14016	PSA 7:13	Cha' bi yeyát ḻáže'gake' Dios kweje' ya ntoche' chie' ka'. Za' wsíe' yag ntóche'do' chie' ka'.
14047	PSA 9:16	Chejchazgak benne' yež ka' ḻo yežw da' bché'ngake'. Chejcházgake' ḻo do yeḻj da' bdíx̱jgake'.
14073	PSA 11:3	Chela' kwasgak da' ka' ẕzoagak chochen da' chawe', ¿biẕkze gongak benne' chawe' ka'?
14113	PSA 16:9	Che ḻen zoa ḻáẕda'wa' yeḻa' žebél, na' žebéḻe'etezla', na' kate' gacha'a ḻo yežw ba wx̱én ḻaža'a Le'
14130	PSA 17:15	san neda', ḻe'ela' ḻawo' Le' dan' naka' chawe'. Chaz ḻaža'a gaka' ka nakkzo' Le' kate' yebana'.
14160	PSA 18:30	Yeḻa' wak chio' wžía yin' benne' zanḻe'e, benne' ka' žjake' ḻo wdiḻe. Cha' Le', Dios, sóaḻeno' neda', wak wchinnja' ze'e ka' žape chí'igaken yež ka'.
14259	PSA 24:1	Che Dios nak yežlyó nga, na' yógo'te da' že' ḻawen'. Nak chie' yežlyón', na' benne' ka' nníta'gake' ga na'.
14276	PSA 25:8	Chawe', na' ḻi ḻaže' nak X̱anžo Dios. Che ḻen wsedle' benne' doḻa' ka' da' žaḻa' góngake'.
14315	PSA 27:13	X̱anžo Dios bchebe ḻaže'e ḻe'ela' da' chawe' chie' gan sóateza' nbana'. Chela' bi žejḻi'a da' ni, na' gat ni'a na'a.
14323	PSA 28:7	X̱anžo na'kze ẕze choche' neda', na' žape chi'e neda'. Bx̱en ḻaža'a Ḻe', na' gókḻene' neda'. Che ḻen yebéḻe'ela', na' goḻkza', na' wká'n ẕenkza' Ḻe'.
14328	PSA 29:3	Chi'i X̱anžon' ženlen ḻaw nisdo'. Ženle chi'i Dios ya'abá ka wzió' da' ẕnnen. Ẕda chi'e ḻaw nisdo'.
14330	PSA 29:5	Chi'i X̱anžon' žichjwn yag sedro ka'. Žichjwn yag sedro ka' da' zej žen' ḻaw Ya'a Líbano.
14332	PSA 29:7	Chi'i X̱anžon' žonen ga žas yes wzió'.
14333	PSA 29:8	Chi'i X̱anžon' žx̱izen latje dach. Žx̱izen latje dach che yežlyó Kades.
14334	PSA 29:9	Chi'i X̱anžon' žx̱izen yag waḻe ka'. Ẕchiben x̱laggak yag ka', na' ḻo yodo' chie' ẕnnagak yógo'te benne' ka': “¡Ga'n ẕen Dios!”
14349	PSA 30:13	Che ḻen goḻkza' chio'. Nakkzo' Le' yeḻa' ba nez chia', na' bi soakza' žize. X̱ana' Dios, wká'n ẕenkza' Le' to chi'ize.
14380	PSA 32:6	Che ḻen yógo'te benne' chio' ka' žaḻa' wḻížgake' Le' kate' ne zo' yenlo' chégake', na' kate' žin da' wžía yin' benách ka', dan' gaken ka to yegw nis ẕen da' bgóleḻe'en, bi be gonen chegak benne' chio' ka'.
14406	PSA 33:21	Che ḻen dot ḻáže'žo yebéḻe'elžo ḻawe' Ḻe', dan' žx̱en ḻáže'žo La la'y chie'.
14410	PSA 34:3	Chaz ḻaža'a X̱anžo Dios. Yéngekle benne' gax̱jw ḻaže' ka' da' ki, na' yebéḻe'egekle'.
14461	PSA 36:3	Che ḻen ẕḻoe'el kwine' ka to benne' ẕente. Žekle' bi ẕḻe'el Dios da' ẕinnj da' žone', na' bi ẕže'e ḻe'.
14466	PSA 36:8	Ẕenḻe'e nak yeḻa' žeyache' ḻaže' chio', Dios. Che ḻen žx̱en ḻáže'gak benne' ka' Le' ka žongak bríse'do' ka' ẕkache' kwíngakba' ẕan x̱il ẕkoko'.
14471	PSA 36:13	Chejchégwgak benne' ka' žóngake' da' ẕinnj. Le' beno' ga bejchégwgak benne' ka', na' bi gak yeyásgake'.
14502	PSA 37:31	Da' bchi'le Dios ḻe' yo'on yichj ḻáẕda'we'. Che ḻen bi chejchegwe'.
14530	PSA 38:19	Che ḻen yex̱óalapa' da' bi nak chawe' da' bena', na' gak nyache' ḻaža'a ni'a che doḻa' da' nbaga'a.
14554	PSA 40:6	Da' ẕenḻe'e beno', X̱ana' Dios, na' žebanlto', na' ka zej nak da' žak ḻažo'o Le' gono' cheto', bi gak wlabto' ḻawo' Le'. Cha' wzenla' no benne' ka zej naken, na' cha' wchaḻja' chégaken, bi gak wlaba' ḻégaken.
14561	PSA 40:13	Nyéchjgekle da' bi nak chawe' ka' neda', na' da' bi nak chawe' ka' da' bena' zej žian neda'. Che ḻen bi gak chis ḻawa' ḻawo' Le'. Zej nyanžen ka zej nak yicha' yichja' na' žedó ḻaža'a.
14587	PSA 42:7	X̱ana' Dios, ba nat ni'a na' be' da' nakkza' ḻo yichj ḻáẕda'wa'. Che ḻen žezá' ḻaža'a chio' kate' ne zoa' ḻo yežlyó yecheḻa'ale yegw Jordán nga, ḻo ya'a Hermón gan že' Ya'a Misar.
14596	PSA 43:4	Choa'a gan zoa bkog la'y che Dios. Choa'a ḻaw Dios, Bennen' žone' ga žebela', na' gan soa' ḻo yeḻa' ba nez. Wká'n ẕena' Le' ḻen da' žinna'. Le' nako' Dios chia' neda'.
14618	PSA 44:21	Chela' goḻ ḻáže'to' Dios cheto', o chela' bka'n ẕento' lo'a ka',
14631	PSA 45:7	Gan ži'o, Dios, žen' to chi'ize, na' sóatezen. Chawe' nak ka ẕnna bi'o.
14632	PSA 45:8	Nži'ilo' da' nak chawe', na' bi ẕḻe'elo' chawe' da' bi nak chawe'. Che ḻen Dios chio' bzoe' le' latje chio', gan žebéḻe'eželo' ka lježo' ka'.
14642	PSA 45:18	Gona' ga chejsá' ḻáže'gak yógo'te benne' ka' lo'. Che ḻen wká'n ẕengak benne' ka' le' yógo'te yiz so', na' to chi'ize.
14645	PSA 46:3	Che ḻen, bi žébežo ḻa'kze x̱o' yežlyó nga, na' chejchazgak ya'a ka' ḻo nisdo',
14712	PSA 50:12	Cha' tona' neda', bi yapa' ḻe'e bi da' gonnle chia' dan' yežlyó, na' yógo'te da' zej den ḻawlen zej naken chia'.
14778	PSA 55:7	Wnnía': “Chela' gonno' chia' x̱il ka' ka zej nak x̱il bsia, tia' ḻo be'ze gan yezí' ḻaža'a.
14784	PSA 55:13	Chela' gok no benne' bi ẕḻe'ele' neda' chawe', bennen' bene' neda' ẕia, na' bzoelan'. Chela' gok benne' ẕže'e neda', bennen' bdíḻ-ḻene' neda' na' bkache' kwina' ḻawe' ḻe',
14849	PSA 59:16	Ẕdágake' ka benne' ka' ẕdágakze', žíljgake' da' gáwgake'. Cha' bi žéljgeklen', dot yel žesbága'gake' ẕia toe' yetóe',
14859	PSA 60:8	Ḻo latje la'y chie' wnná Dios: “Yebekzla' neda'. Chisa' chele yežlyó chegak benne' Sikem ka'. Wžix̱a' chele yežlyó dan' žen' kwit yegw Sukot.
14885	PSA 62:11	Bi wx̱én ḻáže'le da' gak gonle žakze chele. Bi wká'n ẕen kwinle ni'a che da' ka' ẕbanle. Cha' chan yeḻa' wnni'a chele, bi kwe'le wnné yoe chen.
14886	PSA 62:12	To chi'i wnné Dios, na' chope chi'i benla' da' ni. “Che Dios nak dot yeḻa' wak.”
14891	PSA 63:4	Nakže chawe' yeḻa' žeyache' ḻaže' chio' ka yeḻa' nban. Che ḻen wká'n ẕenkza' Le'.
14904	PSA 64:5	Ki ẕnnágake' bagáche'ze nich góngake' ga chejchégwgak benne' ḻi ḻaže' ka'. Choḻze žóngaken', na' bi be ẕžébegake'.
14907	PSA 64:8	San Dios gon zi'e benne' ka' ḻen yag ntóche'do' chie' ka'. Choḻze chó'ogake' yižwé' ẕen ka'.
14908	PSA 64:9	Da' bchaḻjgak benne' ka' gonen ga chejchégwgake'. Chébegak yógo'te benách kate' ḻé'egekle' ḻégake'.
14919	PSA 65:9	Che ḻen benne' ka' nníta'gake' dot yežlyó ẕžébegake' da' ẕenḻe'e da' žono'. Ẕnnito'o benne' ka' ḻo yeḻa' ba nez, benne' ka' nníta'gake' do ẕente yežlyó.
14937	PSA 66:13	Cho'okza' ližo' nich wzeya' biado' ka' ḻawo' Le'. Gonna' chio' da' wchebe ḻaža'a gona'.
14942	PSA 66:18	Chela' wzé ḻaža'a to da' ẕinnj bi benle X̱anžon' chia',
15060	PSA 72:5	Chébeteze benne' wnná bian' Le', x̱ak zoa wbíž, na' byo'.
15073	PSA 72:18	Cháwe'ḻe'e nak X̱anžo Dios. Nake' Dios chegak benne' Israel ka', na' toze' Ḻe' žone' da' ka' žóngaken ga žebánležo.
15074	PSA 72:19	Cháwe'ḻe'e nak La la'y chie' dan' náktezen ẕen, na' dot yežlyó nga ḻé'egekle' yeḻa' ẕen chie'. Ka'kze naken, na' ka'kze gaken.
15081	PSA 73:6	Che ḻen ẕka'n ẕen kwíngake'. Žónteze žóngake' da' bi nak chawe'.
15085	PSA 73:10	Che ḻen yezika' benách ka' želyenle' x̱tíža'gake', na' ẕzi' ḻo ná'gake' da' ẕnnágake'.
15090	PSA 73:15	Chela' nnia' neda': wchaḻja' kan ẕchaḻjgak benne' ka', na' wka'na' bénne'do' chio' ka' ka'ze, Dios.
15119	PSA 74:16	Chio' Le' nak ḻawe' ža, na' ḻezka' chio' nak yele. Le' bnnito'o byo', na' wbíž gan zej zoan.
15143	PSA 76:6	Chejchégwgak benne' waḻe ka', na' gásḻasgake'. Nitó benne' waḻe bi yechís ne'e nich tíḻ-ḻene' Le'.
15161	PSA 77:11	Naž wnnía': ki žona' dan' yoa'a yižwé'. Che ḻen chejsá' ḻaža'a yógo'te da' ẕente da' ben Dios ẕente ḻo yiz ka' ba wdégaken.
15162	PSA 77:12	Chejsá' ḻaža'a da' ẕente ka' da' beno' Le', Jah. O', chejsá' ḻaža'a da' beno' ža ni'te, da' ka' žóngaken ga žebanlto'.
15192	PSA 78:21	Che ḻen bža'a X̱anžon' kate' benle' da' ni, na' bseḻe'e to yi' da' bzeyen baḻ benne' chie' ka', na' bgole yeḻa' ẕža'a chie' ḻen benne' Israel ka',
15204	PSA 78:33	Che ḻen bene' nbabze ža chegak benne' ka', na' gókgaken ka to be' da' žeka'ažo, na' ka zej nak yiz da' wnníta'gake' bdie' ḻégake' ḻo da' wẕáka'gake'.
15289	PSA 81:13	Che ḻen wléj yichja' benne' ka' dan' gókgake' ḻaẕdo' zide. Béngake' da' wdán ḻáže'gakze'.
15290	PSA 81:14	Chela' wzé naggak benne' chia' ka' da' wnnía', na' chela' bengak benne' Israel ka' da' bchaḻja',
15292	PSA 81:16	Chela' bengak benne' Israel ki, na' benne' ka' ẕžá'agake' X̱anžo Dios góngake' kan ẕnna x̱tíže'e, (san zej nbage'e ẕia to chi'ize),
15368	PSA 87:4	Ẕnne': “Chejsá' ḻaža'a zej nnita' benne' ka' zej nónbi'e neda' ḻo yežlyó Egipto, na' ḻo yež Babilonia. Le wia nga, ḻo yežlyó Filistea, na' ḻo yež Tiro, na' ḻo yežlyó Etiopía, goljgak benne' ki zej nake' chia' neda'.”
15402	PSA 89:12	Chio' Le' nak ya'abá, na' chio' Le' nak yežlyó. Beno' yežlyó nga, na' da' ka' nníta'gaken ḻawlen.
15421	PSA 89:31	Cha' wsangak ẕa'só Dabí ka' da' bchi'la' ḻe'e, na' cha' bi góngake' ka nak da' goža' ḻégake',
15447	PSA 90:4	Chio' Le' to mil yiz zej naken ka neje, žan' da' ba wdén, na' ka to chí'ido'ze gachje yele.
15470	PSA 91:10	Che ḻen bi be da' ẕia gak bi da' gonen chio', na' bi cho'o nitó yižwé' ližo'.
15489	PSA 92:13	Changak benne' chawe' ka' ka žongak yag zina' ka'. Gólegake' kan ẕgólegak yag sedro ka' ḻaw Ya'a Líbano.
15497	PSA 93:5	Chochḻe'e zej nak da' ka' wnnakzo', X̱anto' Dios. La'y nakkze yodo' chio' to chi'ize.
15514	PSA 94:17	Chela' bi gokḻen X̱anžon' neda', ba bejgacha'a yežw ba.
15522	PSA 95:2	Chejžo ḻawe' Ḻe', na' ye'žo-ne': “Žóx̱keno'.” Ḻen yeḻa' žebele goḻžo da' we ḻawžo Ḻe'.
15528	PSA 95:8	Ẕnna X̱anžon': “Cha' žénlele chi'a na'a ža, bi gonle zide ḻáẕdo'le kan bengak x̱a x̱to'le ka' gan nzin' Meriba, na' kan béngake' ḻo ža na' ḻe'e latje dach gan nzin' Masah,
15530	PSA 95:10	Choplalj yiz bzoela' benne' ka', na' wnnía': zej nake' benne' žebéj yíchjgake' neda', na' bi žóngake' kan bchi'la' ḻégake'.
15531	PSA 95:11	Che ḻen, ḻo yeḻa' ẕža'a chia' ben chocha' x̱tiža'a, na' wnnía': bi chó'ogake' gan yezí' ḻáže'gake' tẕen ḻen neda'.”
15579	PSA 100:5	Chawe' nak X̱anžon' na' sóateze yeḻa' ži'i ḻaže' chie'. Yeḻa' ḻi ḻaže' chie' soan to chi'ize.
15600	PSA 102:13	Le', X̱ana' Dios, to chi'ize zo'. Chejsá' ḻáže'gak yógo'te benách ka' La la'y chio'.
15684	PSA 105:11	dan' bene' katen' wnné': “Chele ḻe'e gonna' yežlyó chegak benne' Kanaán ka', dan' gaken to da' wdele ḻo na'gak ẕa'sóle ka'.”
15744	PSA 106:26	Che ḻen bzetj kwine' gone' benne' ka' ẕia, gone' ga gatgak benne' ka' ḻo latje dachen',
15758	PSA 106:40	Che ḻen bžá'aḻe'e Dios benách chie' ka', na' bi bḻe'ele' chawe' benne' ka' zej nake' chekze'.
15817	PSA 108:8	Ḻo latje la'y chie' wnná Dios: “Yebekzla' neda'. Chisa' chele yežlyó chegak benne' Sikem ka', na' wžix̱a' chele yežlyó da' žen' kwit yegw Sukot.
15860	PSA 110:6	Choge' chegak benne' yógo'te yež ka' gátgake', na' gote' benne' zante yež ka'. Wžía yi'e benne' ka' ẕnna biá'gake' do ẕente yežlyó.
15877	PSA 112:6	Che ḻen bi be wkwás ḻe' ḻo latje gan zoe', na' to chi'ize chejsá' ḻáže'gak benách ka' ḻe'.
15914	PSA 115:16	Che toze X̱anžon' nak ya'abá, san bneẕjwe' benne' ka' yežlyó nga.
15944	PSA 118:7	Zoaḻen X̱anžon' neda', na' Ḻekze' žákḻene' neda'. Che ḻen ḻe'ela' chejchégwgak benne' ka' ẕdíḻ-ḻengake' neda'.
15945	PSA 118:8	Chawe' nak wx̱én ḻáže'žo X̱anžo Dios, na' kege wx̱én ḻáže'žo benne' ka'.
15946	PSA 118:9	Chawe' nak wx̱én ḻáže'žo X̱anžo Dios, na' kege wx̱én ḻáže'žo benne' wnná bia' ka'.
16018	PSA 119:52	Chejsá' ḻaža'a ka nak da' bchi'a ḻažo'o ža ni'te, dan' žeyón ẕenen neda', X̱ana' Dios.
16037	PSA 119:71	Chawe' nak bzex̱jo' neda', nich wsedla' gona' ka ẕnna x̱tižo'o.
16058	PSA 119:92	Chela' bi wyáz ḻaža'a da' wnnakzo' Le' bache wnitla' ni'a che da' wẕáka'ḻi'a.
16070	PSA 119:104	Ni'a che da' wnnakzo' Le' naka' benne' sina'. Che ḻen bi ẕḻe'ela' chawe' yógo'te da' wen ḻaže'.
16085	PSA 119:119	Yógo'te benne' wen da' ẕinnj ka' zej nake' ka bebe ḻo yežlyó nga. Che ḻen nži'ila' da' žsedle diža' chio' neto'.
16093	PSA 119:127	Che ḻen neda' nží'ižela' da' bchi'lo' neto', ka ya oro, na' ka da' záka'že ka ya oron'.
16094	PSA 119:128	Che ḻen žekla' záka'že da' wnnó' ka yógo'te da' de, na' bi ẕḻe'ela' chawe' yógo'te da' zej naken da' wen laže'.
16095	PSA 119:129	Žebanlto' ka žsedle diža' chio' neto'. Che ḻen dot ḻaža'a žónteza' ka ẕnnan.
16167	PSA 123:1	Chis ḻawa', na' wia' gan zo', X̱ana' Dios, gan zo' Le' ya'abá na'le.
16171	PSA 124:1	“Chela' bi gokḻen X̱anžo Dios žo'o”, žaḻa' nnagak benne' Israel ka' na'a.
16172	PSA 124:2	“Chela' bi gokḻen X̱anžo Dios žo'o kate' bdíḻ-ḻengak benne' ka' žo'o,
16175	PSA 124:5	Chela' gok ki chežo, na' la' betten žo'o.