13949	PSA 1:6	Žaz ḻaže' Dios da' žongak benne' chawe' ka', san da' žongak benne' wen da' ẕinnj ka' chen' ḻégake' gan kwia yí'gake'.
13956	PSA 2:7	Ẕnna Bennen': “Wzenla' ḻe'e da' gož X̱anžon' neda'. Gože' neda': Le' nako' Ẕi'na'. Na'a ža naka' x̱o'.
13986	PSA 5:7	Ẕchinnjo' ližgak benne' ka' žon ḻáže'gake'. Ẕzo' cheḻa'ale benne' wetw benách ka', na' no benne' žon ḻaže'e,
13989	PSA 5:10	Benne' ki bi ẕnnágake' da' naken da' li. Nža' yichj ḻáẕdo'gake' da' kegle. Lbá'gake' zej naken ka yežw ba ka' chegak benne' gat ka' da' nyáljwgaken. Ẕnnágake' diža' chawe' ka', san žon ḻáže'gake'.
13990	PSA 5:11	Ben zi' benne' ka', Dios. Ben ga chejchégwgake' ni'a che x̱tíža'gakkze'. Dan' nyanḻe'e da' bi nak chawe' da' žóngake', na' dan' bží'igake' chio' Le', bnnita' ḻégake' cheḻa'ale.
14003	PSA 6:11	Žedoé'egekle, na' zej že' zedḻe'e yógo'te benne' ka' bi ẕḻé'egekle' neda' chawe'. De chgi' kwásgake' gan zoa', na' yedoé'egekle'.
14047	PSA 9:16	Chejchazgak benne' yež ka' ḻo yežw da' bché'ngake'. Chejcházgake' ḻo do yeḻj da' bdíx̱jgake'.
14050	PSA 9:19	Kege to chi'ize gaḻ ḻaže' Dios benne' yache' ka', na' kege to chi'ize nitle da' žx̱en ḻáže'gake'.
14059	PSA 10:7	Ẕnnáteze' da' kegle, na' da' wen ḻaže', na' ẕkache'lanteze'. Diža' ka'ze, na' diža' yaḻze ẕžójgaken žoe'e.
14095	PSA 14:3	Yógo'tie' bejchíx̱gekle'. Yógo'tie' zej nchix̱le yichj ḻáẕdo'gake'. Bi zoa no benne' žone' da' naken chawe', nitóe'.
14111	PSA 16:7	Wká'n ẕénteza' X̱anžo Dios, Bennen' žsedle' neda'. Kate' ne ẕtasa' ẕzejni'ile' neda' ḻo yichj ḻáẕda'wa'.
14118	PSA 17:3	Le' ẕwíakzo' yichj ḻáẕda'wa', na' ẕḻe'elo' neda' žel. Bwíakzo' da' žona', na' bi be da' ẕinnj bḻe'elo'. Wdape chi'a loža'a nich bi be diža' ka'ze nnia'.
14176	PSA 18:46	Benne' zi'to' ka' gotgak ni'a ná'gake'. Ḻo yeḻa' ẕžebe bžójgake' ḻo yež ẕen ka' chégake'.
14208	PSA 21:2	Benne' ẕnna bi'e ẕžebe' yeḻa' wak chio', X̱anto' Dios, na' ni'a che yeḻa' weslá chio' žebéḻe'ele'.
14234	PSA 22:14	Gónegekle' wžía yí'gake' neda' ka žon to bež yix̱e', bia ẕdonba', na' ẕbéžeya'aba'.
14245	PSA 22:25	Bi ẕnnita' Dios benne' yache' ka' cheḻa'ale, na' bi ẕdeze' da' ẕzáka'gake', na' bi ẕkache' ḻawe' ḻawgak benne' ka', san kate' žḻížgake' Ḻe', ženle' chí'igake'.
14255	PSA 23:3	Žon choche' yichj ḻáẕda'wa'. Žon chawe'e neda' nich gak da' bchebe ḻaže'e.
14257	PSA 23:5	Wsí'ni'o da' ye'j gawa' ḻa'kze benne' ka', benne' ẕdíḻ-ḻengake' neda' zej nyechjle' neda'. Ẕgo'o set yichja' da' žeyonen neda' chawe', na' žeschá'ḻi'o da' žé'jḻena'.
14270	PSA 25:2	Žx̱en ḻaža'a Le', Dios chia'. Bi go'o latje yedoe'ela'. Bi go'o latje benne' ka' bi ẕḻé'egekle' neda' chawe' wžía yí'gake' neda'.
14285	PSA 25:17	Nyanḻe'e da' zede da' zej yo'on yichj ḻáẕda'wa'. Beslá neda' ḻo da' zede da' ẕzaka'a.
14304	PSA 27:2	Kate' benne' ka' bi zej nake' chawe' byéchjgekle' neda', ḻen benne' ka' žsáka'gake' neda', na' bi ẕḻé'egekle' neda' chawe', nich wžía yí'gake' neda', na' bejchégwgake', na' bedoé'egekle'.
14319	PSA 28:3	Bi wžía yi'o neda' tẕen ḻen benne' wen ḻaže' ka', na' kege tẕen ḻen benne' ka' žóngake' da' ẕinnj. Ẕnnágake' da' cháwe'do' ḻawgak ljéžgake' ka', san da' bi nak chawe' yo'on yichj ḻáẕdo'gake'.
14320	PSA 28:4	Bde benne' ka' ḻo da' sáka'ḻe'egake' tḻebe kan nak da' béngake', ka nakkze da' bi nak chawe' da' béngake'. Bneẕjw benne' ka' tḻebe kan nak da' béngake', dan' yeyáḻa'gake'.
14348	PSA 30:12	Beno' ga beyák yeḻa' ẕbeže chia' yeḻa' žia'a. Bkwaso' yeḻa' nyache' ḻaže' chia', na' beno' ga bebéḻe'ela'.
14351	PSA 31:2	Žx̱en ḻaža'a Le', X̱ana' Dios. Bi gono' ga yedoe'ela'. Ni'a che da' chawe' da' nako' Le', beslá neda'.
14410	PSA 34:3	Chaz ḻaža'a X̱anžo Dios. Yéngekle benne' gax̱jw ḻaže' ka' da' ki, na' yebéḻe'egekle'.
14413	PSA 34:6	Benne' ka' bx̱en ḻáže'gake' Ḻe' bḻé'egekle' yeḻa' ẕen chie', na' bi bedoé'egekle'.
14425	PSA 34:18	Benne' chawe' ka' žḻížgake' X̱anžo Dios, na' Ḻe' ženle' chégake', na' žeslé' ḻégake' ḻo yógo'te da' ẕzáka'gake'.
14430	PSA 34:23	X̱anžo Dios ẕzoa chawe'e be' da' nákgakkze benne' wen žin chie' ka', na' yógo'te benne' ka' žx̱en ḻáže'gake' Ḻe' batkle kwia yí'gake'.
14438	PSA 35:8	Bseḻa' da' wžía yin' ḻégake', da' bi gákbe'egeklen'. Ben ga sen do yeḻj chégaken' ḻa' légakkze', na' ga chejchégwgake' gan kwia yí'gake'.
14444	PSA 35:14	Gok nyache' ḻaža'a ni'a chegak benne' ka' kan žona' ni'a che bi' lježa', o ni'a che bi' bíche'kza'. Gok nyache' ḻaža'a ka žon no benne' ni'a che x̱ne'e kate' ne žate',
14460	PSA 36:2	Da' ẕinnj da' žon bennen' ẕzoe' Dios cheḻa'ale ẕcháḻjḻenen ḻe' ḻo yichj ḻáẕda'we'. Bi ẕdan ḻáže'kze' gape' Dios ba la'ne.
14484	PSA 37:13	X̱anžo Dios wẕížekze' chegak benne' wen da' ẕinnj ka' dan' ẕḻe'ele' za' gawze ža kwia yí'gake'.
14493	PSA 37:22	Benne' ka' ẕḻe'el X̱anžon' ḻégake' chawe', gata' chégake' yežlyó, san benne' ka' bi ẕḻe'ele' chawe', kwia yí'gakkze'.
14495	PSA 37:24	Kate' chejchégwgak benne' chawe' ka', bi chejchégwgake' to chi'ize dan' nox̱w X̱anžon' ná'gake'.
14502	PSA 37:31	Da' bchi'le Dios ḻe' yo'on yichj ḻáẕda'we'. Che ḻen bi chejchegwe'.
14505	PSA 37:34	Bx̱en ḻaže' X̱anžon', na' ben ka ẕnna x̱tiže'e, na' Ḻe' wchiskze' le' nich gata' chio' yežlyó nga. Kate' kwia yi'gak benne' doḻa' ka', na' ḻe'elon'.
14509	PSA 37:38	san benne' wen da' ẕinnj ka' kwia yí'gakkze'. Bi soa no lježgak benne' wen da' ẕinnj ka',
14516	PSA 38:5	Da' ẕinnj ka' da' bena' ẕbága'gaken yichj ḻáẕda'wa'. Zej naken chia' ka to ywa' zí'iḻe'e.
14520	PSA 38:9	Nat ni'a na'a, na' žekla' zej nžoẕjen žit yoa'a. Ẕbeže ḻaža'a dan' že' zedle yichj ḻáẕda'wa'.
14577	PSA 41:11	san Le', X̱ana' Dios, beyache' ḻaže'l neda', na' ben ga yeyasa', na' yebi'a chegak benne' ka' da' yeyáḻa'gake'.
14587	PSA 42:7	X̱ana' Dios, ba nat ni'a na' be' da' nakkza' ḻo yichj ḻáẕda'wa'. Che ḻen žezá' ḻaža'a chio' kate' ne zoa' ḻo yežlyó yecheḻa'ale yegw Jordán nga, ḻo ya'a Hermón gan že' Ya'a Misar.
14612	PSA 44:15	Bzo' neto' ka to da' ẕnnagak benne' wláž cheto' ka' naken to da' nyáche'ḻe'e. Kate' ẕḻé'egekle benne' ka' neto', ẕta yíchjgake', na' žebángekle' ka žak nyache' ḻáže'to'.
14639	PSA 45:15	Wché'gake'-be' ḻaw benne' wnná bian', nákwbe' ẕa lánabe' dan' nwa'ḻe'en da' x̱tan ka'. X̱kwide' nó'ledo' ka' chjakbe' x̱kóže'lbe'. Nó'ledo' ki, no'le lježbe' ka', wché'gakbe' ḻebe' ḻaw benne' wnná bian'.
14659	PSA 47:5	Beké'e yežlyó nga ḻo ná'gake', na' bennen' chežo, na' naken to yežlyó x̱tanḻe'e che ẕa'só Jakob ka', benne' ka' nži'ile'.
14683	PSA 49:4	Wchaḻjkza' da' naken che yeḻa' žejní'il, na' wzejni'ila' ḻe'e da' yo'on yichj ḻáẕda'wa'.
14693	PSA 49:14	Yógo'te da' žóngake' naken dáche'ze, na' wká'ngake' da' bx̱en ḻáže'gake'.
14694	PSA 49:15	Zej nake' ka to kwe' ẕila' ka' žjakba' ḻo yi' gabíl, gan gape chi'i yeḻa' got ḻégakba', na' benne' chawe' ka' nna biá'gake' benne' wnni'a ka' kate' za' cha'ní', na' kwia yi'gak da' ka' wdápgake', na' yi' gabíl naken gan nníta'tezegake'.
14720	PSA 50:20	Ẕnnétezo' che lježkzo', na' žesbago'o ẕia x̱kwide' che x̱na'kzo'.
14735	PSA 51:12	Dios, beyón chawe' yichj ḻáẕda'wa', na' bzoa to be' ḻi ḻaže' ḻo yichj ḻáẕda'wa'.
14736	PSA 51:13	Bi wkwaso' neda' ḻawo' Le', na' bi yekó'o be' la'y chio' ḻo yichj ḻáẕda'wa'.
14761	PSA 53:6	San žin ža žébegake' da' sáka'gake'. Gosḻas Dios žit chegak benne' ka' ẕdíḻ-ḻengake' benách chie' ka'. Dios wzóe' ḻégake' cheḻa'ale, na' wžía yi'e ḻégake'.
14791	PSA 55:20	Dios nake' Bennen' zóateze', na' ẕnna biá'teze'. Nake' chawe', na' wžía yi'e benne' ka'. Ki gone' chégake' dan' bi žsángake' da' žóngake', na' bi ẕžébegake' Dios.
14811	PSA 57:2	Beyache' ḻaže'l neda', Dios. Beyache' ḻaže'l neda', dan' žx̱en ḻaža'a Le' ḻen dot yichj ḻáẕda'wa'. Gape chi'o neda' ka žon ẕkoko' žape chi'iba' bríse'do' ka' ẕan x̱ilba', na' zejte te che da' žaken chia'.
14830	PSA 58:9	na' te chégake' kan žak che bia zag, bian' yeyóna'ba'. Ben ga biž ḻé'egekle' wbíž ka žak che to x̱kwide' žaljbe' ba natbe'.
14847	PSA 59:14	Bžia yi' ḻégake' ḻo yeḻa' ẕža'a chio'. Bžia yi' ḻégake' nich biž nníta'gake'. Ben ga gákbe'egekle' Le' ẕnna bi'o ẕa'só Jakob ka'. Ẕnna bi'o dot yežlyó nga.
14850	PSA 59:17	san neda' goḻkza' che yeḻa' wak chio', na' zildo' wká'n ẕena' yeḻa' žeyache' ḻaže' chio', dan' gókḻeno' Le' neda', na' wdape chi'o neda' kate' wžé' zédḻe'ela'.
14902	PSA 64:3	Bkache' chawe' neda' nich benne' ka' bi zej nake' chawe' bi góngake' chia' kan žénegekle', na' nich benne' ka' žóngake' da' ẕinnj bi góngake' chia' kan ẕza' ḻáže'gake'.
14906	PSA 64:7	Žíljgake' da' ẕinnj da' góngake', na' ẕwíagaken' binlo. Da' yo'o yichj ḻáẕdo'gake' naken da' kegle kan zej nak ḻáẕdo'gakkze'.
14938	PSA 66:14	Bchebe ḻaža'a gonan', dan' wnnía' katen' wžé' zédḻe'ela'.
14980	PSA 68:28	Ḻezka' zjak ẕa'só Benjamín ka'. Zej nake' bábzegake' san ẕnna biá'gake'. Ḻezka' zjak benne' zan ẕa'só Judá, na' benne' zan ẕa'só Sabulón, na' benne' zan ẕa'só Neftalí.
15009	PSA 69:21	Dan' ẕká'ngake' neda' ka'ze žedó ḻaža'a, na' že' zédḻe'ela'. Wleza' no benne' yeyache' ḻáže'le' neda', san bi wzóa no benne'. Wleza' no benne' gon choche' neda', san bi wzóa no benne'.
15018	PSA 69:30	san neda' zoa' ḻo da' ẕzáka'ḻi'a, na' že' zédḻe'ela'. Beslá neda', Dios, na' bechís neda'.
15020	PSA 69:32	Da' ni žaz ḻáže'že Dios ka to bež gota' ḻawe', o ka to biado' zej žia lozba', na' sógo'ba'.
15032	PSA 71:1	Za'a ḻawo' Le', X̱ana' Dios, nich gape chi'o neda'. Ben ga biž yedoe'ela'.
15054	PSA 71:23	Soa' ḻo yeḻa' ba nez kate' goḻkza' chio' Le', na' yebekzle be' da' nakkza' dan' beya'wo'.
15080	PSA 73:5	Bi ẕzáka'gake' kan ẕzáka'gak yezika' benne' ka', na' bi zoa da žak chégake' kan žak chegak yezíka'že'.
15082	PSA 73:7	Ẕgól-ḻe'egake' dan' žáwḻe'egake' da' cháwe'ḻe'e. Ẕzí'ḻe'egake' da' ẕdan ḻáže'gake'.
15093	PSA 73:18	Da' likze beno' chegak benne' ka' chejchégwgake', na' gono' ga kwia yí'gakkze'.
15094	PSA 73:19	Ḻa' kwia yí'tegake'. Yeḻa' ẕžebe senen ḻégake', na' goten ḻégake'.
15096	PSA 73:21	Kate' bge'ela' benne' ka', wžé' zédḻe'ele ḻáẕda'wa'.
15107	PSA 74:4	Ẕbéžeya'agak benne' ka' bi ẕḻé'egekle' Le' chawe' gachje ḻawle gan zej ndobe benne' chio' ka'. Bdá'gake' nga da' ẕḻoe'elen yo'oto' ḻo ná'gake'.
15135	PSA 75:9	Dios nox̱e' to ẕiga', da' nžan' x̱is uba waḻ, dan' zejḻasen yeḻa' ẕža'a chie'. Wlaljen', na' benne' wen da' ẕinnj ka' yé'jgaken'. Yé'jgaken' na' zejte yebižten,
15148	PSA 76:11	Da' likze yeḻa' ẕža'a chegak benne' ka' gaken to da' gon ga ga'n ẕeno' Le'. Wlék žio' yeḻa' ẕža'a chegak benne' ka' zej nga'ne'.
15179	PSA 78:8	na' bi gákgakbe' kan gokgak x̱a x̱tó'gakbe' ka', benne' ka' bi béngake' da' bchi'le' ḻégake', na' bží'igake' chie' Ḻe', na' bi bx̱en ḻáže'gake' Dios dot ḻáže'gake'. Ḻo be' da' zej nakkze' bi gókgake' ḻi ḻaže' ḻaw Dios.
15185	PSA 78:14	Te ža bḻoe'ele' benne' ka' nez ḻen to bejw gasj da' bnáwgake', na' žel ḻen to bejw da' bsa'nín'.
15189	PSA 78:18	Ni'a che da' wdán ḻáže'gake' béngake' ga bža'a Dios. Wnnábgekle' Ḻe' da' gáwgake' ka wdán ḻáže'zegake'.
15204	PSA 78:33	Che ḻen bene' nbabze ža chegak benne' ka', na' gókgaken ka to be' da' žeka'ažo, na' ka zej nak yiz da' wnníta'gake' bdie' ḻégake' ḻo da' wẕáka'gake'.
15251	PSA 79:8	Bi yesbago'o neto' da' ẕia da' wbága'gak x̱a x̱na' gole cheto' ka'. Da ka' gaze yeyache' ḻáže'lo' neto', dan' bedó ḻáže'to'.
15282	PSA 81:6	Bzoen' ka to da' wḻoé'elen ẕa'só Jwsé ka' da' ben Dios katen' bžójgake' ḻo yežlyó Egipto, gan benla' to x̱tíža'gak benne' ka' da' bi bejni'ila'.
15289	PSA 81:13	Che ḻen wléj yichja' benne' ka' dan' gókgake' ḻaẕdo' zide. Béngake' da' wdán ḻáže'gakze'.
15305	PSA 83:4	Bagáche'ze ba béngake' toze diža' bi da' góngake' chegak benne' chio' ka', na' da' góngake' chegak benne' ka' žape chi'ikzo'.
15433	PSA 89:43	Beno' ga bzéx̱jwgak benne' ka' ḻe', benne' ka' bi ẕḻé'egekle' ḻe' chawe', na' žebéḻe'egekle'.
15436	PSA 89:46	Beno' ga nake' ka to benne' gole kate' ne zoe' yiz kwide' chie', na' beno' ga žedoe'ele'.
15444	PSA 90:1	X̱anto' Dios, to chi'ize nakkzo' Le' to gan že' cháwe'to'.
15451	PSA 90:8	Ẕḻe'elo' yógo'te da' bi nak chawe' da' žonto'. Ẕḻoe'elo' ḻaw ẕia da' nbága'to'.
15452	PSA 90:9	Ẕzacho'o yiz cheto' dan' ẕžo'o neto'. Žeyožgak yiz cheto' ka to be' da' ẕka'to'.
15455	PSA 90:12	Bsedle neto' wkonlto' binlo žin ža cheto' ka', nich gak chejni'ilto' cháwe'do'.
15481	PSA 92:5	X̱ana' Dios, ni'a che da' žono' Le' žebéḻe'ela'. Ni'a che da' ben no'o nak chia' yeḻa' ba nez.
15487	PSA 92:11	Le' žono' ga nakža' neda' waḻe kan nak to beže. Ẕgo'o set yichja' da' žon chochen yichj ḻáẕda'wa'.
15512	PSA 94:15	san gone' ga wchi'a ḻáže'gak benne' ka' ḻo da' naken chawe', na' yógo'te benne' ḻi ḻaže' ka' si' ḻo ná'gaken'.
15516	PSA 94:19	Kate' ži'a wnné yoe, na' že' zedla', žeyón ẕenkzo' neda', na' žono' ga žebéḻe'ela'.
15573	PSA 99:8	Le', X̱anto' Dios, bechebo' chegak benne' ka'. Bḻoe'elo' ḻégake' nako' Dios, na' ženít ḻawo'o Le' chegak benne' ka', ḻa'kze žono' ga ẕzáka'gake' ni'a che doḻa' da' nbága'gake'.
15597	PSA 102:10	Kate' žawa' yet, naken ka žawa' de, na' nis ẕbeža' nchix̱en da' že'ja'.
15617	PSA 103:1	We ḻawa' X̱anžo Dios ḻen dot yichj ḻáẕda'wa'. We ḻawa' La la'y chie' ḻen dot da' naka'.
15638	PSA 103:22	Le wká'n ẕen X̱anžon', yógo'tele ḻe'e, ben Dios ḻe'e, na' zoale yógo'te latje gan ẕnna bi'e Ḻe'. We ḻawa' X̱anžon' ḻen dot yichj ḻáẕda'wa'.
15639	PSA 104:1	We ḻawa' X̱anžo Dios ḻen dot yichj ḻáẕda'wa'. Ẕente nako' Le', X̱ana' Dios. Laže' da' nako' naken yeḻa' x̱tan, na' yeḻa' ẕen.
15666	PSA 104:28	Ẕneẕjon' chégakba', na' ẕzí'gakban'. Žónnḻi'o da' žáwgakba', na' žéljgeklba'.
15676	PSA 105:3	¡Le yebele ḻo da' nak chie' Ḻe'! Yógo'te benne' ka', benne' žápegak X̱anžon' ba la'ne, žaḻa' yebéḻe'egekle'.
15690	PSA 105:17	san bseḻe'e to benne' wnežwe' ḻáwgake', bennen' nake' Jwsé, bi' na' béte'gake'-be' nich gakbe' bi' ndo'w che to benne' zi'to'.