23244	MAT 2:6	Belén pa nabeyy Judea nak tub yezh non doo; nixa naka tub yezh chut, loya roo tub xaa nabeyy lo re yezh Israel, tub xaa kanap re xaa na, mod tub xaa wen nkanap mbakxiil. [Mi. 5:2]
23256	MAT 2:18	Mbin xaa tub bi yezh Ramá tub bi cheen yalne nu cheen xgab gro doo, nel Raquel nzho bel kwent cheen re xinn me, nu nanzheklat me seleyy xaa me, nel ngulola ngut re xinn me. [Jer. 31:15]
23431	MAT 8:17	Kwaane ngok, zee mbarlo kwaan mkee Chay, xaa mzaa kwent kwaan nzhé Dios lo lee xaa yilo, leezha nzhé xaa: “Lee xaa wee re yalyizh cheen be nu re yalne cheen be”. [Is. 53:4]
23812	MAT 18:16	Chelee xaa nanet xaa gon xaa xtizh lu, brezh chop xaa o chon xaa, zee ya yon gu lo xaa, modxa nkee lo Xkyech Dios: “Nkin chop xaa o chon xaa nii leeka kwaan, zee lee jwes yé wliya”. [Dt. 19:15]
23908	MAT 21:13	Nu nzhé xaa: —Nkeela lo Xkyech Dios nii: “Li na nak yoo pa wdizhno rese xaa stub yezh na”, [Jer. 7:11; Is. 56:7] per gu mleya kwenta tub pa nzho wann.
23965	MAT 22:24	—Maestr, Ches mkee lo Xkyech Dios nzhé: “Chelee tub xaabyi, xaa mchelya ngut nu nik tub xinn xaa namlaat xaa, zee lee wech xaa nzhaal chelya kwaan xngwnaa xaa ngut, zee kano xngwnaa xaa mad, zee naluxt dii cheen wech xaa”. [Dt. 25:5]
23978	MAT 22:37	Jesús nzhé: —“Nzhaal kela lu Xdios lu kwaan dub lextoo lu, nu kwaan dub yalnaban cheen lu, nu kwaan dub yek lu.” [Dt. 6:5]
24761	MRK 12:19	—Maestr, Ches mkee lo Xkyech Dios nzhé: “Chelee tub xaabyi, xaa mchelya ngut nu nik tub xinn xaa namlaat xaa, zee lee wech xaa nzhaal chelya kwaan xngwnaa xaa ngut, zee kano xngwnaa xaa mad, zee naluxt dii cheen wech xaa”. [Dt. 25:5]
24772	MRK 12:30	Nu nzhaal kela lu Xdios lu kwaan dub lextoo lu, nu kwaan dub yalnaban cheen lu, nu kwaan dub yek lu, nu kwaan dub yalngezh cheen lu.” [Dt. 6:4-5] Kwaane nak kwaan mas non lo rese wdizh.
25100	LUK 3:6	Nu rese myet ne lo xaa mxaal Dios, xaa koo re xaa lo yalgut. [Is. 40:3-5]
25459	LUK 10:27	Lee maestr xaa nlu xtizh Dios mkeb nzhé: —Nzhaal kela lu Xdios lu kwaan dub lextoo lu, nu kwaan dub yalnaban cheen lu, nu kwaan dub yalngezh cheen lu, nu kwaan dub yek lu, nu nzhaal kela lu wechxinn lu kwentaxa nkela lu lu. [Lv. 19:18; Dt. 6:5]
25846	LUK 19:46	Nu nzhé xaa lo re xaa: —Nkeela lo Xkyech Dios nii: “Li na nak yoo pa wdizhno rese xaa Dios” [Is. 56:7; Jer. 7:11]; per gu mleya kwenta tub pa nzho wann.
25970	LUK 22:37	Na nii lo gu, kwaan nzaa Xkyech Dios kwent cheen na nzhaal gaka, paro nzhé: “Lee re myet nzak lee xaa nak tub xaa nakap doo”. [Is. 53:12] Zee gak rese kwaan nzaa Xkyech Dios kwent cheen na.
26687	JHN 12:38	nel snee zee mbarlo kwaan mkee Chay, xaa mzaa kwent kwaan nzhé Dios lo lee xaa yilo, leezha mkee xaa: Xaa Nabeyy, namkayaat xaa re wdizh kwaan nzaa nu kwent, nixa nle lu re kwaan gro doo lo xaa. [Is. 53:1]
26793	JHN 15:25	Per re kwaane gak nel nzhaal gak re kwaan nkee lo ley: “Nyent cho kwaan, nu nayii re xaa ne xaa na”. [Sal. 35:19; Sal. 69:4]
27012	ACT 1:20	Nel nkee lo yech cheen Salm nzhé: Garli xaa gak tub pa wen, nu nik tub xaa nayot baa. [Sal. 69:25] ’Nu noka nkee: Mas wen lee stub xaa kayaa xchiin xaa. [Sal. 109:8]
27087	ACT 3:22	Ches nzhé lo re xaa yilo: “Lee Dios, Xaa Nabeyy be, le zee lo re gu roo tub xaa zaa kwent xtizh xaa kwenta na. Le re gu kwaan yé xaa”. [Dt. 18:15]
27191	ACT 7:6	Nu noka nzhé Dios lo xaa: “Lee re dii cheen lu, yo mod mos cheen stub yezh, tub yizhyo kwaan nanlabeyyt xaa nu ded xaa bid tub tap gayoo liin naz baa”. [Gn. 15:13]
27213	ACT 7:28	¿Che nzhekla lu gut lu na kwentaxa mbit lu xaa Egipto naaze?” [Ex. 2:14-15]
27219	ACT 7:34	Lee na ne, lee re xaa na kaded doo bid yizhyo Egipto. Nzhon na re kwaan mbezh re xaa, nu nzhal na zee ko na re xaa yizhyo Egipto. Kwaanzee te nee, zee xaal na lu Egipto.” [Ex. 3:5,7]
27222	ACT 7:37	Nu leeka Ches nak xaa nzhé lo re wechxinn xaa: “Lee Dios le zee lo re gu roo tub xaa zaa kwent xtizh xaa kwenta na.” [Dt. 18:15]
27228	ACT 7:43	Lee xaa mbe tub yoo kwaan nak ler, pa nzholl xaa lo dios Moloc nu lo mbal cheen dios Refán, re dios kwaan leeka re xaa mdexkwaa nzholl xaa lo. Kwaanzee xaal na xaa mas zit lo Babilonia. [Amós 5:25-27]
27278	ACT 8:33	Leeka lee xaa le xaa mod tub xaa nanont, kwaanzee nanalit ngunaab xaa kwent lo xaa. Nanzaat xaa kwent cheen re xinn xaa, nel gut xaa xaa. [Is. 53:7-8]
27465	ACT 13:34	Dios nguniila lee xaa seban xaa lo re xaa ngut, zee lee kwerp cheen xaa naluxt, nel noka nzhé xaa: “Za na lo re gu re kwaan myaan na lo David, kwaana nali nu wli nak”. [Is. 55:3]
27472	ACT 13:41	Wii re gu, xaa nxizhno kwaan wli, telisa dedyall gu mod lux na gu, nel lee re mbizh cheen gu kale na tub zhiin gro doo, tub kwaan nalet gu krer nixa zaa xaa kwenta lo re gu. [Hab. 1:5]
28054	ROM 2:24	Kwaanzee kwentaxa nkeeya lo Xkyech Dios: “Nawent nii re xaa nanakt xaa Israel Dios, kwent cheen re gu”. [Is. 52:5]
28063	ROM 3:4	¡Telisa nalaat Dios yalwen! Nel tubka nle Dios kwaan né xaa, nixa rese myet nak xaa nkade; nel lo Xkyech Dios nkee: Dios, rese kwaan nzhé lu wli nak, nu chelee xaa naab xaa kwent lo lu, lu le gan lo xaa. [Sal. 52:4]
28072	ROM 3:13	Lee yeer yenn xaa nak mod baa kwaan nzoxal, nu roo xaa nroo kwaan nkade xaa. [Sal. 5:9] Nu re wdizh kwaan nii xaa nak mod xtox mball. [Sal. 140:3]
28076	ROM 3:17	Nu nanlabeyyt xaa naz kwaan nle zee kwi wen re xaa. [Is. 59:7-8]
28093	ROM 4:3	Nel Xkyech Dios nzhé: “Abraham mwii lo Dios, kwaanzee Dios mkayaa xaa mod tub xaa nali”. [Gn. 15:6]
28099	ROM 4:9	¿Cho kwaan nle re gu xgab? ¿Che nebse re nu, re xaa nzho beyy, nzhaal kayaa yalnix ne lextoo o che noka nzhaal kayaaya re xaa nanakt xaa Israel, xaa nanzhot beyy? Bin gu kwaan ngunii na: “Abraham mwii lo Dios, kwaanzee Dios mkayaa xaa mod tub xaa nali”. [Gn. 15:6]
28107	ROM 4:17	Konxa nzhé Xkyech Dios: “Nel mle na gak lu xuz zyen doo yezh lo yizhyo”. [Gn. 17:5] Xaa snee nzhé nak Dios, xaa mwii Abraham lo, nu lee xaa nzaa yalnaban lo re xaa ngut, nu lee xaa ngaxkwaa re kwaan nyent zee gaka, nu nle xaaya nebse kwaan xtizh xaa.
28108	ROM 4:18	Nu nzhé xaa lo Abraham: “Snee gak zyen doo dii cheen lu”. [Gn. 15:5] Kwaanzee nixa nyentra mod gak wdizh kwaan mlaa Dios lo xaa, nel goxla Abraham, per tubka mwii Abraham lo Dios nu mkwaz xaa kayaa xaaya lo Dios, zee sbaa ngok xaa: “Xuz zyen doo yezh”.
28166	ROM 7:7	Nal, ¿cho kwaan nzak gu? ¿Che ley nle zee nle be jwalt? ¡Nawlita! Per nyent mod labeyy na jwalt chelee ley nyent. Nu tira nangnet na cho kwaan nak yalzoblazh, chelee lee ley nanét: “Nazoblazht lu xcheen sa myet lu”. [Ex. 20:17; Dt. 5:21]
28234	ROM 9:11	Nu leezha zeeraka gal rop xinn xaa, leezha zeeraka le xinn xaa nik tub kwaan, nixa kwaan wen nixa kwaan nawent, Dios nzhé lo Rebek: “Lee xaa gal yilotlaka gak xmos xaa gal gwluzh”. [Gn. 25:23] Nu leeka kwaane nzhé Xkyech Dios: “Mkedoola na Kob nu nayii na ne na Esaú”. [Mal. 1:2-3] Nu snee mlakeya, zee ne be lee Dios nzho mod kweey xaa mod nzhekla xaa. Nu lee re xaa mleey Dios, mbezh Dios xaa, nu nanont lo Dios cho kwaan mle xaa.
28261	ROM 10:5	Loka xaa nzhekla zo nali lo Dios kwent cheen ley kwaan mzaa Dios lo Ches, nzhaal le xaa kwaan nzhéya, nel snee mkee Ches: “Loka xaa nle rese kwaan nzhé ley, ban xaa nel mle xaa kwaan nzhé ley”. [Lv. 18:5]
28271	ROM 10:15	¿Nu xomod zaa xaa kwent cheen wdizh chul lo stub xaa cheleeya nyent cho xaal xaa? Modxa nzhé Xkyech Dios: “¡Chul doo naka leezha nze tub xaa nzaa kwent cheen wdizh chul cheen Xaa Nabeyy!” [Is. 52:7]
28272	ROM 10:16	Per naret xaa nzaa yek gon wdizh chul. Modxa nzhé Chay lo Xkyech Dios: “Xaa Nabeyy, ¿cho xaa zaa yek gon wdizh chul kwaan nzaa nu kwent?” [Is. 53:1]
28276	ROM 10:20	Nu noka Chay klar doo mkee xaa, leezha nzhé Dios: Lee re xaa kwaan nakakwaant na, nguzhal na lo xaa; nu mlu na lo re xaa nambezht na. [Is. 65:1]
28277	ROM 10:21	Nu Chay nzaa kwent cheen sawlazh na, mod nzhé Dios lo xaa: “Dubse zhe kabezh na gu, per nanzaat gu yek gu gon gu xtizh na nu mlaa gu na”. [Is. 65:2]
28303	ROM 11:26	Nu gorna lee re xaa nanakt xaa Israel gak xaa Dios, zee rese sawlazh na le gan yalnaban kwaan tira, nel lee Xkyech Dios nzhé: Lee xaa zaa yalnaban kwaan tira yaad naz Sión, nu koo xaa re xinn Kob lo re kwaan nawent. [Is. 59:20]
28332	ROM 12:19	Rese be wech nu bzan, nazeret be re kwaan nawent mle stub naz xaa lo be, nzhaal laa be naab Dios xkwent xaa. Modxa nzhé Dios lo Xkyech Dios: “Lee na nzhaal naab kwent; nu na zereya, né Xaa Nabeyy”. [Dt. 32:35]
28333	ROM 12:20	Kwaanzee nazeret beya. “Chelee xaa nrenal lu nlaan, bzaa kwaan gaw xaa, nu chelee xaa nzhek lextoo xaa, bzaa nis go xaa; nu snee le gu zee ton xaa”. [Pr. 25:21-22]
28343	ROM 13:9	Nel lo ley kwaan mzaa Dios lo Ches nzhé: Nakanot lu xngwnaa stub xaa, naguta lu wechxinn lu, nalewannt lu, nazoblazht lu. [Ex. 20:13-17, Dt. 5:17-21] Re kwaane nu re stub naz kwaan mnabeyy Dios, nak tubka kwaane: “Bkela wechxinn lu mod nkela lu leeka lu”. [Lv. 19:18]
28359	ROM 14:11	Nel lee Xkyech Dios nzhé: Mban na, né Xaa Nabeyy, rese myet kichxub delant lo na, nu rese myet gool lo Dios. [Is. 45:23]
28380	ROM 15:9	Noka myaad xaa zee gool re xaa nanakt xaa Israel lo Dios nel mlesla xaa ne xaa xaa, modxa nzhé Xkyech Dios: Kwaanzee gol na lo lu delant lo re xaa dubse yizhyo, nu gol na wen nak lu. [2 Sam. 22:50; Sal. 18:49]
28392	ROM 15:21	Modxa nzhé Xkyech Dios: Gon re xaa kwaan nik tub welt zer ne cho nak Dios; nu laya yek re xaa kwaan nik tub welt zer gon cho nak Dios. [Is. 52:15]
28497	1CO 3:19	Nel lee yalnzhak cheen myet yizhyo ne nak tub kwaan nachan lo Dios. Nel sbaa nzhé Xkyech Dios: “Leeka lo yalnzhak cheen xaa nzen Dios xaa”. [Job 5:13]
28617	1CO 9:9	Nel lee yech cheen ley nzhé: “Nakot gu yex roo ngoon gorna yo ma yee dexkwaa ma nzhobxtil”. [Dt. 25:4] Per nanakt kwaane lee Dios nle xgab re ngoon,
28840	1CO 15:54	Nu gorna lee xkwerp be kwaan nlux gak tub kwerp kwaan naluxt, nu gorna lee xkwerp be kwaan nzhet gak kwaan tira nayeta, zee mbarlo kwaan nzhé lo Xkyech Dios: “Nal lee yalgut tira mlux, nu lee yalnaban mle gan”. [Is. 25:8]
28983	2CO 6:17	Nu kwaanzee noka né Xaa Nabeyy: Broo gu lo re xaa ba, bachii gu lo xaa, nagalt gu kwaan nanzhult lo Dios, zee kayaa na re gu, [Is. 52:11]
29175	GAL 3:6	Snee mle Abraham, nel nkee lo Xkyech Dios, nzhé: “Abraham mwii lo Dios, kwaanzee Dios mkayaa xaa mod tub xaa nali”. [Gn. 15:6]
29181	GAL 3:12	Per lee re xaa ngwii lo ley cheen Ches nangwiit xaa lo Dios, nel Xkyech Dios nzhé: “Xaa ngwii lo ley cheen Ches, nkin le xaa rese kwaan nkee lo ley cheen Ches”. [Lv. 18:5]
29225	GAL 4:27	Nel lee Xkyech Dios nzhé: Chul ble lextoo lu, lu ngwnaa me nit, me nanzhalt xinn; lu me nankanot mad, bxizh nel chul nzhak lextoo lu, lu me nanlabeyyt yalne cheen mad. Nel zyenra mad nkano ngwnaa, me mlaa sa, ke ngwnaa me nkano sa. [Is. 54:1]
29406	EPH 6:2	Nel snee nzhé ley cheen Ches: “Nazeret lu diizh lo xuz lu nu lo xnaa lu, zee yo wen lu nu xche ban lu lo yizhyo”. [Ex. 20:12; Dt. 5:16] Kwaane nak wdizh yilotlaka kwaan mzaa Dios kwent, zee chul ded xaa gona.
29848	1TI 5:18	Nel lee Xkyech Dios nzhé: “Nakot gu yex roo ngoon gorna yo ma yee kich nzhobxtil”. [Dt. 25:4] Nu sbaaka nzhé Xkyech Dios: “Xaa nkee zhiin nzhaal yex ka xaa”. [Lk. 10:7]
29913	2TI 2:19	Per Dios mzob tub simyent kwaan nye nzob, kwaan nkee re wdizh ne lo: “Lee Xaa Nabeyy nlabeyy rese xaa nak xaa xaa”. [Num. 16:5] Nu noka nkee: “Rese xaa ngwii lo Xaa Nabeyy, laa xaa rese kwaan nawent”.
30039	HEB 1:9	Mkela lu re kwaan nali nu mnayii lu ne lu re kwaan nawent; kwaanzee lee Dios, xaa nak Xdios lu, mzob lu zee nabeyy lu, nu mle xaa mas chul gak lextoo lu ke lextoo re wechxinn lu. [Sal. 45:6-7]
30042	HEB 1:12	nu duuzha mod tub ler, gorna koche xaa xab xaa. Per lee lu nayext; nu lee yalnaban cheen lu tira naluxt. [Sal. 102:25-27]
30073	HEB 3:11	Kwaanzee lo yalnayii cheen na nii na, wlipa na tira nyent mod zeeb xaa pa mdexkwaa na le xaa deskans. [Sal. 95:7-11]
30077	HEB 3:15	Nu kwaanzee, lo Xkyech Dios nkee: Cheleeya nalzhe kayon gu kwaan né Dios, nalenedt gu lextoo gu, mod mle re xey gu xaa yilo, leezha mle xaa zee nayii na. [Sal. 95:7-8]
30084	HEB 4:3	Per lee re be, xaa ngwii lo Jesucrist, zeeb be pa nzho deskans, mod nguné Dios: Kwaanzee lo yalnayii cheen na ngunii na, nazeebt xaa pa mdexkwaa na le xaa deskans. [Sal. 95:11] Per nixa nzhé xaa kwaane, Dios ngulo mdexkwaa re kwaane, axta gorna ngulo mdexkwaa xaa yizhyo;
30086	HEB 4:5	Nu noka stub pa nkee lo Xkyech Dios nzhé: Nazeebt xaa pa nle na deskans. [Sal. 95:11]
30088	HEB 4:7	Kwaanzee lee Dios mbare mleey stub mbizh kwaan nak nalzhe, mod mzaa xaa kwent lo re kwaan mkee rey David gwluzh lo Xkyech Dios: Cheleeya nalzhe kayon gu kwaan né Dios, nalenedt gu lextoo gu. [Sal. 95:7-8]
30164	HEB 8:5	xaa nkee zhiin leen yidoo. Nu lee yidoo yizhyo ne nebse nak xbzhin cheen yidoo wlipa kwaan naz leen yiba, nel Dios mnabeyy Ches zee dexkwaa xaa yidoo mer mod nzhé xaa lo xaa: “Bkenzha nu bdexkwaaya modxa mlu naya lo lu yek yi Sinaí”. [Ex. 25:40]
30230	HEB 10:30	Nu ne be lee Xaa Nabeyy né: “Na nak xaa naab kwent; na kix”. [Dt. 32:35] Nu noka né xaa: “Lee Xaa Nabeyy naab kwent lo re xaa xaa”. [Dt. 32:36]
30285	HEB 12:6	Nel lee Xaa Nabeyy nseli re xaa nkela xaa; nu nchezi xaa re xaa nkayaa xaa mod xinn xaa. [Job 5:17, Pr. 3:11-12]
30314	HEB 13:6	Kwaanzee nzho mod yé be: Dios tubka nle yudar na nu nazhebt na ne na kwaan le myet na. [Sal. 56:3-4, 8-11; Sal. 118:6]
30383	JAS 2:23	Snee mbarlo kwaan nzhé lo Xkyech Dios: “Abraham mwii lo Dios kwaanzee Dios mkayaa xaa mod tub xaa nali”. [Gn. 15:6] Nu sbaa ngok xaa xmig Dios.
30474	1PE 2:8	Nu noka stub pa nzhé: Nu tub ke kwaan nral nii re xaa, zee nla xaa lo yo. [Is. 8:14-15] Kwaanzee rala nii re xaa nel nanzhont xaa xtizh Dios, nu nel nakladiizh ded xaa bid tira.