13949	PSA 1:6	Žaz ḻaže' Dios da' žongak benne' chawe' ka', san da' žongak benne' wen da' ẕinnj ka' chen' ḻégake' gan kwia yí'gake'.
13953	PSA 2:4	Gan že' X̱anžon' ya'abá chie' žẕiže'. Žon ditjle' da' žek ḻáže'gake' góngake',
13974	PSA 4:4	Žaḻa' nnézlele ba wžé X̱anžo Dios bennen' žape' Ḻe' ba la'ne. X̱anžo Dios yenle' chia' kate' wḻiža' Ḻe'.
13996	PSA 6:4	Že' zede yichj ḻáẕda'wa', na' Le', X̱ana' Dios, ¿batx̱ gákḻeno' neda'?
13999	PSA 6:7	Ba žedó ḻaža'a dan' ẕbeže ḻaža'a. Yógo'te yel ẕbise gan dia' ḻen nis ẕbeža'. Žesbisan' ḻen nis ẕbeža'.
14003	PSA 6:11	Žedoé'egekle, na' zej že' zedḻe'e yógo'te benne' ka' bi ẕḻé'egekle' neda' chawe'. De chgi' kwásgake' gan zoa', na' yedoé'egekle'.
14014	PSA 7:11	Dios na'kze žape chi'e neda'. Žeslé' benne' ka' zej nake' ḻi ḻaže'.
14024	PSA 8:3	Žoḻgak x̱kwide' ka', na' bi'do' že'n ka', ka naken. Yo'o chawo'o gan bi gak ḻa'gak benne' ka' bi ẕḻé'egekle' Le' chawe'. Ẕzoa žio' benne' ka' bi ẕḻé'egekle' Le' chawe', na' benne' ka' ẕzóagake' Le' cheḻa'ale.
14036	PSA 9:5	dan' ẕzoa chawo'o da' chawe' da' žona'. Ži'o latje blo chio', na' cháwe'do' ẕchi'a ḻažo'o.
14057	PSA 10:5	Žónteze' da' ẕinnj, na' ẕnne' bi wchi'a ḻaže' Dios ḻe' ni'a che da' žone'. Ẕzoe' cheḻa'ale benne' ka' ẕží'igake' chie' ḻe'.
14071	PSA 11:1	Žx̱en ḻaža'a X̱ana' Dios. ¿Biẕ chen' že'gak benách ka' neda': “Bẕonnj, wyéj ḻaw ya'a ka to byinne”?
14107	PSA 16:3	Žaz ḻáže'za' benne' ka' zej nake' che Dios ḻo yežlyó nga, na' ḻezka' benne' ka' zej nake' ḻi ḻaže'.
14112	PSA 16:8	Žx̱en ḻaža'a X̱anžo Dios yezi'e neda'. Dan' zoe' kwita', bi be gak wcheben neda'.
14119	PSA 17:4	Žona' ka nak da' ẕnna x̱tižo'o, na' bi žona' kan žongak benne' wen da' ẕinnj ka'.
14121	PSA 17:6	Žḻiža' Le', Dios, dan' ženlo' chi'a. Bze nag chi'a, na' benle da' ẕnnia'.
14126	PSA 17:11	Gáte'teze gan ẕda' ẕwíagake' neda'. Žénegekle' wžía yí'gake' neda'.
14133	PSA 18:3	Le', X̱ana' Dios, nako' ka to yej gan zoa' choch, na' nako' ka to yo'o ẕen gan yo'o chawa'a. Nako' Benne' weslá chia', na' Dios chia'. Le' ẕzoa chocho' neda', na' wx̱én ḻaža'a Le'. Žape chi'o neda', na' žesló' neda', na' ẕkache' chawo'o neda'.
14153	PSA 18:23	Žona' ka nak da' bchi'le' žo'o, na' bi bsana' diža' ka' da' bdix̱jwe'.
14156	PSA 18:26	Žeyache' ḻáže'lo' no benne' žeyache' ḻáže'le' lježe', na' nako' ḻi ḻaže' ḻen bennen' nake' ḻi ḻaže'.
14161	PSA 18:31	Da' ka' žon Dios zej naken ḻi ḻaže', na' x̱tiže'e naken dot da' li. Žape chi'e yógo'te benne' ka' žx̱en ḻáže'gake' Ḻe'.
14164	PSA 18:34	Žone' ni'a ka zej nak ni'a bžina' yix̱e' na' ẕzoa choche' neda' ḻaw Ya'a Sión chie'.
14165	PSA 18:35	Žsedle' neda' nich gak cha'a ḻo wdiḻe, na' nich gak wlewa' da' žsi yag ntóche'do' ka', dan' naken ya bronse.
14179	PSA 18:49	Žeslé' neda' ḻo na'gak benne' ka' ẕžá'agake' neda'. Žone' ga ẕnna bi'a benne' ka' bží'igake' chia' neda'. Beslé' neda' ḻo na'gak benne' yichj ža'a ka'.
14181	PSA 18:51	Žono' ga žon to benne' da' ẕen ka', bennen' ẕnna bi'e ḻo wlazo' Le', na' žeyache' ḻáže'lo' bennen' wžío' Le', bennen' nake' Dabí, na' ẕa'sóe' ka', to chi'ize.
14187	PSA 19:6	Zildo' ẕḻan' ka to benne' byo ẕchag ne'e. Žebelen ka to benne' ẕzá'ḻi'e.
14193	PSA 19:12	Žsedlen neda', wen žin chio', dan' žona' kan ẕnnan, na' da' ẕenḻe'e žezi'a.
14196	PSA 19:15	Žénela' gak da' ẕchaḻja', na' da' zḻab ḻaža'a da' žaz ḻažo'o Le'. X̱ana' Dios, Le' žon chochkzo' neda', na' beya'wo' neda'.
14223	PSA 22:3	Dios chia', žḻiža' Le' tža tža, san bi žechebo' chia'. Žḻiža' Le' žel, na' bi žezí' ḻaža'a,
14228	PSA 22:8	Yógo'te benne' ka', kate' ẕḻé'egekle' neda', ẕká'ngake' neda' ka'ze. Žsáljwgake' žóa'agake' nich nnégake' chia', na' ẕta yíchjgake', na' ẕnnágake':
14255	PSA 23:3	Žon choche' yichj ḻáẕda'wa'. Žon chawe'e neda' nich gak da' bchebe ḻaže'e.
14270	PSA 25:2	Žx̱en ḻaža'a Le', Dios chia'. Bi go'o latje yedoe'ela'. Bi go'o latje benne' ka' bi ẕḻé'egekle' neda' chawe' wžía yí'gake' neda'.
14328	PSA 29:3	Chi'i X̱anžon' ženlen ḻaw nisdo'. Ženle chi'i Dios ya'abá ka wzió' da' ẕnnen. Ẕda chi'e ḻaw nisdo'.
14329	PSA 29:4	Ženle chi'i X̱anžon' da' naken waḻe. Ženle chi'i X̱anžon' da' napen yeḻa' wak.
14330	PSA 29:5	Chi'i X̱anžon' žichjwn yag sedro ka'. Žichjwn yag sedro ka' da' zej žen' ḻaw Ya'a Líbano.
14331	PSA 29:6	Žx̱ite' Ya'a Líbano ka žx̱íte'gak beždo' ka', na' žx̱ite' Ya'a Hermón ka to beždo'.
14333	PSA 29:8	Chi'i X̱anžon' žx̱izen latje dach. Žx̱izen latje dach che yežlyó Kades.
14336	PSA 29:11	X̱anžo Dios ẕzoa choche' benne' chie' ka'. Žon chawe'e ḻégake' ḻo yeḻa' ẕga'n chawe' chie'.
14351	PSA 31:2	Žx̱en ḻaža'a Le', X̱ana' Dios. Bi gono' ga yedoe'ela'. Ni'a che da' chawe' da' nako' Le', beslá neda'.
14363	PSA 31:14	Ženla' da' ẕnnegak benne' zante chia', na' gáte'teze zoa da' ẕcheben neda' dan' žóngake' toze diža' bi da' góngake' chia', na' žak ḻáže'gake' gótgake' neda',
14405	PSA 33:20	Žx̱en ḻáže'žo X̱anžo Dios. Ḻe' žákḻene' žo'o, na' žape chi'e žo'o.
14440	PSA 35:10	Yógo'te žit yoa'a nnágaken: “X̱anto' Dios, ¿noẕkze benne' nake' ẕen ka nako' Le'? Žesló' benne' yache' ḻo na' benne' nakže' waḻe ka ḻe', na' benne' žiážjele' ḻo na' benne' ẕbane' da' do' da' den chie'.”
14448	PSA 35:18	Yapa' Le' “Žóx̱keno'” gan zej ndobe benne' chio' ka'. Wká'n ẕénteza' Le' ladjw benne' zan ka'.
14461	PSA 36:3	Che ḻen ẕḻoe'el kwine' ka to benne' ẕente. Žekle' bi ẕḻe'el Dios da' ẕinnj da' žone', na' bi ẕže'e ḻe'.
14517	PSA 38:6	Žia we' dot da' naka', na' ẕlaḻe'en, na' nóžwgak we' chia' ka'. Žaken chia' ki dan' bena' da' ẕinnj.
14522	PSA 38:11	Žat ḻáẕda'wa', na' ba bedó ḻaža'a, na' biž ẕḻe'ela' chawe'.
14523	PSA 38:12	Žebíga'gak lježa' ka' zíto'le ni'a che yižwé' chia', na' benne' ẕjo'o ḻi'a chia' ka' ba bkwásgake'.
14546	PSA 39:12	Žsako'o no benne' doḻa' nich wzejni'ilo'-ne', na' ka žon beldon' ẕteba' laže', Le' ẕchinnjo' da' nží'ižele bennen'. Da' likze bi be zej nak ža chegak benách ka'.
14557	PSA 40:9	Žaz ḻaža'a gona' da' žak ḻažo'o Le', Dios chia', na' da' wnnakzo' Le' yo'on ḻo yichj ḻáẕda'wa'.”
14573	PSA 41:7	Žedjwíagake' neda', san kege nich gak chia' da' chawe'. Ẕbéjgake' neda' diža' nich gak nnégake' chia', na' kate' žežójgake', na' ẕzégake' dižan'.
14585	PSA 42:5	Žezá' ḻaža'a da' ki, na' ẕbeže ḻaža'a. Žezá' ḻaža'a kan wyá'aḻena' benne' zan ka', na' wneẕwa' ḻáwgake' ḻo liž Dios, Beḻžo ḻo yeḻa' žebele, na' bka'n ẕenžo Dios ḻo lni.
14591	PSA 42:11	Žlagak žit yoa'a dan' benne' ka' bi ẕḻé'egekle' neda' chawe' žon dítjgekle' neda'. Tža tža ẕnnábgekle' neda', na' ẕnnagake': “¿Ganẕkze Dios chio'?”
14635	PSA 45:11	Bze nag, nó'ledo', na' bwia nga, na' benle da' nnia'. Žaḻa' gaḻ ḻažo'o lažo', na' liž x̱o',
14652	PSA 46:10	Ẕzoa žie' wdiḻe ka' žákgaken do ẕente yežlyó. Žichje' da' ka' ẕsegak yag ntóche'do' ka', na' ẕzoẕjwe' yag ntoche' ka' che wdiḻe, na' ẕzeye' karro ka' che wdiḻe.
14657	PSA 47:3	Žaḻa' žébežo X̱anžon', Bennen' nape' dot yeḻa' wak. Nake' Benne' Wnná Bia' Ẕen, na' ẕnna bi'e dot yežlyó.
14663	PSA 47:9	Že' Dios gan ẕnna bi'e, ḻo latje la'y na'. Ẕnna bi'e yógo'te yež ka'.
14700	PSA 49:21	Žápegak benne' ka' ḻe' ba la'ne san bi žákbe'ele' nake' ka bia yix̱e' ka', bia ka' žátgakba'.
14713	PSA 50:13	¿Žon byenen gawa' x̱péḻa'gak bež ka', cha' ye'ja' žen chegak chibo byo ka'?”
14716	PSA 50:16	Dios ži'e no benne' wen da' ẕinnj: “¿Žeklo' ẕchaḻjo' le' kan nak da' wnnakza' neda', na' ẕnnio' che x̱tiža'a dan' bénḻena' benách chia' ka'?
14719	PSA 50:19	Žónteze žono' da' ẕia, na' ẕcháḻjtezo' da' wen ḻaže'.
14728	PSA 51:5	Žeyónbi'a bži'a chio' Le' ḻen dan' bena'. Doḻa' ka' bena' žesbága'gaken neda' ẕia.
14731	PSA 51:8	Žak ḻažo'o Le' soa da' likze ḻo yichj ḻáẕda'wa', na' ḻo yichj ḻáẕda'wa' bzo' yeḻa' žejní'il.
14754	PSA 52:10	San neda' naka' ka to yag olibo dan' žen' ḻi'a liž Dios. Žx̱en ḻáže'teza' yeḻa' žeyache' ḻaže' che Dios.
14760	PSA 53:5	Ẕnna Dios: “¿Bi žejní'igekle benne' wen da' ẕinnj ka'? Že'j žáwgake' da' ẕbángake' chegak benách chia' ka', na' bi žénegekle' gónbia'gake' neda'.”
14774	PSA 55:3	Bebán ḻaže', na' bechebe chia'. Žḻiža' Le' ḻo da' ẕnnia', na' že' zedla'.
14775	PSA 55:4	Benne' bi ẕḻe'ele' neda' chawe' ẕnnie' chia', na' bennen' bi nake' chawe' žon ditjle' neda'. Žesbága'gake' neda' ẕia, na' ḻo yeḻa' ẕža'a chégake' ẕbia ḻáže'gake' neda'.
14776	PSA 55:5	Že' zedle ḻáẕda'wa' ḻo beḻa' žen chia', na' ẕchebe yeḻa' got neda'.
14782	PSA 55:11	Dot ža, na' yele žéchjgekle' yež. Žóngake' da' ẕinnj, na' da' bi nak chawe' ḻo yež nga.
14783	PSA 55:12	Nža' yež nga da' bi nak chawe' da' žóngake'. Žóntezgake' da' wen ḻaže', na' da' ẕinnj ḻo nez chen.
14789	PSA 55:18	Zildo', na' wawbíž, na' kate' žen wbíž ẕcháḻjḻena' Dios. Žḻiža' Ḻe', na' Ḻe' ženle' chia'.
14793	PSA 55:22	Da' ẕcháḻjgake' naken diža' cháwe'do', san yo'o yichj ḻáẕdo'gake' yeḻa' ẕža'a. Žóngake' x̱tanḻe'e diža' da' ẕcháḻjgake', san naken ka to ya ntoche'.
14800	PSA 56:5	Žx̱en ḻaža'a Ḻe', na' ẕka'n ẕena' x̱tiže'e. Žx̱en ḻaža'a Ḻe', na' biž ẕžeba'. ¿Biẕkze gak gongak benne' ka' chia' neda'?
14802	PSA 56:7	Ẕdóbgake', na' ẕkache' kwíngake'. Ẕwíagake' binlo da' žona'. Žénegekle' gótgake' neda'.
14806	PSA 56:11	Žx̱en ḻaža'a Dios, na' ẕka'n ẕena' x̱tiže'e. Žx̱en ḻaža'a X̱anžon', na' ẕka'n ẕena' x̱tiže'e.
14807	PSA 56:12	Žx̱en ḻaža'a Dios, na' biž ẕžeba'. ¿Biẕkze gak gongak benne' ka' chia' neda'?
14814	PSA 57:5	Že' zedla' ka to benne' ži'e ladjw bež yix̱e' ka'. Zoa' ladjw benne' ka' zej nake' ka bež yix̱e' ka', bia ka' žáwgakba' benách ka'. Da' ẕnnégake' chia' naken ka yag ntóche'do' ka', na' x̱tíža'gake' zej naken ka ya ntoche' ka'.
14824	PSA 58:3	O'o, san žezá' ḻáže'le da' ẕinnj da' gonle. Žonle ga že' zédḻe'egekle benne' ka' ḻo yežlyó chia'.
14837	PSA 59:4	Žénegekle' gótgake' neda'. Zej ndobe benne' waḻe ka' nich tíḻ-ḻengake' neda', kege dan' nbaga'a ẕia, na' kege ni'a che da' ẕinnj da' bena' neda', X̱ana' Dios.
14851	PSA 59:18	Le' žon chocho' neda', na' goḻkza' chio', Dios. Žape chi'o neda', na' žeyache' ḻáže'lo' neda'.
14878	PSA 62:4	¿To chi'ize wkwezle da' gonle chia' neda', yógo'tele žon byenle wžía yi'le neda'? Žonle ka žon to benne' ẕchinnje' to ze'e da' zoa bix̱en, o to ḻe'je da' nožon'.
14879	PSA 62:5	Žonle toze diža' kan yebejle neda' ḻo yeḻa' ẕen chia'. Nží'ilele da' wen ḻaže'. Ḻen žoá'ale ẕchaḻjle cháwe'do' san yo'o yichj ḻáẕdo'le da' ẕinnj da' gonle.
14889	PSA 63:2	Dios, nako' Dios chia'. Ẕbiḻe be' da' nakkza' da' nak chio'. Beḻa' žen chia' ẕdan ḻaže' dan' naken chio'. Žak chia' ka zoakza' to yežlyó biž gan bi be nis den. Žak ḻaža'a yida' ḻawo' Le' nich ḻe'ela' yeḻa' wak chio', na' yeḻa' ẕen chio', káteze bḻe'ela' da' nak chio' ḻo latje la'y chio'.
14894	PSA 63:7	Žezá' ḻaža'a chio' Le' kate' dia' gan ẕtasa', na' ẕlab ḻaža'a ka nak chio' kate' bi na' tasa'.
14901	PSA 64:2	X̱ana' Dios, bze nag chi'a. Že' zedla' žḻiža' Le'. Wdape chi'i yeḻa' nban chia' dan' ẕžeba' da' gongak benne' ka' ẕdíḻ-ḻengake' neda'.
14905	PSA 64:6	Žon byéngake' góngake' da' ẕinnj da' žénegekle', na' ẕbékgake' do yeḻj ka' nich séngake' benne' ka'. Ẕnnágake': “¿Noẕ benne' ḻe'ele' da' žonžo?”
14906	PSA 64:7	Žíljgake' da' ẕinnj da' góngake', na' ẕwíagaken' binlo. Da' yo'o yichj ḻáẕdo'gake' naken da' kegle kan zej nak ḻáẕdo'gakkze'.
14920	PSA 65:10	Ẕwio' yežlyó, na' žseḻo'o nis yejw. Žono' ga žonnḻe'en linne chen. Bnnito'o yegw ka' ḻo yežlyó da' zej nža'ḻe'en nis. Ẕkwezo' ẕoa' za da' gawgak benne' ka', kan wnnakzo' gono'.
14921	PSA 65:11	Žseḻo'o nis yejw gan de na, na' žeyonon' yo ya'a. Žesbison' ḻen nis yejw na', na' žono' ga ẕgól-ḻe'egak da' zej nazen ga na'.
14922	PSA 65:12	Žono' ga gak chegak benne' ka' yeḻa' ba nez to yiz to yiz ni'a che da' ẕneẕjo', na' bejw gasj chio' ka' žónngaken yejw da' žonen ga ẕgolgak da' zej nazen.
14923	PSA 65:13	Žon yejw chio' ga žak ya'a gan ẕdagak bia yíx̱e' ka' na' žebégekle benne' ka' ẕḻé'egekle' žeyák ya'ado' ka' ya'a.
14927	PSA 66:3	Le ye' Dios: “¡Žebáneḻe'elto' che da' beno' ḻe'!” Ni'a che yeḻa' ẕen che yeḻa' wak chio' benne' ka' bi ẕḻé'egekle' Le' chawe' žóngake' ka ẕnna x̱tižo'o.
14930	PSA 66:6	Bene' ga beyák nisdo' yo biž, na' wdegak benne' chie' ka' ḻen ní'agakze' gan wzóa to yegw zil. Žoa'a nisdon' bebéḻe'egekle' ḻaw Dios.
14958	PSA 68:6	Žape chi'e bi' wzébedo' ka', na' ẕwíakze' no'le wzebe ka'. Zoakze Dios ḻo latje la'y chie'.
14959	PSA 68:7	Dios ẕnnite'e lježe benne' ka' bi zoa no ljéžgake'. Žebeje' benne' ka' zej yoe'e ḻo na'gak benne' zi'to' ka', nich sóagake' ḻo yeḻa' ba nez, san benne' ka' ẕží'igake' che Dios chejnníta'gake' to ḻo yežlyó biž.
14992	PSA 69:4	Žejx̱áke'la' dan' scha wnnéḻi'a, na' da' lba'a. Žatgak yej ḻawa' x̱ak ẕbeza' nich gakḻen Dios neda'.
14993	PSA 69:5	Zej nyanže benne' ka' bi ẕḻé'egekle' neda' chawe' ka zej nyan yicha' yichja', na' bi be ẕia nbaga'a. Benne' ka' ẕžá'agake' neda' zej nákḻi'e waḻe. Benne' ka' žóngake' neda' ẕia, na' bi zoa biẕ chen'. Žon byéngake' yeyiẕjwa' da' bi wlana'.
14998	PSA 69:10	Žeye ẕla ḻáẕda'wa' dan' žé'ḻi'a wnné yoe che ližo'. Da' ẕnnégak benne' ka' chio' Le', Dios, naken ka ẕnnégaken' chia' neda'.