23287	MAT 4:9	Naž gožen Ḻe': —Yógo'te da' ki gonna' chio' cha' wzóa ẕibo' x̱ni'a, na' gapo' neda' ba la'ne.
23316	MAT 5:13	Ḻezka' wnná Jesusen': —Ḻe'e nakle ka zede' ḻo yežlyó nga, san cha' wnít zeden' yeḻa' sna'a chen, bi gak yeyonžon sna'a. Biž bi zakan', san ba naken da' cho'nžon, na' benách ka' wléjgaken'.
23421	MAT 8:7	Jesusen' gože' ḻe': —Sa'a neda', yeyona'-be'.
23553	MAT 11:25	Kate' ža na' bchaḻj Jesusen', na' wnné': —Ẕka'n ẕena' Le', X̱e, nako' X̱an ya'abá, na' X̱an yežlyó nga, dan' bkacho'o da' ki, nich bi ḻé'egeklen benne' ka' žejní'igekle', san bḻoe'elo' benne' ka' zej nake' ka x̱kwide' ka' da' ki.
23583	MAT 12:25	Žákbe'ele Jesusen' dan' ẕza' ḻáže'gake', na' gože' ḻégake': —Gáte'teze gan ẕnna bia'gak benách ka', cha' žoj chóplegak benne' ka', na' cha' tíḻ-ḻengake' ljéžgake' ka', kwia yi' yeḻa' wnná bia' chégake'. Ḻezka', cha' žoj chóplegak benách ka' nníta'gake' to yež o to yo'o, na' cha' tíḻ-ḻengake' ljéžgake' ka', bi gak dia'gak benne' ka' nníta'gake' ḻo yežen' o ḻo yo'on'.
23644	MAT 13:36	Naž Jesusen' bzele diže'e benách ka' nníta'gake' ga na', na' beseḻe'e ḻégake', na' Ḻe' beyoé'e yo'o. Naž bžingak benne' wsedle chie' ka' gan zoe', na' góžgake' Ḻe': —Bḻoe'el neto' da' žsedle dan' bsaka' ḻebo' che yíx̱e'do' ka'ze dan' ẕnnan' kan ẕnna' yele ẕoa' stribe.
23665	MAT 13:57	Che ḻen gok chope ḻáže'gake', na' bebéj yíchjgake' Ḻe'. Naž Jesusen' gože' ḻégake': —Yógo'te benách ka' žápegake' ba la'ne no benne' ẕchaḻje' ḻo wláz Dios, san benách wláž chie' ka', na' benne' ka' nníta'gake' liže' bi žápegake' ḻe' ba la'ne.
23683	MAT 14:17	Naž góžgake' Ḻe': —Gáyo'ze yet x̱til den, na' chopze bel ka', bia deba' cheto' nga.
23697	MAT 14:31	Jesusen' ḻa' bḻite ne'e. Bex̱we' ḻe', na' gože' ḻe': —Láte'ze žejḻi'o chia'. ¿Biẕ chen' gok chope ḻažo'o?
23715	MAT 15:13	Naž bechebe Jesusen', na' gože' ḻégake': —Yógo'te da' zej nazen, da' bi goz X̱a', Bennen' zoe' ya'abá, yelážo'gaken dot lwen.
23717	MAT 15:15	Naž bechebe Bedw, na' gože' Jesusen': —Bzejní'il neto' da' ni žsaka' ḻebo'.
23851	MAT 19:20	Naž bennen' zeje' babze yiz gože' Jesusen', na' wnné': —Yógo'te da' ki žona' kate' wzó ḻaw naka' x̱kwide'. ¿Zoa yetó da' žaḻa' gona'?
23978	MAT 22:37	Jesusen' gože' ḻe': —Bži'il X̱ano' Dios dot ḻažo'o, na' ḻo dot yichj ḻaẕdo'o, na' ḻo dot yeḻa' žejní'il chio'.
23983	MAT 22:42	na' wnné': —¿Biẕ ẕnnale ḻe'e che Benne' Criston'? ¿Noẕ benne' nak Benne' Criston' ẕi'ne'? Beží'igake', na' wnnágake': —Ẕa'só Dabí nake'.
24029	MAT 24:3	Kate' ne že' Jesusen' gan nak ḻaw Ya'a Yag Olibo, wbíga'gak benne' wsedle chie' ka' gan zoe' cheze', na' góžgake' Ḻe': —Bḻoe'el neto', ¿Batx̱ gakgak da' ki, na' biẕ gak bia' ža yeḻó'o, na' za' žin ža ze ḻawte ža ka' che yežlyó nga?
24154	MAT 26:31	Naž Jesusen' gože' ḻégake': —Yógo'tele gak chope ḻáže'le, na' wka'nle neda' na'a že' ni, dan' nyejw ḻe'e yiche la'y kan gak chia', da' ẕnnan: “Gona' ga gat Benne' Wape Ẕila' Ka', na' gáslasgak ẕila' ka'.”
24156	MAT 26:33	Naž bechebe Bedw, na' gože' Jesusen': —Ḻa'kze yógo'tegake' gak chope ḻáže'gake', na' wká'ngake' Le', neda' bi gak chope ḻaža'a, bi wka'na' Le'.
24158	MAT 26:35	Naž Bedon' gože' Jesusen': —Ḻa'kze gátḻena' Le' tẕen, bi nnia' bi nónbi'a Le'. Ḻezka' wnnagak yógo'te benne' wsedle chie' ka'.
24175	MAT 26:52	Jesusen' gože' ḻe': —Begó'o ya ntoche' chion' ližen. Yógo'te benne' ka' ẕkóngekle' žin ya ntoche' nich gótgake' benách, ḻo ya ntoche' gátgake'.
24178	MAT 26:55	Naž Jesusen' gože' benne' ka': —Za'le nwa'le ya ntoche' ka', na' yag ka', nich senle neda' kan žonle katen' ẕzenle benne' wbán ka'. Yógo'te ža wži'a ḻawle gan nak ḻo ẕchil yodo', gan bsedla' benách ka', san bi wẕenle neda'.
24186	MAT 26:63	Jesusen' bi be wnné'. Naž bx̱oz blon' gože' Ḻe': —Ni'a che X̱anžo Dios ban ẕnnabla' Le' nnio' da' li. Bḻoe'el neto' cha' nako' Le' Benne' Criston', Ẕi'n Dios.
24189	MAT 26:66	¿Biẕe ẕnnale ḻe'e? Beží'igake', na' wnnágake': —Nbage'e ẕia, na' žaḻa' gate'.
24202	MAT 27:4	Judas na' gože' ḻégake': —Nbaga'a doḻa' dan' bdia' to benne' chawe' nich gate'. Naž góžgake' Ḻe': —Bi žonen ga gek zédleto' neto'. Da' benkzo' le' naken.
24220	MAT 27:22	Naž Pilaton' wnnable' ḻégake', na' wnné': —¿Biẕ gona' che Jesusen', Benne' Criston'? Yógo'tegake' wnnágake': —Bde'e ḻe'e yag kroze.
24221	MAT 27:23	Naž benne' wnná bian' gože' ḻégake': —¿Biẕ da' ẕia nbage'e? Zížježe belbéžyi'e, na' wnnágake': —Bde'e ḻe'e yag kroze.
24321	MRK 1:37	Kate' bejx̱áka'gake' Ḻe', belyi'e Ḻe': —Yógo'te benách žeyíljgake' Le'.
24480	MRK 6:4	Naž Jesusen' gože' ḻégake', na' wnné': —Gáte'teze žápegake' ba la'ne to benne' ẕchaḻje' ḻo wláz Dios, san benne' wláž chie' ka', na' lježe' ka', na' benne' ka' nníta'gake' liže' bi žápegake' ḻe' ba la'ne.
24486	MRK 6:10	Ḻezka' gože' ḻégake': —Gáte'teze gan cho'ole to yo'o, le soa yo'on' kate' yezá'žele yežen'.
24499	MRK 6:23	Ben choche' x̱tiže'e, na' gože'-be': —Ni'a che X̱anžo Dios wneẕjwa' chio' bíte'teze da' nnablo' neda', na' zejte gachje gan ẕnna bi'a.
24514	MRK 6:38	Naž Jesusen' gože' ḻégake': —¿Baḻ yet x̱til de chele? Le chejwía. Kate' ba nnézgekle', belyi'e Ḻe': —Gáyo'ze yet x̱til den, na' chopze bel deba'.
24631	MRK 9:24	Ḻa' wnnete zižje x̱a x̱kwiden', na' wnné': —Žejḻi'a chie'. Gokḻen neda' nich chejḻe'ža' chie'.
24680	MRK 10:23	Naž bwia Jesusen' dot kwite', na' gože' benne' wsedle chie' ka': —Zedḻe'e gaken cho'ogak benne' ka' de yeḻa' wnni'a chégake' gan ẕnna bia' Dios.
24690	MRK 10:33	na' wnné': —Ẕḻé'ekzelele ẕbenžo, zejžo ḻo yež Jerusalén gan soa to benne' wdíe' neda', Benne' Golje' Benách, ḻo na'gak bx̱oz wnná bia' ka', na' ḻo na'gak benne' yodo' wsedle ka'. Chóggake' chia' gata', na' wdégake' neda' ḻo na'gak benne' zi'to' ka'.
24705	MRK 10:48	Benne' ka' želdíe' ga na' bdíḻgake' ḻe', na' belyi'e ḻe': —Wzóa ži. Naž zižjže wnníe', na' wnné': —Ẕa'só Dabí. Beyache' ḻaže'l neda'.
24776	MRK 12:34	Kate' benle Jesusen' ka cháwe'do' bechebe bennen', gože' ḻe', na' wnné': —Yeláte'ze žiažje chio' nich si'o da' ẕnna bia' Dios. Bi bežogle nitože benne' bi da' nnable' Jesusen'.
24850	MRK 14:27	Naž Jesusen' gože' ḻégake', na' wnné': —Yógo'tele gak chope ḻáže'le, na' yebéj yichjle neda' na'a že', dan' nyejw ḻe'e yiche la'y da' ẕnnan: “Gota' benne' žape chi'e ẕila' ka', na' gásḻasgakba'.”
24852	MRK 14:29	Naž Bedw gože' Jesusen', na' wnné': —Ḻa'kze yógo'tegake' gak chope ḻáže'gake', na' yebéj yíchjgake' Le', bi gak chope ḻaža'a neda'.
24854	MRK 14:31	Naž Bedon' ben choche' x̱tiže'e ni'a che Dios, na' wnné': —Ḻa'kze gátḻentia' Le' tẕen, bi nnia' bi nónbi'a Le'. Ḻezka' wnnágake' yógo'tegake'.
25138	LUK 4:6	Naž da' x̱iwen' gožen Jesusen', na' wnnán: —Yógo'te latje chegak benne' wnná bia' ka', na' yeḻa' wnni'a chégake', gonnan' chio', dan' yo'o ḻo na'a yógo'te da' ki, na' no benne' žénela' wneẕjwa' da' ka' chie'.
25153	LUK 4:21	Wzó ḻaw Jesusen' ẕchaḻje', na' gože' ḻégake': —Na'a ža ni zoale ḻe'e, ba bžinkze dan' nyejw ḻe'e yichen'.
25155	LUK 4:23	Naž Jesusen' gože' ḻégake', na' wnné': —Ye'le neda' da' ẕnnan: “Le', benne' žeyón benách ka', beyón kwino'.” Ḻezka' ye'le neda': “Da' ka' benlto' beno' Le' ḻo yež Kapernaum, ḻezka' ben ga ni naken lažo'.”
25202	LUK 5:26	Bebángekle' yógo'tegake', na' bka'n ẕéngake' Dios. Ḻezka' ẕžébegake', na' wnnágake': —Na'a bḻe'elžo to da' žonen ga žebanlžo.
25334	LUK 8:20	To benne' zoe' ga na' bḻiže' Jesusen', na' wnné': —X̱no'o ḻen benne' bicho'o ka' nníta'gake' ḻí'ale, na' žénegekle' wcháḻjḻengake' Le'.
25383	LUK 9:13	Naž Jesusen' gože' ḻégake': —Le waw-gake' ḻe'e. Góžgake' Ḻe': —Gáyo'ze yet x̱tildo' de, na' chopze bel cheton' de. ¿Chejto' chjé'wto' da' gawgak benne' zan ki?
25453	LUK 10:21	Ḻa' na'ze bebél Jesusen', zoaḻen Dios Be' La'y Ḻe', na' wnné': —Ẕka'n ẕena' Le', X̱e, nako' X̱an ya'abá, na' X̱an yežlyó nga. Ki žona' dan' bkacho'o da' ki ḻawgak benne' ka' žákgake' da' ẕenḻe'e, na' ḻawgak benne' sina' ka', san bḻoe'elo' x̱kwide' ka' kan zej naken. Ka'kze gaken, X̱e, dan' ki žaz ḻažo'o Le'.
25491	LUK 11:17	Gókbe'ele Jesusen' da' žénegekle' góngake', na' gože' ḻégake': —Gáte'teze gan zej nnita' benne' wnná bia' ka', cha' žoj chóplegak benne' ka', kwia yí'gake'. Cha' žoj chóplegak benách ka' nníta'gake' to yo'o, yeyóž chégake'.
25577	LUK 12:49	Ḻezka' wnná Jesusen': —Bḻa'a neda' nich wẕena' yi' yežlyó nga, na' že' zedla' nich ẕen yin'.
25704	LUK 16:15	Naž Jesusen' gože' ḻégake': —Ḻe'e ẕḻoé'ezele chawe' kwinle ḻawgak benách ka', san nnézkzele Dios da' yo'o ḻo yichj ḻáẕdo'le, dan' bi ẕḻe'el Dios chawe' da' ẕdan ḻáže'gak benách ka'.
25721	LUK 17:1	Jesusen' gože' benne' ka' žónḻengake' Ḻe' tẕen, na' wnné': —Nníta'tezgak da' ka' žóngaken ga bága'gak benách ka' doḻa', san da' nyáche'ḻe'e gaken che bennen' žone' ga no benne' bage'e doḻa'.
25778	LUK 18:21	Bennen' gože' Jesusen', na' wnné': —Yógo'te da' ki žona' kate' wzó ḻaw naka' x̱kwide'.
25781	LUK 18:24	Kate' bḻe'el Jesusen' kan gok bennen' nyache' ḻaže', wnné': —Zédeḻe'e gaken cho'ogak benne' ka' deḻe'e yeḻa' wnni'a chégake' gan ẕnna bia' Dios.
25796	LUK 18:39	Benne' ka' zjake' ḻaw Jesusen' bdíḻegake' benne' ḻo choḻen' nich kwi'e žize, san ḻe' wnníe' zížježe, na' wnné': —Ẕa'só Dabí, beyache' ḻaže'l neda'.
25807	LUK 19:7	Kate' benách ka' nníta'gake' ga na' bḻé'egekle' da' ni, wzó ḻáwgake' ẕnnégake' che Jesusen', na' wnnágake': —Wyoé'e nich gá'nḻene' benne' doḻa'.
25809	LUK 19:9	Jesusen' gože' ḻe': —Na'a ža ni bḻa' yeḻa' žeslá chegak benne' ka' nníta'gake' ḻo yo'o nga, dan' ḻezka' benne' ni nake' ẕa'só Bran.
25901	LUK 21:6	—Ẕḻé'elele yógo'te da' ki, san žin ža katen' biž ga'n nitó yej ki ḻaw lježen, dan' wchinnjgak benách ka' yodo' nga.
26018	LUK 23:14	na' gože' ḻégake': —Bedjwa'le benne' ni ḻawa' neda', na' ẕnnale žone' ga žongak benách ka' žo'osbé, san kate' wnnabla'-ne' binlo, na' wnníta'kzele ḻe'e ga ni, bi be bžeḻ-la' da' ẕia da' nbage'e, da' ka' žesbága'le-ne'.
26089	LUK 24:29	Ben byéngake' gá'nḻene' ḻégake', na' wnnágake': —Bga'nḻen neto', dan' za' gaḻe na'a, na' ba žaḻe. Naž wyó'o Jesusen' ḻo yo'o, na' bgá'nḻene' ḻégake'.
26092	LUK 24:32	Naž góžgake' ljéžgake' toe' yetóe': —Beyáḻa'tekze ḻáẕdo'žo katen' bcháḻjḻene' žo'o ḻo nez, na' katen' bzejni'ile' žo'o da' nyejwn ḻe'e yich la'y.
26174	JHN 2:10	na' gože' ḻe': —Yógo'te benne' ẕnéẕjwgake' zga'ale x̱is uba dan' nakžen dẕi', na' kate' ba né'jgake', naž ẕnéẕjwgake' da' bi naken dẕi'. Le', na' zejte na'a wdape chi'o x̱is uba da' nakžen dẕi'.
26267	JHN 4:42	Naž benne' ka' belyi'e no'len', na' wnnágake': —Na'a žejḻe'to' chie', kégeze ni'a che da' bchaḻjo' le', san ḻezka' dan' benlto' neto' chie' Ḻe', na' nnezlto' da' li Bennen' nake' Benne' Criston', Bennen' žeslé' benách ka' nníta'gake' yežlyó nga.
26386	JHN 6:60	Kate' benne' wsedle ka' che Jesusen' béngekle' da' ki, benne' zan ládjwgake' wnnégake' chen, na' wnnágake': —Zédeḻe'e nak diža' ni. ¿Noẕkze benne' gak si' ḻo ne'en?
26464	JHN 8:14	Bechebe Jesusen', na' gože' ḻégake': —Ḻa'kze ẕzoa lian' chia' kwinza', dot da' li nak da' ẕzoa lian' dan' nnezla' gan bžoja', na' gan cha'a, san ḻe'e bi nnézlele gan za'a, na' gan yeyá'a.
26471	JHN 8:21	Da' yoble Jesusen' gože' ḻégake', na' wnné': —Yezá'a yežlyó nga, na' yeyiljle no benne' yeslé' ḻe'e, san ga'n doḻa' da' nbága'le, na' gatle. Gan cha'a neda', bi gak yidle ḻe'e.
26483	JHN 8:33	Beží'igake', na' belyi'e Ḻe': —Ẕa'só Bran nakto', na' bi zoa no benne' bene' neto' benne' ndo'w ka'. ¿Biẕ chen' ẕnno': “Yeslán ḻe'e”?
26502	JHN 8:52	Naž benne' judío ka' belyi'e Ḻe', na' wnnágake': —Na'a nnezlto' žonḻen da' x̱iwe' Le' tẕen. Bran gote', na' ḻezka' gotgak benne' ka' bcháḻjgake' ḻo wláz Dios, san Le' ẕnno': “Nóte'teze benne' si' ḻo ne'e x̱tiža'a, bi gat bennen'.”
26533	JHN 9:24	Naž benne' judío wnná bia' ka' da' yoble bḻížgake' bennen' goke' ḻo choḻe, na' belyi'e ḻe': —Ni'a che X̱anžo Dios wnné da' likze. Neto' nnezlto' nak bennen' benne' doḻa'.
26547	JHN 9:38	Naž bennen' byaljw yej ḻawe', bka'n ẕene' Jesusen', na' gože' Ḻe': —Yoa'a ḻo no'o, žejḻi'a chio' Le'.
26570	JHN 10:20	Benne' zan ládjwgake' wnnágake': —Yoe'e be' x̱iwe', na' nyaḻ yichj ḻáẕda'we'. ¿Biẕ chen' ẕze nagle chie' Ḻe'?
26583	JHN 10:33	Beži'igak benne' judío wnná bia' ka', na' belyi'e Ḻe': —Ni'a che žin chawe' ka' bi wže'eto' le' yej, san dan' bi ẕchaḻjo' chawe' che Dios. Le' nako' benachze, na' žon kwino' Dios.
26641	JHN 11:49	Naž bchaḻj Kaifás, bennen' nake' bx̱oz blo yizen', na' žónḻene' ḻégake' tẕen, na' gože' ḻégake': —Ḻe'e bi be nnézlele,
26676	JHN 12:27	Ḻezka' wnná Jesusen': —Na'a žek zédḻe'ela'. ¿Biẕkze nnia'? ¿Nnia': X̱e, beslá neda' ḻo da' žaḻa' gaken chia' na'a? Che ḻen bḻa'a, nich soela' da' žaḻa' gaken chia' na'a.
26730	JHN 13:31	Kate' ba bžoj Judas, wnná Jesusen': —Na'a za' ḻa' ḻaw yeḻa' ẕen chia' neda', Benne' Golje' Benách, na' ḻezka' ḻa' ḻaw yeḻa' ẕen che Dios.
26760	JHN 14:23	Bechebe Jesusen', na' gože' ḻe': —Nóte'teze benne' nži'ile' neda' gone' kan ẕnna x̱tiža'a, na' X̱ažo Dios ži'ile' ḻe', na' yedjsóaḻento' ḻe' ḻo yichj ḻáẕda'we'.
26824	JHN 16:29	Naž benne' wsedle chie' ka' belyi'e Ḻe', na' wnnágake': —Na'a kwáselo ẕchaḻjo', na' biž žsaka' ḻebo'.
26865	JHN 18:11	Naž Jesusen' gože' Bedon': —Begó'o ya ntoche' chio' ližen. ¿Bi žaḻa' saka'a dan' wnná X̱an' gaken chia'?
26885	JHN 18:31	Naž Pilaton' gože' ḻégake', na' wnné': —Ḻe'ekze le chi'e, na' le wchi'a ḻaže'e Ḻe' kan ẕnna da' žsédlele ḻe'e. Benne' judío ka' belyi'e ḻe', na' wnnágake': —Bi nzi' ḻo na'to' gotto' no benne'.
26900	JHN 19:6	Kate' bx̱oz wnná bia' ka', na' benne' ni'a ná'gake' ka' bḻé'egekle' Jesusen', zižje wžéžeya'agake' da' yoble, na' wnnágake': —¡Bde'e ḻe'e yag kroze! ¡Bde'e ḻe'e yag kroze! Pilaton' gože' ḻégake': —Ḻe'ekze le chi'e, na' le chejdé'e ḻe'e yag kroze. Neda' bi be da' ẕia bžeḻ-la' da' nbaga' benne' ni.
26955	JHN 20:19	Kate' ba goḻe ža na', da' naken ža nežw, zej ndobe benne' wsedle ka' che Jesusen', na' nyejw yo'o gan nníta'gake' dan' ẕžébegake' benne' judío wnná bia' ka'. Naž bḻoe'e ḻaw Jesusen' gachje ḻáwe'le gan nníta'gake', na' gože' ḻégake': —Ga'n ži yichj ḻáẕdo'le.
26957	JHN 20:21	Naž Jesusen' gože' ḻégake' da' yoble, na' wnné': —Ga'n ži yichj ḻáẕdo'le. Kan ben X̱a', bseḻe'e neda', ḻezka' žseḻa'a ḻe'e chjenle x̱china'.
26962	JHN 20:26	Kate' ba gok yex̱ono' ža, benne' wsedle chie' ka' zej ndobe' da' yoble ḻo yo'on', na' zoaḻen Masen' ḻégake'. Ḻa'kze nyejw yo'o gan nníta'gake', bḻoe'e ḻaw Jesusen' gachje ḻáwe'le gan nníta'gake', na' gože' ḻégake': —Ga'n ži yichj ḻáẕdo'le.
26970	JHN 21:3	Smon Bedwn' gože' ḻégake': —Cha'a chejx̱ena' bel ka'. Yezika' benne' ka' belyi'e ḻe', na' wnnágake': —Sá'ḻento' le'. Naž jake', na' wžéngake' to ḻo barkw, na' yelen' nitó bel bi wẕéngake'.
27130	ACT 5:2	Bkache' Ananíasen' late' mežw che yežlyón', na' nnezle ẕo'le' dan' bene'. Da' bega'nzen yjwen', na' wloé'en ḻo na'gak benne' wbás ka' bseḻa' Benne' Criston', na' wnné': —Kíte'ze wẕi'a.
27282	ACT 8:37	Lipen' gože' ḻe': —Cha' žejḻi'o dot ḻažo'o, gak yezó' nis. Ḻe' beži'e, na' wnné': —Žejḻi'a che Jesús, Benne' Criston', nake' Ẕi'n Dios.
27302	ACT 9:17	Naž Ananíasen' wyeje' ga na', na' wyoé'e yo'on'. Bx̱oa ne'e Saulon', na' gože' ḻe': —Bicha'a Saulo, X̱anžo Jesús, Bennen' bḻoe'e ḻawe' ḻo nez gan zo'o, bseḻe'e neda' nich yeyaljw yej ḻawo', na' nich yedjsoaḻen Dios Be' La'y le'.
27356	ACT 10:28	Naž Bedon' gože' ḻégake', na' wnné': —Ḻe'e nnézkzelele da' bchi'le Moisés, dan' ẕnnan bi žaḻa' gonḻen to benne' judío tẕen o chó'oḻene' to benne' zi'to'. Na'a, Dios ba bḻoe'ele' neda' bi žaḻa' nnia' che nitó benne' nake' ka'ze o bi nake' chawe'.
27417	ACT 12:11	Naž gókbe'ele Bedon', na' ḻo yichj ḻáẕdo'ze' wnné': —Na'a nnezla' da' li bseḻa' X̱anžo Dios to wbás che ya'abá chie', na' beslé' neda' ḻo na' Herodes, na' ḻo yógo'te da' gónegekle benne' judío ka' góngake' chia'.
27505	ACT 14:22	Kate' Bernabén' ḻen Pablon' wdégake' ḻo yež ka', ben chóchgake' benne' ka' žejḻé'gake' che Benne' Criston', na' besá'gake' ḻáže'gake' nich ga'n chóchgake' kan žejḻé'gake' chie' Ḻe'. Belyi'e ḻégake': —Cho'ožo žo'o gan ẕnna bia' Dios, san žon byenen sáka'žo da' zan da' gaken chežo.
27570	ACT 16:18	Ki benbe' zan ža. Katen' biž wyáz ḻaže' Pablon', byechje', na' bḻiže' ben' yo'obe', na' wnné': —Ni'a che X̱anžo Jesús, Benne' Criston', žapa' le': bežój ḻo yichj ḻáẕdo'w x̱kwide' no'le ni. Ḻa' na'ze bežojte ben'.
27667	ACT 19:13	Naž baḻe benne' judío, benne' wdá žag ka', benne' ẕbéjgake' be' x̱iwe' ka', gónegekle' wkóngekle' žin la X̱anžo Jesusen' nich yebéjgake' be' x̱iwe' ka' zej yo'o benách ka', na' wnnágake': —Ni'a che la Jesús, Bennen' ẕchaḻj Pablon' kan nak chie', že'to' ḻe'e yežojle.
27669	ACT 19:15	Beží'i be' x̱iwen', na' wnnán: —Nónbi'a Jesusen', na' nnezla' no benne' nake' Pablon', san ḻe'e, ¿noẕ benne' ḻe'e?
27712	ACT 20:18	Kate' bžíngake' gan zoa Pablon', ḻe' gože' ḻégake': —Ḻe'e ba nnézkzelele kan bénteza' gan zoale kate' wzó ḻaw bḻa'a gan nbab Asia.
27919	ACT 26:28	Naž Agripan' gože' Pablon': —Yeláte'ze žek gono' neda' che Benne' Criston'.
27920	ACT 26:29	Pablon' gože' ḻe': —Ni'a che X̱anžo Dios žénela', ḻa'kze yeláte'ze o da' ẕenḻe'e, kégeze le', san ḻezka' yógo'te benne' ki, benne' želyenle' chia', gakle dot kan naka' neda', naka' che Benne' Criston', san kege chejle do ya kan nžeja' neda'.
27956	ACT 27:33	Kate' za' ža'ní', Pablon' góta'yoele' ḻégake' gáwgake' late'. Gože' ḻégake': —Na'a ba gok x̱da' ža ẕnna'le dot yele, na' žonle wbás, na'bi be bdawle.