| 13944 | PSA 1:1 | Ba nez ẕen naken che bennen' bi ẕzi'e da' ẕzejní'igekle benne' wen da' ẕinnj ka' ḻe', na' bi nake' toze ḻen benne' doḻa' ka', na' bi žónḻene' tẕen benne' ka' ẕzóagake' Dios cheḻa'ale, |
| 13959 | PSA 2:10 | Na'a, ḻe'e, Benne' wnná bia' ka', le yenle da' ni da' ẕzejni'ila' ḻe'e. Le wsedle da' ni da' ẕzenla' ḻe'e, ḻe'e na' ẕnna bia'le ḻo yežlyó. |
| 13961 | PSA 2:12 | Le gape ba la'ne Ẕi'ne' nich bi že'e, na' bi kwia yi'le ḻo nez chele, dan' ḻa' žá'atie' Ḻe'. Ba nez ẕen naken chegak yógo'te benne' ka' žx̱en ḻáže'gake' Ḻe'. |
| 13966 | PSA 3:5 | Wžéžyi'a, na' bḻiža' X̱ana' Dios, na' Ḻe' bechebe' chia' gan zoe' ḻaw ya'a la'y chie'. |
| 13967 | PSA 3:6 | Gota'a, na' wtasa', na' bebana' dan' ben choch X̱ana' Dios neda'. |
| 13970 | PSA 3:9 | Yeḻa' weslá za' ḻo no'o, X̱ana' Dios. Ben chawe' benne' chio' ka'. |
| 13979 | PSA 4:9 | Ḻo yeḻa' ẕga'n chawe' gata'a, na' tasa', dan' ẕnno' Le', X̱ana' Dios, naka' chawe' ḻawo' Le'. |
| 13986 | PSA 5:7 | Ẕchinnjo' ližgak benne' ka' žon ḻáže'gake'. Ẕzo' cheḻa'ale benne' wetw benách ka', na' no benne' žon ḻaže'e, |
| 14003 | PSA 6:11 | Žedoé'egekle, na' zej že' zedḻe'e yógo'te benne' ka' bi ẕḻé'egekle' neda' chawe'. De chgi' kwásgake' gan zoa', na' yedoé'egekle'. |
| 14048 | PSA 9:17 | X̱anžo Dios bḻoe'ele' kan ẕchi'a ḻaže'e, dan' wbága'gak ẕia benne' ka' bi zej nake' chawe' ni'a che da' béngakkze'. |
| 14056 | PSA 10:4 | Ḻo yeḻa' ẕka'n ẕen kwin benne' bi nake' chawe' bi žape' Dios ba la'ne, na' ẕnne' bi zoa Dios. |
| 14059 | PSA 10:7 | Ẕnnáteze' da' kegle, na' da' wen ḻaže', na' ẕkache'lanteze'. Diža' ka'ze, na' diža' yaḻze ẕžójgaken žoe'e. |
| 14069 | PSA 10:17 | Benno' chegak benne' gax̱jw ḻaže' ka' da' wnnábgekle' Le', X̱ana' Dios. Le' ẕkwezo' yichj ḻáẕdo'gak bénne'do' ka' nich wzé nággake' x̱tižo'o, |
| 14076 | PSA 11:6 | Wdíe' benne' ka' bi zej nake' chawe' ḻo da' ka' wžía yí'gaken ḻégake', da' ka' zej naken yi', na' sufr da' žeyen ka yeže, na' to be' da' ḻaḻe'e, da' ka' seḻe'e ḻawgak benne' ka'. |
| 14079 | PSA 12:2 | X̱ana' Dios, beslá benne' chio' ka' dan' biž zoa no benne' žape' Le' ba la'ne, na' bi zoa no benne' ḻi ḻaže' ládjwgak benne' ka'. |
| 14094 | PSA 14:2 | X̱anžo Dios, Bennen' zoe' ya'abá, ẕwie' benne' ka' nich ḻe'ele' cha' zoa no benne' žejni'ile', bennen' žape' Dios ba la'ne. |
| 14099 | PSA 14:7 | Ḻa'kze Bennen' yeslé' benne' Israel ka'. Kate' gon X̱anžon' ga yežingak benne' chie' ka', benne' ka' zej ndo'e zíto'le, na' yebégekle ẕa'só Jakob, na' yebéḻe'egekle benne' Israel ka'. |
| 14110 | PSA 16:6 | Da' žonno' chia' naken da' ba nez ẕen da' ẕzi'a, na' x̱tanḻe'e nak latje gan bzo' neda'. |
| 14119 | PSA 17:4 | Žona' ka nak da' ẕnna x̱tižo'o, na' bi žona' kan žongak benne' wen da' ẕinnj ka'. |
| 14121 | PSA 17:6 | Žḻiža' Le', Dios, dan' ženlo' chi'a. Bze nag chi'a, na' benle da' ẕnnia'. |
| 14139 | PSA 18:9 | Bžoj žen che yi' ḻo ẕine'e, na' bžoj yi' ḻo žoe'e da' bzeyen da' zej že' ḻawe', na' yi' na' bẕenen bzio' yi' ka'. |
| 14140 | PSA 18:10 | Bsaljwe' ya'abá, na' betje', na' wzóa da' choḻ ẕan ni'e. |
| 14149 | PSA 18:19 | Bdíḻ-ḻengake' neda' katen' wzóa' ḻo da' zedḻe'e, san X̱ana' Dios gókḻene' neda'. |
| 14150 | PSA 18:20 | Bebeje' neda' gan wyoá'a, na' bzoe' neda' to latje ẕen. Beslé' neda' dan' wyáz ḻaže'e neda'. |
| 14153 | PSA 18:23 | Žona' ka nak da' bchi'le' žo'o, na' bi bsana' diža' ka' da' bdix̱jwe'. |
| 14160 | PSA 18:30 | Yeḻa' wak chio' wžía yin' benne' zanḻe'e, benne' ka' žjake' ḻo wdiḻe. Cha' Le', Dios, sóaḻeno' neda', wak wchinnja' ze'e ka' žape chí'igaken yež ka'. |
| 14174 | PSA 18:44 | Besló' neda' ḻo na'gak benne' ka' ẕží'igake' chia', na' beno' neda' benne' blo ḻo yež ka', na' ḻáwe'lgak benne' zi'to' ka'. Benne' ka' bi nónbi'a, žóngake' žin chia'. |
| 14185 | PSA 19:4 | Bi ẕkóngeklen žin x̱tíža'gak benne' ka', na' bi zoa no benne' ženle' chí'igaken, |
| 14190 | PSA 19:9 | Da' likze nak da' wnná X̱anžon', na' žebéḻe'egekle benne' ka' žóngake' kan ẕnnan. Ḻi ḻaže' nak da' ẕzejní'il X̱anžon' žo'o, dan' ẕzoan žo'o ḻo yeḻa' baní'. |
| 14191 | PSA 19:10 | Nak chawe' ẕžébežo X̱anžon', dan' gonen ga soažo nbanžo to chi'ize. Da' likze nak kan ẕchi'a ḻaže' X̱anžon' žo'o, na' naken chawe'. |
| 14201 | PSA 20:5 | Ẕnnabla' Ḻe' gonne' chio' yógo'te da' ẕdan ḻažo'o, na' gone' yógo'te da' žak ḻažo'o. |
| 14205 | PSA 20:9 | Benne' ka' gotgak ni'a ná'gake', na' bejchégwgake', san žo'o, beyasžo, na' zežo. |
| 14212 | PSA 21:6 | Ẕenḻe'e nak yeḻa' ẕen chie' dan' besló' ḻe'. Benno' chie' yeḻa' ba la'ne, na' yeḻa' ẕen. |
| 14213 | PSA 21:7 | Dan' ben chawo'o ḻe' to chi'ize, žono' ga žebéḻe'ele' ḻawo' Le'. |
| 14223 | PSA 22:3 | Dios chia', žḻiža' Le' tža tža, san bi žechebo' chia'. Žḻiža' Le' žel, na' bi žezí' ḻaža'a, |
| 14231 | PSA 22:11 | Wyoá'a ḻo no'o kate' bi na' galja'. Kate' ne yoa'a ḻe'e x̱na'a, báchekze nako' Dios chia'. |
| 14235 | PSA 22:15 | Bedó ḻaža'a, na' gok ḻáẕda'wa' ka nis da' nlaljen, na' yógo'te žit yoa'a bsángaken ljéžgaken ka'. Ḻáẕda'wa' goken ka china' bez, da' beyonan ḻi'a ka nis. |
| 14236 | PSA 22:16 | Beyák yeḻa' waḻe chia' ka to že'n yo dan' nla'an, na' loža'a wdán' chichjla'. Bletjo' neda' ḻo bix̱te yo che yeḻa' got. |
| 14238 | PSA 22:18 | Wak wlaba' yógo'te žit yoa'a, na' benne' ka' ẕḻé'egeklen', ẕwíazegake' neda'. |
| 14244 | PSA 22:24 | Ḻe'e, benne' ka' ẕžébele X̱anžon': ¡Le wká'n ẕene' Ḻe'! ¡Le wká'n ẕene', ḻe'e, ẕa'só Jakob! ¡Le žebe Ḻe', ḻe'e, ẕa'só Israel ka'! |
| 14245 | PSA 22:25 | Bi ẕnnita' Dios benne' yache' ka' cheḻa'ale, na' bi ẕdeze' da' ẕzáka'gake', na' bi ẕkache' ḻawe' ḻawgak benne' ka', san kate' žḻížgake' Ḻe', ženle' chí'igake'. |
| 14265 | PSA 24:7 | Le wsaljw gan žo'ogak benne' ka' yodo'. Le wsaljw gan žo'ogak benne' ka' gan naken la'y, na' cho'o Benne' Wnná Bia' Ẕente. |
| 14267 | PSA 24:9 | Le wsaljw gan žo'ogak benne' ka' yodo'. Le wsaljw gan žo'ogak benne' ka' gan naken la'y, na' cho'o Benne' Wnná Bia' Ẕente. |
| 14278 | PSA 25:10 | Ḻo yeḻa' žeyache' ḻaže', na' ḻo da' li, ẕche' X̱anžon' benne' ka' žóngake' kan ẕnna x̱tiže'e dan' bénḻene' žo'o, na' ka nak da' žsedle' Ḻe'. |
| 14296 | PSA 26:6 | Ẕḻe'elo' bi be ẕia nbaga'a, na' wak biga'a ḻo bkog la'y chio', X̱ana' Dios, |
| 14306 | PSA 27:4 | To da' ẕnnabla' X̱anžo Dios. Toze da' ẕdan ḻaža'a, dan' naken soa' liž X̱anžon' yógo'te ža soa' nbana', nich wláb ḻaža'a ka nak yeḻa' ẕen che X̱anžon', na' wcháḻjḻena' Ḻe' ḻo yodo' la'y chie'. |
| 14310 | PSA 27:8 | Ḻo yichj ḻáẕda'wa' benla' chi'o, na' wnnó': “Da ga zoa' ni.” Yida' gan zo' Le', X̱ana' Dios. |
| 14316 | PSA 27:14 | Le kwez ža yeḻá' X̱anžon'. Le gon choch ḻáže'le, na' Ḻe' wzé choche' ḻe'e. O', le kwez ža yeḻá' X̱anžon'. |
| 14326 | PSA 29:1 | Le wká'n ẕen X̱anžon', ḻe'e, zoale ya'abá. Le wká'n ẕen yeḻa' ẕen chie', na' yeḻa' wak chie'. |
| 14342 | PSA 30:6 | To chí'ido'ze ẕže'e, san to chi'ize zoa yeḻa' ži'i ḻaže' chie'. Kwéžežo to yelze, san zildo' yebéḻe'elžo. |
| 14352 | PSA 31:3 | Bze nag chi'a, na' gokḻen neda'. Bze choch neda', na' wdape chi'i neda' nich yelá'. |
| 14360 | PSA 31:11 | Dan' ẕde yeḻa' nban chia' ḻo da' ẕzáka'ḻi'a, ẕdia' yiz chia' ka' ẕbeže ḻaža'a, na' žedó ḻaža'a dan' nbaga'a ẕia, na' ẕlagak žit yoa'a. |
| 14369 | PSA 31:20 | Ẕente nak yeḻa' ži'i ḻaže' chio' dan' napo' nich bi da' gono' chegak benne' ka' žápegake' Le' ba la'ne, dan' žonno' chegak benne' ka' žx̱en ḻáže'gake' Le' ḻawgak yógo'te benne' ka'. |
| 14374 | PSA 31:25 | Le gon choch ḻáže'le, ḻe'e žx̱en ḻáže'le X̱anžo Dios, na' Ḻe' wzé choche' ḻe'e. |
| 14375 | PSA 32:1 | Ba nez ẕen naken che bennen' Dios ba benít ḻawe' x̱toḻe'e, na' ba beké'e da' ẕinnj da' wbage'e. |
| 14377 | PSA 32:3 | Kate' bi na' yex̱óalapa' doḻa' da' wbaga'a, bedó ḻaža'a dan' wžeža' dot ža. |
| 14380 | PSA 32:6 | Che ḻen yógo'te benne' chio' ka' žaḻa' wḻížgake' Le' kate' ne zo' yenlo' chégake', na' kate' žin da' wžía yin' benách ka', dan' gaken ka to yegw nis ẕen da' bgóleḻe'en, bi be gonen chegak benne' chio' ka'. |
| 14385 | PSA 32:11 | Ḻe'e, benne' chawe' ka', le yebele na' le soa ḻo yeḻa' ba nez, dan' gokḻen X̱anžon' ḻe'e. Ḻo yeḻa' žebele le goḻ, dan' nakle ḻi ḻaže' ḻawe' Ḻe'. |
| 14386 | PSA 33:1 | ¡Le yebele ḻe'e, benne' chawe' ka', ḻaw X̱anžo Dios! Yeḻa' ẕka'n ẕen Dios chegak benne' chawe' ka' nakḻe'en x̱tan ḻawe' Ḻe'. |
| 14391 | PSA 33:6 | X̱anžo Dios bene' ya'abá ḻen x̱tiže'e, na' yógo'te belj ka' da' zej nla' ẕan ya'abá bene' ḻen be' da' ẕžojen žoe'e. |
| 14405 | PSA 33:20 | Žx̱en ḻáže'žo X̱anžo Dios. Ḻe' žákḻene' žo'o, na' žape chi'e žo'o. |
| 14417 | PSA 34:10 | Le žebe X̱anžo Dios, ḻe'e, nakle benne' chie' ka', dan' bi be žiážjegekle benne' ka' ẕžébegake' Ḻe'. |
| 14434 | PSA 35:4 | Ben ga yedoé'egekle, na' chíx̱gekle benne' ka' žénegekle' gótgake' neda'. Ben ga wẕonnjgak, na' yedoé'egekle benne' ka' žénegekle' góngake' neda' ẕia. |
| 14443 | PSA 35:13 | san neda', kate' bi wnníta'gake' chawe', gok nyache' ḻaža'a, na' bena' wbás, na' bsaka' kwina'. Dot ḻaža'a bḻiža' Le', Dios, nich yeyono' ḻégake'. |
| 14456 | PSA 35:26 | Ben ga yedoé'egekle, na' chíx̱gekle yógo'te benne' ka' žebégekle' kate' bi žak chia'. Ben ga yedoé'egekle, na' ga'ngak ka'ze benne' ka' ẕdíḻ-ḻengake' neda'. |
| 14479 | PSA 37:8 | Bzoa cheḻa'ale yeḻa' yichj ža'a, na' bi žo'o. Bi gak ḻažo'o yebi'o che bennen' bi nake' chawe', |
| 14498 | PSA 37:27 | Biž gono' da' bi nak chawe', san ben da' chawe', na' so' nbankzo' to chi'ize, |
| 14505 | PSA 37:34 | Bx̱en ḻaže' X̱anžon', na' ben ka ẕnna x̱tiže'e, na' Ḻe' wchiskze' le' nich gata' chio' yežlyó nga. Kate' kwia yi'gak benne' doḻa' ka', na' ḻe'elon'. |
| 14517 | PSA 38:6 | Žia we' dot da' naka', na' ẕlaḻe'en, na' nóžwgak we' chia' ka'. Žaken chia' ki dan' bena' da' ẕinnj. |
| 14519 | PSA 38:8 | dan' dot da' naka' ẕláḻe'en, na' bi zoa chawe' beḻa' žen chia'. |
| 14520 | PSA 38:9 | Nat ni'a na'a, na' žekla' zej nžoẕjen žit yoa'a. Ẕbeže ḻaža'a dan' že' zedle yichj ḻáẕda'wa'. |
| 14522 | PSA 38:11 | Žat ḻáẕda'wa', na' ba bedó ḻaža'a, na' biž ẕḻe'ela' chawe'. |
| 14524 | PSA 38:13 | Benne' ka' žénegekle' gótgake' neda' ẕzáḻa'gake' do yeḻj nich senen neda', na' benne' ka' žénegekle' góngake' neda' ẕia ẕnnégake' chia', na' ẕnnágake' kwia yi'a, na' zóatezegake' wsáka'gake' neda', |
| 14528 | PSA 38:17 | Bi go'o latje yebégekle' ni'a che da' žaken chia'. Kate' chejchegwa', bi go'o ḻégake' latje wká'n ẕen kwíngake' dan' žak nyache' ḻaža'a, |
| 14541 | PSA 39:7 | “Da' li zej nak benne' ka' ka to ẕóḻdo'ze. Da' likze dáche'ze zej že' benne' ka' wnné yoe ni'a che yeḻa' nban chégake'. Ẕdan ḻáže'gake' yeḻa' wnni'a, na' bi zej nnezle' no benne' gaken chie'. |
| 14542 | PSA 39:8 | Na'a, X̱ana' Dios, ¿biẕkze wx̱én ḻaža'a? Toze Le' žaḻa' wx̱én ḻaža'a. |
| 14548 | PSA 39:14 | Bi be gono' chia' to chi'ize nich gata' latje yezí' ḻaža'a, dan' ḻa' yeza'tia' yežlyó nga, na' biž soa'.” |
| 14563 | PSA 40:15 | Ben ga yedoé'egekle, na' chíx̱gekle benne' ka' žénegekle' gótgake' neda'. Ben ga wẕonnjgak, na' yedoé'egekle benne' ka' žak ḻáže'gake' góngake' neda' ẕia. |
| 14566 | PSA 40:18 | Ḻa'kze wsáka'gake' neda', na' gak nyache' ḻaža'a, bi gaḻ ḻažo'o Le' neda', X̱ana' Dios. Le' žákḻeno' neda', na' žesló' neda'. X̱ana' Dios. Bi želo' gákḻeno' neda'. |
| 14576 | PSA 41:10 | Ḻeska' bennen' bga'n chawe'e ḻen neda', bennen' bx̱en ḻaža'a, na' bdáwḻenkze' neda', benne' ni wnnekze' chia' neda' |
| 14586 | PSA 42:6 | ¿Biẕ chen' žat ni'a no'o, be' da' nakkza'? ¿Biẕ chen' že' zedlo' ḻo yichj ḻáẕda'wa'? Bx̱en ḻaže' Dios dan' wká'n ẕenkza' Ḻe' da' yoble. Nake' Benne' Weslá chia', na' Dios chia'. |
| 14592 | PSA 42:12 | ¿Biẕ chen' žat ni'a no'o, be' da' nakkza'? ¿Biẕ chen' že' zedlo' ḻo yichj ḻáẕda'wa'? Bx̱en ḻaže' Dios dan' wká'n ẕenkza' Le' da' yoble. Nake' Benne' žeslé' neda', na' Dios chia'. |
| 14593 | PSA 43:1 | Bchi'a ḻaže' neda', X̱ana' Dios, na' bḻoe'e ḻaw naka' chawe'. Beslá neda' ḻo na'gak benne' ka' ẕzóagake' Le' cheḻa'ale, na' ḻo na'gak benne' wen ḻaže' ka', benne' wen da' ẕinnj ka'. |
| 14597 | PSA 43:5 | ¿Biẕ chen' žat ni'a no'o, be' da' nakkza'? ¿Biẕ chen' že' zedlo' ḻo yichj ḻáẕda'wa'? Bx̱en ḻaže' Dios dan' wká'n ẕenkza' Le' da' yoble. Nake' Benne' žeslé' neda', na' Dios chia'. |
| 14611 | PSA 44:14 | Beno' ga benne' yež gawze ka' ẕnnégake' cheto'. Benne' zej nyechjle' neto' ẕká'ngake' neto' ka'ze, na' žẕížegake' cheto'. |
| 14628 | PSA 45:4 | Bda' ya ntoche' chio' žoa'a ḻi'o, le', benne' waḻe, ḻo yeḻa' ẕen chio', na' ḻo yeḻa' wnná bia' chio'. |
| 14631 | PSA 45:7 | Gan ži'o, Dios, žen' to chi'ize, na' sóatezen. Chawe' nak ka ẕnna bi'o. |
| 14644 | PSA 46:2 | Dios ẕḻe'ekzle' žo'o, na' žone' žo'o benne' waḻe ka'. Zóateze' gákḻene' žo'o kate' ẕzáka'žo. |
| 14656 | PSA 47:2 | ¡Le kapa' na'le, ḻe'e, yógo'te benne' ka'! ¡Le wká'n ẕen Dios ḻen yeḻa' žebele! |
| 14663 | PSA 47:9 | Že' Dios gan ẕnna bi'e, ḻo latje la'y na'. Ẕnna bi'e yógo'te yež ka'. |
| 14677 | PSA 48:13 | Ḻe'e, benne' ka' che Dios, le chechjle žoa'a yežen'. Le wláb yo'o sibe ka', da' ka' žape chí'igaken yežen'. |
| 14681 | PSA 49:2 | Le yenle da' ni, ḻe'e, benne' yógo'te yež ka'. Le wzé nag, ḻe'e, benne' dot yežlyó nga, |
| 14682 | PSA 49:3 | ḻe'e, benne' blo ka', na' ḻe'e, benne' gax̱jw ka', ḻe'e, benne' wnni'a ka', na' ḻe'e, benne' yache' ka'. |
| 14683 | PSA 49:4 | Wchaḻjkza' da' naken che yeḻa' žejní'il, na' wzejni'ila' ḻe'e da' yo'on yichj ḻáẕda'wa'. |
| 14693 | PSA 49:14 | Yógo'te da' žóngake' naken dáche'ze, na' wká'ngake' da' bx̱en ḻáže'gake'. |
| 14696 | PSA 49:17 | Bi kwe' zedlo' kate' no benne' ẕzí'ḻi'e yeḻa' wnni'a, na' kate' žone' liže' da' záka'ḻe'en. |
| 14697 | PSA 49:18 | Kate' gate' bi be yechi'e, na' bi chejḻen yeḻa' wnni'a chien' ḻe'. |
| 14704 | PSA 50:4 | Wtobe' benne' ka' nníta'gake' ya'abá na'le, na' benne' ka' nníta'gake' yežlyó nga, nich wchi'a ḻaže'e benne' chie' ka'. |
| 14709 | PSA 50:9 | Bi si'a beždo ka' ḻo na'le ḻe'e, na' chibo byo ka', bia chele ka'. |
| 14711 | PSA 50:11 | Yógo'te bia ka' zoa x̱ílgakba' yó'ogakba' ḻo na'a, na' ḻezka' yógo'te bia ka' zej zoaba' nbángakba'. |