque, bdziṉnie zho tib meṉ ne nosacsi meṉdox, psaṉngop ma meṉ co. |
23482 | MAT 9:34 | Laa grë zha farisé rnee: ―Ma ne rnabey lo meṉdox nacnie meṉ qui, gane rrieelo ruṉcxooṉ me meṉdox. |
23488 | MAT 10:2 | Znu lë gza tsiipchop zha co: Simón (zha ne rneeque zho Pedr), Ndrés (bets Simón), Jacob ni Juan (zha co nac xingan Zebedé), Lip, Bartol, Mazh, Matew (zha ne ptop dimi ne razh lo zha Roma), Jacob (xingan Alfé), Lebeo (zha ne rneeque zho Tadé), Simón (zha ne no lo partid ne racladz griee zha Roma Israel), ni Judas Iscariot (zha ne güeyto Jesús). |
23504 | MAT 10:18 | haxta ziezo zho to lo grëraa zha nroob ne rnabey. Laa zho guṉa, loxaque ne nac to zha ne no xnëz naa, ni gagaa nagoṉ gdeeda diidz gnee to xtidz naa lo grë zha co, ni lo grëragaa miech ne nacd zha Israel. |
23506 | MAT 10:20 | Led tod gnee, sinque, ¡zhiEspíritu Pxoz to meṉ ne zob gbaa, meṉ co gnee ga! |
23520 | MAT 10:34 | ’¡Guiabde to togo laa naa ziaḻ loxaque par cuiṉ wense miech! Lëda goṉ, ye ziaḻ naa ziaḻguṉctiḻ naa zho. |
23522 | MAT 10:36 | ¡Lëëque meṉlidz miech gac zha ne glëë gaṉ zho! |
23530 | MAT 11:2 | Leṉ dze co no Juan Bautist ladzguiib, ga no Juan bin Juan zha nactaa grë milagr ne ruṉ Jesús, dzigo pxeeḻ Juan bla xpëëdscuel Juan güeynabdiidz zho lo me, dieṉ pe lëële Meṉ ne zëëble diidz cxeeḻ Dios lo guidzliu ga nac me, te dzigoraa gdziṉ meṉ co ye. |
23542 | MAT 11:14 | Juan goṉ biaad niina zig no diidz guiaad Lí; goḻgacnaṉ sca gaṉle cho nac me. |
23544 | MAT 11:16 | ’Nac grë miech rii, rieṉd zho pe racladz zho. ¿Cho gaṉle ruṉ zig ruṉ zho? Lëë zho ruṉ miṉe ruṉ mëëdlas ne rio wguit ro nëz, niicle rooḻ xcompañer win di nguieeḻ rieed win, niicle rooḻgaa zho di ngan, roond win. |
23559 | MAT 12:1 | Leṉ dze coquew, tib dze lëëtaque dze ne rdziiladz zha Israel lo dziina, bded Jesús zaatne zëëb zhobxtil grë xpëëdscuel me. Ga zie zho rcaabedz zho, dzigo psilo zho ptop zho mzion co dow zho zhobxtil co. |
23560 | MAT 12:2 | Goṉ bla zha farisew, dzigo rëb zho: ―¡Lëda i goṉ noyuṉ to, noguiits to ley i! Goḻguieṉ gaṉle dze nda nac dze rii. |
23563 | MAT 12:5 | Lo xley Moisés name zhobnee gaṉle zha haxta dze ne rdziiladz to lo dziin ruṉ grë pxoz dziin leṉ yadoo, ni rneeda doḻ ga sca ruṉ zho. |
23568 | MAT 12:10 | Lad grë miech ne ndxie leṉ yadoo co, no tib mgui ne mband tib nia; porque laa zha farisé bnabdiidzlaque lo me dieṉ pe nonguieḻa guṉguiac me miech dze ne rdziiladz zho lo dziin. Sca bnabdiidz zho, sac quiaguib zho dieṉ pe yquiaaqui zho me tsiezo zho me lo wxtis. |
23576 | MAT 12:18 | Lëë meṉ rii bzooblo naa guṉ xtsiṉ naa, rleynie naa me, rzac zdoo naa grë ncuaaṉe ruṉ me. Zded naa zhiEspíritu naa gacnie me, me nac meṉ ne cxobneṉ xtidz naa lo grëse miech. |
23604 | MAT 12:46 | Laa me bii noneeque, zeeṉe laa xniaa me ni zha bets me bdziṉ, racladz zho gzodiidznie zho me. Per brieelod nzëëb zho haxta leṉ yu, sac scataa miech guizhiu ne ndxie lo me ga. |
23605 | MAT 12:47 | Dzigo rëb tib zho lo me: ―Laa xniaa luu goṉ ni zha bets luu quiambëz luu nëz ley, racladz zho gzodiidznie zho luu. |
23611 | MAT 13:3 | Ndal grë ncuaaṉe pseed me zho, per niapse con cuent rnee mew lo zho. Lëë tib cuent ne bzodiidz me ga nu, rëb me: ―Tib zha name güey gon zhobxtil. Zeeṉe laa zho quialaaḻ zhob co, now bliaaḻ gax ro nëz, now bliaaḻ lad quie, now bliaaḻ leṉ yag guiets. Miṉe bliaaḻ gax ro nëz ga, güey grë mguiṉ znuse dow maw. |
23622 | MAT 13:14 | Lëë miṉe nac zho i bzeet Isá, zeeṉe znu rëb me: Nac miech qui, niicle peraa ron zho, per peet rieṉd zho; niicle rwiraa zho, per peet raṉd zho. |
23628 | MAT 13:20 | Lad quie ne bliaaḻ spalal zhob co, sca nac grë zha ne rley rcaania Xtiidz Dios; |
23631 | MAT 13:23 | Laa liu naaḻ ne bliaaḻ miṉe scataa goc ga, sca nac grë zha ne dib zdoo rquiaadiag Xtiidz Dios, rieṉ zho zha naca, ni rban zhow zigne rnabeya. Rrieequia grë ncuaaṉe ruṉ zho, no zho nac zig mzion ne briee gaḻptsii zhob ga, no zho nac zig miṉe briee tsoṉgaḻa, nogaa zho nac zig miṉe briee tib gayoow ga. |
23646 | MAT 13:38 | Liu ne bniaaw ga, nac lo guidzliu, zhobxtil co nac grë miech ne nole xnëz Dios, laa guizh ncuaan co nac grë zha ne no ladznia meṉdox. |
23651 | MAT 13:43 | Laa grë zha ne güeynaḻ miṉe nac diidzli, zha co gdziṉ zaatne rnabey Pxoz naa, masaque zig xbiini ngbidz glu zho ga. ¡Zha ne racladz guieṉa yquiaadiag zhow! |
23663 | MAT 13:55 | Tib zhinse ngurëëyag name nac me. Led lëë xingan Marí i, bets me name nac Jacob, nac José, nac Simón ni Judas; |
23667 | MAT 14:1 | Leṉ dze co bin rey Herod (meṉ ne rnabey Galilé) grë ncuaaṉe ruṉ Jesús, sac teḻ pa lotaaw zëëb xtiidz me; |
23670 | MAT 14:4 | loxaque ne rnee Juan lo me nonguieḻda ga lëëque Herodí ptsieelnia me, sac tsieelpaa bets me Lip nac Herodí. |
23672 | MAT 14:6 | Laa tibtaa dzew, lëëtaque noyac zhilni Herod dze ne bloozh me stib iz, bded tib xindzoop Herodí squi ndxie grë zha ne zobnie me psilo ndzoop biee ndzoop. Bdziladz me goṉ me zha biee ndzoop, |
23680 | MAT 14:14 | Laa me noyet leṉ barcw, zeeṉe blis lo me goṉ me laa grë miech guizhiu co ndxiele ga; pquia zdoo me zho, beeṉguiac me grë mguidz ne zienie zho. |
23681 | MAT 14:15 | Laa dze ziedzelew, wbig xpëëdscuel me rëb zho lo me: ―Mazd gudz lo grë miech qui guey zho na, zeeṉa guiob tsie zho grë guiedz win ne ndxie gax i tsiesi zho ncuaaṉe gow zho; sac goṉ laa dze bdzele. |
23694 | MAT 14:28 | Pquiab Pedr rëb Pedr: ―Teḻne luu i ziaad i, bneedz diidz së naa lo nis glanso naa lo luu i. ―¡Dë sca! ―rëb me. Lëëlëd biet Pedr leṉ barcw, laa Pedr ziezële lo nis co |
23706 | MAT 15:4 | Led znu goṉ rnee lo xley Dios: “Goṉ pxoz luu, goṉ xniaa luu”, ni rneew: “Zha ne quie pxoz, quiegaa zho xniaa zho, ib none guet zho.” |
23707 | MAT 15:5 | Laa to goṉ rnee to: “Peet nacda guṉd zho xyudar xmeṉgol zho niicle no me liaadz, totsaque gdeed zho gon.” |
23709 | MAT 15:7 | ¡Loxaque guieḻwquidie qui no to! Rquiaalo to miech wen nac to, per lëëpaa miṉe ruṉ to i ga bzeet Isá zeeṉe rëb me: |
23747 | MAT 16:6 | Lega nacle psilo me nonee me lo zho, rëb me: ―Goḻguieṉ goṉ, napaa noyab to lo zhincobi zha farisé, lo zhincobigaa zha saducé. |
23755 | MAT 16:14 | Pquiab zho rëb zho: ―No zho rnee Juan Bautista, no zho rnee Líw, no zho rnee Jeremíw, meṉ ne biadteed xtiidz Dios padzeela; nogaa zho rnee no cho stib meṉ ne ziadteed xtiidz Diosa zig biaad zha ne biaad padzeela. |
23757 | MAT 16:16 | Pquiab Pedr, rëb Pedr: ―¡Luu nac Meṉ ne zëëble diidz ga cxeeḻ Dios! ¡Xpëëd Dios nac luu! |
23760 | MAT 16:19 | Laa naa rzo luu, luu gnee Xtidz naa lo miech zeeṉa gacnaṉ zho zha grieelo ygaa zho zaatne rnabey Dios; luu gac zig tib zha ne rey liow, teḻ zha cow, zha zac cxal ro yu, ni zha zac csiooga. |
23762 | MAT 16:21 | Leṉ dze co psilo Jesús bzeet me lo xpëëdscuel me zha csacsi miech me. Rëb me nroob ncuaaṉe cteed zho me, zeeṉe laa me tsie Jerusalén; grë zha non lo meṉguiedz, grë pxoz ne rnabey, grë maistr ley, ible stsidiḻ zho me ni haxta zut zho me; per zeeṉe gac tsoṉ ngbidz gut me, laa me grieeban. |
23764 | MAT 16:23 | Zeeṉe bin mew, zoque Pedr ga, biecw me rëb me: ―¡Biche lo naa nu meṉdox! ¡Loxaque no luu par guṉgüet luu naa! Zienied guic luu miṉe rnabey Dios, sinque miṉe rleynie miech, miṉ co zienie guic luu. |
23772 | MAT 17:3 | Tibaque zeeṉe goṉ zho laa Moisés ni Lí meṉ ne biadteed xtiidz Dios padzeela, nozodiidznie me. |
23773 | MAT 17:4 | Rdzieb zho, lo dzeb co briee ro Pedr rëb Pedr: ―Maestro, ¡tebaa zha grieelo guiaaṉ ne nu! Teḻne racladz luu, na maase gzaa no tsoṉ yu yag xiid nu, tiba cuëz luu, tiba cuëz Moisés, stiba cuëz Lí. |
23774 | MAT 17:5 | Scaque nonee Pedr, zeeṉe znuse pquia tib xcow ngali zaatne zo zho ga, masaque biini ne rroṉ xcow co, lo xcow co bin zho zëëb tsi tib meṉ co, rnee me: ―Lëë xpëëd naa i goṉ, rleynie naa me, rzac zdoo naa miṉe quiayuṉ me. Miṉe rnee me, goḻgona. |
23779 | MAT 17:10 | Dzigo bnabdiidz zho lo me, rëb zho: ―¿Bay zha nacne rnee maistr ley, glo Lí no guiaad stib, dzigoraa guiaad Meṉ ne zëëble diidz ga cxeeḻ Dios? |
23780 | MAT 17:11 | Rëbchaa me: ―Nliw, ible nacle diidz ne glo Lí guiadseed miech gon zho xtiidz Dios. |
23783 | MAT 17:14 | Zeeṉe blozh biet zho cho gui co, goṉ zho miech guizhiu ndxie ga quiambëz Jesús. Lad co briee tib mgui, wbig me lo Jesús, pquiitsgzhib me lo Jesús, rëb me: |
23784 | MAT 17:15 | ―Laa naa rnab lo luu, bzhiguieḻ beeṉguiac xpëëd naa, nrooble nosacsi guidz gutye win. Blactaa ziyobe win lo gui, ziyobe win lo nis ne. |
23797 | MAT 18:1 | Leṉ dze co bnabdiidz xpëëdscuel Jesús lo me, dieṉ cho tib zho gac zha ne mazdraa gacnon lo grë zha ne no xnëz Dios. |