13956	PSA 2:7	Ẕnna Bennen': “Wzenla' ḻe'e da' gož X̱anžon' neda'. Gože' neda': Le' nako' Ẕi'na'. Na'a ža naka' x̱o'.
13959	PSA 2:10	Na'a, ḻe'e, Benne' wnná bia' ka', le yenle da' ni da' ẕzejni'ila' ḻe'e. Le wsedle da' ni da' ẕzenla' ḻe'e, ḻe'e na' ẕnna bia'le ḻo yežlyó.
13965	PSA 3:4	San Le', X̱ana' Dios, žape chi'o neda'. Nako' yeḻa' baní' chia', na' ẕzo' neda' chawe'.
13977	PSA 4:7	Benne' zante ẕnnágake': “¿Noẕ benne' gon chawe'e neto'?” Ḻo yeḻa' ži'i ḻaže' chio' bwia neto', X̱anto' Dios.
13984	PSA 5:5	Nako' Dios bi žaz ḻažo'o da' bi nak chawe'. No benne' žone' da' ẕia bi soakze' gan zo' Le'.
13989	PSA 5:10	Benne' ki bi ẕnnágake' da' naken da' li. Nža' yichj ḻáẕdo'gake' da' kegle. Lbá'gake' zej naken ka yežw ba ka' chegak benne' gat ka' da' nyáljwgaken. Ẕnnágake' diža' chawe' ka', san žon ḻáže'gake'.
14015	PSA 7:12	Nak chawe' ka ẕchi'a ḻaže' Dios da' žongak benne' ka'. Yógo'te ža ẕža'a Dios che da' žongak benne' wen da' ẕinnj ka'.
14023	PSA 8:2	X̱anto' Dios, ẕente nak La la'y chio' Le' do ẕente yežlyó. Nakže ẕen yeḻa' ẕen chio' ka ya'abá.
14038	PSA 9:7	Wžía yi'gak benne' ka' bi ẕḻé'egekle' neda' chawe'. To chi'ize zej nbia yi' latje chegak benne' ka', na' yež chégake' ka', da' ka' bchinnjo' Le'. Nitó benne' chejsá' ḻaže'e benne' ka'.
14063	PSA 10:11	Ḻo yichj ḻáẕda'we' ẕnne': “Naḻ ḻaže' Dios benne' ki. Bkache' ḻawe', na' bi ḻe'ele' da' žona'.”
14082	PSA 12:5	Benne' ka' ẕnnágake': “Da' ẕchaḻjžo gákḻenen žo'o. Wchaḻjžo kan žénelžo. ¿Noẕkze benne' wchi'le' žo'o?”
14083	PSA 12:6	San ẕnna X̱anžo Dios: “Na'a ḻa'kza' neda' dan' žsáka'gake' benne' yache' ka', benne' ka' ẕbeže ḻáže'gake', na' yeslá' benne' ka' žénegekle' bi da' gona'.”
14084	PSA 12:7	X̱tiža' X̱anžo Dios naken dot da' li. Naken ka ya plat da' wdén ḻo yi', da' ba wdén ḻo yi' gaže chi'i ka'.
14100	PSA 15:1	X̱ana' Dios, ¿noẕkze benne' gak soe' gan zo' Le'? ¿Noẕkze benne' gak soe' latje la'y chio'?
14104	PSA 15:5	Wak soa bennen' ga na', bennen' žsane' mežw chie', na' bi žennabe' yichjen, na' bi žezi'e mežw nich wzóa lie' da' wen ḻaže' che benne' bi be ẕia nbage'e. No benne' žone' ki batkle chejchaze' ḻo da' ẕinnj.
14132	PSA 18:2	Nži'ila' Le', X̱ana' Dios. Le' ẕzoa chocho' neda'.
14133	PSA 18:3	Le', X̱ana' Dios, nako' ka to yej gan zoa' choch, na' nako' ka to yo'o ẕen gan yo'o chawa'a. Nako' Benne' weslá chia', na' Dios chia'. Le' ẕzoa chocho' neda', na' wx̱én ḻaža'a Le'. Žape chi'o neda', na' žesló' neda', na' ẕkache' chawo'o neda'.
14138	PSA 18:8	Naž wẕó' yežlyó nga. Wẕízegak ya'a ka' gže'. Wẕízeḻe'egaken dan' bže'e Ḻe'.
14146	PSA 18:16	Naž bḻa' ḻawgak da' ka' zej že' gže' ẕan nisdo', na' bḻa' ḻaw x̱ni'a yežlyó dan' žen' ẕan nisdon'. Bdiḻo' benne' ka' ẕžá'agake' neda', X̱ana' Dios, na' ḻo yeḻa' ẕža'a chio' bsejo' x̱nézgake'.
14183	PSA 19:2	Nḻa' ḻaw ẕan ya'abá yeḻa' ẕen che Dios. Ẕcháḻjgakkze yógo'te da' ka' bene'.
14191	PSA 19:10	Nak chawe' ẕžébežo X̱anžon', dan' gonen ga soažo nbanžo to chi'ize. Da' likze nak kan ẕchi'a ḻaže' X̱anžon' žo'o, na' naken chawe'.
14192	PSA 19:11	Naken da' ẕdan ḻáže'žežo ka ya oro, na' ka ya oro ẕente dan' záka'ḻe'en. Nakžen ẕix̱ ka bžina' che bez, dan' nakḻe'en ẕix̱.
14194	PSA 19:13	Nitó benne' bi gak gónbi'e da' ẕinnj da' žone'. Beslá neda', X̱ana' Dios, ḻo da' ẕinnj dan' bi žákbe'ela' žonan'.
14195	PSA 19:14	Bkache' chawe' neda', wen žin chio', nich bi be doḻa' gona' dot ḻaža'a. Bi go'o latje nna bia' doḻa' neda'. Naž gaka' ḻi ḻaže', na' bi baga'a ẕia che doḻan'.
14203	PSA 20:7	Na'a nnezla' žeslá X̱anžon' bennen' wžekze' Ḻe'. Gan zoe' ya'abá la'y chie' yenle' chi'i bennen'. Ḻen yeḻa' wak ẕente chie' yeslé' ḻe'.
14240	PSA 22:20	San Le', X̱ana' Dios, bi bkwaso' gan zoa'. Nakkzo' Le' yeḻa' waḻe chia', na' gákḻeno' neda'.
14259	PSA 24:1	Che Dios nak yežlyó nga, na' yógo'te da' že' ḻawen'. Nak chie' yežlyón', na' benne' ka' nníta'gake' ga na'.
14261	PSA 24:3	¿Noẕkze benne' gak kwene' ya'a che X̱anžon'? ¿Noẕkze benne' gak choe'e yodo' la'y chie'?
14266	PSA 24:8	¿Noẕkzen' Benne' Wnná Bia' Ẕente ni? Nake' X̱anžon', Benne' waḻe, na' nape' dot yeḻa' wak. Nake' X̱anžon', Bennen' ẕzoele' ḻo wdiḻe.
14268	PSA 24:10	¿Noẕkzen' Benne' Wnná Bia' Ẕente ni? Nake' X̱anžon', Bennen' ẕnna bi'e gáte'teze. Ḻe' nake' Benne' Wnná Bia' Ẕente na'.
14285	PSA 25:17	Nyanḻe'e da' zede da' zej yo'on yichj ḻáẕda'wa'. Beslá neda' ḻo da' zede da' ẕzaka'a.
14308	PSA 27:6	Naž gone' ga wzex̱jwa' benne' ka' bi ẕḻé'egekle' neda' chawe', benne' ka' zej nyechjle' neda'. Ḻo yeḻa' žebele gota' biado' ka' ḻo bkog la'y chie'. Goḻkza', na' wká'n ẕenkza' X̱anžon'.
14349	PSA 30:13	Che ḻen goḻkza' chio'. Nakkzo' Le' yeḻa' ba nez chia', na' bi soakza' žize. X̱ana' Dios, wká'n ẕenkza' Le' to chi'ize.
14351	PSA 31:2	Žx̱en ḻaža'a Le', X̱ana' Dios. Bi gono' ga yedoe'ela'. Ni'a che da' chawe' da' nako' Le', beslá neda'.
14357	PSA 31:8	Yebéḻe'ela', na' soa' chawe' dan' nži'ilo' neda' na' ẕḻe'ekzlo' ẕzáka'ḻi'a. Nnezlo' ka ẕdia' ḻo da' žsáka'ḻe'egake' neda'.
14362	PSA 31:13	Goḻ ḻáže'gake' neda' ka žóngake' che to benne' gat. Naka' neda' ka to ye'n yo da' nla'an.
14379	PSA 32:5	Naž bex̱óalapa' doḻa' chia', na' bi bkacha'a da' ẕinnj dan' bena'. Bechóg ḻaža'a bex̱óalapan' ḻawo' Le', X̱ana' Dios, na' benít ḻawo'o Le' che x̱toḻa'a.
14414	PSA 34:7	Neda', benne' yache', bḻiža', na' benle X̱anžo, Dios chian', na' beslé' neda' ḻo yógo'te da' wẕáka'ḻi'a.
14420	PSA 34:13	¿Noẕ benne' ládjwle ḻe'e žénele' soakze' nbane', bennen' žénele' soe' yiz zan nich ḻe'ele' da' chawe'?
14439	PSA 35:9	Naž yebéḻe'ekzla' ni'a che da' ben X̱anžo Dios. Gak yeḻa' ba nez ẕen chia' dan' beslé' neda'.
14489	PSA 37:18	Nonbia' X̱anžon' baḻ ža sóagake' nbángake'. Da' zej nape benne' chawe' ka' soan to chi'ize.
14520	PSA 38:9	Nat ni'a na'a, na' žekla' zej nžoẕjen žit yoa'a. Ẕbeže ḻaža'a dan' že' zedle yichj ḻáẕda'wa'.
14526	PSA 38:15	Naka' ka to benne' bi be ženle', bennen' bi žechebe',
14534	PSA 38:23	Ben byene gákḻeno' neda', X̱ana' Dios. Nakkzo' Le' Benne' Weslá chia'.
14536	PSA 39:2	Neda' wnnía': “Gon chi'a binlo kwina' nich bi gona' doḻa' ḻo da' wchaḻja'. Gon chi'a binlo da' wchaḻja', x̱ak zoa benne' wen da' ẕinnj gan zoa' neda'.”
14542	PSA 39:8	Na'a, X̱ana' Dios, ¿biẕkze wx̱én ḻaža'a? Toze Le' žaḻa' wx̱én ḻaža'a.
14547	PSA 39:13	“Benle da' ẕnnabla' Le', X̱ana' Dios, na' bze nag da' žḻiža' Le'. Bi so' žize kate' zoa' ẕbeža' ḻawo' Le' dan' naka' neda' ḻawo' Le' ka to benne' ẕdaze' yežlyó. Naka' ka to byinne ẕdezba' kan gokgak x̱a x̱na' wdé chia' ka'.
14556	PSA 40:8	Naž wnnía': “Bwia nga, za'a neda'. Nyejw ḻe'e yiche la'y ka nak chia'.
14561	PSA 40:13	Nyéchjgekle da' bi nak chawe' ka' neda', na' da' bi nak chawe' ka' da' bena' zej žian neda'. Che ḻen bi gak chis ḻawa' ḻawo' Le'. Zej nyanžen ka zej nak yicha' yichja' na' žedó ḻaža'a.
14565	PSA 40:17	Ben ga yebégekle, na' soagak ḻo yeḻa' ba nez benne' ka' žx̱en ḻáže'gake' Le', na' nnégakkze benne' ka' zej nži'ile' Le', Benne' Weslá chégake'. Nnágake': “¡Ga'n ẕen X̱anžon'!”
14580	PSA 41:14	¡Ga'n ẕen X̱anžon'! Nake' Dios chegak benne' Israel ka' yógo'te yiz nníta'gake', na' to chi'ize. Ka'kze naken, na' ka'kze gaken.
14584	PSA 42:4	Nis da' ẕbeža' goken ka yet žawa' dot ža, na' yel, na' ẕnnábgekle' neda' yógo'te ža, na' ẕnnágake': “¿Ganẕkze Dios chio'?”
14586	PSA 42:6	¿Biẕ chen' žat ni'a no'o, be' da' nakkza'? ¿Biẕ chen' že' zedlo' ḻo yichj ḻáẕda'wa'? Bx̱en ḻaže' Dios dan' wká'n ẕenkza' Ḻe' da' yoble. Nake' Benne' Weslá chia', na' Dios chia'.
14592	PSA 42:12	¿Biẕ chen' žat ni'a no'o, be' da' nakkza'? ¿Biẕ chen' že' zedlo' ḻo yichj ḻáẕda'wa'? Bx̱en ḻaže' Dios dan' wká'n ẕenkza' Le' da' yoble. Nake' Benne' žeslé' neda', na' Dios chia'.
14594	PSA 43:2	Nako' Le' Dios chia', na' ẕzoa chocho' neda'. ¿Biẕ chen' bsan ḻažo'o neda'? ¿Biẕ chen' žak nyache' ḻaža'a dan' benne' bi ẕḻe'ele' neda' chawe' žsaka' zi'e neda'?
14597	PSA 43:5	¿Biẕ chen' žat ni'a no'o, be' da' nakkza'? ¿Biẕ chen' že' zedlo' ḻo yichj ḻáẕda'wa'? Bx̱en ḻaže' Dios dan' wká'n ẕenkza' Le' da' yoble. Nake' Benne' žeslé' neda', na' Dios chia'.
14603	PSA 44:6	Ḻen yeḻa' wak chio' Le' wzéx̱jwto' benne' ka' ẕdíḻ-ḻengake' neto'. Ni'a chio' Le' ẕzéx̱jwto' ḻégake'.
14606	PSA 44:9	Ni'a chio' Le', Dios, sóatezto' ḻo yeḻa' ba nez, na' to chi'ize wx̱én ḻáže'to' Le',
14627	PSA 45:3	Nako' le' x̱tánle'eže ka yógo'te benne' ka'. Nak cheto' yeḻa' ba nez ni'a che da' ẕchaḻjo', dan' Dios ben cháwe'kze' le' to chi'ize.
14632	PSA 45:8	Nži'ilo' da' nak chawe', na' bi ẕḻe'elo' chawe' da' bi nak chawe'. Che ḻen Dios chio' bzoe' le' latje chio', gan žebéḻe'eželo' ka lježo' ka'.
14637	PSA 45:13	na' ḻa'gak no'le yež Tiro ka' ḻawo' le', zej noe'e da' gónngake' chio'. Nnabgak benne' wnni'a ka' to da' gono' chégake'.
14639	PSA 45:15	Wché'gake'-be' ḻaw benne' wnná bian', nákwbe' ẕa lánabe' dan' nwa'ḻe'en da' x̱tan ka'. X̱kwide' nó'ledo' ka' chjakbe' x̱kóže'lbe'. Nó'ledo' ki, no'le lježbe' ka', wché'gakbe' ḻebe' ḻaw benne' wnná bian'.
14653	PSA 46:11	Ẕnna Dios: “Le soa žize, na' le nnezle naka' Dios. Napža' yeḻa' wak ka da' zej nape yógo'te yež ka'. Napža' yeḻa' wak ka da' zej nape benne' dot yežlyó.”
14657	PSA 47:3	Žaḻa' žébežo X̱anžon', Bennen' nape' dot yeḻa' wak. Nake' Benne' Wnná Bia' Ẕen, na' ẕnna bi'e dot yežlyó.
14667	PSA 48:3	Sión, ya'a ẕen che Dios, naken sibe, na' x̱tanḻe'e. Naken yež che Benne' Wnná Bia' Ẕen, da' žonnen yeḻa' žebele chegak benách dot yežlyó nga.
14707	PSA 50:7	Ẕnne': “Le yenle, benne' chia' ka', na' wchaḻja'. Le wzé nag, benne' Israel ka', na' nnia' da' yesbaga'a ḻe'e ẕia. Neda', Dios, naka' Dios chele.
14729	PSA 51:6	Ḻawo' Le' bena' doḻan'. O', ḻawo' Le'. Bena' da' bi naken chawe' ḻawo' Le'. Ki ẕnno' naken chia' nich gak bia' nako' chawe' ni'a che da' ẕnno'. Naken ḻi ḻaže' kan ẕchi'a ḻažo'o benách ka'.
14738	PSA 51:15	Naž wsedla' benne' wen da' ẕinnj ka' da' žaz ḻažo'o góngake', na' benne' doḻa' ka' yeyákgake' chio' Le'.
14744	PSA 51:21	Naž chaz ḻažo'o biado' ka' gotto' ḻawo' Le' ḻo da' nak chawe', na' biado' ka' wzeyto' ḻawo' Le'. Naž gótgake' biado' ka' ḻo bkog la'y chio'.
14749	PSA 52:5	Nží'iželo' da' bi nak chawe' ka nži'ilo' da' naken chawe' na' ẕdan ḻáže'žo' da' wen ḻaže' ka ẕdan ḻažo'o da' li.
14750	PSA 52:6	Nži'ilo' diža' ka' žon dítjgeklen benne' ka', le', benne' wen ḻaže'.
14751	PSA 52:7	Ni'a che da' ki wžía yi' Dios le' to chi'ize. Gox̱e' le', na' yeké'e le' gan zoakzo', na' wkwase' le' gan zej nnita' benne' ban ka'.
14783	PSA 55:12	Nža' yež nga da' bi nak chawe' da' žóngake'. Žóntezgake' da' wen ḻaže', na' da' ẕinnj ḻo nez chen.
14787	PSA 55:16	Dios, ben ga sen yeḻa' got benne' ka' choḻze, benne' ka' bi zej nake' chawe'. Ben ga chó'ogake' ḻo yi' gabíl kate' ne zóagake' nbángake'. Nža'gak lížgake' da' bi nak chawe' da' žóngake'.
14791	PSA 55:20	Dios nake' Bennen' zóateze', na' ẕnna biá'teze'. Nake' chawe', na' wžía yi'e benne' ka'. Ki gone' chégake' dan' bi žsángake' da' žóngake', na' bi ẕžébegake' Dios.
14804	PSA 56:9	Nnézkzelo' Le' ka žẕonnja' ḻawgak benne' ka'. Bejsá' ḻaže' nis da' ba wžeža'. ¿Bi zej nyejwn ḻe'e yiche chio'?
14805	PSA 56:10	Kate' žḻiža' Dios, ḻo ža na'kze žẕonnjgak benne' ka' bi ẕḻé'egekle' neda' chawe'. Nnezkzla' zoaḻen Dios neda'.
14808	PSA 56:13	Nbaga'a da' bchebe ḻaža'a gona' chio', Dios. Goḻkza' da' we ḻawa' Le'.
14820	PSA 57:11	Nak yeḻa' žeyache' ḻaže' chio' ẕenže ka ya'abá, na' da' li chio' nakže ẕen ka bejw gasj ka'.
14831	PSA 58:10	Néžwte kate' bi na' ḻa to yeso' ḻo yi' ẕen, yeká'a Dios benne' ka' to ḻo be' bdone', benne' ban ka', na' benne' gat ka'.
14833	PSA 58:12	Naž nna bennen': “Dekze laẕjw benne' chawe'. Dios ẕchi'a ḻáže'kze' benne' yežlyó ka'.”
14843	PSA 59:10	Benne' ka' bi ẕḻé'egekle' neda' chawe' zej nake' waḻe. Neda' wx̱én ḻaža'a Le', dan' žape chi'o neda'.
14854	PSA 60:3	Dios, Le' bzo' neto' cheḻa'ale. Beno' ga bejchégwto', dan' bžá'aḻi'o neto'. Na'a, da gákḻeno' neto'.
14862	PSA 60:11	¿Noẕkze wchi'e neda' nich tíḻ-ḻena' yež zoa to ze'e sibe dan' žape chi'in yežen'? ¿Noẕkze wchi'e neda' nich tíḻ-ḻena' benne' Edom ka'?
14869	PSA 61:4	Nako' Le' Benne' nox̱e' neda', na' nako' ka to ze'e yej da' žape chi'in neda' ḻawgak benne' ka' bi ẕḻé'egekle' neda' chawe'.
14877	PSA 62:3	Toze' Ḻe' žape chi'e neda', na' žeslé' neda'. Nake' Bennen' žox̱e' neda', na' bi chejchegwa'.
14879	PSA 62:5	Žonle toze diža' kan yebejle neda' ḻo yeḻa' ẕen chia'. Nží'ilele da' wen ḻaže'. Ḻen žoá'ale ẕchaḻjle cháwe'do' san yo'o yichj ḻáẕdo'le da' ẕinnj da' gonle.
14880	PSA 62:6	Le', be' da' nakkza', wléz ḻaže' toze Dios. Nake' Ḻe' Bennen' žx̱en ḻaža'a.
14881	PSA 62:7	Toze' Ḻe' žape chi'e neda', na' žeslé' neda'. Nake' Bennen' žox̱e' neda', na' bi yedó ḻaža'a.
14882	PSA 62:8	Nak Dios Bennen' žeslé' neda', na' nake' yeḻa' ba nez chia'. Nak Dios Bennen' žape chi'e neda', na' Benne' žon choche' neda'.
14883	PSA 62:9	Le kwez ḻaže' Ḻe' to chi'ize, ḻe'e, benne' ka'. Bḻoe'el Ḻe' da' ẕdan ḻáže'le. Nak Dios Bennen' žon choche' žo'o.
14891	PSA 63:4	Nakže chawe' yeḻa' žeyache' ḻaže' chio' ka yeḻa' nban. Che ḻen wká'n ẕenkza' Le'.
14892	PSA 63:5	Wchaḻja' che da' chawe' da' nako' Le' x̱ak zoa' nbana'. Nich wká'n ẕena' La la'y chio' Le' wchiskza' na'a.
14899	PSA 63:12	Neda', benne' wnná bia', yebela' ḻo da' nak che Dios. No benne' ẕkonle' žin La Dios gape' Ḻe' ba la'ne, san benne' wen ḻaže' ka' gá'ngake' žize.