13996	PSA 6:4	Že' zede yichj ḻáẕda'wa', na' Le', X̱ana' Dios, ¿batx̱ gákḻeno' neda'?
13998	PSA 6:6	Gan zej nnita' benne' gat ka', bi žejsá' ḻaže' no benne' Le'. Ḻo latje chegak benne' gat ka', ¿noẕ benne' wká'n ẕene' Le'?
14026	PSA 8:5	na' ẕnnaba': ¿biẕkze zej nak benne' ka', dan' že' ḻažo'o ḻégake'? ¿Biẕkze zej nak benne' ka', dan' ži'o wnné yoe chégake'?
14053	PSA 10:1	X̱ana' Dios, ¿biẕ chen' zo' zi'to'? ¿Biẕ chen' ẕkache' kwino' kate' ẕzáka'gak benách chio' ka'?
14073	PSA 11:3	Chela' kwasgak da' ka' ẕzoagak chochen da' chawe', ¿biẕkze gongak benne' chawe' ka'?
14088	PSA 13:2	¿To chi'ize gaḻ ḻažo'o neda', X̱ana' Dios? ¿Gaḻ ḻáže'tezo' neda'? ¿To chi'ize biž ḻe'elo' neda'?
14089	PSA 13:3	¿To chi'ize gon byene soela' da' ẕzaka'a? ¿To chi'ize gak nyache' ḻaža'a dot ža dot yel? ¿To chi'ize nna bia'gak benne' yichj ža'a ka' neda'?
14100	PSA 15:1	X̱ana' Dios, ¿noẕkze benne' gak soe' gan zo' Le'? ¿Noẕkze benne' gak soe' latje la'y chio'?
14222	PSA 22:2	Dios chia', Dios chia', ¿biẕ chen' wléj yichjo' neda'? ¿Biẕ chen' bi ženlo' kate' ẕnnabla' Le' yesló' neda'?
14261	PSA 24:3	¿Noẕkze benne' gak kwene' ya'a che X̱anžon'? ¿Noẕkze benne' gak choe'e yodo' la'y chie'?
14346	PSA 30:10	¿Biẕkze yeḻa' ba nez gaken chio' cha' gata' neda', na' choa'a yežw ba? ¿Wká'n ẕena' Le' kate' ba naka' bix̱te yo? ¿Wak wzenla' no benne' da' naken dot da' li chio'?
14420	PSA 34:13	¿Noẕ benne' ládjwle ḻe'e žénele' soakze' nbane', bennen' žénele' soe' yiz zan nich ḻe'ele' da' chawe'?
14440	PSA 35:10	Yógo'te žit yoa'a nnágaken: “X̱anto' Dios, ¿noẕkze benne' nake' ẕen ka nako' Le'? Žesló' benne' yache' ḻo na' benne' nakže' waḻe ka ḻe', na' benne' žiážjele' ḻo na' benne' ẕbane' da' do' da' den chie'.”
14447	PSA 35:17	X̱ana' Dios, ¿to chi'ize wíazo' da' žóngake'? Beslá neda' ḻo na'gak benne' ka' ẕžia yí'gake' neda', benne' ka' zej nake' ka bež yix̱e' ka'.
14586	PSA 42:6	¿Biẕ chen' žat ni'a no'o, be' da' nakkza'? ¿Biẕ chen' že' zedlo' ḻo yichj ḻáẕda'wa'? Bx̱en ḻaže' Dios dan' wká'n ẕenkza' Ḻe' da' yoble. Nake' Benne' Weslá chia', na' Dios chia'.
14590	PSA 42:10	Yapa' Dios: “Le' žape chi'o neda'. ¿Biẕ chen' naḻ ḻažo'o neda'? ¿Biẕ chen' žak nyache' ḻaža'a dan' benne' bi ẕḻe'ele' neda' chawe' žsake'e neda'?”
14592	PSA 42:12	¿Biẕ chen' žat ni'a no'o, be' da' nakkza'? ¿Biẕ chen' že' zedlo' ḻo yichj ḻáẕda'wa'? Bx̱en ḻaže' Dios dan' wká'n ẕenkza' Le' da' yoble. Nake' Benne' žeslé' neda', na' Dios chia'.
14594	PSA 43:2	Nako' Le' Dios chia', na' ẕzoa chocho' neda'. ¿Biẕ chen' bsan ḻažo'o neda'? ¿Biẕ chen' žak nyache' ḻaža'a dan' benne' bi ẕḻe'ele' neda' chawe' žsaka' zi'e neda'?
14597	PSA 43:5	¿Biẕ chen' žat ni'a no'o, be' da' nakkza'? ¿Biẕ chen' že' zedlo' ḻo yichj ḻáẕda'wa'? Bx̱en ḻaže' Dios dan' wká'n ẕenkza' Le' da' yoble. Nake' Benne' žeslé' neda', na' Dios chia'.
14617	PSA 44:20	¿Biẕ chen' bzo' neto' cheḻa'ale lo latj chegak bia snia ka', na' bzo' neto' gan za' gatto'?
14621	PSA 44:24	¡Bebán, X̱anto' Dios! ¿Biẕ chen' ẕtaso'? ¡Bebán! ¡Bi so' zi'to' to chi'ize!
14685	PSA 49:6	¿Biẕ chen' žon byenen žeba' ḻo ža che da' zede, kate' nyechjlen neda' da' ẕinnj da' žongak benne' ka' bi ẕḻé'egekle' neda' chawe'?
14716	PSA 50:16	Dios ži'e no benne' wen da' ẕinnj: “¿Žeklo' ẕchaḻjo' le' kan nak da' wnnakza' neda', na' ẕnnio' che x̱tiža'a dan' bénḻena' benách chia' ka'?
14760	PSA 53:5	Ẕnna Dios: “¿Bi žejní'igekle benne' wen da' ẕinnj ka'? Že'j žáwgake' da' ẕbángake' chegak benách chia' ka', na' bi žénegekle' gónbia'gake' neda'.”
14800	PSA 56:5	Žx̱en ḻaža'a Ḻe', na' ẕka'n ẕena' x̱tiže'e. Žx̱en ḻaža'a Ḻe', na' biž ẕžeba'. ¿Biẕkze gak gongak benne' ka' chia' neda'?
14804	PSA 56:9	Nnézkzelo' Le' ka žẕonnja' ḻawgak benne' ka'. Bejsá' ḻaže' nis da' ba wžeža'. ¿Bi zej nyejwn ḻe'e yiche chio'?
14807	PSA 56:12	Žx̱en ḻaža'a Dios, na' biž ẕžeba'. ¿Biẕkze gak gongak benne' ka' chia' neda'?
14823	PSA 58:2	¿Ẕchaḻjle da' nak chawe', ḻe'e, benne' wnná bia' ka'? ¿Ẕchi'a ḻáže'le benne' chia' ka' ka nakkzen?
14862	PSA 60:11	¿Noẕkze wchi'e neda' nich tíḻ-ḻena' yež zoa to ze'e sibe dan' žape chi'in yežen'? ¿Noẕkze wchi'e neda' nich tíḻ-ḻena' benne' Edom ka'?
14878	PSA 62:4	¿To chi'ize wkwezle da' gonle chia' neda', yógo'tele žon byenle wžía yi'le neda'? Žonle ka žon to benne' ẕchinnje' to ze'e da' zoa bix̱en, o to ḻe'je da' nožon'.
14969	PSA 68:17	¿Biẕ chen' ẕwíale, ḻe'e, ya'a ẕen ka'? Ẕwíale ya'a na' gan žénele Dios soakze'. Da' likze soakze X̱anžon' ḻaw ya'a na' to chi'ize.
15050	PSA 71:19	na' da' chawe' da' nako', da' naken ẕenḻe'e, Dios. Le' beno' da' ka' zej nakḻe'en ẕen. Dios, ¿noẕkze benne' nake' ka nako' Le'?
15104	PSA 74:1	X̱anto' Dios, ¿wléj yichjo' neto' to chi'ize? ¿Ẕžo'o neto', ẕila' chio' ka'?
15113	PSA 74:10	X̱anto' Dios, ¿to chi'ize wchix̱gak benne' ka' neto', benne' ka' žsaka' zí'gake' neto'? ¿To chi'ize nnegak benne' ka' bi ẕḻé'egekle' Le' chawe' che La la'y chio' Le'?
15114	PSA 74:11	¿Biẕ chen' bi be žono' chegak benne' ka'? ¿Biẕ chen' bi ẕžia yi'o benne' wen da' ẕinnj ka'?
15159	PSA 77:9	¿Batkle yeyache' ḻáže'le' žo'o? ¿Batkle gone' da' wchebe ḻaže'e gone'?
15164	PSA 77:14	Dios, la'y nak da' ẕchi'lo' neto' gonto'. ¿Zoa yetó Dios nake' benne' ẕen ka nako' Le'?
15248	PSA 79:5	¿To chi'ize gak ki cheto', X̱anto' Dios? ¿To chi'ize ẕžo'o neto'? ¿To chi'ize gak yeḻa' ẕža'a chio' ka to yi'?
15261	PSA 80:5	X̱anto' Dios, napo' dot yeḻa' wak. ¿To chi'ize žo'o neto' na' bi yenlo' da' nnablto' Le'?
15269	PSA 80:13	¿Biẕ chen' bkwaso' le'je da' wdáp chi'in lban'? Na'a benne' ka' ẕdégake' ga na' ẕbángake' uba chen.
15295	PSA 82:2	Ẕnna Dios: “¿Wchi'a ḻáže'tezle benne' chia' ka' ḻo da' bi nak chawe', na' gaple ba la'ne benne' ka' bebéj yíchjgake' neda'?
15339	PSA 85:6	¿To chi'ize žo'o neto'? ¿Žá'akzo' to kwe' to kwe' ẕa'sóto' ka'?
15340	PSA 85:7	¿Biž gono' ga yebelto' da' yoble, nich gaken cheto' yeḻa' ba nez ḻawo' Le'?
15382	PSA 88:11	¿Ḻen yeḻa' wak che ya'abá gákḻeno' benne' gat ka'? ¿Že'gak benne' gat ka' Le': “Žóx̱keno'”?
15383	PSA 88:12	¿Ẕchaḻjgak benne' ka' zej ngache'e yežw ba che yeḻa' ži'i ḻaže' chio'? ¿Ẕchaḻjgak benne' ka' zej yoe'e latje choḻ chegak benne' gat ka' che da' ḻi ḻaže' chio'?
15384	PSA 88:13	¿Yeyónbia'gak benne' ka' zej yoe'e latje choḻen' ka nak da' ẕente da' žono'? ¿Yeyónbia'gak benne' zej yoe'e gan bi zoa no benne' žesá' ḻaže'e nakkzo' chawe'?
15386	PSA 88:15	¿Biẕ chen' žebéj yichjo' neda', X̱ana' Dios? ¿Biẕ chen' bi ẕwio' neda' nich gákḻeno' neda'?
15437	PSA 89:47	X̱anto' Dios, ¿to chi'ize bi yenlo' cheto'? ¿To chi'ize ẕža'akzo' neto'?
15440	PSA 89:50	X̱anto' Dios, ¿biž nži'ilo' Dabí kan bchebe ḻažo'o, na' wnnakzo' gono'?
15454	PSA 90:11	¿Noẕ benne' nnezle' binlo ka nak yeḻa' ẕža'a chio'? ¿Noẕ benne' nnezle' ka nak yeḻa' yichj ža'a chio'?
15456	PSA 90:13	X̱anto' Dios, beyón neto' toze ḻen Le'. ¿To chi'ize želo'? Beyache' ḻaže'l neto', benne' wen žin chio' ka'.
15500	PSA 94:3	X̱ana' Dios, ¿to chi'ize gongak benne' wen da' ẕinnj ka' ki? ¿To chi'ize yebégekle benne' ẕbej yíchjgake' Le'?
15501	PSA 94:4	¿To chi'ize wká'n ẕen kwíngake', na' nne zí'gake'? ¿To chi'ize wká'n ẕen kwingak benne' ka' žebéj yíchjgake' Le'?
15513	PSA 94:16	¿Noẕkze benne' gákḻene' neda' nich tíḻ-ḻenžo benne' wen da' ẕinnj ka'? ¿Noẕkze benne' gónḻene' neda' tẕen nich wžía yi'žo benne' wen da' ẕinnj ka'?
15581	PSA 101:2	Žak ḻaža'a gona' da' naken ḻi ḻaže'. ¿Batx̱ yido' gákḻeno' neda'? Dot ḻaža'a goḻkza' ḻo ližkza' neda'.
15720	PSA 106:2	¿Noẕkze benne' gak wḻoe'ele' kan zej nak yeḻa' wak ẕente ka' da' ben X̱anžon'? ¿Noẕkze benne' gak wká'n ẕene' Ḻe' kan žaḻa' gonžo?
15820	PSA 108:11	¿Noẕ benne' wchi'e neda' nich tíḻ-ḻena' yež zoa to ze'e sibe da' žape chi'in? ¿Noẕ benne' wchi'e neda' nich tíḻ-ḻena' benne' Edom ka'?
15895	PSA 114:5	¿Biẕ gok chio', nisdon', dan' bẕonnjo'? ¿Biẕ gok chio', yegw Jordán, dan' wdío' x̱kože'l?
15896	PSA 114:6	Ḻe'e, ya'a ẕen ka', ¿biẕ chen' wx̱íte'le ka žx̱íte'gak chib ka'? Ḻe'e, ya'ado' ka', ¿biẕ chen' wx̱íte'le kan žx̱íte'gak chibdo' ka'?
15900	PSA 115:2	¿Biẕ chen' ẕnnábgekle benne' zi'to' ka' neto'? Ẕnnágake': “¿Gaẕ zoa Dios chele?”
15928	PSA 116:12	¿Biẕkze gak yebi'ikza' che X̱anžo Dios ni'a che yógo'te da' chawe' da' bene' chia'?
15975	PSA 119:9	¿Nakx̱ gak gon to benne' kwide' da' naken chawe'? Žaḻa' góntezbe' ka ẕnna x̱tižo'o.
16048	PSA 119:82	Že' bxin yej ḻawa' dan' žénela' yenla' da' nno', na' ẕnnia': ¿Batx̱kze yeyón ẕeno' neda'?
16050	PSA 119:84	¿Balx̱ ža soa' nbana' neda', wen žin chio'? ¿Batx̱kze gono' zi' benne' ka' ẕbia ḻáže'gake' neda'?
16145	PSA 120:3	¿Biẕ gonn Dios ḻe'e, benne' wen laže' ka'? ¿Biẕ yeḻa' ba nez gaken chele kate' wdíe' ḻe'e ḻo da' wžía yin' benách ka'?
16150	PSA 121:1	Ẕchis ḻawa', na' ẕwia' da' žak ḻawgak ya'a sibe ka'. ¿Gaẕ za' da' gákḻenen neda'?
16211	PSA 130:3	X̱ana' Dios, cha' ẕwio' binlo doḻa' da' nbága'to', ¿noẕkze benne' ga'ne' chawe' ḻawo' Le'?
16294	PSA 137:4	¿Nakx̱kze gak goḻžo da' wká'n ẕenžo X̱anžo Dios, ga zoato' ḻo yežlyó ni chegak benne' zi'to' ka'?
16314	PSA 139:7	¿Gaẕ gak cha'a zi'to' gan bi zoakze Be' La'y chio'? ¿Gaẕ gak wẕonnja' gan bi zoakzo' Le'?
16378	PSA 144:3	X̱ana' Dios, ¿biẕkze zej nak benne' ka', dan' žejsá' ḻažo'o chégake'? ¿Biẕ zej nak benne' ka' dan' ži'o wnné yoe chégake'?
23240	MAT 2:2	Wnnabgak benne' ka', na' wnnágake': —¿Gaẕen' zoa x̱kwiden' žaḻa' nna bia'be' benne' judío ka', x̱kwiden' za' goljbe'? Katen' wzoato' gan ẕḻa' wbíž bḻe'elto' belj baní' da' nak bian' ba goljbe'. Za'to' nga nich wká'n ẕento'-be'.
23268	MAT 3:7	Kate' Ẕwan' bḻe'ele' benne' zan ka', benne' yodo' fariseo ka' ḻen benne' yodo' saduseo ka', želžine' gan zoe' nich yezóagake' nis, gože' ḻégake': —Ḻe'e, lježgak bele snia ka'. ¿Zoa no benne' bzejni'ile' ḻe'e wẕonnjle dan' za' chog Dios chegak benách ka' gátgake'?
23350	MAT 5:47	Cha' žaple ba la'ne ljéžzele ka', ¿biẕe žonle da' nakže chawe'? Ḻezka' žongak benne' ka', benne' bi zej nónbi'e Dios.
23378	MAT 6:27	¿Noẕ benne' ládjwle ḻe'e gak gone' ga soe' nbane' yetó chí'ido'ze dan' že' zedle' nich gak ki chie'?
23388	MAT 7:3	¿Biẕ chen' ẕwio' bebdo' da' yo'on yej ḻaw lježo', na' bi žákbe'lo' to da' ẕenḻe'e yo'on yej ḻawo' le'?
23389	MAT 7:4	¿Yi'o lježon': “Wleze, nich kweja' bebdon' da' yo'on yej ḻawo'” na' le', da' ẕenḻe'e yo'on yej ḻawo' le'?
23394	MAT 7:9	’Cha' zoa no benne' ládjwle ḻe'e, zoa x̱kwide' chie', cha' nnablbe'-ne' yet x̱til, ¿wneẕjwe' yej chebe'?
23395	MAT 7:10	Cha' nnablbe'-ne' to bel, ¿wneẕjwe' bele snia chebe'?
23463	MAT 9:15	Bechebe Jesusen', na' gože' ḻégake': —¿Wak benne' ka' nníta'gake' lni che yeḻa' ẕchag na' gak nyache' ḻáže'gake' kate' benne' ẕchag ne'e ne zóaḻene' ḻégake'? Za' ža kate' kwas bennen' ẕchag ne'e gan nníta'gake'. Ža na' góngake' wbás.
23531	MAT 11:3	Žoptie' wnnábgekle' Jesusen', na' wnnágake': —¿Nako' Le' Benne' Criston', Bennen' žaḻa' ḻe'e yežlyó nga, o žaḻa' kwezto' na' zejte ḻa' yetó benne'?
23535	MAT 11:7	Kate' ba beza'gak benne' ka' žónḻengake' Ẕwan' tẕen, naž wzó ḻaw Jesusen' ẕcháḻjḻene' benách ka' nníta'gake' ga na' kan nak che Ẕwan', na' gože' ḻégake': —¿Biẕ gónelele ḻé'elele katen' wyejle ḻo latje dachen'? ¿Gónelele ḻé'elele to benne' nake' ka to ya x̱tildo' da' ẕzechj be'?
23551	MAT 11:23	Ḻe'e, benne' ka' che yež Kapernaum, ¿žékelele ḻe'e cho'ole ya'abá che Dios dan' bḻé'elele da' ka' bena' neda'? Yetjle ḻo yi' gabíl. Chela' gokgak yeḻa' wak ẕen ka' ḻo yež Sodoma, ka da' ka' bena' gan zoale, ga'ngak benne' yežen', na' zejte na'a ža.
23561	MAT 12:3	Naž Jesusen' gože' ḻégake': —¿Bi beḻ-le ḻe'e yiche la'y kan nak da' ben Dabí katen' wdone', na' ḻezka' wdongak benne' ka' wnníta'ḻengake' ḻe'?
23563	MAT 12:5	¿Bi beḻ-le da' wnná Moisés wak gongak bx̱oz ka' ža la'y ka'? Žóngake' žin ḻi'a yodo' ža la'y ka', na' bi želbage'e doḻa'.
23584	MAT 12:26	Ḻezka', cha' kwej da' x̱iwe' ḻa' ljéžekzen, na' cha' tíḻ-ḻengak be' x̱iwe' ka' ḻa' ḻégakkzen, ¿nakx̱kze gak dia' yeḻa' wnná bia' che da' x̱iwen'?
23585	MAT 12:27	Ẕnnele chia', na' ẕnnale žebeja' be' x̱iwe' ka' dan' Belzebú da' x̱iwe' žónḻenen neda' tẕen. Cha' neda' žona' ki, ¿noẕ benne' žónḻene' tẕen benne' ka' žónḻengake' ḻe'e tẕen kate' žebéjgake' be' x̱iwe' ka'? Che ḻen, da' žóngakkze' nak bian' nchíx̱elele ḻe'e.
23587	MAT 12:29	’¿Gak no benne' choe'e liž to benne' waḻe, na' kweje' yeḻa' wnni'a da' žen' liže', cha' zga'ale bi wcheje' benne' waḻen'? Naž gak choe'e nich wtache' liž benne' waḻen'.
23592	MAT 12:34	Ḻe'e, lježgak bele snia nakle. ¿Nakx̱ gak wchaḻjle da' naken chawe', cha' bi nakle chawe'? Kan nak da' ẕza' ḻáže'gak benách ka', ḻezka' ẕcháḻjgake'.
23606	MAT 12:48	Bechebe Jesusen', na' gože' bennen' bzenle' Ḻe' da' ni, na' wnné': —¿Nnézlele no benne' nake' x̱na'a, na' no benne' ka' zej nake' benne' bícha'ado' ka'?
23618	MAT 13:10	Naž bžingak benne' wsedle ka' che Jesusen' gan zoe', na' wnnábgekle' Ḻe', na' wnnágake': —¿Biẕ chen' ẕcháḻjḻeno' benách ka' da' ka' žsaka' ḻebo'?
23704	MAT 15:2	—¿Biẕ chen' žongak benne' wsedle chio' ka' da' ẕdetlen kan zej nak da' žónteze žonžo kan bengak x̱a x̱to'žo ka'? Bi želyíb ná'gake' kan nak che yodo' kate' za' gáwgake'.
23714	MAT 15:12	Naž benne' wsedle ka' che Jesusen' wbíga'gake' gan zoe'. Wnnábgekle' Ḻe', na' wnnágake': —¿Nnezlo' bža'agak benne' yodo' fariseo ka' katen' béngekle' dan' bchaḻjo'?
23756	MAT 16:15	Naž Jesusen' gože' ḻégake': —Cheẕe ḻe'e, ¿noẕ ẕnnale naka' neda'?
23779	MAT 17:10	Naž wnnábgekle benne' wsedle chie' ka' Ḻe', na' wnnágake': —¿Biẕ chen' ẕnnagak benne' yodo' wsedle ka' žon byene ḻa' ḻaw Lías zga'ale' kate' ḻa' ḻaw Benne' Criston'?
23788	MAT 17:19	Naž wbíga'gak benne' wsedle ka' che Jesusen' gan zoe' cheze. Wnnábgekle' Ḻe', na' wnnágake': —¿Biẕ chen' bi gok yebejto' neto' be' x̱iwen'?
23793	MAT 17:24	Kate' bžin Jesusen' ḻen benne' wsedle chie' ka' ḻo yež Kapernaum, benne' ka', benne' ẕchíẕjwgake' benách ka' lázgake' che yodo', bžíngake' gan zoa Bedw, na' wnnábgekle' ḻe', na' wnnágake': —¿Bi žiẕjw bennen' žsedle' ḻe'e laze' che yodo'?
23794	MAT 17:25	Bechebe Bedon', na' wnné': —O', žiẕjwe'. Kate' beyó'o Bedon' ḻo yo'o, naž Jesusen' ḻa' bḻižtie' ḻe', na' wnné': —¿Biẕ ẕnno' le', Smon? Benne' ka' ẕnna biá'gake' yežlyó nga, ¿noẕ benne' ka' ẕchíẕjwgake' da' žíẕjwgak benách ka'? ¿Ẕchíẕjwgake' benne' wláž chégake' ka' o benne' zi'to' ka'?
23797	MAT 18:1	Ḻa' ža na'ze benne' wsedle ka' che Jesusen' wbíga'gake' gan zoe'. Wnnábgekle' Ḻe', na' wnnágake': —¿Noẕ benne' ládjwto' gake' benne' blo gan ẕnna bia' Dios ya'abá chie'?
23808	MAT 18:12	’¿Biẕ ẕnnale ḻe'e? No benne', zej nnita' to gaywá' ẕila' chie' ka', na' cha' nitle toba', ¿bi wka'ne' tapḻalj to galjba' ka', na' cheje' gan nak ḻaw ya'a, chejdilje' ẕíla'don', bian' wnitlba'?
23817	MAT 18:21	Naž wbiga' Bedw gan zoa Jesusen'. Wnnable' Ḻe', na' wnné': —X̱an, ¿baḻ chi'i žaḻa' yenít ḻawa' che lježa', bennen' žone' chia' da' ẕia? ¿Gaže chi'i ka'?