23374	MAT 6:23	per sidela laꞌh bizloh luꞌh rahcan, gaduhbi za tihxi luꞌh nuu loh nacahyi, ¡pwihsi nacahyi duxa guiñah gaduhbi tihxi luꞌh!
23390	MAT 7:5	¡Bwiinn nin nihin riaꞌzi dxyiꞌdxyi yihca ñiꞌh! Babweꞌhexgah baltaadxiu nin nuu loh luꞌh, ya tin ziꞌchi dxiin loh luꞌh gabweꞌhe luꞌh dxihlli nin nuu laꞌn bizloh bwihtsi luꞌh.
23396	MAT 7:11	Pwihsi laꞌh tu nicala naa tu bwiinn nadxaaba raꞌ per naann tu xa gudiꞌhi tu cohsa zaꞌca laꞌh raꞌ lliiꞌn tu; ¡xi laꞌhxchiꞌh Xtaada tu nin nuu dxibaaꞌ ayi dxiaꞌhan gudiꞌhi Ñiꞌh cohsa zaꞌca laꞌh raꞌ bwiinn nin guinaaban loh Ñiꞌh!
23408	MAT 7:23	Per chiꞌchi guiñiꞌn loh raꞌ ba: “Ayi nuꞌnbwaꞌtiiꞌhihn laꞌh tu; ¡mas chaꞌyi gulchesuu nez loon laasii laꞌh tu nin ruhnn ganaalla dziꞌn dxaaba raꞌ!”
23440	MAT 8:26	Ya chiꞌchi rahbi Jesuhs loh raꞌ ba: ―¿Xixnaa rdxyihbi duxa tu? ¡Lliꞌballa gulliaaꞌha naa ziga riachiistoꞌ tu xchiꞌdxyi Dxiohs! Guyaꞌloh si guñiꞌ Ñiꞌh dxyiꞌdxyi raꞌ riiꞌ, chiꞌchi gwasuꞌnchii Ñiꞌh tin gunabwaꞌ Ñiꞌh laꞌh bwih cun ñihsadoꞌ chi tin guridxyii raꞌn, ya dxyii si babwih raꞌn,
23441	MAT 8:27	ya garaa raꞌ xpwiinn raꞌ Ñiꞌh badxyigaaꞌ duxa loh raꞌ ba, chiꞌchi tuhbigah raꞌ ba gunaabadxyiꞌdxyi loh lasaaꞌ raꞌ ba rahbi raꞌ ba: ―¿Chyuulla naa bwiinn rii? ¡Bwaꞌha hasta bwih cun ñihsadoꞌ ruzoꞌbadxiahga raꞌ xchiꞌdxyi ba!
23534	MAT 11:6	¡Dichohsa naa raꞌ bwiinn nin ayi gusaaꞌn xcweenta ziga riachiistoꞌ raꞌ ba naꞌh!
23551	MAT 11:23	Ya laꞌh tu bwiinn guihdxyi Capernaum, ¿ta ruhnn chiꞌh tu lligaaba par dxibaaꞌ gacah tu? ¡Sidela nnah mas laꞌn gueeta gabihldxyi dxiehta tu!, laasii sidela loh guihdxyi Sodoma ñuꞌnnahn dziꞌn rooꞌ raꞌ nin bwiꞌhnnaꞌhn loh tu, guihdxyi chi nahpa ñazah zaꞌca hasta laꞌn dxyih raꞌ riiꞌ.
23592	MAT 12:34	¡Laꞌh tu bwiinn nin naa raꞌ ziga zi bweꞌlda ñaꞌlaaꞌdzi! ¿Xa xclaaꞌdzi tu guiñiꞌ tu dxyiꞌdxyi zaꞌca sidela laꞌh gahca tu nadxaaba naa tu? Ya stoꞌ tu rdahla dxyiꞌdxyi dxaaba nin rñiꞌ rwaaꞌ tu.
23682	MAT 14:16	Chiꞌchi rahbi Jesuhs: ―Ayi xchiꞌhn guziaa raꞌ ba; ¡laꞌh tu gulgadiꞌhi nin gahw raꞌ ba!
23709	MAT 15:7	¡Bwiinn rusaguiꞌhi raꞌ! Nayaa-nayaa guñiꞌ guehtu profeta Isaías xcweenta tu chin bacaꞌh ba squiiꞌ:
23724	MAT 15:22	ya riꞌchi nuu tuhbi gunnaꞌh cananea ya chin bwaꞌha bi laꞌh Jesuhs gwabiiga bi loh Ñiꞌh dxyigah rbwihdxyidxiah bi rahbi bi: ―¡Lliiꞌn guehtu Davihd, balahsa stoꞌ luꞌh naꞌh! ¡Laasii lliiꞌn dxaꞌpaꞌhn nuu tuhbi bwiinndxaaba stoꞌ bi nin cazaꞌcazii duxa laꞌh bi!
23786	MAT 17:17	Chiꞌchi rahbi Jesuhs: ¡Ayi bwiinn raꞌ nin ayi riachiistoꞌ raꞌ ñiꞌh xchiꞌdxyiꞌhn! ¡Bwiinn nahda raꞌ! ¿Hasta balaaca chiꞌh nin chuꞌneꞌhn laꞌh tu? ¿Hasta balaaca chiꞌh gaca guꞌnnahn waanta laꞌh tu? ¡Gudaꞌnee lliiꞌn luꞌh riiꞌ!
23803	MAT 18:7	¡Gulguiaꞌhagah laꞌh tu bwiinn guidxyiyuh, laasii nuu nin rusiaaba laꞌh bwiinn loh duhlda! Nee Ayi dxiaꞌdxi nin guunn ziꞌca, per ¡prohbi za laꞌh bwiinn nin guunn pur chuu xtuhlda snuhn raꞌ bwiinn!
23904	MAT 21:9	ya bwiinn raꞌ nin zee ñiidxiuu loh Jesuhs cun bwiinn raꞌ nin zeꞌnaꞌhla nez dihtsi Ñiꞌh rahbi raꞌ ba: ―¡Bwiꞌhnntaaꞌyi Dxiohs yihca rrehyi lliiꞌn Davihd! ¡Lasahca duxa naa nin zeꞌ pur xcweenta Yuꞌbi Dxiohs! ¡Rachiñiꞌ zaꞌca duxa nuꞌh pur xcweenta Dxiohs nin nuu dxibaaꞌ!
23973	MAT 22:32	“Naꞌh naan Xchiohs Abrahn, Xchiohs Isaac, cun Xchiohs Jacob”? ¡Niꞌchin Dxiohs ayi naa Ñiꞌh Xchiohs raꞌ bwiinn guuchi sino que naa Ñiꞌh Xchiohs raꞌ bwiinn raꞌ nin gaca nabahan raꞌ para tuꞌpazi!
24004	MAT 23:17	¡Bwiinn nahda raꞌ bwiinn dxieꞌpa raꞌ! ¿Cuun nin lasahca ru? ¿Ta ohro o guidoꞌ nin ruhnntaaꞌyi yihca ohro?
24006	MAT 23:19	¡Bwiinn nahda raꞌ bwiinn dxieꞌpa raꞌ! ¿Cuun nin lasahca ru? ¿Ta guhn, o bacuꞌga nin ruhnntaaꞌyi laꞌh guhn?
24011	MAT 23:24	¡Laꞌh tu, nin naa raꞌ ziga bwiinn dxieꞌpa raꞌ nin xclaaꞌdzi guluuꞌyi neziuh! Mahzi riuuꞌ tu dxyiꞌdxyi lehyi nin gulliaaꞌha lasahca per dxyiꞌdxyi nin lasahca duxa ayi riuuꞌ tu ayi riaꞌzi tun, naa tu ziga bwiinn nin rbweꞌhe tuhbi balaaza loh xplahtu ñiꞌh nee ¡chiꞌchi rahbii ba tuhbi camehyu!
24019	MAT 23:32	¡niꞌchin neezaa tu gulgazaꞌloh dziꞌn raꞌ nin bwiꞌhnn raꞌ xtatita raꞌ tu nin gudxiinn laꞌh raꞌ bwiinn raꞌ nin guñiꞌ xchiꞌdxyi Dxiohs!
24020	MAT 23:33	’¡Bwiinn raꞌ nin naa raꞌ ziga zi bweꞌlda raꞌ! ¡Lliiꞌn nin naa ziga bweꞌlda ñaꞌlaaꞌdzi raꞌ! ¿Xa guunn tu tin taꞌh tu tin ayi chee tu gabihldxyi?
24024	MAT 23:37	Rahbi za Jesuhs: ―¡Prohbi za laꞌh tu bwiinn guihdxyi Jerusalehn! Rdxiinn tu laꞌh raꞌ daada raꞌ nin zeꞌgaluuꞌyi xchiꞌdxyi Dxiohs laꞌh tu cun, rsiꞌdzi dxiah tu yihca daada raꞌ nin rxeꞌhla Dxiohs guluuꞌyi xchiꞌdxyi Ñiꞌh laꞌh tu. ¡Ziahanla guclaaꞌdzihn ñutiaaꞌhahn laꞌh raꞌ xpwiinn luꞌh Jerusalehn, ziga zi rutiaaꞌha dxiidxi cuꞌca lliiꞌn ma laꞌn xihyi ma, per ayi gunnah raꞌ ba!
24045	MAT 24:19	nee ¡prohbi za laꞌh raꞌ gunnaꞌh nin nuꞌa lliiꞌn laꞌn dxyih raꞌ chi o gunnaꞌh raꞌ nin caꞌha badoꞌ!
24088	MAT 25:11	ya seguihdu gubiaꞌgarii raꞌ dxaꞌpa raꞌ nin ayi guinasiin raꞌ ya rahbi raꞌ bi: “¡Daada, daada! ¡Guxaala rwaaꞌ yuuꞌ tin gachidxuꞌtii nu!”
24103	MAT 25:26	chiꞌchi rahbi ballwaaꞌn chi: “¡Mooza dxaaba! ¡Mooza raaꞌlla! Pwihsi ¿ta nnah luꞌh naꞌh racaꞌhahn hasta ayi naa xteꞌnnahn nee rataaꞌha zahn guiñaꞌh hasta ayi gulaꞌchihn biñih?
24147	MAT 26:24	Laꞌh Lliiꞌn Dxiohs nin naa ndxiꞌhw guinaꞌzunehza ziga rñiꞌ loh Xchihtsi Dxiohs, per ¡prohbi za laꞌh bwiinn nin gutooꞌ laꞌh Ñiꞌh! Mas chaꞌyi laꞌh bwiinn chi ayi ñaalaa ba loh guidxyiyuh.
24175	MAT 26:52	chiꞌchi rahbi Jesuhs loh xpwiinn Ñiꞌh chi: ―Baguuꞌchaꞌyi spahda luꞌh, ¡cun sol niꞌca!, laasii garaa raꞌ bwiinn nin rbwihdxihndxinee spahda, cun spahda za gahchi ba.
24202	MAT 27:4	Squiiꞌ rahbi Judas loh raꞌ ba: ―Guyuuꞌ duxa xtuꞌldahn laasii batooꞌhohn laꞌh tuhbi bwiinn nin ayi xi duhlda nahpa. Ya chiꞌchi rahbi raꞌ ba loh Judas: ―¿Xiilla mpoorta chiꞌh nu pur cweenta chi? ¡Cweenta chi naa xcweenta gahca luꞌh!
24238	MAT 27:40	rahbi raꞌ ba loh Ñiꞌh: ―¿Tayi yiꞌh dxiꞌh nin nnaa luꞌh gucwih luꞌh guidoꞌ ya chohnna si dxyih dxiuꞌn zaꞌca luꞌhn? ¡Biehta loh cruhzi ca sidela guchii luꞌh laa luꞌh Lliiꞌn Dxiohs!
24240	MAT 27:42	―Baldaꞌh ba paaldaa raꞌ bwiinn loh ziahan xica gueldxyihdxyi galoh, per nnah ayi nuu guhldaꞌh ba laꞌh gahca ba. Pwihsi sidela laꞌh ba naa ba rrehyi loh raꞌ bwiinn Israel, pwihsi ¡dxiehta ba loh cruhzi tin ziꞌchi chechiistoꞌ nuꞌh laꞌh ba!
24241	MAT 27:43	Nnah ba riachiistoꞌ ba Dxiohs, pwihsi ¡guhldaꞌh Dxiohs laꞌh ba sidela nadziiꞌhi Ñiꞌh laꞌh ba, laasii nnah za ba Lliiꞌn Dxiohs laꞌh ba!
24308	MRK 1:24	―¡Ayy, basaaꞌn laꞌh nu ayi xi guunnee luꞌh laꞌh nu, Jesuhs nin zeꞌ guihdxyi Nazaret! ¿Xixnaa zeꞌgañichiloh luꞌh laꞌh nu? ¡Naꞌh nuꞌnbwaꞌn yiꞌh, yiꞌh nin naa luꞌh Bwiinn Saantu nin guluꞌnehza Dxiohs!
24311	MRK 1:27	ya garaa raꞌ ba badxyigaaꞌ loh raꞌ ba rahbi raꞌ ba: ―¿Xi niꞌca raꞌ? ¡Pwehda nacuubi raꞌ dxyiꞌdxyi raꞌ riiꞌ nin ruluuꞌyi ba, ya hasta bwiinndxaaba raꞌ ruzoꞌbadxiahga xchiꞌdxyi ba!
24336	MRK 2:7	“¿Xixnaa rñiꞌ ndxiꞌhw ca ziꞌca? ¡Cañiꞌyah ba laꞌh Dxiohs chin rñiꞌ ba squiiꞌ! ¡Tuhbidxiꞌh Dxiohs rusiaꞌpitii duhlda!”
24430	MRK 4:38	Gaduhbi naꞌllgahsi Jesuhs laꞌn laancha chi nucuꞌga Ñiꞌh tuhbi almahdu, chiꞌchi bacwaꞌhn raꞌ xpwiinn Ñiꞌh laꞌh Ñiꞌh, rahbi raꞌ ba: ―¡Mwehsu! ¡Laꞌnuꞌh cazaꞌbi ñihsa nee para yiꞌh zigazi ayi xi cayahcatiiꞌ!
24433	MRK 4:41	Ya rdxyihbi duxa raꞌ ba chiꞌchi gunaabadxyiꞌdxyi loh lasaaꞌ raꞌ ba rahbi raꞌ ba: ―¿Chyuulla naa bwiinn riiꞌ? ¡Hasta bwih cun ñihsa ruzoꞌbadxiahga xchiꞌdxyi ba!
24440	MRK 5:7	chiꞌchi guñiꞌ ba jwersi, rahbi ba: ―¿Xix zeꞌ luꞌh riiꞌ, Jesuhs Lliiꞌn Dxiohs nin nuu nabahan dziꞌtsi dxibaaꞌ? ¡Rdxiꞌnaꞌhn loh luꞌh ayi gusaꞌcazii luꞌh naꞌh!
24474	MRK 5:41	chiꞌchi gunaꞌzu Ñiꞌh naa bi, ya guñiꞌ Ñiꞌh loh bi, rahbi Ñiꞌh: ―¡Talita cumi! ―Naa dxyiꞌdxyi ziga guiñiꞌ Ñiꞌh rahbi Ñiꞌh: ¡Gwastii dxaꞌpwiꞌhn!
24569	MRK 7:37	ya garaa raꞌ bwiinn nin bihn dxyiꞌdxyi chi badxyigaaꞌ loh raꞌ ba neezaa rahbi raꞌ ba: ―¡Garaa nin ruhnn ba naa dziꞌn zaꞌca! ¡Hasta bwiinn gweꞌta rallaala ba dxiahga ñiꞌh ya goopa raꞌ ruhnn ba pur rañiꞌ raꞌ ba!
24586	MRK 8:17	Per guhcabwaꞌ Jesuhs ayi guhcabwaꞌ raꞌ xpwiinn Ñiꞌh xa naa dxyiꞌdxyi nin guñiꞌ Ñiꞌh loh raꞌ ba niꞌchin rahbi Ñiꞌh: ―¿Xixnaa rahbi tu ayi nahpa tu pahn? ¿Ta nagahdxi gacabwaꞌ tu? ¡Xiꞌballa nahda stoꞌ tu, nee dxiahga tu ñieꞌwun!
24587	MRK 8:18	¡Nuu dxiahga tu cun bizloh tu, per rluuꞌyi ayi riin loh tu cun dxiahga tu ayi rihnan! ¿Tayi riagannastoꞌ tu?
24602	MRK 8:33	per chiꞌchi basiaꞌgarii loh Jesuhs bwaꞌha Ñiꞌh loh raꞌ xpwiinn Ñiꞌh, chiꞌchi rahbi Ñiꞌh loh Pehdru: ―¡Gwasuu loh xnezyuun Satanahs! ¡Yiꞌh ayi ruhnn luꞌh xigaaba xteenn Dxiohs, pur xigaaba si bwiinn guidxyiyuh cayuhnn luꞌh!
24612	MRK 9:5	chiꞌchi rahbi Pehdru loh Jesuhs: ―¡Mwehsu, bwen gahca dxuu nuꞌh riiꞌ! ¡Laꞌh nu guidiꞌhnnchaꞌyi chohnna yuuꞌ dxillaaꞌ; tuhbin para Yuꞌbiluꞌh, stuhbin para Moisehs, ya stuhbin para laꞌh Elías!
24626	MRK 9:19	Chiꞌchi rahbi Jesuhs loh raꞌ garaa bwiinn ziahan nin rii riꞌchi: ―¡Ayy, bwiinn raꞌ nin ayi riachiistoꞌ raꞌ ñiꞌh! ¡Bwiinn naxihn raꞌ! ¿Balaaca xchiꞌhla nin guꞌnnahn waanta chuuꞌhuhn loh tu? ¡Gultaaꞌnee lliiꞌngaaꞌn luꞌh riiꞌ!
24630	MRK 9:23	Chiꞌchi rahbi Ñiꞌh loh bwiinn chi: ―¿Xa mohda rnaabadxyiꞌdxyi luꞌh sidela, zahca gacaneꞌhn yiꞌh? ¡Garaa zahca gacaneꞌhn laꞌh raꞌ bwiinn nin riachiistoꞌ raꞌ ñiꞌh zahca gacanee Dxiohs laꞌh raꞌ ba!
24631	MRK 9:24	Chiꞌchi guzoꞌbaloh jweersi cañiꞌ xpaah biꞌnxtuhbi chi loh Ñiꞌh, rahbi ba: ―¡Riachiistoꞌn! ¡Bwiꞌhnn cumpahñu naꞌh tin mahzi ru chechiistoꞌn!
24681	MRK 10:24	Ya badxyigaaꞌ duxa loh raꞌ xpwiinn Ñiꞌh chin bihn raꞌ ba nin guñiꞌ Ñiꞌh, chiꞌchi rahbi Ñiꞌh stuhbi: ―Lliiꞌn raꞌ, ¡lliꞌballa nagahn naa para chuꞌtii bwiinn rricu loh xquelrnabwaꞌ Dxiohs!
24705	MRK 10:48	Ya bidxyiꞌchi ziahan raꞌ bwiinn niꞌchin rahbi raꞌ ba loh ba: ―¡Biacadxyii! ¡Ayi rñiꞌ luꞌh ziꞌca! Per laꞌh ba mahzi ru jwersi rooꞌ ru cañiꞌ ba: ―¡Lliiꞌn guehtu Davihd, balahsastoꞌ luꞌh naꞌh!
24718	MRK 11:9	ya nuhn raꞌ bwiinn nin zeeñiidxiuu nez loh Jesuhs, cun snuhn raꞌ ba nin naꞌhla laꞌh Ñiꞌh, guzaꞌloh cañiꞌ raꞌ ba jweersirooꞌ, rahbi raꞌ ba: ―¡Bwen duxa naa Dxiohs! ¡Bwiꞌhnn taaꞌyi Dxiohs yihca rrehyi nin zeꞌ pura xcweenta Dxiohs!
24719	MRK 11:10	¡Bwiꞌhnn taaꞌyi Dxiohs laꞌh guelrnabwaꞌ nin zeꞌ xcweenta xpaah Davihd nuꞌh! ¡Zuxchiilli Dxiohs!
24726	MRK 11:17	baluuꞌyi Ñiꞌh laꞌh raꞌ bwiinn rahbi Ñiꞌh: ―Laꞌtu naann la xa rñiꞌ Dxiohs ziga caa loh Xchihtsi Dxiohs: “Yiidzihn gaca tuhbi yuuꞌ hasta dxiꞌ raꞌ garaa raꞌ bwiinn guidxyiyuh, tin cwidxyi-guinaaba raꞌ ba naꞌh”, ¡per laꞌh tu cayuhnn tun ziga zi tuhbi cwehva hasta riuuꞌ raꞌ gubaꞌn!
24730	MRK 11:21	ya loh nin bagannastoꞌ Pehdru nin guñiꞌ Ñiꞌh, chiꞌchi rahbi ba loh Ñiꞌh: ―Mwehsu, ¡bwaꞌha! ¡Laꞌh yahga ñiigu nin guluꞌdii luꞌh laꞌn gubihdzila!
24787	MRK 13:1	Chin bariaꞌh Jesuhs laꞌn guidoꞌ rooꞌ, chiꞌchi guñiꞌ tuhbi raꞌ xpwiinn Ñiꞌh loh Ñiꞌh, rahbi ba: ―Mwehsu, ¡bwaꞌha dxiah roo raꞌ ca nee bwaꞌha yuuꞌ rooza raꞌ ca!
24803	MRK 13:17	¡Prohbi laꞌh raꞌ gunnaꞌh nin nuꞌa lliiꞌn raꞌ laꞌn dxyih raꞌ chi o gunnaꞌh raꞌ nin caꞌha badoꞌ!
24823	MRK 13:37	Nin rñiꞌn loh tu cañiꞌn loh garaatiiꞌ tu; ¡gulcwih nasiin para hohra chi!
24844	MRK 14:21	Guchii nahpa ziaaꞌhahn ziga naan Lliiꞌn Dxiohs nin naa ndxiꞌhw, ¡per prohbi za laꞌh bwiinn nin gutooꞌ naꞌh! Mas chaꞌyi ayi ñaalaa ba loh guidxyiyuh riiꞌ.
24892	MRK 14:69	Ya chin bwaꞌha gunnaꞌh chi laꞌh Pehdru stuhbi, rahbi bi loh raꞌ nin rii riꞌchi: ―¡Gulguiaꞌha! ¡Bwiinn ca naa tuhbi xpwiinn Jesuhs!
24893	MRK 14:70	Per basaguiꞌhi laꞌgaꞌh Pehdru stuhbi, ya mas balaaquiꞌhn rahca rahbi raꞌ nin rii riꞌchi loh Pehdru: ―¡Guchii paꞌcan! ¡Nee luꞌh naa luꞌh tuhbi xpwiinn Jesuhs, laasii naa luꞌh tuhbi bwiinn Galilea!
24899	MRK 15:4	chiꞌchi gunaabadxyiꞌdxyi Pilahtu loh Ñiꞌh stuhbi rahbi ba: ―¿Tayi guiñiꞌ luꞌh? ¡Bwaꞌha ziahan cohsa raꞌ nin cagacaꞌchiah raꞌ ba yiꞌh!
24925	MRK 15:30	¡Yannah baldaꞌh yiꞌh gahca tin biehta loh cruhzi ca!
24929	MRK 15:34	ya hohra chi gahca guñiꞌ Jesuhs jweersi rooꞌ rahbi Ñiꞌh: ―¡Eloi, Eloi!, ¿lama sabactani? ―Squiiꞌ rñiꞌ dxyiꞌdxyi raꞌ riiꞌ: ¡Xtaada Dxiohsaꞌhn, Xtaada Dxiohsaꞌhn!, ¿xixnaa basaaꞌn luꞌh naꞌh?
24930	MRK 15:35	Ya nuu raꞌ nin rii riꞌchi bihn raꞌ ba nin guñiꞌ Ñiꞌh ya rahbi raꞌ ba: ―¡Gulgacaꞌdxiahga! ¡Cabwihdxyi ba laꞌh Elías!
25090	LUK 2:48	Ya chin bwaꞌha Joseh cun xmah Jesuhs laꞌh Ñiꞌh, chiꞌchi badxyigaaꞌ za raꞌ ba, chiꞌchi rahbi xmah Ñiꞌh loh Ñiꞌh: ―Xiiꞌhihn, ¿xixnaa bwiꞌhnnee luꞌh naꞌh ziꞌca? Bwaꞌha, xpah luꞌh neen naꞌh ¡blaaca riacahstoꞌ nu yiꞌh!
25166	LUK 4:34	―¡Ayy, basaaꞌn laꞌh nu! ¿Xixzeꞌ luꞌh riiꞌ Jesuhs nin zeꞌ guihdxyi Nazaret? ¿Ta zeꞌ luꞌh tin guñihchiloh luꞌh laꞌh nu? ¡Naꞌh nuꞌnbwaꞌn yiꞌh, yiꞌh nin naa luꞌh Lliiꞌn Saantu Dxiohs!
25168	LUK 4:36	Ya badxyigaaꞌloh garaa raꞌ ba, chiꞌchi guzaꞌloh cañiꞌ loh lasaaꞌ raꞌ ba, rahbi raꞌ ba: ―¿Xi dxyiꞌdxyi raꞌ riiꞌ rñiꞌ bwiinn riiꞌ? ¡Bwaꞌha xa rnabwaꞌ daada riiꞌ bwiinndxaaba nee nahpa ruzoꞌbadxiahga raꞌ bwiinndxaaba xchiꞌdxyi ba rariaꞌh raꞌ ba stoꞌ raꞌ bwiinn!
25197	LUK 5:21	Chiꞌchi guzaꞌloh raꞌ mwehsu nin ruluuꞌyi lehyi cun fariseu raꞌ, riiyuhnn raꞌ ba lligaaba, nastoꞌ raꞌ ba: “¿Chyulla bwiinn riiꞌ nin cañiꞌyah laꞌh Dxiohs? Ayi nin tuhbi bwiinn nin rusiaꞌpitii xtuhlda bwiinn. ¡Tuhbidxiꞌh Dxiohs ruhnnan!”
25257	LUK 6:42	¿Xixnaachiꞌh rahbi luꞌh loh bwihtsi luꞌh gabweꞌhe luꞌh dxihlli nin nuu loh bi nee ayi rabweꞌhexgah luꞌh baltaadxiu nin nuu laꞌn loh luꞌh? ¡Bwiinn rusaguiꞌhi! Babweꞌhexgah baltaadxiu nin nuu laꞌn loh luꞌh tin ziꞌchi gwaꞌha zaꞌca luꞌh gabweꞌhe luꞌh dxihlli nin nuu laꞌn bizloh bwihtsi luꞌh.
25280	LUK 7:16	Ya chin bwaꞌha raꞌ bwiinn nin zegacaꞌtsi laꞌh bi bacwaꞌhn Jesuhs laꞌh bi, chiꞌchi bidxyihbi duxa raꞌ ba laasii bwaꞌha raꞌ ba guhca bacwaꞌhn Jesuhs laꞌh nuꞌbi chi loh guelguhchi, ya guzaꞌloh riiñiꞌ raꞌ ba: ―¡Bayi Dxiohs sihn chuhla naa Ñiꞌh! ¡Tuhbi bwiinn nin mahzi lasahca nin rñiꞌ xchiꞌdxyi Dxiohs laꞌba badzihn nezloh nuꞌh! Neezaa rahbi raꞌ ba: ―LaꞌDxiohs badzihn gacanee Ñiꞌh laꞌh raꞌ xpwiinn Ñiꞌh.
25313	LUK 7:49	Ya chin bihn raꞌ garaa bwiinn nin zohbanee Ñiꞌh hasta zuu mweela dxyiꞌdxyi raꞌ chi, guzoꞌbaloh riñiꞌ loh lasaaꞌ raꞌ ba, rahbi raꞌ ba: ―¿Chyulla Daada riiꞌ? ¡Hasta xtuhlda raꞌ bwiinn rusiaꞌpitii ba!
25338	LUK 8:24	Ya chiꞌchi gwah xpwiinn Jesuhs hasta naꞌllgahsi Ñiꞌh, ya bacwaꞌhn raꞌ ba laꞌh Ñiꞌh, rahbi raꞌ ba: ―¡Mwehsu, Mwehsu, babahn! ¡Amweer laꞌnuꞌh saꞌbigueeꞌla ñihsa! Chiꞌchi lwehgu gwastii Jesuhs, guñiꞌ Ñiꞌh loh bwih chi cun loh ñihsa tin cweezan. Ya lwehgu gahca guridxyii raꞌn.
25339	LUK 8:25	Ya chiꞌchi rahbi Ñiꞌh loh raꞌ xpwiinn Ñiꞌh: ―¿Xixnaa ayi riachiistoꞌ tu Dxiohs tin gacanee Ñiꞌh laꞌh tu? Ya laꞌh raꞌ ba bidxyihbi duxa raꞌ ba neezaa badxyigaaꞌloh raꞌ ba laꞌh Jesuhs, ya gunaabadxyiꞌdxyi loh lasaaꞌ raꞌ ba, rahbi raꞌ ba: ―¿Chyuulla naa bwiinn riiꞌ? ¡Hasta bwih cun ñihsa rnabwaꞌ ba nee rzohbadxiahga raꞌn xchiꞌdxyi ba!
25342	LUK 8:28	Ya chin bwaꞌha ba laꞌh Jesuhs, bazuꞌnllihbi ba nez loh Ñiꞌh guñiꞌ ba jweersi, rahbi ba: ―¿Xix zeꞌchuu luꞌh riiꞌ, Jesuhs Lliiꞌn Dxiohs nin nuu nabahandziꞌtsi dxibaaꞌ? ¡Rdxiꞌhnaꞌhn loh luꞌh ayi gusaꞌcazii luꞌh naꞌh!
25445	LUK 10:13	Rahbiza Jesuhs: ―¡Prohbi laꞌh tu bwiinn guihdxyi Corazihn! ¡Prohbiza laꞌh tu bwiinn guihdxyi Betsaida! Sidela ñwaꞌha raꞌ bwiinnziitu nin gubahan guihdxyi Tiru cun Sidohn milahgru raꞌ nin bwiꞌhnnaꞌhn nez loh tu ñahca nalaasastoꞌ raꞌ ba pur xtuhlda raꞌ ba, nen nahpa ñazah raꞌ ba xneziuh Dxiohs. Ñahcu raꞌ ba lahdxilluhn, ñuroꞌba raꞌ ba cobadeh yihca raꞌ ba ziga tuhbi sehn nin ñacanalaasastoꞌ raꞌ ba.
25447	LUK 10:15	Ya ziga laꞌh tu bwiinn guihdxyi Capernaum, ¿ta ruhnn tu lligaaba par dxibaaꞌ gacah tu? Sidela nnah ¡mahziru laꞌn gueeta gabihldxyi dxiehta tu!
25514	LUK 11:40	¡Bwiinn nahda raꞌ! ¿Tayi rahcabwaꞌ tu? Bwiinn nin ruhnnchaꞌyi guihsu laꞌba ruhnn ba dihtsin cun laꞌnan, niꞌchin nahpa chiꞌbi tu dihtsin nee cun laꞌnan.
25556	LUK 12:28	Sidela ziꞌchi ruhnnchaꞌyi Dxiohs dxiaꞌ nagaaꞌ joosca raꞌ nin rii loh dahan nnah ya guillii gwaꞌha ban laꞌngubihdzila chiꞌchi gucaꞌdxih raꞌ ban, niꞌchin nnah gulgahcabwaꞌ laꞌh tu mahzi lasahca tu que dxiaꞌ raꞌ chi niꞌchin nahpa guniꞌhi Ñiꞌh nin gahcu tu, ¡bwiinn raꞌ nin zee-zeꞌ loh xigaaba raꞌ ñiꞌh!
25577	LUK 12:49	Rahbiza Jesuhs: ―Naꞌh bieꞌldahn tin gucaꞌdxiin guidxyiyuh riiꞌ; ¡ojlaꞌh cayahcalan!,
25584	LUK 12:56	¡Bwiinn nahda raꞌ!, laꞌtu naann xa rzaꞌloh sehn raꞌ nin nuu guidxyiyuh cun llaaꞌndxibaaꞌ, ya ¿xixnaa ayi rahcabwaꞌ tu xa rzaꞌloh chieempa raꞌ nin dxuu nuꞌh nnah?
25621	LUK 13:34	¡Prohbiza laꞌh tu bwiinn Jerusalehn raꞌ! Rdxiinn tu daada raꞌ nin zeꞌgañiꞌ xchiꞌdxyi Dxiohs lahdxyi tu neezaa rusihdzidxiah tu yihca bwiinn raꞌ nin rxeꞌhla Dxiohs loh tu, tin gachi raꞌ ba. Ziahan bwelta guclaaꞌdzihn ñutiaaꞌhahn laꞌh tu ziga rutiaaꞌha dxiidxi cuuca lliiꞌniꞌhn ma tin raguuꞌlaꞌnxihyi ma laꞌh raꞌ lliiꞌn ma, per ayi guclaaꞌdzi tu bwen ñuhnn Dxiohs pur laꞌh tu ziꞌchi.
25733	LUK 17:13	chiꞌchi guñiꞌ raꞌ ba jweersi, rahbi raꞌ ba: ―¡Jesuhs, mwehsu! ¡Balahsastoꞌ luꞌh laꞌh nu!
25796	LUK 18:39	Ya chiꞌchi bidxyiꞌchi bwiinn raꞌ nin zee delaanta guzohbaloh zeeñiꞌ raꞌ ba, rahbi raꞌ ba: ―¡Biacadxyii!, ¡ayi rñiꞌ luꞌh ziꞌca! Per laꞌh ba mahziru cañiꞌ ba jweersirooru: ―¡Lliiꞌn guehtu Davihd, balahsastoꞌ luꞌh naꞌh!
25846	LUK 19:46	ya gaduhbi cagabweꞌhe Ñiꞌh laꞌh raꞌ ba, chiꞌchi rahbi Ñiꞌh loh raꞌ ba: ―Loh Xchihtsi Dxiohs caa raꞌ dxyiꞌdxyi raꞌ riiꞌ: “Yiidzihn gaca tuhbi yuuꞌ hasta dxiꞌ tu tin cwidxyi-guinaaba tu naꞌh”, ¡ya laꞌh tu ruhnn tun zigazi tuhbi cwehva hasta riuuꞌ raꞌ gubaꞌn!
25955	LUK 22:22	nee guchii nahpa gutiꞌdxiloon trabahjw duxa, laasii naan Bwiinn nin guxeꞌhla Dxiohs nahpa zareꞌcaa garaa nin caa loh xchihtsi Dxiohs, ¡per prohbiza bwiinn nin gutooꞌ naꞌh!
25984	LUK 22:51	chiꞌchi rahbi Jesuhs loh raꞌ xpwiinn Ñiꞌh: ―¡Gulgasaaꞌn ba! ¡Cun sol niꞌca! Chiꞌchi badxiꞌhyi Jesuhs dxiahga mooza chi bachiꞌdxu Ñiꞌhn talguꞌnsi biaca zaꞌcan,
25993	LUK 22:60	Chiꞌchi rahbi Pehdru loh ba: ―Per daada, ¡ayi rahcabwaꞌn xiniꞌca nugazeꞌta luꞌh! Ya hohra gahca nin cañiꞌ Pehdru bacaꞌyahnn tuhbi dxiidxinguhla,
25997	LUK 22:64	neezaa basieꞌw raꞌ ba loh Ñiꞌh chiꞌchi gudahpa raꞌ ban, rahbi raꞌ ba: ―Pwihsi yiꞌh ziga naa luꞌh Crixtu, ¡guhcabwaꞌ chyuñin nin gudahpa loh luꞌh!
26004	LUK 22:71	Chiꞌchi laꞌ gahca raꞌ ba rahbi loh lasaaꞌ raꞌ ba: ―¿Xi xclaaꞌdzi tu nnah? Ayiru xchiꞌhn guiñiꞌru bwiinn ca laasii laꞌh gahca nuꞌh bihn nuꞌh dxyiꞌdxyi raꞌ nin guñiꞌ ba, ¡ya dxyiꞌdxyi chi gahca guunn guelguxchiisi laꞌh ba!
26025	LUK 23:21	per laꞌh raꞌ bwiinn ziahan chi mahziru jweersirooꞌ rahbi raꞌ ba: ―¡Bacaꞌh ba loh cruhzi!, ¡bacaꞌh ba loh cruhzi!
26039	LUK 23:35	ya ziahan raꞌ bwiinn rii riꞌchi riiywaꞌha cacaa Jesuhs loh cruhzi, ya hasta bwiinn raꞌ nin rnabwaꞌ laꞌh raꞌ ba cagallihdzinee raꞌ ba laꞌh Jesuhs, rahbi raꞌ ba: ―Baldaꞌh ba paaldaa bwiinn loh ziahan cohsa galoh yannah ¡guhldaꞌh ba laꞌh gahca ba sidela guchii ba naa ba Crixtu nin guxeꞌhla Dxiohs!
26041	LUK 23:37	Chiꞌchi rahbi raꞌ ba loh Jesuhs: ―Sidela guchii luꞌh naa luꞌh xrrehyi raꞌ bwiinn Israel, ¡baldaꞌh yiꞌh gahca!
26085	LUK 24:25	Chiꞌchi rahbi Jesuhs loh raꞌ ba: ―¡Aii bwiinnraꞌ! ¡Lliballanihin riuuꞌtii dxyiꞌdxyi laꞌn yihca tu; balaacachiꞌh rahcataꞌh tu tin riasaa tu garaa dxyiꞌdxyi nin bacaꞌh raꞌ profeta, daada raꞌ nin guñiꞌ xchiꞌdxyi Dxiohs caadxyih!
26162	JHN 1:49	Chiꞌchi rahbi Natanael loh Ñiꞌh: ―Mwehsu, ¡yiꞌh naa luꞌh Lliiꞌn Dxiohs, nee naa za luꞌh Rehyi loh raꞌ bwiinn Israel raꞌ!
26180	JHN 2:16	Ya rahbi Ñiꞌh loh raꞌ bwiinn raꞌ nin rutooꞌ palohmma: ―¡Gulgabweꞌhe niꞌca raꞌ riiꞌ! ¡Ayi guunn tu yihdzi Xtaaꞌdahn ziga tuhbi loh dxiaaꞌ!
26446	JHN 7:49	¡Per laꞌh raꞌ bwiinn riiꞌ nin ayi gaann raꞌ ba lehyi, bwiinn dii raꞌ ba!
26490	JHN 8:40	pwihsi naꞌh nicala guñiꞌn loh tu dxyiꞌdxyi guchii nin baniꞌhi Dxiohs guiñiꞌn loh tu, ya laꞌh tu xclaaꞌdzi tu gadxiinn tu naꞌh, ¡nee guehtu Abrahn ayi guyuuꞌ ba lligaaba ziga lligaaba nin nuu tu!
26538	JHN 9:29	Laasii laꞌh nu naann nu guñiꞌ Dxiohs loh Moisehs, per ziga niꞌchi, ¡nin ayi chyu gaann canehza biinloh niꞌchi!
26539	JHN 9:30	Ya chiꞌchi rahbi bwiinn nin ayi biin loh ñiꞌh chi: ―¿Xiilla deeꞌ? ¡Laꞌh tu ayi gaann tu canehza biinloh ba, per naꞌh laꞌh ba basiaca loon!
26635	JHN 11:43	Ya chin guyaꞌloh guñiꞌ Ñiꞌh dxyiꞌdxyi raꞌ riiꞌ, guñiꞌ Ñiꞌh jweersi rooꞌ rahbi Ñiꞌh: ―¡Lásaro! ¡Bareꞌh riꞌca!
26662	JHN 12:13	niꞌchin bachyuuꞌga raꞌ ba batahga raꞌ xteenn yahga zihn tin biriaꞌh raꞌ ba bagachiꞌloh raꞌ ba laꞌh Jesuhs, ya rahbi raꞌ ba jweersi rooꞌ: ―¡Gulguiñiꞌzaꞌca pur lah Dxiohs! ¡Bwiꞌhnntaaꞌyi Ñiꞌh yihca bwiinn nin zeꞌ pur xcweenta Ñiꞌh! ¡Bwiꞌhnntaaꞌyi Dxiohs yihca rrehyi raꞌ bwiinn Israel!
26736	JHN 13:37	Chiꞌchi rahbi Pehdru: ―Daada, ¿xixnaa ayi dxieꞌldanaꞌhlaꞌhn yiꞌh nnah? ¡Nicala gudiꞌhihn xquelnabahnahn pur yuꞌbiluꞌh!