13955	PSA 2:6	Ẕnne': “Ḻo ya'a la'y chia', Ya'a Sión ba bzoa' Bennen' nna bi'e ḻo wlaza' neda'.”
13965	PSA 3:4	San Le', X̱ana' Dios, žape chi'o neda'. Nako' yeḻa' baní' chia', na' ẕzo' neda' chawe'.
13991	PSA 5:12	San yebéḻe'egekle benne' ka' žx̱en ḻáže'gake' Le'. Kwežeyá'gake' ḻo yeḻa' žebele dan' žákḻeno' ḻégake'. Benne' ka' zej nži'ile' Le' yebéḻe'egekle' ḻawo' Le'.
14043	PSA 9:12	Le goḻ che X̱anžon', Bennen' zoe' yež Sión. Le wzenle benne' yež ka' ka nak da' bene',
14046	PSA 9:15	nich wzenla' benne' ka' da' ẕka'n ẕena' Le' gan ẕdóbgake' ḻo yež Sión, na' yebéḻe'ela' dan' besló' neda'.
14066	PSA 10:14	San Le' bḻe'ekzlo' da' ni, dan' ẕwio' no benne' žone' da' ẕinnj, na' da' bi nak chawe', nich yezi'kzo' wzón benne' ka'. Benne' yache' ka' ẕde kwíngake' ḻo no'o. Le' žákḻenkzo' bi' wzebe ka'.
14083	PSA 12:6	San ẕnna X̱anžo Dios: “Na'a ḻa'kza' neda' dan' žsáka'gake' benne' yache' ka', benne' ka' ẕbeže ḻáže'gake', na' yeslá' benne' ka' žénegekle' bi da' gona'.”
14164	PSA 18:34	Žone' ni'a ka zej nak ni'a bžina' yix̱e' na' ẕzoa choche' neda' ḻaw Ya'a Sión chie'.
14199	PSA 20:3	Ẕnnabla' Ḻe' ḻo latje la'y chie' gákḻene' le', na' gan zoe' ḻaw Ya'a Sión yedjwíe' le'.
14218	PSA 21:12	dan' wyáz ḻáže'gake' góngake' da' bi naken chawe' ḻawo' Le'. Sa' ḻáže'gake' da' góngake' san bi be sáke'gekle' dan' wlago' ḻégake'.
14230	PSA 22:10	San Le', X̱ana', bex̱o' neda' kate' golja'. Beno' ga bx̱en ḻaža'a Le' kate' ne žaẕa'a.
14240	PSA 22:20	San Le', X̱ana' Dios, bi bkwaso' gan zoa'. Nakkzo' Le' yeḻa' waḻe chia', na' gákḻeno' neda'.
14667	PSA 48:3	Sión, ya'a ẕen che Dios, naken sibe, na' x̱tanḻe'e. Naken yež che Benne' Wnná Bia' Ẕen, da' žonnen yeḻa' žebele chegak benách dot yežlyó nga.
14676	PSA 48:12	Yebéḻe'egekle benne' ka' nníta'gake' yež Sión. Yebégekle benne' ka' nníta'gake' yež ka' che Judá dan' ẕchi'a ḻáže'kzo' ḻégake'.
14702	PSA 50:2	Ḻo Ya'a Sión, da' naken x̱tanḻe'e ba bza'ní' Dios.
14743	PSA 51:20	Ḻo yeḻa' ži'i ḻaže' chio', ben chawe' yež Sión. Beyón ze'e da' žape chi'in yež Jerusalén'.
14754	PSA 52:10	San neda' naka' ka to yag olibo dan' žen' ḻi'a liž Dios. Žx̱en ḻáže'teza' yeḻa' žeyache' ḻaže' che Dios.
14761	PSA 53:6	San žin ža žébegake' da' sáka'gake'. Gosḻas Dios žit chegak benne' ka' ẕdíḻ-ḻengake' benách chie' ka'. Dios wzóe' ḻégake' cheḻa'ale, na' wžía yi'e ḻégake'.
14762	PSA 53:7	Ẕnnabla' Dios gone' ga žoj ḻo yež Sión da' gákḻenen benne' Israel ka'. Kate' gon Dios ga yeḻa'gak benne' chie' ka' lážgake', yebégekle ẕa'só Jakob ka', na' gak yeḻa' ba nez ẕen chegak benne' Israel ka'.
14788	PSA 55:17	San ka nak chia' neda', bḻiža' Dios, na' X̱ana' Dios beslé' neda'.
14795	PSA 55:24	San Le', Dios, gono' ga cho'ogak benne' wen da' ẕinnj ka', na' benne' wet benách ka', na' benne' wen ḻaže' ka', ḻo yi' gabíl, kate' bi na' góngake' gachj yiz ka' da' yéla'gake', san neda' wx̱én ḻaža'a Le'.
14842	PSA 59:9	San Le', X̱ana' Dios, wẕiẕo' chegak benne' ka'. Gon ditjlo' Le' benne' yógo'te yež ka'.
14859	PSA 60:8	Ḻo latje la'y chie' wnná Dios: “Yebekzla' neda'. Chisa' chele yežlyó chegak benne' Sikem ka'. Wžix̱a' chele yežlyó dan' žen' kwit yegw Sukot.
14861	PSA 60:10	san yežlyó chegak benne' Moab ka' naken ka to ẕiga' ya da' yožen nis wná'a. Ḻo yežlyó chegak benne' Edom ka' cho'na' ẕela' gole ka'. Si'a ba nez yežlyó chegak benne' Filistea ka'.”
14870	PSA 61:5	Sóateza' ḻo yo'o la'y chio'. Kwe' chawa'a kwito' Le' kan zej že' chawe' bríse'do' ka' ẕan x̱il ẕkoko'.
14873	PSA 61:8	Sóateza' ḻawo' Le', Dios. Bkwez yeḻa' žeyache' ḻaže' chio', na' da' li nich wká'n cháwe'gaken neda', benne' wnná bia'.
14907	PSA 64:8	San Dios gon zi'e benne' ka' ḻen yag ntóche'do' chie' ka'. Choḻze chó'ogake' yižwé' ẕen ka'.
14912	PSA 65:2	X̱ana' Dios, žaḻa' wx̱én ḻáže'to' Le' ḻo yež Sión, na' gonto' da' wchebe ḻáže'to' chio'.
14961	PSA 68:9	na' wẕó' yežlyón', na' gokḻe'e yejw ḻaw Dios. Ya'a Sinaí wẕizen ḻaw Dios chegak benne' Israel ka'.
14967	PSA 68:15	Kate' Dios, Benne' ẕente, besḻase' benne' wnná bia' ka' ga na', na' bex̱jw bege' da' bgakwn Ya'a Salmón.
14970	PSA 68:18	Karro ka' che wdiḻe da' nape Dios zej nyanḻe'en. X̱anžo Dios zezé'e gan že' Ya'a Sinaí nich soe' latje la'y chie'.
14980	PSA 68:28	Ḻezka' zjak ẕa'só Benjamín ka'. Zej nake' bábzegake' san ẕnna biá'gake'. Ḻezka' zjak benne' zan ẕa'só Judá, na' benne' zan ẕa'só Sabulón, na' benne' zan ẕa'só Neftalí.
15024	PSA 69:36	Dios beslé' benne' ka' nníta'gake' yež Sión, na' yeyone' yež ka' zej žen' ḻo yežlyó Judá, na' chejnníta'gake' ga na', na' gata' chégake' yežlyón'.
15054	PSA 71:23	Soa' ḻo yeḻa' ba nez kate' goḻkza' chio' Le', na' yebekzle be' da' nakkza' dan' beya'wo'.
15065	PSA 72:10	Benne' ẕnna bi'e yež Tarsis, na' benne' ẕnna bi'e yež zi'to' ka' zedjnoé'e da' wnéẕjwgake' chie', na' benne' ẕnna bi'e yež Sabá, na' benne' ẕnna bi'e yežlyó Seba wnéẕjwgake' chie' yeḻa' wnni'a.
15070	PSA 72:15	Soa nban benne' wnná bian', na' wnéẕjwgake' chie' ya oro che yež Sabá, na' nnábtezgekle benne' ka' gakḻen Dios ḻe', na' dot ža, na' yele nnábgekle' Dios gon chawe'e benne' wnná bian'.
15072	PSA 72:17	Sóateze la benne' wnná bian'. Wcháḻjtezgake' che le' x̱ak zoa wbíž. Ni'a chie' ḻe' gak yeḻa' ba nez chegak benách ka', na' nnágake' nak chie' yeḻa' ba nez ẕen.
15103	PSA 73:28	San neda', žak chawe' chia' dan' wbiga' ḻaw Dios. Wx̱én ḻáže'teza' X̱anžo Dios, na' wchaḻjkza' che da' ẕente da' bene' Ḻe'.
15105	PSA 74:2	Bsa' ḻaže' benne' chio' ka', benne' ka' wẕi'o ža ni'te, benne' ka' beya'wo' nich gono' ḻégake' benne' chekzo' ka', benne' ka' zej zoe' ḻaw Ya'a Sión nga, ga ni zoakzo' Le'.
15115	PSA 74:12	San Le', Dios, nako' Benne' Wnná Bia' chia' ža ni'te. Le' bžia yi'o benne' ka' dot ḻo yežlyó nga.
15140	PSA 76:3	Ḻo yež Salem zoa latje la'y chie'. Ḻo yež Sión zoa gan zoakze'.
15183	PSA 78:12	Bene' yeḻa' wak ẕen ka' ḻawgak x̱a x̱tó'gake' ka' ḻo yežlyó Egipto, na' ḻo yežlyó Soán.
15209	PSA 78:38	San Dios beyache' ḻáže'le' chegak benne' ka', na' benít ḻawe' x̱tóḻa'gake', na' bi bžia yi'e ḻégake'. Zan chi'i beké'e yeḻa' ẕža'a chie', na' bi bže'e ḻégake' dot kan bsa' ḻaže'e.
15214	PSA 78:43	kate' bene' yeḻa' wak ẕen ka' ḻo yežlyó Egipto, na' bḻoe'ele' da' ka' da' žóngaken ga žebanlžo, da' ka' bene' ḻo yežlyó Soán.
15231	PSA 78:60	Bsan ḻaže'e yo'o yid la'y chie' dan' wzóan yež Silo, yo'o yiden' gan wzoakze' Ḻe' ladjw benne' ka'.
15239	PSA 78:68	san wžíe' ẕa'só Judá ka', na' Ya'a Sión, dan' nží'iḻe'ele'.
15311	PSA 83:10	Ben chegak benne' ki kan beno' chegak benne' Madián, na' kan beno' che Sísara, na' kan beno' che Jabín žoa'a yegw Sisón,
15313	PSA 83:12	Ben ga gak chegak benne' blo ka' chegak benne' ki kan gok che Oreb, na' che Seb, na' ben ga gak chegak benne' ka' ẕnna biá'gake' benne' ki kan gok che Seba, na' che Salmuna,
15326	PSA 84:6	Ba nez ẕen naken chegak benne' ka', Le' ẕzoa chocho' ḻégake', benne' ka' ẕdan ḻáže'gake' chjake' ḻo ya'a la'y chio', Ya'a Sión.
15328	PSA 84:8	Žákgakže' benne' waḻe x̱ak zej yoe'e nez ga na' dan' ḻé'egekle' Dios ḻaw ya'a la'y chie', Ya'a Sión.
15365	PSA 87:1	Len yež Sión žian ḻaw ya'a la'y.
15366	PSA 87:2	Nží'ižele X̱anžo Dios latje gan ẕchi'a ḻáže'gak benne' ka' nníta'gake' yež Sión, ka nži'ile' yógo'te liž ẕa'só Jakob ka'.
15369	PSA 87:5	Ka nak che yež Sión ẕnne': “Benne' ni, na' bennen' góljgake' ga na', na' neda', Dios ẕente, wzóa chocha' yežen'.”
15385	PSA 88:14	San neda' žḻiža' Le', X̱ana' Dios. Yógo'te zile da' ẕnnabla' Le' ženlen ḻawo' Le'.
15427	PSA 89:37	Wnnía': Sóatezegak ẕa'sóe' ka', na' nna biá'gake' ḻo wlaze' ḻe' ḻawa' neda' x̱ak zoa wbíž.
15428	PSA 89:38	Yeḻa' wnná bia' chie' sóatezen choch x̱ak zoa byo' ya'abá. Sóatezen choch x̱ak zoa ya'abá.”
15552	PSA 97:8	Béngekle benne' ka' nníta'gake' yež Sión, na' bebégekle'. Bebégekle benne' ka' nníta'gake' yežlyó Judá, ni'a che da' bchi'a ḻažo'o Le', X̱anto' Dios.
15567	PSA 99:2	Ẕente nak X̱anžon' ḻaw Ya'a Sión. Nake' ẕen ḻáwlegak yógo'te yež ka'.
15571	PSA 99:6	Moisés, na' Aarón gókgake' bx̱oz chie' ka'. Samwel goke' to benne' bcháḻjḻene' Ḻe'. Wnnábgekle' X̱anžo Dios to, na' Ḻe' bechebe'.
15601	PSA 102:14	Bezó ža', na' beyache' ḻaže'l benne' yež Sión ka', dan' ba bžin ža yenít ḻawo'o chégake'.
15604	PSA 102:17	kate' yechiso' yež Sión, X̱anto' Dios, na' ḻé'egekle' yeḻa' ẕen chen,
15609	PSA 102:22	nich wzéngekle' benne' yež Sión ka' kan nak ẕen La la'y che X̱anžo Dios, nich we ḻáwgake' Ḻe' ḻo yež Jerusalén,
15726	PSA 106:8	San Dios beslé' benách chie' ka' nich ga'n ẕen La la'y chie', na' nich wḻoe'ele' ḻaw ka nak yeḻa' wak chie' Ḻe'.
15817	PSA 108:8	Ḻo latje la'y chie' wnná Dios: “Yebekzla' neda'. Chisa' chele yežlyó chegak benne' Sikem ka', na' wžix̱a' chele yežlyó da' žen' kwit yegw Sukot.
15819	PSA 108:10	Yežlyó chegak benne' Moab ka' naken ka to ẕiga' ya da' nžan' nis wná'a. Ḻo yežlyó chegak benne' Edom ka' cho'na' ẕela' gol. Si'a ba nez yežlyó chegak benne' Filistea ka'.”
15856	PSA 110:2	Gan zo' yež Sión, gonn X̱anžon' yeḻa' wnná bia' chio'. Ẕnne': “Wnná bia' benne' ka' ẕdíḻ-ḻengake' Le'.
15929	PSA 116:13	Si'a ḻo ne'e Ḻe' yeḻa' weslá, na' wḻiža' La la'y che X̱anžo Dios.
16147	PSA 120:5	Da' nyáche'ḻe'e žaken chia' neda'. Zoakza' ladjw benne' Mesek ka', na' zoa' to yo'o laže' chegak benne' Sedar ka'.
16148	PSA 120:6	Schaḻe'e ba wzóa' ladjw benne' ki, benne' ka' ẕzóagake' cheḻa'ale yeḻa' ẕga'n chawe'.
16179	PSA 125:1	Benne' ka' žx̱en ḻáže'gake' X̱anžo Dios zej nake' ka Ya'a Sión. Bi gak no benne' wtén', san to chi'ize zoa chochen.
16183	PSA 125:5	San benne' ka' žebéj yíchjgake' Dios nich góngake' da' ẕinnj, X̱anžo Dios wkwase' benne' ka' tẕen ḻen benne' wen da' ẕinnj ka'. Ẕnnabla' Dios gata' yeḻa' ẕga'n chawe' chegak benne' Israel ka'.
16184	PSA 126:1	Kate' X̱anžo Dios beslé' žo'o ḻo na'gak benne' zi'to' ka', na' begoé'e žo'o ḻo yež Sión, gókežo zoažo bichgale.
16199	PSA 128:5	Ẕnnabla' X̱anžon', Bennen' zoe' Ya'a Sión, gon chawe'e le', nich ḻe'elo' gak chawe' che yež Jerusalén yógo'te ža so' nbano',
16205	PSA 129:5	X̱ana' Dios, ben ga chejchégwgak, na' wẕonnjgak yógo'te benne' ka' ẕdíḻ-ḻengake' benne' Sión ka'.
16212	PSA 130:4	San Le' ženít ḻawo'o cheto', nich gapto' Le' ba la'ne.
16232	PSA 132:13	Dan' wžé X̱anžo Dios yež Sión gok ḻaže'e soa ližkze' ga na',
16233	PSA 132:14	na' wnné': “Gákteze latje nga gan soakza' neda'. Sóateza' nga dan' ki žaz ḻaža'a gona'.
16240	PSA 133:3	Ẕdinnen kan ẕdinne x̱le'l ḻaw Ya'a Hermón, na' ḻaw Ya'a Sión. X̱anžo Dios gon chawe'e benne' ka' nníta'gake' ga na', na' gonne' chegak benne' ka' yeḻa' nban da' zejlí kanne.
16243	PSA 134:3	Ẕnnabla' X̱anžon', Bennen' zoe' Sión, gon chawe'e ḻe'e. Ḻekze' bene' ya'abá, na' yežlyó.
16254	PSA 135:11	Bete' Sehón, bennen' wnná bi'e benne' amorreo ka', na' Og, bennen' wnná bi'e benne' Basán ka', na' yógo'te benne' wnná bia'gake' benne' Kanaán ka'.
16264	PSA 135:21	Ḻe'e zoale yež Sión, ¡le we ḻaw X̱anžo Dios, Bennen' zoakze' yež Jerusalén! ¡Ga'n ẕen X̱anžo Dios!
16279	PSA 136:15	San bene' ga bkache' nisdon' Faraón, benne' wnná bi'e benne' Egipto ka', benne' ka' žjake' ḻo wdiḻe. Zóateze yeḻa' žeyache' ḻaže' chie'.
16283	PSA 136:19	Bete' Sehón, bennen' wnná bi'e benne' amorreo ka'. Zóateze yeḻa' žeyache' ḻaže' chie'.
16291	PSA 137:1	Žoa'a yegw da' ẕden ḻo yežlyó Babilonia, wže'žo ga na', na' wžeẕžo katen' bejsá' ḻáže'žo che yež Sión.
16293	PSA 137:3	Benne' ka' bché'gake' žo'o ka benne' zej ndo'w ka' wnnábgekle' žo'o goḻžo. Benne' ka' bchínnjgake' yež chežo góžgake' žo'o yebelžo, na' wnnágake': “Le goḻ cheto' da' ka' beḻ-le ḻo yež Sión.”
16421	PSA 146:10	Ḻe'e, benne' yež Sión, ẕnna bia'kze X̱anžo Dios. Ẕnna biá'teze Dios to chi'ize. ¡Ga'n ẕen X̱anžo Dios!
16433	PSA 147:12	¡Le wká'n ẕen X̱anžo Dios, ḻe'e zoale yež Jerusalén! ¡Le wká'n ẕen Dios chele, ḻe'e zoale yež Sión!
16457	PSA 149:2	¡Le yebele, ḻe'e, benne' Israel ka', ḻaw Dios, Bennen' bene' ḻe'e! ¡Le yebele, ḻe'e, zoale yež Sión, ḻaw Dios, Bennen' nake' Benne' Wnná Bia' Ẕen chele!
23216	MAT 1:3	Judá na' goke' x̱agak Fares ḻen Sara. Tamar goke' x̱na'gak chope' ki. Fares na' goke' x̱a Esrom. Esrom na' goke' x̱a Aram.
23217	MAT 1:4	Aram na' goke' x̱a Aminadab. Aminadab na' goke' x̱a Nasón. Nasón na' goke' x̱a Salmón.
23218	MAT 1:5	Salmón na' goke' x̱a Bos, na' Rahab goke' x̱ne'e. Bos na' goke' x̱a Obed, na' Rut goke' x̱ne'e. Obed na' goke' x̱a Isaí.
23219	MAT 1:6	Isaí na' goke' x̱a Dabí. Dabín' wnná bi'e benách Israel ka', na' bchag ná'ḻene' no'len' zga'ale goke' ẕo'le Urías. Dabín' ḻen no'len' gókgake' x̱a x̱na' Salomón.