23390	MAT 7:5	¡A mbecy rzuu lo! Bloo yabicy ily nu ri urlor loga la, gun orzeꞌ nap zir zac ru toop miꞌ nu ri urlo losaꞌr.
23439	MAT 8:25	Orzeꞌ de yu nu rsyaꞌ lom pcueeñ dey mi. Orzeꞌ na dey rab yum: ―¡Shuaan de̱, bloo mbañ den! Gun bi rnit lo den lo nis ―na dey.
23440	MAT 8:26	Orzeꞌ Jesuuz nam rab mi dey: ―¿Lagu dzi rdzib der? ¡Dzi ga ñuu miꞌ consuel ricy cup der lo̱! ―nam. Orzeꞌ wesh tem mniim lo bi nu lo nisyudoo nu gariñ. Orzeꞌ rup laañ gucañ. Se ri zu la byac.
23549	MAT 11:21	―¡Cuaa de ru mbecy nu yuꞌ gyedz Corazín! Nunu, ¡cuaa de ru mbecy gyedz Betsaida! Gun benu ñgyicya̱ nusuriidz lat de mbecy nu yuꞌ gyedz Tiro nu gyedz Sidón gal nu bicya̱ lat de ru, orzeꞌ bi gulas nneꞌ dey cyiy. Orzeꞌ nzu dey shab cuiñ yu nunu ncoo dey diꞌñ tooy par nu gabe nu ñgyac dey mbecy shni.
23592	MAT 12:34	¡De ru, mbecy a̱ꞌ nap! ¿Lac gyicy der gniir coz nap, zeꞌ nac der mbecy a̱ꞌ nap? Gun nu ruꞌ mbecy rniiy lac na de coz nu dzi yuꞌ nañ lardooy.
23692	MAT 14:26	Na ornu bzaac dey nu yad mi lo nis, orzeꞌ tonaꞌ la gudzib dey. Orzeꞌ rbish ti la dey. Orzeꞌ na dey: ―¡Ndeꞌ tub bis! ―na dey. Nunu rbish ti dey nu tantaꞌ gudzib dey.
23693	MAT 14:27	Tees orzeꞌ Jesuuz nam rab mi dey: ―¡Briic der baloor! ¡Ya̱ nu ndeꞌ! ¡Cueꞌ dzib der! ―nam.
23696	MAT 14:30	Tees ornu bduꞌ cuen yu nu dzi druu bi, orzeꞌ gudzib yu. Orzeꞌ brugyiꞌ rzez ti̱y lo nis. Orzeꞌ brish tiy. Orzeꞌ nay: ―¡Shuaan de̱, bloo mbañ ya̱! ―nay.
23697	MAT 14:31	Orzeꞌ lueg la Jesuuz bduꞌ yaam yaay. Orzeꞌ nam rab mi yu: ―¡Dzi ga ñuu miꞌ consuel ricy cup ru! ¿Lagu bicy cyup ic ru? ―nam.
23699	MAT 14:33	Orzeꞌ de yu nu yuꞌ nañ barc zeꞌ gusutib dey lo Jesuuz. Orzeꞌ na dey rab yum: ―¡Rishli gaal ru nac ru iꞌñ Ñgyoozh! ―na dey.
23709	MAT 15:7	¡A de ru mbecy rzuu lo! Tonaꞌ la nap mnii Isaías, yu nu mnii por cuen ni Ñgyoozh, ornu mniiy:
23724	MAT 15:22	Orzeꞌ bruꞌña tub biñ mñaa, biñ Cananea nu pcyiiñ lugaar zeꞌ, lo Jesuuz. Orzeꞌ rbish ti num Jesuuz. Orzeꞌ nam: ―¡Jesuuz, biñ nu nac nez Dabi, gushni ñuu lagy ya̱! Fiñ guzh ne̱ bicy ni nuras ñi nunu tonaꞌ la rzac ñi ―nam.
23730	MAT 15:28	Orzeꞌ Jesuuz nam rab mi biñ mñaa zeꞌ: ―¡Dzi ga fert ricy cup ru consuel lo̱! Na ya̱ gyicya̱ gal nu rlagy ru ―nam. Orzeꞌ laab or la zeꞌ byac fiñ nguzh nim.
23744	MAT 16:3	Nunu or zaꞌ yu rnii der: “Dzi na gyet gyey gun zu cow de ruꞌ baa nunu taꞌ za ña”, rnii der. ¡Mbecy rzuu lo! Rad lagy der lac yaruu de muesht nu taꞌ baa, tees wagad lagy der lac yaruu de muesht nu ricy nu gabe la tiem.
23749	MAT 16:8	Tees Jesuuz gud lagy mi de coz nu mnii dey. Orzeꞌ nam rab mi dey: ―¿Lagu rnii der nu wangyiid nur gyishtily? ¿A ndeꞌ nu ni rne̱e̱ rzii der? ¡Dzi ga consuel miꞌ ricy cup der lo̱!
23763	MAT 16:22	Orzeꞌ Bed gua nu reñ yu Jesuuz. Gazeꞌ nu fert mniiy tub riidz lom. Orzeꞌ nay rab yum: ―¡Shuaan de̱, cueꞌ zaan yaa Ñgyoozh nu rila cueꞌ ni zac ru! ―nay.
23764	MAT 16:23	Orzeꞌ Jesuuz bish cyam mniim loy. Orzeꞌ nam: ―¡Bruu chu lo̱ ii nuras! Ricy ru nu yabiigy zir coz nu rlagy ñi gyicya̱, gun shcab nir wasaap ñi shcab ni Ñgyoozh; sinu shcab nir ndeꞌ shcab nu ricy cup mbecy ziꞌl ―nam.
23773	MAT 17:4	Orzeꞌ Bed nay rab yu Jesuuz: ―Shuaan de̱, ¡dzi ga nap nu yu̱ꞌ de̱ ii! Benu rlagy ru, orzeꞌ za̱a̱ de̱ chon ramad ni der: tub par ru, tuubaꞌ par Moisees, tuubaꞌ par Elías ―nay.
23786	MAT 17:17	Orzeꞌ na Jesuuz: ―¡A der mbecy nu yuꞌ na! Dzi ga wagyicy cup der consuel lo̱. Dzi ga mnu shcab ni der. ¿Laꞌ zir be tiem rlagy ñi nu chesa̱ du̱ der? Da nu der yu nguzh rat zeꞌ lo̱ ―nam.
23803	MAT 18:7	¡Dzi ga cuaa de mbecy gyishlombecy ii nu ricy dey nu rnu losaꞌy! Gun segur la yuꞌ coz nu ricy ñi nu ricy mbecy cyi, tees ¡cuaa mbecy nu rlyuu coz cyi lo losaꞌ!
23828	MAT 18:32	Orzeꞌ rey zeꞌ bredz yu moz zeꞌ nu chay loy. Orzeꞌ nay rab yuy: “¡Ru mbecy a̱ꞌ nap! Ya̱ bicy sulagya̱ nir ni dela diꞌñ ru gun mnishbaar lo̱.
23891	MAT 20:30	Na zu cyup mbecy lo caꞌ gusub dey cuit nez nu zam. Ornu güeñ dey nu yad mi, orzeꞌ brugyiꞌ rbish ti dey. Orzeꞌ na dey: ―¡Jesuuz nez Dabi, gushni ñuu lagy de̱ ya̱! ―na dey.
23892	MAT 20:31	Orzeꞌ de mbecy zigy bdzaꞌ dey niy, nunu mnii dey nu cueꞌ cush ti dey. Tees de yu zeꞌ rbish ti gaꞌ zir dey. Orzeꞌ na dey: ―¡Jesuuz nez Dabi, gushni ñuu lagy de̱ ya̱! ―na dey.
23904	MAT 21:9	Orzeꞌ dela mbecy nu zub lo lom, gal nu de yu nu zaab par ich mi brugyiꞌ rbish ti dey. Orzeꞌ na dey: ―¡Dzi ga zily nac biñ nu bruu lat nez rey Dabi! ¡Ñgyoozh nac num ru, biñ nu bzuꞌ nez mi! ¡Dzi ga zily nac Ñgyoozh, biñ nu gya zir zu! ―na dey.
23910	MAT 21:15	Tees de uz zub lo gal nu de yu nu rlyuu leey nu bzeeñ Moisees bzaac dey de nusuriidz nu bicy mi. Nunu güeñ dey nu dzi rbish ti de yu nguzh nu yuꞌ zeꞌ. Orzeꞌ na de yu nguzh zeꞌ: “¡Dzi ga zily nac biñ nu bruu lat nez rey Dabi!” na dey. Orzeꞌ de uz zeꞌ nu de yu nu rlyuu leey zeꞌ tonaꞌ la guzi lagy dey.
23914	MAT 21:19	Orzeꞌ bzaac mi tub ya las zub ñi cuit nez. Orzeꞌ gush nez mi zam looñ. Tees ni tub uugy wangyap mi looñ. Nomaas lyag ziꞌl taꞌ niñ. Orzeꞌ nam rab mi ya las zeꞌ: ―¡Bee dzi na par lo rila wazacaꞌ lor nu cuic ru uugy! ―nam. Orzeꞌ lueg la guwach ya las zeꞌ.
23924	MAT 21:29	Orzeꞌ na yu feñ zeꞌ rab yu uz yu: “¡Waya̱!” nay. Tees despuees bdza shcab niy. Orzeꞌ guay.
23973	MAT 22:32	“Ya̱ naca̱ Ñgyoozh ni Abraham, naca̱ Ñgyoozh ni Isaac, nunu naca̱ Ñgyoozh ni Jacob.” ¡Gun Ñgyoozh a̱ꞌ nac mi Ñgyoozh ni mbecy nu byaꞌ lo la sinu nac mi Ñgyoozh ni mbecy nu mbañ mas bi gut yu! ―na Jesuuz.
24000	MAT 23:13	’¡Cuaa de ru, mbecy nu rlyuu leey ni Ñgyoozh, gal nu de ru mbecy fariseo, gun nac der mbecy rzuu lo! De ru rsoow der roꞌ nu chuꞌ de mbecy lat de yu nu riib ic Ñgyoozh, gun orzeꞌ wac chuꞌ mbecy lugaar zeꞌ. Gun ni de ub ru wayuꞌr lugaar zeꞌ, ni wacsaan der nu chuꞌ deꞌ zir mbecy nu rlagy chuꞌ lugaar zeꞌ.
24001	MAT 23:14	’¡Cuaa de ru mbecy nu rlyuu leey ni Ñgyoozh nu de ru mbecy fariseo, gun nac der mbecy rzuu lo! Nunu rboo der yuꞌ de byud nu de gyel nap nim. Orzeꞌ par nu rlagy der nu soow sur lo de coz a̱ꞌ nap nu ricy ru, orzeꞌ chi rnii nu der Ñgyoozh. Ndeꞌ nu de ru cashtig ily zir gad ni der.
24002	MAT 23:15	’¡Cuaa de ru mbecy nu rlyuu leey ni Ñgyoozh gal nu de ru mbecy fariseo, gun nac der mbecy rzuu lo! Tonaꞌ la rboo lo der rded ru dutuub la lugaar par nu gyicy ru gan mas ñuu tub mbecy nu chetib ic leey ni der yu. Nunu ornu bi bicy der gan tub mbecy, orzeꞌ ricy der nu dub gal nu na cashtig nu yad ñi nu gad ni der gabily, orzeꞌ de yu zeꞌ cyup tir ni na cashtig yad ñi nu gad ni dey.
24003	MAT 23:16	’¡Cuaa de ru! Na der gal nu na mbecy lo caꞌ. Zeꞌ rlyuu der nez ni losaꞌr. De ru rniir: “Benu zat na yuꞌ ni Ñgyoozh par nu gabe nu gyicy paa den nu riidz nu rniin, orzeꞌ walagy ñi gyicy paan nu riidz zeꞌ. Zeꞌ benu zat den or nu yuꞌ nañ yuꞌ ni Ñgyoozh par nu gabe nu ricy paan nu riidz nu rniin, orzeꞌ rlagy ñi gyicy paan”, rnii der.
24004	MAT 23:17	¡Der mbecy ton! ¡Mbecy lo caꞌ! ¿Ca na nu ricy zir ñi presis: a yuꞌ ni Ñgyoozh uti or nu taꞌ nañ ñi? Gun yuꞌ ni Ñgyoozh, ndeꞌ ricy ñi nu or zeꞌ nac ñii coz nim. Walab or zeꞌ ricy ñi nu yuꞌ zeꞌ nac ñii yuꞌ ni Ñgyoozh.
24006	MAT 23:19	¡Mbecy lo caꞌ! ¿Ca na coz ricy zir ñi presis: a mez uti bañcyug nu riib loñ? Gun mez zeꞌ ricy ñi nu bañcyug nu riib loñ, ma zeꞌ cyiiñ ma par Ñgyoozh. Tees walab bañcyug zeꞌ gyicy ma nu cyiiñ mez zeꞌ par Ñgyoozh.
24010	MAT 23:23	’¡Dzi ga cuaa de ru mbecy nu rlyuu leey ni Ñgyoozh gal nu de ru mbecy fariseo gun nac der mbecy rzuu lo! Dela coz nu ricy cup der, lo tii nac ñii, rbic der tub nac ñii ni Ñgyoozh: gashtal de gyish loow comid, de mushtily, de aniis, de comin rbic der nim. Tub nac gaañ lo tii nac ga de gyish miꞌ zeꞌ rbic der nim. Tees wagyicy cuen der de riidz nu ricy ñi presis nu ca lo leey. Wagyicy cuen der de riidz nu rniiñ nu chuꞌn nu seꞌñ. Ni wagyicy cuen der de riidz nu rniiñ nu gashni lagy na losaꞌn, nu de riidz nu rniiñ nu nap chuꞌ den. Rlagy ñi gyicy yac der nu de riidz zeꞌ, nunu cueꞌ checa der nu gyicy ru deꞌ zir coz nu bi ricy ru zeꞌ.
24012	MAT 23:25	’¡Cuaa de ru mbecy nu rlyuu leey ni Ñgyoozh nu de ru mbecy fariseo! ¡Nac der mbecy rzuu lo! Na der gal na tub taz uti tub gyaꞌn. Par ich ziꞌl ñi tonaꞌ la nap rgyiib der. Zeꞌ par nañ ñi dza la yuꞌ coz nu bicy gubaan der, nu de coz nu ye rzac der lo.
24013	MAT 23:26	¡Mbecy fariseo lo caꞌ! Rlagy ñi nu loga la cyib der par nañ taz zeꞌ, nu gyaꞌn zeꞌ. Orzeꞌ niꞌ ziꞌl par ich ñi gac ñii coz caacy.
24014	MAT 23:27	’¡Cuaa de ru mbecy nu rlyuu leey ni Ñgyoozh gal nu de ru mbecy fariseo! ¡Nac der mbecy rzuu lo! Na der gal nu na ruꞌ baa ni añ nu dzi guzig par ich. Nap rabeeñ par ich ñi. Zeꞌ par nañ ñi yuꞌ rit nu beel guudz.
24016	MAT 23:29	’¡Cuaa de ru, mbecy nu rlyuu leey ni Ñgyoozh gal nu de ru mbecy fariseo! ¡Nac der mbecy rzuu lo! Nap ricy nap der ruꞌ baa ni de yu nu mnii por cuen ni Ñgyoozh, nu ruꞌ baa ni de yu nu guc mbecy nap par nu gabe nu rca lagy der lo dey.
24024	MAT 23:37	’¡A̱ der mbecy Jerusaleeng! Rut der de yu nu rnii por cuen ni Ñgyoozh. Nunu rgoow gyitaꞌ der de yu nu rzeed Ñgyoozh lat der. Zañ tir ngulagya̱ ñgyicy tublaazha̱ der gal nu ricy tub gyid ornu ricy tublaazh ma dzich ni ma nañ loweꞌ ma. Tees de ru wangalagy der.
24045	MAT 24:19	¡Tees cuaa de biñ mñaa nu secyi zu tiem zeꞌ! ¡Cuaa de biñ nu rgagy mdoo tiem zeꞌ!
24083	MAT 25:6	Na ornu bi yad razeel rel, orzeꞌ brugyiꞌ rbish ti mbecy: “¡Bi yeed nob! ¡Bruu der nu cha cheel ru nob!” rnii dey.
24147	MAT 26:24	Gun ya̱, biñ nu byac mbecy, rishli gata̱ gal nu pcaa de yu nu mnii por cuen ni Ñgyoozh. ¡Tees cuaa yu nu cush cya icha̱! Nap zir bi bicy na nu cueꞌ ñgyal yu nu ni gyicy zeꞌ ―nam.
24172	MAT 26:49	Na ornu bruꞌña Judas lo Jesuuz, orzeꞌ bechaꞌy lom. Orzeꞌ nay rab yum: ―¡Masht, shnu ru! ―nay. Orzeꞌ bdow yu chit lom.
24191	MAT 26:68	―Ru, Mesías, ¡mnii lo̱ de̱ cyu briich yaa lor! ―na dey.
24195	MAT 26:72	Orzeꞌ niꞌ ziꞌl mnii Bed nu walab. Orzeꞌ nay: ―Ñgyoozh shiñ gyicy num ya̱ benu ya̱ walab rishli rne̱e̱. ¡Ya̱ a̱ꞌ yuꞌ lo̱ cyu mbecy ndeꞌ! ―nay.
24197	MAT 26:74	Orzeꞌ Bed nay: ―Ñgyoozh shiñ gyicy num ya̱ benu walab rishli rne̱e̱. ¡Ya̱ a̱ꞌ yuꞌ lo̱ cyu mbecy ndeꞌ! ―nay. Orzeꞌ laab or la zeꞌ bredz ngüel.
24202	MAT 27:4	Orzeꞌ nay: ―Ya̱ shiñ bicya̱ nu nac nu bish cya̱ ich tub mbecy nu sac falt ni, nunu gashtal cut la dey yu ―nay. Tees de yu zeꞌ nay rab yuy: ―Par nu nac nu ndeꞌ se la la nu ricy ñi ne̱ de̱ ya̱. ¡Ndeꞌ cuen ni ru! ―na dey rab yu Judas.
24219	MAT 27:21	Tees ornu ni bicy dey, orzeꞌ Pilato, yu nu riib ic zeꞌ, orzeꞌ bdugyiꞌy lo dey tuubaꞌ tir. Orzeꞌ nay: ―¿Ca na dey lo cyup yu rlagy der nu gla̱a̱ yu? ―nay. Orzeꞌ na de mbecy: ―¡Barrabás! ―na dey.
24220	MAT 27:22	Orzeꞌ na gaꞌ Pilato: ―Zeꞌ ¿la coz rlagy der nu gyicya̱ du̱ Jesuuz, yu nu rnii der Mesías? ―nay. Orzeꞌ dela dey mniiy: ―¡Cut ruy lo cruuz! ―na dey.
24221	MAT 27:23	Orzeꞌ na gaꞌ Pilato: ―¿La ñuu coz a̱ꞌ nap bicy yu? ―nay. Tees dzi zir bish ti dey. Orzeꞌ na dey: ―¡Cut ruy lo cruuz! ―na dey.
24238	MAT 27:40	Orzeꞌ na dey: ―Ru mniir nu nit lor yuꞌ nu driib zily mbecy Ñgyoozh, nunu nañ chon dzi mniir nu shes sur ñii. ¡Na bloo mbañ ub ru na! Benu rishli nac ru iꞌñ Ñgyoozh. ¡Bet lo cruuz! ―na dey.
24252	MAT 27:54	Na ornu bzaac yu nu riib ic de soldad gal nu deꞌ zir soldad nu briib duru zeꞌ nu dela deꞌ zir coz nu guc, orzeꞌ gudzib dey. Orzeꞌ na dey: ―¡Rishli gaal biñ ii guc mi iꞌñ Ñgyoozh! ―na dey.
24311	MRK 1:27	Orzeꞌ dela de mbecy zeꞌ za nu la ic dey nunu brugyiꞌ rnii dey lo losaꞌy: ―¿Lac yaruu nii? Rlyuuy tub leey cub, nunu rlyuuy gal nu ricy mbecy nu riib ic zaꞌ la. ¡Gazaꞌ nuras ricy yu mandaar, nunu rzuub gyidag dey niy! ―na dey.
24325	MRK 1:41	Orzeꞌ Jesuuz gushni lagy mi yu. Orzeꞌ gul yaam yu. Gazeꞌ nu nam rab mi yu: ―Rlagya̱. ¡Na byac ru! ―nam rab mi yu.
24368	MRK 3:11	Nunu dela de yu nu bicy ni nuras, ornu rzac dey mi, yes saa la dey lom. Orzeꞌ dub ruꞌ la dey rbish ti nuy mi. Orzeꞌ rnii dey: ―¡Ru nac ru iꞌñ Ñgyoozh! ―rnii dey.
24430	MRK 4:38	Zeꞌ Jesuuz mbish mi nas mi par iiñ barc zeꞌ lo tub almad. Gazeꞌ nu pcueeñ dey mi. Orzeꞌ na dey rab yum: ―¡Masht! ¿A se la la nu ricy ñi nir nu nit lo den lo nis? ―na dey.
24431	MRK 4:39	Gazeꞌ nu weshtem nunu bicy mi mandaar lo bi. Orzeꞌ nam rab mi nisyudoo: ―¡Guri! ―nam. Orzeꞌ guri bi nunu se ri zu la byac.
24440	MRK 5:7	Gazeꞌ nu na Jesuuz rab mi yu: ―Bruu chu lo mbecy ii nuras ―nam. Orzeꞌ dub ruꞌ la nuras zeꞌ rbish tiy. Gazeꞌ nu nay rab yu Jesuuz. ―¿La ryub ru yad ru lo̱ Jesuuz, iꞌñ Ñgyoozh, biñ nu zily zir nac? ¡Cyoozh cueꞌ sheed zir ya̱! ―nay.
24526	MRK 6:50	Gun dela dey bzaac yum, nunu tonaꞌ la gudzib dey. Tees Jesuuz lueg la mnii num dey. Orzeꞌ nam rab mi dey: ―¡Briic der baloor! ¡Ya̱ ndeꞌ! ¡Cueꞌ dzib der! ―nam.
24566	MRK 7:34	Gazeꞌ nu bgüiim par baa. Byash lagy mi. Orzeꞌ nam rab mi yu: ―¡Efata! ―nam. Benu gyal riidz nu mniim zeꞌ, orzeꞌ nam: ¡Byaal!, nam.
24569	MRK 7:37	Tonaꞌ la za nu ic mbecy. Orzeꞌ na dey: ―Dela coz nu ricy yu nap ricy yu. ¡Ricy yu nu reñ mbecy go̱ꞌ nunu ricy yu nu rnii mbecy gop! ―na dey.
24602	MRK 8:33	Tees Jesuuz bish cyam bgüiim lo de yu nu rsyaꞌ lom. Orzeꞌ fert mniim lo Bed. Orzeꞌ nam: ―¡Bruu chu lo̱ ii nuras! Gun shcab nir wasaap ñi shcab ni Ñgyoozh, sinu shcab nir, ndeꞌ shcab ni mbecy ziꞌl ―nam.
24612	MRK 9:5	Orzeꞌ na Bed rab yu Jesuuz: ―Masht, ¡dzi ga nap nu yu̱ꞌ de̱ ii! Na za̱a̱ de̱ chon ramad ni der: tub par ru nu tuubaꞌ par Moisees nu tuubaꞌ par Elías ―nay.
24626	MRK 9:19	Orzeꞌ na Jesuuz rab mi dey: ―¡A̱ der mbecy nu yuꞌ na! Dzi ga wagyicy cup der consuel lo̱. ¿Laꞌ zir be tiem rlagy ñi chesa̱ du̱ der? ¿Laꞌ zir be tiem rlagy ñi nu gagye̱ lo der? Da nu der yu nguzh rat zeꞌ lo̱ ―nam.
24680	MRK 10:23	Orzeꞌ Jesuuz bgüiim dub yub la lom. Gazeꞌ nu naꞌm rab mi de yu nu rsyaꞌ lom: ―¡Dzi ga biigy nu chuꞌ mbecy guaniꞌñ lat de mbecy nu riib ic Ñgyoozh! ―nam.
24681	MRK 10:24	Ornu de yu nu rsyaꞌ lom güeñ dey nu ni mniim, za nu la ic dey. Gazeꞌ nu naꞌm rab mi dey: ―¡Tonaꞌ la biigy nu chuꞌ mbecy lat de mbecy nu riib ic Ñgyoozh!
24704	MRK 10:47	Ornu güeñ yu nu laab Jesuuz Nazaret rded mi, orzeꞌ brugyiꞌ rbish tiy. Orzeꞌ nay: ―¡Jesuuz nez Dabi, gushni ñuu lagy ya̱! ―nay.
24705	MRK 10:48	Orzeꞌ zigy mbecy bdzaꞌ dey niy, nunu mnii dey nu cueꞌ cush tiy. Tees orzeꞌ rbish ti gaꞌ zir yu. Orzeꞌ nay: ―¡Jesuuz nez Dabi, gushni ñuu lagy ya̱! ―nay.
24718	MRK 11:9	Orzeꞌ dela de mbecy nu zub lo lom nunu dela de mbecy nu zaab par ich mi brugyiꞌ rbishti dey. Orzeꞌ na dey: ―¡Dzi ga zily nac ru! ¡Ñgyoozh nac num ru biñ nu bzuu nez mi!
24719	MRK 11:10	¡Ñgyoozh nap ricy num gyel gubier nu yad ni biñ nu bruu lat nez gyitoo bel nin Dabi! ¡Dzi ga zily nac biñ nu gya zir zu! ―na dey.
24723	MRK 11:14	Orzeꞌ nam rab mi ñii: ―¡Laab ru rila wowaꞌ mbecy uugy nir! ―nam. Nunu güeñ de yu nu rsyaꞌ lom nu ni mniim.
24730	MRK 11:21	Orzeꞌ byezaꞌ lagy Bed coz nu mnii Jesuuz. Gazeꞌ nu nay rab yum: ―Masht, ¡güii la! Guwach ya las nu bzaa lagy ru ni re ―nay.
24769	MRK 12:27	¡Gun Ñgyoozh a̱ꞌ nac mi Ñgyoozh ni mbecy nu byaꞌ lo la, sinu nac mi Ñgyoozh ni mbecy nu mbañ, mas bi gut yu! Ndeꞌ nu de ru radza der ―na Jesuuz.
24787	MRK 13:1	Lat nu druu Jesuuz loliꞌ ni yuꞌ nu driib zily mbecy Ñgyoozh, orzeꞌ na tub yu nu rsyaꞌ lom rab yum: ―¡Masht, güii dzi ga coz ily de gyitaꞌ nu gup yuꞌ ii, nunu dzi ga coz ily de yuꞌ ii! ―nay.
24803	MRK 13:17	¡Tees cuaa de biñ mñaa nu secyi zu! ¡Cuaa de biñ nu rgaagy mdoo tiem zeꞌ!
24809	MRK 13:23	¡Tees de ru cuidad der! Gun tiem bi bzata̱ ñii lo der.
24844	MRK 14:21	Gun ya̱, biñ nu byac mbecy, rishli gata̱ gal nu pcaa de yu nu mnii por cuen ni Ñgyoozh. ¡Tees cuaa yu nu cush cya ich ya̱, biñ nu byac mbecy! Nap zir benu cueꞌ ñgyal yu nu ni gyicy zeꞌ ―nam.
24868	MRK 14:45	Na ornu bruꞌña Judas lo Jesuuz, orzeꞌ bechaꞌy lom. Orzeꞌ nay rab yum: ―¡Masht! ―nay. Orzeꞌ bdow yu chit lom.
24888	MRK 14:65	Orzeꞌ yuꞌ mbecy brugyiꞌ rcoo yeñ yu lom. Nunu yuꞌ dey psoow yu lom. Gazeꞌ nu bdi dey mi. Orzeꞌ nay rab yum: ―¡Briic raso̱o̱! ¿Cyu bdi ru? ―rnii dey. Nunu de yu nu rña yuꞌ ni Ñgyoozh briich yaa dey lom.
24894	MRK 14:71	Orzeꞌ Bed mniiy nu Ñgyoozh shiñ gyicy num yu benu walab rishli rniiy. Orzeꞌ nay: ―¡Ñgyoozh rad lagy mi nu ya̱ a̱ꞌ yuꞌ lo̱ cyu mbecy nu rnii der zeꞌ! ―nay.
24908	MRK 15:13	Orzeꞌ dub ruꞌ la dey rbish tiy: ―¡Cut ruy lo cruuz! ―na dey.
24909	MRK 15:14	Gazeꞌ nu na Pilato rab yu dey: ―¿La ñuu coz a̱ꞌ nap bicy yu? ―nay. Tees dzi zir rbish ti dey. Orzeꞌ na dey: ―¡Cut ruy lo cruuz! ―na dey.
24913	MRK 15:18	Gazeꞌ nu brugyiꞌ ricy dey nu rnii nuy mi ñgyoozh: ―¡Shnur, rey ni de mbecy Israeel! ―rnii dey.
24924	MRK 15:29	Orzeꞌ de mbecy nu rded zeꞌ rguu bdzaa dey mi. Rgyib la ic dey nu gyel rguu bdzaa. Orzeꞌ na dey: ―¡Ja̱j! Ru mniir nu nit lor yuꞌ nu driib zily mbecy Ñgyoozh nunu nañ chon dzi shes sur ñii.
24990	LUK 1:28	Orzeꞌ guꞌ anc zeꞌ zeꞌ nu zub ñi. Orzeꞌ nay rab yuñ: ―¡Shnur! ―nay―. Ñgyoozh nac num ru, nunu tonaꞌ la nap gyicy mi num ru ―nay.
25004	LUK 1:42	Orzeꞌ ye la mniim: ―¡Nap zir gyicy nu Ñgyoozh ru gazeꞌ deꞌ zir biñ mñaa! ¡Nunu niꞌ ziꞌl nap gyicy num mdoo nir!
25011	LUK 1:49	Gun Ñgyoozh, biñ nu gac gyicy dela coz, mi zeꞌ tonaꞌ la coz ily ricy num ya̱. ¡Mi zeꞌ tonaꞌ la yon mi!
25022	LUK 1:60	Tees ñaa mdoo zeꞌ nam: ―¡Cueꞌ! Rlagy ñi loo lan ñi Waa ―nam.
25030	LUK 1:68	¡Rlagy ñi gyabic na gyel mbecy ni Shuaan na, biñ nu nac Ñgyoozh ni de mbecy Israeel! Gun biid mi nu co mbañ mi dela mbecy nim.
25101	LUK 3:7	Orzeꞌ tonaꞌ la mbecy zigy bruu dey nu yad yu par nu rlagy dey nu griib nis Waa dey. Orzeꞌ Waa nay rab yu dey: ―¡Der mbecy shiñ ricy! ¿Cyu mnii lo der nu gac gla der lo cashtig ily ni Ñgyoozh nu bi yad gaab?
25168	LUK 4:36	Orzeꞌ dela mbecy nu yuꞌ zeꞌ gudzib dey. Orzeꞌ na dey rab dey losaꞌy: ―¿Lac yaruu nu nii? ¡Mbecy ii ricy cup yu rishbeey, nunu ricy cup yu mod nu ricy yu mandaar gashtal nuras, nunu orzeꞌ druu chu dey lo mbecy! ―na dey.
25173	LUK 4:41	Nunu bruu chu zañ nuras nu bicy ni mbecy nu yuꞌ lat de mbecy rat zeꞌ. Orzeꞌ nuras zeꞌ rbish ti dey. Orzeꞌ na dey rab yu Jesuuz: ―¡Ru nac ru iꞌñ Ñgyoozh! ―na dey. Orzeꞌ Jesuuz bdzaꞌm ni de nuras zeꞌ. Orzeꞌ wansaan mi nu nii zir dey, gun yuꞌ lo dey mi nu nac mi Mesías, biñ nu ca lo cuen nu cyid.
25239	LUK 6:24	’¡Tees cuaa de ru mbecy guaniꞌñ, gun bi bicy der gusht ni der!
25240	LUK 6:25	’¡Nunu cuaa de ru mbecy nu dza nañ, gun par lo gyan der! ’¡Nunu cuaa de ru mbecy nu dzi rigy na, gun par lo gun der nu gyicy shnir!
25241	LUK 6:26	’¡Cuaa gaꞌ der ornu dela mbecy ryabic dey gyel mbecy nir, gun niꞌ ziꞌl de too bel ni dey byabic dey gyel mbecy ni de mbecy nu mnii fals por cuen ni Ñgyoozh gulas!
25257	LUK 6:42	Zeꞌ benu ri tub yabicy urlo der, zeꞌ wayicy cuen ru ñii, ¿orzeꞌ lagu rnii gaꞌ der lo losaꞌr: “Doo urlor, gun lo̱o̱ toop miꞌ zeꞌ”, rnii gaꞌ der? ¡A mbecy rzuu lo! Bloo yabicy ily nu ri urlor loga la, gun orzeꞌ nap zir zac ru cor toop miꞌ nu ri urlo losaꞌr.
25278	LUK 7:14	Orzeꞌ bechaꞌm lo gyiñ ni añ zeꞌ. Orzeꞌ gul yaam ñii. Orzeꞌ de mbecy nu za nu gyiñ zeꞌ guchuꞌ ri la dey. Orzeꞌ na Jesuuz rab mi añ zeꞌ: ―Yu feñ, ya̱ rne̱e̱ du̱ ru: “¡Wes su!” ―nam.
25322	LUK 8:8	Zeꞌ yuꞌ gaꞌñ bet lag ñi lo yu nap. Briib ñi nunu guuly ñi. Orzeꞌ tonaꞌ la cosech nap briic ñi. Gashtal tub gaynal mbigy briic tub ga mbigy nu bdunuuz ―nam. Orzeꞌ na gaꞌm: ―¡Mbecy nu zub gyidag rlagy ñi gyicy yu nu gyet lag yu cuen! ―nam.
25338	LUK 8:24	Gazeꞌ nu gua cueeñ dey mi. Orzeꞌ na dey rab yum: ―¡Masht, masht, bi rnit lo den lo nis! ―na dey. Gazeꞌ nu weshtem. Gazeꞌ nu bicy mi mandaar lo bi, nu lo de nguuly lo nis. Orzeꞌ guri bi. Nunu se ri zu la byac.