13944	PSA 1:1	Ba nez ẕen naken che bennen' bi ẕzi'e da' ẕzejní'igekle benne' wen da' ẕinnj ka' ḻe', na' bi nake' toze ḻen benne' doḻa' ka', na' bi žónḻene' tẕen benne' ka' ẕzóagake' Dios cheḻa'ale,
13949	PSA 1:6	Žaz ḻaže' Dios da' žongak benne' chawe' ka', san da' žongak benne' wen da' ẕinnj ka' chen' ḻégake' gan kwia yí'gake'.
13951	PSA 2:2	Ẕži'igak benne' wnná bia' ka' chie' Ḻe', na' benne' yolawe' ka' žóngake' toze diža' nich wží'igake' che Dios, X̱ángake', na' che Bennen' wžé Dios chekze'.
13952	PSA 2:3	Ẕnnágake': “Yebéj kwinžo ḻo ná'gake', na' wzoažo cheḻa'ale da' bchí'igekle' žo'o.”
13963	PSA 3:2	X̱ana' Dios, ba nyanḻe'e benne' ka' ẕžá'agake' neda'. Benne' zante ẕdíḻ-ḻengake' neda'.
13965	PSA 3:4	San Le', X̱ana' Dios, žape chi'o neda'. Nako' yeḻa' baní' chia', na' ẕzo' neda' chawe'.
13968	PSA 3:7	Bi žeba' chi mil benne' ka' ẕdíḻ-ḻengake' neda', benne' ka' zej nyechjle' neda'.
13969	PSA 3:8	Wyás, X̱ana' Dios. Beslá neda', Dios chia', na' wdáp x̱ága'gak benne' ka' ẕdíḻ-ḻengake' neda', na' bdichj láye'gak benne' wen da' ẕinnj ka'.
13973	PSA 4:3	Ẕnna Dios: “Ḻe'e, benne' ka', ¿to chi'ize wzoale neda' cheḻa'ale? ¿To chi'ize ží'ilele da' bi be zaka', na' chejḻe'le da' wen ḻaže'?”
13987	PSA 5:8	san neda' wak choa'a ližo' dan' nží'iḻe'elo' neda'. Wká'n ẕena' Le' ḻo yodo' la'y chio' ḻo yeḻa' ẕžebe.
13990	PSA 5:11	Ben zi' benne' ka', Dios. Ben ga chejchégwgake' ni'a che x̱tíža'gakkze'. Dan' nyanḻe'e da' bi nak chawe' da' žóngake', na' dan' bží'igake' chio' Le', bnnita' ḻégake' cheḻa'ale.
14016	PSA 7:13	Cha' bi yeyát ḻáže'gake' Dios kweje' ya ntoche' chie' ka'. Za' wsíe' yag ntóche'do' chie' ka'.
14017	PSA 7:14	Za' wkonle' žin ya chie' ka' che wdiḻe. Za' wsíe' yag ntóche'do' ka' zoa yi' ḻáwe'gaken.
14020	PSA 7:17	Da' ẕinnj da' bene' žesbaga'n ḻekze' ẕia, na' da' bsake'e benne' ka' yebí'i Dios chekze' ḻe'.
14030	PSA 8:9	bia zej nnita' x̱ílgakba', na' bel ka', na' yógo'te bia ka' zej nníta'ba' ḻo nisdo'.
14035	PSA 9:4	Bẕonnjgak benne' ka' bi ẕḻé'egekle' neda' chawe'. Bejchégwgake', na' wnítgekle' ḻawo' Le',
14038	PSA 9:7	Wžía yi'gak benne' ka' bi ẕḻé'egekle' neda' chawe'. To chi'ize zej nbia yi' latje chegak benne' ka', na' yež chégake' ka', da' ka' bchinnjo' Le'. Nitó benne' chejsá' ḻaže'e benne' ka'.
14041	PSA 9:10	X̱anžo Dios nake' ka to gan chejnníta'gak chawe' benne' yache' ka', kate' žin ža che da' wžía yin' benne' wen da' ẕinnj ka'.
14042	PSA 9:11	Benne' ka' zej nónbi'e Le', X̱anto' Dios, wx̱én ḻáže'gake' Le', dan' bi wléj yichjo' benne' ka' žíljgake' Le', X̱anto' Dios.
14047	PSA 9:16	Chejchazgak benne' yež ka' ḻo yežw da' bché'ngake'. Chejcházgake' ḻo do yeḻj da' bdíx̱jgake'.
14049	PSA 9:18	Benne' bi zej nake' chawe' ka' cházgake' ḻo yi' gabíl, yógo'te benne' ka' žaḻ ḻáže'gake' X̱anžo Dios.
14051	PSA 9:20	Wzó ža', X̱ana' Dios. Bi go'o latje benne' ka' wká'n ẕen kwíngake'. Ḻa'gak benne' yež ka' ḻawo' Le' nich wchi'a ḻažo'o ḻégake'.
14054	PSA 10:2	Ḻo yeḻa' ẕka'n ẕen kwin benne' bi nake' chawe' ẕbia ḻaže'e benne' yache', san chejchaze' ḻo da' bdix̱jwe' nich wžía yi'e bennen'.
14057	PSA 10:5	Žónteze' da' ẕinnj, na' ẕnne' bi wchi'a ḻaže' Dios ḻe' ni'a che da' žone'. Ẕzoe' cheḻa'ale benne' ka' ẕží'igake' chie' ḻe'.
14060	PSA 10:8	Ẕkache' kwine' žoa'a yež nich sene' benne' ka'. Bagáche'ze žote' benne' ka' ẕdégakze' ga na'. Ẕwíalanze' nich gak bi gone' chegak benne' yache' ka'.
14062	PSA 10:10	Kan žon bež yix̱e' zóateze' x̱íti'e ḻáwlegak benách ka', na' ẕzene' benne' zan ḻen ne'e waḻe.
14065	PSA 10:13	¿Biẕ chen' ẕzoagak benne' wen da' ẕinnj ka' Dios cheḻa'ale? Ḻo yichj ḻáẕdo'gake' ẕnnágake': “Bi yezí' wzón Dios neda'.”
14066	PSA 10:14	San Le' bḻe'ekzlo' da' ni, dan' ẕwio' no benne' žone' da' ẕinnj, na' da' bi nak chawe', nich yezi'kzo' wzón benne' ka'. Benne' yache' ka' ẕde kwíngake' ḻo no'o. Le' žákḻenkzo' bi' wzebe ka'.
14068	PSA 10:16	To chi'ize nak X̱anžon' Benne' ẕnna bi'e žo'o. Ḻo yežlyó chie' ba wžía yi'gak benne' ka' bi ẕḻé'egekle' Ḻe' chawe'.
14074	PSA 11:4	X̱anžo Dios zoakze' latje la'y chie'. Ya'abá na'kze zoa latje blo gan že' Dios. Ẕwíagak yej ḻawe', na' ẕḻe'ele' da' žongak benne' ka'.
14076	PSA 11:6	Wdíe' benne' ka' bi zej nake' chawe' ḻo da' ka' wžía yí'gaken ḻégake', da' ka' zej naken yi', na' sufr da' žeyen ka yeže, na' to be' da' ḻaḻe'e, da' ka' seḻe'e ḻawgak benne' ka'.
14081	PSA 12:4	X̱anžo Dios wžía yi'e benne' ka' ẕcháḻjgake' ki, na' benne' ka' ẕcháḻjgake' da' ẕka'n ẕen kwíngake'.
14085	PSA 12:8	Le', X̱ana' Dios, ẕwíakzo' benne' chio' ka'. To chi'ize gape chi'o ḻégake' ḻo na'gak benne' ka' zej nnita' ḻo ža na'a ža.
14095	PSA 14:3	Yógo'tie' bejchíx̱gekle'. Yógo'tie' zej nchix̱le yichj ḻáẕdo'gake'. Bi zoa no benne' žone' da' naken chawe', nitóe'.
14096	PSA 14:4	¿Bi žejní'igekle benne' ka' žóngake' da' ẕinnj? Ẕzóẕjgake' benne' chia' ka' ka ẕzoẕj to benne' yet da' žawe', na' bi žákbe'egekle' zoa X̱anžo Dios.
14097	PSA 14:5	Ḻo yeḻa' ẕžebe chégake' žẕízegak benne' ka', dan' žakḻen Dios benne' chawe' ka'.
14099	PSA 14:7	Ḻa'kze Bennen' yeslé' benne' Israel ka'. Kate' gon X̱anžon' ga yežingak benne' chie' ka', benne' ka' zej ndo'e zíto'le, na' yebégekle ẕa'só Jakob, na' yebéḻe'egekle benne' Israel ka'.
14116	PSA 17:1	Bze nag da' ẕnnia', X̱ana' Dios. Benle da' žḻiža' Le'. Wẕí' da' ẕnnabla' Le' ḻo yeḻa' ḻi ḻaže' chia'.
14118	PSA 17:3	Le' ẕwíakzo' yichj ḻáẕda'wa', na' ẕḻe'elo' neda' žel. Bwíakzo' da' žona', na' bi be da' ẕinnj bḻe'elo'. Wdape chi'a loža'a nich bi be diža' ka'ze nnia'.
14123	PSA 17:8	Bwia neda' ka žon no benne' ẕwíakze' yej ḻawe'. Wdape chi'i neda' ka žon ẕkoko', bian' žape chi'iba' bríse'do' ka' ẕan x̱ilba'
14125	PSA 17:10	Bi žeyache' ḻáže'gekle' ljéžgake' ka', na' ḻo yeḻa' ẕka'n ẕen kwíngake' ẕcháḻjgake'.
14126	PSA 17:11	Gáte'teze gan ẕda' ẕwíagake' neda'. Žénegekle' wžía yí'gake' neda'.
14127	PSA 17:12	Zej nake' ka to bež yíx̱e'do' žénelba' bi da' gawba'. Zej nake' ka to bež yix̱e', bia ẕkache' kwinba' nich senba' biado' ka'.
14129	PSA 17:14	Beslá neda' ḻo na'gak benne' ka' ḻen no'o waḻe, X̱ana' Dios. Beslá neda' ḻo na'gak benne' ka', benne' zej ze'e nich yekwásgake' yežlyó cheto' nga, benne' ka' žáwgake' da' záka'ḻe'e chio' na' ẕwáwgaken' ẕí'ngake' ka', na' ẕga'nkze da' gawgak ẕa'sógake' ka',
14136	PSA 18:6	Gota' ẕož chia' choa'a ḻo yi' gabíl dan' wzóa' ḻo da' zede che yeḻa' got.
14138	PSA 18:8	Naž wẕó' yežlyó nga. Wẕízegak ya'a ka' gže'. Wẕízeḻe'egaken dan' bže'e Ḻe'.
14141	PSA 18:11	Wdíe' ḻo be', ne ži'e to da' nzin' kerubín. Ka' gaze wdíe' ḻo be' bdone'.
14148	PSA 18:18	Beslé' neda' ḻo na'gak benne' waḻe ka', benne' bi ẕḻé'egekle' neda' chawe', na' ḻo na'gak benne' ka' ẕží'igake' chia' neda', benne' ka' zej nakže' waḻe ka neda'.
14149	PSA 18:19	Bdíḻ-ḻengake' neda' katen' wzóa' ḻo da' zedḻe'e, san X̱ana' Dios gókḻene' neda'.
14155	PSA 18:25	Bebí'i X̱anžo Dios chia' ka nak da' chawe' da' bena', ka nakkze da' chawen' dan' bena' ḻawe' Ḻe'.
14158	PSA 18:28	Yesló' benne' chawen' ḻo da' wžía yin' benách ka', san wzex̱jo' benne' ka' ẕka'n ẕen kwíngake'.
14160	PSA 18:30	Yeḻa' wak chio' wžía yin' benne' zanḻe'e, benne' ka' žjake' ḻo wdiḻe. Cha' Le', Dios, sóaḻeno' neda', wak wchinnja' ze'e ka' žape chí'igaken yež ka'.
14169	PSA 18:39	Bena' benne' ka' we', na' bi gok yeyásgake'. Bejbíx̱gake' ẕan ni'a.
14174	PSA 18:44	Besló' neda' ḻo na'gak benne' ka' ẕží'igake' chia', na' beno' neda' benne' blo ḻo yež ka', na' ḻáwe'lgak benne' zi'to' ka'. Benne' ka' bi nónbi'a, žóngake' žin chia'.
14175	PSA 18:45	Kate' béngekle' chia', na' béngake' kan wnnía'. Benne' yež ka' béngake' kan bchi'la' ḻégake'.
14179	PSA 18:49	Žeslé' neda' ḻo na'gak benne' ka' ẕžá'agake' neda'. Žone' ga ẕnna bi'a benne' ka' bží'igake' chia' neda'. Beslé' neda' ḻo na'gak benne' yichj ža'a ka'.
14181	PSA 18:51	Žono' ga žon to benne' da' ẕen ka', bennen' ẕnna bi'e ḻo wlazo' Le', na' žeyache' ḻáže'lo' bennen' wžío' Le', bennen' nake' Dabí, na' ẕa'sóe' ka', to chi'ize.
14185	PSA 19:4	Bi ẕkóngeklen žin x̱tíža'gak benne' ka', na' bi zoa no benne' ženle' chí'igaken,
14186	PSA 19:5	san ẕžin da' ẕnnágaken do ẕente yežlyó, na' ẕžingak x̱tíža'gaken dot yežlyó. Dios bene' ya'abá ka to yo'o gan zoa wbíž.
14189	PSA 19:8	Dot ḻi ḻaže' nak da' žsedle X̱anžo Dios, na' ẕzoa chochen be' da' nakkzžo. Ḻi ḻaže' nak da' bchi'le X̱anžon' žo'o. Ẕneẕjwn yeḻa' žejní'il chegak benne' ka' bi zej napen'.
14190	PSA 19:9	Da' likze nak da' wnná X̱anžon', na' žebéḻe'egekle benne' ka' žóngake' kan ẕnnan. Ḻi ḻaže' nak da' ẕzejní'il X̱anžon' žo'o, dan' ẕzoan žo'o ḻo yeḻa' baní'.
14199	PSA 20:3	Ẕnnabla' Ḻe' ḻo latje la'y chie' gákḻene' le', na' gan zoe' ḻaw Ya'a Sión yedjwíe' le'.
14204	PSA 20:8	Baḻ benne' ka' žx̱en ḻáže'gake' karro ka' che wdiḻe, na' yezíka'že' žx̱en ḻáže'gake' bia waḻe ka', san žo'o žx̱en ḻáže'žo La X̱anžo Dios.
14210	PSA 21:4	Wẕí' ḻo no'o ḻe', na' ben chawo'o ḻe'. Bžio' yichje' to da' naken oro.
14215	PSA 21:9	Wzetjo' yógo'te benne' ka' bi ẕḻé'egekle' Le' chawe'. Ḻen yeḻa' wak chio' wzex̱jo' benne' ka' ẕží'igake' chio'.
14216	PSA 21:10	Gak chegak benne' ka' ka wnnito'o ḻégake' ḻo yi' katen' yido' nich wchi'a ḻažo'o ḻégake'. X̱anžon' wžía yi'e benne' ka' ḻo yeḻa' ẕža'a chie', na' yi' na' wzeyen ḻégake'.
14223	PSA 22:3	Dios chia', žḻiža' Le' tža tža, san bi žechebo' chia'. Žḻiža' Le' žel, na' bi žezí' ḻaža'a,
14226	PSA 22:6	Bḻížgake' Le', na' gókḻeno' ḻégake'. Bx̱en ḻáže'gake' Le', na' bi bedoé'egekle',
14227	PSA 22:7	san neda' naka' ka to bel góna'do', na' kege benne'. Ẕža'agak benne' ka' neda' na' žon dítjgekle' neda'.
14228	PSA 22:8	Yógo'te benne' ka', kate' ẕḻé'egekle' neda', ẕká'ngake' neda' ka'ze. Žsáljwgake' žóa'agake' nich nnégake' chia', na' ẕta yíchjgake', na' ẕnnágake':
14234	PSA 22:14	Gónegekle' wžía yí'gake' neda' ka žon to bež yix̱e', bia ẕdonba', na' ẕbéžeya'aba'.
14237	PSA 22:17	Zej nyechjle benne' wen da' ẕinnj ka' neda'. Zej nyechjle' neda' ka beko' ka'. Wdídjwgake' ni'a na'a.
14238	PSA 22:18	Wak wlaba' yógo'te žit yoa'a, na' benne' ka' ẕḻé'egeklen', ẕwíazegake' neda'.
14239	PSA 22:19	Bdísgake' ẕa' che chégake', na' ḻawle ẕan' wléjgake' da' gak bian'.
14241	PSA 22:21	Beslá be' da' nakkza' ḻo na' benne' wdíe' neda' ya ntoche'. Bennen' žénele' wžía yi'e neda' žone' ka žon to beko'.
14245	PSA 22:25	Bi ẕnnita' Dios benne' yache' ka' cheḻa'ale, na' bi ẕdeze' da' ẕzáka'gake', na' bi ẕkache' ḻawe' ḻawgak benne' ka', san kate' žḻížgake' Ḻe', ženle' chí'igake'.
14247	PSA 22:27	Gawgak benne' gax̱jw ka', na' yéljgekle'. Bíga'gake' ḻaw X̱anžon', na' wká'n ẕéngake' Ḻe'. Gákteze yeḻa' ba nez ẕen chegak benne' ka'.
14248	PSA 22:28	Benne' ka' nníta'gake' dot yežlyó chejsá' ḻáže'gake' X̱anžon', na' yežíngake' ḻawe' Ḻe'. Yógo'te kwe' benách ka' wká'n ẕéngake' Ḻe',