23216	MAT 1:3	Judá goc pxoz Far ni Zar (Tamar brieelë tsieel Judá), Far goc pxoz Srom, Srom goc pxoz Aram.
23230	MAT 1:17	Zig choopchop bdziṉ lo dii co, dzigoraa brieequia Jesús. Tsiida zho wban desde Abraham haxta David; stsiida zho wban desde Salomón haxta leṉ dze ne bey zho Babiloin; stsiida zho wban desde leṉ dze co haxta bdziṉ dze ne goc me mëëd.
23239	MAT 2:1	Tib guiedz win ne ndxie xtan Judé lë Belén, ga gol Jesús. Lëëtse leṉ dze co zob meṉ ne lë Herod nac me rey ne rnabey dan co. Goc palal dzew, laa bla zha ne ruṉbey lo mel ziaad nëz ne rlan ngbidz bdziṉ Jerusalén,
23244	MAT 2:6	Teḻ Belén, niicle ne winraaw lo grë guiedz ne ngab Judé, per nroob nona; sac goṉ ga grieequia tib meṉ ne gnabey, meṉ ne so yquiaanap grë meṉ Israel, ne nac zho zha ne ngab lo naa.
23254	MAT 2:16	Laa zeeṉe goṉ Herod wbiredraa gza meṉ rac co nienie zho diidz lo me, per nli blëë me. Ntseeb rac me, pxeeḻ me zha ne güey Belén ni grëraa guiedz ne ndxie gax ga, güeygut zho grëse mëëdbgui yeeṉ ne no grë guiedz co, desde win ne golnëz, haxta win ne rap chop iz. Tibaque naṉ me sca ngaa mëdyeeṉ ne nac Jesús ga niet win, sac blee me cuent zhile gac chop iz psilo goṉ gza zha rac co blan mel co.
23256	MAT 2:18	Tib redz nroob ne zëëb leṉ guiedz Ramá. Grë wnaa Judá, zha ne ziaad lo xtii Raquel, mbanse rac zho, roon zho no zho xquieḻnë xpëëd zho; zha rna zha ne cchoobladz zdoo zho, sac laa xpëëd zho gut.
23281	MAT 4:3	hor co bdziṉ meṉdox zaatne no me ga, rëb ma: ―Teḻne nli Xpëëd Dios nac luu, bnabey tsaalo grë quie rii ncuaaṉe gow luu.
23284	MAT 4:6	rëb ma lo me: ―Teḻne nli Xpëëd Dios nac luu, briṉgaa nu, beṉque led znu zhobnee lo Xtiidz Dios: “Znabey Dios grë xanjl me yquiaanap luu, zha queedz luu, zeeṉa ni tib quie ycaaṉd ni luu.”
23302	MAT 4:24	Teḻ pa lotaaw zëëb diidz scataa ruṉ me grë milagr, haxta nëz Siria bin miecha. Nzian grë meṉ co briee ga bdziṉnie zho grë zhimguidz zho lo me: no grë meṉ rzacnë co noguitnie meṉdox, no zho rlan guieḻguidz gutye, no zho gutoo dipse xcuerp, no zho rlan grë pe stib guieḻguidz, nogaa zho rlan grë pe yoob; grëse zho beeṉguiac me zho.
23304	MAT 5:1	Tib dzew, goṉ Jesús laa grë miech guizhiu co bdziṉ lo me, dzigo bzoquia me glaa tib guic gui win. Ga zob me, bdziṉ grë xpëëdscuel me lo me,
23341	MAT 5:38	’No stib ley znu rnee: “Teḻ cuee zho tib bziaalo luu, guiaaṉd luu scase bleeque stib bziaalo zho, teḻ cueegaa zho tib lay luu, scaque beeṉ blee stib lay zho.”
23342	MAT 5:39	Saṉgue naa laa naa rso diidz lo to goṉ, guṉscade to; zha ne gacntseeb lo to, gacndaande to lo zho. Teḻ cap zho lo to, tiblise goḻgac, ib guṉde to glisaque nia to.
23349	MAT 5:46	¡Gase nasca goḻwi! Teḻ loxaque zha ne ndzieeldiidz to zha cose rleynie to, ¿niacxe zgaa to guieḻnzaac ne gdeed Dios? Haxta zha ne mazdraa ntseeb ruṉ miṉ co.
23350	MAT 5:47	Teḻ loxaque zha ne nacse meṉlidz to, lo zha cose zaacse rnee to, ¿pe lëë guieḻwen ga na rlu to? Haxta zha ne ruṉbeyd Dios ruṉ miṉ co.
23352	MAT 6:1	’Zeeṉe guṉ to xyudar samiech to, ib guṉde to zaatne ndxiepaa miech ga so to glu to xquieḻwen to, par gaṉ zho miṉe ruṉ to. Teḻne sca guṉ to, ygaade to guieḻnzaac ne gdeed Pxoz to meṉ ne zob gbaa.
23370	MAT 6:19	’Tsienaḻde to loxaque dieṉ zha gapcheṉ to lo guidzliu rii, sac nac ncuaaṉ lo guidzliu rii rban ngbaana, rnitlo mxiḻa, haxta noxtseeb guioochena.
23373	MAT 6:22	’Rrieequia nac bziaalo to zig nac tib biini. Teḻne niapse lo grë ncuaaṉe ndzinli rwi to, dzigo gdipse xcuerp to no lo guieḻbiini.
23376	MAT 6:25	’Gacxe waa, gni naa lo to gaṉle: Tsode to zhgab dieṉ zha gban to lo guidzliu rii, pa griee pe gow to, pe guie to, pe gacwxabgaa to. Stiba, ¿niacxe mazdraa non guieḻwagw lo xquieḻmban to? Xabgaa tow, ¿niacxe mazdraa nona lo xcuerp to?
23377	MAT 6:26	Goḻwi lo grë mguiṉ gaṉle, led yed ma rquia gon, led yed ma rquia wlaap, led yed ma rgotsow pe guieḻgon, per row ma, sac Pxoz to meṉ ne zob gbaa, meṉ co rdeed ncuaaṉe row ma. ¡Teḻ to goṉ, mazdraa non to lo grë mguiṉ co!
23378	MAT 6:27	Ni lalnu paat rquiinda tant tso to zhgab. Teḻne guiab to tso to zhgab dieṉ zha gacnool xtse to spalal yeeṉse, ¿niacxe zrieelo to guṉnool tow?
23382	MAT 6:31	’Tsode to zhgab sca guiab to: “¿Bay pa griee pe dioow ne, pa griee pe dio ne, pa griee pe dziaacwxab ne?”
23385	MAT 6:34	Goḻguieṉ sca tsode to zhgab dieṉ zha ted to gzhe widz, sac gzhe widz co zhaalaque xco ne ziaad. Tib tib dze zhaase zhaase zhgab ne ziaadniew.
23396	MAT 7:11	Led rioxco to lëë niapse ncuaaṉe wen rdeed to lo xpëëd to, niicle ne miech ntseeb nac to. Teḻne sca rioxco to xpëëd to, peleḻ Pxoz to dzigo, meṉ ne zob gbaa, tsoxcod me to. Ib tedsod grëse zha ne gnab lo me gdeed me ncuaaṉe rquiin zho, zdeed mew.
23402	MAT 7:17	Tib tib yag nex rdeedsew xnexa. Tib yag wen, nex wen rquia low; scagaa yag ncuaana, nex ncuaan rquia low.
23416	MAT 8:2	tibaque brieequia tib mgui ne rlan guiedzdox ne lë lepr, wbig me pquiitsgzhib me lo Jesús, rëb me: ―Tebaa siguieeḻ luu guṉguiac luu naa.
23444	MAT 8:30	Zitlaaque ga ndxie tib dzoon nguts notop lag, dzigo bnab grë meṉdox co lo Jesús rëb ma: ―Teḻne cuee luu no nu, bzhiguieḻ bneedz diidz lose grë nguts qui gdziiṉ no.
23461	MAT 9:13	Goḻsoladz gaṉle znu rnee Dios: “Laa naa racladz gacndooladz miech, yquia zdoo zho samiech zho, racladzdaxe naa waa guiaad zho dieeṉ peraa guiaadlogon zho lo naa.” Mazd gaṉle goḻtsie, tsow goḻsob goḻguieṉ dieṉ zha nacne sca rnee me. Teḻ naa, ziaḻguibd naa miech wen, sinque laa naa ziaḻguib grë zha ngoopdoḻ.
23485	MAT 9:37	Tib vuelt haxta rëb me lo xpëëdscuel me: ―Goḻnab lo Dios cxeeḻraa me zha ne guṉ xtsiiṉ me. Goḻwi gaṉle pe zhidaa grë miech qui, quiambëz zho dieṉ cho gnee Xtiidz Dios lo zho. Masaque nac zho niina, zig tib guieḻgon ne goḻle gliaap.
23488	MAT 10:2	Znu lë gza tsiipchop zha co: Simón (zha ne rneeque zho Pedr), Ndrés (bets Simón), Jacob ni Juan (zha co nac xingan Zebedé), Lip, Bartol, Mazh, Matew (zha ne ptop dimi ne razh lo zha Roma), Jacob (xingan Alfé), Lebeo (zha ne rneeque zho Tadé), Simón (zha ne no lo partid ne racladz griee zha Roma Israel), ni Judas Iscariot (zha ne güeyto Jesús).
23499	MAT 10:13	goḻnab guṉlay Dios zho. Teḻne wen gac zho lo to, zuṉlay me zho, togo guṉcasdgaa zho to, dzigo toque guṉlay me.
23508	MAT 10:22	Teḻ to, guiets yag gaṉ miech to, per teḻne dziits so to teḻ pe nactaa lo guieḻnë ne ted to, ib zgaa to tib guieḻmban ndzon ne gdziṉdraa dze lozh.
23511	MAT 10:25	Teḻ zha guṉ miech maistr, scaque guṉ zho mëëdscuel; teḻ pe cteed zho bizhuan dziin, miṉcoque cteed zho zha ne quia dziin. Gacxe waa peet tsienied guic to, teḻ pe nactaa ncuaaṉe gnee miech to, sac goṉ niicxe naa name ne nac naa Dad, meṉdox rnee zho nac naa.
23514	MAT 10:28	Gdziebde to miech, goḻguieṉ gaṉle no tib meṉ nroobraa, lëë meṉ co nac Dios. Teḻ miecha, loxaque cuerpse zrieelo zho csacsi zho, saṉgue Dios, zrieelo me gnitlo me miech dib xcuerp zho, dib xalm zho leṉ gabiḻ.
23549	MAT 11:21	―¡Probsaxe grë meṉ guiedz Corazín, grë meṉ guiedz Betsaid! Sac goṉ goṉpaa zho grë poder ne rap Dios, per ib psaand zho xquieḻntseeb zho. Teḻ niaca miṉe niaṉ grë meṉ guiedz Tiro, grë meṉ guiedz Sidón, grë milagr ne goṉ zho beṉ naa, ib ndedsod mban niac grë zha co nio zho guieḻnë, zëëb nsaan zho xquieḻntseeb zho, mbig zho lo Dios.
23550	MAT 11:22	Gacnaṉ zha Corazín, gacnaṉ zha Betsaid sca gaṉle, gaḻ dze ne guṉ Dios guieḻwxtis, lëëtaa caxtigw ne ygaa zha Tiro ni zha Sidón, mazdraa miṉe ygaa zho.
23565	MAT 12:7	’Rnee Dios lo Xtiidz me, quiambëzd me dieṉ peraa guṉ miech, dieṉ peraa cogon zho lo me, sinque miṉe racladz me guieṉ zho yquia zdoo zho samiech zho. Teḻ niaca miṉe nli rieṉ to miṉ co, zieṉ to gdziibdoḻde to zha ne rapd doḻ.
23569	MAT 12:11	Dzigo pquiab me rëb me lo zho: ―Togase dieṉ, zha ruṉ to zeeṉe lëëtse dze rii rietsobe tib xpëcwxiil to tib leṉ blë nroob, ¿led zëëb lëë rie to riebee to ma?
23570	MAT 12:12	Teḻ sca rquia zdoo to mëcwxiil, ¡goḻguieṉ gaṉle mazdraa goṉ non miech lo tib mëcwxiil! Gacxe waa ible nonguieḻa guṉ ne xyudar samiech ne, niicle maase dze nda nac dze co.
23577	MAT 12:19	Tiḻnied me miech, sedzd yaṉ me lo zho, sod me ro nëz goptsie me.
23583	MAT 12:25	Bieṉ Jesús sca rza guic zho, dzigo rëbchaa me lo zho: ―¡Ncuaaṉe gacd goṉ rnee to! Teḻ tib wxtis nadieṉ lëëque zha ne nacnie zho csilo tiḻnie zho, ¿niacxe zac gnabey zho? Tib guiedza, teḻ lëëque zha guiedz co tiḻnie meṉladz zho, led znuse lozh guiedz co; tib diigaa miecha, teḻ lëëque zha tiḻnie meṉlidz zho, ¿niacxe nitlod dii co?
23588	MAT 12:30	Teḻ meṉdoxa rlëënie ma naa, ni naṉle to gaṉle zha ne rlëë lo ne, gacnied zho ne.
23591	MAT 12:33	’Naṉle to gaṉle zig nac yag nex, miṉe nac yag, miṉ co nac nex ne rdeeda. Teḻ yag wena nex wen rquia low, togo yag ncuaangaaw, nex ncuaanaque rquia low.
23596	MAT 12:38	Tib dze wbig zla zha farisé lo Jesús gza zho zla maistr ley, rëb zho lo me: ―Maestro, racladz no dziaṉ no guṉ luu tib milagr, milagr ne glu nli Dios pxeeḻ luu.
23601	MAT 12:43	’Teḻne csaande to xquieḻntseeb to i goṉ, low lozh to. Sac to zig bzhaac tib zha ne psacsi meṉdox. Zeeṉe briee ma zdoo zho, güey ma güeyquianzë ma grë dan zit güeyguib ma dieṉ pa cuëz ma. Goṉse ma rdzield zaatne cuëz ma,
23611	MAT 13:3	Ndal grë ncuaaṉe pseed me zho, per niapse con cuent rnee mew lo zho. Lëë tib cuent ne bzodiidz me ga nu, rëb me: ―Tib zha name güey gon zhobxtil. Zeeṉe laa zho quialaaḻ zhob co, now bliaaḻ gax ro nëz, now bliaaḻ lad quie, now bliaaḻ leṉ yag guiets. Miṉe bliaaḻ gax ro nëz ga, güey grë mguiṉ znuse dow maw.
23619	MAT 13:11	Pquiab me rëb me: ―Teḻ to, Dioszhal rlu lo to zha rnabey me, niicle ncuaaṉe mazdraa ngueetsa; laa grëraa miech ne gard gbig lo me, grieelod guieṉ zhow.
23635	MAT 13:27	Grë zha ne quia xtsiiṉ me, zeeṉe goṉ zhow güey zho rëb zho lo me: “Tebaa gaṉ luu gaṉle, dipse lad xoob luu zëëb guizh ncuaan, ¿dieeṉ pa brieew gocbniw ga?”
23637	MAT 13:29	rëb me lo zho: “Tsielaadzde tow, sac teḻ glaadz tow niina ye zhobxtil gliaadzniew.
23660	MAT 13:52	Dzigo rëbchaa me: ―Tib zha ne rieṉle zha nac grë ley ne psaṉ Moisés, ni squi guieṉ zho zha nac zhiwseed Dios miṉe ziaḻnie naa niina, masaque nac zho zig tib zha gol ne quianie chop lo ncuaaṉ non lidz zho, quianie zho grë miṉ gol-le ni quianiequegaa zho miṉ cub.
23663	MAT 13:55	Tib zhinse ngurëëyag name nac me. Led lëë xingan Marí i, bets me name nac Jacob, nac José, nac Simón ni Judas;
23682	MAT 14:16	Pquiab me rëb me lo zho: ―¿Pe nacne guey zho squise? To none gdeed ncuaaṉe gow zho.
23692	MAT 14:26	Zeeṉe goṉ zho laa meṉ co sca ziaad-zë lo nis co, bdzieb zho, broptsie zho rnee zho: ―¡Tib ndziin i goṉ ziaad i!
23694	MAT 14:28	Pquiab Pedr rëb Pedr: ―Teḻne luu i ziaad i, bneedz diidz së naa lo nis glanso naa lo luu i. ―¡Dë sca! ―rëb me. Lëëlëd biet Pedr leṉ barcw, laa Pedr ziezële lo nis co
23696	MAT 14:30	zeeṉe goṉ Pedr scataa rlis me low, bdzieb Pedr. Tibaque zeeṉe bieṉ Pedr laa Pedr nodedquiele low, hor co broptsiedan Pedr, rbedz Pedr me, tsiebee me Pedr ga.
23703	MAT 15:1	Tib dze, bdziṉ bla zha farisé ni zla maistr ley ne ziaad nëz Jerusalén, lo Jesús; rëb zho lo me:
23705	MAT 15:3	Pquiab me rëb me lo zho: ―¿To waa, pe nacne quiaguiits to xley Dios? Goḻguieṉ gaṉle laa ne guṉ to miṉe rnabey Dios zigne naca, leḻ ncuaaṉe blu xmeṉgol to, miṉ co zienaḻ to.
23708	MAT 15:6	Tib lad rsaṉ to xley Dios, miṉe blu xmeṉgol to miṉ co noxcoraa to.
23723	MAT 15:21	Ga briee Jesús, güey me haxta nëz Tiro ni nëz Sidón.
23731	MAT 15:29	Nëz co wbi Jesús bdziṉ me ro Nisdoo Galilé. Ro nis co no me, miech guizhiu ne pcaalsa lo me. Tib dze goṉ me scataa nzian miech co, dzigo güey me güeysob me tib guic gui win zob gax ga.
23734	MAT 15:32	Dzigo bredz me xpëëdscuel me rëb me lo zho: ―Rquia zdoo naa grë miech rii. Nadzele rac tsoṉ ngbidz blanso zho lo ne nu, ni na quianiedraa zho pe gow zho. Teḻne squise gzonëz naa zho, nend pa lo zie zho nëz ycow zho.
23756	MAT 16:15	Dzigo rëb me lo zho: ―¿To waa? ¿Cho rzac to nac naa?
23772	MAT 17:3	Tibaque zeeṉe goṉ zho laa Moisés ni Lí meṉ ne biadteed xtiidz Dios padzeela, nozodiidznie me.
23773	MAT 17:4	Rdzieb zho, lo dzeb co briee ro Pedr rëb Pedr: ―Maestro, ¡tebaa zha grieelo guiaaṉ ne nu! Teḻne racladz luu, na maase gzaa no tsoṉ yu yag xiid nu, tiba cuëz luu, tiba cuëz Moisés, stiba cuëz Lí.
23789	MAT 17:20	Dzigo rëbchaa me: ―Brieelode to niuṉcxooṉ to ma, sacne rnalode to Dios. Teḻ niaca miṉe rnalole to Dios siquier palal yeeṉ, gzoob ne siquier lal tib midz moxtaz, niicxe ncuaaṉe mazdraa ngaṉ gnab to lo me, zuṉ mew; tsod ncuaaṉe grieelod guṉ to.
23808	MAT 18:12	’Rzac Dios miech zig tib meṉ ne rquianë zdoo xpëcwxiil. Teḻne quianie zho tib gayoo ma, ni gziaab tib ma, led zëëb lëë rsaṉ zho stapgaḻ tsiimtap ma ne zo lo zho, rbire zho rieguib zho ma ne bziaab ga.
23811	MAT 18:15	’Goḻguieṉ sca, tib tib to zeeṉe cho tib zha ne nacgrë to guṉ pe tib falt lo to, goḻtsie goḻtsienee lo zho; gropse to goḻzodiidz pe nac miṉe pxiṉ zho. Teḻne siguieḻ zho guiaaṉ to mpas, laa to beeṉle gan ga gneewen to stib.
23813	MAT 18:17	Teḻ niicle scaw nëdaque zho guiaaṉ to mpas, dzigo mazd goḻguiab lo grëse zha ne nacgrë to gnee zho lo zho. Teḻne niicle xtiidz zha co nëd zho gon zho, dzigotaa mazd goḻsaan zho, sacdraa to bets to ga, goḻcuee zho lad to, goḻsac zho zig rzac miech grë zha ne zienaḻ guieḻntseeb.
23818	MAT 18:22	Pquiab me rëb me: ―Lëda goṉ Pedr, led loxaque gadzdse vuelta. Teḻ blataa vuelt guṉ zho falt lo luu, none guṉ luu zho perdon.
23819	MAT 18:23	’Grë zha ne no xnëz Dios, ib none guṉ zho perdon samiech zho. ’Tib rey name, tib dzew bredz me grë zha ne rquia dziin lo me, par dieṉ zha quiayuṉ zho dziin.
23841	MAT 19:10	Dzigo rëbchaa xpëëdscuel me: ―Teḻ scataa nac xcuent guieḻtsieel, mazd lëëquew dzigo ctsieelniad ne.
23848	MAT 19:17	Pquiab Jesús rëb me: ―Rnee luu lëë tib meṉ wen nac naa. ¡Nligaaw, Diosse nac meṉ wen! Teḻne nli racladz luu ygaa luu guieḻmban co, none tsoxco luu gban luu miṉe rnabey Dios.
23852	MAT 19:21	Horco rëb me lo zho: ―Teḻ racladz luu gac luu tib zha ne gban grëse miṉe rnabey Dios, güey sca güeyto grëse ncuaaṉe rap luu, dzigo güeytiiz dimi co lo grë zha ne guieṉd pe yquiin. Lozh ga, dë dënaḻ zhits naa. Miṉ co nagoṉ guṉ luu, dzigo zgaa luu guieḻmban ndzon co; ni scagaa nroob guieḻnzaac ne ygaa luu nëz lo Dios.
23859	MAT 19:28	Pquiab me rëb me: ―Goḻgona gaṉle, dze ne gacncub grëse ncuaaṉe no, zeeṉe laa Mgui ne pxeeḻ Dios zob lo xcan ne zo zaatne nac lo guieḻndzon ne no me, dze co lo gza to ne nac to zha ne biaadnaḻ zhits naa, sob to lo gza tsiipchop xcan ne rieguiaḻ to. To gac zha ne guṉ guieḻwxtis lo gza tsiipchop dii ne nac zha Israel.
23862	MAT 20:1	’Grë zha ne no xnëz Dios, zac zho lo me zig bzhaac grë zha ne güey xtsiiṉ tib meṉ co. ’Tib meṉ co name nroob dziin quianie me, tib dzew zigne biini liu briee me güeyguib me zha ne tsielaap xuv me.
23876	MAT 20:15	¡Stiba, xtimi naaw, zrieelo guṉdziin naaw zigne racladz naa! ¿Te në rac zdoo to ye, raṉ to rquia zdoo naa miech?”
23881	MAT 20:20	Tibaque zeeṉe wbig tsieel Zebedé wbignie me grop xingan me Jacob ni Juan, pquiitsgzhib me lo Jesús rnab me guṉ Jesús tib favor ne racladz me.
23898	MAT 21:3	Teḻ cho gnabdiidz pe nacne noxadz to ma, goḻguiab lo zho: Meṉ ne rnabey ne, meṉ co rquiin ma, na zigne lozh xtsiiṉ ma guiaadsaṉ no ma.
23900	MAT 21:5	Goḻguiab lo meṉ Jerusalén: “Goḻwi gaṉle, laa meṉ ne nac zhirey to ziaad i. Tib meṉ ligase rlu me, zob me lad tib burr win, tib ladse ma ne rey yo zob me.”
23911	MAT 21:16	rëb zho lo me: ―¿Pe ib rond luu gaṉle pe nonee grë mëëdlas qui? Pquiab me rëb me: ―Ron naaw. ¿To waa, pe raṉde to gaṉle zha zhobnee lo Xtiidz Dios, zaatne raquiet miṉe noyac nu? Led rneew lëë: Haxta grë mëëdlas ne bii radz, ye win rley win rooḻnie win me.
23919	MAT 21:24	Pquiab me rëb me lo zho: ―Ye naa laa naa guṉ tib wnabdiidz lo to. Teḻne stsire to low, dzigo gni naa lo to gaṉle cho rnabey naa ne laa naa noyuṉ grë ncuaaṉe noyuṉ naa.
23920	MAT 21:25	Goḻnë dieṉ, ¿cho pxeeḻ Juan Bautist biaad me pchoobnis me miech? ¿Pe Dios pxeeḻ me, te miechsew ye? Psilo zho rnabdiidzlsa zho dieṉ zha ctsire zho lo xtiidz me, rnee zho: ―Teḻne dzieets ne Dios pxeeḻ Juan, dzigo laa me gnë: “¿Pex nac dzigo waa bliladzde to miṉe bnee me?”
23921	MAT 21:26	Teḻ na dzieetsgaa ne, miechse pxeeḻ Juan, grieequiadaque ne. Rdzieb zho niab zho miechse pxeeḻ Juan, sac naṉ meṉguiedz nli Dios pxeeḻ Juan biadteed Juan xtiidz me lo miech.
23923	MAT 21:28	’Goḻquiaadiaga gaṉle. Tib mgui, quianie me chop mëëdbgui. Tib dzew, bredz me tib zho rëb me lo zho: “Xin, none goṉ tsie luu nadze, tsietop luu uv xcuaa ne.”
23928	MAT 21:33	Dzigo bzodiidz me stib cuent lo zho rëb me: ―Tib meṉ name, nroob lbë uv beeṉbni me lo liuṉ me. Psilo me ptse me igose liu co, bzaa me zaatne gzhii grë uv co, ni bzaa me tib yu glaa zaatne sob zha ne yquiaanapa. Blozh ga, blediiṉ me liu co lo bla zha ne ran liu, dzigo laa me briee, laa me zey zit.
23932	MAT 21:37	’Tibaque zeeṉe pxeeḻaque me xpëëd me, bza guic me rëb me: “Gaṉse zho xpëëd naaw, zon zho miṉe gnee me.”
23944	MAT 22:3	’Tib rey name, ziaadyob ctsieelnia xpëëd me, nzian zha ne bredz me tsie lo lni. Zeeṉe laa dze co bdziṉ, pxeeḻ me zha ne quia dziin lo me zietsedz grë zha ne bredz me lo lni ga, per nëd zho nienaḻ zho.
23965	MAT 22:24	rëb zho lo me: ―Maestro, znu psaṉ Moisés diidz: Teḻne glo mgui guet lo wnaa ne nac tsieel mgui, ni gopd wnaa mëëd, dzigo none betsaque zho ctsieelnia wnaa co stib, zeeṉa gap wnaa mëëd ne guiaaṉ xlugar xpëëd zha ne gut ga.
24017	MAT 23:30	Rnee to: “Teḻne niaca miṉe nole ne leṉ dze co, ndeete ne diidz nsacsi xmeṉgol ne grë meṉ rii.”
24020	MAT 23:33	¡Miech ngoopdoḻ! ¡Zhin meṉdox! Teḻne csaande to xquieḻntseeb to i, ib tedsod goṉ gabiḻ guey to.
24048	MAT 24:22	Teḻne csaan Dios nroob dze gac guieḻnë co, ni stib miech rii guiaaṉdraa; per na por grë zha ne bzooblo me sëëb xnëz me, gdeete me diidz gaca nroob dze.
24074	MAT 24:48	’Teḻ nguṉdziin yozhgaaw, miṉe tsienie guic zho guiab zho gbireniobd meṉ ne quia zho xtsiiṉ ga,
24078	MAT 25:1	Blozh ga rëbchaa Jesús lo zho: ―Par sëëb miech zaatne rnabey Dios, masaque naca zig rzëëb miech tib lo lni zaatne noyac tib guieḻtsieel. ’Tsii wnaa nguieg name, briee zho ziexinëz zho mgui ne ctsieelnia, tib tib zho bise zho psin win ne rec nceit ne rziini.
24091	MAT 25:14	’Mgui ne pxeeḻ Dios ga, ziaad gac me zig tib meṉ ne no griee tsie tib viaj zit. ’Tib meṉ name no griee me tsie me tib guiedz zit, dzigo bredz me zha ne ruṉ dziin lo me, bdeed me palalga xtimi me lo zho guṉdziin zhow leṉ dze ne guieṉd me ga.
24092	MAT 25:15	Tib zho pcaania gaay mil pes plat, tib zho chop mila, stib zho pcaania tib mila. Tib tib zho, bdeedse me miṉe rgobey me grieelo zho guṉdziin zho, dzigo laa me briee laa me zie.
24102	MAT 25:25	gane mazd bialoliu naaw. Tib mil naca bneedz luuw, ledaaw nu.”
24132	MAT 26:9	Teḻ niaca miṉe ndow, pe zhidaa dimi ne nguizh zhow, nquiinpaa dimi co ngaaza lo grë zha ne guieṉd pe yquiin.
24134	MAT 26:11	Teḻ nli lëë racladz to guṉ to xyudar zha ne guieṉd pe yquiin, zac ygad to lo zho stib dze, sac tibaque raṉ to zho; saṉgue naa zhile laa naa gbiche lo to.