23236	MAT 1:23	Lee tub ngwnaa, me zer chaal kwaan tub xaabyi, weyyxiin me nu zan me tub xgann me, xaa role Emanuel, (wdizh ne nii: “Dios nzo kwaan be”). [Is. 7:14]
23244	MAT 2:6	Belén pa nabeyy Judea nak tub yezh non doo; nixa naka tub yezh chut, loya roo tub xaa nabeyy lo re yezh Israel, tub xaa kanap re xaa na, mod tub xaa wen nkanap mbakxiil. [Mi. 5:2]
23253	MAT 2:15	pa ngu xaa axta ngut Herod. Kwaane mded zee mbarlo kwaan nzhé Xaa Nabeyy lo xaa mzaa kwent kwaan nzhé Dios lo lee xaa yilo: “Axta yizhyo Egipto mrezh na xgaan na”. [Os. 11:1]
23256	MAT 2:18	Mbin xaa tub bi yezh Ramá tub bi cheen yalne nu cheen xgab gro doo, nel Raquel nzho bel kwent cheen re xinn me, nu nanzheklat me seleyy xaa me, nel ngulola ngut re xinn me. [Jer. 31:15]
23264	MAT 3:3	Juan nak xaa mzaa Chay kwent leezha nzhé xaa: Tub xaa nzho naz wen nii dublegan: “Bdexkwaa gu xnaz Xaa Nabeyy; bxal gu tub naz nali ze xaa”. [Is. 40:3]
23282	MAT 4:4	Per Jesús mkeb nzhé: —Lo Xkyech Dios nkee: “Nanebt pan nle zee mban re myet, nel noka re wdizh kwaan nroo roo Dios nle zee mban re myet”. [Dt. 8:3]
23284	MAT 4:6	nu nzhé Maxuu lo xaa: —Chelee lu wlipa lu nak lu Xgann Dios, brenzeb naz xan naz lo yo; nel nkeela lo Xkyech Dios nzhé: “Dios xaal mandad cheen xaa zee zenyaa xaa lu, zee nalat nii lu lo ke”. [Sal. 91:11]
23285	MAT 4:7	Jesús mkeb nzhé: —Noka nkee lo Xkyech Dios nzhé: “Nanzhaalt kiil lu Xdios lu, Xaa Nabeyy lo lu”. [Dt. 6:16]
23288	MAT 4:10	Jesús mkeb nzhé: —Bachii lo na Maxuu, nel lo Xkyech Dios nkee: “Nzhaal gool lu nebse lo Xdios lu Xaa Nabeyy lo lu, nu nebse lo lee xaa nzhaal kee lu zhiin”. [Dt. 6:13]
23431	MAT 8:17	Kwaane ngok, zee mbarlo kwaan mkee Chay, xaa mzaa kwent kwaan nzhé Dios lo lee xaa yilo, leezha nzhé xaa: “Lee xaa wee re yalyizh cheen be nu re yalne cheen be”. [Is. 53:4]
23461	MAT 9:13	Zyaa gu nu seed gu nen cho kwaan nak kwaan né Dios ne: “Kwaan nzhekla na nak blesla gu ne gu sa myet gu, nu nanzheklat na teed gu ma lo na”. [Hos. 6:6] Nel nanzhalt na kwezh na re xaa wen, lee na nzhal kwezh re xaa nzeb jwalt.
23538	MAT 11:10	Juan nak xaa nzaa Xkyech Dios kwent: Wii gu, xaal na tub mandad yilo ke lu, xaa zee dexkwaa naz ze lu. [Mal. 3:1]
23565	MAT 12:7	Re gu nanet nen cho kwaan nzaa Xkyech Dios kwent leezha nzhé Dios: “Kwaan nzhekla na nak blesla gu ne gu sa myet gu, nu nanzheklat na teed gu ma lo na”. [Hos. 6:6] Chol mlaya yek gu nazhibt gu jwalt tich xaa kwaan nle kwaan wen.
23643	MAT 13:35	Kwaane ngok zee mbarlo kwaan nzhé xaa mzaa kwent kwaan nzhé Dios lo lee xaa yilo, leezha nzhé xaa: Kwaan kwent nabix yé na re kwaan nzhoxlaan, axta gorna lee Dios mdexkwaa yizhyo. [Sal. 78:2]
23706	MAT 15:4	Nel Dios nzhé: “Kela lu xuz lu nu xnaa lu, nu xaa nge lo xuz o lo xnaa, bit gu xaa”. [Ex. 20:12]
23711	MAT 15:9	Kanxlee nzholl re xaa lo na, nel rese kwaan seed re xaa nak kwaan mroo yek re myet. [Is. 29:13]
23812	MAT 18:16	Chelee xaa nanet xaa gon xaa xtizh lu, brezh chop xaa o chon xaa, zee ya yon gu lo xaa, modxa nkee lo Xkyech Dios: “Nkin chop xaa o chon xaa nii leeka kwaan, zee lee jwes yé wliya”. [Dt. 19:15]
23836	MAT 19:5	“Kwaanzee lee xaabyi roo lo xuz xaa nu lo xnaa xaa nu chelya rop sa xaa, zee rop xaa gak tubka kwerp”. [Gn. 2:24]
23900	MAT 21:5	Guzh gu lo re xaa Sión: “Wii, lee Rey cheen gu, xaa nadoo nak, nze nzob tich tub burr yeen, xinn tub ma nkee zhiin”. [Zac. 9:9]
23908	MAT 21:13	Nu nzhé xaa: —Nkeela lo Xkyech Dios nii: “Li na nak yoo pa wdizhno rese xaa stub yezh na”, [Jer. 7:11; Is. 56:7] per gu mleya kwenta tub pa nzho wann.
23911	MAT 21:16	Zee nzhé re xaa lo Jesús: —¿Che nanzhont lu re kwaan né re madwin ne lo lu? Jesús nkeb nzhé: —Aja, nzhon naya. ¿Per che zer lab gu Xkyech Dios kwaan nzhé kwaane: “Mle lu zee re madwin gool chul lo lu, nu noka axta re madoo, mad nkeeka laz xnaa, gool lo lu”? [Sal. 8:3]
23965	MAT 22:24	—Maestr, Ches mkee lo Xkyech Dios nzhé: “Chelee tub xaabyi, xaa mchelya ngut nu nik tub xinn xaa namlaat xaa, zee lee wech xaa nzhaal chelya kwaan xngwnaa xaa ngut, zee kano xngwnaa xaa mad, zee naluxt dii cheen wech xaa”. [Dt. 25:5]
23973	MAT 22:32	“Lee na nak Dios cheen Abraham, Dios cheen Chak, Dios cheen Kob”? [Ex. 3:6] ¡Nu Dios nanakt Dios cheen re xaa ngut, lee Dios nak Dios cheen re xaa mban!
23978	MAT 22:37	Jesús nzhé: —“Nzhaal kela lu Xdios lu kwaan dub lextoo lu, nu kwaan dub yalnaban cheen lu, nu kwaan dub yek lu.” [Dt. 6:5]
23980	MAT 22:39	Nu lee stuba nak mer lal kwaan kwaane: “Nzhaal kela lu wechxinn lu kwentaxa nkela lu lu”. [Lv. 19:18]
23985	MAT 22:44	Dios, Xaa Nabeyy rese kwaan, nzhé lo Xaa Nabeyy lo na: “Zob lad li lo na, axtaka chezhin na rese xaa nayii ne lu zee kichxub xaa lo lu, nu zee gak xaa mod tub kwaan zhib lu nii lu tich”. [Sal. 110:1]
24154	MAT 26:31	Zee lee Jesús né lo re nu: —Nalyall laa re gu na, nel Xkyech Dios niiya: “Gut na xaa nkano mbakxiil, nu lee re mbakxiil rech reta naz”. [Zac. 13:7]
24244	MAT 27:46	Gorzee lee Jesús mbazhe nye doo nzhé: —Elí, Elí, ¿lama sabaktani? (Wdizh ne nii: “Xdios na Xdios na, ¿chozhiin mlaa lu na?”) [Sal. 22:1]
24287	MRK 1:3	Nu dub gan snee yé xaa naz wen: “Bdexkwaa gu xnaz Xaa Nabeyy; bxal gu tub naz nali ze xaa”. [Is. 40:3]
24539	MRK 7:7	Kanxlee nzholl re xaa lo na, nel rese kwaan seed re xaa nak kwaan mroo yek re myet.” [Is. 29:13]
24542	MRK 7:10	Ches nzhé lo ley: “Kela lu xuz lu nu xnaa lu”. [Ex. 20:12] Noka nzhé ley: “Xaa nge lo xuz o lo xnaa, bit gu xaa”. [Ex. 21:17]
24665	MRK 10:8	zee tubka kwerp gak rop xaa”. [Gn. 2:24] Kwaanzee nagaktra xaa chop sinka tubka gak xaa.
24761	MRK 12:19	—Maestr, Ches mkee lo Xkyech Dios nzhé: “Chelee tub xaabyi, xaa mchelya ngut nu nik tub xinn xaa namlaat xaa, zee lee wech xaa nzhaal chelya kwaan xngwnaa xaa ngut, zee kano xngwnaa xaa mad, zee naluxt dii cheen wech xaa”. [Dt. 25:5]
24768	MRK 12:26	Nal nii na lo gu, wli roban re xaa ngut. ¿Che zer lab gu Xkyech Ches leezha ngunii Dios lo Ches leen bal yag kwaan kayek? Zee nzhé Dios lo Ches: “Lee na nak Dios cheen Abraham, Dios cheen Chak, Dios cheen Kob”, nzhé xaa. [Ex. 3:6]
24773	MRK 12:31	Nu lee stub kwaan non doo nak: “Nzhaal kela lu wechxinn lu kwentaxa nkela lu lu”. [Lv. 19:18] Nyentra stub wdizh kwaan mas nonra lo ropse kwaane.
24778	MRK 12:36	Nel leeka David ngunii kwaan Mbi Naban cheen Dios nu nzhé xaa: Dios, Xaa Nabeyy rese kwaan, nzhé lo Xaa Nabeyy lo na: “Zob lad li lo na, axtaka chezhin na rese xaa nayii ne lu zee kichxub xaa lo lu, nu zee gak xaa mod tub kwaan zhib lu nii lu tich”. [Sal. 110:1]
24850	MRK 14:27	Zee lee Jesús nzhé lo re xaa mseed lo xaa: —Nalyall lee re gu laa na, nel Xkyech Dios niiya: “Gut na xaa nkano mbakxiil, zee lee re mbakxiil rech reta naz”. [Zac. 13:7]
25033	LUK 1:71	“Dios nak xaa koo be lo re xaa nayii ne be, nu lo rese xaa nawent nzhak lextoo ne be”. [Sal. 106:10]
25136	LUK 4:4	Jesús mkeb nzhé: —Lee lo Xkyech Dios nkee: “Nanebt pan nle zee mban myet, nel noka wdizh kwaan nroo roo Dios nle zee mban re myet”. [Dt. 8:3]
25140	LUK 4:8	Jesús mkeb nzhé: —Lee lo Xkyech Dios nkee: “Nzhaal gool lu nebse lo Xdios lu Xaa Nabeyy lo lu, nu nebse lo lee xaa nzhaal kee lu zhiin”. [Dt. 6:13]
25144	LUK 4:12	Jesús mkeb lo xaa nzhé: —Noka nkee lo Xkyech Dios: “Nanzhaalt kiil lu Xdios lu, Xaa Nabeyy lo lu”. [Dt. 6:16]
25291	LUK 7:27	Juan nak xaa nzaa Xkyech Dios kwent: Wii gu, xaal na tub mandad yilo ke lu, xaa zee dexkwaa naz ze lu. [Mal. 3:1]
25459	LUK 10:27	Lee maestr xaa nlu xtizh Dios mkeb nzhé: —Nzhaal kela lu Xdios lu kwaan dub lextoo lu, nu kwaan dub yalnaban cheen lu, nu kwaan dub yalngezh cheen lu, nu kwaan dub yek lu, nu nzhaal kela lu wechxinn lu kwentaxa nkela lu lu. [Lv. 19:18; Dt. 6:5]
25865	LUK 20:17	Lee Jesús mwii lo re xaa nu nzhé Jesús: —¿Xomod nak kwaan nkee lo Xkyech Dios? Lee ke kwaan mlebi re xaa nza yoo tub lad, leeya gak tub ke mas kwaan chul doo, zob xaa naz skin yoo. [Sal. 118:22]
25885	LUK 20:37	Nu axta Ches mlu lee re myet roban, gorna mzaa xaa kwent cheen yag kwaan kayek, gorna ngunii Xaa Nabeyy lo xaa nu nzhé xaa: “Lee na nak Dios cheen Abraham, Dios cheen Chak, Dios cheen Kob”. [Ex. 3:6]
25891	LUK 20:43	axtaka chezhin na rese xaa nayii ne lu, zee kichxub xaa lo lu, nu zee gak xaa mod tub kwaan zhib lu nii lu tich”. [Sal. 110:1]
25970	LUK 22:37	Na nii lo gu, kwaan nzaa Xkyech Dios kwent cheen na nzhaal gaka, paro nzhé: “Lee re myet nzak lee xaa nak tub xaa nakap doo”. [Is. 53:12] Zee gak rese kwaan nzaa Xkyech Dios kwent cheen na.
26136	JHN 1:23	Juan mkeb modxa nzhé Chay, xaa mzaa kwent kwaan nzhé Dios lo lee xaa yilo: —Na nak kwenta tub bos kwaan nii paro nanzhot myet: “Bxal gu tub naz nali ze Xaa Nabeyy”. [Is. 40:3]
26181	JHN 2:17	Zee lee re nu, xaa mseed lo xaa, mselazh kwaan nzhé xtizh Dios, kwaan nzhé: “Nzhak selos na ne na xomod nle re xaa li lu, nu kwaane le zee gut re xaa na”. [Sal. 69:9]
26357	JHN 6:31	Re xey be, xaa yilo ndaw pan kwaan nyaad naz yiba naz wen, modxa nzhé Xkyech Dios: “Mzaa xaa pan kwaan nyaad naz yiba ndaw re xaa”. [Sal. 78:24]
26435	JHN 7:38	Gaka modxa nzhé Xkyech Dios: “Loka xaa kwaan wii lo na, lextoo xaa roo nis kwaan zaa yalnaban kwaan tira”. [Ez. 47:1; Zac. 14:8]
26584	JHN 10:34	Jesús nzhé: —Lee lo ley cheen be nkee: “Na nii, lee gu nak dios”. [Sal. 82:6]
26664	JHN 12:15	Nazhebt gu xaa yezh Sión. Wii, lee Rey cheen gu nze nzob tich tub burr yeen. [Zac. 9:9]
26687	JHN 12:38	nel snee zee mbarlo kwaan mkee Chay, xaa mzaa kwent kwaan nzhé Dios lo lee xaa yilo, leezha mkee xaa: Xaa Nabeyy, namkayaat xaa re wdizh kwaan nzaa nu kwent, nixa nle lu re kwaan gro doo lo xaa. [Is. 53:1]
26689	JHN 12:40	Nu mod xaa nanyenit lo nzhak xaa, zee nyent mod gon xaaya, zee nyent mod wii xaa loya, zee nyent mod laya lextoo xaa, kwaane nle zee nambaret xaa lo na zee nasekwent na xaa. [Is. 6:10]
26717	JHN 13:18	—Nakazat na kwent cheen rese gu, nel nela na xana re xaa mleey na. Per nzhaal gak kwaan nkee lo Xkyech Dios: “Lee xaa kayaw kwaan na, gak xkontrad na”. [Sal. 41:9]
26793	JHN 15:25	Per re kwaane gak nel nzhaal gak re kwaan nkee lo ley: “Nyent cho kwaan, nu nayii re xaa ne xaa na”. [Sal. 35:19; Sal. 69:4]
26918	JHN 19:24	zee nzhé re soldad lo wechxinn xaa: —Nachazt beya, mas wen kee be swert zee nen cho yizoya. Nu snee mbarlo kwaan nzhé Xkyech Dios: “Mdiiz xaa re xab na nu mkee xaa swert nen cho yizo xab na”. [Sal. 22:18] Nu sbaa mle re soldad.
26930	JHN 19:36	Nu re kwaane mded zee mbarlo re kwaan nkee lo Xkyech Dios, kwaan nii: “Nakicht xaa nik tub zhit cheen na”. [Sal. 34:20]
26931	JHN 19:37	Nu lo stub pa Xkyech Dios nkee: “Wii re xaa lo xaa mkich xaa stak lextoo”. [Zac. 12:10]
27012	ACT 1:20	Nel nkee lo yech cheen Salm nzhé: Garli xaa gak tub pa wen, nu nik tub xaa nayot baa. [Sal. 69:25] ’Nu noka nkee: Mas wen lee stub xaa kayaa xchiin xaa. [Sal. 109:8]
27053	ACT 2:35	axtaka chezhin na rese xaa nayii ne lu, zee kichxub xaa lo lu, nu zee gak xaa mod tub kwaan zhib lu nii lu tich”. [Sal. 110:1]
27087	ACT 3:22	Ches nzhé lo re xaa yilo: “Lee Dios, Xaa Nabeyy be, le zee lo re gu roo tub xaa zaa kwent xtizh xaa kwenta na. Le re gu kwaan yé xaa”. [Dt. 18:15]
27088	ACT 3:23	“Nel rese xaa nagont xtizh xaa yet”. [Dt. 18:19]
27090	ACT 3:25	Be nak dii cheen re xaa mzaa kwent kwaan nzhé Dios lo lee xaa yilo, nu noka mkayaa be wdizh kwaan mlaa Dios lo re xey be xaa yilo. Nel lee Dios nzhé lo Abraham: “Kwent cheen lu, Dios le kwaan chul lo zyen doo xaa dubse yizhyo”. [Gn. 22:18]
27188	ACT 7:3	Dios nzhé lo xaa: “Laa yizhyo cheen lu nu re sawlizh lu, nu zyaa yizhyo kwaan luu na lo lu”. [Gn. 12:1]
27191	ACT 7:6	Nu noka nzhé Dios lo xaa: “Lee re dii cheen lu, yo mod mos cheen stub yezh, tub yizhyo kwaan nanlabeyyt xaa nu ded xaa bid tub tap gayoo liin naz baa”. [Gn. 15:13]
27192	ACT 7:7	Nu noka nzhé Dios: “Lee na teed bid re xaa nzho yizhyo kwaan mle re dii cheen lu mos nu gwluzh roo xaa zee, nu yaad xaa nee, gool xaa lo na”. [Ex. 3:12]
27217	ACT 7:32	“Lee na nak Dios cheen re xey lu, xaa yilo, lee na nak Dios cheen Abraham, cheen Chak, nu cheen Kob”. [Ex. 3:6] Ches mzelo mxiz sinka mzheb xaa, nu nanzheklat xaa lach xaa.
27222	ACT 7:37	Nu leeka Ches nak xaa nzhé lo re wechxinn xaa: “Lee Dios le zee lo re gu roo tub xaa zaa kwent xtizh xaa kwenta na.” [Dt. 18:15]
27225	ACT 7:40	Zee nzhé re xaa lo Aarón: “Baxkwaa re dios kwaan nzho mod lu naz lo re be nu kanap be, nel nanet be cho kwaan ngok kwaan Ches, xaa mloo be Egipto”. [Ex. 32:1]
27464	ACT 13:33	mle xaaya lo re be, xana xaa nak dii cheen xaa. Kwaane mle xaa gorna mseban xaa Jesús lo re xaa ngut, kwentaxa nkeela lo Xkyech Dios lo Salm chop, kwaan nii: “Lu nak xgaan na, na mle ngol lu nalzhe”. [Sal. 2:7]
27465	ACT 13:34	Dios nguniila lee xaa seban xaa lo re xaa ngut, zee lee kwerp cheen xaa naluxt, nel noka nzhé xaa: “Za na lo re gu re kwaan myaan na lo David, kwaana nali nu wli nak”. [Is. 55:3]
27466	ACT 13:35	Nu noka lee stub salm nzhé: “Nalaat lu lux kwerp cheen xmos lu, Xaa Nali nak”. [Sal. 16:10]
27472	ACT 13:41	Wii re gu, xaa nxizhno kwaan wli, telisa dedyall gu mod lux na gu, nel lee re mbizh cheen gu kale na tub zhiin gro doo, tub kwaan nalet gu krer nixa zaa xaa kwenta lo re gu. [Hab. 1:5]
27478	ACT 13:47	Nel snee mnabeyy Xaa Nabeyy nu, leezha nguné xaa: Mzo na lu kwenta xni lo rese yezh, xaa nanakt xaa Israel, zee zaa lu kwent xomod le xaa gan yalnaban kwaan tira, axta dubse yizhyo. [Is. 49:6]
27807	ACT 23:5	Zee nzhé Pab: —Wech na, nanet na chelee xaa nak ngwleyy non doo; nel Xkyech Dios nzhé: “Naniiyet lu xaa nabeyy lazh lu”. [Ex. 22:28]
28015	ROM 1:17	Nu wdizh chul ne nlu xomod nle Dios zee nali zo be lo xaa, chelee be ngwii be lo Jesucrist; nel nebse kwent xomod ngwii be lo Jesucrist nzho mod nzo be nali lo Dios. Nel nkeela lo Xkyech Dios nzhé: “Lee xaa ngwii lo Dios, nali nak xaa nu telisa ban xaa”. [Hab. 2:4]
28054	ROM 2:24	Kwaanzee kwentaxa nkeeya lo Xkyech Dios: “Nawent nii re xaa nanakt xaa Israel Dios, kwent cheen re gu”. [Is. 52:5]
28063	ROM 3:4	¡Telisa nalaat Dios yalwen! Nel tubka nle Dios kwaan né xaa, nixa rese myet nak xaa nkade; nel lo Xkyech Dios nkee: Dios, rese kwaan nzhé lu wli nak, nu chelee xaa naab xaa kwent lo lu, lu le gan lo xaa. [Sal. 52:4]
28072	ROM 3:13	Lee yeer yenn xaa nak mod baa kwaan nzoxal, nu roo xaa nroo kwaan nkade xaa. [Sal. 5:9] Nu re wdizh kwaan nii xaa nak mod xtox mball. [Sal. 140:3]
28073	ROM 3:14	Nu kwaan roo xaa nge xaa lo re myet nu nii xaa re wdizh nala lo re myet. [Sal. 10:7]
28077	ROM 3:18	Nu tira nanzhebt xaa ne xaa Dios. [Sal. 36:1]
28093	ROM 4:3	Nel Xkyech Dios nzhé: “Abraham mwii lo Dios, kwaanzee Dios mkayaa xaa mod tub xaa nali”. [Gn. 15:6]
28099	ROM 4:9	¿Cho kwaan nle re gu xgab? ¿Che nebse re nu, re xaa nzho beyy, nzhaal kayaa yalnix ne lextoo o che noka nzhaal kayaaya re xaa nanakt xaa Israel, xaa nanzhot beyy? Bin gu kwaan ngunii na: “Abraham mwii lo Dios, kwaanzee Dios mkayaa xaa mod tub xaa nali”. [Gn. 15:6]
28107	ROM 4:17	Konxa nzhé Xkyech Dios: “Nel mle na gak lu xuz zyen doo yezh lo yizhyo”. [Gn. 17:5] Xaa snee nzhé nak Dios, xaa mwii Abraham lo, nu lee xaa nzaa yalnaban lo re xaa ngut, nu lee xaa ngaxkwaa re kwaan nyent zee gaka, nu nle xaaya nebse kwaan xtizh xaa.
28108	ROM 4:18	Nu nzhé xaa lo Abraham: “Snee gak zyen doo dii cheen lu”. [Gn. 15:5] Kwaanzee nixa nyentra mod gak wdizh kwaan mlaa Dios lo xaa, nel goxla Abraham, per tubka mwii Abraham lo Dios nu mkwaz xaa kayaa xaaya lo Dios, zee sbaa ngok xaa: “Xuz zyen doo yezh”.
28166	ROM 7:7	Nal, ¿cho kwaan nzak gu? ¿Che ley nle zee nle be jwalt? ¡Nawlita! Per nyent mod labeyy na jwalt chelee ley nyent. Nu tira nangnet na cho kwaan nak yalzoblazh, chelee lee ley nanét: “Nazoblazht lu xcheen sa myet lu”. [Ex. 20:17; Dt. 5:21]
28220	ROM 8:36	Kwentaxa nzhé lo Xkyech Dios: Dios, kwent cheen lu yizata mbizh nzho mod yet nu, nu nle xaa nu mod tub mbakxiil, ma nzhut xaa. [Sal. 44:22]
28230	ROM 9:7	Nu sneeka naret dii cheen Abraham nak wlipa dii cheen Abraham, nel Dios nzhé lo Abraham: “Lee dii cheen lu gak kwent nebse lad cheen Chak”. [Gn. 21:12]
28232	ROM 9:9	Snee naka nel kwaan wdizh ne nzhé Dios lo Abraham: “Stub liin gorna bare na stub welt, gal tub xgann rop gu Sara”. [Gn. 18:10]
28234	ROM 9:11	Nu leezha zeeraka gal rop xinn xaa, leezha zeeraka le xinn xaa nik tub kwaan, nixa kwaan wen nixa kwaan nawent, Dios nzhé lo Rebek: “Lee xaa gal yilotlaka gak xmos xaa gal gwluzh”. [Gn. 25:23] Nu leeka kwaane nzhé Xkyech Dios: “Mkedoola na Kob nu nayii na ne na Esaú”. [Mal. 1:2-3] Nu snee mlakeya, zee ne be lee Dios nzho mod kweey xaa mod nzhekla xaa. Nu lee re xaa mleey Dios, mbezh Dios xaa, nu nanont lo Dios cho kwaan mle xaa.
28238	ROM 9:15	Nel Dios nzhé lo Ches: “Nkedoola na re xaa nzhekla na kela na, nu nlesdoola na ne na re xaa nzhekla na lesla na ne na”. [Ex. 33:19]
28240	ROM 9:17	Nel lo Xkyech Dios, nzhé Dios lo faraón, xaa mnabeyy Egipto: “Mle na lu rey zee ne xaa dubse yizhyo nkano na gro doo yalnabeyy, leezha le na re kwaan nawent lo lu”. [Ex. 9:16]
28248	ROM 9:25	Modxa nzhé yech kwaan mkee Oseas: Lee re xaa nangokt xaa na, yé na lee xaa nak xaa na; nu lee re xaa namkelat na, nkela na xaa nal. [Os. 2:23]
28249	ROM 9:26	Nu leeka zee paro nzhé xaa: “Re gu nanakt xaa na”. Leeka baa nzhé xaa: “Gu nak xinn Dios, xaa naban”. [Os. 1:10]
28252	ROM 9:29	Nu leeka Chay mkee: Chol Xuz be, Xaa Nabeyy, nglaa dii cheen be, nal gorne gak be mod rop yezh kwaan nak Sodoma nu Gomorra. [Is. 1:9]
28256	ROM 9:33	Modxa nzhé Xkyech Dios: Na zoob tub xaa yek yi Sión, lee xaa nak kwent tub ke kwaan ralnii rese xaa. Nu loka xaa wii lo xaa ne, nanzhebt xaa ne xaa Dios. [Is. 28:16]
28261	ROM 10:5	Loka xaa nzhekla zo nali lo Dios kwent cheen ley kwaan mzaa Dios lo Ches, nzhaal le xaa kwaan nzhéya, nel snee mkee Ches: “Loka xaa nle rese kwaan nzhé ley, ban xaa nel mle xaa kwaan nzhé ley”. [Lv. 18:5]
28267	ROM 10:11	Lee Xkyech Dios nzhé: “Loka xaa wii lo Jesucrist, natont xaa ne xaa Dios”. [Is. 28:16]